الموسيقار الموصلي..البروف معز ..شروق ابو الناس تواصل إحراجكم !!!

شرح مفصل و معلومات للتقديم للوتري 2020
إلى ذاكرة خريجي الهند ..مع التحية ًِ
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-10-2018, 01:31 PM الصفحة الرئيسية

مكتبة عمر الفاروق شيخ الدين (عمر الفاروق شيخ الدين&عمر الفاروق)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
29-05-2007, 07:05 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


الموسيقار الموصلي..البروف معز ..شروق ابو الناس تواصل إحراجكم !!!

    أولاً نبارك للبروف معز عمر بخيت ذلك التجمع الراقي لمنتديات عكس الريح بأبوظبي والحضور الأنيق والجميل والذي عكس مدى الترابط بين أبناء هذا الكيان في منتديات عكس الريح فلكم أجمل تحية يا أهل منتديات عكس الريح ..
    بالأمس فقط شاهدت وفي برنامج مشاوير عبر قناة النيل الأزرق حلقة كاملة عن تجمع منتديات عكس الريح وكانت الفواصل التي تقدم عبر البرنامج مجموعة أغنيات لشروق أبو الناس..
    وكعادتها فشلت شروق ابو الناس في تقديم ما يوحي لنا مجرد إيحاء أننا نستمع لفنانة ناهيك أن نقول أننا نتوقع منها أن تسحب البساط وتصبح فنانة الزمن الجميل..
    بالأمس فقط فضح التسجيل التلفزيوني إمكانيات شروق ابو الناس الحقيقية عندما تتغنى دون مساعدة المؤثرات الصوتية ...
    وكنا قد قلناها من قبل إذا كان هذا صوت شروق في وجود مهندس صوت كمعواية صابر وفي وجود إستوديوهات ومؤثرات صوتية (وهو صوت عادي) فما بالكم إذا تغنّت بصورة مباشرة دون مؤثرات!!!!!
    وقد كان ..!!
    فما قدمته شروق أبو الناس خلال هذه الحلقة أحرجكم كثيراً يا بروف معز ويا أستاذ الموصلي وأنتم لاتزالون تتمسكون برأيكم حول شروق وحول صوت شروق واداء شروق !!!
    بالأمس رجعت شروق للنقطة التي تحدثنا عنها سابقاً عندما قلنا أن شروق مهما فعلت فستجد نفسها مجبورة للدوران حول مدار الأغنية السودانية المسموعة حتى يستمع لها الناس فكان أن تغنّت بأغاني مسموعة وعالقة في وجدان الشعب السوداني مثل أغنية زيدان ابراهيم ما أصلو ريدك أصبح حياتي..
    صوت فقير تماماً ونشاز في الاداء و رتابة وبعد عن الإحساس بالأغنية أفقدها جمالياتهاناهيك عن الأغنية الثانية التي قدمتها ..
    شروق أبو الناس لم تقدم ما يشفع لها يا موصلي ولم نشعر بتحسن في الاداء حتى نتوقف عن نقدها ..
    شروق ابو الناس لم تشعرنا بأي جديد في الاداء (اللهم إلا تغيير الأغاني) حتى نقول انها مشروع فنانة ناهيك عن ان نقول مطربة زمن جميل..
    شروق ابو الناس يبدو أن النفخة الأعلامية الكذابة هي التي جعلتها تصل للمايكرفون والوقوف على خشبات المسرح وكاميرات التصوير..
    ما نسمعه ونقراءه هنا جعلاً نترصد ونتابع سير شروق ولأننا كنا قد دخلنا في تحدّي مع البروف والموسيقار حول إمكانية نجاح شروق من فشله فها نحن وبحمد الله نكسب الرهان بجدارة في ظل ما تقدمه شروق ولا عذر بعد اليوم يا بروف ويا موسيقار فقد صبرنا وصبرتم وانتهت المدة ولعبنا أشواط إضافية وإنتهت وأعطيناكم زمن إضافي من الحكم وإنتهى ولا وقت لكي نلعب ركلات الترجيح لأن فريقكم خاسر بكل المعايير..
    في ظل الأداء الضعيف يوم بعد يوم لشروق ابو الناس أشعر أن شروق تواصل إحراجكم يا بروف ويا موسيقار فعليكم الان ان تقولوها وبشجاعة خضنا معركة خاسرة ..
    تخريمة :
    نصيحة خارج النص وإن كنت أعتبرها من الخصوصيات ولكنها فقط نصيحة ..
    لست خبير تجميل ولكن أتمنى أن تقلل شروق ابو الناس من وضع المساحيق الصارخة والمزعجة في نفس الوقت ..
                   |Articles |News |مقالات |بيانات

