|
|
|
 Re: ياسين والقرآن الحكيم.. (Re: ود محجوب)
|
يس..أو ياسين..
مجموع عمر والديه يقل عن الأربعون قليلا!
أكمل هو الشهرين..
تشرق الشمس..وفي سريره السعفي موساس باسكت..
تحمله آيه لي..
ويبتسم يومي قبل ان يبدأ عملي..
ازيك يا ود محجوب..هديه كريمه من زول كريم...
| |
 
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
تجولت عيونه شمالا ويمينا في المكان..
ثم استقرت علي وجهي..
رفع رقبته قليلا وحرك معها ذراعيه كمن يود القيام من مكانه..
واستقرت عيناه اكثر في عيوني..
كان يرجوني أن أحمله..
نظرت الي موزاس باسكت..سريره الخوصي..
وتذكرت حين تركت أم ابراهيم عليه السلام ابنها الطفل وحيدا في اليم خوفا عليه
من بطش فرعون..
وفي الحال...
مددت ذراعي وحملته وضممته الي صدري عساه يدخل في قلبي..
فلا يري ما رآه خيالي من صندوق صغير في البحار يحمل طفلا مثله!
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
Quote:
وتذكرت حين تركت أم ابراهيم عليه السلام ابنها الطفل وحيدا في اليم خوفا عليه
من بطش فرعون.. |
ام موسي يا اصيلة بت الاصول
ابراهيم نجي من نار النمروز
دفاعا عن حفوق الانبياء والرسل
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
اجمل جدة فى الوجود
Quote: تجولت عيونه شمالا ويمينا في المكان..
ثم استقرت علي وجهي..
رفع رقبته قليلا وحرك معها ذراعيه كمن يود القيام من مكانه..
واستقرت عيناه اكثر في عيوني..
كان يرجوني أن أحمله..
|
ربنا يحفظ ياسينَ بيس
وتسمعى منة كلمة حبوبة بالتحديد وليس الليلت الفرنجة
ويخل ليك آية
| |
|
|
|
|
|
|
|
|
|
Re: ياسين والقرآن الحكيم.. (Re: بابكر التوم)
|
Quote: ربنا يحفظ ياسينَ بيس
وتسمعى منة كلمة حبوبة بالتحديد وليس الليلت الفرنجة
ويخل ليك آية |
حضنته واضعه كفي اليمين خلف ظهره..
تقول أمي والآخرين ان ظهر المولود ليس قويا..
وهذا حقيقي..
بدأ ياسين في هز راسه يمين وشمال..لم يتعلم جسده بعد الثبات...
رفعت كفي الحاميه لظهره لأعلي قليلا..تركتها عند أسفل رقبته حتي يكف عن لأهتزاز..
فاستقر رأسه بين صفحة رقبتي الشمال وكتفي..
وانهمرت مني دمعة حب وحمد للخالق الكريم...
شكرا يا ود التوم..
اسه انا عدي كام لقب؟؟
جراني..ناني...حبوبه...ماما مني
مش محظوظه؟؟
تنويه لمن لم يفهموا موزاس باسكت التي جاءت في أعلي البوست..
Moses Basket
وهي وصف لذلك الصندوق الذي حمل سيدنا موسي بعيدا خوفا من فرعون..
موزاس هو موسي!
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
Quote:
تنويه لمن لم يفهموا موزاس باسكت التي جاءت في أعلي البوست..
Moses Basket
وهي وصف لذلك الصندوق الذي حمل سيدنا موسي بعيدا خوفا من فرعون..
موزاس هو موسي!
الألمام البسيط باللغه الانجليزيه مهم لمن يدعون انهم يحملون "الشهادات الجامعيه" |
Quote:
وتذكرت حين تركت أم ابراهيم عليه السلام ابنها الطفل وحيدا في اليم خوفا عليه
من بطش فرعون.. |
ياكافي البلا وحايد المحن ما عارفين الفرق بين موسي وابراهيم قلنا سيدنا ابراهيم نجي من نار النمروز بن كنعان وسيدنا موسي نجي من فرعون يعني سيدنا ابراهيم امو ما رمته في اليم
الرموه في اليم سيدنا موسي منها قول شوقي
كام موسي باسم الله تحملنا وباسمه في اليم ترمينا
هذه القصيده جاري فيها او عارض فيها نونية ابن زيدون
اما الشهادة الجامعية او الدراسة العليا يكن معلوما لديك من 1965 شخصي ثالت سوداني تخرج من الجامعة
التي درست بيها مفهوم يا ناس الوصول
| |
|
|
|
|
|
|
|
|
|
Re: ياسين والقرآن الحكيم.. (Re: saif massad ali)
|
Quote: ياكافي البلا وحايد المحن ما عارفين الفرق بين موسي وابراهيم قلنا سيدنا ابراهيم نجي من نار النمروز بن كنعان وسيدنا موسي نجي من فرعون يعني سيدنا ابراهيم امو ما رمته في اليم
الرموه في اليم سيدنا موسي منها قول شوقي
كام موسي باسم الله تحملنا وباسمه في اليم ترمينا
هذه القصيده جاري فيها او عارض فيها نونية ابن زيدون
اما الشهادة الجامعية او الدراسة العليا يكن معلوما لديك من 1965 شخصي ثالت سوداني تخرج من الجامعة
التي درست بيها مفهوم يا ناس الوصول |
مسكين ززربنا يساعدك!
| |
|
|
|
|
|
|
|
|
|
Re: ياسين والقرآن الحكيم.. (Re: osman righeem)
|
Quote: مني الغالية
تحياتي
اول مداخلة بعد الارشفة
يا حافظ يا حفيظ
اية جابت سورة
تحياتي لها ولهما |
عندما يبتسم ياسين وبالتحديد وهو مستلقي علي ظهره..
اري وجه آيه وابتسامتها عندما كانت في عمره!
عثمان اخوي
ربنا يحفظ ليك اسرتك..ويطيل اقامة الحكومه الجميله
ويسعدك وتشيل وأم اولادك عيالهم وتفرح زي فرحي ده..
وتقول آآآآي والله..
أختي الغاليه صدقت تماما..
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
Quote: يس..أو ياسين..
مجموع عمر والديه يقل عن الأربعون قليلا!
أكمل هو الشهرين..
|
ماشاء الله تبارك الله
ولا حول ولا قوة الا بالله
آية من الجمال
آية من الكمال
آية من منى
يخليكم ويحفظكم قادر يا كريم
حى يا قيوم
الواحد الاحد الفرد الصمد
{ قل هو الله احد الله الصمد لم يلد ولم يولد ولم يكن له كفؤا احد }
صدق الله العظيم .
اول واجمل بوست استفتحت به يومى
وقولى لبتنا آية
انت حكمة وانت آية انت انسان
ماماامال
ام وضاح
| |
|
|
|
|
|
|
|
|
|
Re: ياسين والقرآن الحكيم.. (Re: essam&amal)
|
Quote: ماشاء الله تبارك الله
ولا حول ولا قوة الا بالله
آية من الجمال
آية من الكمال
آية من منى
يخليكم ويحفظكم قادر يا كريم
حى يا قيوم
الواحد الاحد الفرد الصمد
{ قل هو الله احد الله الصمد لم يلد ولم يولد ولم يكن له كفؤا احد }
صدق الله العظيم .
