هلالابي بلون وطعم الزمن الجميل وعاشق ولهان للطرب النضيف والمزيكة البتنقرش من جووه حلق عندما حط برحاله ووجدانه الطاعم بيننا هنا بسيرة الليل في الاغاني السودانية فوهب المنبر حلما وليلا يغازل الليل... ثم تركنا قليلا ليحلق بسيرة الطيور في الغناء السوداني الطيور الراحلة عند شفق المغارب وسيرة طير الرهو وسيرة ذلك الطير الذي حثاه وردي في الطير المهاجر ذلك اللحن الخالد بان يسرع ويزيد في السرعة زييييييد....... اتهمه دوما بمقدرات الاعتقال خلف اللحن واختيارات الاغاني من محمد مسكين الي خضر بشير وما بينهما حديقة من الغناوي التي جلبها تيتاوي ذات ليل فادهشنا واسكرنا واطربنا
04-16-2008, 09:18 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
ومن ان فقنا من سيرة الليل والطير غاب ردهة من الزمن خلف زكريات الامتداد برفقة جميلا اخر هو الدكتور طارق جبريل حتي يعود الينا تيتاوي بسيرة اولاد قرف (عباس الكج وحنفية) وحكاوي من بطن الواقع والنبض السوداني عشنا معها وسرنا مع الكج وحنفية في زقاقات الفريق اللاتيني والهمنا تيتا حكي ودهشة..وهلال
04-16-2008, 11:35 PM
عامر تيتاوى عامر تيتاوى
تاريخ التسجيل: 01-14-2006
مجموع المشاركات: 3328
من جديد جيت تانى تكسر صمتى ياكيكى بجمال النفس الاصيلة والمحبة التى لاتعرف سوى ان تهب الغير معنى المودة الصادقة والروح الوثابة المعطاءة فقد غمرتنى باحساس جميل يقاوم هداة الليل ويثير صخب المشاعر الطيبة تجاه الناس والحياة شكرا لكرمك ياعبد الكريم الامين وانى مدين لك طبعا كده انا قلبتها دراما ولكننى وجدت نفسى اسيرا لكلماتك الطيبة ففاض يراعى بقليل من كثير الود الذى احفظه لك فى نفسى وما طيور الاغنيات الا دعوة للتحليق فى فضاءات الحرية اما الليل فهو الرفيق الذى نبث اليه همنا ونتداعى فيه لنشكو نهارات الصبر والعنت اليابسات
ياسلام ياكيكى على الطير المهاجر هذه الاغنية الملحمية كلمات والحان رهييييية وعجيبة
04-16-2008, 11:58 PM
بابكر التوم بابكر التوم
تاريخ التسجيل: 01-04-2008
مجموع المشاركات: 1580
Quote: وما طيور الاغنيات الا دعوة للتحليق فى فضاءات الحرية اما الليل فهو الرفيق الذى نبث اليه همنا ونتداعى فيه لنشكو نهارات الصبر والعنت اليابسات
هلا يا تيتا والف مرحب بيك وبسيرة الطيور والليل والاركلوجيا... فهذا قليل من كثير يا تيتاوي نرد به جمالكم ونثركم للدهشة بيننا هنا.... تعرف يا عامر في هذه الدنيا تلتقي باشخاص تحس بانك عشت معهم الف عام منذ تحليقات الروح في روما القديمة حيث النهر العذب وسيرة الوجدان الطاعم... وشكرا للهلال والليل وطيور الدهشة التي جلبت وجدانكم الينا وشكرا للكج وحنفية اصدقائي اصدقائك
04-17-2008, 02:15 AM
نهي محسن أبوراس نهي محسن أبوراس
تاريخ التسجيل: 04-02-2008
مجموع المشاركات: 488
أخوتي الأفاضل عبدالكريم وعامر كيفنكم ... ماأجملها من رحلة تلك التي سار فيها الطير المهاجر عابرا حاجز المسافات ومتجاوزا الحدود الضيقة إلي الآفاق الأرحب...
ربنا يديكم مليون مليون عافية
مودتي
04-17-2008, 10:55 AM
عامر تيتاوى عامر تيتاوى
تاريخ التسجيل: 01-14-2006
مجموع المشاركات: 3328
Quote: ماأجملها من رحلة تلك التي سار فيها الطير المهاجر عابرا حاجز المسافات ومتجاوزا الحدود الضيقة إلي الآفاق الأرحب...