29-05-2007, 07:11 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    أول ما شفت الحلقة كنت متأكد انك ح تجي طاير جوز هنا
    ما بتخيب ظني أبدا يا ود الفاروق

    Quote: بالأمس فقط فضح التسجيل التلفزيوني إمكانيات شروق ابو الناس الحقيقية عندما تتغنى دون مساعدة المؤثرات الصوتية ...


    علي سبيل التحية و متابعة الدواس
                   |Articles |News |مقالات |بيانات

29-05-2007, 07:20 AM

ALGARADABI
<aALGARADABI
تاريخ التسجيل: 30-12-2004
مجموع المشاركات: 5236

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: فيصل نوبي)

    فيصل نوبي يا خاين
    ما كلمتنا بالتجمع ده


    والله با عمر الفاروق جنس عكلتة عليك؟؟

    أسمع كوباني بسلم عليك .....
    والله كل ما اتكلم معاهو يجيب سيرك
    أعمل حسابك الزول ده أخصائي مشرحة
                   |Articles |News |مقالات |بيانات

29-05-2007, 07:43 AM

فيصل نوبي
<aفيصل نوبي
تاريخ التسجيل: 16-09-2005
مجموع المشاركات: 14194

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: ALGARADABI)

    يا قرضابي كاتب ليك بوست يخلع
    جيت خاشي المنبر لقيت البوست مولع


    __
    خروف السكن الجديد وين

    (عدل بواسطة فيصل نوبي on 29-05-2007, 02:16 PM)

                   |Articles |News |مقالات |بيانات

29-05-2007, 07:16 AM

محمد نور أحمد
<aمحمد نور أحمد
تاريخ التسجيل: 25-12-2006
مجموع المشاركات: 1220

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    عمر الفاروق
    سلامات با أخوي..
    ما انتهيت من البت عديل كده ... ما خليت ليها صفحة ترقد عليها ...
    كده يا اخوي كان بقت عندك حاجة تتسمع ولا تتشاف عن البنية البتتكلم عنها دي ألحقنها بيها.. نسمعها أو نشوفها.. يا تمنينا معاك الناقصة- إن بقيت للوقت داك خليت فيها شيتا يتقال- .. يا أوقفناك عنها..

    أرقد عافية ( بتوقيتي المحلي في بلدا طيرا عجم).
                   |Articles |News |مقالات |بيانات

29-05-2007, 07:22 AM

samo
<asamo
تاريخ التسجيل: 04-09-2002
مجموع المشاركات: 862

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    صدقت ...

    حين اشاهد هذه الشروق .. كاننى اشاهد انسان الي ..


    فهي لا تتجاوب اطلاقا مع الكلمات ..حتى ظننت انها لا تعرف معانى ما تغنيه ..

    وجموووود في تعابير الوجه ... جمود يحاكي جمود الاموات ..

    جمود لا نراه الا في وجوه الممثلات المصريات الائي انهك وجوههن عمليات التجميل

    الرخيصةالرديئة ..

    لم تطربنى اغانيها اطلاقا ..

