كتب الكاتب الفاتح جبرا المتوفرة بمعرض الدوحة
|
|
 الفاشر السلطان .... دعوة للتلاقى
|
مدينة الفاشر ... عروس المدائن فى غربنا الحبيب
دعوة لكل ابنائها للتلاقى
فالنبدء المسيرعلى رمالها الدافئة من سوق حجر قدو
الى متحف قصر السلطان على دينار
|
|
 
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
سلامات يا زميلنا محمد
الفاشر مدينتي التي تفتحت فيها..ولدت في قشلاق البوليس
ودرست فيها الغربية الابتدائية وحتى المتوسطة في السلمابي
ثم غادرتها إلى أمدرمان..سأعود إليك بوفرة،
وشكرا لك على هذا البوست التوثيقي وأتمنى أن ندعمه بالصور.
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
ياخواني لينا زمان
من فاشر السلطان
الأخ الأستاذ/ محمد
كل التحاي وأنت تفرد هذه المساحة لهذه المدينة التي تعبق بالتاريخ الأصيل
الفاشر هذه المدينة الوادعة التي تنام على رمال الصحراء ...
لم أزرها منذ العام 1998 ولكنها تبقى أبداً مدينتي الأولى ...
والذكريات فيها تطول وتطول...
ومعك نمضي في هذا الدرب
ويلا بسم الله نبدا المشوار
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: نهلة محكر)
|
العزيزة
نهلة
كل التحايا
لاتزال مدينتا بذات العبق الساحر و التواصل الحميم, رغم الجور عليها عمدا
وعشان طولتى الغيبة خلينا نبدأ من شارع الزيادية وال محكر و محطة الترانس
و طبعا ما حننسى لفة الطاحونة ...
حبابك تانى
ويلا نبدأ
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: مجدى محمد مصطفى)
|
الاخ مجدى
تحيات نواضر
سيظل عبد النور علامة فى وجدان هذه المدينة
فحيمنا تراهلا ترتفع فى عينيك الوان الحصادفهو كان ينزل الى المدينة من منتجعه الخاص
ممسكا بلافته على يديه مفادها النظافة من الايمان
فهو عاشق للخضرة ورائد من رواد حماية البيئة و المحافظة على الاشجار
تراه فى بذتهباللون الاخصر ليس انحيازا للموسسة العسكرية لكنها دعوة لدور اكبر لحماية البيئة
فقد ظل سلطان للزمان وصديق للبيئة
شكرا يامجدى .. و ايقى قدام
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
الاستاذ
صلاح
سلامات و الله سعدت جدا لهذا المرور
قشلاق البوليس لا يزال يحمل بعض العبق حيث اولاد القشلاق اللعابين فى كورة القدم
ونادى الشرطة محل المسرح و ميدان الباسكت بول
و طبعا أكيد كنت بتمشى من القشلاق الى السلمابى بالوادى يعنى ذى ما بنقول بتحت
تحياتى و
- والصور جاية...
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد المبارك ابراهيم)
|
الاخ محمد بدوي
السلام عليكم و حرمة الله و بركاته
ما رايكم لو نبدا بتكوين بورداب الفاشر بسودانيز اون لاين
ثم من بعد يبدا نفير التعريف بمدينتنا
كل ذلك سيتم في هذا البوست لذلك ارفعوا البوست ما استطعتم عاليا
من ابناء المدينة بالمنبر
1/ حامد حجر
2/ ابراهيم بقال
3/ الصادق ضرار
4/ عواطف البت الجريدة
5/
تحياتي
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: الصادق ضرار)
|
Quote: من ابناء المدينة بالمنبر
1/ حامد حجر
2/ ابراهيم بقال
3/ الصادق ضرار
4/ عواطف البت الجريدة
5/ |
الزميل الصادق ضرار
أفو..أفو
ياخوي كيفن تهمشني كدي..أنا صرة حبوباتي مدفونة في الفاشر..وكمان صرتي..ودرست فيها الغربية والسلمابي
وحفيت اقدامي إلى مكتبة الطالب والمعلم ومكتبة حامد وقاضي مليط ونتم قرايتنا بالمجمع الثقافي ومسرحو..ياخوي أنا ود القشلاق
والرديف وأهلي متناثرين في كل حي بالفاشر، حيث في كل زاوية عندنا مؤذ..والوالدة ـ الله يمد في عمرها ـ لا تزال هناك..مع تحياتي والحمد لله عرفتك من اولاد الفاشر يا ود ناس ضرار..