هلا بالرائعة نهي محسن وفي ساحات الكرنفال التيتاوي سعيد ايضا بحضورك كضلع لا يستهان به من اضلاع ناثري الفن الجميل بيننا هنا وسيرة الدهشة في المزيكة الطاعمة التي تغسل الوجدان في هذا الزمن الصعب وحقا رحلة الطير المهاجر مدهشة وملهمة وتستحق المتابعة في ورديات ذلك الرجل الفنان الراقي المسمي وردي وكل الود والتحايا يا نهي
04-17-2008, 03:16 PM
غباشي غباشي
تاريخ التسجيل: 01-19-2007
مجموع المشاركات: 1729
و أنا أعلنه عليك ياكيكي فعامر لا يستحق إلا الحب و قد خُلق للحب عامر انسان جميل , مثقف, راقي , أنيق حتى في حديثه لا يكاد يكمل جملة إلا و معها ضحكتة التي الفتها عليه و التي يتميز بها أقول ذلك و أنا أكثركم معرفة به لك يا أجمل خال , تحيه و انت تنعم بحب كبير من أصدقائك , كيف لا و انت اهلٌ له و لك يا أجمل كيكي احني هامتي لوفاءك و معرفتك قدر الآخرين
04-17-2008, 11:10 PM
عامر تيتاوى عامر تيتاوى
تاريخ التسجيل: 01-14-2006
مجموع المشاركات: 3328
غباشى الحبيب مهندس الجمال الذى يتمدد فى مساحات القلوب
Quote: و أنا أعلنه عليك ياكيكي
هلا اشركتنى معك على هذا الكريم الامين فما احمله لهذا الانسان من محبة تفوق كثيرا ما يمكننى ان ابوح به وانا ياغباشى الحبيب لا ارى عيبا فى ( كسير التلج ) طالما انه ينبع من نية صافية وبلا غرض فمن لايشكر الناس لايشكر الله وكلماتك الجميلة قلادة شرف على صدرى ياهندسة حمدلا على سلامة العودة من بلاد العم سام جدا
04-18-2008, 05:40 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: فعامر لا يستحق إلا الحب و قد خُلق للحب عامر انسان جميل , مثقف, راقي , أنيق حتى في حديثه لا يكاد يكمل جملة إلا و معها ضحكتة التي الفتها عليه و التي يتميز بها أقول ذلك و أنا أكثركم معرفة به
هلا يا هندسة وفعلا هذا هو عامر بالضبط وله ولك كل التحايا والود وفعلا الود خال واجمل الاشياء انو الود والخال كلهم هلالاب كية في طلحة
04-17-2008, 06:04 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: وعاشق ولهان للطرب النضيف والمزيكة البتنقرش من جووه حلق عندما حط برحاله ووجدانه الطاعم بيننا هنا بسيرة الليل في الاغاني السودانية فوهب المنبر حلما وليلا يغازل الليل...
وفوق ذلك فلتيتا الجميل سحر الحضور وحميمية التلاقي وشفافية الدواخل ونباهة الفكرة وبداهة الطرفة ورصانة الحكي .. التقيته ذات مساء ضمن كوكبة من أتراب المهنة وسدنة الكلمة جمعتهم بطولة الخليج في نسختها ال18 بالعاصمة الإماراتية (أبو ظبي ) فادهشني بعنفوان ترحابه وبشاشة خلقه ودماثة اخلاقه , وفورا حلق بي علي بساط من الذكريات العتيقة حيث كانت للأسمار طعمها وللأحاديث أشجانها وللطرائف بريقها وظرفها,قبل أن يمطرني بسيل من التساؤلات والإستفسارات عن أصدقاء الأيام الخوال حيث تلتقي نهارات الرهق والأرق بمساءآت الأنس والألق والتلاقي الودود وكان يتنقل بين سيرتهم مستصحبا تداعيات مؤطرة بالنكات والنوادر والحكايا. لقد إكتشفت إن لتيتا دواخل معتمرة بالرقة والشاعرية فلا عجب إن إنساب في البورد بالق الغناء وبوح القوافي المموسقة فله ولك من المشاعر الطفهاومن الود أجله.
Quote: هلالابي
هذا هي الصفة الوحيدة التى تصرخ بالتناقض والشذوذ من بين مزايا تيتاالمؤتلقة.