    هناك شيئ مفقود فيها .. شئ ينقصها ..ولا ادري ماهو ..

    ولكن شخص متخصص مثل الموصلي كان يجب عليه تدارك هذا الجمود في الاداء

    والرتابةفي الصوت ... او .. ينصحها باعتزال المشوار الذي لم يبدا بعد ..
                   |Articles |News |مقالات |بيانات

29-05-2007, 07:26 AM

الفاتح خليل الفكي
<aالفاتح خليل الفكي
تاريخ التسجيل: 15-10-2006
مجموع المشاركات: 892

للتواصل معنا

FaceBook
تويتر Twitter
YouTube


الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    الأخ / عمر الفاروق
    سلام واحترام ،،،
    انا والله شفت الحلقة وكنت ناوي اكتب عنها لكن انت سبقتني
    حقيقة يا ود الفاروق شروق أبو الناس ما عندها اي حاجة تدل على انها فنانة
    والله الحلقة كانت جملية بس لو كان في فنان خلاف شروق أبو الناس
    من هنا التحية للأخ البروف المعز عمر بخيت ونجاح منتديات عكس الريح
    والتحية للموسيقار استاذنا الموصلي لكن بالجد شروق دي تعبانه تعب شديد
    تقبل تحياتي واحترامي
    أبو كريم
                   |Articles |News |مقالات |بيانات

29-05-2007, 07:27 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    فيصل يا نوبي:
    كيف يا قريبك ..
    والله انا كورتي سمحة وما بقع جوز بالعكس يا عمك حركات المان وتزحلق في النجيلة ونشيل الكورة من الخصم من غير أي فاول ..
                   |Articles |News |مقالات |بيانات

29-05-2007, 07:30 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    يا قرضابي:
    Quote: أسمع كوباني بسلم عليك .....
    والله كل ما اتكلم معاهو يجيب سيرك
    أعمل حسابك الزول ده أخصائي مشرحة

    يا اخوي دكتور كوباني ده تاني لمن يجيب سيرتي غيّر ليهو الموضوع لي فلسطين ولا عيد العمال ولا يوم المرأة المهم أي حاجة تشغلوا عنّي الزول ده انا ما بقدر عليهو يعني ممكني عااااادي يفلقني بي كبدة ولا بي مصران ولا جمجمة ..
                   |Articles |News |مقالات |بيانات

29-05-2007, 07:57 AM

abuguta
<aabuguta
تاريخ التسجيل: 20-04-2003
مجموع المشاركات: 8275

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    عمر الفاروق
    شلت عنى هم كبير...

    كنت بصدد فتح بوست بهذا الامر الجلل..

    ياخى البت دى او الحرمة دى او المرة من الاحسن ان تشوف ليها شغلة تانية
    مع احترامى للهرم موصلى ..فموصلى رجل قدير يعرف كيف ان يختار من يؤدى
    الحانه...

    بجد كدا اول مرة اسمعها واول مرة اشوف زول يغنى بالطريقة دى
    دا راى زول قروى يعرف شعر الدوبيت.ولى اذن تتذوق الالحان وجميل الاصوات
    سودانية ,عربية ,هندية..صوت المودية فى وادى وهى فى وادى اخر
    مع كامل احترامى للمشجعين
    ودمتم

    ابقوتة فى ساعة الدوام
                   |Articles |News |مقالات |بيانات

29-05-2007, 11:38 AM

عوض محمد احمد

تاريخ التسجيل: 12-12-2005
مجموع المشاركات: 5489

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: abuguta)

    و مثلها تماما الاخوات عجاج نهى و نانسى



    فى بلادنا تلعب علاقات الصداقة و المجاملات الاجتماعية دورا كبيرا فى تقببم مواهب و امكانيات الاخرين

    يحصل هذا حتى فى امتحانات الدرجات العليا فى اكثر الكليات حساسية ناهيك عن اداء مغنواتية!
                   |Articles |News |مقالات |بيانات

