إنبراشة سيلفاكير للحكومة بعد تقارير خطيرة عن بترول الجنوب..

في دعم حملة علاج دكتور الباقر العفيف:- قليل من كثر خير من كثير من قلة
نداء أنساني بخصوص الدكتور الباقر العفيف
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 20-11-2018, 05:49 PM الصفحة الرئيسية

مكتبة عمر الفاروق شيخ الدين (عمر الفاروق شيخ الدين&عمر الفاروق)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
19-11-2006, 03:33 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


إنبراشة سيلفاكير للحكومة بعد تقارير خطيرة عن بترول الجنوب..

    المتابع للاحداث هذه الايام يلاحظ أن سيفاكير رئيس حكومة الجنوب بدأ ينكمش ويلبس ثوب المسكنة للحكومة (بالدارجي إسمها جرّ واطي) ..
    ومن الملاحظ ان سيلفاكير الذي كان يتصرف دون علم الحكومة وكان يشعر بأنه فوق الحكومة ويهددها بسلاح الإنفصال واضعاً في باله أنه يملك ثروة بترولية علية كما أوهمه البعض فبدا يتصرف على هذا الاساس واصبح الجنوبيون يتصرفون بنوع من الهمجية داخل العاصمة مما افقدها الامان وبدت تظهر كثيرمن التصرفات العشوائية ..
    وفي بادئ الأمر ابتلعت الحكومة طعم التهديد الذي كان يمارسه سيلفاكير وكانت تخاف على ثروتها البترولية في جنوب السودان فكانت تدلع سيلفاكير وتبنطح له ايما انبطاحة وصار سيلفا كما الطائرة السودانية كما قال عنها المصري( دي ستهم تروح على كيفها وتيجي على كيفها)..
    وهكذا كان سيلفاكير يوماً في امريكا ويوماً في لندن واخرى في كينيا ضارباً بالحكومة عرض الحائط ..
    ولكن وكما عودنا رجالات الانقاذ اصحاب العقول الداهية والفكر السياسي بعيد النظر ففي اعتقادي وبعبارة بسيطة الكيزان ديل صعاليق سياسة ..
    فقد تفاجأ سيلفاكير بتقرير خطير تم تسليمه له ومفاده أن بترول الجنوب لن يصمد لأكثر من عشرة سنوات فقط وبعدها يصبح الجنوب وارضه جدباء من الابار البترولية وسيصير ضخها ضعيفاً جداً ..
    وهنا انصدم سيلفاكير لهذه الطامة الكبرى ولهول المفاجأة ..
    لذا الذي يلاحظ اليوم يجد ان سيلفاكير أنبرش وإنبطح لحكومة الانقاذ ايما انبطاحة وإنبراشة خوفاً من ان يلفظه حكام المؤتمر الوطني ..
    وقد كان ...
    فه هم حكام الانقاذ يتجاهلون سيلفاكير ايما تجاهل ففي اي ممكان يذهب إليه لا تسأل عن لا السفارة و لا السفير ويعامل مثله مثل اي شخص جاء لبلد يبحث عن رزقه سواء عن طريق الفيزا أو الزيارة ..
    واخيراص أحس سيلفاكير بالتهميش وبدأ يركض هو خلف الحكومة ولكن هيهات يا سيلفا ..
    فستشرب من الكأس التي جرعتها لهم وستدفع ثمنها غالياً فهذه الحكومة واعية ومدركة وذكية كفاية لدرجة أنها ستجعلك انت تركض للوحدة وليس هم ..
    نعم إنقلبت الان الطاولة وقريباً جداً سيعم العاصمة الهدوء بعد ان تعود للشمال سيطرته على العاصمة بصورتها الطبيعية بعد الإنفلات الأمني العجيب ...
                   |Articles |News |مقالات |بيانات

19-11-2006, 04:15 AM

Yassir Tayfour
<aYassir Tayfour
تاريخ التسجيل: 18-08-2005
مجموع المشاركات: 10897

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    Omer
    sometimes, when you write about music and sports, you make sense(at least to me), but regardless to you position (with or againist) the government, you're too bad at politics... you don't have neither the basic common sense of politics nor a clear vision...
    It's okey to like this goverment..the majority of NIF supporter are your type, but don't go beyound
    "allah akbar"
    "takbeer"
    don't explain anything
    just keep you explanation to yourself
    at least, to avoid looking fool, and to keeping the good image of yours when you write about music and sports.
    remember that:
    "a wiser enemy is better than an ignorant friend
    what you stated above is full of ignorance and immatureness.
    take care
                   |Articles |News |مقالات |بيانات

19-11-2006, 04:38 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: Yassir Tayfour)

    حبيبنا ياسر يا ود طيفور:
    تعرف يا مان انا كرهت الإنجليزي ده من زمن ناس Mona و Hamza و من زمن ال InterView With Jaksa وجا عمك الدكتور تروتة تم الناقصة ..