اول واجمل بوست استفتحت به يومى
وقولى لبتنا آية
انت حكمة وانت آية انت انسان
ماماامال
ام وضاح |
أموله يا غاليه..
بكره وضاح باذن الله يجيب ليك ياسينه..
فتسعدي كسعادتي ..
ضحك لي ياسين ضحكه عجيب اثرها علي قلبي الضعيف..
ضحكه بدون صوت..وبفم يخلو من الأسنان..
ومع ذلك كانت ضحكه عرضها السماء والأرض!
عندما ضحك..
ظهرت في خده اليمن فقط نونايه واحده..
فضحكت أنا بصوت لم اسمع صداه في نفسي من قبل..
كأن هناك مخلوق اسمه "السعاده" يضحك!
رفعته من مكانه بسرعه..
ثم رقصنا علي انغام سمعناها نحن فقط..
يس وأنا!
والحمدلله الذي أكرمني اولا بآيه..ثم زاد كرمه وأكرمني بياسين..
مشتاقين يا امال..
| |
|
|
|
|
|
|
|
|
|
Re: ياسين والقرآن الحكيم.. (Re: yasiko)
|
Quote: الجاب اسمي دا منووووو؟؟؟؟؟
أنا ما بعرف هوا من حواء؟؟؟؟
ربنا يحفظه
يس |
ويحفظك ياسين أخوي..
قرة عين حبوبتك..أكيد..صح؟؟
بدأ الصراع في الحب بيننا نحن الثلاثه..
عبدالرحيم..آيه وأنا
فكان الحوار احيانا كالآتي..
عبد الرحيم..
خالتو..ما تشيليه كتير..الشيل عاده سيئه للأطفال!
أرسم ان ابتسامه خفيفه واعلق لنفسي في غيظ....
الجديد شديد..قمنا خلاص لحركات "الخواجات"!
ثم تواصل آيه وهي تفهم تماما رد فعلي لما قاله بودي محاوله تغيير الموضوع..
شوفي يا ماما ياسين حلو كيف!
عبدالرحيم في الشغل..وآيه تعبانه سهرانه مع ياسين..وأنا مافي..
ارجع وعيونها من التعب ماقادره تفتحها..
وعبدالرحيم تعبان عايز ينوم..
واسمع..
ماما..ممكن تخلي بالك من ياسين شويه؟!
طبعا حبيبتي جيبيهو..
تحضره وهي تقول..
Thank you..you are the best mum, I love you!
شوفوا الدايشين بيحنسوني علشان اشيله!
| |
|
|
|
|
|
|
|
|
|
Re (Re: Muna Khugali)
|
الله يحفظ ليكم ياسين و يرعاه و يجعله قرة عين لوالديه
| Quote: مجموع عمر والديه يقل عن الأربعون قليلا |
حبوبة بتصغرى فى روحك ولا شنو
تحياتى
| |
|
|
|
|
|
|
|
|
|
Re: Re (Re: إسماعيل حميم)
|
بسم الله الرحمن الرحيم
اللهم لك الحمد على العافية..
ونسألك العافية في الدنيا والآخرة
اللهم لك الحمد كما ينبغي لجلال وجهك وعظيم سلطانك؛
لك الحمد بالإسلام،
ولك الحمد بالإيمان
، ولك الحمد بالقرآن
، لك الحمد كله
، ولك الملك كله
، وبيدك الخير كله
، وإليك يرجع الأمر كله
، لك الحمد حتى ترضى،
ولك الحمد إذا رضيت،
ولك الحمد بعد الرضا
، سبحانك وبحمدك! لا نحصي ثناءً عليك، أنت كما أثنيت على نفسك.
اللهم لك الحمد بما خلقتنا،
ولك الحمد بما رزقتنا
، ولك الحمد بما هديتنا
، ولك الحمد بما فرجت عنا
، اللهم لك الحمد بما شفيتنا
ولك الحمد بالمال والأهل والمعافاة.
اللهم لك الحمد كالذي نقول
، وخيراً مما نقول،
ولك الحمد كالذي تقول،
وصلى اللهم على سيدنا محمد صلى الله عليه وسلم وعلى آله وصحبه وسلم
الأخت منى خوجلي
حفظ الله ياسين ب يسن ، وحفظك لهم أما رؤوما
| |
|
|
|
|
|
|
|
|
|
Re: Re (Re: عادل جبارة)
|
Quote: بسم الله الرحمن الرحيم
اللهم لك الحمد على العافية..
ونسألك العافية في الدنيا والآخرة
اللهم لك الحمد كما ينبغي لجلال وجهك وعظيم سلطانك؛
لك الحمد بالإسلام،
ولك الحمد بالإيمان
، ولك الحمد بالقرآن
، لك الحمد كله
، ولك الملك كله
، وبيدك الخير كله
، وإليك يرجع الأمر كله
، لك الحمد حتى ترضى،
ولك الحمد إذا رضيت،
ولك الحمد بعد الرضا
، سبحانك وبحمدك! لا نحصي ثناءً عليك، أنت كما أثنيت على نفسك.
اللهم لك الحمد بما خلقتنا،
ولك الحمد بما رزقتنا
، ولك الحمد بما هديتنا
، ولك الحمد بما فرجت عنا
، اللهم لك الحمد بما شفيتنا
ولك الحمد بالمال والأهل والمعافاة.
اللهم لك الحمد كالذي نقول
، وخيراً مما نقول،
ولك الحمد كالذي تقول،
وصلى اللهم على سيدنا محمد صلى الله عليه وسلم وعلى آله وصحبه وسلم
الأخت منى خوجلي
حفظ الله ياسين ب يسن ، وحفظك لهم أما رؤوما |
الحمدلله حمدا كبيرا..
يعطينا الله ويرزقنا من حيث لا نعلم!
كان عندي آيه..
فصار لي ابنا يسمي عبدالرحيم واناديه بودي ..
ثم كان الكرم الأكبر من الخالق الوهاب فوهبنا ياسين..
.........
.........
السباق علي ياسين خف كثيرا..
فآيه في غاية التعب ولم تتعود علي الوضع الجديد المرهق بعد ..
واصبح ياسين في حضني لوقت اطول..مسكينه..محتاجه تنوم وترتاح..
العلاقه بيني وبين ياسين رائعه..ولا تندهشوا من حديثي..فليس فيه خيال..
أحمله واغني له من التراث..اغني له اغنيه ذكوريه أوعدكم ان اتوقف عنها
في حالة انه بدأ يفهمها..لكن لا أعدكم بأن يبعد الفهم الذكوري تماما من أعماق نفسي..
فالقضيه جذور وتربية اجتماعيه وثقافيه وكذلك سياسيه وأكاديميه طويله..
هل يمكننا القضاء عليها في وقت وجيز؟
قطعا لا!
المهم الأغنيه التي اغنيها لياسين هي نفسها التي غنيتها لآيه وغنتها أمي لي ولأخوتي..
ومن قبلها جدتي لأمي وأخوتها..
تقول الأغنيه..
يارب الحلوه دي تنام ...
وادبحلها جوزين حمام...
ماتخافش يادي الحمام..
بقولها كده علشان تنام..
ههو ها..هوها..
لما قالوا دي بنيه..
اتهدت الحيطه العليا..
ولما قالوا ده ولد..
أنشد ضهري وانسند..
هوها هوها..
بالطبع يحدث الغناء باللحن البسيط ومعه حضن وهز لياسين حتي يضيع في نومة جميله..
