|
|
|
 Re: معقوله بس ياتمبس ........؟؟؟؟؟ (Re: خضر الطيب)
|
الاخ الحبيب تمبس
لك التحيه والتقدير
عشان نبدى صاح خليني اجيب ليك مداخلاتي في بوست هباني , دي المداخله الاولى :-
Quote:
عمنا الناظر ودهباني
لك التحية والتقدير
إبان تداعيات الاحداث وعقب الانقسام الذي حدث بين الشعبي والمؤتمر اللاوطني
ظهر الكثيرون من امثال خالد ابو احمد وكان قد سبقه الدكتور عبد الوهاب الافندي
والمقيم بمدينة لندن والذي انسلخ عنهم في بداية التنظيم وكتب عنه حينهاالصحفي
المغدور محمد احمد محمد طه عبارته الشهيره ( عندما تغرق السفينه فان اول من يخرج
منها الفئران ) وهو يقصد بذلك سفينة الانقاذ حينما كان يبث في تلفزيون السودان
النشيد الشهير ( وسفينة الانقاذ سارت لاتبالي بالرياح ) والرياح المقصوده هنا هو صوت
الجماهير الغاضبة حينها بعد علمهم بحقيقة الانقلاب وبماآلت اليه الاوضاع حينها .
لم يأت خالد بجديد ولن ياتي بجديد فهي يا اخي مجرد تناحرات بعد ان استجاب الله لدعوات
الصابرين بان يجعل كيدهم في نحورهم , ومانحرهم للصحفي المغدور محمد احمد طه ببعيد
وغيره كثر قد لاقو حتفهم من جماعتهم في احراش الجنوب وسجلت القضية ضد جون قرنق وحركته
الشعبيه
فهذه يا اخي تصفية حسابات فيمابينهم ويريدوا ان يشهدونا عليها والله شاهد على كل ما
اقترفت ايديهم من آثام بحق هذا الشعب الصامد الصابر .
ليطلع علينا اليوم وبعد صمت استمر ثمانية عشر عاما الصحفي خالد ابواحمد بهذه
المعلومات العامه البئيسة التي لاتحاكم جرذا ليعتبرها كفارة لمشاركته وصمته طيلة تلك
المده واذا لاحظت بانه حدد بانه انسلخ قبل سبعة اعوام اي انه استمر مع هذا النظام احدى
عشر عاما يمارس التطبيل الاعلامي وتوظيف قلمه الذي وهبه له الخالق لخدمة النظام وجرائمه
وهذه المدة التى انسلخ فيها ليست ببعيده عن الوقت الذي حدث فيه الانقسام الشهير بين
الشعبي واللاوطني وبعد ان وضعت الحرب اوزارها ونفذت الجبهة كل برامجها القمئية ومن
ضمنها التمكين وبعد مادخل في البلد خابور وخوابير البلد ذات .
خالد ابو احمد, احمد الله بانك وسط اولادك وانت من ساهم بقلمه في حرمان الكثيرين من
ابناءهم وزوجاتهم واهلهم وانت تعلم اكثر من ذلك , اين كان ضميرك هذا قبل ان تستفرغ
علينا هنا جيفة احشاءك المنتنه وانت كماتدعي الاعلامي الذي يجب ان يظل قلمه يكتب ويعبر
عن آمال وتطلعات شعب لاذنب له غير انه سوداني يتحكم فيه من كنت تسبح بحمدهم ليل نهار
وترى وتسمع وتشارك في اغتيال زملاءك في التنظيم , اين كان ضميرك حينها , لاتقل لي كان
في اجازة وضع احسبني اصدقك فيما تقول ّ!!!
سؤالى ابوبكر القاضي نسيبك الذي ذكرته هل هو من تعرض للتعذيب ممن كنت معولهم في
تأليبهم على الآخرين من امثال نسيبك او هو شخص اخر , وماهي حقيقة وجودك في البحرين
انت والكوز احمد كمال الدين الشهير بال......؟ هل هي الصدفه ؟ فصورته موجوده في احد
بوستاتك عن احتفالات السودانيين بالبحرين ؟
خالد ابو احمد لاعفا الله عماسلف لانها كانت ارواح اناس لم يكن لهم ذنب غير انهم قالوا لا
لنظام القهر والتسلط .
خالد ابو احمد ارواح هؤلاء معلقه حتى القصاص , وحتى ذلك الوقت لكل حدث حديث. |
ودي مداخلتي الثانيه , :-
Quote:
لاحولااااااااااااااااااا
كت اووت :
كنت عارفك يالناظر راقدلك فوق راي |
يعني كلها كانت مداخلتين بس
ونواصل ....
| |
 
|
|
|
|
|
|
|
 Re: معقوله بس ياتمبس ........؟؟؟؟؟ (Re: خضر الطيب)
|
Quote: الاخ الحبيب تمبس
لك التحيه والتقدير
عشان نبدى صاح خليني اجيب ليك مداخلاتي في بوست هباني |
مرحبتين يا خدر الطيب .. ايوة انا عايز البداية الصاح .. ويكون في علمك انا ما قاعد اتدرع لي زول .. ولو ما بعرف المقصود من مداخلتك دي في الحتة دي بالذات والله كان البوست دا تقلبو ايقونة ايقونة ما اسألك .. لكن اهو خفة روحك وقعتك في الحتة دي .. لما جيت كتبت المداخله الأولى .. هل سالتك ..؟ لانها ما بتعنيني بي شئ .. لكن المداخله الكتبتها دي بعد مداخلة المناضل هشام هباني وخاتي معاها مية وش .. ما في ليها اي دلالات خلاف ما ذكرت مع مراعاة انو عمكم الناظر ود هباني ما رد ليك على مداخلتك الأولى بما يستوجب الضحك بالأربعة وشوش دي 
Quote: لاحولااااااااااااااااااا
كت اووت :
كنت عارفك يالناظر راقدلك فوق راي |
شايفك في اقتباسك ما ختيت الوشوش الضاحكة دي .. مالك نسيته واللا شنـو..؟
..
.
نصيحة اخوية يا المخرج خدر الطيب ..
شهرا ما عندك فيهو نفقه ما تعد ايامو .. وبوست فيهو تصفية حسابات بين اتنين ما تدخل وتظهر نفسك بالمنظر الجبان أو الظريف علشان شكلك بكون واضح بالرغم من محاولات الميك اب..
دخل قبليك الأخ هلولي .. هل فعل نفس الافاعيل دي ..؟ عمك الناظر دا ما عندو مطبلاتيه كتار هنا معجبين بيهو .. هل في واحد فيهم دخل هنا وقدم العرض بتاعك دا ..؟
ليه ياخدر بتفتش ليها معاي .. وتدخل نفسك في حتات زي دي ..؟
الحوار البيناتنا دا ممكن الناس دي كلها تقراهو ... لكن صدقني ما بيعرفو يحسوهو .. علشان كدا انا واثق تمام في انو العايز اوصلو ليك بوصلو .. حتى لو ما قريت كلامي .. مش كدا..؟ انا دائما بعتمد على الذكاء الفطري بتاعك .. ولو لقيت ليك زول قال ليك .. دخلت في بوست هباني بي الوشوش الأربعة دي ما شينه تعال قابلني بدفع ليك تعويض بدل البوست الفاتحو دا ,.