    دحين يا اخوي نضمك الفوق ده انا ما فارزو لكن للضمان كده وعشان انت زول فردة ما برجعك ساي وهاك الرد ده :
    Hey Maaaaaaaaaaaaaaaaaaaaaaaan ....
    Oooooooooooooooooooooooh My God....
    Is this Talk this.... عاد ده كلام ده ..
    No Speak Double Touch..Barger King KFC

    Change Serve

    تخريمة :
    قالوا في بتين في قرية في الجزيرة دخلوا سنة اولى متوسط وفي اول يوم صرفوا ليهم (البطاقة) حقت الإنجليزي لو بتتزكرا ..
    دخلت عليهم الأستاذة وادتهم ليك كابيتال B وإسمووول b....
    في الطريق والبتين راجاعت حليمة شابكة ليك التاية :
    شوفي يا التاية البي كرشتين دي كابيتال والبي كرشة واحدة دي الاسمول سمح ااا التاية ..
    التاية تقولها :
    سمح اااااااااااا حليمة ..
    لمن جات تودعا واي واحدة تخش بيتهم حليمة كوركت للتاية :
    شوفي يا التاية البي كرشتين دي كابيتال والبي كرشة واحدة دي الاسمول سمح ااا التاية ..
    التاية تقولها :
    سمح اااااااااااا حليمة ..

    بكرة الصباح حليمة غشت التاية في البيت عشان يرجعوا المدرسة قامت فجأة كده حليمة دايرة تزكر التاية بي حروف الإنجليزي
    فقالت للتاية :
    البي كرشتين دي الاسمول ..لالالالالا دي الكابيتال ...لالالالا اظنو البي كرشة هي الكابيتال ..لالالالالا اظنها هي الاسمول ..
    وفجأة كده قالت للتاية :
    ووووووووووووووووووووووووووووب علي ااااااا التاية الظاهر إنجليزتي فكّت ...
                   |Articles |News |مقالات |بيانات

19-11-2006, 04:57 AM

سامى عبد الوهاب مكى
<aسامى عبد الوهاب مكى
تاريخ التسجيل: 06-01-2005
مجموع المشاركات: 4971

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    Quote: ووووووووووووووووووووووووووووب علي ااااااا التاية الظاهر إنجليزتي فكّت ...


    يجازي محنك
                   |Articles |News |مقالات |بيانات

19-11-2006, 01:43 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: سامى عبد الوهاب مكى)

    ابو السيم يا حبيب:

    Quote: يجازي محنك

    والعجب محنك انت ..
    بس مشكلتك ما عايز تدينا من المحن العندك ..
                   |Articles |News |مقالات |بيانات

19-11-2006, 08:17 AM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    Quote: ولكن وكما عودنا رجالات الانقاذ اصحاب العقول الداهية والفكر السياسي بعيد النظر ففي اعتقادي وبعبارة بسيطة الكيزان ديل صعاليق سياسة


    كلامك صاح

    اهو كلنامرقنا سبنا ليهم الصعلقة..
                   |Articles |News |مقالات |بيانات

19-11-2006, 10:42 AM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8609

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: DKEEN)

    طيب الخلى كبير الصعاليك عمر البشير يمشي (ينبرش) في جوبا شنو.

    شفتنة:
    معليش يا فاروغ نحن عارفين إنك كاتب الكلام دا عشان يرضي عنك (الكفيل)، طال عمرون فلا تثريب عليك.
                   |Articles |News |مقالات |بيانات

19-11-2006, 01:07 PM

JOK BIONG
<aJOK BIONG
تاريخ التسجيل: 14-11-2006
مجموع المشاركات: 5378

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: الصادق اسماعيل)

    كير ميأرديت...كير ميارديت ...كيرميارديت...كيرمياريت...
    عمره ما جري وراء أي زول حتى رئيسه جون قرنق!!!
    وحدة لازم يكون جاذبة له.FULL STOP
    JOK
                   |Articles |News |مقالات |بيانات

19-11-2006, 01:08 PM

يوسف السماني يوسف
<aيوسف السماني يوسف
تاريخ التسجيل: 10-12-2005
مجموع المشاركات: 4010

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    عمر الفاروق
    سلامات

    Quote: Quote: ولكن وكما عودنا رجالات الانقاذ اصحاب العقول الداهية والفكر السياسي بعيد النظر ففي اعتقادي وبعبارة بسيطة الكيزان ديل صعاليق سياسة


    اذا كان رب البيت بالدف ضارب
    فشبمة اهل البيت كلهم الرقص .

    نعمة القيادة التي ربت منتسبيها علي قيم الصعلكة القيمة الاسلامية المستمدة من نهج المؤتمر الوطني .
                   |Articles |News |مقالات |بيانات

19-11-2006, 02:09 PM

hatim
<ahatim
تاريخ التسجيل: 06-03-2003
مجموع المشاركات: 743

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: يوسف السماني يوسف)



    المشكلة يا ود الفاروق شيخ الدين ليست في سيلفاكير الذي يتوارى خجلا من أفعال أخوانه في الحركة الشعبية لأنهم كلهم كروشهم مليانه وقروشهم مشتتة شركات وهلمجرة..المشكلة في أمثال أبناء الشمال الذي يتوهمون بالحركة الشعبية والسودان الجديد والقديم وحردوا السياسة أمثال ياسر عرمان وقالو عايزين يبقوا صوفية..قريبا سيصبح مفهوم السودان الجديد مثله مثل من الشرق اوسط الجديد..

    أقولك ..
    هس بجيك صاحبي دينق طاير وفاكي الزراير..
    وانت عارف كلامو ح يكون شنو (نفس الكلام القديم..)
    أصلا هو ماعندو جديد..
                   |Articles |News |مقالات |بيانات

19-11-2006, 02:39 PM

القلب النابض
<aالقلب النابض
تاريخ التسجيل: 22-06-2002
مجموع المشاركات: 8418

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: hatim)

    جئت لأرد التحية ياعمر الفاروق ..