ياسين يحب حضني لأني اغني له واضحك معه.. واتبادل معه الهمهمات التي مازال عبدالرحيم وآيه غير قادرين علي تفسيرها..
ياسين يفرح لأني افهم همهماته فيرد لي بأبتسامه ساحره شقيه..منها اتيقن ان بيننا عواطف قويه متبادله..
......
......
تسلم أخوي عادل..
ربنا يحفظك وحنان والأبناء..
| |
|
|
|
|
|
|
|
|
|
Re: Re (Re: إسماعيل حميم)
|
شكرا اسماعيل أخوي..
هذه السوره العظيمه أحفظها منذ سنين طويله وأقرأها كثيرا..لكن صراحه ما باستمرار
عبدالرحيم زوج آيه لم يحفظها بعد وقرر تحفيظها لياسين عنما يصبح في الخامسه..
آيه قالت ليه لما تحفظها انت الأول
تسلم علي تذيين البوست بها..
ربنا يحفظك ويحفظ أولادك وأولادنا جميعا..
| |
|
|
|
|
|
|
|
|
|
Re: Re (Re: Waeil Elsayid Awad)
|
Quote: حبوبة بتصغرى فى روحك ولا شنو
تحياتى |
ازيك يا وائل..
ربنا يحفظ ليك اسرتك ويحضرك أولاد اولاد أولادك..
يتلموا عليك ويرقصوا حوالينك ويغنوا..
جدو خرف وي وي
عارف آيه مولوده 28 مايو 88..وعبد الرحيم مولود 12 مارس 88
واسه أنا عمري 69 سنه و15 شهر حبوبه يعني بجد جد
.....
.....
عارف أسه انا بكتب ليك والزائره الصحيه قاعده مع آيه وياسين
ياسين مرات ما بيرضي يرضع..ومرات آيه ما بتقدر ترضعه من صدرها..
فهي اسه قاعده علشان تشوف الحاصل شنو
تري كم من امهات بلادي قادرات علي أن يجدن العنايه الأساسيه بهن وبأطفالهن؟؟
منذ حمل آيه ومتابعته ومتابعة صحتها..حتي ولادة آيه وحتي الآن 9 اسابيع بعد الولاده..
تكلفت هذه الدوله حتي الان عشرات الآلاف..ومازال الكشف الدوري العادي مستمر..
متي يصير للأنسان قيمه في بلادنا؟؟
| |
|
|
|
|
|
|
|
|
|
Re: ياسين والقرآن الحكيم.. (Re: Teeta)
|
Quote: العزيزه منى
مبروك ياسين وحفظه الله بالبقره وياسين وبالقران الكريم
بوست رايع كروعتك ربنا يخليك
تيتا ام الاء |
مولانا أم آلاء..
لقب مركب لذيذ جدا
بدا ياسين في تعلم الحركه..يرفع ذراعيه الي اعلي محاولا للتخلص من الوضع القديم في رحم أمه..
يمد ساقيه أيضا ويشد عضلاتها... فيغريني بعمل بعض التمرينات الرياضيه الخفيفه له..
والتي ما ان ابدا في عملها..يبدا هو في اصدار اصوات ورسم تعابير علي وجهه تخبر بوضوح عن فرحه
بالتمارين..
بعدها يصير مزاجه اكثر روقانا فيهديني أجمل ابتسامات..
يارب تعيشي نفس التجربه مرات ومرات..
وحفظنا جميعا الحافظ بقدرته وكرمه وقرآنه...آمين
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
منى خوجلى ,, سلام كتير ,,
والله البتسوى فيهو ده , ياهو سعادة الكبر ,,
مافى شى فى الدنيا أجمل من أنو الواحد يربى
أولادو لحدى مايكبروا ويعرس ليهم ويشوف أولادهم
ويتغزل فيهم زى الغزل البديع ده .
ماقلتليك دى سعادة الكبر,,
الله يحفظهم ويحفظك ليهم ,,
| |
|
|
|
|
|
|
|
|
|
Re: ياسين والقرآن الحكيم.. (Re: كمال سالم)
|
منى خوجلى ,, سلام كتير ,,
والله البتسوى فيهو ده , ياهو سعادة الكبر ,,
مافى شى فى الدنيا أجمل من أنو الواحد يربى
أولادو لحدى مايكبروا ويعرس ليهم ويشوف أولادهم
ويتغزل فيهم زى الغزل البديع ده .
ماقلتليك دى سعادة الكبر,,
الله يحفظهم ويحفظك ليهم ,,
الله يوعدك بيها كمال اخوي..
اشوفك كده لابس الجلابيه السمحه ديك..وشايل شافع بتك ..
وفجأه تلقي نفسك مضطر تغير ليه البامبرز..
والباقي اسيبه لخيالك
أحلي حاجه في التجربه مع ياسين مع خصوصيتها..
هو تجربة عيشة تجربتي بآيه في عمره مرة اخري..
اعتقد لهذ السبب كان الكلام..
بأن ولد الولد اعز من الولد..
كلما نظرت في وجهه الجميل المستدير..
رأيت وجهها في عمره..نفس الشعور والحب..
نفس لمسات الكف الصغيرة وهي تمسك بقبضتها في اي مكان صادفها..
الوجه أوالرقبه..
أجمل مافي حمل المواليد هو تلك النظره القريبه لملامحهم البريئه..
تفاصيل الوجه والكفوف والأقدام..
ينتهي غالبا هذا الأمعان في النظر بضحكه صافيه من القلب ثم حضنه تقول..
ياليتني استطيع ادخالك في قلبي!
كيف حالك يا كمال..
| |
|
|
|
|
|
|
|
|
|
Re: ياسين والقرآن الحكيم.. (Re: عبد اللطيف بكري أحمد)
|
تنويه لمن لم يفهموا موزاس باسكت التي جاءت في أعلي البوست..
Moses Basket
وهي وصف لذلك الصندوق الذي حمل سيدنا موسي بعيدا خوفا من فرعون..
موزاس هو موسي!
الألمام البسيط باللغه الانجليزيه مهم لمن يدعون انهم يحملون "الشهادات الجامعيه"
| |
|
|
|
|
|
|
|
|
|
Re: ياسين والقرآن الحكيم.. (Re: عبد اللطيف بكري أحمد)
|
ازيك عبد اللطيف أخوي..
ياربي المدام ولدت؟؟
مبروك مقدما..
ملاحقة الغير في محاولات مستميته ومستمره للخروج عن الطور..تبين أخلاق المرء ..
هي تصرفات طفوليه لا تليق بمن هم في سن المراهقه فكيف بمن هم في سن من صار اطفالهم فيها
في سن المراهقه؟
اللهم نسالك بحق سورتك يسن وبكل قرآنك الحكيم أن تكفينا شرهم وأن تهديهم الي الطريق الصحيح..
...........
...........
تحياتي..
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
ياسين
مع حلاوة اسمه
ومعني الاسم ودلالته
ومدي الفرحه التي لاحدود لها
نسال الله له الحفظ والرعايه
ونسال الله له ولاسرته جميعا الخير والنماء
ومني خوجلي الكريمه والحبوبه الف تحيه
| |
|
|
|
|
|
|
|
|
|
Re: ياسين والقرآن الحكيم.. (Re: مجدي عبدالرحيم فضل)
|
Quote: يس قلب القرآن
ويس قبس من نور جدتوا
ربنا يحفظه نورة عيون والدية وعيون حبوبته العزيزة يارب
،،،،أبوقصى،،،، |
ويحفظ ليك اولادك يارب..
