|
|
 هام جدا الى بكرى وكل الاخوان بالمنبر وجئتكم من امنه عبد الكريم بالخبر اليقين وكأنى هدهد سليمان؟
|
الاخوة وانا مساهر اليوم وصلنى طلب دعوة من شخص من بالماسنجر
من الاى ميل التالى:
[email protected]:
وقبلت الدعوة والى مضابط الماسنجر واحكموا انتم،،،
سلام مين معاى
لقد أرسلت لتوك إشارة تنبيه.
amna:
امنه ياصديق
amna:
سلام
siddiq:
امنه عبد الكريم ست الحريم والا امنه الماعرفناها
amna:
يها زاتا
siddiq:
فى الحالتين سلام
amna:
هلا
siddiq:
اخبارك
amna:
تمام
siddiq:
مالك قاطعه من المنبر
amna:
وانت
siddiq:
انا تمام انتىمالك ماظاهرة فى المنبر
amna:
العملو معاى شوية
siddiq:
ما تظهرى وتقولى الحقيقه ومصدقنك
amna:
طلعوني ولد
siddiq:
اوكى ونفترض انهم طلعوك ولد مافرقت بس طريقتك معاهم خلتهم يشكو فيك
amna:
مع منو المهم انا يوم الخميس حالاقي بت حيموره
siddiq:
يكون كده يا بت القبائل قطعتى الشك باليقين
amna:
وتظهر الحقيقة
siddiq:
ووقتها نقوم نعاتب ليك انعام ونخليها تعتذر ببوست تفتحه هى
amna:
ترقب الخميس
siddiq:
ولكن قبل الخميس لو قمتى اديتينى رقم جوالك واتصلت عليك بكون تدعيم لكلامك او ده رقم جوالى اتصلى انتى ايهم تفضلين 00966564754009
amna:
انا حبيت ابلغك انت اول واحد لانو عندك معزه خاصه عندي
siddiq:
شكرا وانا كذلك اكن لك ماتكنين
amna:
طيب بتصل عليك انا بكره
amna:
لانو حسي الوقت متاخر
siddiq:
ولو فعلتى ما اقترحته عليك الان واتصلتى الان فى هذه اللحظه سوف ارفع عنك كاهل المعاناة والحرج كثيرا وهنالك الف طريقه
siddiq:
اتاخر شنو انا صاحى وانتى صاحيه
amna:
انا ماعندي الجوال هسع بتصل عليك بكره 10 ص
siddiq:
عدم اتصالك فى هذه اللحظه او اعطائى رقم التلفون يؤكد تماما ما اوردت بت حيمورة وسوف افتح الان بوست تاكيد
amna:
مع اخوي ونائم
siddiq:
الان تاكدت من صحة كلام انعام زول عنده كمبيوتر ودى اس ال وبيتصل من البيت غير معقول لايملك جوال
amna:
دا تهديد انا جيت اسلم عليك وابلغك
siddiq:
ومتى كان الاخ بينام وهو شايل جوال
siddiq:
اقول ليك تفسيرى
siddiq:
انت ولد انا ماعندى شك وحاولتى تاخدى باسورد من بكرى ولم تفلحى ادعيتى انك بت لان بكرى يتعاطف مع البنيات اكثر
amna:
انا شخصيا ما عندي جوال بستعمل حق اخوي
siddiq:
تصدقى حتى لو كده انا بقدر اعالج ليك الموضوع
amna:
شكرا
siddiq:
شوفى يا امنه والا يا محمد والله مافرقت لكن ستات الشاى فى السودان شايلات الوسخ الاسمه جوال
amna:
شكرا دا ماكان العشم
siddiq:
فاحسن ليك تقولى لى الحقيقه
siddiq:
تاكدى الان سوف افتح بوست وانزل كل الماسنجر هذا كمان
amna:
والله ياصديق ما املك جوال
siddiq:
يعنى كل مادار سوف تلقيه بعد شويه ببوست بعنوان وجئتكم من امنه بخبر
amna:
دي مكالمة خاصة
siddiq:
امنه او محمد طبعا زول بيقوم يشغل كمبيوتر 3 صباحا وبت كمان وما عنها جوال غير معقول
siddiq:
اى مكالمه خاصه انا قلت ليك الان لو ماكلمتينى او كلمتك حا انزل البوست
amna:
ليه مامعقول
siddiq:
طبعا بت عندها مساحة حريه قدر دى يبقى الجوال عندها زى كوز المويه
siddiq:
لاننى سودانى وعندى اخوات وكل واحده تملك جوالها