    علشان بوست الريس لضياء للمباركات ..

    قلت لي سلفا مالوا !!!!

    كل الحركات الحايمة دي حتضغطهم الظروف للعودة الى حضن الوطن

    فقط يا ريت يأتو من بوابات وطنية لا بوابات أخرى..

    فقط ياريت يأتو أعزة ... ولأجل أهل الهامش الذين يتحدثون بإسمهم ..

    ولا ننسى أن حكومة الوحدة الوطنية حقت ناس دينق الذين يلعبون في خانة المعارضة .. كيف ما عارفة ..

    تحياتي يا فاروق ..
                   |Articles |News |مقالات |بيانات

19-11-2006, 03:26 PM

Kostawi
<aKostawi
تاريخ التسجيل: 04-02-2002
مجموع المشاركات: 37234

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: القلب النابض)

    Quote: فقد تفاجأ سيلفاكير بتقرير خطير تم تسليمه له ومفاده أن بترول الجنوب لن يصمد لأكثر من عشرة سنوات فقط وبعدها يصبح الجنوب وارضه جدباء من الابار البترولية وسيصير ضخها ضعيفاً جداً ..


    دي بتشبه زي مقولة "ولقد دنى عذابها"..." دني دي لغاية هسع ما عرفناها عشرة سنين وله خرطومية حول?"...

    قبل كده الأمركان في السبعينات, عندما أعلنت السعودية المقاطعة الإقتصادية و إستعمال سلاح البترول ضد الغرب, قالوا للسعوديين بترولكم ده باقي ليه عشرين سنه و بعدها سوف تبتلعكم الصحراء.
    ما أهو ده عمر الفاروق قاعد و يحمد ربه و يشرب المشكل و يضرب الكبسة ضربا مبرحا يا سياسي أمريكا الفطاحلة...قالو عشرين سنه قالو...إنتو قايلين ناس عمر الفاروق هينين وله ساهلين?

    طيفور, كلامك في التنك.
                   |Articles |News |مقالات |بيانات

19-11-2006, 03:00 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    Quote: فه هم حكام الانقاذ يتجاهلون سيلفاكير ايما تجاهل ففي اي ممكان يذهب إلي
    ه

    الرئيس البشير يطير الي جوبا للقاء سلقاكير امس الاول ..

    الانبراشه وين يا حبيب ..

    هل عند الصعاليق كما قلت ام سلفاكير ..


    تحياتي

    منعم
                   |Articles |News |مقالات |بيانات

19-11-2006, 03:00 PM

عبد المنعم سليمان
<aعبد المنعم سليمان
تاريخ التسجيل: 02-09-2006
مجموع المشاركات: 12158

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    Quote: فه هم حكام الانقاذ يتجاهلون سيلفاكير ايما تجاهل ففي اي ممكان يذهب إلي
    ه

    الرئيس البشير يطير الي جوبا للقاء سلقاكير امس الاول ..

    الانبراشه وين يا حبيب ..

    هل عند الصعاليق كما قلت ام سلفاكير ..


    تحياتي

    منعم
                   |Articles |News |مقالات |بيانات

19-11-2006, 03:32 PM

eyes of liberty

تاريخ التسجيل: 05-02-2002
مجموع المشاركات: 1141

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    Quote: فقد تفاجأ سيلفاكير بتقرير خطير تم تسليمه له ومفاده أن بترول الجنوب لن يصمد لأكثر من عشرة سنوات فقط وبعدها يصبح الجنوب وارضه جدباء من الابار البترولية وسيصير ضخها ضعيفاً جداً
    الكلام دا حقيقي وموثق كذلك لدي معهد تكنلوجيا البترول بكندا.وهي دراسة
    لرزفوار او الحوض الجيلوجي لجنوب السودان قامت به شركة تالس مان بالتعاون مع هذا المعهد اثناء فترة عملها في السودان.

    اصلا فكرة ان الجنوب يطفوء علي بركة من البترول و اشاعة انو العرب دفعوا مبالغا طائلة لشركة شيفرون كي لا تنتج بترول السودان , كانت افكارا لتأجيج الحرب لا اكثر. نظام اشاعات ساكت.

    البترول اصبح بفضل تقدم تكنلوجيا الكشوفات الجيلوجيا, معروفة اماكن تواجده و كذلك كميته, وليس هو بالامر الخفي الان فتوجد خرائط جيولوجية كخريطة العالم السياسية, تحدد اماكن تواجده و احتمالات كميته التجارية.

    و سلفاكير يشرب من حنانو و عشرة معاهو ...الخبرو شنو بصعاليك السياسة!!!
                   |Articles |News |مقالات |بيانات

19-11-2006, 03:54 PM

Kostawi
<aKostawi
تاريخ التسجيل: 04-02-2002
مجموع المشاركات: 37234

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: eyes of liberty)

    Quote: الكلام دا حقيقي وموثق كذلك لدي معهد تكنلوجيا البترول بكندا


    eyes of liberty

    هل في إمكانية لدلنا لتلك الوثيقة...

    أنا كعضو من 1989 في
    The Geological Society of America
    and many international associations concern on natural resources
    I have never heard about this report

    يا أخوي الشئ العلمي ما عندو دخل بالجيوبولتك و الشركات الخاصة و الربح و الخسارة.

    ده معمعة موجوده منذ بداية الحياة...الخلية البسيطة.

