|
|
 يا ناس سوداتيل .. بالله .. نوِرونا .. وشاورونا .. بعدين انقلونا ..
|
لو ..واحد بيجيب ليك سندوتش فطور يوميا بـ 100 جنيه .. (السعر غالي بالنسبة ليك .. لكن لأنك محتاج .. إتحملت) ..
فجأة .. قام هو .. وبحساباتو .. خفض .. سعر السندوتش لـ 50 جنيه .. وبدون ما يشاورك .. وبدل ما يرجع ليك الـ 50 جنيه .. ويخليك تتهنأ بالتخفيض .. لآ .. قام .. عمل فيها حريف .. وقام جاب ليك سندوتشين .. عشان .. مايرجع ليك الـ 50 جنيه ..
دا .. نقول عليهو شنو !!
.. كنت مشترك في الـ ADSL في باقة إسمها (سمسم) هذا هو الشكل .. طيب.. سمسم هذه سعتها 256kbps (ودا المضمون)، بالنسبة لكمبيوتر شخصي .. كويسة، ماشي الحال معاي .. فجأه لقيت السعة زادت عندي .. بقت .. 384kbps .. دخلت موقع سوداتيل .. مالقيت .. فيهو اي معلومة عن هذه التغييرات .. وكمان مافي اي طريقة تتواصل بيها معاهم .. او .. تسأل حتى عن الحاصل شنو .. مشيت اسأل .. قالوا لي .. الزيادة اللي جاتك في السعة قيمتها بتساوي .. ما كنت تدفعه في السعة السابقة تقريبا (90 جنيه) .. ولو عايز السعة القديمة اللي كانت عندك .. واللي إنخفضت قيمتها .. لازم تكتب طلب جديد .. لأنو إسمها تغير إلى البرونزية ..
والحاجة المحيراني .. انو انا ماشعرت باي تغيير للأفضل .. بعد .. تغيير السعة عندي .. شاعر انو في تغيير في الأرقام .. وبس .. ( طبعا في الإستبيانات بياخدوا الـ perception ) في الإعتبار ..
فيا .. ناس سوداتيل .. بالله .. نورونا .. ثم شاورونا .. وربنا يعينكم ...
|
|
 
|
|
|
|
Abdelraheem Hamed
فيس بوك
تويتر
انستقرام
يوتيوب
بنتيريست