|
|
|
 Re: الهلال يستفسر الإتحاد المحلي (اتحاد شداد) عن مصير مباراه النيل الحصاحيصا؟؟؟ (Re: جمال السنوسي)
|
الأخ كيقا اسمح لى بأول مداخلة رياضية لى فى المنبر
وبدأ الفارق يتسع
* رغم أن للهلال مباراة مؤجلة مع النيل الحصاحيصا، الا أنه تمكن من انتزاع صدارة الدوري مع نهاية الجولة السابعة بفارق الأهداف عن المريخ الذي خسر أمس الأول أمام حي العرب بهدف بركة الصاروخي، ونتوقع أن يبدأ اتساع الفارق في النقاط بدءاً من الأسبوع المقبل أو (اللي بعديه) عندما تشتد الوغى وتكتمل لياقة بقية الفرق.
الهلال لعب 6 مباريات حتى الآن كسبها جميعاً وهو مؤهل لكسب جميع مبارياته في بقية الجولات المقبلة وتحقيق إنجاز الفوز بلقب الدوري دون هزيمة أو تعادل.
* وقد كان بوسع الهلال أن يحقق هذه الرغبة (رغبة الفوز بالدوري دون هزيمة أو تعادل) في الموسم الماضي لولا تعثره أمام المريخ بالتعادل في نهاية الدور الأول لأسباب غير فنية.
* واذا كان المريخ الذي وصل نهائي الكونفدرالية في الموسم الماضي قد خرج بنقطة واحدة من مباراتيه مع الهلال في الدوري، فانه ومع تراجع مستواه المخيف هذا الموسم لن يستطيع أن يفعل شيئاً مع صواريخ كرنقو وانطلاقات أحمد عادل وطلعات افياني وفاولات هيثم مصطفى المتقنة.
* لذلك فإن احتمالات فوز الهلال بنقاط الدوري الكاملة ستتزايد مع ارتفاع مستواه دوناً عن بقية الفرق الأخرى.
* لا نريد أن نحبط معنويات جماهير المريخ بهذا الكلام حتى لا يفقد الدوري حلاوته ولذته والشعبية التي يتميز بها، لكننا أردنا فقط أن ننوه الى الحقيقة الظاهرة والتي تقول: إنه لا يوجد فريق في السودان يستطيع مقارعة الهلال في هذا الوقت.
* لكن هذا لا يمنعنا من أن نقول إن المريخ أضاع فرصة تاريخية لإعادة بناء فريقه وترميمه وذلك حينما سلك طريق المزايدات خلال فترات التسجيلات وانتقالات اللاعبين منذ أن تقلد جمال الوالي رئاسة النادي.
* كان يمكن أن يكون المريخ اليوم فريق (غير) لو استغلت إدارته الإمكانات المادية الهائلة التي توفرت له في عهد جمال الوالي، وكان يمكن أن يكون بعبعاً مخيفاً لكل أندية القارة لو اعتمد في إدارته للكرة على شخصيات كروية ليس من بينها صديق علي صالح.
* انهزم المريخ أمام العرب، وسينهزم قطعاً في أكثر من مباراة مقبلة لو استمرت إدارته في نهجها الحالي المبني على مكايدة الهلال وتسجيل لاعبيه حتى المشطوبين منهم بسوء السلوك، وإطلاق الشائعات السخيفة قبل مباريات القمة للتشكيك في ذمم كبار نجوم الهلال والتقليل من قدرهم ومطاردة المتميزين منهم وإغرائهم بالمليارات من أجل ضمهم في كشوفاته.
* ما لم يغير المريخ من هذه السياسة العرجاء فإنه لن يحقق أي إنجاز في المستقبل حتى لو تولى إدارته الملياردير الروسي إبراهيموفيتش الذي اشترى نادي تشلسي الإنجليزي.
ومازال أبوشيبة يمارس الجقلبة
* لم يجبنا الزميل مأمون أبوشيبة عما أثرناه من تساؤلات مشروعة بناءاً على ما كتبه في عموده بتاريخ 08/04/2008 فيما يتعلق بقرار الوزير إعادة برمجة مباراة الهلال ونيل الحصاحيصا وفضل الجقلبة حولها، وسأعيد له الاسئلة مرة أخرى حتى يستوعبها جيداً قبل أن يفكر في الإجابة عنها.