    (عدل بواسطة Kostawi on 21-11-2006, 11:16 AM)

                   |Articles |News |مقالات |بيانات

19-11-2006, 08:20 PM

eyes of liberty

تاريخ التسجيل: 05-02-2002
مجموع المشاركات: 1141

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    اخ كوستاوي

    انت كجيولوجي افتكر ليك فهم في جيولوجيا البترول. وتفهم معني تسرب او هروب البترول من منطقة الي اخري بسبب فارق الضغط. معهد pits
    بكندا اجري بالتعاون مع تلسمان الشركة العاملة آنذاك بالسودان دراسة عن حوض جنوب السودان و خرجت الدراسة ان البترول الموجود في جنوب السودان عبارة عن هروب للبترول من منطقة حوضية مختلفة. الدراسة اجريت علي صخور المنطقة و المواد الكاربونية.

    معهد pits وهو معهد لاحكومي يمول من شركات البترول بكندا ومهمته اجراءالدراسات و البحوث في مجال البترول و الغاز الطبيعي وتضعها لفائدة الشركات المثتسمرة.

    المعلومة خرجت من فوه احد الاساتذه في سمنار حول الهروب البترولي من الرزفوار. سعيت للحصول علي هذه الدراسة منذ العام الماضي ولازلت ساعي لها فهي ملك خاص
    لشركة تالسمان ولا يمكن استخدامها في المعهد بغرض التدريس. الحصول عليها يمكن بالإتصال بشركة تالسمان إن هي وافقت طبعا. واجزم ان وزارة الطاقة السودانية تمتلكها ايضا.

    اخ كوستاوي اذا عندك زمالة قائمة بوزارة الطاقة فاطرق بابهم لعلهم يجدون بها عليك ومن ثم تجود بها علينا, وسافعل المثل اذا توفقت مساعي هنا.
                   |Articles |News |مقالات |بيانات

19-11-2006, 08:41 PM

eyes of liberty

تاريخ التسجيل: 05-02-2002
مجموع المشاركات: 1141

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    اخ كستاوي

    استخراج البترول في السودان يمثل خط فاصل للنهج السياسي قبل التسعينيات هذا القرن وما بعدها, اي مرحلتي ما قبل استخراج البترول و مرحلة ما بعده.
    وكل تطورات الوضع السياسي تأثرت اطرافه المكونة بالمرحله مابعد استخراجه. فالصراع حول الثروة احتدم بشده في هذه المرحله.
    وكذلك تأثرت سياسة السودان الخارجية بهذه المرحلة , فالتحول من دولة ممنوحة الي دولة نامية ومنتجة لاهم الطاقات اثر علي وضع السودان سلبيا و ايجابيا في مخيلة الساسة العالميين.

    افتكر اي نقد سياسي لشأن السودان داخليا و خارجيا لا يعتبر هذا العامل, هو نقد ناقص ويحتاج الي مراجعة.
    تحياتي
                   |Articles |News |مقالات |بيانات

19-11-2006, 11:45 PM

Kostawi
<aKostawi
تاريخ التسجيل: 04-02-2002
مجموع المشاركات: 37234

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: eyes of liberty)

    Quote: اخ كوستاوي اذا عندك زمالة قائمة بوزارة الطاقة فاطرق بابهم لعلهم يجدون بها عليك ومن ثم تجود بها علينا, وسافعل المثل اذا توفقت مساعي هنا


    الله يبارك فيك...كده ممكن ناخد و نرد و نستفيد...و الكلام التقريري في حاجات زي دي ما بودي ولا بجيب...و أنا في دي أحترم كلامك الفوق ده.

    Later
                   |Articles |News |مقالات |بيانات

19-11-2006, 11:49 PM

Ahmed Abdallah
<aAhmed Abdallah
تاريخ التسجيل: 12-08-2005
مجموع المشاركات: 5193

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    عمر اخوي والله عملا لله داير أترجم ليك كلام ود طيفور ده
    أصلو الشافع ده ممسوخ ومسنوح بلحييييييل اها نبدأ :

    الود المسنوح ده بيقول ليك ألأتي :

    Quote: يا عمر خليك يا ولد في مزازيكك وكورتك وعوضية كوجيم وحواء ام رشيرش
    يعني بالواضح الما فاضح يا ود الفاروق اياها دي درايتك وامانة ما كتااااب
    لمن تكتب فيها و كمان اياها المحرية فيك
    و كمان الشافع المسنوح ده قال ليك فك درب السياسة ده لانه شعرا ما عندك
    ليه رقبة وبظهر شتارتك وكلامك كله خارم بارم ( basic common sense of politics nor a clear vision)
    كمان الشافع المسنوح ده بيقول ليك انه دورك كانقاذي لا يتعدى دور الهتيفة
    وأهل الردحي و النبيح تتحزموا و تتلزموا وتقعدوا تكبروا و تهللوا في الفاضية
    ومليانة ( شكيتك علي الله يا ود طيفور)(لسانك متبري منك)
    اها ود طيفور كمان قال ليك ..
    ما تتخفف ساكت وتبهدل رقبتك مما تسمع ليك دلقانة قلنا و قالوا تلفح براطيشك
    وتشيل دلوكتك قي ضهرك وهاك يا فكيك وكمان ود طيفور قال ليك لازم تحافظ على خطك الكتابي
    بتاع ناس حواء ام رشيرش و عوضية كوجيم و ما تحاول تتشوبر و تبقى زي حلاق الجامعة
    تقعد مضحكة للبسوى و ما بسوى .....
    اها يا ابوعمير اضانك طرشة الشافع المسنوح ده ختم كلامه ختمة السواد
    خنمها ليك بالمثل القديييييم داك : عدو عاقل خير من صديق جاهل
    و اضانك طرشة تاني قال ليك كمان ( لأ .. لأ ده كلام كعب ما بقولو)
                   |Articles |News |مقالات |بيانات

20-11-2006, 03:06 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    يا دكين :

    Quote: اهو كلنامرقنا سبنا ليهم الصعلقة..