amna:
لاوالله
siddiq:
امنه او محمد الى الان انا بتعامل معاك على اساس انك صادقه ولكن عدم الاتصال او قبول الاتصال هو الفيصل
amna:
انا كلمتك لانو عندك معزة عندي ما تحقيق علي العموم شكرا وتصبح علي خير
siddiq:
بعدين حكاية انا عملت النيولوك وحاتك كل الحصل انا لقيت المنبر كلو مشاكل وحاولت ان اخرج بالناس لبسمه
amna:
هسع بتصل عليك بكره 10 ص
siddiq:
اوكى الان افتحى المنبر بعد عشرة دقائق حا تلقى البوست
amna:
مع السلامة
siddiq:
الان يا امنه يعنى الا تتكلمى معاى لى عشرة وتتصلى
siddiq:
اوكى تابعى وعلى نفسها جنت براقش
siddiq:
تعملى خروج تلقى البوست انفتح ومع تاكيد لبكرى
amna:
مافي مشكلة يوم الخميس غريب وما بت حيموره براها بتعتزر كتار
siddiq:
ماهو رائك دام فضلك
siddiq:
ما بتهدد انا سوف افتح البوست وانتى معاى على الماسنجر
siddiq:
شوفى عندك مهله الى ان تقفلى الماسنجر متى ماشئتى وانا مستعد اصنقر لى يوم الخميس الجاى
يرسل المستخدم amna الشكل الصوتي التالي:
تشغيل "قلب"
siddiq:
لكن بقفلك للماسنجر سوف انزل البوست
siddiq:
والله لو قطعتى قلبك الفى صدرك وجدعتيه هنا انا سوف انفذ ما وعدت به نفسى
siddiq:
الان تاكد ان امنه هى مح
انقفل الخط وها انا اوفى بوعدى ،،،،
|
|
 
|
|
|
|
|
|
|
الاميل دة شكلو برضو شرك جديد
..
اضيفوه واتحملو نتيجة اضافتو .. لو طلع شرك (ذي شرك نسرين) بتلقو كلو ونستكم هنا وفي جرائد السودان .
يلاي يا ..... اجرو علي الاميل ..
كل الود يا صديق
محمد ادريس
| |
|
|
|
|
|
|
|
|
|
Re: هام جدا الى بكرى وكل الاخوان بالمنبر وجئتكم من امنه عبد الكريم بالخبر اليقين وكأنى هدهد سلي (Re: صديق الموج)
|
والله يا عمك ، انت حالتك تحنن ... اسعي فاتح بوست وماسنجر وامنة وووك وورووك
طيب اذا اتصلت هي من اين لك ان تعرف ، انا لم اشك في امنة موجودة وفي نفس
الوقت لا اجزم ... ولذلك يا الموج كنا نضحك انا والاخ العزيز دينق في بوسته
المنفصل داك للبكية ... المهم انت انتظر الخميس يعني اجل البوست لذلك اليوم
وامنة ستصل ... الشئ التاني هل بكري يعلم الحقيقة ويصمت يعني عضو/ة تطلب
العضوية تمنح دون تذكية او معرفة ؟
انت يا صديق المتهم الاول في هذه القضية ... وللا شنو يا كمال سالم
| |
|
|
|
|
|
|
|
|
 Re: هام جدا الى بكرى وكل الاخوان بالمنبر وجئتكم من امنه عبد الكريم بالخبر اليقين وكأنى هدهد سلي (Re: صديق الموج)
|
يعني شنو تمشي تقابل بت حيمورة ... ما ممكن يكون ولد ويرسل أي زميلة أو صديقه ليهو لبت حيمورة ويقول ليها قولي إنت آمنة ، الموضوع عايز دراسة من جميع الجوانب .. وعدم وجود موابيل دي بتأكد تماماً بأنها ولد .. وممكن يا أبو البكائين الساعة عشرة الولد ده يدي أي واحدة تكلمك من هاتف ثابت ( أرضي ) أو من صديق وإذا أتصلت عليه مرة ثاني بقول ليك أنا أخوها .. اها تعرف كيف ... تعرف أنا ثقتي في بت حيمورة لا تحدها حدود وح تجيب ليك ضقلها يكركب حتى ولو كانت ولد وأرسل واحدة لتمثل دور آمنة عبد الكريم .
أها الموية بتكضب الغطاس ولا رايك شنو يا خال حمزاوي ؟!!!!
قال آمنة قال ... ما يهو بكاكم الكثير ده خلاه يدخل بي اسم آمنة  ...