ملابس الأطفال مغريه..
ولكن الأولاد من الأطفال لهم الوان معينه..عكس البنات..
وآيه من عشاق البني بدرجاته مع البيج..
وكذلك الأزرق بدرجاته كلها..
لذلك تصير كل ملابسه من هذه الألوان مع الكاكي..
الصيف علي الأبواب..
وقررت آيه ان تكون من بين ملابس ياسين الصيفيه..نظاره وكاب..يجلس بعدها بهم ينظر للماره..
وحب آيه لياسين مثل حب أي أم..الا انها تعلنه في الساعة أكثر من عشرة مرات ..حتي أن اسلام
ابن منال والذي يقضي معنا اجازته هذه الأيام يحفظ تعبيراتها تماما.. ويبدأ في ترديدها معها
عندما تبدأ هي الغزل والغناء..
..
I love you so much
my beautiful baby
hey Yasin
listen to me,
you are so beautiful
I love you my baby
give me a kiss
you are so sweet
you are my baby
ويستمر هذا الغزل والغناء وياسين يرد عليها بالهمهمات الفرحه..يعقبها برفسه من ساقيه
ورفع لذراعيه مع محاولة رفع الرقبه..حاله يقول..
ان كنتي تحبيني أحمليني!
وبنفس القرآن الكريم..ربنا يحمي أطفالك مجدي اخوي..
| |
|
|
|
|
|
|
|
|
|
Re: ياسين والقرآن الحكيم.. (Re: العوض المسلمي)
|
Quote: ياسين
مع حلاوة اسمه
ومعني الاسم ودلالته
ومدي الفرحه التي لاحدود لها
نسال الله له الحفظ والرعايه
ونسال الله له ولاسرته جميعا الخير والنماء
ومني خوجلي الكريمه والحبوبه الف تحيه |
تسلم عوض أخوي..
اسم عوض له وقع غالي علي نفسي كيف لا وهو اسم والدي الصالح نور الله قبره؟؟
........
........
احتل اختيار الأسم للمولود المتوقع مساحه كبيره في النقاش منا..
وقضينا ازمانا طويله ثلاثتنا يختارون وفي اصوات هادئه واخري عاليه..وذلك عندما يفقد احدنا
القدره علي الأقناع بالأسم الذي يرغبه..
بالطبع اعرف ان الوالدين فقط لهم حق القرار النهائي..لكني قررت ان اخوض معهم معركة الأختيار..
وكانت معركه غير متكافئه..2 ضد (آيه وعبدالرحيم) واحد(أنا)!!
أؤمن انه حتي ولو بدات لنا كثير من الأشياء ونتائجها هي محل خيارات أو نتيجة خيارات..
الا أن كثير منها مكتوب ومسطر..
فالأحداث تنتج من تعاقب احداث بعضها مقدر وبعضها اخترناه..
اسم ياسين مسطر منذ أن قرر الله خلقه..
سطره الله بناء علي معرفته المطلقه السابقه..
تحياتي أخي عوض..يحفظ ليك اسرتك..
| |
|
|
|
|
|
|
|
|
|
Re: ياسين والقرآن الحكيم.. (Re: nourelhadi awad)
|
Quote: بركة الليل الأمسى والوكات الخمسة
يغتيه ويخليلو حبوبتو تلوليهو وتـ....
ويعافيهو ويعفيهو من أم الجهال وأب حليق
بركة اللانام ولالاك الطعام
وأن شاء يشبه حبوبتو |
نور الهادي..وينك انت غايب قدر ده؟؟
أكل العيش في بوكانك داك باقيلي صعب خلاص!
ياسين قبل يومين كانت عنده حمي..
والسبب انه اخد اول حقن تطعيم..
لو شوفته ولصقه صغيره علي فخده الشمال والتانيه علي فخده اليمين
كنت حنيت عليه!
مسكين اول مره اشوفه بيبكي كده!
آيه قربت تبكي..
كل ما يتألم تقوليه
ياريتني اقدر اشيل الألم منك..
وانا اعاين ليهم الأتني وأقول..
ياريتني لو أقدر اشيله منكم الأتنين!
يحفظ ليك أولادك يا نور ويحفظك ليهم..
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
Quote: والحمدلله الذي أكرمني اولا بآيه..ثم زاد كرمه وأكرمني بياسين..
|
وانا كمان يا منى ربنا اكرمنى بآية
وهى آية من الجمال والاخلاق .
آية هاشم
وهى من اختارها وضاح شريكة له
زميلته بجامعة الرباط
الله يقدرنى ان اتم ليهم فرحتهم
واجمعهم فى بيت الحلال
ويجيبوا لى عصام الدين الصغيرونى
ويطلع لينا زى عصام الدين ابو وضاح { له الرحمة }
دعواتكم له
توارد خواطر عجيب
آية وآية
ان شاء الله تطلع لى زى آية بت منى
آمييييييييين
مودتى بلا حدود
يا اصيلة
ام وضاح
| |
|
|
|
|
|
|
|
|
|
Re: ياسين والقرآن الحكيم.. (Re: essam&amal)
|
Quote: وانا كمان يا منى ربنا اكرمنى بآية
وهى آية من الجمال والاخلاق .
آية هاشم
وهى من اختارها وضاح شريكة له
زميلته بجامعة الرباط
الله يقدرنى ان اتم ليهم فرحتهم
واجمعهم فى بيت الحلال
ويجيبوا لى عصام الدين الصغيرونى
ويطلع لينا زى عصام الدين ابو وضاح { له الرحمة }
دعواتكم له
توارد خواطر عجيب
آية وآية
ان شاء الله تطلع لى زى آية بت منى
آمييييييييين
مودتى بلا حدود
يا اصيلة
ام وضاح |
ياسلام علي رحمة ربنا ونعمته..وأستمرارية الحياه رغم أحزانها!
كلنا نموت..ومن موتنا تنبع حياه من شكل آخر..من ابناءنا..
تستمر الحياه وتنبت الأرحام بذورا تملأ الأرض ضجيج من السعاده.
...........
...........
أنا فرحانه بوضوحي ماشاء الله..وبآيه التي لن تري فيها زوجه لوضوحي فقط..بل ابنه عزيزه
تحبينها كما تحبين وضاح..
وبأذن الله يتم زواجهم ويرزقكم الله بعصام الدين الحلم..
يصير هو متعة ايامك ومباركتها..
ويعيش الراحل باسمه ينطق في كل لحظه..حيا بينكم..
.....
.....
وتذكري حينئذ هذا..
دعك عيونه النصف مغمضه بقيضة كفه اليمين..ثم فتح فمه ليتثاءب..
ثم فجأه قفزت ابتسامه علي شفتيه..
طالت ابتسامته وهو ينظر في عالم غير عالمنا..
ابتسمت بدوري لعلمي انه في عالم الملائكه يلعب..
ثم ضاع سواد عينيه في بياضهما..
ونام بهدوء!
تسلمي أموله..
