ما بين تراجي وبيان .. عجوبة الخربت سوبا وبسوس داحس والغبراء

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-09-2018, 01:28 AM الصفحة الرئيسية

مكتبة عمر الفاروق شيخ الدين (عمر الفاروق شيخ الدين&عمر الفاروق)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
17-03-2007, 10:56 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


ما بين تراجي وبيان .. عجوبة الخربت سوبا وبسوس داحس والغبراء

    قبل الخوض في الموضوع الرئيسي لابد لي من التنويه على أن هذا المنبر صار كتاباً مفتوحاً وأوضح من الشمس في كبد السماء..
    وصارت كل الأمور فيه مفضوحة وواضحة بصورة لا تحتاج إلى جدل ولا إلى إنكار ..
    فما يحدث بين فلان وعلان من مراسلات في الخاص أو عبر التلفون هي نسخة بالكربون بين التي تحدث بين علّان وفرتكان ..
    ما يخطط له زيد وعمر(في أمثلة اللغة العربية) لضرب فلان من الخلف أو تحت الحزام تقوم به منى وحمزة (في أمثلة اللغة الإنجليزية)لضرب فرتكان والشمس حيّة ..
    لذا يبقى السؤال :
    لماذا الغتغتة والمضايرة في أمور باتت مكشوفة ووضاحة ؟؟؟
    لماذا النفاق الإجتماعي في أمور لا ناقة لنا فيها ولا جمل؟؟؟

