|
دعواتكم لزميلنا المفكر د.الباقر العفيف بالشفاء العاجل
|
|
 Re: . . . بيت ستـنور (Re: Soumeta)
|
كان كفى هاهنا
وكان البريق كما شتاء
والضوء منه يراع وسوميت
ولميع ذكريات يرهقه الشتاء
وكانت ستنور ودعة الضوء المشتهاه
( وياحميد انت وين
بيت ستنور مرق للضوء )
وكنتى نقطة ضوء
| |
 
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
وحوش كما الشتاء
ونغيم طمبور بعيد
كلمنى دى بت منو
وين بلودا
محل يسكنو
خضرا متل
الدابو ساقو
صغارا ما متقو
الشباب لموا وفرقو
وكاسوا لشبهك
ما لقوا
وكلمنى دى بت منو
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
نفس حبوبة
وريحة جروف
نغم طمبور
ورقصة دائرة وشبال
صراخ شفع
يآآآآآآه
"حنين" تملكنى,,, للحظة
ثم أعقبته الذكريات !!
...
...
عصام العافية تغشاك شقيق ما تقبل ..
ــــــ
نفسى أنزل أغنية طمبور بس منتظر منك إشارة
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
يا عصام يا رائق
لوحات و كلمات بعمق إحساس قطرات الندي فوق الجبين مع ريحة الدعاش
و لك هذه يا صديقي .. راسية و رايقة ..
"شاطيء الصيد في الشارقة"
و قد أفرحتني باختذاني في الذاكرة.
طارق جبريل
لك كل التحايا و كل عام و انت بالف خير عزيزي.
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
الله حي ...
عافي منك و راضي عنك تب يا فنان
تخيل ( حالة كون المرء ) في غربة
تلاقي روحك نازل للتحتانية بدل الدوام
شفتا يا عصام كيف النقلة
من حالة غربة لي حالة بلد
اها
وين صور التمر و السواقي
| |
|
|
|
|
|
|
|
|
 Re: . . . بيت ستـنور (Re: عصام عبد الحفيظ)
|
الللللللللله يديك العافي يا عصام يا اخوي...
وإنت عارف الصورة التحت دي... ذكرتني بيت ناس أبو عبيدة حسن ود الزومة وباب السر الصغير الفاتح علي الشارع الضيق اليطلعك علي المدارس لا فوق...
دحين ياهو ولة مُو ياهو؟؟؟
كميات مودتي... لامن أجيك راجع...
أبو الحســــــــــين...
| |
|
|
|
|
|
|
|
|
|
Re: . . . بيت ستـنور (Re: أبو الحسين)
|
العزيز عصام
تقديري
والله حركت فينا موضوع اصلا هو
تاعبنا جدا
وفي نفس الوقت الدخلت البوست
في برنامج في التلفزيون عن
صنية الغداء التي فارقناها من اكثر من سبعة سنين
عزاااااااااب
سامي طلب
| |
|
|
|
|
|
|
|
|
|
Re: . . . بيت ستـنور (Re: Sami Talab)
|
بيت ستي نور
بيت المحنة
البيت الفيهو الناس تصابحك بي صدق انعدم
وتملكك رائحة الأشياء
عارف ياعصام صورك دي صحت فينا احساس الطرق والدروب
ورجعت لينا الذكريات
للقهاوي الخلوية
لي شاي الحليب اب سكر زيادة
لي ريحة الرغيف في الفرن البلدي
لي الناس الغبشه
ومتلفحه بالطيبه
لي صوت البوري البطرب اطفال الوديان
لي لمة المغربية
وقراصة العشـــا
شــــــوق ومودة
| |
|
|
|
|
|
|
|
|
|
Re: . . . بيت ستـنور (Re: Sami Talab)
|
حمد فتح الرحمن
ووين يالملك
الجماعة جو كلهم
عاوزين طمبور والشربوت منى
الخيارات
النعام ادم
صديق احمد
محمد جبارة
محمد كرم الله
وما يطلبه عشاق الطمبور
| |
|
|
|
|
|
|
|
|
 Re: . . . بيت ستـنور (Re: عصام عبد الحفيظ)
|
دي التمتام ولة أُم الحسن يا عصام؟؟؟
واصل تنزيل عليك الله لا تقيف شئ... وبالمناسبة صورك دي أنا كلللللها لطشتها لي حوش الشايقية...
