كتب الكاتب الفاتح جبرا المتوفرة بمعرض الدوحة
|
بخيت وسعيد لأولاد جبل الحديد
|
الصديق الشيخ الطيب الشيخ الزبير و صفاء الزبير الشيخ محمد عثمان
بخيت وسعيد علي الصديق بيتاً قبلة للمساكين بخيت وسعيد عليك ياصفاء حراساً تلوب قارحين أبوكم أبوي عبد الباقي جبلاً ركّز البطاحين يبقالكم ضرا ووقاية من شر كل عارض وعين
كنت عشمانة أخوكا وولدي يكونوا أول الحاضرين يشيلوا معاك ساعة الواجبة يبقولك ضراعاً إيمين بي عزا عريض نتباهى فوق ساساً فديم ومتين حكم الغربة جار علي ناساً هم من أعدل الحاكمين
كنت بدور أشيل الجرتق أجرتق بيه أضوى جبين كنت بدور أشيل الفال وتتلقى الملايكة آمين كنت بدور قليبي الياما عاش فرق الأحبة سنين تملاه الفرحة تتطمح بيه يطير في أعلى عليين
حضرت المال باركت الشبكة والشيلة التكيل العين وجيت مع بنيتي للغربة ومعاي شوقاً كتير صادين مابنساها عبرة هالة وصوتا اللسه في الأذنين عاد ياعيوني أندبن حظي بالدمع الغزير وثخين
ليكم مني ألف سلام و قيدومة و عديلة و زين للضيفان للحبان للجنيات للبنوت وللشايبين يداول ربنا الأيام وباكر نمسي فرحانيين يمسح دمعنا العشاي نكون يوم فرحه مجتمعين
سمية الحسن محمد طلحة
|
|
|
|
|
|
|
|
Re: بخيت وسعيد لأولاد جبل الحديد (Re: سمية الحسن طلحة)
|
Quote: أبوكم أبوي عبد الباقي جبلاً ركّز البطاحين |
نسوق التحايا لجموع اّل الهابر جبل الحديد و عموم أهلنا البطاحين عبر مليكتهم
Quote: بخيت وسعيد علي الصديق بيتاً قبلة للمساكين بخيت وسعيد عليك ياصفاء حراساً تلوب قارحين
|
| |
|
|
|
|
|
|
Re: بخيت وسعيد لأولاد جبل الحديد (Re: الطيب شيقوق)
|
Quote: كنت بدور أشيل الجرتق أجرتق بيه أضوى جبين كنت بدور أشيل الفال وتتلقى الملايكة آمين كنت بدور قليبي الياما عاش فرق الأحبة سنين تملاه الفرحة تتطمح بيه يطير في أعلى عليين |
أولاً ألف مبروك وتهانينا لآل الشيخ الطيب الشيخ الزبير ثانياً ألف حمدالله على السلامة ريحان البطانة
غناك سمح يعز ويهز ويرز
تحياتي ومودتي
| |
|
|
|
|
|
|
Re: بخيت وسعيد لأولاد جبل الحديد (Re: الطيب شيقوق)
|
Quote: افو افو امانة ما اتلومت ومشيت عريان سااااااااااى الشي يادوب جيت تبارك الله يفكك من بت طلحة الليلة |
ريحانة البطانة قلبها الطيب يحوي كل غفلاتنا وزلاتنا بس انتَ كان تسوي الزين لكن الزين مو شبهك يا المسنوح
وصحيح زي ما قالوا اهلنا قاعد تدي الشتم نقرا وتدي النقارة عصا وتخلف
وتذكر دوام إنو التسوي كريت في القرض بتلقى في جلدا
العذر لزهرة الحسن ودطلحة مع أني قاطع الشك باليقين تب ماهي زولت لوم
الطيب مابعرف اللوم وبخلق لغيرو الأعذار
| |
|
|
|
|
|
|
Re: بخيت وسعيد لأولاد جبل الحديد (Re: خالد علي محجوب المنسي)