    تراجي وبيان هما علامة إستفهام كبيرة في تاريخ هذا المنبر !!!
    تقسمان المنبر إلى فئتين يعيدانك إلى حروب داحس والغبراء التي كانت سببه إمرأة !!!!!
    تمثل تراجي في هذا العالم السايبيري اليسار وضمّت لها مجموعة من (رجال اليسار) ومجموعة من(نساء اليسار) لم تجمعهم الفكرة ولا المبدأ ولا المصلحة العامة ولكني أكاد أجزم أن ما ربط بينهم هو شئ واحد فقط
    المراسلات من تحت تحت والإتصالات المن تحت تحت ونسة معظمها القيل القال في فلان وفرتكان وما أجمل الونسة والقطيعة التي يسيل لها اللعاب ..
    تمثل بيان في هذا الهلام الأسفيري كتلة اليمين ولها مجموعة من (رجال اليمين) ومجموعة من (نساء اليمين) لا يربطهم ببيان سوى مراسلات مسنجرية تابعوا ماذا فعلت لي فلانة وأنظروا ماذا تركت لي فرتكانة وإتصالات لا تغني ولا تسمن من جوع !!!
    وهناك أطراف (وهي المستمتعة) تتلذذ بقراءة كل ما يتطاير من شمارات عن أسرة فلان وسيرة علّان وكيف أن فلانة كانت كذا وكذا وأن علانة زوجها فعل كذا وأن فرتكانة أحبت فلان بينما علّانة شوكشها فرتكان ..
    أرجو أن لا يغضب حديثي رجال اليمين واليسار وكذلك نساء اليمين واليسار ولكن كما قلت فالمنبر صار كتاب مفتوحاً والريحة طاااااااااااااقة ..
    ما أن يتم فتح بوست عن بيان إلا وتجد مجموعة من الناس وإن كانت لا تدري مدى صحة ما قيل عن بيان إلا وتجدهم يتجمعون للمدافعة عنها دون الألمام بخلفيات المواضيع !!!!!!
    وهذا يعني وبكل تأكيد أنهم يستمدون دفاعهم عنها على حقائق بكل تأكيد ملكتها لهم بيان سواء بالمسنجر أو التلفون (يا فلان والله انا دي ما عملتها ويا علان هناية دي هي القبل كده سووت كدا وكدا ) فيأتي رجال اليمين فيكتبون ما أملي لهم بضبانته ..
    ما أن يتم فتح بوست عن تراجي إلا وتجد (أصحاب الشمال) وينددون ويشجبون ويحكون لنا تاريخ تراجي وكأنهم أولاد حلة واحدة أو ابناء عمومة فكيف يحصلون على مثل هذه التفاصيل الدقيقة ..بكل تأكيد الاجابة واضحة :
    ( ألو فلان والله انا الكلام القالوهو فيني ده كلو كضب انا عملت وانا سويت وانا فعلت ..وهي هناية دي زااااااااااتا قبل كده ما سوت كده وكده وكده وراجلا زااااااتو ما كان كده وكده وود خالة حبوبتا ما كان كده وكده )
    فيأتي اصحاب الشمال وينزلوا الموضوع بي ضباااااااااانتو دون الرجوع للحقائق فما قالته السيدة تراجي رضي الله عنها كتاب منزل !!!!
    لا تدفنوا رؤوسكم في الرمال يا اهل اليمين واهل اليسار فما تقومون به والله شئ مخجل ..
    نساء تتلاعب بكم كيف ما تشاء ..
    ما يحيرني حقاً ان يتخاصم إثنان هذا من شيعته وهذا من عدوه بسبب أن هذا شتم تراجي وهذا سبّ بيان !!!!!
    وحتى لا نفلسف المواضيع فتراجي إمرأة وبيان إمرأة وبما أنك تغضب فقط لأن بيان إمرأة ولا لشئ اخر فعليك الغضب لتراجي لأنها إمرأة أيضاً !!!!!
    احترم من يكون له خلاف مع تراجي أو مع بيان ولكن إختلاف من وجهة نظره هو ومهما كان الاختلاف لا يعنيني المهم ان يكون هو طرف اساسي فيه ..
    ولكن حقيقة مخجل جداً ما يقوم به البعض في هذا المنبر !!!
    فبعضهم يعطيني إحساس أن بيان تمسك به كما العرائس المربوطة في الخيوط والاصابع تراقصها كيف ما تشاء وبحركة واحدة من اليد والأصبع المعني !!!
    والاخر يعطيني احساس انه قطعة شطرنج تحركه تراجي كيف ما تشاء تنقله من المربع الأسود للأبيض ومتى ما تشاء !!!!!!
    ياخ تراجي نبزت بيان نبز نسوان طيب المشكلة وين يا رجال اليمين ؟؟؟
    بيان ردت بي نبزة نسوان كما يحدث في الجزارة المشكلة وين يا رجال اهل الشمال؟؟؟
    امنة مختار إتشاكلت مع بيان شك حريم !!!طيب يعني شنو ؟؟
    بيان معطت امنة وجرتها من شعاراتا وامنة مضكت بيان من جضومة طيب دخلكم شنو يا رجال اصحاب اليمين والشمال؟؟؟؟
    ما يا الراجل يجي ويحجز النسوان ديل ويقطع في دي كف وفي دي كف كما يفعل الناس دوماً لحل مشاكل النساء وإلا يجلس متفرجاً ..
    لكن يجي راجل يجر المرا دي من شعرا عشان شاكلت ليهو زميلتو ده ما تصرف ولا يحسب سوى تبع قطعة الشطرنج أو مسرح العرائس..
    استغرب جداً للمدافعون عن بيان فهم لا يرجعون بالتاريخ للوراء ولا يستخدمون الأرشيف !!!!!!!
    سؤال بالله عليكم يا اصحاب اليمين :
    كم هي عدد المشاحنات والمصادمات والمشاكل التي كانت بيان طرف فيها ؟؟؟؟
    كم هي عدد (شكلات نسوان الجزر ) بين نسوان المنبر بين بيان وفلانة ؟؟؟
    ونترك خانة فلانة للتعويض وحينها ستجدون ان فلانة يمكن تعويضها بأكثر من عشرة قيم فهل توضع اهل اليمين التساؤل هل يعقل ان تكون العشرة غلطانات ؟؟؟؟؟

    كم هي عدد (شكلات البص والدفارات) التي قامت بها تراجي بالخوض فيها وكانت فيها تراجي الطرف الاساسي مع فرتكانة ؟؟؟
    ونترك خانة فرتكانة فارغة للتعويض وستجدون ان القيمة التي يمكن تعويضها عشرين قيمة فهل فرض اهل اليسار التساؤل هل يعقل ان تكون العشرين متهجمات على تراجي رضي الله عنها؟؟؟

