الأستاذ الموصلي وسادتي الذوّاقة فضلاً لا أمراً ..احمد الجابري!

نعى اليم ...... سودانيز اون لاين دوت كم تحتسب الزميل معاوية التوم محمد طه فى رحمه الله
الاستاذ معاوية التوم في ذمة الله
رابطة الاعلاميين بالسعودية تحتسب الاعلامي معاوية التوم محمد طه
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 10-12-2018, 10:49 PM الصفحة الرئيسية

مكتبة عمر الفاروق شيخ الدين (عمر الفاروق شيخ الدين&عمر الفاروق)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
14-05-2008, 05:26 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


الأستاذ الموصلي وسادتي الذوّاقة فضلاً لا أمراً ..احمد الجابري!

    الأستاذ الموسيقار الموصلي والإخوة المختصون وأصحاب الذوق الرفيع :
    ما كتب عن الأستاذ احمد الجابري في هذا المنبر كثير وجميل ولن أضيف عليه فهو الموسيقار صاحب الصوت الشجي والأنامل الذهبية التي تداعب العود أيما مداعبة ..
    إرتباطي بحب هذا الفنان كان منذ الصغر ولفت إنتباهي له موقف طريف فوالدي متعه الله بالصحة والعافية لا يحب الموسيقى زول مصلاية كل ما يلقاني بصفّر يقول لي يا ولد دي بتجيب الشيطان ..
    خلسة وجدته ذات مرة يدندن داخل غرفته ويضع المسجل جانباً مع كوم شرايط للفنانين فقط هما احمد الجابري واحمد المصطفى ..
    قلت ليهو يا حاج اها ديل بيجيبو الملائكة ؟
    ومن يومهاوانا اسمع هذا العبقري وأستمتع أيما إستمتاع ..
    صراحة أجد عبقرية الجابري في طريقة تلحينه للكلمات وبصورة مختلفة تمااااماً وكل أغنية تكون نموذج منفصل وغير مكرر ولا متشابه مع باقي أغانيه والحانه ..
    الأستاذ الموصلي ربما تكون مشغولاً كثيراً وليس لديك الوقت ولكنه طلب ورجاء وفضلاً لا أمراً سأقوم بوضع بعض النماذج اللحنية للموسيقار الجابري ورجائي هو تحليل هذه الألحان وتناولها بشكل علمي لأني صراحة مهتم بعبقرية هذا الفنان ..
    إستوقفتني أغنية (الجريف واللوبيا) للشاعر الصادق إلياس ورأيت لوحة مرسومة وليس أغنية ووجدت لحناً مرسوماً لا مسموعاً ووجدت حنين دفاق يعيدك لعوالم عجيبة فترى النيل من خلال اللحن وتشم رائحة طين البحر من خلال اللحن تنساب الكلمات مع اللحن فتشعر وكأنه حالك تماماً في صباك ..
    فهل تبرعتم سادتي الذوّاقة ومحبي الطرب الجميل بالإدلاء بدلوكم ؟




    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                   |Articles |News |مقالات |بيانات

14-05-2008, 05:56 AM

maia

تاريخ التسجيل: 05-03-2002
مجموع المشاركات: 2599

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    الاخ عمر الفاروق

    رغم اني ما من المختصين وما عارفة لو كنت من ذوي الذوق الرفيع
    لكن حقيقي بشوف الفنان الجابري فنان لم ينال حظه من الاهتمام
    الاستاذ الجابري فنان له سمة مميزة ، طريقة غناهو مختلفة ، بيطوع اللحن والكلمة بابداع شديد وهو نوع من الفنانين زي ما قلت صوته بيجيب الملايكة
    رحمه الله بقدر ما قدم وابدع

    شكرا لك لهذا البوست
                   |Articles |News |مقالات |بيانات

14-05-2008, 05:58 AM

Isa

تاريخ التسجيل: 29-11-2004
مجموع المشاركات: 1321

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    الفاروق سـلام.. وممـكن تعـتبرني مـن محبي الطـرب الجمـيل ومعـك ننتظـر الأخ استاذ المـوصلي.. لكـن أنا ما شـدني للإستماع للجابري فعلا هو عبقريته اللحنية والبراعة الكبيرة في عـزفه للعـود أكـثر من كـونه مغني بارع.. برضـو تجـد أن الفنانين أصحاب الأداء والألحان المتميزة إنو المقلدين يتجنبون أعمالهم.. فالكثيرين جدا قلدوا أو أدوا أعمال وردي ومحمد الأمين أو مصطفى سيدأحمد الخ.. لكن قليلين هـم الذين غنوا للجابري (عمار السنوسي) أو لصلاح محمد عـيسى..
                   |Articles |News |مقالات |بيانات

14-05-2008, 06:07 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    الأخت مايا (لي جغلومية سنة بكتب إسمك مايا وما عارفو صاح ولّا لأ)
    Quote: لكن حقيقي بشوف الفنان الجابري فنان لم ينال حظه من الاهتمام

    تعرفي يا مايا إنو معظم الفنانين يعتبرون الأستاذ الجابري مدرسة قائمة بذاتها ويهتمون بأعماله ربما أكثر من أعمالهم وكما ذكر الأخ عيسى فانا أعرف مثلاً أن الأستاذ عمار السنوسي يعتبر الجابري واحد من أعظم الفنانين ويغني كثيرا(وجميلا) أغاني الجابري..
    الجمهور يطرب كثيراً لأغاني الجابري ولكن ربما لأنهم إستمعوا لها من فنانين شباب وسأفرد مساحة لبعض هذه الأغاني لاحقاً ..
    Quote: الاستاذ الجابري فنان له سمة مميزة ، طريقة غناهو مختلفة ، بيطوع اللحن والكلمة بابداع شديد وهو نوع من الفنانين زي ما قلت صوته بيجيب الملايكة

    وبرضو تقولي لي ما مختصة وما ذوّاقة ؟
    إنتي لحقتي ابوي عديييييل كده
                   |Articles |News |مقالات |بيانات

14-05-2008, 06:11 AM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    يا عمر ..
    صباح الخير ..