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
محفوظ يسن ببركة القرآن الحكيم إن شاء الله
محفوظ يسن بدعوات أهله وأحباب أهله
مبارك يسن
أقر الله به أعين والديه
متع الله به ( حبوبته ) الراقية ،
فقد جاءها حقاً من ينافس ( آية ) في الحب
جعله الله إبناً باراً بوالديه ، نافعاً صالحاً
شكراً منى الغالية على إشراكنا في هذه المتعة
متعة الأمومة الثانية
| |
|
|
|
|
|
|
|
|
|
Re: ياسين والقرآن الحكيم.. (Re: عبدالمنعم الرزوقي)
|
Quote: الاستاذة مني خوجلي
مبروك ياسين ويتربي في عزكم |
عبد المنعم..
دي صورة ياسين هديه علي بال ما اتصل بيكم في مصر..
سلم علي الجماعه وغالبا اصلكم في آخر الشهر..
ماما جاره والجماعه بيكونوا هناك قبالي..
| |
|
|
|
|
|
|
|
|
|
Re: ياسين والقرآن الحكيم.. (Re: mohmed khalail)
|
Quote: ربنا يسعدكم ويهنيكم بي بعض يا منى
وان شاء الله تشيلي اولاد يس كمان |
أجمل مافي الأطفال المولودين حديثا..
هو مرحلة بداية ابتساماتهم..
كانه اكتشاف جديد للدنيا وفرحها ..حقيقي مهرجان فرح!
ولو يفقه الأطفال في هذا العمر صدي ابتساماتهم علي الآخرين لما توقفوا عنها اطلاقا..
لكن في نفس الوقت الذي يهدونا فيه الأبتسام يهدونا ايضا اوقات مزعجه!
اكثر ما يؤلم أن يبكي طفلك دون ان تعرف سبب بكاؤه..
لجارتنا طفل لا يتوقف عن البكاء اطلاقا...الا ان ياسين طفل هاديء مثل امه في عمره ماكانت تبكي
علي الأطلاق..يبكي ياسين فقط عندما يكون جائعا او يحتاج لغيار ملابسه..لذلك عندما اتعبته
الغازات بسبب عدم تمكنه وامه من اكمال عملية الرضاعه بالطريقه الصحيحه..صعب علينا بكائه
وصراخه..
شكرا محمد خليل علي متابعة ياسين معنا..ربنا يسعدك وكل من تحب..
| |
|
|
|
|
|
|
|
|
|
Re: ياسين والقرآن الحكيم.. (Re: عاطف عمر)
|
Quote: محفوظ يسن ببركة القرآن الحكيم إن شاء الله
محفوظ يسن بدعوات أهله وأحباب أهله
مبارك يسن
أقر الله به أعين والديه
متع الله به ( حبوبته ) الراقية ،
فقد جاءها حقاً من ينافس ( آية ) في الحب
جعله الله إبناً باراً بوالديه ، نافعاً صالحاً
شكراً منى الغالية على إشراكنا في هذه المتعة
متعة الأمومة الثانية |
آمين يا عاطف..
محفوظين انتو كمان سعديه الأبناء وانت..
فاجأتنا الأخبار ذلك الصباح بخبر محزن..
تعرض منزل اسره مكون من الوالدين و7 أطفال علي مااذكر للحريق..ماتوا جميعا داخله ماعدا
المولود الصغير!
عند اشتعال الحريق وحصار الأسره داخل المنزل.. قام الوالدين في لحظة خيار قاسيه برمي طفلهما
الصغير من النافذه لتتلقفه الأيادي ليكون هو الناجي الوحيد بينهم!
تذكرت أم موسي..وخوفها من أن يقتل فرعون ابنها..فوضعته في صندوق وتركته يسبح في البحر..لتتلقفه ايادي رحيمه أخري
ويعيش!
الرحمه وفي قلب الأمهات ليس لها مثيل..ولا يمكن وصفها تصل لأختيار أصعب الحلول والتي تبدو
في لحظتها قاسيه جدا..لكنها تعكس قدر الحب والتضحيه التي تجبر الأم علي أن تفعل ما تفعل
لأنقاذ أطفالها..
عقبال بناتك وايمن ما يملوكم احفاد..
تقضوا وقتكم معاهم في اجازات..
أو يحضروا هم للبيت الكبير..بيت الدفء والرحمه..آمين..
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
الرائعة روعة نساء بلادى....منى ...
انتى عارفه انا جايه ليك مشوار بتاع 550 كيلو متر
عشان الحق اجى اقرأ يسن لى يسن (يحفظه الله)
المشوار ليك كلفنى جنيه ونص ورغم ان
حمولتى خفيفة الوزن الا ان السواق نزلنى فى الطريق
والباقى كدارى ....وزى ماشايفه دوبى وصلت ......
منى
بفقدنا لاجدادنا نكون قد فقدنا كتابا كبيرا وجميلا
الجده والجدة مكتبه كامله ومتحركه ومحسوسه
ذاخره بالثقافه والفهم والحب والمعلومه والطرفه
والانسانيه والحكمه
زى ماقالت... عفاف زميلتنا....
حفظك الله
البوست ده داير ليه رجعه كاااااربه
اذاكر ليه واجى
تحياتى
| |
|
|
|
|
|
|
|
|
|
Re: ياسين والقرآن الحكيم.. (Re: ناهد بشير الطيب)
|
Quote: لما قالوا دي بنيه..
اتهدت الحيطه العليا..
ولما قالوا ده ولد..
أنشد ضهري وانسند..
هوها هوها.. |
منى خوجلي
سلام وتحية ،،
شوفتي أهو إنتي بتأكدي بي نفسك أنو الفهم الذكوري يغرس في الأذهان من قبل الأمهات !!! ودي الحقيقة .. ثانيا والله الشيئ العجيب وإنتي تعرفي أولادي كويس ، مثلا أنا بحس أنو البنات أقرب لي كتير من ولدي محمد .. ما عارف ليه ، ومحمد نفسه أقرب لأمه .. وهكذا نتبادل حب الأبناء آباء وأمهات ونسأل المولى عز وجل أن يحفظهم ويصلحهم جميعا ..
تخريمة :
أظن فكرة الرحلة ستتأجل بسبب ( ياسين )
خلاص على كل حال أنا مسافر السودان يوم الخميس 10 أبريل !!1
| |
|
|
|
|
|
|
|
|
|
Re: ياسين والقرآن الحكيم.. (Re: عادل جبارة)
|
Quote: لما قالوا دي بنيه..
اتهدت الحيطه العليا..
ولما قالوا ده ولد..
أنشد ضهري وانسند..
هوها هوها.. |
Quote: منى خوجلي
سلام وتحية ،،
شوفتي أهو إنتي بتأكدي بي نفسك أنو الفهم الذكوري يغرس في الأذهان من قبل الأمهات !!! ودي الحقيقة .. ثانيا والله الشيئ العجيب وإنتي تعرفي أولادي كويس ، مثلا أنا بحس أنو البنات أقرب لي كتير من ولدي محمد .. ما عارف ليه ، ومحمد نفسه أقرب لأمه .. وهكذا نتبادل حب الأبناء آباء وأمهات ونسأل المولى عز وجل أن يحفظهم ويصلحهم جميعا ..
تخريمة :
أظن فكرة الرحلة ستتأجل بسبب ( ياسين )
خلاص على كل حال أنا مسافر السودان يوم الخميس 10 أبريل !!1 |
سلام يا عادل..
طبعا يا عادل المجتمع الذكوري لا يشمل الذكور فقط..بل يشمل ايضا كثير من النساء..