* لم يخبرنا الأخ أبو شيبة كيف توصل الى معلومة أن الاتحاد يعتبر الهلال غير ملتزم بقرار الوزير؟ هل سربت له هذه لمعلومة من داخل الاتحاد أم أن الأمر كان مجرد اجتهاد منه ؟ والاجابة عن هذا التساؤل مهمة لأنك يا أبو شيبة انتقدت بشدة ما أدلى به السيد هاشم هارون مؤخراً بخصوص إعادة برمجة مباراة الهلال ونيل الحصاحيصا واعتبرت ذلك بمثابة تدخل في الشأن الفني ومحاولة للتأثيرعلى قرار لجنة البرمجة.. بينما أعطيت لنفسك الحق ومارست نفس التدخل والتأثيرعندما قلت: يعتبر اتحاد الكرة نادي الهلال غير ملتزم بقرار الوزير لأنه لم يتظلم لدى الاتحاد بل اتجه مباشرة للمحكمة. في حين أن الاتحاد لم يصرح بهذا.
* لم تطلعنا على رأيك في حقيقة أن قرار الوزير ليس فيه ما يمنع الهلال من أن يلجأ للمحكمة الدستورية وفضلت أن (تزوغ) بطريقة مكشوفة من الإجابة، وبالمناسبة الإجابة عن هذا التساؤل في غاية الأهمية لأنك استندت في (حكمك) على نكوص الهلال بقرار الوزير على لجوء الهلال للمحكمة بل وجوزت للاتحاد كذلك النكوص بعدم تنفيذ بند إعادة برمجة المباراة، لذلك سؤالنا المباشرهو: هل في قرار الوزير مايمنع الهلال من اللجوء الى المحكمة الدستورية؟
* لم تقل لنا رأيك بوضوح، وهو ضروري نسبة لما ظللت توليه من أهمية خاصة لموضوع مباراة الهلال والنيل المختلف حولها، في السبب (الحقيقي) الذي جعل الاتحاد يرفض تسليم البطاقتين الا بخطاب من الهلال يحدد فيه أحد المجنسين للممتاز على الرغم من وجود اللائحة التي يفترض أنها تتضمن (عقوبات) على مخالفيها.. هل يعقل لاتحاد يقف على رأسة رجل بدرجة (بروف( ظل يعمل في المجال الرياضي عشرات السنين ويقود سكرتاريته محامٍ أن يصدر لائحة بتلك العجلة ويطبقها بأثر رجعي على اللاعبين وكمان لا يضمنها عقوبات؟!! هل سمعت في حياتك بلائحة تضع قيود على مشاركة اللاعبين في المباريات ولا تنص على عقوبات تطبق عليهم في حالة مخالفتهم لها؟ (ولا يمكن ناس الاتحاد ديل ياربي بديروا في دوري ممتاز في كوكب آخر وكانوا قاصدين بيها لاعبين هناك مابيغلطوا عشان كده ما ختوا فيها عقوبات).
* أخي مأمون لماذا لا تعلق على هذه الأشياء ولماذا تتجاوزها وهي الأسباب الحقيقية للأزمة وتقفز فوقها مباشرة الى تداعياتها؟
آخر الكلام
* (البتنفخ) من موية البحر المالحة يبحث عن (نقطة) من (النيل).
خاص لمزمل.. موية البحر طعمها كيف؟ وحفياني لسه قاعد يسخن ولا نزل وجاب قون؟
- أنواع المسامير كلها عرفناها لكن مسمار(بركاوي) ده أول مرة نسمع بيهو.. الشئ شنو بلح هو.
- أنا يا داب عرفت أخوي مأمون أبوشيبة شايلها معانا حارة كده ليه في موضوع مباراة النيل!!! أتاريه كان حاسي بالمسمار البركاوي ده.
- مسمار (بركاوي) حلو جنس حلاه.
- ناس السوكرتا ديل طلع قلبهم قاسي.. ناس ناجين من كارثة جوية تقوموا انتوا تعملوا ليهم كارثة أرضية.. ما عندكم ذوق .
- طبعا أخوى مزمز أكيد مشى فتح الدرج وطلع لينا العمود الجاهز بتاع الغلب البقول فيهو: نهواك في كل الأحوال.. والبجي للمريخ لما يكون منتصر ويهرب منه لما يخسر عليه أن يراجع مريخيته..الخ.. وهاك ياجقلبة.
* صدق مدرب حي العرب المصري رأفت سيد عندما قال إن المريخ أصبح خارج الشبكة.
