بكري ابوبكري دحين انت باباك ده باب المندب؟ الشي يطرقوا فيهو سااااي!!!

عزاء واجِب ، وتعريف .. بقلم عادل الحكيم
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-11-2018, 04:05 AM الصفحة الرئيسية

مكتبة عمر الفاروق شيخ الدين (عمر الفاروق شيخ الدين&عمر الفاروق)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-04-2007, 06:17 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


بكري ابوبكري دحين انت باباك ده باب المندب؟ الشي يطرقوا فيهو سااااي!!!

    عوضية مقاشيش تطرق بابك فهلّا أذنت لها يا بكري؟

    النعيم جادين يقف عند الأبواب في إنتظار الدخول !!

    يا شباب الهند كومارو ابو شلخة عند باب بكري فهلّا فضلتموه!!

    الخلوق النعمنو ينتظر الإشارة فهل توافق يا بكري؟

    الرائعة تهاني مجروس تحتاجكم يا بورداب قطر فهل ترشحوها لبكري؟

    علوية حواجب إضافة حقيقية لبورداب الرياض فأذنوا لها بالدخول!!



    يا جماعة انا من ما سجلت في المنبر ده (داخل في السنة التالتة) وكل يوم أقرا لي زول بيطرق في باب بكري ده !!!
    الغريبة اصلو ماف زول فكّر يضرب الجرس وكلهم شغالين " كو كو كو " ومرات في ناس بالعكاز في بطن الباب..
    وفي نوع كده لو ما فتحوا ليهم تلقاهو يمد رقبتو بي فوق الباب ويتاوق يا ربي الناس ديل قاعدين وما عايزين يفتحو ؟

    البيحيرني في الموضوع إنو كل الناس البيطرقوا باب بكري ده بيفتحوا ليهم الباب لكن تعالوا شوفوا العجيبة شنو !!!!
    العجيبة إنو معظم (لو ما قلنا كل) الببتكونوا عاملين لينا بيهم فلقة في راسنا ديل وانهم رائعين وانهم يطرقون من سنة "دو" الواحد منهم بيجي يكتب بوست واحد بس " شكراً لك بكري فقد حقق أمنيتي"
    الغريبة انا ما عارف معقول يكون في زول امنيتو انو يكتب في الانترنت ؟؟؟
    ياخ دي أمنية ضاربة جدا جدا !!!!
    وبعدها طوالي يجي يكتب ليك " معليش يا شباب مشغولياتي كتيرة ولكن لي عودة"
    طيب ياخ الواحد منكم لو ما عايز يكتب وما بيقدر يدخل النت أو ما فاضي من أول مالو عامل لينا وجع راس بي طرقو ودقّو للباب ده لمن الجيران طلعوا يتاوقوا!!!!!
    اسمع باسماء كثيرة وكثيرة جداً تم ترشيحها بل وذهب البعض لأبعد من ذلك ويقولوا ليك :"
    فلان ده إضافة حقيقية للمنبر" ...
    ويا كافي البلا فلان ده لا يبقا إضافة ولا نعت ولا جار ومجرور اللهم إضافة عضو جديد وضياع باسوورد في السايبر..
    كل مرة بسأل روحي سؤال هو الناس ديل وين ؟؟ وبيسوو في شنو ؟؟ وفلسفتهم شنو زمان لمن قالوا نحن عايزين نشترك ونبقا اعضاء في المنبر؟؟؟
    في كل موسم تسجيلات يتم تسجيل 100 نفر مثلاً ولا يظهر من هؤلاء إلا إتنين تلاتة !!!!!!!

    بالله يا شباب تاني ماف زول يطرق لينا الباب ده والعايز يدخل يضرب أول شي يشوفنا قاعدين ولا مافيشين ..
    والبيطرق وما نفتح ليهو بالله ما يشيل لينا فحمة ويخرب لينا جير الحيطة بي "حضرت ولم أجدكم "أو يدنقر بي تحت الباب يكشّف أو ينطط زي الأهبل بي فوق الحيطة !!!!!
    ويا جماعة في إختراع إسمو " الجرس" دقوهوا الله يرضى عليكم !!!
    والبنفتح ليهو الباب الله يرضى عليكم يقعد يتونس مش يجي ويشرب العصير والشاي ويقول لينا " أها يا جماعة النقوم نمشي " ..

    تخريمة :
    أماني باروكة تطرق بابك يا بكري !!! أها نقول ليها شنو ؟
                   |Articles |News |مقالات |بيانات

01-04-2007, 07:31 AM

اساسي
<aاساسي
تاريخ التسجيل: 20-07-2002
مجموع المشاركات: 16527

للتواصل معنا

FaceBook
تويتر Twitter
YouTube


Re: بكري ابوبكري دحين انت باباك ده باب المندب؟ الشي يطرقوا فيهو سااااي!!! (Re: عمر الفاروق)

    Quote: تخريمة :
    أماني باروكة تطرق بابك يا بكري !!! أها نقول ليها شنو ؟

    قول ليها اتمشطي وتعالي

    الز واحد اسمه عصام العضام داك ولا خالد منو ما عارف داك جا متلب بي زمراوي لا طرق لا دقا
    اها المشكلة في انه ناس كتار من البدقوا الباب ديل وتلقي كسير التلج ليهم اطنان اول ما يفتحوا ليهم الباب تلاقي الزول واقف طرزان ؟؟
                   |Articles |News |مقالات |بيانات

01-04-2007, 07:44 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: بكري ابوبكري دحين انت باباك ده باب المندب؟ الشي يطرقوا فيهو سااااي!!! (Re: اساسي)

    Quote: الز واحد اسمه عصام العضام داك ولا خالد منو ما عارف داك جا متلب بي زمراوي لا طرق لا دقا

    :

    :
    :


    اساسي الأساسي:
    ياخ رجعتني لي اساسي الزمااااااااااان داك يا حليلو والله ..
    قلت لي زولك جا داخل ساي لا احم لا دستور ؟؟؟ الكويس إنو بنات منبرنا كانوا لابسات الطرح ..