|
Quote: ريحانة البطانة قلبها الطيب يحوي كل غفلاتنا وزلاتنا بس انتَ كان تسوي الزين لكن الزين مو شبهك يا المسنوح
وصحيح زي ما قالوا اهلنا قاعد تدي الشتم نقرا وتدي النقارة عصا وتخلف
وتذكر دوام إنو التسوي كريت في القرض بتلقى في جلدا
العذر لزهرة الحسن ودطلحة مع أني قاطع الشك باليقين تب ماهي زولت لوم
الطيب مابعرف اللوم وبخلق لغيرو الأعذار |
الليلة كان ريحانة وكان سعدة وقعت آ الشوم حالفة ايدها ما تمدها ليك تجي تبارك بعد الناس كلهم يتفرتقوا يا سجم الرماد بطلاق خربت سمعتنا ومليت خشمنا طين طاااااااااااااب ونفضناك ده طرفنا منك
| |
|
|
|
|
|
|
Re: بخيت وسعيد لأولاد جبل الحديد (Re: سمية الحسن طلحة)
|
الاخت سميه حمد الله على سلامة الوصول والف الف مبروك للعرسان الخبر جميل ويفرح حد الدموع وخالة العروس آخر من يعلم مى محرية فيك يا بت طلحة.. نسمع متل البعاد فى النت لكن بخيت وسعيد وبيت مال وعيال ان شاء الله وصفوية تستاهل اكتر من كدة كان هى فى ما كان نستنا .. ربى يسعدها ان شاء الله تهانينا الحارة لكل الاهل وتهنئة خاصة لوالدها الزبيروبقية افراد الاسرة الكريمه
| |
|
|
|
|
|
|
Re: بخيت وسعيد لأولاد جبل الحديد (Re: soma)
|
Quote: بخيت وسعيد علي الصديق بيتاً قبلة للمساكين بخيت وسعيد عليك ياصفاء حراساً تلوب قارحين أبوكم أبوي عبد الباقي جبلاً ركّز البطاحين يبقالكم ضرا ووقاية من شر كل عارض وعين
كنت عشمانة أخوكا وولدي يكونوا أول الحاضرين يشيلوا معاك ساعة الواجبة يبقولك ضراعاً إيمين بي عزا عريض نتباهى فوق ساساً فديم ومتين حكم الغربة جار علي ناساً هم من أعدل الحاكمين
كنت بدور أشيل الجرتق أجرتق بيه أضوى جبين كنت بدور أشيل الفال وتتلقى الملايكة آمين كنت بدور قليبي الياما عاش فرق الأحبة سنين تملاه الفرحة تتطمح بيه يطير في أعلى عليين
حضرت المال باركت الشبكة والشيلة التكيل العين وجيت مع بنيتي للغربة ومعاي شوقاً كتير صادين مابنساها عبرة هالة وصوتا اللسه في الأذنين عاد ياعيوني أندبن حظي بالدمع الغزير وثخين
ليكم مني ألف سلام و قيدومة و عديلة و زين للضيفان للحبان للجنيات للبنوت وللشايبين يداول ربنا الأيام وباكر نمسي فرحانيين يمسح دمعنا العشاي نكون يوم فرحه مجتمعين |
أبشري يابت العزاز من جم .. كل التهاني والتبريكات لآل الشيخ الطيب .
| |
|
|
|
|
|
|
Re: بخيت وسعيد لأولاد جبل الحديد (Re: soma)
|
بت الجنيد كيفنك وحاة أبوي الشيخ الحسن الما أرخصه الموت ما بسألك ! يابت مالك ؟ كدي أقري الكلام الفوق دا كويس لكن مابلومك نحنا نلخبط الما بتلخبط بتشابه الأسماء والفال قال ...
سلام كتير للكل
| |
|
|
|
|
|
|
|