    اجد العذر لنساء اليمين ونساء اليسار في خوض هذه المعتركات فشكل النسوان سمح والمرا بتحب شكل المرا وربما تستفيد إحدى الحاضرات من شمار يفيدها في مقتبل الايام إذا طالها شر إحداهن سواء تراجي أو بيان
    وحينها ستقوم من لطشت الشمار بهز ضراعها ضاغطة على السبابة بي الإبهام ومرددة :
    هيييييييييييييييي ترا ترا واللساتك ورا ..جرّي شخيت وأقيفي بعيد.. جرجير وبقا يطير ..بطاطس وفي الدمعة غاطس
    وتذكرها بما لقطته من شمار يوم إلتقى الجمعان بغض النظر عن صحته من عدمه ولكن " العيار اللي ما يصبش يدويش"..
    طيب ياخ ماذا سيستفيد رجال اليمين واليسار من هكذا صراعات ؟؟؟
    هل ستقومون يوما ما أيها ارجال بهزّ ضراعاتكم ؟؟؟؟؟
    هل سيقوم أحدكم بوضع طرف جلابيته في صفحته ويضرب اليد اليمنى باليسرى مصفقاً ويردد:
    هييييييييييييييييييي يا اختي وبري منك يا يمة اريتك مرت النيتو يا الفعلتي وتركتي ..بري

    أفيقوا يا هؤلاء فداحس والغبراء قادمة وحرب الاربعين ستتواصل الى المئة ..
    وها هي عجوبة عادت لتخرب سوبا ..
                   |Articles |News |مقالات |بيانات

17-03-2007, 11:30 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    هيّجت شجوني وأحاسيسي ومشاعييري ما قرأته في بوست قيل أنه حول رأب الصدع ما بين بيان وامنة مختار ..
                   |Articles |News |مقالات |بيانات

17-03-2007, 11:46 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    تعرف يا عمر

    بتمسك الحاجة بتجيب خبرها .. زول عاااااادي
    البوست ده ما عندي فيو نفقة .. لكن ح اتابع معاكـ .. و الحمدلله لا يمين لا يسار ..
    بس تحليلك عجبني بالجد

    تحياتي .
                   |Articles |News |مقالات |بيانات

17-03-2007, 12:13 PM

عبده عبدا لحميد جاد الله

تاريخ التسجيل: 19-08-2006
مجموع المشاركات: 2194

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: فيصل نوبي)

    العزيز عمر الفاروق
    والله كفيت ووفيت

    تخريمة:
    ياخي شوفوا لينا ناس حرس السودان القديم وطلائع السودان الجديد خليهم يبطلوا حكاية استنفار الخلايا النايمة دي
                   |Articles |News |مقالات |بيانات

17-03-2007, 02:12 PM

Ahmed Yousif Abu Harira
<aAhmed Yousif Abu Harira
تاريخ التسجيل: 19-10-2005
مجموع المشاركات: 2030

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عبده عبدا لحميد جاد الله)

    فوق لأجل الوسطية والأغلبية الصامته
                   |Articles |News |مقالات |بيانات

17-03-2007, 02:48 PM

الصادق صديق سلمان
<aالصادق صديق سلمان
تاريخ التسجيل: 11-07-2006
مجموع المشاركات: 4008

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    Quote: فوق لأجل الوسطية والأغلبية الصامته

    وهلالنا فوق انشاء الله فوق يا ودالفاروق



    أبوفتحية
                   |Articles |News |مقالات |بيانات

17-03-2007, 05:19 PM

كمال مبارك
<aكمال مبارك
تاريخ التسجيل: 18-08-2005
مجموع المشاركات: 1367

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: الصادق صديق سلمان)

    Quote: تراجي


    هذة هى البسوس فعلاً وقولاً وعملاً ،،، وليس هنالك من اليسار من يتابعها

    فقط لها حامل دلوكه واحد يعانى من عقدة نقص يدعى بشاشا ،،، واعتقد بانهم

    يعانون من أمر ما فى نفوسهم

    وحقيقه البسوس وحامل الدلوكه ليس لهم من الموضوعات الا التى تثير البلبله

    والانقسام واى بوست فيه رائحه اختلاف بين اثنين الا وتجد البسوس تعمل عمل

    المديدة حرقتنى .. اللهم استرنا منها واكفينا شرها واجعل كيدها فى نحرها

    بيان دى عندها عقدة ( دكتوراة ) ،،، وعايزة كل العالم حتى السفلى ان

    يشيد بها لانها من حمله الدكتوراة ،،، وعندها مشكله مع الحريم يعنى شويه

    مرجله ،،،، يعنى تدعى المرجله ،،،، وله فى خلقه شئون ؟
                   |Articles |News |مقالات |بيانات

17-03-2007, 09:58 PM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    الأخ عمر الفاروق
    سلامات..
    Quote: هيّجت شجوني وأحاسيسي ومشاعييري ما قرأته في بوست

    قد هيّجت شجوني أيضا يا أخي ..
    ما مغزي إعتراضك علي محاولة الصلح بين أختينا ?!