29-05-2007, 12:56 PM

نجوان
<aنجوان
تاريخ التسجيل: 01-04-2006
مجموع المشاركات: 2641

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عوض محمد احمد)

    Quote: فى بلادنا تلعب علاقات الصداقة و المجاملات الاجتماعية دورا كبيرا فى تقببم مواهب و امكانيات الاخرين
    معاك في دي تماما.. الincompetence متفشّي في كل مكان..
    عندنا وزراء غير مؤهلين... مذيعين لا يمتلكون أبسط المهارات الإعلامية...
    صحفيون لا يقرأون إلا ما يكتبونه هم .. إلخ.. إلخ..

    Quote: ناهيك عن اداء مغنواتية!
    بس الفنون جديرة بالإحترام... وهي أيضا علوم يا دكتور ..


    _____
    يا عمر الفاروق..
    شروق وبروق.. كلّه زوبعة في فنجان..
    زمن الإبداع في السودان ولّى..
    ولمّا.. يجود الزمان بمبدع حقيقي .. لا يوجد توجيه ولا رعاية..

    (عدل بواسطة نجوان on 29-05-2007, 01:03 PM)

                   |Articles |News |مقالات |بيانات

29-05-2007, 06:18 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: نجوان)

    عزيزي عمر وضيوفه
    أولا لم استمع للحفل
    ولكن كل الفنانين معرضين لظروف تجعلهم ينشزون ولايستطيعوا الاداء
    فمثلا ان كان الحفل محدد والجماهير جات ولكن الحاله النفسية والصحية لم تساعده
    فهذه ليست نهاية الدنيا وانت ياعمر بتغني ومفروض تكون فاهم الحاجات دي
    شروق فنانه في بداياتها تقع وتقوم وتقع ليست مسالة تستحق كل هذه المناقشات
    وهي ليست الفنانة الوحيدة حتى ننشغل بامرها لهذه الدرجة لماذا لاندعها تنمو في سلام
    لماذا نجعل منها ضحية لصراع أو خلاف أو تحدي
    أنا من زمان لخصت القضية في الاتي
    (شروق هي ضحية لدعاية ضخمة فيها روح التحدي من قبل البروف معز عمر بخيت ورد الفعل لهذه الدعاية الذي كان أعنف من الصورة التي عملت بهاالدعاية)
    فهو له الحق في أن يتحمس ولكن لا لدرجة أن يمسح التاريخ فالتاريخ لن يتم مسحه بجرة قلم
    دعوا البروف يساعد آخرين وأخريات وهو يمتلك هذه النية السليمة بدلا عن أن نشغله في معارك انتهى زمانها
    صديقي عمر المسألة ليست هزيمة وانتصار
    المسالة هي التعجب من كيف يتأتى لنا أن ناخذ موقفا عدائيا من فنان في مقتبل عمره الفني ولهذه الدرجة
    مع احترامي للجميع
    ملحوظة أخيرة
    لماذا ابتدع المهندسون المؤثرات والمحسنات في الاستديوهات؟؟؟

    (عدل بواسطة Elmosley on 29-05-2007, 06:22 PM)
    (عدل بواسطة Elmosley on 29-05-2007, 06:24 PM)

                   |Articles |News |مقالات |بيانات

29-05-2007, 07:07 PM

Dr. Moiz Bakhiet
<aDr. Moiz Bakhiet
تاريخ التسجيل: 20-05-2004
مجموع المشاركات: 9001

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Elmosley)

    في البدء احترامي للمتداخلين هنا خاصة الأخ العزيز عمر

    وبرغم انطباع البعض أو رأيهم أو إحساسهم السالب في هذا المكان تجاه صوت وأداء شروق

    إلا أنني حقيقة أطرب لصوتها في كل الأحوال، بمؤثرات وبدون مؤثرات،

    وعند كل الظروف والمواقف كما يفعل الكثيرون غيري ممن يؤمنون ويقتنعون بصوت وقدرات وملكات شروق..