يا ولد جيب القهوة والساندوتشات خلينا نعرف نتكلم مع المخرج المشهور دا ..
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
اذا تابعت المداخلتين الاثنين ديل ماحتلقى اني اتعرضت لاسمك اطلاقا ولاحتى مجرد تلميح
حتقول لي انو بعد مداخلاتك مع هباني وحيفهم من سياق البوست انو انت المقصود , لاني انا
دا الفهمتو من مهاجمتك لي , انت اعتقدت انو انا خضر الطيب دا قاصدك انت وبشجع هباني
على مهاجمتك , فاشهد الله يا اخي لم اكن اقصدك بمداخلتي تلك هذه اطلاقا
ليس لشئ بل لان ماكتبته انت في البوست المذكور كان موجها لهباني فالذي بينك وبينه هو شأن
خاص بكم ولادخل لي فيه فقد آليت على نفسي ان لا اتدخل بينكم لابخير ولابشر لان الذي بينكم اذا سالتني
رأي فيه , فهو شئ كبير وصل حدا لايمكن لاحد ان يتصوره , فهو فجور في الخصومه وصل حتى الخاص
ولمعرفتي بكليكما فانتم اكبر من ذلك بكثييير , هشام هباني اعرفه حق المعرفه , وكذلك انت .
دعنا من هذا الان ولنناقش ماكتبته عني في البوست المعني , وقد افسحت له هذا البوست حتى لا
اصرفكم عما انتم فيه وحتى نرى نتيجة صراعكم هذا والى اين سيوصلكم !!!.
انا ياصديقي قد صدمت عندما قرأت الكلام الموجه لي , حتى اذا فهمت منه انت انه موجه لك كان بامكانك
ان تستوضحني او تصفح بحكم العلاقه التي بيننا والتي ذكرتها انت علاقة (ملح وملاح) وهي بالتاكيد اكبر من ذلك
في تقديري , الا تذكر زيارتك لي انت والحبيب معتصم دفع الله في منزلي في الرياض في الساعه الثالثه والرابعه
صباحا , وزياراتي المماثله لكم ؟ هل مثل هذه الزيارات وفي تلك الاوقات تتم بين اشخاص تربطهم علاقه سطحيه؟؟
هل الذي عمر بيننا يمكن نسيانه والانقلاب عليه من مجرد مداخلة انت ليس المعني بها ؟....
بدون كت اووت :
لانو الموضوع كلو بالنسبه لي كت اووت , ذعلت في الاول واتفاجأت لكن انا مابالساهل اخرب عامر بيني وبين انسان
لمتني بيهو الدنيا دي في ساعة خير ,
جاييك ياتمبس ...
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
Quote: اذا تابعت المداخلتين الاثنين ديل ماحتلقى اني اتعرضت لاسمك اطلاقا ولاحتى مجرد تلميح
حتقول لي انو بعد مداخلاتك مع هباني وحيفهم من سياق البوست انو انت المقصود , لاني انا
دا الفهمتو من مهاجمتك لي , انت اعتقدت انو انا خضر الطيب دا قاصدك انت وبشجع هباني
على مهاجمتك , فاشهد الله يا اخي لم اكن اقصدك بمداخلتي تلك هذه اطلاقا |
.. يا خدر الطيب .. ياخي الله دا شافو بالعين واللا عرفو بي العقل .. الكلام دا لو جا كتبو لي شافع صغمبوتي من شفع الابتدائي صدقني بقبل بيهو .. لكن يجي منك إنت بالذات دي حاجة تانية ما بتتبلع .. دخل لي كلامك دا في ياتو صياغ ..؟ ياخي كلامك دا لو كان اتكتب تحت اي مداخله تانية ... والله العظيم ما كان اشتغلت بيك الشغله زي ما في حاجات كتيرة جدا بتكتب فيها الواحد بيقراها ويضحك .. يقول يحليلو خدر .. دا مش الكان بضرب معنا الفول والتميس والحاجات دي كلها .. مالو حسع دي الحاصل ليهو شنـو..؟ بعدين مسالة انك تشجع هباني يا ما تشجعو دي ما فارقه معاي كتير .. إنت طبعا عارفني قاعد اخلص اموري بي البفتحو لي ربي .. يعني ما مشكلة لوري كامل زي هشام هباني دا بي هتيفتو ومشجعينو وحملت الاعلام .. والمصوراتية .. بنجيهم ليك دي اصلا ما حاجه صعبة.. بس الثبات الناس تساعدنا فوقو.. Quote: ليس لشئ بل لان ماكتبته انت في البوست المذكور كان موجها لهباني فالذي بينك وبينه هو شأن
خاص بكم ولادخل لي فيه فقد آليت على نفسي ان لا اتدخل بينكم لابخير ولابشر لان الذي بينكم اذا سالتني
رأي فيه , فهو شئ كبير وصل حدا لايمكن لاحد ان يتصوره , فهو فجور في الخصومه وصل حتى الخاص
ولمعرفتي بكليكما فانتم اكبر من ذلك بكثييير , هشام هباني اعرفه حق المعرفه , وكذلك انت . |
. طيب كان أليت على نفسك بي صورة اوضح .. مافي داعي ياخي تعمل ليك مداخله مخجلة كدا تعال قول لي يا تمبس ياخي بطل البتعمل فوقو دا .. واطلع من هنا علشان خاطر حاجات كتيرة .. والله يا خدر كان بختها ليك في حتات اكبر من كدا .. رسل لي بماسينجر الله والرسول دا بحترم وجهة نظرك .. ياخي إنت مش اكلت معاي عيش وملح وكنت بجيك زي ما قلت الساعة مية بالليل وبتجينا الساعة مية وخمسين .. ياخي ما كان بس تجي تقول لي عمك العمدة دا .. ياخي والله الزول دا انا بعرفو ما ليهو علاقة بالكلام المكتوب دا .. وما ليهو علاقة بي هضربتك دي .. زي ما قبل كدا وقفنا ليك الف أحمر هنا دا والناس دي وقفت ليك لما طلعت معتصم دفع الله دا امنجي في بوست حدادي مدادي .. إنت بقيت تنسى واللا شنـو يا ابو خدره ..؟ واللا بتشجع اللعبة الحلوة ..
قهوتو بي شنـو بتشربه ..؟ اوعه من الاسبريسو .. اشربه على الريحه مع الدهشة دي والله ممكن تكتب شعر عديل.
بعدين ياخي بالنسبة لي ذكر الاسماء وكدا .. بلاي كدي ارجع بوست عمك الناظر داك وعاين لي المداخلة الصلاخية دي وعاين لما سبقة من حوار:
Quote:
أب أحمد
أشك في دوافع كل من يحاول إسكاتك
الباقر موسى |
دي تدرجة تحت اي مسمى ..؟ حسع دي كانت محتاجة ليها لي ذكر اسماء ..؟ النوعية دي مدمنه لي الردود الزي دي .. والواحد شجاعة كافية ما عندو علشان يجي يقول ليك الكلام دا بالدغري .. يرميهو صلاخية كدا ويمشي يخليهو.. وانا بما اني زول صاحبك بالتجنس .. ما عايز لك الميته ام رمادا شح .. ما عايزك تبقى زي عمك الناظر دا .. وزي الزول بتاع الصلاخيات الفوق دا .. لما تجي ترمي ليك حاجة ارميها مليانه .. ولو كمانن يا خدر عايز تضحك بنضحكك .. عوجه مافي .. مما يسرنا انو كل حاجة تكون في حتته السليمة.. بصرف النظر عن الاضرار المترتبة .. والتعليق داخل البوست ليس على مسؤولية صاحبة وانما يمكن ان (يزرقن) عليه..