    البيننا شين من زمن .. بعترف ..
    إنت البادي .. أنا الخاتي , الله أعلم ..
    لكن بعتذر عني و عنك ..
    و هسه جابني ليك الجابري , و جابتني الخنقة المخنوقة بيها الناس و ترّعت و إتدشت في بورد بكري ده ..
    جيتك فراراً من العك و الهامش و المركز و العبيد و السادة و الجلابة و الغرابة و المرتزقة و الغزوة و البقعة و تشاد .. و السجم اليكيل حالنا ..
    أمبارح قلت لإنعام عبدالحفيظ نفسي في غنا يغسل الزول و يمرقنا من جحر أبو الدرداق ده ..
    لقيتها حالها أضل من حالي ..
    و حال الكتيرين : شرحو .
    قعدت أسمع عثمان حسين , و إبراهيم عوض و وردي و العاقب و الشفيع ..
    يشهد الله إتحسنت حالة الطمام .
    المهم يا عمر ..
    الجابري كوم براهو ..
    شهد عليهو الزول الجميل أستاذنا محمد ميرغني , قال : الوحيد في المطربين البيجمع بين الغليظ و الحاد بسهولة و عذوبة .
    المتابع لغنا الجابري و ألحانو بيندهش لثراء المفردة اللحنية عندو و تنوعها ..
    الجابري بيجيب الملايكة ( أبوك ليهو حق ) ..
    و بيجيب شبع كامل لما تسمع غناهو ..
    و يا عمر .. مستعد أسمع ( تنسونا ) و أعيدها و أكررها مليون مره بالتسجيل القديم .. و القانون و الكمنجات و الفلوت ..
    و برضو ما أشبع منها على الرغم من بساطة كلماتها و صدقها الجميل .. لكن ألحان الجابري خلقت منها فتح لحني و أسطورة نغمية نادرة في كتاب الغنا السوداني .

    يكفي الجريف و اللوبيا الزول يسمع منها مقطع واحد ما تعرفو بياتو سلم هو .. سباعي مخمس و للا خماسي مسبع و للا ياتو جن واحد ده !!
    حميمية مشاعر أهلنا في أبسط قوالب الكلام و أصدقها هو البيخلق منها حالة الشجن البيدخلنا بدون إستئذان ..
    يا بحر حلتنا
    في رمالك ذكرى
    لا بتشيلا الموجة
    و لا بتفارق الفكرة
    ...
    مره الطيب صالح , كتب ينعي صلاح أحمد إبراهيم قال :
    صلاح العبقري المتمكن من اللغة و أسرارها .. كان يدمع و لا يستطيع الكلام لما يسمع :
    كان طلعت القمرة ألخير يا عشانا تودينا لي أهلنا .. بسألوك مننا .

    ـــــــــــ
    تاني مرة يا عمر ..
    شكرا للجابري .. و ليهو الرحمة قدر ما أسعدنا و جمّل ..
    و ليك بعتذر .
                   |Articles |News |مقالات |بيانات

14-05-2008, 06:13 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    الأخ عيسى(كده صاح؟:

    Quote: عبقريته اللحنية والبراعة الكبيرة في عـزفه للعـود أكـثر من كـونه مغني بارع.. برضـو تجـد أن الفنانين أصحاب الأداء والألحان المتميزة إنو المقلدين يتجنبون أعمالهم..

    يا سلام عليك ياخ ده كلام زول مختص عديييل..
    دوماً ما الاحظ أن الحان الجابري وطريقة عزفه للعود قريبة للحد البعيد من السلالام اللحنية العربية أكثر منها السودانية فأشعر وكأنها الحان خليجية ..

    Quote: فالكثيرين جدا قلدوا أو أدوا أعمال وردي ومحمد الأمين أو مصطفى سيدأحمد الخ.. لكن قليلين هـم الذين غنوا للجابري (عمار السنوسي) أو لصلاح محمد عـيسى..

    كان لي شرف الجلوس مع الفنان المحترم والمثقف والمتعلم الفنان عمار السنوسي..
    والله ما إستمعت لشخص يحب هذا الفنان بقدر عمار السنوسي وكم أتمنى لو عمار السنوسي (عضو المنبر) أن يجد الفرصة ليتداخل ويكتب لنا عن هذا العملاق ولكن يبدو أن المشغوليات ستحرمنا هكذا مداخلة من الفنان الذوق عمار السنوسي..
    المقلدون الذين حاولوا تقليد الجابري بصراحة لم يحالفهم الحظ كثيراً وإن كان هناك أحد الفنانين لا أذكر إسمه(مقعد) نوعا ما يغني للجابري وإن كان يكثر من الحركات أكثر من الصوت ..
                   |Articles |News |مقالات |بيانات

14-05-2008, 06:27 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    عماد عبدالله :
    الزول السمح ابو شنب ولا انا غلطان وتشابه علي البقر؟


    Quote: البيننا شين من زمن .. بعترف ..
    إنت البادي .. أنا الخاتي , الله أعلم ..
    لكن بعتذر عني و عنك ..