| |
|
|
|
|
|
|
|
|
|
Re: هام جدا الى بكرى وكل الاخوان بالمنبر وجئتكم من امنه عبد الكريم بالخبر اليقين وكأنى هدهد سلي (Re: Khalid Saeed)
|
عمنا صديق سلامات,,,
تقول والله,,
ونحن كنا وينD 
الحمد لله والله الغياب مرات كويس,,,لكن شوف كع دا قال شنو,,,,
Quote: ما كل الناس اكلت هواء يا عمك
انسي الموضوع يا مان |
D
هواء يا كبييييييييييييييييييييييرD
ياخ دى ماسورة أضيق من الماسورة الدخل فيها القرد الأسد,,,,,,
شوفوا يا ناس,,,نحن نطالب بكرى بتوفير إمكانيات مرئية وصوتية فورية عشان
المواسير دى شايفا بالحيل كترت....D
| |
|
|
|
|
|
|
|
|
|
Re: هام جدا الى بكرى وكل الاخوان بالمنبر وجئتكم من امنه عبد الكريم بالخبر اليقين وكأنى هدهد سلي (Re: العوض المسلمي)
|
والله العظيم
امنه مفرحني بالجد حد ,, (صيغة المذكر هنا لاني دنقلاوي)
وياريت حتى لو طلع كذاب يكون كل الكذابين كده , لان كذب خلق نوع من الحميميه في البورد ..
وخلى الناس تستحم وتقشر قبل يوم العيد وجعلت الكثيرين يظهر على حقيقتهم , عجائز وشباب وناس الغيرة كتلتني
والريس صديق الموج
عليك الله بدل من تحكها مع امنه ده كده مش كان تقول شكرا رجعت لينا الشباب وحاجات تانية حاميانه...
هل اول امنه هو الوحيد الكاذب في البورد
هل اضر كذب امنه باحد ام اضاف الينا نوع من البهجه
| |
|
|
|
|
|
|
|
|
|
Re: هام جدا الى بكرى وكل الاخوان بالمنبر وجئتكم من امنه عبد الكريم بالخبر اليقين وكأنى هدهد سلي (Re: صديق الموج)
|
يا عمو ...
مشتاقين ..
اول ما كان تنشر المحادثة دي لانها شي خاص بينك وبين آمنة ...
اذا كنت تشك في امنة ومن تكون ... كان تنتظر الموعد الذي حددته لك للاتصال 10 ص او لقاء الخميس دا ( الانا في اضان طرش عنه) ..
ثانيا : شي واحد بخليني اعتزر عن شي مافي .. وصفت بيتهم ومن الاول شكيت في المسألة وقلت ليكم حا اجيب ليكم قرار الموضوع دا وفعلا طلع انه ما بيتهم ...
في حدود المعلومات القدمتها .. كلها طلعت صحيحة وجات امنة أكدت على صحتها .. تاني اعتزر عن شنو ..
بل بالعكس في بداية كلامها انها شكرتني لانها قدرت تواجه نفسها ..
في النهاية تطلع مين ما تطلع ..
الموضوع عندي انا وصلته الحد الانا عايزاه ووصل والحمد لله ..
وكان بكرة جات حبابها الف !!
| |
|
|
|
|
|
|
|
|
|
Re: هام جدا الى بكرى وكل الاخوان بالمنبر وجئتكم من امنه عبد الكريم بالخبر اليقين وكأنى هدهد سلي (Re: صديق الموج)
|
والله دي قِصة غريبة ... نفترض إن آمنة دي ولد ولا بت ... المُشكلة شنو ؟؟؟ ياخ انا ولد وداير أدخل بإسم بِت ... في زول مُتضرر ؟؟؟ ... ما في ناس أصلاً ماوجودين (عدم) وداخلين باسماء وهمية وإتعملت ليهم إحتفالات ... ومزازيك ... الآن أنا (احمد موسى) ... جاتني رغبة أغير اليوسر نيم بتاعي لـ( نجاة الجريف) ...المًشكلة وين حتقولوا ولد وبت وماأدراك ؟؟؟ يأخوانا خلونا من قصة آمنة ولد ولا بت وشوفوا كلامها صاح ولاغلط [B](الكبار يناقشون الموضوعات والصغار يناقشون الشخصيات) ... حكمة لقيتها هنا في البورد ... وبعدين قصة عضويتها دي حاجة بينها وبين (بكري) صاح برجع ليهو ... غلط براجعو هو ... (ولاشنو) ؟؟؟ مع السلامة أحمد موسى (نجاة الجريف / لاحقاُ)
| |
|
|
|
|
|
|
|
صديق الموج
كمال سالم
abubakr salih
Ahmed Abdallah
hanouf56
مصطفي سري
Balla Musa
Dania Elmaki
Mohamed Foto7li
سناء عبد السيد
Tragie Mustafa
osman righeem
ebrahim_ali
عبدالله كع
محمد البشرى الخضر
عمران حسن صالح
بشير أحمد
عادل سهل
على محمد على بشير
abdulhalim altilib
طلحة عبدالله
Muna Khugali
Mohamed Abdelgaleel
Khalid Saeed
أيمن الطيب
العوض المسلمي
عمار عبدالله عبدالرحمن
Kostawi
عمر التاج
مرتضي عباس
انعام حيمورة
الزبير صالح الزبير
Ahmed musa
Nasir Ahmed Elmustafa
Deng
الملك
بكري الخير
فيس بوك
تويتر
انستقرام
يوتيوب
بنتيريست