|
Re: طلب مساعدة (Re: Mohiedin Sir El Khatim)
|
والله يامحى الدين ود البشرى جابها ليك من الآخر
بعدين إنت ما تبدأ بفتح بوست بتعريف نفسك والترحيب بيك عشان الناس ذاتها لو شافتك تقدر تقيم المحتوى بناءاً على مداخلات الناس حولك
وثانياً قبل ما ترفع بوست برضو صنغر فى البورد دا وشارك وجامل وحاول تبقى عندك إيد على الأعضاء عشان يردوها ليك فى بوستاتك
وثالثاً ود البشرى ممكن يرجع يشرح ليك برضو نوعية البوستات الممكن تتداخل فيها لأول مرة ، وتحتفظ لنفسك بمسألة الرأى الخاص الى أن تخلق لنفسك مكانة بين البورداب وأرضية صلبة تقدر تواجه بيها العواصف والرعود فى المنبر دا.
وأخيراً ، ما تمشى تنقل ليك موضوع من اى مكان لو ما عيز تذكر مصدره ، وكمان تخلى شخصيتك واقعية ومعروفة فى مداخلاتك ، وفى دى تراجع بوست ود الصايم بتاع إسفيرياً أنا منو وإنت منو.
وبالتوفيق . . .
خارج النص _________ ود البشرى حمالتك على أنا من ما أخدت العضوية لى شهرين ، وما رفعت لى الا بوست واحد ،ليوم الليلة ما جاب مريسة تامزينة.
شيخ العرب
| |
|
|
|
|