Quote: دعنا من هذا الان ولنناقش ماكتبته عني في البوست المعني , وقد افسحت له هذا البوست حتى لا
اصرفكم عما انتم فيه وحتى نرى نتيجة صراعكم هذا والى اين سيوصلكم !!!. |
والله يا بخدر مافي عوجه .. كان فسحتو هانك واللا هنا دي وجهة نظرك .. لكن طالما طلبتنا بالاسم عوجه مافي .. بعدين الصراع البيني وبين عمك الناظر دا .. الناس دي كلها عارفه حقيقتو شنــو... لو عاجبك تعال واصل واقرا .. لكن ما تسال عن نهايتو متين ولا بدايتو متين .. Quote: انا ياصديقي قد صدمت عندما قرأت الكلام الموجه لي , حتى اذا فهمت منه انت انه موجه لك كان بامكانك ان تستوضحني او تصفح بحكم العلاقه التي بيننا والتي ذكرتها انت علاقة (ملح وملاح) وهي بالتاكيد اكبر من ذلك في تقديري , الا تذكر زيارتك لي انت والحبيب معتصم دفع الله في منزلي في الرياض في الساعه الثالثه والرابعه صباحا , وزياراتي المماثله لكم ؟ هل مثل هذه الزيارات وفي تلك الاوقات تتم بين اشخاص تربطهم علاقه سطحيه؟؟ هل الذي عمر بيننا يمكن نسيانه والانقلاب عليه من مجرد مداخلة انت ليس المعني بها ؟....
|
والله يا خدر اتصدمت انا قبالك زمان .. وكانت في مداخله بيناتنا اظنك تكون حسيت بمستوى الصدمة الفيها وقررت وقتها اني اقيف نهائي ما اتداخل معاك خاصة بعدما بديت اقرا في مداخلات لا تشبه الشخص الذي عرفته .. ما انا بس العديد من الأخوة المشتركين بيننا.. وكنت قبلها وجهت ليك كلام ووصلنا لمنطقة مقفوله .. قررت ان ابعد فذاك شأنك ولك حرية ما تختار من خيارات تتوافق مع نظام حياتك وطريقة اطروحاتك .. لكن حالما تضررت منك بشكل مباشر فلي ايضا خياراتي التي اراها تحفظ لي ما تحفظ .. زياراتي لك ومعتصم في الساعات المتأخرة من الليل كانت غالبا رد لزيارة .. الفترة الأخيرة كانت بيننا علاقة مباشرة بشكل اوسع شخصك وشخصي .. لاشياء كثيرة اعتقد ان هذه المساحة لا جريرة لها بتحملها .. حيث انها مسائل شخصية تتعلق بالكثير من الأمور العملية .. حتى لأخر لحظات كان بيننا تبادل منافع مشتركة وبدأنا في الشروع في الكثير من الأمور .. لذلك مسالة الزيارة ورد غطاها دي وارده مالم تكون تضررت بشئ ما .. انا غايتو ما اتضررت لحدي ما مشيت كنت كويس .. لا يمكن نسيان اللحظات السعيدة ولا يمكن التنكر لكل ما هو جميل .. هذه من ضمن القيم التي ما زلنا نحتفظ بها .. لكن ما عبثنا باصدقائنا الذين جمعتنا بهم الحياة حتى ولو ثواني .. لكن البخستك فيهم بنوريهو المسالة بالواضح ... وبدون تلميع وفلاشات وتنميق كلام .. لانو مسالة العيش والملح دي لحدي الآن بنقدره كويس .. Quote: بدون كت اووت :
لانو الموضوع كلو بالنسبه لي كت اووت , ذعلت في الاول واتفاجأت لكن انا مابالساهل اخرب عامر بيني وبين انسان لمتني بيهو الدنيا دي في ساعة خير ,جاييك ياتمبس ... |
والله فيك الخير يا ابوخدره اصيل من يومك .. وما بتحب الخراب .. لكن محتاج ليك لي وزنة بلوفه .. الكهربة العالية السربتها بي هناك دي .. شكلها ما لذيذ في حق الأخوان..
خلص دهشتك .. وحاجاتك وتعال بي رواقه .. انا قاعد كان الله مد في العمر..
وابشرك انو القهوة والساندوتشات راحو في غضب الله .. من قبل عشرة دقائق كدا.. طبعا عارف النسكافية دي مع ساندوتشات الجبنة حاجة كدا غريبة.
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
هنا عاوز اوضح ليك حاجات عني انت ذكرتها مغلوطه اذا كنت عارف حقيقتا
ومصر انك تقولا غلط كده بزعل منك شديييييد لانو انت واحدمن القلائل مفروض
انك عارفا
| Quote: ان شاء الله تكون اخدت اللجوء السياسي |
اللجوء السياسي الانت وصمتني بيهو كنت برضو حاتشرف اني جيت طالب لجوء
دا معناها انا انسان عندي موقف بي سببو طلبت اللجوء دا .بعدين الناس
البطلبو لجوء ديل بطلبوهو من زول ؟ .ديل بطلبوه من الامم المتحده...!!
لكن للحقيقه اناماجيت البلد دي طالب لجوء ياتمبس دا بس لي معلوميتك
اذا عملت ماعارف !!! ممكن تسال معتصم دفع الله المعاك دا ..
| |
|
|
|
|
|
|
|
|
 Re: معقوله بس ياتمبس ........؟؟؟؟؟ (Re: خضر الطيب)
|
| Quote: هنا عاوز اوضح ليك حاجات عني انت ذكرتها مغلوطه اذا كنت عارف حقيقتاومصر انك تقولا غلط كده بزعل منك شديييييد لانو انت واحدمن القلائل مفروض انك عارفا |
.. لالا يا خدر كان زعلت مني ازعل مني برررراحة شديد دي ما كويسه علشان صحتك ..
بعدين غنت زعلان ليه ..؟ كان شديد واللا براحه لكن حاجات شنو البقوله صاح واللا كان غلط .. ومن اساسو مافي حاجة بتخليني اقول .. كلما في الأمر قلت ليك يا خدر اخدت اللجوء واللا لسه ..؟ الحركة دي سخنت معاك ..؟ خلاص ما اخدت اللجوء واللا لسه ... اعتبرني سحبته كلامي دا ..
الحاجات القلايل دي يا بوخدره ما عندي بيها علاقة .. لكن لو عايز ندردش عنها ما عندنا مشكلة لكن ما شايف انو في الخاص بتكون احلى . بعدين الصورة دي زينة وعاجباني .. بالنسبة لي حاجات كتيرة جدا متذكر واللا نسيت .. دا نحن طابخنو مع بعض يا ود يا عفريت إنت .. حسع يعني عشان مشيت لندن تبيعنا كدا ببلاش ..؟
مش عيب عليك .. وحرام عديل كدا ..؟ دا نحن البنينا عليك امل وسجدنا للشوق في عينيك..