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: الصادق ضرار)
|
العزيز
محمد المبارك .. البروف
انها الفاشر تسكن فى دمائنا ..
غربا من حى اولادالريف الى امتداد البصر شرقاحى المصانع
مرورا بسوق حجر قدو ... وشارع السلالم .. الى حى الطريفية لنقول الف مبروك للعروسة زوبا
مليون مبروك
بيت مال وعيال
وجايين الفرح بس ما تنسو الحفلة لازم تبدا بدرى ...
ما انتو عارفين ظروف البلد اليومين دى
مبروووك تانى يا وجيه
و الصور جاية بشارع الاربعين ..
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
استاذنا
صلاح شعيب
حاشاك
الفاشر بيك وبالكل
و على ذكر المكتبات اكيد بتتذكر استاذ الاجيال صديق محمد البشير صاحب مكتبة الجماهير
وقصته المشهورة حينما حصب بالحجارة و حرقت مكتبته فى اكتوبر 64 بتحريض من بعض دعاه الهوس الدينى حينما تحدث باسم الحرب الشيوعى
عاد فى زيارة الى الفاشر
وتمت كريمه من نفر عزيز من سكان المدينةبوصفه رائد التنوير و المعرفة فى دارفور
بل قام بعض الحضور من الذين شاركو فى ماساة حرق المكتبة بتقديم اعتذارات
و اضافو بانهم كانوا يفع حينها و انساقوا خلف شعارات المهوسيين
انها الفاشر...نسيج من التسامح .. و المودة
التجلة لرائد المعرفة و التنوير صديق محمد البشير
و ابقوا قدام .. استاذنا صلاح والاخ الصادق . جيدا جيتوا
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
الحميم محمد بدوي
المدينة هي رمل خطواتنا، جلساتنا في قهوة البنابر عصراً أو على سور البحيرة .
كانت الفاشر معبري لكل المدن ، منذ السنوات الاولى حتى الخروج النهايئ ... والحديث عنها يطول .. آخر مرة تركت فيها عصراً لو تذكر . كم أشتهي مدننا وهي تمد لك كف التاريخ في كل زقاق ـ قريباً سنكون هناك ، هناك يا صديقي وسلم على نكروما ، وعلى الفاشر وعلى حاج ابو زيد وعلى كل معالم المدينة ... إلى ان نلتقي.
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: ابنوس)
|
صديقى
ابنوس...
هى الاشواق .. تفج الرملة وتصل لحد الخاطر
كما تركتها يا صديقى تقوت على جور الزمان ولا تزال تعانق حاضرها المشرأب
قهوة البنابر امتدت اليها العمران لكن احتضنت قهوة شوبا كل الرواد و لا زال الوصل يمتد حينما يهاتفك احد الاصدقاء ليكون المودع
قهوة شوبا
و سور البحيرة اصبح يحاذى مسار طلاب الجامعة الى موقف المواصلات فامتلا باناقة طلابية دون ربطة عنق
حبابك ابنوس
وسيل الذكريات وصل و الفاشر لا تزال تنام فوق تل
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
العزيز .. صلاح ود شعيب
ياعزيزى لا تزعج وخت الرحمن في قلبك احتمال تكون الخامس علي القائمة
والبقية الذينا ديل نجري نفتش لينا اقامة .. ما بلد بترول وكده ..
من كان يا صديقي علم في رأسه نار لا يحتاج لتعريف الذات ..
......
حلفتنا بعض الصدف الجميلة التائهين عنها دائمًا لنلتقي .. لنبقي ..
انا هنا باقون ... وفكرة المغادرة النهائية لا تشبه قدرتنا علي العمل
لايجاد الواقع الافضل .. لن ينوب منا أحد عن أحد .. اختر مكانك واحترق ..
....
الفاشر مدينة المتناقضات هذه ميزتها .. سنبني ما نريد .. كيف ما نريد ..
ولن يردعنا سوي حصولنا علي ما نريد ..
