|
|
 ترزية الدين الجديد........
|
اتشرّ في جوف الضلام..
البس عراك من غير هدوم..
اصدق كضب..
واضبح مع القمرة النجوم..
حلِل حرام..
اسفك دموم..
وارجى الصباح...
تشرق شمس..
في الضو تحوم..
لف توبك المليان قدود..
وحبة كلام بتلتقك..
"الله نور"
"استغفروا"
"الحمدُ ليك"
"التوبة يا خلق الله هوووووي"
"سبحانك اللهم دوم"
ما قلنا ليك..
حبة كلام بترقعك..
شيل ابرة الايمان وحيك..
البس حجاب..
غتغت وشيك..
خلي القلوب..
تتشابى ليك..
وتضرب مثل..
في التقوى بيك..
ترزية الدين الجديد..
ما بنقدرك يا دنيا..
ما دام ديلَ فيك.......
|
|
 
|
|
|
|
|
|
|
 Re: ترزية الدين الجديد........ (Re: Rasha Hatim)
|
Quote: تشرّ في جوف الضلام..
البس عراك من غير هدوم..
اصدق كضب..
واضبح مع القمرة النجوم..
|
الله عليك يا رشا ياعسل عجبتني الأبيات الفوق دي بشدة
القصيدة عموماً جميلة ومضمونة واضح وصريح
ما قلت ليك انتي ................ ولا خلاس خليك علي كده احسن
طيب عشان الشمار ما يتكلك ما قلت ليك انتي مبدعة
| |
|
|
|
|
|
|
|
|
 Re: ترزية الدين الجديد........ (Re: هاشم أحمد خلف الله)
|
Quote: الله عليك يا رشا ياعسل عجبتني الأبيات الفوق دي بشدة
القصيدة عموماً جميلة ومضمونة واضح وصريح
ما قلت ليك انتي ................ ولا خلاس خليك علي كده احسن
طيب عشان الشمار ما يتكلك ما قلت ليك انتي مبدعة |
وانا ما قلت ليك انك ........ ولا خلاص خليك علي كدا احسن
طيب عشان الشمار يكتلك ماااااا بقول ليك 
تسلم يا هاشم ومافي ابداع بيضاهي ابداعك..
كل الود
| |
|
|
|
|
|
|
|
|
|
Re: ترزية الدين الجديد........ (Re: رأفت ميلاد)
|
Quote:
روعة يا رشا روعة.
دينق. |
| Quote: جميل .. جميل .. جميل .. جميل .. |
دينق ورأفت انتو ملاحظين انو رشا ما حددت ياتو دين التاجروا بيهو دا
لو قالت ليكم دا ما الدين الاسلامي حا تسحبوا الاطراء الفوق دا 
| |
|
|
|
|
|
|
|
|
|
Re: ترزية الدين الجديد........ (Re: Maawya Hussein)
|
Quote: دينق ورأفت انتو ملاحظين انو رشا ما حددت ياتو دين التاجروا بيهو دا
لو قالت ليكم دا ما الدين الاسلامي حا تسحبوا الاطراء الفوق دا |
لا للاتجار بالدين ايا كان..
صكوك الغفران شاهدٌ على العصر يا معاوية...
بمعنى ليس سعدٌ بخير من اخيه.. وبالمصري كدا لا تعايرني ولا اعايرك دا الهم طايلني وطايلك..
| |
|
|
|
|
|
|
|
|
|
Re: ترزية الدين الجديد........ (Re: emad altaib)
|
Quote: دعوة جميله منك ..اتمني تجد القبول
والاذان الصاغية
إنت كويسه ان شاء الله
تحياتي |
الدعوة الجميلة دي لو كانت صادقة ومن القلب يا عمدة مافي احلى منها..
بس ما تكون قشرة تلميع والجوة وسخان.. حمانا الله واياكم
انا تمام الحمد لله..
جكسويتك كيف؟
| |
|
|
|
|
|
|
|
|
|
Re: ترزية الدين الجديد........ (Re: قرشـــو)
|
| Quote: بالله فى دين جديد ونحن ما عارفين ؟؟؟؟؟؟ |
ايوا يا قرشو
الدين الجديد البتفصل على حسب الحاجة..
الناس البترفعو شعارات وتحوم بيو وهو منها براء..
ناس استغفروا الله والتقوى والورع وسبحان الله وهم اسوأ من مشى على هذه البسيطة..