* جيبوا الصاقعة وقعدوه مع جمال وحلوا المشاكل البينهم عشان تعرفوا تمشوا لقدام.
* هسه زي الصاقعة ده بتحارب يا جماعة؟
* والواثق بالله بسخن من إيرلندا يا مزمل وشيلوا شيلتكم معاه.
* تهانينا الحارة للزميل العزيز ميرغني يونس الذي أذن لبداية مراسم احتفالاته بدخوله القفص الذهبي، وإن شاء الله بيت مال وعيال.
ــــــــــــــــــــــــــــــــــــــــــ
ما تجى تقول لى دى منقولة من الصدى
ولا تقول لى كاتبها ابراهيم عوض
واذا ليقتا فى عمود ابراهيم عوض اكيد توارد خواطر
وبالمناسبة اب شيبة دا منو
ومين ميرغنى يونس
مع تحياتى
| |
 
|
|
|
|
|
|
|
 Re: الهلال يستفسر الإتحاد المحلي (اتحاد شداد) عن مصير مباراه النيل الحصاحيصا؟؟؟ (Re: ود محجوب)
|
ودالسنوسي
السؤال ليه الخوفه والرجفه بعد ان رفضكم قودين وماذا فعل سولي شريف لحي العرب حتى ينسحب الهلال بسببه ودي جرسه ساكت عارفين النيل بفيض في اول مبارياته دائما عشان كدا اي قرار غير هزيمة الهلال يكون فيه اجحاف في حق نيل الحصاحيصا
ودمحجوب
مرحب بيك في اول مشاركه ولنا عظيم الشرف ببوستنا دا بس الكوبي بست دا بتعبك نحن بنجيب حق مزمل ابوالقاسم لانو بضرب في المليان وبسوي ليكم المغص اما ناس ابراهيم عوض ورمضان وماشابه ذلك فهذه فتافيت كلام مازي كلام مزمل
وزي ما المريخ متفوق في الانجازات السودانية
كمان مزمل متفوق ويفوق كل كتاب الصحف وربنا يخضر ضراعه
ابومصطفى
| |
|
|
|
|
|
|
|
|
 Re: الهلال يستفسر الإتحاد المحلي (اتحاد شداد) عن مصير مباراه النيل الحصاحيصا؟؟؟ (Re: keiga2000)
|
Quote: ودمحجوب
مرحب بيك في اول مشاركه ولنا عظيم الشرف ببوستنا دا بس الكوبي بست دا بتعبك نحن بنجيب حق مزمل ابوالقاسم لانو بضرب في المليان وبسوي ليكم المغص اما ناس ابراهيم عوض ورمضان وماشابه ذلك فهذه فتافيت كلام مازي كلام مزمل
وزي ما المريخ متفوق في الانجازات السودانية
كمان مزمل متفوق ويفوق كل كتاب الصحف وربنا يخضر ضراعه
ابومصطفى
|
اها دا الكنت خائف منو
يعنى مساهر ليلى كلو اكتب فى المقال تجى تطلعو كوبى بيست
ما كان العشم يا ابو مصطفى.
| |
|
|
|
|
|
|
|
|
|
Re: الهلال يستفسر الإتحاد المحلي (اتحاد شداد) عن مصير مباراه النيل الحصاحيصا؟؟؟ (Re: ود محجوب)
|
Quote: ياخوى موضوع الدورى العام دا حقو تنساهو
|
نعيش ونشوف ياحبيب
| Quote: يعنى مساهر ليلى كلو اكتب فى المقال تجى تطلعو كوبى بيست |
اسمح لينا ياود محجوب ولايهمك
اصلوا انا في نظري انو كتاب الهلال ديل كل اسبوع بحملوا المسؤولية لحد يعني شجرابي ورمضان وابراهيم بكتب المواضيع واحد لانها بتلقاها كلها زي الفيلم الهندي حول موضوع واحد الايام دي بسكويت بركه وبورتسودان وبكره الخرطوم 3 الفريق التعبان
يعني شغالين بالتناوب وكلهم ماركه واحده لكن مافي مشكله كدي نعطيك كم اسبوع كدا احتمال تطلع من مسارهم في المسار الصحيح
والعتبى لك ياحبيب ومرحب بيك مصادم جديد بس طول بالك دي بروفات
ابومصطفى
| |
|
|
|
|
|
|
| |
keiga2000
جمال السنوسي
ود محجوب
محمد عبدالرحمن
فيس بوك
تويتر
انستقرام
يوتيوب
بنتيريست