....
جاذبة حجر قدو .. بتجونا بتجونا .. وأبنتلاقوا بس ما يفرقونا من لبـ ....
سنتدير كثيرًا من الحوارات عندها .. والفكرة أقرب ما تكون للحقيقة عندما
تتغدد رغباتنا وعواطفنا ..
أها متين ...
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
التحية ليك يا بدوي
ود المبارك سلامات والف مبروك متاخر لكن ؟
فاشر السلطان هاك نشيدي خلوة القران يا مسيدي
الفاشر العز والحضارة نروي ارضك بي هوانا
انت امنا وين نسيبل بي حنانك ارتوينا
اصلي بعشق في الغرب رمل البيوت
الفاشر الام البتحضن في الاسي وترجع تقوم
بحبك يالفاشر
الفاشر هي تلك المدينة المشهورة (باليل باريس وفي النهار تضاريس ) ولا اعرف بماذا ابدا هل بسكانها الذين تعجز الثمانية وعشرين حرفا ان تكفيهم اما بمواقف ابطالها / ونسائها اللائي سطرنا اعظم المواقف ابدا بالحبوبة
الا رحمها الله جدتي والدة امي ومدرستي الاولي
حبوبة ومركز معلومات حدثتني عن كيف اجعل الجميع يلتفون من حولي وقالت لي
قدر انت عايش في دنيا دي ما تدي زول كلام شين وكلام شين بقعد لسيدو شين
واسمع نوريك تاني كل شوكاي بسلوا بدربوا فهمتي ولا نفسري ليك
كان هذا الدرس الاول من جدتي وهي حكيمة تتعامل مع الامور بحنكة واحبها جدا
رحلة الكول
في العام 1999 رافقتها الي رحلة الكول في احد الويان التي عجزت والله تماما عن وصفها خلونا في الكول الوادي يقع بالقرب من سجن شالا كل ما اتذكره اننا ممرننا بالسجن وكان معانا حمار واحد كنت اسير مرة وحبوبة تركب مرة
بعد ساعتين وصلنا الوادي الله انا من الخضرة قراة حكاية الغابة والاميرة قصص اطفال هي نفس الغابة التي وصفها الكاتب الطيور والاشجار المتشابكة والبرك عيني لا تصدق ما تراه وبدانا في خرط الكول كانت هي المرة الاولي لي فامت جدتي بوصف الطريقة نصو عربي والباقي رطانة وهذة الشجيرة لاتقطع سيقانها بل يتم اخذ الاوراق فقط
والسحب تنذر بامطار قادمة واسترحنا في تحت شجرة القضيم وكانت تحمل لي حبوبة بعض اللبن و(الخميس طويرة ) ما احلاها
وفي العودة بدات الامطار تهطل كنت مستمتعة جدا بالجو
اسفي علي الحرب اللعينة
لقد ازالت الحكومة الوادي والغابة بحجة ان المتمردين يختبئون فيها لعنهم الله
واسفي علي اني لم اراها مرة اخره
اني فتا لمن نلاقوا فجر
عواطف
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
الفاشر الكبير يا احبتي ينام فوق تل
اظن عالم عباس قد ابدع في هذا الوصف.
كنا نسميها (المدينة الام).
اهل الفاشر يتميزون بالطيبة وكان تجارها يشتهرون بانهم
لا يفتحون دكاكينهم الا بعد ان يمروا على الاحياء للعزاء او
المشاركة في الافراح.
طبعا هم بيعتبرونا ( ناس نيالا) لحم رأس.
اول مدينة تحرق العلم الانجليزي و الاستعمار في اوجه كانت مدينة الفاشر.
طبعا كتب تاريخ السودان لا تذكر مثل هذه البطولات.