دا الدين الجديد.. الما عارفين زاتو حسابو يكون كيف؟؟ من جهة سمعنا اذا رأيتم الرجل يرتاد المساجد فاشهدوا له بالايمان.. ومن جهة رأينا من كانوا يرتادون المساجد يكذبون ويقتلون ويهتكون العروض..
من جهة سمعنا من خدعكم باسم الدين فانخدعوا له.. ومن جهة عزت علينا نفوسنا الطاهرة ان تشهد نفوسا خبيثة وهي تتمثل في هيئة ملائكة بأجنحة من ايات او عبارات دينية ذيلتها كتواقيع لترقع ثيابها المقدودة من قُبُل.
| |
|
|
|
|
|
|
|
|
|
Re: ترزية الدين الجديد........ (Re: Rasha Hatim)
|
Quote: ايوا يا قرشو
الدين الجديد البتفصل على حسب الحاجة..
الناس البترفعو شعارات وتحوم بيو وهو منها براء..
ناس استغفروا الله والتقوى والورع وسبحان الله وهم اسوأ من مشى على هذه البسيطة..
دا الدين الجديد.. الما عارفين زاتو حسابو يكون كيف؟؟ من جهة سمعنا اذا رأيتم الرجل يرتاد المساجد فاشهدوا له بالايمان.. ومن جهة رأينا من كانوا يرتادون المساجد يكذبون ويقتلون ويهتكون العروض..
من جهة سمعنا من خدعكم باسم الدين فانخدعوا له.. ومن جهة عزت علينا نفوسنا الطاهرة ان تشهد نفوسا خبيثة وهي تتمثل في هيئة ملائكة بأجنحة من ايات او عبارات دينية ذيلتها كتواقيع لترقع ثيابها المقدودة من قُبُل. |
ليس هنالك دين جديد ولا يحزنون بل هنالك بعض المغفلين ...
هنالك آفاقون محتالون باسم الدين وقد يكونوا هم الجدد ولكن الدين يبقى كما هو قديم قديم
اما الجدد فهم الذين لبسوا مسوح الدين وهذا ايضا ليس بالجديد فقد تم تحذيرنا منذ ان كنا فى الابتدائية عبر المنهج القديم بقول الشاعر :
برز الثعلب يوما ... فى ثياب الواعظينا
ومشى فى الارض يهذى ... ويسب الماكرينا
ويقول الحمد لله اله العالمينا
ياعباد الله توبوا ... فهو ...التائبينا
واطلبوا الديك يؤذن ... لصلاه الصبح فينا
عرض الامر عليه ... وهو يرجوا ان يلينا
فأجاب الديك عذرا ..يااضل المفسدينا
من ذوى التيجان ممن ... دخل البطن اللعينا
انهم قالوا وخير القول ....قول العارفينا
مخطىء من ظن يوما ... ان للثعلب دينا
فنحن لم نصدق يوما ان للثعلب دينا وقد كشفنا الامر منذ البداية وما زلنا لا نصدق الكثير من الامور الحادثة من اختلاف بين الثعالب ومن الكثير المثير ...
انهم ثعالب جدد ولكننا نعرف الثعلب من بيانه الاول ولعله غير خفى ولكنه منسى ان من يريد وجه الله فهو لا يريد الدنيا ولا يسعى وراء الغنى وجمع الثروات والسلطات فالعارف التقى ينبغى ان يكون زاهدا فى كل شىء فى الدنيا وان يتجرد منها ولذا لم نصدق يوما اى من الثعالب الحاكمة او المعارضة وارجو ان يعود الناس لدينهم ليعرفوا اولئك على حقيقتهم ولا ينخدعوا اما من ينخدع فهو فى جهله يعمه والافضل له ان يعود لمعرفة دينه قبل ان يضحك عليه احدهم باسمه وهذا ما يسمى بعظات التاريخ ويجب علينا دوما ان نعود لنقرأ التاريخ ونعرف ماذا نواجه وان نعرف ديننا لكى لا نصدق كل من يقول لنا الله أكبر ولله الحمد فنحن نعرف ان الله اكبر قبلهم حضورهم للسلطة ولا نحتاج من يذكرنا لها لاننا نكررها خمس مرات فى اليوم والليلة ...
| |
|
|
|
|
|
|
|
|
|
Re: ترزية الدين الجديد........ (Re: قرشـــو)
|
Quote: ليس هنالك دين جديد ولا يحزنون بل هنالك بعض المغفلين ...