    ده حالتك سبت الصعلقة يا دكين !!!!!!!
    انت يا اخوي لمن كنت هناك كنت لابس من غير هدوم ولا شنو ؟
                   |Articles |News |مقالات |بيانات

20-11-2006, 03:15 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    الأخ جوك :

    Quote: كير ميأرديت...كير ميارديت ...كيرميارديت...كيرمياريت...
    عمره ما جري وراء أي زول حتى رئيسه جون قرنق!!!

    واحدة من أكبر الإشاعات التي إنطلقت حين مات جون قرنق أن سيفاكير خليفته زول صعب وهو رجل إنفصالي ومتحيز للجنوب وحاقد على الشمال ..
    وكلنا عشعشت فينا هذه الفكرة فبدأنا نرى فيه الشخصية المتعصبة والمتشددة ولكن رويداً رويداً بدأت هذه الغشاوة تنكشف وبدأت تظهر الصورة أكثر وضوحاً ..
    سيلفاكير حالياً في طريقه لتشجيع الوحدة ونبذ الإنفصال ..
    ولكن يبقى السؤال :
    ما هو سبب هذا التحول المفاجئ لسيلفا كير ؟؟؟؟؟؟؟

    هل هو حب الوحدة ؟؟؟؟؟؟؟؟؟؟؟؟؟؟؟؟؟؟؟؟
    سؤال اتمنى ان تجواب عليه مع نفسك وبكل صدق..
                   |Articles |News |مقالات |بيانات

20-11-2006, 03:30 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    حاتم يا حبيب:
    Quote: المشكلة في أمثال أبناء الشمال الذي يتوهمون بالحركة الشعبية والسودان الجديد والقديم وحردوا السياسة أمثال ياسر عرمان وقالو عايزين يبقوا صوفية..قريبا سيصبح مفهوم السودان الجديد مثله مثل من الشرق اوسط الجديد..

    والله ديل اتورطوا ورطة كبيرة خلاص ..وبقوا في التحلهم ..
    وصدقني زي ما بيقول المثل:
    العرجا لي مراحا ..

    الأخت القلب النابض :
    Quote: كل الحركات الحايمة دي حتضغطهم الظروف للعودة الى حضن الوطن

    طبعاً يا قلب انتي خليتي كلمة الظروف دي عايمة لكن صدقيني الحركات دي ماف ظرف غير ظرف واااااحد بس هو البيجيبهم ..المصلحة الشخصية والكسب المادي والمقعد الرئاسي..لكن صدقيني غير كده ماف شي بيجيبهم

    تحياتي..
                   |Articles |News |مقالات |بيانات

20-11-2006, 07:51 AM

JOK BIONG
<aJOK BIONG
تاريخ التسجيل: 14-11-2006
مجموع المشاركات: 5378

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    أخي فاروق
    انه من الخطأ والتكهن والقول ان سلفاكير ميارديت قد شابه التغيير في الراي والمواقف.قيل كثير عن انفصالية قرنق وسلفا وغيرهم من قادة الحركة وهناك اشاعات بين الحين والاخر بوجود خلافات بين قرنق ونائبه سلفا وكثير وكثير .هذه اقاويل ماهي الا ما تعود عليه اعلام السوداني في خلق اشاعات مغرضة لا تخدم سوي مزيدا من الشتات.موقف الرئيس سلفاكير هو هو هو نفس موقف الرئيس الراحل جون قرنق دي مابيور .فهو الذي استطاع ان يقنع معظم قادة مليشيات الجنوبية التى كانت تستخدمها حكومة الخرطوم ضد الحركة الشعبية في حرب الجنوب مثال القائد فاولينو ماتيب الذي حارب الحركة منذ نشاتها. رايه هو راي الحركة الشعبية ولكنه لن يقبل ان يكون مواطن في درجة الصفر في دولة عربية اسلامية وهذا يعني ان صندوق الاستفتاء في 2011 هو الفيصل بين الوحدة طوعا او دولة في الجنوب ..قال في عديد من خطاباته واكد انه لا يعرف النتيجة التى سوف تاتي في العام 2001.
    ولكم منا التحية
                   |Articles |News |مقالات |بيانات

21-11-2006, 02:55 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    كوستاوي:
    اكيد ما حا ألقى لي رد أجمل من اللي كتبو ليك اخونا eyes of liberty
    جاي تتفسح فيني كنت..؟ وتتجدع بي الجيلوجيا والفوبيا والاستروبيا لكن قطعوها ليك في راسك
    أسة الواحد يقول ليك شنو ؟؟؟
    يا زول خليك مع نادر السوداني ونادر خدر ونادر كتكوت*

    ـــــــــــــــــــــــ
    نادر كتكوت ده اعظم مدرب كورة في الموردة للناشئين ..
                   |Articles |News |مقالات |بيانات