    وبرغم الظروف الصعبة التي غنت فيها شروق والتي أنا على يقين كامل بأن الموصلي احسها بقريحته

    فأنا أرى أنه أجمل صوت نسائي أستمعت اليه

    وأرى ان مثل هذا النقد لا يمثل سوى أراء وانطباعات تخص أصحابها

    ولا يقلل من روعة شروق وجمال ابداعها


    كما أن رأيي فيها هو أيضاً رأي شخصي لكنه راسخ وثابت لا تغيره انطباعات و تبدله أحاسيس متفرقة

    ومعلوم أنه لولا اختلاف الأذواق لبارت السلع..


    شروق صوت جميل بشهادات كثيرة أخرى عادية ومتخصصة.. سودانية وعالمية

    ومن أجمل الأصوات بحق وحقيقة

    وان رأى البعض غير ذلك فهذا من حقهم

    لكنني أتمنى عموماً أن نشجع المواهب وأن ندع الأشجار تنمو وأن نبتعد عن تثبيط الهمم

    وأن نتجنب العبارات الجارحة عند توجيه النقد أو عند التعبير عن إحساسنا تجاه الأشياء

    ومها يكن فكل حر في طريقته، لكن ما يهمنا هنا أن نبحث عن الصالح وأن نترفع عن الطالح

    وعلى كل كذلك، ستظل شمس شروق ساطعة فينا دون شك

    وسنظل نحبها وندعمها ونتطلع عبرها لأعلى قمم الفن

    بإذنه تعالى

    ولك المجد والشموخ يا مطربة الزمن الجميل


    ولك المحبة كلها يا شروق

    فأنت جميلة ورائعة

    حتى في أقصى حالات الضيق

    ولك وردة وأنت بستان فرح


                   |Articles |News |مقالات |بيانات

29-05-2007, 06:57 PM

محمد الامين احمد
<aمحمد الامين احمد
تاريخ التسجيل: 28-08-2004
مجموع المشاركات: 5113

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    سحب لـ حاجة فى نفس يعقوب!

    و لكن برضو اتفق مع عمر الفاروق فى الرآى

    (عدل بواسطة محمد الامين احمد on 29-05-2007, 07:34 PM)

                   |Articles |News |مقالات |بيانات

29-05-2007, 07:30 PM

Dr. Moiz Bakhiet
<aDr. Moiz Bakhiet
تاريخ التسجيل: 20-05-2004
مجموع المشاركات: 9001

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: محمد الامين احمد)

    أخي عمر،

    حقيقي شروق غنت في ظروف نفسية جداً صعبة

    وقد شاركت فقط تكريماً لعكس الريح

    كما أن الخلل الفني المتمثل في أن صوت الفرقة المصاحبة انتقل للكاميرا عبر الهواء من مايك شروق وليس من الساوند وصوت شروق انتقل للكاميرا مباشرة مما سبب خللا في الصوت وفرق بين صوتها والموسيقى المصاحبة جعل المستمع يحس بأن هناك نشاز بين صوت شروق والموسبقى


    هذا فقط للتوضيح لمن يود أن يعرف الظروف التي صاحبت الحفل وهو توضيح لا يغير النفوس المتحفزة لكن من الواجب تبيانه

    هذا الخلل كان أكثر وضوحاً في أغنيات حمزة سليمان والتي تم سحبها لذلك السبب

    ولو تم بثها لأدرك الجميع أن شروق قد ظلمت كثيراً عبر هذا البث

    ولو استمعت يا عمر للحفل لايف للاحظت الفرق بكل تأكيد
                   |Articles |News |مقالات |بيانات

29-05-2007, 08:06 PM

محمد الامين احمد
<aمحمد الامين احمد
تاريخ التسجيل: 28-08-2004
مجموع المشاركات: 5113