04-17-2008, 11:21 PM
عامر تيتاوى عامر تيتاوى
تاريخ التسجيل: 01-14-2006
مجموع المشاركات: 3328
طلحة عبد الله مااجمل ان نحمل لبعضنا هذه الاحاسيس الطيبة وان نبوح بها فهذا ليس عيبا هل تدرى ياطلحة كم اسعدتمونى فى يومى هذا فما حصلت عليه اليوم من دفعة معنوية هائلة ونظرة متفائلة للحياة يفوق الوصف فما اجمل ان تشعر بان هناك من يحبك فالكلمة الطيبة صدقة وهاانتم تهبونى الكثير الذى ربما لا استحقه ولكنه كرمكم ودواخلكم النقية وحبكم للاخرين وهذا هو اساس الحياة شكرا ياطلحة على كلماتك الجميلة الرائعة والتى تنم عن انسان ودود ومحب يشرفنى ان اكون جميلا فى عينيه
Quote: هلالابي
هذا هي الصفة الوحيدة التى تصرخ بالتناقض والشذوذ من بين مزايا تيتاالمؤتلقة.
بركاوى ينفع
04-18-2008, 07:08 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: هذا هي الصفة الوحيدة التى تصرخ بالتناقض والشذوذ من بين مزايا تيتاالمؤتلقة
هلا وحباب الصهيانة ويا طلحة تيتاوي ده لو كان ما هلالابي حرم اسوق كومر من البوليس القطري (وما ادراك ما البوليس القطري)ونبقيهو هلالابي بالقوة وتسلم يا بسكويت بركة
04-18-2008, 08:22 AM
ALGARADABI ALGARADABI
تاريخ التسجيل: 12-30-2004
مجموع المشاركات: 5236
اعلان متأخر يا كيكي فهذا الولد الرائع: نحبو من نشاة الطفولة
وليس وحده بهذه الروعة فالبيت الرائع ( ذو المسطبة الأشهر في السودان) كلو من هذه النمونة الرائعة صلاح كمال عامر كلهم قلوب صافية كذا الحليب ودائما في قلوبهم ومسطبتهم متسع للجميع يعميني مما قمتا ماشفتا واحد فيهم عامل شكلة في زمن كان فيهو الشكل ثقافة عامة أول ماتلاقيك منهم الابتسامة وهي آخر ما يودعونك بة
أولاد عمنا محمد عبدالرحيم (المحامي و موثق العقود) لهم السلام و المحبة
04-18-2008, 09:22 AM
بكرى الخليفة الكتيابى بكرى الخليفة الكتيابى
تاريخ التسجيل: 03-03-2008
مجموع المشاركات: 284
Quote: اعلان متأخر يا كيكي فهذا الولد الرائع: نحبو من نشاة الطفولة
وليس وحده بهذه الروعة فالبيت الرائع ( ذو المسطبة الأشهر في السودان) كلو من هذه النمونة الرائعة صلاح كمال عامر كلهم قلوب صافية كذا الحليب ودائما في قلوبهم ومسطبتهم متسع للجميع يعميني مما قمتا ماشفتا واحد فيهم عامل شكلة في زمن كان فيهو الشكل ثقافة عامة أول ماتلاقيك منهم الابتسامة وهي آخر ما يودعونك بة
أولاد عمنا محمد عبدالرحيم (المحامي و موثق العقود) لهم السلام و المحبة
04-18-2008, 09:24 AM
بكرى الخليفة الكتيابى بكرى الخليفة الكتيابى
تاريخ التسجيل: 03-03-2008
مجموع المشاركات: 284
هلا يا القرضابي وكل التحايا والود واحنا عاوزين نجي ورا ونحجز الضرا وسوف نتمدد في الامتداد الجميل ده حبة حبة وشوف لينا بيت ناصية بس بالله ختونا منزل رقم 5 مربع 7
04-21-2008, 11:54 PM
عامر تيتاوى عامر تيتاوى
تاريخ التسجيل: 01-14-2006
مجموع المشاركات: 3328
القردابى مثال المحبة والعشرة السمحة والاخلاق النبيلة والسيرة الحلوة شهادتك مجروحة لانك واحد مننا وفينا واعلان كيكى ده والله رد فينى الروح وخلى الواحد ينعنش شكرا كتيرا اخوى الكبيرعمر الحبوب
04-22-2008, 11:31 AM
عامر تيتاوى عامر تيتاوى
تاريخ التسجيل: 01-14-2006
مجموع المشاركات: 3328
عامر تيتاوي من الطيور الجميلة التى تسللت الى اجواء المغرب الأقصى
وتنقل بين رحاب مدنها العتيقة ..من وجدة الى الرباط الى الدار البيضاء مرورا بفاس التي ماوراها ناس تأسفت لأن الزمن والعمر كان قد سبقني ورحلت من المغرب قبل ان استنشق عبير المحبة والزمالة مع تيتاوي لكنه ساكن في الوجدان ..كأن به جاورني في مدينة فاس العتيقة..تمنياتنا له بطول العمر
04-21-2008, 04:14 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: من الطيور الجميلة التى تسللت الى اجواء المغرب الأقصى
مرحب اخي عمر وحبابك في ساحات تيتاوي وبذكر سيرة المغرب الاقصي اوكد علي ن الفتية الذين حلقوا في تلك المدارت المغربية ووهج الاطلسي اكتشفت لاحقا بانهم اروع الناس واكثرهم موهبة ودهشة ولطف لهم ولك ولتيتاوي كل الود
لك التحية و صدقت فى كل ما ذكرت رغما عن عدم معرفتى بالاخ عامر الا من خلال بوستاته الجميلة التى يثرى بها هذا البورد..فلقد استطاع دايما ان يجذبنا و بشدة الى ما يقدمه هنا.. فانا اعتبره احد النوارس الزرقاء الذى دايما ما يكون حاضرا فى بااحات الجمال..