.. والله يا ابوخدره حقو الواحد يلعب معاك لعبة اكتشف الاخطاء في الصورة دي .. يا حبيبي انا .. .. | Quote: اللجوء السياسي الانت وصمتني بيهو كنت برضو حاتشرف اني جيت طالب لجوء دا معناها انا انسان عندي موقف بي سببو طلبت اللجوء دا .بعدين الناس البطلبو لجوء ديل بطلبوهو من زول ؟ .ديل بطلبوه من الامم المتحده...!! لكن للحقيقه اناماجيت البلد دي طالب لجوء ياتمبس دا بس لي معلوميتك اذا عملت ماعارف !!! ممكن تسال معتصم دفع الله المعاك دا .. |
عاشت الأمم المتحدة .. ما انا يا كابتن خدر عارف المسالة دي من الأمم المتحدة .. وعارف كمان جيدا انو لو جيت لندن ممكن اطلب لجوء واقول لي ناس الأمم المتحدة والله انا مطارد في واحد اسمو خالد الطيب في سودانيزاونلاين هددني قال لي بحرق ليكم راس بيتكم .. واقول ليهم كمان في واحد اسمو هشام ظاطووو قال لي يا كوز .. ولو ادوني اللجوء بعد المكنة دي وحياتك برجعو ليهم بقول ليهم خلو اليستفيد منو واحد بستاهلو فهمتني ..؟ بعدين إن برضو عارف انو لندن دي بجيها كيف .. زي ما حكيت ليك قبل كدا والغريبة انت عارف والله عارف  عشان كدا مسالة إنك تشرح لي مسالة انك جيت كيف دي ان ما محتاج ليها .. اظعط ليها بوست كامل واحكي التفاصيل .. انا عارفك مشيت زيارة .. لكن مالو يا بوخدره .. مش في عمرة وزوغـه .. يعني خلاص بقت عليك إنت بس ..؟ بعدين معتصم دا خليهو طرف نسال بعض هنا دا سؤال نكير .. مش البوست دا فاتحو لي .. متعنا ونمتعك .. اصلو الايامات دي الجو ربيعي وبيستاهل المتعة .. تتخيل شارع التخصصي كلو قايم زهور والجماعة في عليشة والمربع وخنشليلة ضاربين الطراوة والاخوان في غبيرا وفي مطعم ريم بيغروك السلام .. بمناسبة المولد وبيقولو ليك كان جاي قريب جيب معاك اي حاجة تشوفه مناسبة وكان ما جاي قريب عافيين وراضيين عنك دنيا وآخره .. أما لو دار محور سؤالك عني فأنا بخير ولا ينقصني شئ سواء رؤياكم الغالية
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
| Quote: المناضل خضر الطيب .. |
بالله عليك ياتمبس حصل انا يوم قلت ليك انا مناضل واتحداك جيب لي اي
بوست انا كاتبو او متداخل فيهو مذكور فيهو العباره دي !!
Quote: والله يا خدر الطيب شايف سواتك في البورد وتدخل في اي مكان تتشممشر
وتحكي عن لندن شايفك فرحان بيها شديد .. ضارباك البوخه بتاعت الايامات الأولى دي .. |
الشمشره الانت قاصدا دي بصراحه انا ماعارف معناها ممكن توضح لي بالضبط انا اتشمشرت في شنو ؟
بالنسبه للندن انا مامؤهل اني احكي عنها في ناس معانا هنا في البورد دا قاعدين ليهم سنين طويله
ممكن يحكو ليك عنها اكثر مني , لكن ياصديق اكون كذاب اذا قلت ليك انو لندن مافتنتني , بصراحه
ياتمبس البلد دي بتنفع معاك , اقل حاجه احساس الامن اللقيتو في البلد دي بصراحه كنت بفتقدوا في
السعوديه وخلال 11 سنه , انت ماحتصدقني طبعا لحدي ماتجي وتشوف الفرق بعد داك احكم ياصديق
| Quote: ضارباك البوخه بتاعت الايامات الأولى دي |
والله غايتو ياتمبس الجمله دي متعتني متعة !!! بوخه قال , ماياهو طلعت شفت
بالله عليك الله اتخيل البوخه دي شغاله والجليد نازل بي بره برضو تقول لي السعوديه ؟؟
بجيك بدون فوره ,,, شايفك زدت عدد الفورات من الف خليتا تلاته الف !!!
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
Quote: بالله عليك ياتمبس حصل انا يوم قلت ليك انا مناضل واتحداك جيب لي اي
بوست انا كاتبو او متداخل فيهو مذكور فيهو العباره دي !! |
ما قلت لي يا زول ومن غير تحدي .. لكن دا مش شرف عظيم ليك ..؟ في زول بيكره انو يكون مناضل . وإن اختلفت المسمسيات .. قول لي المناضل تمبس شوفني برجعك ..؟ والله ما ارجعك اتحداك عديل كدا كان ارجعك .. والله مفترض تشكرني يا خـدر مش ترجعني.. Quote: الشمشره الانت قاصدا دي بصراحه انا ماعارف معناها ممكن توضح لي بالضبط انا اتشمشرت في شنو ؟
بالنسبه للندن انا مامؤهل اني احكي عنها في ناس معانا هنا في البورد دا قاعدين ليهم سنين طويله
ممكن يحكو ليك عنها اكثر مني , لكن ياصديق اكون كذاب اذا قلت ليك انو لندن مافتنتني , بصراحه
ياتمبس البلد دي بتنفع معاك , اقل حاجه احساس الامن اللقيتو في البلد دي بصراحه كنت بفتقدوا في
السعوديه وخلال 11 سنه , انت ماحتصدقني طبعا لحدي ماتجي وتشوف الفرق بعد داك احكم ياصديق |
.. يا خدر معقولة بس ..؟ الشمشرة ما عارف معناها ..؟ بلاي بسرعة كدا جو لندن دا بقاك برئ كدا ..؟ طيب كان كدا التون جون مفترض يطير عديل كدا مش يكون عندو بس .. ما يتعلق بالشمشرة سبق وشرحناهو فوق يا خدر .. بتلقى الشرح الما محتاج لي شرح .. وركز لي معاك على الوشوش الضاحكة .. وخلي عمك الناظر يجي يقول دي ما شمشرة ... اصلو غير عمك الناظر دا ما عندنا زلا بيصنف لينا ويوسم لينا وينوط لينا ويوزع ويتهم لينا .. دا كلوووو من عمايل عمك الناظر دا شفت كيف..؟ والله يا ابوخدره تجدني اقدر ليك حسك الفني العالي في اختيارك لعنصر الدهشة والافتتان بلندن .. وإن شاء الله تلقى فيه الما مالقيتو في اي مكان .. (وما تدري نفس ماذا تكسب غداً وما تدري نفس بأي أرض تموت) صدق الله العظيم .. للبني آدم دورة حياة من الميلاد للحد .. بيكمله في اي مكان .. بمحض ارادتو بي حنكو بي ضربة حظ .. احتمال اماكن محددة تكون سلم نرتقي بيهو اماكن اخرى تتوفر لنا فيها سبل حياة اجمل عن سابقتها واكثر رغدا .. واوفر حظا .. لكن في كل الأحوال بنشكر الله على نعمة انو كل مرة اتوفرت لينا سبل عيش كريم في مكان احتضنا وقدم لينا ما قدم وكان مخرج لينا .. فالبني آدم حسب المنظومة الطبيعية ليهو رزقو في مكان ما طالما هو موجود ونفسو طالع ومارق لحظة ما رزقو دا انقطع من الدنيا بيمشي لي مكان تاني فيها رزقو .. وبياكل نارو براهو .. علشان كدا يا صاحبي شايفك كتير جدا كتبت كلام ما جميل عن المكان الكنت فيهو دي طبعا وجهت نظرك .. لكن كمان كالما جبت سيرة السعودية دي .. في البوست دا والحداشر سنة .. كدي اسرح شوية بي كباية القهوة بتاعتك دي .. مع الفتنة بتاعتك دي .. وشوف السعودية عملت معاك شنـو .. لاحظ مراحل التطور من مرحلة لي مرحلة .. كلنا احتضنتنا البلد دي وفزعنا ليها كلنا عمره برضو .. وظروفنا اتحسنت فيها .. والله برغم ما وجدنا فيها من صعوبات ومن الكثير من المآسي .. لن نذكرها سواء بالخير .. حتى لو انتقلنا للعيش على سطح القمر ..