تحياتي لابناء الفاشر بالمنبر واتمنى ان يتواصلوا
** الاخ محمد
هل انت ابن الاستاذ المربي بدوي محمد بدوي ؟؟؟
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: Zoal Wahid)
|
الفاشر هي ام المدائن
والشوارع التي تبين معالمها
شارع الجامعة بامانة الحكومة -وزارة المالية والصحة والزراعة والقيادة العامة وزارة التربية وزارة الاسكان والمرافق العامة اقشلاق الجيش يمر علي اليمين مطار الفاشر وعلي الشمال استاد الفاشر ومقر الاتحاد الافريقي يتفرع منه الي اليمين حي ابوشوك
شارع خورسيال الي يمر بمدرسة الفاشر الثانوية النموذجية للبنات وعند خمس بيوت (سميت بهذ ا لانها كانت مبنية بالطوب
الاحمر ذلك الزمن لايوجد مثلها وهي بيوت للموظفين ) يتفرع الطريق ليمر بحي التجانية والتضامن وعند بقالة ود الياس ايضا يتفرع الطريق الي اليمين الي خورسيال والي الامام الي الثورة شمال
شارع المواشي والذي يمر بالخير خنقة ورئاسة شرطة ولاية شمال دارفور مرورا بسوق شباب النيل وام دفسوا يتفرع ايضا ليمر احدهم بالاتحاد والاخر بحي الوادي
شارع الزيادية - الخنساء - موقف مليط - يمر بحي الزيادية ومدرسة المنار والشمالية البرا
كملوا معي باقي الشوارع والمعالم
راجعة تاني
عواطف
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
العزيزة
عواطف
سلامات يارايعة والله افتقدناك كتير و افتقدنا نشوف جريدة الرحيل ان شاء الله المانع خير؟
شكرا على هذا السرد و كنت دايرك تجى الوادى بالشارع التانى ما بتاع سجن شالا عشان الناس ما تخاف من مدينتا بالرغم من انو الشموليات
ارغمت كل الشرفاء من وطنى فبل ما يزورو المدينة توديهم شالا الاول
ولو بتذكرى مقولة الظريف عليه الرحمة عزالدين وهم لما يقول :لو قلنا نعم عشنا وهم ولو قلنا لا حنمشى شالا
واصلى الحكى ....
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
العزيز
زول واحد
لا تزال الفاشر الكبير يا صديقى تنام فوق تل
لكنا لا نزال نبحث عن دينار يلوج فى الدجى ؟
لا تزال الفاشر تمارس طقسها الاجتماعى المميز تصالح مع الواقع وايقاع خاص
الجميع يمدون يد المساعدة ويقفون عند النوائب و الافراح فالدنيا لازلت بخير و المدنية لم تكسبها الا اناقة التعامل و حسن المعشر
فهى يا عزيزى بالرغم من انها شكلت ملاحم فى تاريخ الحركة الوطنية الا انها لم تنال حقها فى تاريخ السوان ساعمل و اناشد الجميع لابراز
هذا الدور لنحفظ هذا التاريخ المسقط عمدا من ذاكرة الوطن
فرواد الحركة الوطنية لا يزال بعضهم على قيد الحياه-اطال الله اعمارهم -و هم ناضلوا من اجل استقلال هذا الجزء العزيز من السودان
و ساورد اسماءهم بشل مفصل هنا
و ناس نيالا هم امتدادنا و ان تناكفنا فهى تمايزات المدنيةتلقى بظلالها لكن يظل جوهره الود
و تفبل تحيات الوالد
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
سلامات لكل بورداب ابوزكريا
محمد بدوي
حبابك الف الرحيل اختفت لظروف اكاديمية ولكن تقراءها انت وكل من يسئل الشهر القادم ونعتذر للانقطاع ولكن وعدا بالتواصل
ونواصل
شارع اولاد الريف الذي يقابل في الخرطوم شارع النيل ولكن اجمل منه حقيقة ويمر بديوان الزكاة والهيئية القومية لمياه الفاشر وقبل ان تصل نهاية المحطة تقابل الجناين ويالروعة اشجار الحراز وهي تعانق السحاب وجنب الجناين سوق المنقة وفي الخريف تتميز هذه المنطقة بنعيق الضفادع
سمعت انو في شركة بتطالب باقامة فندق علي ضفاف اولاد الريف بالضبط مكان قصر الضيافة
وناس الشركة خاطبو الوالي مباشر عشان يصدق ليهم بقطعة ارض ويعتبر ضمن مشاريع الاعمار والتنمية في الولاية (رايك شنو خمس نجوم جنب البحيرة )
عاشة ام دلاقين وحوايتين وزليخة في المرة الجاية
وراي1 دا كم سدو
من وين تفوت تمر ق
تراي2 حجر قدوا
مطرة كم شقشقت تقدر تلقي
وموية كان دفقت تقدر تخمي
وقناقنا3 كم كوركت بدوري تتبتبي
ودي
عواطف
ـــــــــــــــــــ
1- الباب
2- تنظر او تشوف
3- الطفل الصغير
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
21 أكتوبر 64 شهد السودان ثورة غيرت وجهه
استشهد في الفاشر عدد من المواطنين و جرح عدد اخر ابان المظاهرات العارمة
التي اجتاحت المدينة وقتها
اتذكر اسم الشهيد (علي الزين) لانه كان والد زميلي(محمد) يرحمه الله
طبعا السودان لا يعرف غير القرشي
هيا وثقوا يا ابناء الفاشر تلك المرحلة !!!!!