    لم تكن المبادرة إلا بعد تزايد تكرار شكوي الدكتورة بيان
    وإمتعاض الأستاذة آمنة وإبداء نيتها بمغادرة البورد

    يا أخي ماذا ترانا نفعل حيال ذلك?
    نتجاهل شكوي الأولي ونترك الأخري تغادر
    فقط لأنهم نساء ومشاكلهم ليست من جنس الرجال?!

    أما الكوم وما الكوم أنت تعرف أني لا أؤيد بيان في فكرها
    والمبادرة معترضة عليها أصلا الأستاذة آمنة وعملتها ضد رغبتها
    رغم أننا في خندق واحد!

    يعني الحكاية مبدأ ما شللية كما تعتقد!!
                   |Articles |News |مقالات |بيانات

18-03-2007, 03:08 AM

salma altijani

تاريخ التسجيل: 27-08-2005
مجموع المشاركات: 698

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: Adrob abubakr)

    أخي عمر تحيات طيبات

    التقيت دكتور بيان وتعاملت معها عن قرب هي والله ابعد ما تكون مما كتبته هنا
    أجدها في كثير من الاحيان حقانية تدافع عن رأيها ولا تخاف ما يترتب على ذلك
    ربما هذا هو السبب الذي يدخلها في المشاكل..لا يثنيها عن ذلك الرأي
    قلة من يتفقون معها .. أحيانا قد لا يعجب الرجال بالمرأة القوية التي تدافع عن رأيها..
    معرفتي بها تدفعني للقول بأنك تظلم امرأة سودانية أصيلة وقوية وطيبة
    تحب الخير للجميع من اتفق معها او من اختلف ..
    ويسعدني ان اكون هنااول من يقول كلمة صدق بحق الاخت نجاة .
                   |Articles |News |مقالات |بيانات

18-03-2007, 03:15 AM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11635

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    Quote: قطعة شطرنج

    الخازوق..
    نسيت انت تكتب تحت هذا المصطلح ( حقوق النشر محفوظة لآمنة مختار )
    لاننى اول من كتبه فى هذا (البنبر) .


    طبعا ما حا أشهد لتراجى ..لانو ده ما مكانو .
                   |Articles |News |مقالات |بيانات

20-03-2007, 06:29 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    النوبي فيصل:
    البورد زاااااتو شكلو بقا من اصحاب الشمال ولّا اليمين ما عارف تحسّ بيهو متحيز لفئة بي قطعتو دي..
    الوسطية يا قريبك ممتعة تقيف وتشجع اللعبة الحلوة لكن لو باريت شكل النسوان الهنا ده ما حاتفرز اللعبة الحلوة لأنو النسوان كورتهم شلاليت..

    عبده عبد الحميد:
    يا زول الشغلانة بقت طلائع الجهاد وطلائع مايو وطلع البدر علينا ...


    كمال مبارك :
    يا زول ما سمعت المقولة البتقول " القلم ما بيزيل بلم!!"

    الأخوان الصادق وابو حريرة عضلاتكم تعبت من شيل البوست كوووووووبح
                   |Articles |News |مقالات |بيانات

20-03-2007, 07:23 AM

keiga2000
<akeiga2000
تاريخ التسجيل: 11-05-2002
مجموع المشاركات: 4105

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    ودالفاروق

    كترت من المواضيع دي احسن من الهلال وما ادراك مالهلال لانو بكره الهلال بتغلب بالخمسة ومابتلقي ليك موضوع تكتب فيه

    تراجي هذه اسأءة للجعلين ودا عيب الكي بورد انو الواحد بقدر يقول كل حاجة لكن لو قابلت ليها جعلي مابتقدر ترفع عينه عليه