فالمجتمع الذكور هو الذي يحافظ علي حزمة افكار و"موروثات" ذكوريه..
ولا يحتاج الرجل فيها ان ي}كدها في كل وقت..لأنه مطمئن أن النساء وخاصه كبيرات السن..قمن بتبنيها منذ ميلادهن وهن حريصات جدا علي أن تتبناها الأجيال القادمه من البنات والأبناء..
وبما ان النساء تاريخيا في بلادنا الأقل قدره علي تغيير مجريات الأمور..بسبب نصيبهن من التعليم..فقرهن واعتمادهن التام علي الرجل..فانهم يتبعون مارسمه المجتمع الذكوري دون وعي..
أو اعتراض..
لذلك كان تعليقي علي أدائي لتلك الأغنيه بين وعيي الآن وعدم وعيي في طفولتي عندما حفظتها..
بالطبع الأحوال الان في مناطق كثيره تغيرت..وهناك ثورات عديده علي الفهم الذكوري للأشياء..
وعلي نسبيته..
الا ان الطريق مازال طويلا وليس سهلا كما نظن..فالفرق شاسع بين قلب المدن..والقري والأراضي البعيده..
.........
.........
واعتقد أن المفاهيم الذكوريه ليس لها دخل بالكراهيه قدر مالها دخل بالسلطه..وحبك لبناتك
هو شيء جميل وموجود عند كثير من الآباء..الا أن شكل التربيه قد لا تسمح لهذا الحب أن يعبر عن نفسه..
ربنا يحفظ ليك بناتك ومحمد ويحفظ الغاليه حنان..
| |
|
|
|
|
|
|
|
|
|
Re: ياسين والقرآن الحكيم.. (Re: ناهد بشير الطيب)
|
Quote: الرائعة روعة نساء بلادى....منى ...
انتى عارفه انا جايه ليك مشوار بتاع 550 كيلو متر
عشان الحق اجى اقرأ يسن لى يسن (يحفظه الله)
المشوار ليك كلفنى جنيه ونص ورغم ان
حمولتى خفيفة الوزن الا ان السواق نزلنى فى الطريق
والباقى كدارى ....وزى ماشايفه دوبى وصلت ......
منى
بفقدنا لاجدادنا نكون قد فقدنا كتابا كبيرا وجميلا
الجده والجدة مكتبه كامله ومتحركه ومحسوسه
ذاخره بالثقافه والفهم والحب والمعلومه والطرفه
والانسانيه والحكمه
زى ماقالت... عفاف زميلتنا....
حفظك الله
البوست ده داير ليه رجعه كاااااربه
اذاكر ليه واجى
تحياتى |
قررت مساء تلك الجمعه ان ينام ياسين بجانبي..
ماما انتي متأكده عايزاه ينوم جنبك؟
سألت آيه سؤالها بقلق..
رددت عليها بلهجه قاطعه غير حاده..
ايوه حبيبتي..بس جيبي غياراته وحاجاته معاه..
أحضرت آيه الحقيبه وبها كل ما يحتاجه ياسين..
ثم وضعتها بجانبي بتردد وهي تسأل للمره الرابعه..
متأكده يا ماما؟
ثم استطردت بعد أن لمحت نظرة الأستغراب في عيوني..
لأنه بيصحي ليك كتير بالليل وانتي بتكوني عايزه تنومي!
طمانتها قائله بطريقه مشجعه وكنت اعلم أنها لا تستطيع فراقه..
ماليك دعوه أمشي انتي نومي ولو في حاجه بخبط ليك ولا اتصل بيك في الموبايل!
ذهبت آيه بعد أن اشبعت ياسين احضانا وقبلات كأنها في فراق سفر..وكل المشوار بيني وبينها مشوار ثواني معدوده علي اليد الواحده..تخرج من باب لتطرق الآخر!
وكان ليلا عجيبا!
........
........
قناعتي يا ناهد انه جيل الحبوبات الزمان والموجودين في بالنا خلاص راح..وتبقت فقط ذكرياتنا معهم..
الزمن تغير وشكل الحبوبه تغير ودورها ايضا لحد كبير تغير..ولقد كتبت من قبل ن فقدي لجدتي عائشه بنت عبد الحفيظ كان فقد عظيم لنا جميعا..كانت الاخيره من جيلها وجمال جيلها وحكاوي جيلها..وذكرت ان أمي نفسها لا تستطيع أداء نفس الدور الذي أدته جدتي تجاهنا..فليس لأمي رغم حبها وحنانها نفس الرصيد من القصص والحكم والأمثله التي كانت تذكرها جدتي رحمة الله الجميله عليها بطريقتها الفريده في الأداء..
وخساره ...ابناءنا ماعاصروا ذلك الزمن الجميل وخياله الواسع..
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
يقبض ياسين قبضه قويه علي كتف كم قميصي عندما أحمله واحضنه علي كتفي بعد رضاعه..يستكين قليلا وأنا امسح علي ظهره برفق حتي يخرج الهواء من معدته
في "تكريعه"..اضحك بعدها كثيرا..لأن ذلك يعني أنه قادر علي مواصلة الرضاعه ثم الشبع ثم أهدائي ابتساماته الحلوه..
سرعان ما يفعل ذلك..وسرعان ما تبدأ بيننا ونسه..نتبادل فيها الكلام..أنا بالحروف المعروفه وهو بنغمات المواليد..ثم فجأه يسترخي جسده..ويغيب بصره بعيدا..وما هي الا هدهده قليله أعرف بعدها
أنه ذاهب في نومة هادئه جميله..
تسلم محمود أخوي..
| |
|
|
|
|
|
|
|
|
 Re: ياسين والقرآن الحكيم.. (Re: mamkouna)
|
منى... تحياتي الكثيرة
حفظ الله لكم يس وبارك لكم فيه...
أكثر واحدة سعيدة تكون ماما جارة
فأعز من الولد ولد الولد... أي آية
يا ربي شعورها شنو وهي ترى يس الذي أنجبته آية
محبتي لكم تعرفينها... بلا حدود
غادة
| |
|
|
|
|
|
|
|
|
|
Re: ياسين والقرآن الحكيم.. (Re: mamkouna)
|
Quote: ربنا يحفظو ليكم..و يحفظكم ليهو
بعدد حروف و أسرار ياسين. |
قارنت نفسي وطريقتي للنظر للأشياء قيل ميلاد ياسين ثم بعده..
أحسست بالله أكثر وأكبر وأجمل!
مازال ياسين في بداية مرحلة التعرف علي الغير..
يعرفني الآن بالصوت أكثر أو هكذا أظن..
وظني نابع من تلك الأبتسامه الواسعه التي يلاقيني بها عندما تأتي أمه به لي فأفرح أنا فأناديه..
ياسين حبييييييييييبي!
ويبدأ يوم بشوق جديد...
شكرا ممكونه.. ربنا يحفظك وأسرتك بعدد حروف القرآن الكريم..
| |
|
|
|
|
|
|
|
|
|
Re: ياسين والقرآن الحكيم.. (Re: صلاح أبودية)
|
Quote: ماشاء الله يا ياسين
تسلم إن شاء الله من العين
وبالواضح نحن حاجزين
وما مشكلة فرق السنة والسنتين
وكان صبرت بجيب ليك تومتين
وتعزل أحلى واحدة فى الإتنين |
مرحب صلاح أخوي..