    والله يا عمدة أكون كضاب لو قلت ليك البينا شين وأكون ستين كضاب لو متذكّر إنت بتتكلم عن شنو تصدق يا صديق انا البورد عندي يزول بزوال المؤثر مع ضغط المفاتيح لعمل LOG OFF ..
    ياخ لو ما أخاف الكضب إنت مرة كتبت كلام سمح في بوست انا كتبتو عن الشاعر سليمان عبد الجليل(ما متذكر ده إنت ولا صلاح عبد الله) ..
    Quote: و هسه جابني ليك الجابري , و جابتني الخنقة المخنوقة بيها الناس و ترّعت و إتدشت في بورد بكري ده ..
    جيتك فراراً من العك و الهامش و المركز و العبيد و السادة و الجلابة و الغرابة و المرتزقة و الغزوة و البقعة و تشاد .. و السجم اليكيل حالنا ..

    والله يا عمدة ولأجلكم فقط عملت البوست ده فانا أعرف أكثر من عماد يحتاج لهذه الراحة من التشاداب والإنقاذاب والخليلاب والزغاواب وما أدراك ما ساس يسوس ..

    Quote: و يا عمر .. مستعد أسمع ( تنسونا ) و أعيدها و أكررها مليون مره بالتسجيل القديم .. و القانون و الكمنجات و الفلوت ..

    أها دي حا تكون عربون صداقة وهدية مني ليك بس شيل الصبر وكلو بيجيك بس أبقا عشرة على البوست ده وأحرسو لي..


    Quote: يكفي الجريف و اللوبيا الزول يسمع منها مقطع واحد ما تعرفو بياتو سلم هو .. سباعي مخمس و للا خماسي مسبع و للا ياتو جن واحد ده !!

    والله يا عمدة عشان الحتة دي تحديداً انا إخترت الأغنية دي عشان نبدا بيها عبقرية الجابري..
    الأغنية دي تسمعها بي العود على الرايق تحلف تقول لحن عراقي وبعود عراقي في زمن هارون الرشيد وما ادراك ما الجواري وقليل من النبيذ ..

    Quote: تاني مرة يا عمر ..
    شكرا للجابري .. و ليهو الرحمة قدر ما أسعدنا و جمّل ..
    و ليك بعتذر .

    إعتذارك ما بيفيدك العملتوا كان بي إيديك ..
    هو إنت قلت لي عملت شنو؟
    معقولة يا عمدة ...حبابك الف وابقا داخل ..
    نقطة ..سطر جديد..
                   |Articles |News |مقالات |بيانات

14-05-2008, 06:41 AM

Saifeldin Gibreel
<aSaifeldin Gibreel
تاريخ التسجيل: 25-03-2004
مجموع المشاركات: 4079

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    Quote: يا بحر حلتنا
    في رمالك ذكرى
    لا بتشيلا الموجة
    و لا بتفارق الفكرة


    التحية للفنان احمد الجابري ولقريبي الشاعر الصادق الياس.. فلقد عشنا صدق وحنين هذه الكلمات معايشة حية مع اهلنا الحنان فى الجريف غرب واذكر فى لقاء اذاعي مع الطيب صالح طلب أغنية الجريف واللوبيا وقال انها تزكره بمنطقته والبيئة التى نشأ فيها.. التحية عبرك يا فاروق لكل اهلنا فى الجريف الذين اعطو هذه الاحاسيس الجميلة للشاعر الصادق الياس..

    سيف
                   |Articles |News |مقالات |بيانات

14-05-2008, 06:46 AM

اساسي
<aاساسي
تاريخ التسجيل: 20-07-2002
مجموع المشاركات: 16527

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    راكب حافلة الصحافة شرق ماشي العمارات شارع واحد وستين الساعة حداشر ظهر علي ما اظن برنامج ما يطلبه المستمعون في راديو الحافلة اول طلب كان الجريف واللوبيا لي الفنان احمد الجابري , سمعت الطلب الغريب دا وضحكت ضحكة خبيثة وانا بردد( ايلي الجريف واللوبيا) الغنية الاسمها غريب دي بعد شوية اشتغلت الاغنية .. خلفيتتي اخوي الاصغر مني ما مباشرة في بيني وبينه واحد الكلام دا وقتها انا امتحنت للجامعة ومنتظر نتايج القبول اها اخوي في المتوسطة , اخوي الفي المتوسطة دا عنده حس موسيقي غريب , بيعرف يسمع شنو الوحيد الفي البيت الاتخيل لي عنده ايقاع وما اشتر اها اخوي دا هو في المتوسط سالته قلت ليهو فنانك المفضل منو؟ قال لي الايام دي بسمع الجابري؟؟ وبالذات اغنية الرسائل؟ الزمن داك لما قال لي كدا اتذكرت ليك الجلاكيم طوالي والناس بتاعين الستينات ديلك ؟ قلت ليهو انت جادي بتسمع الجابري , قال يلي يا ابو سمنة ياخي ركز معاهو الزول دا لو جواك احساس بالموسيقي والالحان حتي لو واحد في المية الزول دا بطلعوا منك وبدغدغ مشاعرك واضاف طبعا دا لو بتمتلك الحاجة الاسمها مشاعر دي ؟ طبعا رديت عليهو كعادتي ( جابري شنو يا وهم الخاتي كراعو في الكرسي وبغني ؟ واضفت ما فاضل ليهو الا يطلع كراعه التانية في الكرسي ويحل مروحة السقف حقت الاستديو ) .
    اها اشتغلت في الحافلة القبيل ديك موسيقى اغنية الجريف واللوبيا وانا داخلها ليك بنفس احساسي التهكمي من الاسم وكانت اول مرة اسمعها فيها . الموسيقي حسيت بيها غريبة , حاجة مختلفة , حقيقة قلت في اللحظة ديك ادي نفسي فرصة اسمعها بي اضان اخوي القالها لي ديك , والموسيقي ما تزال مختلفة ودخل الجابري في الاغنية . الكلام دا كان في شارع 15 بداية حي الزهور انقر ما نزلت من الحافلة في محطة الباراميل وركبت حافلة تاني راجعة لي واحد وستين ؟ ومن يومها الاغنية دي داقة في راسي ما سمعتها الا الان منك انت يا وهم , علا اضانك نجيضة زي اخوي
                   |Articles |News |مقالات |بيانات

14-05-2008, 06:49 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    ابو السيوف:
    Quote: التحية عبرك يا فاروق لكل اهلنا فى الجريف الذين اعطو هذه الاحاسيس الجميلة للشاعر الصادق الياس..