    اتفقنا خلاص خلينا تاني من الهلال وظبط المواضيع الحساسه دي

    ابومصطفى
                   |Articles |News |مقالات |بيانات

20-03-2007, 08:38 AM

Dina Faisal

تاريخ التسجيل: 07-08-2006
مجموع المشاركات: 1102

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: keiga2000)

    الفاروق
    انا غايتو جيت اسلم عليك وبث
                   |Articles |News |مقالات |بيانات

20-03-2007, 10:49 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    الأخت سلمى التجاني:

    دعينا نتفق أن كل المتواجدون في هذا المنبر لديهم شخصيتين منفصلتين تمااااماً وربما يذكروني بفلم لبراد بيت لا اتذكر إسمه ربما" نايت كلوب"
    ملخصه أنه لديه شخصيتين منفصلتين في جسد واحد وهذا ما يحدث في البورد ..
    في هذا البورد كل شخص منّا راح ينسج لنفسه شخصية لا تشببه فالطيب في البورد يمكن تجده خارجها زول فقري وكريه..
    والفقري داخل البورد يمكن ان تجده طيباً خارجها ..
    يبقا القياس بالشخصية التي تقابليها غير وارد هنا لأن الناس هنا تتعامل مع الشخص وكتاباته لا الشخص العام خارج المنبر..
    بالمناسبة كلنا لمن تقابيلنا برة ناس حلوين وطيبين ومساكين ..
    يعني أسة تراجي دي انا لو لاقيتا برة ما أظن من قولة تيت حا تقوم تنبزني وتشاكلني بل بالعكس حا تضحك معاي وتهظر وتشاغل ووووو
    نحن هنا بنتعامل مع شخصيات من خلال الحروف ..
    وحروف بيان وسجلها المنبري يشهد بي أنها زولة بتاعت مشاكل بغض النظر عن إنها مظلومة أو ظاملة ..
    وتاريخ البورد يشهد بأن عبارات تراجي وبيان في ميزان وااااااااااااااااااااحد ..
    وكتابات بيان في المنبر توضح أن الدكترة في وادي وبيان في وادي اخر..
    ياخ انا لو محل بيان وعندي دكتوراة مستحيل ومستحيل ومستحيل أنزل لمستوى حوار زي البتكتبو بيان هنا..
    ياخ اسألك سؤال وتجاوبيني بي صراحة ...
    نفترض بيان دي دكتورة وبتحاضر حالياً في طالبات ووفي يوم وفي المحاضرة إتكلمت للكالبات عن القيم والسلوكيات وإحترام الذات وووووووو
    وجات واحدة من الطالبات قالت لي يا عمر ياخ الليلة جابو لينا دكتورة رهيييييييييييييييييبة يا عمر وشاااااااااااطرة ووووو
    وقمت انا مشيت طبعت ليها كتابات بيان في مشاكلها مع راوية مثلاً ومشاكلها مع تراجي مثلا ومشاكلها مع امنة مثلا بالله حا تودي وشها وين !!!؟؟؟
    بيان لا تحترم حرف الدال الذي اضافته لها كلقب وبكل أسف هو إشانة سمعة ليس من بيان فقط بل من كل شخص أطلق على نفسه دكتور فقط لأنه درس ونجح في الإمتحان لنيل درجة الدكتوراة !!!
                   |Articles |News |مقالات |بيانات

20-03-2007, 11:01 AM

Dina Faisal

تاريخ التسجيل: 07-08-2006
مجموع المشاركات: 1102

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    Quote: وكتابات بيان في المنبر توضح أن الدكترة في وادي وبيان في وادي اخر..
    ياخ انا لو محل بيان وعندي دكتوراة مستحيل ومستحيل ومستحيل أنزل لمستوى حوار زي البتكتبو بيان هنا.


    يا عمر مالك داير تفتح علي روحك باب جهنم؟؟
    قبل كدة احنا قلنا الكلام دة قالوا لينا البباري الجداد بيودي الكوشة
    والغريبة انو فعلا مشيت "الخور", باعتبارو الكوشة الاسفيرية, بسبب موضوع "ديكتورة" دة
                   |Articles |News |مقالات |بيانات

21-03-2007, 03:15 AM

salma altijani

تاريخ التسجيل: 27-08-2005
مجموع المشاركات: 698

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    عمر الفاروق سلام وتحيات

    عارف اول خطأ منهجي وقعت فيهو انك قسمت البورد دة لي رجال ونسوان

    النسوان مفروض يكونوا جوة بيت الحريم والرجال في الصالون

    ولو في شكلة نسوان الرجال مفروض يدخلوا يحجزوا بس لانو المرتين بكونن غلطانات لانهم نسوان .