لذلك
تعجبت لما كتبته هنا عن السعودية واستغربت أن يصدر هذا الحديث من خدر الطيب .. وعرفت ان الزمن والدهشة تعرف كيف تغير الكثير من الأمور .. كنت فقط احترم فيك ان تحترم هذا المكان دون أن توجه ما يوجهه له البعض وللذين فيه وهم نحن من سخرية ..
هذه من الاشياء التي وجب الحديث عنها طالما البوست دا سمك لبن تمر هندي .. يعني ما بتاع نضال بس .. اهو نضال ومكاشفه ..
بعدين زي ما عارف انا مكان فيها (سقط كتير) قلت ليك قبل كدا ما بتنفع معاي كان عايز تخدمني وديني خط الاستواء .. وديني مكان فيهو بحـر وجيب لي صارقيل ورماي .. وخلي الباقي علي ..
ما تستغرب من حصة الدين الفوق دي .. وتقول الزول دا بقى سلفي:
انا بس حاولت اكتب ليك واصور الاحساس .. واقول كلام في الريد زي النجوم والماس .. | Quote: والله غايتو ياتمبس الجمله دي متعتني متعة !!! بوخه قال , ماياهو طلعت شفت بالله عليك الله اتخيل البوخه دي شغاله والجليد نازل بي بره برضو تقول لي السعوديه ؟؟ بجيك بدون فوره ,,, شايفك زدت عدد الفورات من الف خليتا تلاته الف !!! |
انا مش قلت ليك في بوست هشام هباني الكضاب انا جاهز وبمتعك ..؟ بعدين شفت شنو ياخي ح اكون اشفت منك يا خدر وما عارف معنى شمشره شنـو.؟ إنت ما سمعت حماده بت .. كان ما سمعتو اطلبو من عمك الناظر بيجيبو ليك .. من اليوتيوب .. وقول ليهو الاغنية بتاعت (عــود النقط .. نقط ) طبعا بي حرفنتك دي تكون نقشتني قاصد شنـو..
ياخي عليك الله إن السعودية دي ما لاقاك فيها بوووخ .. وجليد وبتاع .. لو كان كلمتني كان وديتك محلات البوووخ والجليد في صالة هنا في التخصصي مليانه جليد وبووخ لي حدهـا .. كنت قايلك اشفت من كدا وبتعرف البوخ وين في السعودية وفي الرياض تحديدا.. بس اعمل حسابك يا خدر قالو بوخ لندن دا (للفارات) الجايين جدادمن الصحراء احتمال يعمل ليهم زهـول .. وأنا خايف عليك .. اوزن معدل البوخ الداخل مع كمية الشهيق واكتم في صدرك .. ولما تجي (تقح) اديني خبر .. طبعا إنت ما قايلني كنت في الهــلال الأحمـــر مش كدا..؟
لا عدد الفورات دي إنت ما مشمول بيها دي لي ناس عمك المناضل الناظر .. إنت ما مناضل لسه .. خليك طبيعي واخد نفس عميق .. لسه .. يوم فورتك معاي الله ما جابو قول آمين ..
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
نسيت اقول ليك صباح الخير
بالمناسبه البوست دا كلفني وقت كبير جدا ياتمبس بس كان لازم اوضح ليك شعوري
تجاه الكتبتو عني دا , وعشان اوضح ليك اكثر اني ماقاصدك
Quote: لكن طالما بقيت تدخل في حتات بتطاعن بيها تمبس .
. انكرب إنت كمان |
برضو بقول ليك ماتدخل في حساب النوايا مش عشاني ,, عشانك انت ,وبعدين انا
ياتمبس منكرب خلقه وانت ماماسك علي ذله عشان اخاف انك تكشفا , وحتى لو كنت
انا صديقك او مجرد انسان عرفتو في يوم من الايام هل دا بديك الحق في انك تذكر
مساوئ ؟؟ اذا كان كدا ياصديق يبقى سلام على الدنيااذا لم يكن بها صديق صدوق صادق الوعد منصفا
Quote:
انا عارفك بتحب الظهور والظهور العايز تقشر بيهو دا .. مافي عوجه بنعمل ليك ميك اب وبنصلط الضو عليك إنت قايل ورانـا شنـو..؟
شوف الصورة الفوقانيه دي واتذكر الايام الخوالي .. وبالرغم من انو بيناتنا عيش وملح .. لكن كدي خلي الحاجات دي طرف |
بالله عليك الله جيب لي زول واحد بس يقول انو مابحب الظهور باستثناء نقد , لكن لوكنت بموت في الظهور
كان عندي الامكانيات البتخليني اكون مذيع مش حتة مخرج خلف الكواليس مافي زول بعرفو غير ناس تمبس
ومعتصم .
دي مش الصوره الانت جبتها في البوست بتاع هباني ؟ بالله محتفظ بيها لحدي هسي طيب ياخ
لو كنت انا الزول الكاتبين فيهو الكلام الفوق دا معقول بشرفك انك تتصور معاهو
وبعدين منو البحب الظهور ياتمبس ؟؟ المخرج ولا المتصور مع المخرج ؟؟
| Quote: المناضل الشايفو متصور معاي دا امنجي كبير |
لا ...لا... لا.... كده بزعل منك بجد لانو في الحقيقه انت المتصور معاي والشاهد
الكمره التلفزيونية دي يعني انت جيتني جنب كمرتي واتصورت معاي , اما بالنسبه
للحبيب معتصم في الصوره الفي البروفايل الجنبك دي فعلا انا اتصورت معاهو لانو
قال لي تعال اتشرف اتصور معاي ......
ملحوظه للناس الماعارفين عشان انا بحب الشو , الصوره دي كانت بمناسبة تكريم ابناء
الصحافه للفنان عثمان حسين والتي قمت باخراجها ومن ضمن الناس الاتقدمت ليهم الدعوه
صديقنا تمبس المتصور معاي دا , وممكن للتأكد من المعلومه دي تسالو اخونا عادل
جباره او اخونا هاشم خلف الله او اخونا امير الجمري وهم معانا في البورد دا
كملت قهوتك بتاعت الصباح ولا لسه ؟ حاسب ماتشرقك انا لي فيك آمال ... حتضيع مع الاهمال
فاصل ونواصل .....