لكما التحية..
04-18-2008, 11:18 PM
محمد خليل ساني محمد خليل ساني
تاريخ التسجيل: 03-25-2008
مجموع المشاركات: 5997
أمسية رمضانية من العام الماضي ، بعد منتصف الليل ، وعادة الدوحة تنام قبل الخرطوم ، وكنت قادما من الرياض حيث ينام الناس بعد صلاة الفجر .
جلست إليه بمكتبه نتذكر ايام مضت ، حيث لم تكن لي إلا تلك السويعات بالدوحة ، فطاف بنا الخيال إلى الرياض ومنها عرجنا إلى الإمتداد، ووجدنا نفسنا دون نحس بالزمن قد جلسنا قرابة الثلاث ساعات لم نفق إلا بعد إتصال مرافقي يلحون بانهم لن يجدوا مكانا للسحور .
عامر وكل اسرته الكريمة لهم نفس الخصال وقد تكون شهادتنا فيهم مجروحة لكن تلك هي الحقيقة المجردة ، وسنجد غير أبناء الإمتداد ممن يتداخلون معكم في هذا البوست .
الشكر لكم اخي عبدالكريم .
أكيد التقدير والإحترام
عبدالحليم حامد
04-19-2008, 01:12 PM
صديق حمدتو صديق حمدتو
تاريخ التسجيل: 03-19-2006
مجموع المشاركات: 451
التحية لك يا كرومة يا غالي وكلنا يبادلك الحب ويكفي أننا ألتقينا لأول مرة في صالون الغناء السوداني الذي فرشه عامر بفاخر الرياش استقبالا لاحبائه وزرنا معا الحي اللاتيني حيث يسكن الكج وحنفية والقرد
رغم جمال هذا الإعلان وقوته وصدقه ولكن لن نقول لك كفيت ووفيت - فأنت يا كرومة لم تجالس عامر تيتاوي ساعة العصارى ولم تسامره في آواخر الليل ولم تستمتع بنكهة الأختلاف معه ولم تذق طعم السعادة حينما تكتشف أن رأيك يطابق فكرته.
قال غباشي
Quote: لا يكاد يكمل جملة إلا و معها ضحكتة التي الفتها عليه و التي يتميز بها أقول ذلك و أنا أكثركم معرفة به
ونقول لك يا غباشي كلا ثم كلا حتى ولو كان عامر خالك!! فأنت لم تعرف عامر كما عرفناه وأسأله وهو يجيبك
غايتو يا كيكي أنا لو في لحظة كده جنيت وتعاطفت مع الهلال!!!!!!!!!!!! - فده بكون عشان خاطر عامر تيتاوي
04-19-2008, 07:47 PM
محمد عبد القادر محمد عبد القادر
تاريخ التسجيل: 06-23-2007
مجموع المشاركات: 800
يا سلام يا كيكي انتو من متين معلنين الحرب على هذا الانسان الجميل ساتطوع فى هذه الحملة يا عزيزي لانني مكتول بحب هذا الرائع الشفيف تيتا اخونا وحبيبنا وصديقنا وبلسم جراحاتنا وهادي طريقنا فى ظلمة الحياة التى لاترحم.. هل تعلم يا كيكي ان هذا الرجل ثروة قومية فهو نموذج للانسان الجميل، تسكنه الطيبة ويظلله الحنين ويحتشد بالمشاعر الجميلة وحب الخير والناس.. كدى خليها قصة هلالابي دي فعامر تيتاوي فنان متكامل ومثقف رائع ومواكب وهو بارع فى الاحتفاء بكل ماهو جميل نغم كان ام احساس اوحتى فريق كورة عامر سوداني كامل الالق.. اعايشه فى اجازات السودان بالجلالبية الماخمج والطاقية يلون مساءاتنا بالانحياز الاصيل لاشواق التراب والبلد ويجمل صباحاتنا بالوقوف على اطلال الذكريات العزيزة وحاضر التواصل الجميل.. عامر تيتاوي يتمتع بحكمة الشيوخ ويحمل قلب رضيع طقسه الداخلى معتدل فى كل الظروف يميزه هدوء استثنائي.. الزول دة مدوزن بي الايمان وحافل بمعاني انسانية اندثرت.. ومليان بالخير لى كل الناس ومسكون بي حب البلد ومكتول فى