    ولأنك بديت كتابتك بي طريقة غير صحيحة ملأتها بتفاصيل تخدم ذات الغرض وهو التأسيس لحوشين واحد

    للنسوان وآخر للرجال.. وأرى ان خطوتك القادمة ستكون مطالبة بكري بتخصيص منبر للنسوان منفصل عن

    منبر الرجال..

    ثانيا قصدت ان تتعامل مع الرجال كالدمى أو

    Quote: فبعضهم يعطيني إحساس أن بيان تمسك به كما العرائس المربوطة في الخيوط والاصابع تراقصها كيف ما تشاء وبحركة واحدة من اليد والأصبع المعني !!!

    وكذلك
    Quote: والاخر يعطيني احساس انه قطعة شطرنج تحركه تراجي كيف ما تشاء تنقله من المربع الأسود للأبيض ومتى ما تشاء !!!!!!

    وفي ذلك اساءة بالغة للرجال بالورد من اليمين أو الشمال واختزال دورهم في لعب دور عرائيس الاطفال

    وقطع الشطرنج واظنط توافقني على ذلك..

    ثالثا توصلت ان كل مشاكل المنبر واختلاف آراء الناس فيه حول قضايا الوطن الكبيرة وراءها امرأتان

    كل واحدة تحشد في انصارها من عرائيس الاطفال وقطع الشطرنج ..

    وأن هذا المنبر الذي لا يوجد فيه اكثر من المشاكل لا يتسبب فيها الا امرأتين

    وان الرجال في حالة وئام تام واتفاق شامل لا تفسده عليهم ألا هاتين المرأتين..

    عمر الفاروق يا أخي العزيز تحتاج لمراجعة نظرتك للمرأة أولا حتى لا تظلم نساء الارض أجمعين

    Quote: دعينا نتفق أن كل المتواجدون في هذا المنبر لديهم شخصيتين منفصلتين تمااااماً وربما يذكروني بفلم لبراد بيت لا اتذكر إسمه ربما" نايت كلوب"
    ملخصه أنه لديه شخصيتين منفصلتين في جسد واحد وهذا ما يحدث في البورد

    دعني اختلف معك حول هذا ايضا فالشخص الحقاني تجده حقاني ولو في واغ الواغ

    ولو كانت دكتور بيان امرأة تسكت عما تراه حقا ولا تتداخل الا في بوستات الافراح والعزاء لكان لك

    فيها رأي آخر

    واخيرا يا اخي عمر اتمنى ان تتقبل مداخلتي بصدر رحب

    خالص التحايا

    (عدل بواسطة salma altijani on 21-03-2007, 03:29 AM)

                   |Articles |News |مقالات |بيانات

20-03-2007, 10:59 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    امنة مختار نستفيد من تكرار الرد لي بيان ونرد ليك فيهو إنتي)
    يا زولة مصطلح شنو وحقوق شنو وملكية مين !!!!
    يا زولة نحن بنلعب الشطرنج دي من زمن كان الحصان حمار ..
    لكن يا زولة ما مشكلة أصلو إنتو النسوان مركب النقص ده وحكاية الشوفونية دي ما جديدة عليكم ..
    الواحدة تلبس الغوايش وتهز يدها لي جارتها بي الحيطة وتكورك ليها:
    سعدية عليك الله أديني حبة ملح ...
    وتقووووم كده سعدية المغصة تكتلها وتجري تجري تلبس الحلق الما خمج وتطلع ليها بي الحيطة وتهوزز ليها رقبتا :
    هووووووووووي يا التاية والله مااااااااااااااااااااا عندي..

    أها يا زولة أديناك حقوق النشر إن شاء الله تضوي ليك ..