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
الفين سلام يا محمد وكل الشباب
كل الحب لمدينتنا الجميله
التي تسكننا في حلنا وترحالنا
رغم مرور السنوات فهي في البال والخاطر
حي تمباسي ومكركه وحي القاضي وبرنجيه
يا الله يا محمد البدوي هزيت كوم الزكريات
شنو اخبار دارفور الثانويه ؟؟؟؟؟
ومرحبتين اخونا صلاح شعيب رفيق السلمابي شنو اخبار اسيل والاسره ؟؟؟
ونلتقي قريبا وخاصة بموضوع مكتبه الجماهير الثقافيه
والخال صديق محمد البشير
ابوكيفو
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
العزيزة
عواطف
شكراعلى هذه السياحة و الطريق يمتد من السوق الكبير(من حجر قدو ) و خلينا المره دى نشوف الشارع الطالع من السوق مرورا بحى اولاد الريف الى سوق المواشى
فهو بعبر بعالى السينما التى هجرت و اصبحت نسيا منسيا و لعلى اذكر الفنيين الذين كانت لهم بصمات فى ادارة السينما وهم العم بابكر الطيب بدوى و صالح تمساح ,هنو و غيرهم ممن فات على ذكرهم فهى كانت متنفس للجميع و غنى على مسرحها الاستاذ محمد وردىو لا زلت اذكر اغنية نور العين حينما شدا بها والمبدع زيدان ابراهيم و الاستاذ كمال كيلا وفرقته لصالح تشيد نادى النهضة بحى كفوت و الفانة حنان بلوبلو و هى تغنى (يا ناس ود الغرب )وغيرهم من المبدعيين فى بلادى فى شكلت حلقة وصل للوجدان السودانى
و يظل الشارع يعبر الى لفة البيطرى والاشغال (الشئون الهندسية حاليا)الى ان يعبر بيوت الموظفين ذات اللون الاصفرالى مشارف حى اولاد الريف الذى ينحدر سكانه من صعيد مصر و الان قد انصهروا مع المجموعات السكانية الاخرى فهنالك ال نوفل و بئر نوفل الذى سد رمق المدينة حينما اشتد العطش فكان موردا لاهل الفاشر للشرب و فى الجزء الغربى تلمح محطة الكهرباء التى ادمن صوت وابوراتها سكان اولاد الريف فاصبح هدير الماكينات جزء من المزاج العام
و من سكان الحى ال البنجاوى و ال شريف و ال نوفل و ال بحر الدين احفاد السلطان على دينار و ال عبدالعال و غيرهم من الاسر العريقة بالحى
و قد برع اهلها قديما فى حرفة المعمار و ساهموا فى تشيد العديد من الدور و متحف السلطان على دينار كما اهتمو بزراعة الخصر و لايزالوا حتى اليوم يمارسونها على ضفاف الوادى (رهد الفاشر )و يرفدون المدينة بها بشكل راتب
كذلك من معالم المنتزه الذى صار جدبابفعل الاهمال الان فهو كان ملتقى اجتماعيا و كذلك فريق الاتحاد الذى كان ندا للهلال و المريخ و لعب له معظم ابناؤ الحى و على سبيل المثال فيصل تندل لاعبا و مدربا و ازهرى الريشة و امين حلب و صالح حلب الاشقاء ابناء ادم احمد موسى و غيرهم و الان الشارع يعبر بنا الى نهاية الحى حيث يطل سوق المواشى من الناحية الجنوبية
ونواصل
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
العزبز جدا
زول واحد
شكرا على هذه المعلومات