21-11-2006, 07:03 AM

Nazar Yousif
<aNazar Yousif
تاريخ التسجيل: 07-05-2005
مجموع المشاركات: 12465

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    الأخ عمر الفاروق
    الرجل رجل دولة ولا يمكن اختزال مصير شعب فى جزء من الموارد الطبيعية
    واذا كانت هناك حوجة ملحة ستكون للمياه " ولك أن تدخل الصراع العربى الاسرائيلى
    فى هذه المعادلة "
    الشئ المهم لم تذكر أى مصدر للتقرير أعلاه .. عليه هلا تكرمت بالرابط او المرجع
    لهذا التقرير الذى يحدد انتاجية بترول الجنوب بعشر سنوات.
    ودمتم
                   |Articles |News |مقالات |بيانات

21-11-2006, 11:22 AM

JOK BIONG
<aJOK BIONG
تاريخ التسجيل: 14-11-2006
مجموع المشاركات: 5378

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: Nazar Yousif)

    الجنوبيون حاربوا منذ 1955 للحصول على الحرية وحماية أرضهم من السيطرة الاخرين وحتى الحركة الشعبية لم يرفع سلاح سوي من اجل الحرية ..نحن في الجنوب لا نطمع في النفط الجديد العهد،فقط ان النفط عطية ورحمة من السماء، ترك الاخرون في الشمال موضوع الاساسي في الصراع وتحويل الصراع الي النفط!!!النفط سواء نفد او بقي ليس سبب الحرب في الجنوب وحتى لا يمكن ان تجعل الجنوبيون ارضهم مباحة للغير ،المهم السلاح في الجنوب مرفوع للحصول على الحقوق الكامل..الحركة حصلت على السلاح في الحرب مش من ثمن النفط!!!الشركة الكندية تعمل ضد الجنوب منذ ان قدمت للعمل في جنوب السودان وتم طردها من هناك بالضغوط من الحركة الشعبية لهذا السبب ظلت تعمل ضد مصالح الجنوب.
    وتقارير الكاذبة الصادرة من تلمساني الكندية عبارة تقارير كاذبة الهدف منها تقليل اهمية وجود النفط المتدفقة على طول وعرض جنوب السودان بكميات تسيل لها لعاب الاخرين ممن يطمعون الان في الا ايجاد فرصة الاستثمار في الجنوب.
    جوك
                   |Articles |News |مقالات |بيانات

21-11-2006, 11:06 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    الاخ نزار:
    لن أجد افضل من ما كتبه الخ Eyes في رده على كوستاوي ..
    ولا اعتقد انك كنت تطالبني بصورة من هذا التقرير حتى تأكد كلامي !!!

    Quote: انت كجيولوجي افتكر ليك فهم في جيولوجيا البترول. وتفهم معني تسرب او هروب البترول من منطقة الي اخري بسبب فارق الضغط. معهد pits
    بكندا اجري بالتعاون مع تلسمان الشركة العاملة آنذاك بالسودان دراسة عن حوض جنوب السودان و خرجت الدراسة ان البترول الموجود في جنوب السودان عبارة عن هروب للبترول من منطقة حوضية مختلفة. الدراسة اجريت علي صخور المنطقة و المواد الكاربونية.

    معهد pits وهو معهد لاحكومي يمول من شركات البترول بكندا ومهمته اجراءالدراسات و البحوث في مجال البترول و الغاز الطبيعي وتضعها لفائدة الشركات المثتسمرة.

    المعلومة خرجت من فوه احد الاساتذه في سمنار حول الهروب البترولي من الرزفوار. سعيت للحصول علي هذه الدراسة منذ العام الماضي ولازلت ساعي لها فهي ملك خاص
    لشركة تالسمان ولا يمكن استخدامها في المعهد بغرض التدريس. الحصول عليها يمكن بالإتصال بشركة تالسمان إن هي وافقت طبعا. واجزم ان وزارة الطاقة السودانية تمتلكها ايضا.

    اخ كوستاوي اذا عندك زمالة قائمة بوزارة الطاقة فاطرق بابهم لعلهم يجدون بها عليك ومن ثم تجود بها علينا, وسافعل المثل اذا توفقت مساعي هنا.
                   |Articles |News |مقالات |بيانات

21-11-2006, 02:46 PM

DKEEN
<aDKEEN
تاريخ التسجيل: 30-11-2002
مجموع المشاركات: 6771

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    Quote: نعم إنقلبت الان الطاولة وقريباً جداً سيعم العاصمة الهدوء بعد ان تعود للشمال سيطرته على العاصمة بصورتها الطبيعية بعد الإنفلات الأمني العجيب ...


    استخدام جميل لي مفردة (العجيب) في نص يفترض انويكون سياسي..

    انا كنتا قايل اللفظ ده حكر على اسواق حِـجاب وناس (عطارة العجب العُـجاب)

    يقول ليك: الحذاء السحري العجيب..

    سنافي العجيب ..
    يدوم مفعوله لمدة 36 ساعة ..



    تخيل ياعمر طيفور ده معاهو حق..
    انتا ضعيف في الحتت دي.. وشكلك بي مقالك المتهالك ده مُـرتشي مُـرتشي كده...


    اسمع كلام صحبك دكين ..عوضية كوجيم دي تفك دربها بتطش ساي ياخوي..



    احمد عبدالله
    قدر مافتشنا في كلام طيفور ده عن عوضية كوجيم وام رشيرش دي مالقيت..