    بالمناسبة شكلك سمح خلاص وبالجد جد شكل نسوان مية المية لا تشوبه اي شائبة ..
    تلقيك النوع الفي الحلّة ضافرة جاراتك وماف مرا بتقول ليك بغم ..
    لأ والعجب اللئامة مبااااااااااااااااااااااااااااااااااالغة ..
    ياخ إنتي تلقيك من النوع اللمن تقعدوا للودع وتقوووووووومي كده ترميهو تقولي :
    أه ..بس عليها علوية الما بتشبه النسوان ..كر علي يا يمة منها بري بري بري ..


    والله عافي منك يا امونة يا ختي..

    (عدل بواسطة عمر الفاروق on 20-03-2007, 11:05 AM)
    (عدل بواسطة عمر الفاروق on 20-03-2007, 05:03 PM)

                   |Articles |News |مقالات |بيانات

20-03-2007, 05:14 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30630

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    (برة الموضوع يا عمك)
    Quote: وربما يذكروني بفلم لبراد بيت لا اتذكر إسمه ربما" نايت كلوب"
    الفلم إسمه Fight Club و دا فلم شديد فعلا و معبر

    شايفك علقت على الفصام ما بين الحياة الحقيقية و البورد, يا ريت - بعد ما تخلص الموضوع دا - تدينا رأيك في الفصام الداخلي ما بين بوست و آخر و أحيانا ما بين مداخلة و التانية

    واصل
                   |Articles |News |مقالات |بيانات

20-03-2007, 07:41 PM

بدر الدين الأمير
<aبدر الدين الأمير
تاريخ التسجيل: 28-09-2005
مجموع المشاركات: 14383

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: محمد البشرى الخضر)

    عمر يافاروق لك التقدير
    ياسيدى حرب البسوس كانت بسبب ناقة
    واستمرت تلك الحرب ثلاثمائة سنة
    والحكاية ببساطة أن ناقة البسوس دخل مزرعة لاعرابى
    فادمها فى ضرعها بالسهم وبعداك دورة السهام والسيوف
    وحرب داحس والغبراء كانت بسسب سباق حصين واستمرت مئتا سنة
    وداحس والغبراء اسماء حصين ذلك السباق والسبب ببساط ان
    صاحب الحصضان المهزوم كفت الحصان الفائز وبعداك دور التكفت
    بالسيوف بين البشر مئتاسنة لذا ياصديقى عليك أن تتأمل كم عليا
    ان نصبر على حروب كلامية وفى الكلام عبر الاسفير



    تنهدات: الكلام لعبدالعال السيد والغنا لمصطفى سيداحمد من اغنية (المزار)
    لكن كلامنا الكان وكان
    خايف يكون شالو الهوى
                   |Articles |News |مقالات |بيانات

20-03-2007, 08:29 PM

نوسة
<aنوسة
تاريخ التسجيل: 30-09-2002
مجموع المشاركات: 825

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: بدر الدين الأمير)

    Quote: حرب البسوس كانت بسبب ناقة
    واستمرت تلك الحرب ثلاثمائة سنة


    وحرب داحس والغبراء كانت بسسب سباق حصين واستمرت مئتا سنة


    يا ربى "بنعيش" قدر دة و لا نمسك عيالنا طرف القصة؟؟؟؟

    بيان و تراجى أختان كما بقية الأخوات، تتشاجران و تختصمان ، و لكنهما لو كنتو متابعين جيداً لبعض البوستات من طرفيهما تتمنان الخير لبعضيهما بين كل فينة و أخرى..

    و هكذا الحياة خصام و إتفاق، و حتى الحروب نهايتها سلام

    والسلام
                   |Articles |News |مقالات |بيانات

21-03-2007, 06:47 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: ما بين تراجي وبيان .. عجوبة الخربت سوبا وبسوس داحس والغبراء (Re: عمر الفاروق)

    الأخ بدر الدين :
    تحياتي وشكراً للمعلومات ونعم كانت حرب البسوس بسبب ناقة للبسوس بين قبيلتي بكر وتغلب ولكني على ما اذكر وانا أشاهد مسلسل عربي " الزير سالم" تم تسليط الضوء على كيفية استغلال البسوس لقتل الناقة ..

    شهقات :
    مطر الحزن عاود هطل..جدد عذاب الأرصفة ..

    تخريمة :
    عندي إحساس السيجارة الفي يدك دي بتقعدك معاك سنتين لي قدام
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de