مودتي...
أبو الحســــــــــين...
| |
|
|
|
|
|
|
|
|
|
Re: . . . بيت ستـنور (Re: أبو الحسين)
|
ابوالحسن سلام
البيت داك
منزل الخال احمد طه
الحمداب
والتانية التمام
والنخل اتلاقى غنى
وردد النيل الاغانى
والاستاذ جعفر ود حمد
ورحلة عودة
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
يا سلام عليك أخ عصام
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
طارق جبريل وفيصل نوبى
يا الله يا عصام ياخي
أن تهديني هذا الجمال كله في حضرة فيصل نوبي كمان
ياخي دة كتير شديد
تعرف المكان هو نفسه والاسم نفسه (ستنور) (ام عبد الهادي تميم يا ابو الحسين)
كنت اسرع الى بيتها رحمها الله بمجرد أن يضعني قطر كريمة وذلك في قريتنا الوديعة شبا (البركل)
انت مجنون مجنون مجنون يا عصام
بشهادة هذا الكم الهائل من الجمال
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
أخي عصام شكراً على الإهداء
لكن بالغت في صورة ود كرم الله وود جبارة
والعجب في شوالات التمر
يا أخي انت راجل فنان
دعني اعلق على الكمرة وزوايا التصوير
والمحيرني صورة البيت المضوي في الضلام دا !!! دا فلاش شنو الاستخدمتو دا
ربنا يديك العافية بقدر الفرح الدخلتو في نفوس الناس هنا
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
كتب أُستاذ/ طارق جبريل...
Quote: تعرف المكان هو نفسه والاسم نفسه (ستنور) (ام عبد الهادي تميم يا ابو الحسين)
كنت اسرع الى بيتها رحمها الله بمجرد أن يضعني قطر كريمة وذلك في قريتنا الوديعة شبا (البركل)
|
التحية لك أخي طارق ولصديقي الموردابي البروفيسور/ عبد الهادي تميم... وعبرك تحيتي لكل أهلنا في شبا والبركل...
واصل يا عصام الله يرضى عليك... وكم أعجبني الجرف المايل عند المغيرب داك... وذكرني الجرف القِبْلي لي مشرع تنقاسي الكرو... أكنك إتمعنوا كويس... مشرع الفلاليك قبلي لي مشرع البنطون...
كميات مودتي...
أبو الحســــــــــين...
| |
|
|
|
|
|
|
|
|
|
Re: . . . بيت ستـنور (Re: أبو الحسين)
|
والله يا عصام ما كنت بتخيل إنو المنطقة بهذا الجمال ،
بالإضافة لإنو في صور هنا في المجموعة دي مدهشة جداً :
الألوان ، اللحظة ، الزوايا والتكوين .
وزي ما الراجل قال ليك : الفن التشكيلي ده شنو ؟
| |
|
|
|
|
|
|
|
|
|
Re: . . . بيت ستـنور (Re: Emad Abdulla)
|
تحيات ومودة لك يا ود عبد الحفيظ. وللزومة (منارة الفقرا). ولى بير ود الشكرى. وخلوة على نيدة. والبوسطة. ونيم نمر. وطاحونة على حماد. ودكان البشير. وساقة الحاج رحمة.
| |
|
|
|
|
|
|
|
|
|
Re: . . . بيت ستـنور (Re: Emad Abdulla)
|
عماد عبدالله
يا صديقى المجد
حتى الموتى هناك
يرقدون
فى مقابر جميلة
هادئة ترقد
على تلة
عالية
يتوزع ضوء ساحر
بين شواهدها
تحييك مبتسمة
وتقابل الشمس
فى شروقها
وغروبها
وتقضى الليل
فى سمر مع
ذاك القمر الذى
لم يغيب
وتمنت ستنور ان
تكون مع جدودى
ولكنها هجرة
شنط الصفيح
المقرونة
وقراصة البلح
والعسكرية تطير
.......
كما طارت الغربة الان
وياربى تشيل
غربة الروح
مننا
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
Quote: شايف مرات ومرات او دائما
تجد لوحات المهمشين
فى طريقك ......