    التحية لأهلنا في الجريف ولكل الجرّافة ..
    الشاعر الصادق الياس في لقاء إذاعي قال وبكل أسف قصيدته كلها عبارة عن إستفهام وتساؤل عن ماضي منطقة بدت تفقد ملامحها فكانت كلها إستفسارات:
    وين رمال حلتنا ؟
    وينا موية نيلك ؟
    وينو صوتك مالو؟
    وينو قارع مويتك؟
    ووين غسيل النيل؟
    ووينو ماضي الحلّة ؟
    وين ومين الشالو؟
    ووين ووين ويين ؟؟؟
                   |Articles |News |مقالات |بيانات

14-05-2008, 07:03 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    أساسي القبل الكراسي :
    Quote: راكب حافلة الصحافة شرق ماشي العمارات شارع واحد وستين الساعة حداشر ظهر علي ما اظن برنامج ما يطلبه المستمعون في راديو الحافلة اول طلب كان الجريف واللوبيا لي الفنان احمد الجابري ,

    يا سلام على الإستماع والإستمتاع بالموسيقى في الحافلات لكن يا اساسي في بتاعين حافلات ثقيلين من الصباح بدري يشغل ليك شريط شايقي

    Quote: اخوي الفي المتوسطة دا عنده حس موسيقي غريب , بيعرف يسمع شنو الوحيد الفي البيت الاتخيل لي عنده ايقاع وما اشتر اها اخوي دا هو في المتوسط سالته قلت ليهو فنانك المفضل منو؟ قال لي الايام دي بسمع الجابري؟؟

    تعرف يا قريبك في ناس كده بيكونوا مشاترين في البيت ...ودائماً تلقى ليك واحد بيكون عندو إستايل مختلف من كل ناس البيت ..يعني لو كلهم جواطين بتلقى واحد رايق ومرات تلقى ليك واحد نظام من هو صغير عندو دولاب براهو وبيستحمّ مرتين في اليوم ايام الموية ماف ديك وبيغسل ويكوي حاجاتو براهو وبيكون عندو صحبان غريبيين كده ماف زول بيعرف عنهم أي حاجة وبيقوم يسمع فنانين ما حقين جيلو ..
    Quote: الموسيقي حسيت بيها غريبة , حاجة مختلفة , حقيقة قلت في اللحظة ديك ادي نفسي فرصة اسمعها بي اضان اخوي القالها لي ديك , والموسيقي ما تزال مختلفة ودخل الجابري في الاغنية . ا

    كده بقينا تلاتة انا وانت وعماد وعشان كده راجين الموصلي والمختصين ..
    تخريمة :
    ياخ انا كل إمتحانات الجامعة كنت بزاكر ليها في المواصلات ..والله يا قريبك بركب دفار أو حافلة للحاج يوسف من الثورة مرورا بالشهداء ثم السوق العربي فالحاج يوسف وبالعودة بدون ما اكون ماشي لي زول بالجد بكون قرضت ليك المنهج وبجي زول نوم بس
                   |Articles |News |مقالات |بيانات

14-05-2008, 11:51 AM

لؤى
<aلؤى
تاريخ التسجيل: 01-06-2003
مجموع المشاركات: 14343

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)


    عُمر العزيز
    سلامات
    ومشتاقين

    رحم الله أحمد الجّابري الذي مضَى مظلوماً
    (( أزمة أخلاق حقيقيّة ))


    وهذه رسالة من بريدي
    أرسلها الأخ العزيز أحمد ود المهدي
    Quote: كنت عاوز منك طلب صغير ..
    في بوست للاخ عمر الفاروق بتكلم عن الجابري ...بالله يا ريتك توصل ليهو تحياتنا وبصراحة كنت اتمنى اني اشارك معاهو .. لكن الجود بالموجود
    اتمنى انو يستمر في البوست ويعرض اعمال كثيرة ... لانو في فنانين اتنين انا بعشق اصواتهم .. ابوداوود والجابري

    وشكرا مرة تانية






    وأبقَىَ أظهر


    أنـا في البـعـيـد مُـشـتـاق لهـمـسـة من الوطن يا نـسـمـة

                   |Articles |News |مقالات |بيانات

14-05-2008, 12:12 PM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    Quote: أمبارح قلت لإنعام عبدالحفيظ نفسي في غنا يغسل الزول و يمرقنا من جحر أبو الدرداق ده ..
    لقيتها حالها أضل من حالي