    انتا لو عندك مشكلة مع عمر ده قولا عديل ..
    لكن ماتقوِل ولدنا طيفور ده كلام ماقالو..
    يعني ماعشان عمر ولدنا ده بتاع كيتات ومابعرف انقليزي عايزين تستكردوه في الترجمات وكده..
                   |Articles |News |مقالات |بيانات

21-11-2006, 03:02 PM

JOK BIONG
<aJOK BIONG
تاريخ التسجيل: 14-11-2006
مجموع المشاركات: 5378

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: DKEEN)

    اي منطقة فيها النفط قالوا داخل في حدود الشمال،انسحبت قوات الشمال من الجنوب وعندما وصلت ملـــــــــــــــــــــــــــــوط في اعالي النيل عسكرت فيها وقالوا وصلنا الشمال ،كمان القوات الجنوبية المنسحبة من الشمال اي المواقع التى دخلها ايام الحرب في الشمال انسحبت وعسكرت قرب كوستي وقالوا وصلنا الجنوب؟؟؟؟!!! دا هو سلفاكير ومش قرنق!!!!
                   |Articles |News |مقالات |بيانات

22-11-2006, 01:15 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: DKEEN)

    يا دكين اخوي :
    يا اخوي السياسة دي لا دايرة ضعيف ولا دايرة سمين ولا دايرة درس عصر ولا دايرة كورسات تقوية في روضة ست فلة..
    يا زول انا بكتب فيها وما بخليها اصلو ..يعني هي حلال عليكم حرام علينا (طبعا حا تجي تشبكني وريني انا اتكلمت عنها وين؟ ) يا زول انا ما عارف ...
    اما بخصوص العجب العجاب في واستخدامها كما فجأة أديني ملح فيا سيدي انا قصدت استخدمها زي ما انت اتفضلت وقلت بتديك احساس الحذاء السحري العجيب وكمان زي مسلسل الاطفال الرغيف العجيب ...
    عن نفسي اعرف انو العجيب ده شي مبالغ فيهو وشي بيتعجبو ليهو فياخي المانع شنو اتعجب من الانفلات الامني ؟ مش على كيفي؟؟؟؟؟؟
    بالله عليك اشرح لي جملتك دي وكيف كلمة عجيب ظابطة معاها:
    Quote: الحذاء السحري العجيب..

    طيب الفرق شنو ياخ ؟؟؟ نادي ابو الحروف وخليهو يشيل كلمة حذاء ويخت بدلها انفلات ويشيل كلمة السحري ويخت بدلها الامني وخلي لينا عجيب دي في حتتا !!! أها المشكلة وين ؟

    Quote: اسمع كلام صحبك دكين ..عوضية كوجيم دي تفك دربها بتطش ساي ياخوي..

    أبشرك يا دكين ديل ما بقك دربهم تب وكمان ساس يسوس ما بنفكهم ..يعني تراجي وكوستاوي يتكلموا فيها ونحن لأ ...
    يا زول صدقني ناس عوضية عذاب واماني تايوتا ديل الكلام فيهم اصعب من السياسة ...

    Quote: قدر مافتشنا في كلام طيفور ده عن عوضية كوجيم وام رشيرش دي مالقيت..

    تقول والله يا دكين ؟؟!!!!!!!!
    تعرف يا مان احمد عبد الله ده زكرني بي واحد صيني جا السودان وفي واحد قال ليهو انا حا اترجم ليك ..
    الصيني مسك المايك ووقف اما الجمهور وقال ليهم :
    تشنغ ..
    السوداني شال منو المايك وقال للجمهور:
    الزول ده بيقول ليكم السلام عليكم وانا سعيد بيكم وبي التواجد في السودان والشعب السوداني شعب مضياف والبلد جميلة ومن اجمل بلاد العالم و و و و و و و و زولك قعد ينضم نص ساعة ..

    اها بعد داك ادى المايك للصيني :
    الصيني قال لليهم :
    بيونغ يانغ تشو كي وي ببي زولا دي هونغ كونغ بينغ بونغ و و و و و و و و و و و وقعد ينضم ساعة بي الصيني ..
    زولنا المترجم السوداني شال منو المايك وقال للجمهور :
    الزول ده قال ليكم وشكراً ..


    تخريمة :
    قررت أسجل في كورسات الإرسالية خلف سينما الوطنية لإجادة هذه اللغة فانا حتى الان لا افرق بين Is و Does
                   |Articles |News |مقالات |بيانات

22-11-2006, 04:02 AM

Nazar Yousif
<aNazar Yousif
تاريخ التسجيل: 07-05-2005
مجموع المشاركات: 12465

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    الأخ عمر الفاروق
    Quote:

    الحصول عليها يمكن بالإتصال بشركة تالسمان إن هي وافقت طبعا

    قد توافقنى الرأى بأن التخطيط و وضع أى استراتيجية يحتاج الى المعلومة
    الدقيقة عليه لا أفهم لماذا لم تنشر هذه الدراسة ؟
    وحتى تنشر هذه الدراسة يظل ماذا ذكرته تحليل يحتاج الى احصاء دقيق .
                   |Articles |News |مقالات |بيانات

22-11-2006, 11:09 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: Nazar Yousif)

    الأخ جوك :
    Quote: الشمال،انسحبت قوات الشمال من الجنوب وعندما وصلت ملـــــــــــــــــــــــــــــوط في اعالي النيل عسكرت فيها وقالوا وصلنا الشمال ،كمان القوات الجنوبية المنسحبة من الشمال اي المواقع التى دخلها ايام الحرب في الشمال انسحبت وعسكرت قرب كوستي وقالوا وصلنا الجنوب؟؟؟؟!!! دا هو سلفاكير ومش قرنق!!!!