بتك حلوه ما شاء الله وموافقين علي الخطوبه..بس علي شرط..
تصرفوا علي ياسين لغاية ما يكبر..سمح؟؟
..........
..........
يحب ياسين ان اقوم بعمل بعض التمرينات الرياضيه له في أوقات مختلفه...
أثناء رقدته..يمط نصف جسده الي أعلي ..ثم يشد رقبته قليلا الي فوق..يرفع ذراعيه الي أقصي ما يستطيع..وتظهر علي وجهه تعابير أحبها!
وهنا اتدخل أنا..
اساعده في مد ذراعيه مره أخري الي أعلي بينما يغمض هو عينيه..ثم أمدد ساقيه الي أسفل..ثم ارجع وأحرك ذراعه اليمين تجاه جانب صدره الشمال وأفعل العكس يالذراع الأخري..
أرجع لتدليك قدميه الصغيرتين المغريات بالتقبيل..ثم انظر اليه..
يبتسم ياسين ابتسامه أخري..وتصدر منه قبلها تنهيده طويله اترجمها انا كالآتي...
الله ...شكرا..أنا بحبك يا حبوبه!
| |
|
|
|
|
|
|
|
|
|
Re: ياسين والقرآن الحكيم.. (Re: طارق عمر مكاوي)
|
Quote: محظوظ يس انك حبوبنه
والاء حا تغير من قدرتك الكبيرة ده علي التواصل معاه
الله يحفظكم |
دار هذا الحوار نظام مكاواه بين آيه وعبدالرحيم..
كانت عبدالرحيم يحمل ياسين وبلاعبه..حاولت آيه أن تأخذه منه..
بينما أنا أترقب أخذه منهم الأثنين..
مدي آيه يدها لتحمله..فحضنه والده أكثر لصدره وهو يقول..
Don’t touch my baby!
ردت عليه آيه..
No he is mine it is me who carried him
فزد عبدالرحيم..
So? It is me who pulled him and cut his cord!
وطبعا عبدالرحيم فعلا شارك في عملية التوليد في المستشفي..كما يفعل معظم الآباء..
ثم كان حسن حظي وجاء المسلسل اليومي "أصدقاء"..وانشغل الأثنان به وحملت أنا ياسين وانا أدندن..
انت حبيبي أنا بس!
ثم نظرت لهم وضحكت وتمتمت..
اللهم اشغل أعدائي بأنفسهم
شكرا يا طارق..ربنا يحفظك وأسرتك..
| |
|
|
|
|
|
|
|
|
|
Re: ياسين والقرآن الحكيم.. (Re: انعام حيمورة)
|
Quote: وآآآآآآآآآآحلاتو
مبالغة لكن .. عجبني كيف ياسين دا .. لما دمعي جرت ...
الله يغطي عليه ..
ويحرسه ..
ويحرسكم كمان
عيني باااردة |
شوفتيه حلو كيف يا نعومي؟؟
سبحان الله..الأطفال كلهم حلوين..
...........
...........
السعه السابعه صباحا..بجانبي قهوتي..
تأتي آيه بوجه منتفخ وعين مفتوحه والأخري مغمضه..
تحمل يا سين..
وياسين يصدر همهمات متواصلهأ
أهلا صباح الخير حبيبتي أبادرها السلام..
ثم اضيف سؤالي الذي أعرف أجابته فقد حفظتها تماما..كيف لا وهي تتردد علي مسامعي أكثر من شهرين؟
مالك حبيبتي؟
وقبل أن ترد أحمل عنها ياسين نور يومي..
ترد هي علي سؤالي بصوت مغتاظ متعب ومكتوم..
نمت ساعتين بس!
.........
.........
الجماعه قربوا يجيبوهو لي اليوم كله يا نعومي..
وكل أول وليه آخر وبختي بياسين
ربنا يحفظه ويحفظ ليكم أولاد اخوانك واولاد الهام...
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
اللهم احفظه بما تحفظ به عبادك الصالحين، وأمه، وأم أمه؛ وكمان أبوه
وكل الأسرة الممتدة والصغيرة
الأستاذة منى
إن شاء الله يتربى في عزّكم
ويكون شايل اسمو
وعارف اسرار يسن
سلام
وشاكرين كتير
على كل شيء
| |
|
|
|
|
|
|
|
|
|
Re: ياسين والقرآن الحكيم.. (Re: عبدالفتاح أبوشيمة)
|
الاخت العزيزة مني خوجلي لك التحية و التقدير ..
Quote: عندما يبتسم ياسين وبالتحديد وهو مستلقي علي ظهره..
اري وجه آيه وابتسامتها عندما كانت في عمره! |
الله يحفظ يس ويحفظكم ببركة( يس )..ويس لما قرئت له ..
| |
|
|
|
|
|
|
|
|
|
Re: ياسين والقرآن الحكيم.. (Re: محمدين محمد اسحق)
|
ماشاء الله وتبارك الله ،،،
ولا حول ولا قوة الا بالله ،،،
نسأل الله أن يحفظه ببركه يس ،،،
يا حى يا قيوم ،،،
يا الله الواحد الأحد الفرد الصمد ،،،
{ قل هو الله احد الله الصمد لم يلد ولم يولد ولم يكن له كفؤا احد }
صدق الله العظيم .
| |
|
|
|
|
|
|
|
|
|
Re: ياسين والقرآن الحكيم.. (Re: محمد خليل ساني)
|
Quote: ماشاء الله وتبارك الله ،،،
ولا حول ولا قوة الا بالله ،،،
نسأل الله أن يحفظه ببركه يس ،،،
يا حى يا قيوم ،،،
يا الله الواحد الأحد الفرد الصمد ،،،
{ قل هو الله احد الله الصمد لم يلد ولم يولد ولم يكن له كفؤا احد }
صدق الله العظيم . |
تسلم محمد خليل أخوي..
اتفقنا ياسين وأنا اتفاق ضمني..وبيننا نحن الأثنين فقط
انه يوم ما يكون نايم جنبي..يقوم ما يخليهم ينوموا الليل كله..
يتعبهم ويزهجهم ويطلع عينهم..يقوموا يضطروا من النجمه يجيبوه لي!
وده الحصل الليله..
جات آيه مغمضه عين ومفتحه التانيه وشايلاه بتعب شديد..وهو حلاتو بيبكي..
وبصوت تعبان مقهورقالت لي...
ماما شيلي ياسين..
رقص قلبي لما شوفته..وهو كمان فرح شديد..
اول ماشافني قعد يناغيني ويبتسم!
وهكذا نجحت الخطه..وسوف تنجح في كل يوم باذن الله!!
يارب تربي أولاد أولادك...
يحفظك ربي بكل آياته..
| |
|
|
|
|
|
|
|
|
|
Re: ياسين والقرآن الحكيم.. (Re: محمدين محمد اسحق)
|
| Quote: الله يحفظ يس ويحفظكم ببركة( يس )..ويس لما قرئت له .. |
سلام محمدين..
في تحدي كبير بيننا الثلاثه وتسابق بيني وبين آيه وبودي..
فزت بالأمس بياسين لينام معي حتي الصباح..
وأكتشفت كذب آيه
تتدعي أنها لا تنام منه..
كل مايفعله ياسين خلال الليل..
هو الأستيقاظ ثلاثة مرات..يتناول فيها وجبته من اللبن..
أغير له ملابسه وينام مره أخري..