    اها يا عماد جانا عمر الفاروق

    عشان يغسل أرواحنا بغناء الجابري وألحانو السمحة












    الواحد يا دااااااب بدأ يتنفس

    جاياكم راجعة
                   |Articles |News |مقالات |بيانات

14-05-2008, 02:13 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    أبو اللول :
    يا جميل يا راقي إحساسك ..
    مشتاقون ياخ ..
    أمبارح في سيرتك والله جاني مصعب وقال لي كنت مع لؤي وشباب حلوين وكالعادة سألتو من الشُرّاب اللبني
    لابد يا مان شكلك مزنوق وكده ..
    ولي ود المهدي أحمد قول ليهو والله أهو دي الأعمل بتاعت الجابري تسمغ في كلامك وكنا منتظرين الموصلي يجي ينتهي لينا من الحصة الأولى عشان المقرر ما يكتر على الناس
    لكن بعد ده الما قرا درس اليوم بي اليوم حا نردم ليهو المقررات ولي ود المهدي نهدي الأغنية الجاية ..
                   |Articles |News |مقالات |بيانات

14-05-2008, 02:25 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    يا نعومة عومة عومة :
    Quote: أمبارح قلت لإنعام عبدالحفيظ نفسي في غنا يغسل الزول و يمرقنا من جحر أبو الدرداق ده ..
    لقيتها حالها أضل من حالي

    كلام عماد ده مؤشر خطير لي إنك من السادة الذوّاقة والواحد ممكن يلجأ ليك إذا حمي الوطيس ولو كركبت تاني حا تكوني ملازناومن اسة أنفضي مكتبتك وجهزي لينا من بيت الكلاوي..
                   |Articles |News |مقالات |بيانات

14-05-2008, 02:30 PM

Elmosley
<aElmosley
تاريخ التسجيل: 14-03-2002
مجموع المشاركات: 34432

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    صديقي العزيز الفاروق

    يسرني دوما ان التقي معك في امور الن
    وبجيك
                   |Articles |News |مقالات |بيانات

14-05-2008, 02:50 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    ايوااااااااااااااااااا تلك ..
    الأستاذ جا وانا تراني ربّعت يديني وجبت كراسي وقدت في الواطــــة وبالله أي زول عندو سؤال يأجلوا بعد نهاية الحصة
    أصطاااااااظ طااااظ طااااااظ
    لديك تجربة ثرة أستاذنا الموصلي في تحليل أغاني العملاق عثمان حسين تابعتها بإهتمام بالغ وأتمنى أن تعيد الكرّة هنا مع الجابري..

    العمل التاني يا موصلي هو سيد الإسم..
    واحدة من أجمل الأغاني اللي لحنها الجابري دون موسيقى دائرية ودون تكرار وكل مقاطع تتحدث عن مدرسة لحنية مختلفة تلاتة كسرات في اللحن كل واحدة أجمل من أختها الواحد مننا ينتظر بتيين ينتهي المقطع الأول عشان يمشي للبعدو ولمن يجي البعدو تقول يا ريت يرجع للأول ووووو..

    هاكم سيد الإسم كأحلى هدية ونخلي الموصلي يشجينا ..
    ودي هدية لي منّي لي زول هناااااااااااااااااااااااااااك عارف نفسو ..
    ولي احمد ود المهدي ضيف لؤي ..


    أضغط للتشغيل



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                   |Articles |News |مقالات |بيانات

14-05-2008, 02:52 PM

محمد عثمان

تاريخ التسجيل: 09-11-2006
مجموع المشاركات: 6490

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    الاخ عمر..

    بوست سمين..اصبح لى مدخلا للخروج من حالة الزهج
    و القرف التى نعيشها هذه الايام...
    بنجيك صادين انشاءالله..حتى لو عوم..!!

    يديك العاافية..
                   |Articles |News |مقالات |بيانات

14-05-2008, 03:04 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    محمد عثمان :
    Quote: بنجيك صادين انشاءالله..حتى لو عوم..!!

    بس أعمل حسابك يا غِرِقْ يا جيت حازما

    حبابك الف يا زول ..
                   |Articles |News |مقالات |بيانات

14-05-2008, 10:07 PM

انعام عبد الحفيظ
<aانعام عبد الحفيظ
تاريخ التسجيل: 07-12-2005
مجموع المشاركات: 8738

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    Quote: كلام عماد ده مؤشر خطير لي إنك من السادة الذوّاقة والواحد ممكن يلجأ ليك إذا حمي الوطيس ولو كركبت تاني حا تكوني ملازناومن اسة أنفضي مكتبتك وجهزي لينا من بيت الكلاوي..


    ياعمر انا بسمع وبس ما تتخمى فيني ياخ

    وبيت الكلاوي دا تخصص ناس تانين نحنا ما بنطولهم أبداً

    شوف زي ناس محمد عثمان ديل

    انت أمسك فيهو وما ح تندم

    واسأل عماد عبد الله
                   |Articles |News |مقالات |بيانات

14-05-2008, 11:24 PM

Elmosley
<aElmosley
تاريخ التسجيل: 14-03-2002
مجموع المشاركات: 34432

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    جمعتني صداقة واحترام متبادلين مع الراحل المقيم أحمد الجابري لعشرة سنوات تقريبا قبل رحيله
    عنا وهذه السنوات التي جمعتنا أوردت صفاء النفوس وجديتها ولشد ما احزنني أننا اتفقنا للالتقاء بالقاهرة لعمل كتاب له اسوة بالكتب الأخري (أهل المغنى) لشخصي ولوردي ولمصطفى
    وبرغم أنه وعدني الا ان الموت كان أسرع فحزنت أيماحزن.