    الجملة دي غلبني افهمها بصراحة ولا ادري هل عنيت منها ان الحشاش يملا شبكتو سواء من الجنوب او الشمال ؟؟؟
    عموماً علينا ان نتفق ان سلام نيفاشا هو سلام مطامع وليس سلام وقف الحرف وهو سلام انفصال اكثر من ناه لم للشمل..
    وكل نقاط الخلاف بين الطرفين تؤكد ذلك فترسيم الحدود وتقسيم الثروة والسلطة هو اكبر الأدلة على ذلك ..

    الاخ نزار:
    Quote: وحتى تنشر هذه الدراسة يظل ماذا ذكرته تحليل يحتاج الى احصاء دقيق .

    من الصعوبة بمكان ان تكون مثل هذه التقارير في يد مواطن عادي مثلي ولكن من السهولة في السودان ان تتسرب الاخبار من مصادر موثوقة جداً ولصيقة بالحدث وانت ادرى بطيبة السودانيين..فقط للتأكيد اخبرك بأن ما ذكرته انا هنا هو من مصدر موثوق جداً جداً وربما يكون هو في داخل المعمعة ..
                   |Articles |News |مقالات |بيانات

22-11-2006, 11:38 AM

على محمد على بشير
<aعلى محمد على بشير
تاريخ التسجيل: 07-08-2005
مجموع المشاركات: 8648

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    Quote: للتأكيد اخبرك بأن ما ذكرته انا هنا هو من مصدر موثوق جداً جداً وربما يكون هو في داخل المعمعة ..


    الفاروق

    اهو دا الكلام البيعشر ويلد .
                   |Articles |News |مقالات |بيانات

23-11-2006, 00:35 AM

نادر

تاريخ التسجيل: 27-11-2002
مجموع المشاركات: 3427

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    بوست (معفص) لكين لذيذ ... تعرف يا عمر البوست ده بشبه لي لعب مدافع المريخ الزمااااان الأسمو إبراهيم عطا .. كبكبة داك تتذكرو؟؟ والله داك أنا لي حسه مستغرب ناس المريخ ديل سجلوهو وبيلعبوهو أستوبر كيف كان؟؟ خاصة أيام هجوم الهلال الناري ناس الريح كاريكاووليد طايشين، بس غالباً لأنو كان في صمام أمان أسمو كمال عبد الغني، الله يطراهو بالخير ...
    أحسن نقلب ليك بوستك العواسة ده كورة، تأكيداً على ما قاله ياسر طيفور ... والله لي يومين بضحك في البوست ده ... قال سياسة قال
    لووووووووووووووووووووووووووووول ... لوووول يا عمر الله يجزاي محنكم انت ودكين الجن ده...

    * المشاركة دي تأكيداً على الالتزام بتنزيلات (أنا أحبه) ...
                   |Articles |News |مقالات |بيانات

23-11-2006, 01:57 AM

wesamm
<awesamm
تاريخ التسجيل: 02-05-2006
مجموع المشاركات: 5128

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: نادر)
                   |Articles |News |مقالات |بيانات

23-11-2006, 04:24 AM

محمد فرح
<aمحمد فرح
تاريخ التسجيل: 14-09-2006
مجموع المشاركات: 9222

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    سلفاكير هو الذي همش نفسهوهمش الحركه الشعبيه بسبب غيابه الدائم فالحكومه عند إتخاذ أي قرار لاتجده وفي هذه الحاله يثني النائب الثاتي علي عثمان (مؤتمر وطني) على القرار الصادر من الحكومه(مؤتمر وطني) وسلفاكير هو الوحيد الملام في تخلفه عن أغلب جلسات مجلس الوزراء.....

    معاكم سلاااااااامه
                   |Articles |News |مقالات |بيانات

25-11-2006, 01:09 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    يا نادر :
    ابراهيم عطا لاعب الزهرة سابقاً ومدربها في الفترة الأخيرة كان بيقرررش الكورة لي بريمة من نص الميدان ..والله مرقو ما حضر زمن تعديل القوانين وعدم استلام الكورة باليد لمن ترجع من الزميل وإلا كان المريخ في اي كورة اخد ستة ..
    لكن ابشرك اخوك سياستو زي كورة طارق احمد ادم مدافع لكن لا بيقع واطـــــة لا بيدق الكورة بي الراس (هيد) ..
    تخريمة :
    حملة (انا أحبه ) شغالة كويس بس شكلها كده حا تخسرنا
    عشان كده شكلنا حا نرجع نخلي سعر الوجبة 20 ريال من غير البطاطس والبيبسي
                   |Articles |News |مقالات |بيانات

25-11-2006, 01:16 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: إنبراشة سيلفاكير للحكومة بعد تقارير خطيرة عن بترول الجنوب.. (Re: عمر الفاروق)

    Quote: سلفاكير هو الذي همش نفسهوهمش الحركه الشعبيه بسبب غيابه الدائم فالحكومه عند إتخاذ أي قرار لاتجده وفي هذه الحاله يثني النائب الثاتي علي عثمان (مؤتمر وطني) على القرار الصادر من الحكومه(مؤتمر وطني) وسلفاكير هو الوحيد الملام في تخلفه عن أغلب جلسات مجلس الوزراء.....


    الراجل كان شغال بي نظرية قام إتعزز الليمون عشان بالغنا في ريدو..
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de