هنالك آفاقون محتالون باسم الدين وقد يكونوا هم الجدد ولكن الدين يبقى كما هو قديم قديم
اما الجدد فهم الذين لبسوا مسوح الدين وهذا ايضا ليس بالجديد فقد تم تحذيرنا منذ ان كنا فى الابتدائية عبر المنهج القديم |
المشكلة انو زمان الثعلب بيكون واااضح ومفروز يا قرشو.. لكن هسي تشابه علينا البقر..
وبقت الفكرة في العباية المفصلة الجاهزة الكل زول بيخش تحتها دي.
وخليها علي الله غايتو..
تحياتي يا قرشو...
| |
|
|
|
|
|
|
|
|
|
Re: ترزية الدين الجديد........ (Re: Rasha Hatim)
|
Quote: دينق ورأفت انتو ملاحظين انو رشا ما حددت ياتو دين التاجروا بيهو دا
لو قالت ليكم دا ما الدين الاسلامي حا تسحبوا الاطراء الفوق دا |
يا معاوية هو المقصود هنا مادين .. المقصود هنا ناس معروفين ما بتلخبتوا فى المهنة .. أوع بس تكون سايق ليبرالية مركب لها جبهة زى ناس الأمة .. لكن الـ | Quote: جميل .. جميل .. جميل .. جميل .. |
كلام رشا .. باين ما قريتو كويس .. وما حسيت الطرب والفن الفيهو .. بس نطيت للكفار .. الكلام جاب هاشم أحمد خلف الله زااتو .. ولا أوع هو زاتو يكون ..
يا رشا | Quote: عاد انت بالذات يا رأفت تجيني راجع هنا دا وتقول لي رشا زااااتا شرط زي دينا |
مادى المشكلة زاتا قعدتى إنتى وخفستى لينا دينا .. وما عرفنا نتكسر وين
| |
|
|
|
|
|
|
|
|
|
Re: ترزية الدين الجديد........ (Re: رأفت ميلاد)
|
| Quote: أوع بس تكون سايق ليبرالية مركب لها جبهة زى ناس الأمة |
لا ياخ انا حركه شعبيه مركب مكنه قبطيه مستعمله 
| Quote: هو المقصود هنا مادين |
المقصود تجار قضايا عموما ...المقصود ترزيه النفاق الجدد
| |
|
|
|
|
|
|
|
|
|
Re: ترزية الدين الجديد........ (Re: Maawya Hussein)
|
| Quote: المقصود تجار قضايا عموما ...المقصود ترزيه النفاق الجدد |
يا معاوية عمم زى ما عاوز .. بالنسبة لى فقط الجبهجية هم تجار الدين .. كان فى نوع من الترزية الجدد بكونوا إفتراع منهم .. يعنى هم الأصل فى المهنة | Quote: لا ياخ انا حركه شعبيه مركب مكنه قبطيه مستعمله |
وبذكرك للأقباط .. وتأكيدآ لكلامى .. تعرف القس فلساوس فرج .. الأقباط بسموهوا شنو؟ .. بسموهوا أبونا الجبهجى .. لأنو من إفتراعاتم وفى كمان برضو جنوبيين .. أها أنت مكنتك كيف
| |
|
|
|
|
|
|
|
|
|
Re: ترزية الدين الجديد........ (Re: Rasha Hatim)
|
معاوية حسين.
عبارة التجارة بالدين معروفة ومتداولة بين جميع أفراد الشعب السوداني الذين يقفون ضد سياسات الاخوان المسلمين في السودان فما هو الجديد في ذلك؟
محاولتك الى الاستفراد برأفت ميلاد ودينق لأنهم مسيحين محاولة رخيصة وحيلة قديمة. حاول أن تجتهد أكتر المرة القادمة. وهاك الهتافات دي هدية مني:
لا مربى ولا ساردين، ولا تجارة بأسم الدين.
دينق.
| |
|
|
|
|
|
|
| |
Rasha Hatim
محمد البشرى الخضر
Maawya Hussein
Deng
الطيب شيقوق
هاشم أحمد خلف الله
emad altaib
رأفت ميلاد
ahmed haneen
قرشـــو
Ahmed Yousif Abu Harira
Adil Osman
طارق جبريل
Research In Motion BlackBerry 9300(1600x1200).JPG)
نورالدين بابكر بدري
فيس بوك
تويتر
انستقرام
يوتيوب
بنتيريست