    وبجيك لتحليل سواقي بلدنا للفنان التلقائي الذي تتميز قوالبه الغنائية بالتوازن
    ويتحرك في المقامات كيفما شاء وتمتد مساحة صوته كهضبة مساحاتها شاسعة
    فالى اللقاء لتحليله

    (عدل بواسطة Elmosley on 14-05-2008, 11:25 PM)

                   |Articles |News |مقالات |بيانات

15-05-2008, 04:55 AM

ALGARADABI
<aALGARADABI
تاريخ التسجيل: 30-12-2004
مجموع المشاركات: 5236

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    الحبيب عمر الفاروق
    والله و والله
    أول ماشفتا البوست خطر علي بالي الحبيب عماد عبدالله (أولاد دفعة) بس ما قدري عايد 6 مرات

    أنا شخصيا أعجابي بالجابري بدأ بعماد عبدالله
    كان يقلد لنا الفنانين في الفسحة والحصص الفاضية
    دوما كان يقلد الجابري و محمد الأمين
    وكما كتبت في بوست سابق كل مااسمع الجابري أتذكر عماد عبدالله وهو يغني لنا:
    الليل الليل الليل الليل الليل الليل الليل
    يهود بي
    يهود بي
    يهود بييي
    ويبقي تلت أخير


    الرحمة والمغفرة لهذا الفنان الرائع
    و الريدة القديمة لحبيبنا عماد عبدالله
    وتحية هلالية ليك يا عمر

    وهات يا زمن
    هات يا زمن
    شيل كل أحزانك تعال جيب المحن
    وطول يا أسي طول يا أسي
    وفجر ينابيع المحن
    جرعني كاس جرعني كاس من لوعة من آهات
    ما المحبوب خلاس
    خلاني ليك أنا يا زمن
    خلاني ليك أنا يا زمن
    وخلي الشجن
                   |Articles |News |مقالات |بيانات

15-05-2008, 02:12 PM

Elmosley
<aElmosley
تاريخ التسجيل: 14-03-2002
مجموع المشاركات: 34432

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    شكرا لك لانك لفت نظري الى هذه الاغنية
    برغم ايماني بالذكاء الموسيقي للجابري الا ان ما إكتشفته مدهشا بالنسبة لي حتى الان
    لم أنتهي من التحليل الذي سيكون مدعوما بالنوت الموسيقية التي قمت بتدوينها لكي تدعم تحليلي ووجهة نظري ساعات قليلة وناتيكم بالجريف واللوبيا

    (عدل بواسطة Elmosley on 15-05-2008, 02:13 PM)

                   |Articles |News |مقالات |بيانات

15-05-2008, 02:37 PM

Elmosley
<aElmosley
تاريخ التسجيل: 14-03-2002
مجموع المشاركات: 34432

للتواصل معنا

FaceBook
تويتر Twitter
YouTube


مصطلحات للفهم المبسط قبل التحليل (Re: Elmosley)

    أولا
    المقام الخماسي
    pentatonic
    هو المقام الذي يتكون من خمسة اصوات لا يوجد بينها مانسميه بنصف التون
    ولكن هناك مقامات خماسية مثل
    Pentachord
    هي من خمسة أصوات ولكن توجد علاقة نصف التون بين بعض اصواتها أو درجاته
    =============
    المقام الصغير الاعتيادي
    هو المقام المكون من سبعة أصوات
    ===========================
    التحول المقامي هو الانتقال من مقام الى آخر وهي طريقة فعالة جدا في تغيير (المزاج النغمي)
    Mood
    ده عشان يساعدكم في فهم تحليلي
    على فكرة كلمة
    penta
    تعني خمسة أو خماسي

    (عدل بواسطة Elmosley on 15-05-2008, 02:39 PM)

                   |Articles |News |مقالات |بيانات

15-05-2008, 06:24 PM

Elmosley
<aElmosley
تاريخ التسجيل: 14-03-2002
مجموع المشاركات: 34432

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)





    المقدمة الموسيقية تتكون من عبارتين الأولى تتجه إلى أعلى في مجملها والثانية تتجه إلى اسلفل إلى مستقرها الصوتي
    ثم يدخل الجابري ليغني المقدمة الشعرية التي نسميها المطلع أو (المذهب) والغريب والجميل في الأمر إن العلاقة وثيقة بينه وبين الفكرة الرئيسية مع اختلاف منطقي يكفي للتعبير عن المعنى الخاص بالكلمة.

    ثم تعود الموسيقى مرة أخرى ليعقبها الكوبليه الاول الذي يعتبر تطورا ملحوظا مأخوذا من المطلع الاول
    لتدخل موسيقى جديدة خماسية تعقبها الموسيقى في المقام الصغير مستندة إلى الفكرة الخماسية ولكنها تغيير المود تغييرا
    كبيرا وهنا تأتي عبقرية هذا الرجل الفنان الجميل رحمه الله فهو يختلف عن مجموعة كبيرة من فنانينا الذي لايستطيعون كسر الجو أو المود إلا بموسيقى لاعلاقة لها بالفكرة الأساسية
    أما الجابري فهو يتخذ اسلوبا حديثا حقيقيا في كسر حاجز الرتابة استخدمته الموسيقى الكلاسيكية وتستخدمها الموسيقى الغربية الشعبية الآن في أحدث أغانيها
    ثم تعود الموسيقى الكاسرة مع تغيير فيها قليل يؤدي إلى عودة الخماسية لتمهد له الدخول في عالم الطرب وينو صوت الساقية أداء قمة الدراما التي يتخفى الإحساس بالخجل فيها دون أن يدري بأنه خجل مرئي وباين للعيان
    ويستمر الطرب وصولا إلى وين جداول المويه الجايه منو السيل
    ويفاجئنا الجابري بالعودة للخماسي بقوله يابحر حلتنا في رمالك ذكرى الخ وينتهي العمل تدريجيا بما نسميه فيد أوت
    Fade out
    يا له من عبقري فقد أدهشني وشكرا لك جزيلا ياعمر على إتاحة الفرصة
                   |Articles |News |مقالات |بيانات