(عدل بواسطة خضر الطيب on 05-14-2008, 02:00 PM)
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
Quote: نسيت اقول ليك صباح الخير
بالمناسبه البوست دا كلفني وقت كبير جدا ياتمبس بس كان لازم اوضح ليك شعوري
تجاه الكتبتو عني دا , وعشان اوضح ليك اكثر اني ماقاصدك |
نهارك سعيد جدا يا ابوخدره .. ومعليش الواحد بقدم ليك اعتذارو للزمن الراح منك دا .. وبقدر شعورك بالنسبة للتوضيح .. لكن مسالة انك ما قاصدني دي خليها بيناتنا .. ما تتوتر منها شديد .. لكن كلما تحس بي نفسك ريلاكس كدا امشي ادخل شان تشوف كلامك لي عمك الناظر .. وبعداك ما عندك مشكلة طلعني مجنون .. عافي منك .
Quote: برضو بقول ليك ماتدخل في حساب النوايا مش عشاني ,, عشانك انت ,وبعدين انا
ياتمبس منكرب خلقه وانت ماماسك علي ذله عشان اخاف انك تكشفا , وحتى لو كنت
انا صديقك او مجرد انسان عرفتو في يوم من الايام هل دا بديك الحق في انك تذكر
مساوئ ؟؟ اذا كان كدا ياصديق يبقى سلام على الدنيااذا لم يكن بها صديق صدوق صادق الوعد منصفا |
حساب نوايا وين يا خدر ولوغريثمات ياتو حسنه .؟ ياخي الكلام الكتبتو اهنداك قاعد دا محتاج لي نوايا ولي حصة تشريح ..؟ مالك يازول ما كنت كويس فوق إنت لحدي ما جبنا القهوة واي حاجة .. بعدين بالنسبة لي الحمد لله ما مصاب بجنون الارتياب ولسه مرحلة الشيخوخه باقي لينا منها كم عتبة كدا .. لسه بنفرز يا خدر وقادرين ندخل الابره في الخيط وجوه الجك .. بعدين ياخي عيب عليك .. زلة شنـو يا خدر واكشفه شنـو..؟ بلاي دا كلام تقولو وإنت قاعد في لندن ..؟ ياخي قول عارف عنك زلل الدنيا دي كلها .. بلاي من معاشرتك لي في الفترة البسيطة دي بتاعت الكم شهر دا .. تفتكر انو انا من النوعية البتتكلم عنها دي ..؟
ياخي بالجد كنت ماشي كويس لكن كلامك دا زعلني وانا لما ازعل ببقى صعب جدا احتمال اشرب ليك اي بوووخ في الدنيا دي حايم قدامك .. فما تزعلني تاني يا خدر بي كلام ما مسؤول زي دا .. إنت راجل مفتح وود سوق برضو. ياخي قبلما اقابلك مش كنت قاكر الريد مستحيل .. لا والله يا خدر في البلد الشفتنا ولقيتنا فيها دي .. خبرنا ناس من قبلما نعرفك بي مية سنة .. والله كلامك البتقول فيهو دا عن المساوي وعن الحاجات دي لو واحد بس من المليار ديل قال لي الكلام دا كان بطلت الحركة بتاعت حصد الريالات دي ومشيت بلدي .. ياخي زي ما انت منكرب نحن برضو انسانيا كدا عودنا عود راجل زي ما قال يك هشام كضباني .. لا بنحش الزول بي وراهو .. ولا بنحب الحششان فينا لكن اكان اتملت قش ولبنت والطير اكله .. الحشاش يملى شبكتو .. وساعته الفورة بتكون الف احمر واحد بس. ما لزنا نحتفظ بالكثير من الاصدقاء الذين خبرونا عن قرب وخبرناهم .. الذين لا تتبدل مواقفهم وهم غير عابري سبيل في دنيانا .. بل شكلوا لنا الكثير مما اعطونا ومما اخذوا .. معظمهم يعطون بلا مقابل .. ويحلفون ان تأخذ بلا من أو اذيه .. Quote: بالله عليك الله جيب لي زول واحد بس يقول انو مابحب الظهور باستثناء نقد , لكن لوكنت بموت في الظهور
كان عندي الامكانيات البتخليني اكون مذيع مش حتة مخرج خلف الكواليس مافي زول بعرفو غير ناس تمبس
ومعتصم . |
منو القال ليك نقد بس .. عندك بريش بتاع الموردة .. عندك انا القدامك دا .. حسع دي لو ما إنت تفتكر انا كان ظهرت كدا ومتصور لي مع مشهور وجمبو كاميرا كبيرة ..؟ والله اريتك لو كان بقيت مذيع وحتة مخرج الاتنين ظابطات معاك يا خدر مالك هين واللا لين .. تخرج وتذيع ونجي ت=نتفرج فيك انحنا ياخ اقول ليك حاجة..:
كونك تعرف زول زي تمبس دي في حد ذاته حركة كويسة منك .. كمية الاخراج فيها كان رائع لابعد حد .. الحمد لله اتوفرت لي الواحد فرصة انو يلاقيك وكان ناوي يستفيد منك .. لكن اهو زي ما شايف دي الدجنيا ماشه بالطريقة دي .. Quote: دي مش الصوره الانت جبتها في البوست بتاع هباني ؟ بالله محتفظ بيها لحدي هسي طيب ياخ
لو كنت انا الزول الكاتبين فيهو الكلام الفوق دا معقول بشرفك انك تتصور معاهو
وبعدين منو البحب الظهور ياتمبس ؟؟ المخرج ولا المتصور مع المخرج ؟؟ |
زي ما عارف الصور دي وغيرها وزي ما شفت في الجهاز الخاص بي في البيت كميات معتبره لينا وللزمن .. كيف ما احتفظ بيها ..؟ انا زول ارشيفي جدا .. والله يا خدر زي ما عارف لما كنت هنا ولمتني معاك السعودية دي .. الحاجات كان شكلها غير كدا والواحد ما كان مفتكر في يوم من الايام تجي داخل وراء عمك هشام كضباني علشان تتشمشر عليهو .. وتنكره .. (لاحظ لحدي الآن مكنكش ليك في الحتة دي كيف).. ياخي الدنيا دي في اليوم بنلاقي فيها كم زول ..؟ قاعدين نغربل كتيرين وكتيرين بغربلونا ما لمنا زول .. ولا زول لامنا .. والله لو كنت فاكر في يوم بقيف معاك موقف زي دا صدقني كان تترخي رخية السنين .. الله ما كتر إلا المخرجين .. والله الواحد لو كان يمشي لي اسامة انور عكاشة يتصور معاهو ما كان اتحير ..
المتصور مع المخرج طبعا هو البحب الظهور .. لكن هل يقدر المخرج ان ينفي انو في الليلة ديك كان شغال كومبارس .. وكان في نفس الوكت صاحب البطل .. وجراهو من يدو علشان يتصور معاهو ... ويقول انا اتصورت مع البطل .. .. والله ياخدوري من ما مشيت الواحد ما ضحك بالطريقة دي .. والله حقو ادفع ليك بدل متعة .. جيت امتعك متعتني ..