    تخريمة :
    الله بيسألك متى كان اخر عهدك بالباسكن روبنز
                   |Articles |News |مقالات |بيانات

01-04-2007, 07:58 AM

اساسي
<aاساسي
تاريخ التسجيل: 20-07-2002
مجموع المشاركات: 16527

للتواصل معنا

FaceBook
تويتر Twitter
YouTube


Re: بكري ابوبكري دحين انت باباك ده باب المندب؟ الشي يطرقوا فيهو سااااي!!! (Re: عمر الفاروق)

    Quote: تخريمة :
    الله بيسألك متى كان اخر عهدك بالباسكن روبنز

    ياخي الجماعة تقول مولودين في السكا الله يقدوا ياخي قدا جيبي هو ماله غالي كدا؟
    كدي عيب لي اسكريم لولي ؟
    والله اخوك بقي شروم عديل كدا من سقط السنون
                   |Articles |News |مقالات |بيانات

01-04-2007, 08:01 AM

abuguta
<aabuguta
تاريخ التسجيل: 20-04-2003
مجموع المشاركات: 8275

للتواصل معنا

FaceBook
تويتر Twitter
YouTube


Re: بكري ابوبكري دحين انت باباك ده باب المندب؟ الشي يطرقوا فيهو سااااي!!! (Re: اساسي)


    والله ياعمر يافاروووووووووووق
    بوستك مجنون جن..فعلا ما وجدنا اضافة حقيقة للطارقين منهم والطارقات ..غير ناس معينين
    لكن انت رايك شنو فى الناس الجدد ديل..بذكرونى بقريق البرشا لما يكون مكتمل النجوم
    ود شيقوق ..ابوبكر الرطانى..بت طلحة..ود المحرب وحرمه..ابو حريرة..ود جبرا..وناس مواظبين
    # لكن ناسك التانين المبدعين ودعايتهم ..بقو اعباء على المنبر..
    # طيب فى زول تانى يكون مسجل من سنة 2002 وعدد بوستاتو 20..ايضا يجى ينطلك فى حلقك ويقولك
    انا قديم ومن مؤسسين المنبر دا..انت مع شنو...
    # كاتب عربى ومبدع غضنفر..يكون مصاحب ليه سودانى يقولو لازم اسجلك..ويتصل على بكرى..ويجى يعرض بضاعتو وما يلقى مشجعين ويمشى..

    وكدى امشى وتعال؟؟

    (عدل بواسطة abuguta on 01-04-2007, 08:14 AM)

                   |Articles |News |مقالات |بيانات

01-04-2007, 08:06 AM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: بكري ابوبكري دحين انت باباك ده باب المندب؟ الشي يطرقوا فيهو سااااي!!! (Re: abuguta)

    خلاص المورده غلبت المريخ ومزاجكم راقي وقمتو تخستكوا بالورد
                   |Articles |News |مقالات |بيانات

01-04-2007, 08:27 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: بكري ابوبكري دحين انت باباك ده باب المندب؟ الشي يطرقوا فيهو سااااي!!! (Re: عمر الفاروق)

    ابقوتة باشا:
    تسجيلات السنة دي كانت افضل تسجيلات وعاملة زي تسجيلات الهلال ما زي تسجيلات جماعتنا التانيين ديك ..
    بالمناسبة الطرق زااااااااااااتو خشم بيوت ..
    في ناس يطرقو ويدقو ويدقو وماف زول يهبب ليهم وتلقاهم ديل الذ ضيوف..
    وفي ناس بالله بس بي سماعة التلفون يعزموهم ويخلوا ليهم الباب مضارا وفااااااااتح وهم سقيلين سقالة السنين ..

    كو كو كو ..
    افتحولي الباب ..
    كو كو كو ..
    مافيش مفتاح ..
                   |Articles |News |مقالات |بيانات

01-04-2007, 08:43 AM

معاذ حسن
<aمعاذ حسن
تاريخ التسجيل: 14-11-2006
مجموع المشاركات: 3304

للتواصل معنا

FaceBook
تويتر Twitter
YouTube


Re: بكري ابوبكري دحين انت باباك ده باب المندب؟ الشي يطرقوا فيهو سااااي!!! (Re: عمر الفاروق)

    Quote: إضافة حقيقية لبورداب الرياض فأذنوا لها بالدخول!!


    غايتو يا عمر الله يسألني العبارة دي كتبتها أنا وبكري ذاتو ما اشتغل بي وزعلت وحردت المنبر كم يوم ولما ماف زول هبب لي رجعت براي..
    ومن هنا استغل هذا البوست (المغرض الحاقد) واناشد الاخ بكري قبول عضوية الاستاذ طارق صديق كانديك.الفتحنا بوست زماااان عشان نسجلوا يا بكري بليز كيتا في عمر الفاروق.
                   |Articles |News |مقالات |بيانات

01-04-2007, 10:18 AM

نهال الطيب
<aنهال الطيب
تاريخ التسجيل: 14-03-2007
مجموع المشاركات: 1606

للتواصل معنا

FaceBook
تويتر Twitter
YouTube


Re: بكري ابوبكري دحين انت باباك ده باب المندب؟ الشي يطرقوا فيهو سااااي!!! (Re: معاذ حسن)

    عمر الفاروق

    كلامك ده قبل الصورة ولا بعدها
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de