|
|
|
 Re: ستي يا ست ست البيت يا ... ستهم (Re: ASHRAF TAHA)
|
أشرف يا حبيب ..
الصوت المعتق لعمنا المبارك حسن بركات هذا .. فيه مخزون تلك المفاهيم التي ( رووووووووووَحَتْ ) ..
ما عاد من رجلٍ الآن يتغنى بالظل الجميل .. إلا من رحم ربي ..
و يفعلها - إن فعل - على استحياء إن لم تكن ( جبرية ) .
ثم يا أخي .. مالك و مال ست البيت و انت ما تزل سيد بيتك وحدك ؟؟؟
داير تطلعنا متلومين يعني ؟؟ و راس السوط يهبشنا ؟؟
هبشنا الغنا السمح و أوبت انت بالخزلان ..
فنحن قوم ذوو غلظة و بنا فجاجة و جلف موروث خِلقة ربنا ..
يقول كتابنا بعدم جواز التغني بـ ( حريمنا و عويننا و ولياتنا ) ..
فذاك عيبٌ و حطٌ من رجولتنا و فيه سقوطٌ عظيم .
( لا تتهجأ جسد المحبوبة ) ..
بل ينبغي التلاوة يا صاحبنا ..
يديك العافية يا أشرف ..
على الغنا السمح و الصوت المعتق ده ..
ثم على صفعة الإفاقة .
| |
 
|
|
|
|
|
|
|
|
Re: ستي يا ست ست البيت يا ... ستهم (Re: ASHRAF TAHA)
|
اشرف ..
ست البيت مربوطة عندي بي علاء الدين اخوي من زماااااان عنده شريط بسمعها اليوم كله لدرجة حفظنا ليها ..
ودي كلماتها :
شعـر الشيخ محمد ود الرضي
أريدا براها ترتاح روحي كل ماأطراها ست البيت
قالت جارتا مجاوراها تجي شايله وتجي مزاوراها
تلحظ احتياجنا براها نشكر سعيها بي وراها
ست البيت
ربنا بالجمال كافاها لامن قال قواما كفاها
المسروره مي تافاها ياحلاة الكلام الكلام في فاها
ست البيت
راقيه سكوته من ميلادا مو سكاتاً تنوبوبلاده
نضيفه ومنظمين أولادا برضها عندي حلوه جلاده
ست البيت
تتلاصف سرور وجناتا الرافيه الكتار حسناتا
طيبة عشره مي غلاتا ماسابت الشباب لي بناتا
ست البيت
مابتحسب علي كليا تكرم كل منسوب لي
اطوع من بناني الي واشفق من جنايا علي
ست البيت
ماقالت بقيت حبوبه وتركت بوختا المحبوبه
لوجات من رياحا هبوبه بتحيي عروقك المهبوبه
ست البيت
من صابحتها وماسيتا طاعمه وناعمه لومسيتا
ماقاستني ماقاسيتاوتشكر فضلي كل ماكسيتا
ست البيت
مي العزايه دايماًساقده ومي الغبشه المفبره حاده
مي اللهفانه بي ورا الماده دي اللي شبابا ديمه موادا
ست البيت
فاضي البال حليللا جنابو ماإتغضبن لمس اشنابو
ولايوم سوء تفاهم نابو دي الامثالا نتغنابو
ست البيت
لو كان يوم حبيب واصلي الكرم العريض يوصلي
منها قط خلاف ماحصلي بس ازعاجا لي قوم صلي
ست البيت
ليه ماشكرا مطاوعاني وحافظه لمتعتي وحافظاني
حاويه من الانوثه معاني ومها ابقى مر بالعاني
______________
مودتي
| |
|
|
|
|
|
|
| |
ASHRAF TAHA
Emad Abdulla
نهي محسن أبوراس
انعام حيمورة
فيس بوك
تويتر
انستقرام
يوتيوب
بنتيريست