متعتني .. متعتني .. متعتني حبيبي متعتنيييييي .. Quote: لا ...لا... لا.... كده بزعل منك بجد لانو في الحقيقه انت المتصور معاي والشاهد الكمره التلفزيونية دي يعني انت جيتني جنب كمرتي واتصورت معاي , اما بالنسبه
للحبيب معتصم في الصوره الفي البروفايل الجنبك دي فعلا انا اتصورت معاهو لانو قال لي تعال اتشرف اتصور معاي ...... |
معقولة يا خدر نحن ح نختلف في صورة .. ونزعل ..؟ ياخي انا الاتصورت معاك دا .. بعدين الكاميرا دي ما كاميرتك شان اوريك كمان الكاميرا دي ماعندك بيها علاقة .. انت كنت حايم في الصالة واتصورنا كتير وقعدنا بره كتير الكاميرا دي كان فيها شباب تانين شغالين فيها وهم اصدقاء عرفتهم عن طريقك إنت ... بلاي حسع دي الناس البتقرا في كلامنا دا يا خدر يجو يقولو الناس ديل فرحانين واللا شنـو طمرتي وكمرتك صورني واصورك .. ياخي شرطته عينا ياخدر والله كان عارف كداما كان اتصورته معاك ولا جيت بي جمبك زاتو .. حسع الناس الوريتهم الصورة دي اقول ليهم شنو يعني ..؟ بعدما راقت ليهم فكرة اني متصور معاك دي .. Quote: معاهو لانو
قال لي تعال اتشرف اتصور معاي ...... |
والله فعلا مخرج كبير جدا .. طيب ياخ انا لما صورتكم ما متذكر قلت ليك يشرفني اني صورتك بي الكاميرا الـ hp دي ..؟ ياخدر مالك بتعمل كدا إنت ..؟ البوخ بتاع لندن دا قام بيك ..؟ كان ما قدرت عليهو تعال صاد بي دربك .. ..
Quote: ملحوظه للناس الماعارفين عشان انا بحب الشو , الصوره دي كانت بمناسبة تكريم ابناء
الصحافه للفنان عثمان حسين والتي قمت باخراجها ومن ضمن الناس الاتقدمت ليهم الدعوه
صديقنا تمبس المتصور معاي دا , وممكن للتأكد من المعلومه دي تسالو اخونا عادل
جباره او اخونا هاشم خلف الله او اخونا امير الجمري وهم معانا في البورد دا |
اشكرك على هذه المعلومة والحملة التعريفية .. وسبق انو نزلنا الصور هان دا وتغطية كاملة للحفل ودي حاجة بسيطة جدا الواحد يقدمه للاستاذ عثمان حسين .. امد الله في ايامو .. ونتمنى تتكرر زي الحاجات دي .. والفرصة كانت عظيمة جدا انو الواحد انتهز الفرصة دي واتصور معاك برضو وكان ليهو عظيم الشرف وزي ما اتصور بجانب الاستاذ ابوعفان .. وسعيد وفخور بالمسالة دي .. برضو سعيد انو متصور معاك للذكرى والتاريخ .. عشان بعدين لما يقول انا لاقيت المخرج خدر الطيب في الرياض مافي واحد يقول لي قووول واللللله..؟ Quote: كملت قهوتك بتاعت الصباح ولا لسه ؟ حاسب ماتشرقك انا لي فيك آمال ... حتضيع مع الاهمال
فاصل ونواصل ..... |
يا خدر إنت عامل USB Cable للبوست دا وبوست الكضاب خهشام هباني وقاعد تهرب في الداتا ..؟ واللا شغال واير ليس ..؟ لانو القهوة دي قلنا نشربه في البوست بتاع هشام افترضنا انو راح نقزقز بيهو مع قهوة الصباح .. بلاي تجي تخمش القهوة وتكشحه لينا في القميص ..؟ وتقول لي هاك اشرب قهوتك ..؟
واصل كفاحك خليك حريص .. إنت القائد وإن الرئيس واااااااصل كفاحك ..
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
الصور الجايه دي ياتمبس عشان تدبل القهوه
من اليمين الحبيب الصادق خليفه والحبيب ادريس خليفه وشخصي البحب الشو والصديق تمبس
المابحب الشو ( متصور مع مخرج تلفزيوني واثنين من المشرفين على الامسيه , وطبعا هو
كان مشرف معاهم بدليل البطاقه الخاتيها على صدرو دي تقول شغال في مركز ابحاث
وبتضحك مبسوط لحدي ماضرس العقل ظاهر
طبعا انا هنا اتشرفت بدعوتكم الكريمه لرائعة استاذنا ابوجهينة (اماندا والابنوس)
وهنا ممكن تقول انو انا متصور معاك .
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
قهوتك كيف ؟ محتاجه شويه سكر ولا كده مظبوطه ؟
شفت ياتمبس الناس الفي الصور ديل وعندي اكثر من الف صوره مع
ناس تانين جمعتني بيهم لحظات طيبة مستحيل انساها او انساهم
ومستحيل يجي يوم من الايام اني اسئ لي واحد فيهم مهما تعدى على
والحمد لله انا قاعد اختار ناس كويسين عشان اتعرف عليهم الا فيما ندر
وفيما ندر دي بالتاكيد مابتكون من سوء تقدير ولكني بتعامل بانسانيه
والحمد لله . اما المابتعامل معاي بانسانيه فدي اكيد راجعه ليهو ومحسوبه
عليهو مش علي باي حال من الاحوال .
عليه ياصديقي قد قضيت ليلي في هذا البوست في وقت انا احوج اليه لاشياء
في غاية الاهميه وفي بلد الزمن بتحسب بالثانيه والبقاء للاسرع .
قصدت حاجتين من البوست دا , الاولى والاهم اني اوضح ليك ببساطه اني ماقاصدك
ولا اسلوب المطاعنه دي من اساليبي .
| Quote: مافي عوجه بنعمل ليك ميك اب وبنصلط الضو عليك |
الشئ التاني حبي الشديد للظهور لما يختني واحد مشهور ذيك في راسو
عشان يلمعني لاني مغمور حبتين ( مش خلف الكاميرا برضو ؟)
| Quote: إنت قايل ورانـا شنـو..؟ |
وراك كثير ياصديق !!!!
اخيرا :
كن بخير ياصديقي .
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: عادل جبارة)
|
| Quote: كملت قهوتك بتاعت الصباح ولا لسه ؟ حاسب ماتشرقك انا لي فيك آمال ... حتضيع مع الاهمال |
خدر الما بتحب الظهـور ..
صباح الخير بتوقيت السعودية العارفو إنت عامل كيف ..
بلاي امشي انون اللقاك كاتب السيناريو دا كلو يا خـدر الطيب ..؟
تعرف انا جيت داخل المكتب يادوبك وزي ما عارف الليلة الأربعاء آخر دوام لي وبكره الخميس كان الله ادانا طولةالعمر الواحد مرطب في البيت يومين ..
بالنسبة للقهوة لسه ما ضربتها لانو الظاهر لي شخصك الما ضعيف بقى ينسى التوقيت .. مافي قهوة بتتشرب بالليل وظنيتو كلامك دا مكتوب بالليل بعدما مشيت نمته ..
المهم
كلامك دا كتير فيهو جدا عجبني حد الدهشة .. والادهش من كدا بتاعت اني اتصورته معاك دي .. دي حقو يدوك فيها اوسكار لحاله ..