لكم اعجبنى |
لوحات المهمشين يا عصام تأتي من اعماق
تحمل كل الود لي وطن
حاول حكامه منذ الاستقلال قتل الجمال فينا..
ما اروعك يا رجل
| |
|
|
|
|
|
|
|
|
|
Re: . . . بيت ستـنور (Re: طارق جبريل)
|
غشيتني ... وسلاما أفرج زاوية من ذاك الباب العتيق ,
إسترحت على هوامش هذا { الحكي } الجميل ... لغة
وتصاويرا ... وإهاب ... فما كل هذا الضلوع فى الحواشي
وما سر تلك المتون ... كيف التطواع على هذا القدر من
الإنشراع ... فحدودي فى تلك المعارف توقف على سبيل
الإنبثاق الوئيد ... فما { إنبجس } فى الأضواء إلا ذاك
الرتل وهو يتوخى الكينونة { المتحولة }... فلا حول .
أعني ... عصام , بناصية من شجن ... هكذا أمور ,
وإزدرني فى أحشاء الكاميرات التي تمنع الإنهيار ,
على أمل أن يكون الإصباح ... أجمل , وبيت ستنور
يستعصي على الحلوق الآهلة باللحظة ... فأهديك طوعا
الإمتنان ... أسعد بمعروضك يا حبيب ... حتى نكون .
شكرا ... شكرا ... شكرا ... فكلي من بعضي حيث تقيم .
مع تحياتي ... الصادحات .
| |
|
|
|
|
|
|
|
|
|
Re: . . . بيت ستـنور (Re: Hussein Mallasi)
|
يا عصام يا راجل يا فنان
حا تهديني شنو أكتر من أدخل وألقى البلد كلها حاضرة إلا انا الغايب؟
يا لي من عاق،
ومتأخر كمان.
فأنا -استغفر الله من كلمة أنا- الوحيد ربما في هذا المكان الدخل -حقيقة- لحوش ستنور.
وانا القامت شعرة جلدي لمن شفت قفا بيت وديوان عمنا المرحوم "خضر ابزيد" وهو المطل
الحارس لفطور الجماعة، قدام دكان عمنا المرحوم "حسن طه" وعلى اليمين بيت عمنا المرحوم "أحمد طه".
رحمهم الله جميعاً، وجعل البركة في الذرية، ذرية "حوش ستي نور".
انتظر صورة الزقاق الضيِّق الفاصل بين بيوت الأعمام أحمد طه ومحجوب طه عليهما الرحمة. ذاك الزقاق المفضي في أوله وآخره على رحابة الخيران، خور الخليفة وخور ود الريف.
وانتظر صورة باب حوش "حبوبتك لأبيك" الفاتح علي خلوة خلف الله، وسعتهم رحمته أجمعين.
ولا أنسى، أن أحيي أستاذي "جعفر ود حمد" الذي توقفت طويلاً أمام صورته لأرى فعل السنين، فهو معلمي،
ممن ساهموا في رفع جهالتنا. في وقت كان كل شيء فيه نضيراً، وواعداً.
ثم تحيتي للشيخ حامد، ولد شيخنا محمد ود علي حامد ، أول من علمنا حرفاً وسمّعْنَا له السور. وإن لم نكن قد بلغنا "السجدة" و"الأحزاب" و"قاف". على قول صديقنا أحمد سليمان:
والدنيا ما بين خير وشر
لو فيها زول في ايدو اختيار
كان عدت لي لوح العشر
جيّرتو حضّرت العمار
لي شيخنا سمّت السور
السجدة والأحزاب وقاف
لك الرحمة شيخي ومولاي ود علي حامد. ومتعكما الله بالصحة والعافية استاذيّ الشيخ حامد والاستاذ جعفر.
ولك من المحبة يا عصام، بقدر ما كنت تفرحنا "بالفلاش" في ذلك الوكت البعيد، أوان إجازاتك بالبلد.
ونحن أولاداً لم نزل تأخذنا رائحة "الجِدَّة" في هندام القادمين، إلى عوالم غامضة، ضاجة بالسحر والأنوار.
آسف على التطويل. لكنه الحنين، لكنها المحبة،
تعرف.
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
سلام اللمى السمحى - فى حضرة ستينور -
التصاوير حرقت جوفنا وقططعت كبودنا !