16-05-2008, 01:08 PM

Elmosley
<aElmosley
تاريخ التسجيل: 14-03-2002
مجموع المشاركات: 34432

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    ياعمر قبل ان اخرج الي المطار في طريقي لاسرتي بولاية ايوا
    قلت الحق ليك بوست ولديهو دفره

    اها لي قدام
                   |Articles |News |مقالات |بيانات

16-05-2008, 04:46 PM

نهي محسن أبوراس
<aنهي محسن أبوراس
تاريخ التسجيل: 02-04-2008
مجموع المشاركات: 488

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    أخي الفاضل عمر الفاروق والزوار الافاضل

    ياسلاااااااااااااااااام علي البوست الجميل والذي أتمني أن يتواصل في مشوار توثيق أعمال الجبار أحمد الجابري...
    Quote: إرتباطي بحب هذا الفنان كان منذ الصغر ولفت إنتباهي له موقف طريف فوالدي متعه الله بالصحة والعافية لا يحب الموسيقى زول مصلاية كل ما يلقاني بصفّر يقول لي يا ولد دي بتجيب الشيطان ..
    خلسة وجدته ذات مرة يدندن داخل غرفته ويضع المسجل جانباً مع كوم شرايط للفنانين فقط هما احمد الجابري واحمد المصطفى ..
    قلت ليهو يا حاج اها ديل بيجيبو الملائكة ؟



    هو فنان بكل ماتحمله الكلمة من معني...لا أدري ولكنني وكلما إستمعت لصوته الشجي أشعر بعبرة تكاد تفتك بي...أشعر بإنسياب كلماته وألحانه مباشرة إلي حيث يكمن الألم...
    ومن أغنياتي المفضلة سيد الاسم...
    أنا في العيون ببنيلو دارين من مودة ومن مني..ياسلااااااااااام
    وتعجبني ...
    من طرف الحبيب..
    ياما قال كلاااااااااااام ومالي دخل بيه..
    إني بروح لغيرو وبهواه وبصطفيه
    إنشاءالله حياتي تفني أنا لو فكرت فيه..


    ومانسيناك...
    ماكفاه العذاب ال هو فيه ليه تزيد آلامو أكتر..
    وليه عيونو العمرها ماخانتك تبكي وتسهر


    الحديث عن الجابري يطول ويطول ...فهو هرم فني كبير ظل وسيظل مقامه بين النجوم...
    رحمه الله رحمة واسعة..
    ومتع الوالد بالصحة والعافية وأن يتمتع بسماع أولئكةالملائكة


    مودتي وتقديري ومتابعين معاكم
                   |Articles |News |مقالات |بيانات

17-05-2008, 05:34 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    الأستاذ الموصلي:
    ياخ شكراً جميلاً على هذا الجهد المقدر والإهتمام والتوضيحات والتدعيم بالنوتة التي لم ولن أفهمها ما حييت
    حقيقة وطيلة إستماعي لهذه الأغنية كنت أتوقع أنها من السباعي أكثر منه للخماسي ودوماً ما أقوم بتركيب صوت محمد عبده مثلاً أو أي فنان خليجي فأجد انها تتوافق مع اصواتهم ودرجاتهم الموسيقية فهل هي خماسي مية المية أم خماسي مسبع وسباعي مخمس كما قال أحد الزملاء؟
    الحاجة التانية هل الأستاذ الجابري يلحن بالفطرة أم بطريقة علمية وهو سؤال دوماً ما أسأله عن الفنانين السابقين فهل هم يقصدون هذه الطريقة العلمية في التحليل أم هي الصدفة والعبقرية التي لاحقاً ما يدعمها العلم من قبل المختصين !؟
    السؤال الثالث يتعلق بتوزيع مهام الالات اثناء العزف أكورديون ساكس كمناجت وفي الخلفية استمع لصوت (الدرمز) ومدى النجاح في توزيع المهام ؟
    تحية قلبية ليك يا موصلي..
                   |Articles |News |مقالات |بيانات

17-05-2008, 11:37 AM

Elmosley
<aElmosley
تاريخ التسجيل: 14-03-2002
مجموع المشاركات: 34432

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    Quote: :
    ياخ شكراً جميلاً على هذا الجهد المقدر والإهتمام والتوضيحات والتدعيم بالنوتة التي لم ولن أفهمها ما حي..


    تعرف ياعمر لو كنت درست الموسيقي كنت حتكون النقد نمبر تو
    بعد العبد لله
    طبعا اخوك متقنزح ومتطنقع وما بتنازل
    المهم نمسك الخشب حسك عالي جدا

    ثانياالجابري يلحن بالفطرة الا انه سميع
    بيسمع الموسيقي العربية تحديدا كثير جدا مثله في ذلك مثل جيله المتآثر بها
    امال اغانينا زمان طويله ليه
    الاستماع للموسيقي واعمال الاخرين مهم جدا للفنان فلم يمز عمر الشاعر علي اقرانه او مجايليه
    الا تلك المكتبة العامرة التي تزين بيته واذنه كذلك

    التوزيع الذي تتكلم عنه اسمه التوزيع الالي الذي لايخرج عن تقسيم ادوار اللحن بين الالات
    بينما التوزيع الاهم هو الاوركسترالي
    كل الود ياعمر
                   |Articles |News |مقالات |بيانات

17-05-2008, 05:58 AM

haroon diyab
<aharoon diyab
تاريخ التسجيل: 20-06-2007
مجموع المشاركات: 23196

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    كتب العزيز / عمر الفاروق
    ردا للغالي / عماد عبد الله

    Quote: والله يا عمدة أكون كضاب لو قلت ليك البينا شين وأكون ستين كضاب لو متذكّر إنت بتتكلم عن شنو تصدق يا صديق انا البورد عندي يزول بزوال المؤثر مع ضغط المفاتيح لعمل LOG OFF ..