تسلم محمدين أخوي..
يحفظك وزوجتك وأهلك...
| |
|
|
|
|
|
|
|
|
|
Re: ياسين والقرآن الحكيم.. (Re: عبدالفتاح أبوشيمة)
|
Quote: اللهم احفظه بما تحفظ به عبادك الصالحين، وأمه، وأم أمه؛ وكمان أبوه
وكل الأسرة الممتدة والصغيرة
الأستاذة منى
إن شاء الله يتربى في عزّكم
ويكون شايل اسمو
وعارف اسرار يسن
سلام
وشاكرين كتير
على كل شيء |
اللهم آمين عبدالفتاح أخوي..
ويحفظك واسرتك..
قرب ياسين كثيرا بيننا..اقصد عبد الرحيم وآيه وأنا..
يكفي أن ننظر اليه جميعا في نفس اللحظه..نضحك لبسماته..
ونستمع لبكائه المزيف الذي به يصرح عن رغبته في أن نحمله!
ونعرفه مزيف لأنه لا يشبه البكاء الحقيقي..ولأنه يسكت عنه بمجرد رفعنا له من مكانه..
وقريبا باذن الله يتعلم ياسين الضحك بصوت..
وعندما يفعل..
سأضحككم جميعا معنا...
تعيش يا عبدالفتاح..شكرا علي مشاركتنا الفرح بياسين..
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
Quote: ولأنه يسكت عنه بمجرد رفعنا له من مكانه..
|
Kutchup
يا أستاذة بالله خليك من شغل الحبوبات وارجعي لي تخصصّك بتاع القانون دا
الشيخ دا زي ما جمع بينكم عايزينك تتوسط لينا عندو يمكن يجمع البورداب ديل
فما تشيلو كتير
يبقى لينا مّريض ودلّيع
ونحن حارسينّوا يعمل حاجة؛ مع تحياتنا له وللأبناء عبدالرحيم وآية
| |
|
|
|
|
|
|
|
|
|
Re: ياسين والقرآن الحكيم.. (Re: عبدالفتاح أبوشيمة)
|
Quote: Kutchup
يا أستاذة بالله خليك من شغل الحبوبات وارجعي لي تخصصّك بتاع القانون دا
الشيخ دا زي ما جمع بينكم عايزينك تتوسط لينا عندو يمكن يجمع البورداب ديل
فما تشيلو كتير
يبقى لينا مّريض ودلّيع
ونحن حارسينّوا يعمل حاجة؛ مع تحياتنا له وللأبناء عبدالرحيم وآية |
قانون شنو يا زول واستاذة شنو؟؟
نحنا بس حدنا عنقريب بي حبال كده وتوب خفيف نتغطي بيه
أسه أنا مرات اقول لآيه كده..
آآيه..
كدي جيبي ياسين ده النسالمه في خشيمو الحلو ده..
وطبعا هي بتقيف مافاهمه حاجه..بمشي براي أشيله وأحضنه لصدري وأتذكر أهلي الشوايقا الكبار وطريقة سلامهم وكلامهم..وتتقمصني الحاله..
أحضنه أكتر وأقول..
واحلاتك دي يا خيتي!
اها اقوم اسالمه بالصوت داك البيشبه صوت رفع الغطا من قزازة البيبسي بالفتاحه..
يعني أضم وامد خشمي لي قدام..وأخبط بلساني لثتي فوق..
ولما الطقطقه تحصل..تاني أقول ليه..
حلاتك ماشاء الله..وليدي السمح ود بنيتي السمحه!
وبعد داك كل طقطقه بعدها دعا..
الله يحفظك..
الله يكبرك..
الله يدك الفي مرادك وقت تكبر..
باقيلك بعد ده في دراسة قانون؟؟
شكرا أخوي..بس تجربه سمحه شديد..
ربنا يحفظ ليك البتحبهم كلهم..
| |
|
|
|
|
|
|
|
|
|
Re: ياسين والقرآن الحكيم.. (Re: Muna Khugali)
|
الحبيب مني
Quote:
بسم الله الرحمن الرحيم
اللهم لك الحمد على العافية..
ونسألك العافية في الدنيا والآخرة
اللهم لك الحمد كما ينبغي لجلال وجهك وعظيم سلطانك؛
لك الحمد بالإسلام،
ولك الحمد بالإيمان
، ولك الحمد بالقرآن
، لك الحمد كله
، ولك الملك كله
، وبيدك الخير كله
، وإليك يرجع الأمر كله
، لك الحمد حتى ترضى،
ولك الحمد إذا رضيت،
ولك الحمد بعد الرضا
، سبحانك وبحمدك! لا نحصي ثناءً عليك، أنت كما أثنيت على نفسك.
اللهم لك الحمد بما خلقتنا،
ولك الحمد بما رزقتنا
، ولك الحمد بما هديتنا
، ولك الحمد بما فرجت عنا
، اللهم لك الحمد بما شفيتنا
ولك الحمد بالمال والأهل والمعافاة.
اللهم لك الحمد كالذي نقول
، وخيراً مما نقول،
ولك الحمد كالذي تقول،
وصلى اللهم على سيدنا محمد صلى الله عليه وسلم وعلى آله وصحبه وسلم |
حفظك الله من كل شر يارب
ويديم عليك الصحة والعافية
| |
|
|
|
|
|
|
|
|
|
Re: ياسين والقرآن الحكيم.. (Re: نهي محسن أبوراس)
|
Quote: حفظك الله من كل شر يارب
ويديم عليك الصحة والعافية |
وانتي كمان يا نهي..
أوعدك..العدد الجاي من ياسين
أنزل ليك صور جديده لياسين العسل...
شكرا نهي علي دعواتك..ربنا يحفظك ومن تحبين...
علي فكره هو خلاص قرب يمشي الروضه..فضل ليه تلاته سنين بس
| |
|
|
|
|
|
|
|
|
|
Re: ياسين والقرآن الحكيم.. (Re: Amira Osman)
|
Quote: العزيزه مني،
الف مبروك يسن و ربنا احفظه
و اجعله من ابناء البلد الخيرين |
عند استيقاظه..يتثاءب أكثر وهو يمط في جسده الصغير الي اعلي..ثم يرفع راسه علي وسادته الخفيفه مايلا به لأتجاه اليمين..ومعها يرفع ذراعه اليمين بجانب راسه.. ثم يشدها لأعلي أكثر وهو يصدر صوتا يدل علي استمتاعه برياضته...
حينها أضحك وأقول..
هاي هتلر!!
تسلمي اميره..حفظك الله لنفسك ولأسرتك وحفظ لك كل من تحبين..
| |
|
|
|
|
|
|
| |
Muna Khugali
انعام حيمورة
ود محجوب
saif massad ali
بابكر التوم
osman righeem
essam&amal
yasiko
Waeil Elsayid Awad
إسماعيل حميم
كمال سالم
العوض المسلمي
مجدي عبدالرحيم فضل
عاطف عمر
mohmed khalail
عبدالمنعم الرزوقي
ناهد بشير الطيب
محمود الدقم
mamkouna
غادة عبدالعزيز خالد
صلاح أبودية
طارق عمر مكاوي
عبدالفتاح أبوشيمة
محمدين محمد اسحق
محمد خليل ساني
نهي محسن أبوراس
فيس بوك
تويتر
انستقرام
يوتيوب
بنتيريست