وغايتو فن فى فن !
تتبارك يا عصام -
ويا عادل ود عيتمان : الرسول شخلوب المدينيى دا الأكلو منو بعد التصويرى اللتو ?
غايتو الله ينفعو بيهو لكن أحدسك العين دخلتو واصابتا ما خيتتو !
وصادالكون - حوش ستينور مابينفات ضوممة .
ست البنات .
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
عصام حفيد ستنور,
سلام يغشاك و العافى تبراك شقيقيش ما قبل يا الحبيب !
شكر كتير على الباب الخلاننى انسرب منو للزمان السميح الماضى
بعد اقشقش دميعاتى النازلى من تالا القلب برجع بجيك صادى .
و حتى الطيف رحل خلانى ما طيب لى خاطر ,,,,,,,,,
الليلى هاك اسمع رنين الحانى ابقى معاى سامر
و خفف قليل احزانى انا يا ما عشت صابر
نادية السر
| |
|
|
|
|
|
|
|
|
|
Re: . . . بيت ستـنور (Re: Nadia Elsir)
|
نادية السر
ويا حليل السيد على الميرغنى
ويا حليل جنينة سيدى
ــــــــــــــــــــــــــــــــــــــــــــــــــــــــــــــــــــــــ
Quote: وهذه العلامة بالباب كالعين الدامعة - يبكى انزواء الطيبيين وفراقهم !
|
وهكذا حكت ست البنات
| |
|
|
|
|
|
|
|
|
|
Re: . . . بيت ستـنور (Re: ست البنات)
|
ست البنات وقمرن
وست الحوش
وست البنات لى حدهن
ترانى حلفت بى الله
وتانى بقول وحاة الله
وقت السمحة .....
وباقى الاغنية
عند ست البنات فى رويحتا دى
ده اسمو غزل عولمى
وفى النت كمان
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
وهذه العلامة بالباب كالعين الدامعة - يبكى انزواء الطيبيين وفراقهم !
ويشكو الوحدة - وتشتت الحبان -
ووا حلالى يا عادل عيتمان من الديفييق والمدينيى دى - أكان لقيتها اساع مع حبة ترمس .
ست البنات .
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
عصام اخوى - ساكت انسررع - اتاريك خاتيلى حقى من الريحيب !
وغايتو سيتنور الله يرحما ان كان حييى ولا عن ربها -
بيتا ومبخرا وصحن دبكرا - ديل كولهن عن حبوبتى كانن الله يرحما -
الظاهر دى كانت تيكنولوجيا زمانن !
عيللى وين السحارة والكركب - وسيبحة الأوسور والكبيق ??
وتسلم يا اخوى الظكرتنا البلد وسماحتا - وصح عيويناتنا رقرقن !
عيللى برضو كتتر ألف خيرك - ودايرين نشوفلنا تصاوير تانى من البلد !
ست البنات .
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
عصام يا حميم يا وسيم
{ هدية منك مقبولة معناته إني على بالك }
تعرف يا عصام
-حكاياتك تلك في ذلك الليل المترع بالحب
والقوارير...
وحكايات عن مروي والباسا وجلاس ونوري والقرير...
- والحنين الصادر من صوت وردي لديك وهو يوصي
بلكنة شايقية { كترو الدافننو في الحوش }
هو نفسه المدفون في جوف العتامير كما الأسرار الكبرى
- ومذاق الشربوت المعتق الوارد من أعلى نخلة
على جدول متفرع من النيل الكبير
- والدكاي الذي غازل خيال وردي مرتين
- وشايقية مليحة أصطحبتني في الطريق
كأحلى رفقة ، دست - بعد إستئذان رشيق-
شريط لصديق أحمد عززته بثاني لعبدالرحيم البركل
- والشايقية التي فلتت من الشلوخ بثانية المسماة بإشراقة حيمورة
كلهم تجمعوا في حوش ذاكرتي
حتى إنفدعت فيني اللكنة
وإشتهيت الشاي باللبن عند المغربية
غايتو
الله يستر من الشلوخ
كتر خيرك يا عصام
كتر ألف خيرك
بس
خللي بابك متاكة
جاييك ومعاي ناذر
و
رفقة حسنة
| |
|
|
|
|
|
|
|
|
|
Re: . . . بيت ستـنور (Re: طلال عفيفي)
|
صلي على النبي :
ومين ينحر فؤادك يا صاحبي غير هذه البلاد ؟
أرض ممدودة ونيل مفروش ..