    عارف ياعمر ....
    والله مع احترامي للبوست ولصاحب البوست ولمن كتب من اجله البوست وبرغم عشقي للفنان الخالد الجابري الا انوا كلامك ده ذادك ارتفاعا .... ولو كل واحد طبقه علي نفسه كانت الحكاية بقت جميلة خلالالالالالالالالالالالالالالاص .
    الاحترام والتقدير لك ولقريبي صلاح عبد الله
    مع التحايا
    هارون دياب
                   |Articles |News |مقالات |بيانات

19-05-2008, 11:25 AM

Elmosley
<aElmosley
تاريخ التسجيل: 14-03-2002
مجموع المشاركات: 34432

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: haroon diyab)

    Quote: عارف ياعمر ....
    والله مع احترامي للبوست ولصاحب البوست ولمن كتب من اجله البوست وبرغم عشقي للفنان الخالد الجابري الا انوا كلامك ده ذادك ارتفاعا .... ولو كل واحد طبقه علي نفسه كانت الحكاية بقت جميلة خلالالالالالالالالالالالالالالاص .
    الاحترام والتقدير لك ولقريبي صلاح عبد الله
    مع التحايا
    هارون دياب


    I do agree
    Thanks
                   |Articles |News |مقالات |بيانات

21-05-2008, 06:51 PM

haroon diyab
<aharoon diyab
تاريخ التسجيل: 20-06-2007
مجموع المشاركات: 23196

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: Elmosley)

    حبيبنا / الموصلي
    مساء جميل

    كل التحايا لك وللاسرة الكريمة
                   |Articles |News |مقالات |بيانات

19-05-2008, 01:46 PM

Azhari Nurelhuda
<aAzhari Nurelhuda
تاريخ التسجيل: 01-03-2007
مجموع المشاركات: 1958

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    الأخ عمر الفاروق

    تحية طيبة....
    شكرا يا آخي لإيرادك لهذا المغني الشامخ الباذخ هنا.....

    عندي ملاحظة أن هذا هو تسجيل الإذاعة الرسمي و قد دخلت عليه بعد التعديلات...
    أرجو لو تكرمت إيراد بعض المعلومات عن هذا....
    و سؤال عام....
    ماهو الموقف قانونا من مثل عذه أعمال....و أين الحق المادي و الأدبي للموسيقيين الذين نفذوا هذه الأعمال في الإذاعة.
                   |Articles |News |مقالات |بيانات

20-05-2008, 07:42 PM

Elmosley
<aElmosley
تاريخ التسجيل: 14-03-2002
مجموع المشاركات: 34432

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: Azhari Nurelhuda)

    يا ابو الزهور ياخي ابوعمير ساب البوست ده ومشي فتح واحد جديد

    المهم لك وله التحية
                   |Articles |News |مقالات |بيانات

21-05-2008, 05:12 PM

ALGARADABI
<aALGARADABI
تاريخ التسجيل: 30-12-2004
مجموع المشاركات: 5236

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    رأي الصحفي الرياضي الساخر محمد عبدالماجد في الجريف و اللوبيا
    نقلا عن صحيفة قون


    Quote: * من كلمات الشاعر الصادق الياس غني الفنان الراحل اغنية (الجروف واللوبيا) ، الاغنية تغرق فى عاطفة كبيرة رغم الشغب الذى يثيره الاسم ·
    * يهم ان نقول ان احمد الجابرى نجح فى ان يرسم بها رومانسية غائبة عن خارطة الاغنية ·
    * نجاح الجابرى فى العزف بالكلمات على طريقة نزار قبانى عندما قدم مرسومته (الرسم بالكلمات) فادهش بها شُعاب المدارس التشكيلية قبل ان يدهش بها جموع الواقفين على الرصيف لتخرج منها مثل هذه المدهشات·
    * كان غريباً ان ينجح الجابرى فى اخراج اغنية غارقة فى الرومانسية ، رغم غلظة (اللوبيا) التى تبدو فى الاسم·
    * يعرف عن الجابرى ان حباله الصوتية كانت (اوتار عود) تخرج الحاناً مسكونة بشئ من الوجل ، او هى عصب كمان لا تنطق إلا لحناً·
                   |Articles |News |مقالات |بيانات

21-05-2008, 06:05 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    استاذنا الموسيقار الموصلي:
    Quote: يا ابو الزهور ياخي ابوعمير ساب البوست ده ومشي فتح واحد جديد

    والله ماااااااا خليتو وماااااااااااا نسيتو يا استاذ ..والبوست ده تحديداً أنا معوّل عليهو كتييير وتصوري ليهو لسة ما إنتهى لكن ما بكذب عليك يا موصلي عايز تجيني ليهو موود كتابة معين حتى ادخل اواصل ..
    ما عايز اجي اكشح الناس بي شكرا يا رائع وما قصرت يا فلان وووو..
    الليلة قامت علي جنونة لمن سمعت غنى الكحلاوي بيتبشتن وزعللللت عشان بحبو الزول ده ..
    قامت شالتني الهاشمية وعلى قولك (ابوووك يا هديل)
    البوست ده يا موصلي راجيك فيهو شغل كتيييييييير واغاني كتيييييرة ..
    بس ما تخزلني ..
    والعتبى لكل المشاركين اللسة ما جيتهم ..
                   |Articles |News |مقالات |بيانات

24-05-2008, 09:53 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الأستاذ الموصلي وسادتي الذوّاقة فضلاً لا أمراً ..احمد الجابري! (Re: عمر الفاروق)

    عفريتة بسييييتة كده ..
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de