و لعل الفاشر لم تقف فى 64 فقط فهى احرقت العلم الانجليزى فى 52 و قدمت التضحيات من اجل هذا التراب الغالى
جلست هذا المساء الى العم حسن شطة احد مناضلى 64 و هو احد المصابين فى تلك الملحمة ووعد بان يرفدتى بالمعلومات كلها عن تلك الفترة ونصحنى بالجلوس الى اخرين امثال العم للى الحاج حسين و ابوالقاسم الحاج لاكمال المعلومات من اجل التوثيق لتلك المرحلة
و اضاف العديد من المعلومات وذكر لى بان محمد نور الكرف احد ابناء الفاشر قد اصيب بالخرطوم فى شارع القصر فى 64 ورافهه للعلاج بانجلترا
فالى ان اجلس الى هؤلاء المناضلين لك الود
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
العزيز
محمد ادم ابوكيفو
و بكيفنا و على على كيفنا ابقى قدام و عازمنك معاناسيد بيت عديل ما ضيف
شكرا جزيلا و ان تبدا ببعث التحايا جنوبا و عشان ناس زنقو الرديف ما يزعلوا كلهم بخير
لا تزال الفاشر جنوب بنكهة العظماءفنادى الموردة لا يزال شامخاو مدرسة الاتحاد و الفاشر امتدت جنوبا حد البصر فالثورات بحاراتها العديدة وحى المدرج و ام شجيرة و الناس سكنت بعد بواية نيالا و سوق المواشى اتوهط فى النص عدييل
دارفور الثانوية ... ياتى ذكرها فندعوا للمربى الراحل ابوه حمدحسب الله احد الذين ارسوا دعائم التعليم وكذلك الاستاذ على بشير حمد امد الله ايامه و القائمة تطول فهى الان تناصفها مدرسة سوار الثانوية فى ذات المبنى و تقتسم معها الحاضر و سيل الذكريات
-------------
اما سيرة رائد التنوير العم صديق محمد البشير فهى سيرة وسريرة هل تصدق فى اخر زياراته قد قضى جل الاجازة وهو يتفقد الكتب المخزنة بالمنزل و يعيد ترتيبها ...
بالمناسبة لسه الفسحة القصاد مدرسة الاتحاد الثانوية تحتفى بالاطفال فى الاعياد الا ان هوس التخيط العشوائى بدا يمتد اليها بتخصيصها لاشخاص ... الان اصبحت فوضى التخطيط تطال بعض مواضع الذكريات فبعد ازالة شجرة عزالدين وهم امام البحيرة بيدوا ان الدور على فسحة مدرسة الاتحاد...
و راجنك
| |
|
|
|
|
|
|
|
|
|
Re: الفاشر السلطان .... دعوة للتلاقى (Re: محمد بدوى محمد)
|
أستاذ ازهري الريشة درسني بمدرسة السلمابي..وكان استاذا راقيا...نعم لعب فترة قصيرة بالاتحاد..مع علي ابدرش ولينكون وربما صديقي وزميل الدراسة المرحوم عماد حبيبب..وتذكرت أن فرحات كان حارس الاتحاد ايضا..وكان فنانا
أمين حلب درسنا سويا بمدرسة الفاشر الغربية
فيصل تندل اتذكره كان حارسا جيدا للاتحاد وبتاع تابلوهات..شقيقه استاذ تندل درسني في الغربية..وأختارني لاعبا لمنتخب المدرسة وكان يناديني بـ "المعلم"
شكرا يا محمد ..أعدت ذاكرة إلى تلك الايام الجميلة التي لن تتكرر..
| |
|
|
|
|
|
|
| |
محمد نيالا
صلاح شعيب
نهلة محكر
محمد الامين محمد
مجدى محمد مصطفى
محمد المبارك ابراهيم
الصادق ضرار
ابنوس
ibrahim kojan
عواطف احمد اسحاق
فيس بوك
تويتر
انستقرام
يوتيوب
بنتيريست