ناس يلقون التحية : زي السلامو عليكم !
محبة أصفى من الخيال .. وطواحين من الحب :
سلامات ..
| |
|
|
|
|
|
|
|
|
|
Re: . . . بيت ستـنور (Re: yasiko)
|
ياسيكو
شكرا على طمبور ود كرم الله
ومعزوم فى الرحلة القادمة
لبيت ستنور
جهز شنطة الصفيح
و5 كتب
لتاسيس مكتبة
بيت ست النور
| |
|
|
|
|
|
|
|
|
|
Re: . . . بيت ستـنور (Re: gessan)
|
الفنان عصام
التحايا
هل لديك موقع شخصي ؟
سؤال ما مريت فوق ترب ود تور القوز في القرير
القــــــــــــــــــــرير اظنك عبرتا من عندها
للزومة
لو عندك موقع خاص ورينا ليهو ونزل الصور دي فيهو
لك الحب
معتصم سيد احمد
ونشكر على هذا الجمال
| |
|
|
|
|
|
|
|
|
|
Re: . . . بيت ستـنور (Re: معتصم ود الجمام)
|
استاذنا واخونا عصام
رب الجمال
اسمح لي ان اسمي هذا البوست استلاب
لانك طمرتو بي احاسيس لاتقاس
التفاصيل البتوجع جوه العضم وتخليك تهدهد وترتعش
لك مودتي دوما ايها الجميل
| |
|
|
|
|
|
|
|
|
|
Re: . . . بيت ستـنور (Re: gessan)
|
عبد العزيز
شوف الصباح هناك
ياتى متمهلا
فى غشوته
وداير اغشى البيوت
وخلق نقناقة
الدرب القبيل
سويتو ساساقة
( اغنية طمبور قديمة )
| |
|
|
|
|
|
|
|
|
|
Re: . . . بيت ستـنور (Re: عصام عبد الحفيظ)
|
Quote: نخلة من نورى فى زمن العولمة
وطالعة من عرض ازياء .... |
بس داير أعرف انو الزول دا وصل راس الضكر دا و" قبَّ " الجريد كيف؟
شكراً على الضبيحة يا استاذ عصام
ذكرتني قصة مشهورة للدكتور عوض الله الداروتي " الآن بماليزيا" رجل
ساخر وهادئ ، جوهو ضيوف ولمان بقو ماشين شاغلوه قالو ليهو نحن
ضيوف ساهلين باقليك والله نستحق تضبح لينا ، فرد عليهم قائلاً أي
والله " تستحقو الضبح انتو " ، "خذ المعنى البعيد من العبارة" ،
فأنا أخشى أنك تكون عنيت ضبحي لصوري المشاترة التي أنزلتها لك
عموماً لك ودي وحبي حتى لو سلختني قبل الضبح
| |
|
|
|
|
|
|
|
|
|
Re: . . . بيت ستـنور (Re: yasiko)
|
ياسيكو
والله " تستحقو الضبح انتو " ، "خذ المعنى البعيد من العبارة" ،
فأنا أخشى أنك تكون عنيت ضبحي لصوري المشاترة التي أنزلتها لك
عموماً لك ودي وحبي حتى لو سلختني قبل الضبح
وده كلامك
وشوف الصورة
هسة ديل كم خروف
| |
|
|
|
|
|
|
| |
عصام عبد الحفيظ
عبد المنعم سليمان
Soumeta
الملك
fadlabi
فيصل نوبي
حمد فتح الرحمن
أبو الحسين
محمد سنى دفع الله
yasiko
طارق جبريل
ملكة سبأ
طلال عفيفي
Emad Abdulla
Adil Osman
HAYDER GASIM
Hussein Mallasi
ست البنات
انعام عبد الحفيظ
أبو ساندرا
samo
gessan
معتصم ود الجمام
احمد العربي
Ahmed Elmardi
Ibrahim Algrefwi
فيس بوك
تويتر
انستقرام
يوتيوب
بنتيريست