في حاجات ما المفروض تتقال .. يعني حاجات صغيرة كدا .. لكن الظاهر لي الواحد مفترض يقوله علشان ينفي عن نفسو اشياء كتيرة ..
أما بخصوص الشمشرة القلت ما عارفه دي .. اشك في ذلك .. كان على الاقل تسال المناضل هشام هباني علشان يوضحه ليك ..
بعدين يا خدر الطيب البعرفك انا دا .. بقدر ليك حليفتك بي الله دي .. لكن صدقني دخولك في الحتة ديك وخاتي ليك مية وش ضاحك ما هو إلا شغل ما لذيذ وبيدرج فيما يدرج بي مسميات كتيرة وإنت زول مخرج تلفزيوني ومشهور والناس بتتصور جمبك مفترض تكون عارفه صاح ..؟
عايز تظهر يا خدر .. سودانيز اونلاين دي احسن حته الواحد ممكن يظهر فيها .. واهو بختك .. متعت نفسك .. البوست دا بالمتعة الفيهو .. حقو ترسل لي بكري تخليهو يعلقو فوووق ..
يا حضرة المخرج اسهل من الانشاء مافيش .. نكب انشاء هنا زي الما حصلت حاجة .. لكن في النهاية تبقى الحقائق العارفنها الناس ..
وللاسف الشديد علاقتي معاك ما طالت يعني ما عرفتك من زمان .. وكنت اتمنى اعرفك من بدري .. ابدر من كدا ..اصلو انا عندي فوبيا المشاهير .. اجيب الكاميرا اتصور معاهم ..
معقولة يا مـخرج .. ناديت معتصم يتصور معاك وانا الكاميرا جبتها وجيت وقفت اتصور معاك ..؟
ياخي والله دي اسامة انور عكاشة ما سبقك عليها ... وحياتك الصور الباقيات ديل ما ظاهرات معاي .. ح اشتغلهم معاك خبرة ساكت ..
تايم اوت .. أو كت اووت بالنسبة للقهوة وكدا ,.. شكلك ليك فترة من الونسة الناعمة .. خلينا نونسك لانو البوست دا شكلو بتاع ونسه كدا .. فيهو حاجات صغيرة صغيرة بتنفع للونسه ..
تشرب شنـو..؟
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
بوست فيهو تمبس طوالي بنخش ندق لينا فيهو حجر دوغش ..
يمكن الزول المسكين دا يعمل ليهو حركة كدا واللا كدا .. حد عارف ..؟
أها يا تامبا المسكين اللئيم شايفك كابي زوغة من التراخ تاح تيخ البي هناك دي ..
يكون يا ربي جاك ضعف نظر واللا عامل فيها أسد أطرش .
تعال بي هناك عايزك في كلمة وغوتايتا.. و...
عليك الأمان ..
خت وش يناسب الموقف المحرج دا بلاي .
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: طلحة عبدالله)
|
Quote: بوست فيهو تمبس طوالي بنخش ندق لينا فيهو حجر دوغش ..
يمكن الزول المسكين دا يعمل ليهو حركة كدا واللا كدا .. حد عارف ..؟
أها يا تامبا المسكين اللئيم شايفك كابي زوغة من التراخ تاح تيخ البي هناك دي ..
يكون يا ربي جاك ضعف نظر واللا عامل فيها أسد أطرش .
تعال بي هناك عايزك في كلمة وغوتايتا.. و...
عليك الأمان ..
خت وش يناسب الموقف المحرج دا بلاي . |
يا مسكين طوالي لاقين لي الحمام الميت بي حمامكم الميت دا .. والله الشوط الأول دا كان كنت لاعب انا بي كياشتي دي كان ضربت ليكم الناس ديل براهم خمسة لف ..
بلاي كمان جاي تتمسكن في البورد ..؟
ياخي زي التيم دا مفترض تبكي لما تغلبوهو .. جايين كمان عاملين ليكم حولية وجايبين ليكم ساوند سستم ..؟
ياخي ديل حق البجيبهم الميدان ما عندهم قالو اجرو عجــلات .. من المطار
بلاي في تحليلك الفات مش قلت جماعتنا قاعدين واتاقلمو على الجو ... ومشو ضربو المشويات في قندهار والعصير من لذيذ.. وبرضو جو اخدو اتنين زي الترتيب ..
ياخي جماعتكم ديل مفترض تدوهم مية .. حمام ميت زي دا مفترض ياخد مية.
والله فعلا مساكين وحالتكم تحنن ..
امشي ياخ بجيك بي هناك في النقارة بتاعتكم ديك .. اجيب ليكم معاي حلاوة شنـو .. يا مساكين..؟
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
الاخ الحبيب
عادل جبارة
لك التحيه والتقدير
تعلم بان الذي بيني وبين تمبس وكثير من الاخوه بالرياض عميق وجميل في
نفس الوقت والشئ الوحيد ممكن اكون طلعت بيهو من السعوديه هو علاقتي
بالاخوان ولو حاولت احصر عددم هنا المساحه ماحتكفي .
ورغم كدا في الغالب الاختلاف في وجهات النظر بيكون وارد بين الاخوان وربما
ضبابية الطرح تشكل على احدهم وفي الغالب دا مابكون مشكله كبيره ,مابيني
وبين تمبس ومابيني وبين الاخرين عامر والحمد لله , فلك التحيه مجددا وللاسره
| |
|
|
|
|
|
|
|
|
|
Re: معقوله بس ياتمبس ........؟؟؟؟؟ (Re: خضر الطيب)
|
بوست اوانطه ادونا فلوسنا
جيت خاشى ومتوقع لى شكله كاربه
واستبشرت بى بداية البوست
اجى القاكم اصحاب وبتشربوا لى فى القهوه والسندوتشات
وبتحكوا فى الذكريات
لا بالهى
مافاضل الا تجيبوا معتصم وتكمل الناقصه
عموما
كونوا بخير
| |
|
|
|
|
|
|
|
|
 Re: معقوله بس ياتمبس ........؟؟؟؟؟ (Re: خضر الطيب)
|
الحبيب على بشير
كيف حالك
Quote: بوست اوانطه ادونا فلوسنا
جيت خاشى ومتوقع لى شكله كاربه
واستبشرت بى بداية البوست
اجى القاكم اصحاب وبتشربوا لى فى القهوه والسندوتشات
وبتحكوا فى الذكريات
لا بالهى
عموما
كونوا بخير |
والله ياودبشير دي ياها الشمشره ذاتا القالا تمبس ,بلا شمشرتكم دي مافي شئ
محرر البورد دا ومخليهو رقم واحد في الشمشره الاسفيريه ,
ومع دي فيها كبكبه كمان , دخلت نسرين سوركتي طلعت هكر , دخلت بت عبد الكريم
طلعت ..... (ماساكنه الامتداد) , وهسي انت ذاتك عامل بوستيك السمح بتاع( نانسي
مرقت من هنا) , شايف الاعمى شايل المكسر
غايتو يوم بتروحو شمار في شمشره
| Quote: مافاضل الا تجيبوا معتصم وتكمل الناقصه |
معتصم عامل رايح
| |
|
|
|
|
|
|
| |
خضر الطيب
tmbis
طلحة عبدالله
على محمد على بشير
ismeil abbas
فيس بوك
تويتر
انستقرام
يوتيوب
بنتيريست