الامتداد وشوارع الخرطوم ومحتشد روعة وانسانية وحضور فى ذاكرة كل الناس واشهد الله انني عايشته لعامين فى دوحة الجميع ولم اره الا مبتسما ولم ابارح مجلسه الا باضافة او التقاط لحن شارد او حكمة ضالة او كلمة حبيبة.. كنت اقصده حينما تستبد بي وحشة الغربة و(حاجات تانية) فاجده ملاذاامنا يهدئ رعشةالايام باريحيته المحببة.. وعلى الرغم من قرابة العشرين سنة قضاها عامر غربة مابين الدراسة فى المغرب والعمل بالدوحة الا انه مازال سودانيا طازجا ملما بالجديد فى دفاتر الشعر وعالم الكاسيت وشباك الفنانين وتشكيلة الهلال واسماء الاكلات والرقصات والمطاعم والمكتبات الجديدة عامر مؤسسة انسانية متحركة ياكيكي... متعه الله بالصحة والعافية وربنا يحفظو لى محمد وعشعوشة ولينا كلنا وسلمت يا كيكي
تعرف حاولت افرّغ كل اللوحات الجميلة والتحف النادرة القاعدة جواي ومرسومة بي ريشة الزول السمح ده ومنحوته بي ازميلو وجبت معاها لوحاتو وابداعاتو المنتشرة في دواخل كل الناس وجيت عشان اعلقها في جدران معرضك الراااااااااائع ده .. لكن لقيت نفسي ببااااااااااااااااااااالغ في الانتقاص من قدره .. لذلك آثرت التريّث !
ومرات اقول ياخي الانتقاص ده يمكن يكون عشان ....................................................هلالابي!!
04-21-2008, 07:20 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
سلامات وعوافي كيشن وقبيلة المحبين .. اما تيتاوي فيا كيكي"الزول فردة لامن غلط والعبدلله كان معاهو قبل شوية في مشوار الكراع بالكراع" ..يعني في الحب دا ممكن اداوسك عادي "عامر صاحبي ياخي انت مالك معاي بترازيني في جماعتي البحبهم" .. عامر انسان بسيط في تعاملوا مع كل حاجاتو رقيق وشفاف مهذب وانيق وذوق وبعدين عندو قفشات كدة حقتو برااااهو .. يعني لو ما بعرفو بقول "سطلنجي" بيديك النكتة زي كباية موية بعد مشوار من استاد الخرطوم لي ابوجنيز كداري .. عامر لطيف وحبوب .. والله تقعد معاهو تقول بس الزول دا لو لقيت فيهو طريقة اشربوا كلو كدة وما اخلي فوقو الحبة .. وزي ما قال اخونا وحبيبنا محمد عبدالقادر "تيتا مؤسسة" .. واجمل ما في تيتاوي "انو هـــــــــــــــــــــــلابي" .. ياكيكي .. الزول دا ابعد منو عشان ما الفها معاك ..
04-22-2008, 10:49 AM
Mohammed Ibrahim Othman Mohammed Ibrahim Othman
تاريخ التسجيل: 07-21-2007
مجموع المشاركات: 3953
استاذ عامر تيتاوي تحياتنا وحبنا لك... ولود الهندسة الحبيب كيكي .. بس عيبكم هلالاب ... لو اتزينتو بالاحمر والاصفر كنتم حاجة تانية ... بس صحيح ما في انسان كامل...
04-22-2008, 12:56 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالكريم الامين احمد
عامر تيتاوى
بابكر التوم
نهي محسن أبوراس
غباشي
طلحة عبدالله
ALGARADABI
بكرى الخليفة الكتيابى
omer abdelsalam
عماد شمت
محمد خليل ساني
صديق حمدتو
محمد عبد القادر
امير عوض الجمري
عبدالله كع
محمد عبد الماجد الصايم
طارق جبريل
Ashraf El Bagir
ودرملية
Mohammed Ibrahim Othman
khaleel
فيس بوك
تويتر
انستقرام
يوتيوب
بنتيريست