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    ا








    الحكم للجمهور ،

    مصدر الفيديو هنا >>>>>>>> Click

                   |Articles |News |مقالات |بيانات

29-05-2007, 08:23 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: محمد الامين احمد)

    أطلب منك سحب هذا العمل وأكون شاكرا
    لقد وقعنا كثيرا في مثل هذه الاخطاء أن ذلك تم بحسن نيه بل أعتقد جازما انها الحقيقة

    (عدل بواسطة Elmosley on 29-05-2007, 09:41 PM)

                   |Articles |News |مقالات |بيانات

29-05-2007, 08:27 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Elmosley)

    ابقوا عشره على فنانيكم الجدد
    شدوا من أذرهم ساعدوهم/هن

    (عدل بواسطة Elmosley on 29-05-2007, 09:45 PM)

                   |Articles |News |مقالات |بيانات

29-05-2007, 08:24 PM

شهاب الفاتح عثمان
<aشهاب الفاتح عثمان
تاريخ التسجيل: 28-08-2006
مجموع المشاركات: 11922

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: محمد الامين احمد)

    Quote: Çوالله انا كورتي سمحة وما بقع جوز بالعكس يا عمك حركات المان وتزحلق في النجيلة
    ونشيل الكورة من الخصم من غير أي فاول ..


    يعني عبدالحميد السعودي لاعب المريخ عديل....

    ايا عمر نحترم رايك تماما لكن ندعوك للوسطيه ,
    ونحترم شجاعه البروف و الموصلي في الرد .

    و حباب المتداخلين .
                   |Articles |News |مقالات |بيانات

29-05-2007, 08:50 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: شهاب الفاتح عثمان)

    استاذنا الموصلي

    المعزرة

    لكن بالغت

    السهرة دي عرضت في قناة فضائية

    فكيف تطالب بان الناس تتجاهلها وكانها لم تكن

    وشروق ابو الناس مطربة دخلت ساحة الغناء السوداني

    فكيف عاوز تحرم الجمهور من تقيمها سلبا او ايجابا


    الجمهور بقيم الفنان من المحصلة ما بين افضل حالاته واسوءها


    فخلينا نقول كما تفضلت دي حالة سيئة لشروق بسبب ظروف خارجية

    يلا يدكم معاها وامرقوا لينا منها حالة جيدة في ظل ظروف سيئة

    ونحن كجمهور بعد داك بنقرر


    لكن تحجبوا مننا السيئ خصوصا انه كان معروض في قناة فضائية
    وتدونا الكويس والمنقح

    ده بسميه صناعة الفن موش الفن


    بعدين يا استاذنا الفنان الجد جد بغني بالكبريته

    ولا كيف
                   |Articles |News |مقالات |بيانات

29-05-2007, 08:59 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: وليد محمد المبارك)

    ياوليد
    الناس بتمرق الجميل العندها ما السيئ
    أظنك فهمتني
    توجد عشرات التسجيلات الرائعه لها لماذا نبشع بها
    ووالله أنا عندي تسجيلات لي ولي عمالققة في حفلات في غاية السؤ
    لكن نقول شنو هل يجب أن ننشر ماينفر منا الناس ام مايحبب
    وحتى تلك القناة التي بثت ذلك العمل عليها يقع اللوم الاول
                   |Articles |News |مقالات |بيانات

29-05-2007, 09:10 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Elmosley)

    كلامك سليم يا استاذنا

    لو كان التسجيل ما مرق للعامة في قناة فضائية

    لكنه مرق للجمهور وبصورة سليمة


    اذن مفروض بعد الناس مفروض عليها تقول رايها وبصراحة

    ومرفوض انتم تتداركوا هذا الخطاء بشئ جديد ومقنع
                   |Articles |News |مقالات |بيانات

29-05-2007, 09:20 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: وليد محمد المبارك)

    أتفق معك ياوليد
    لذا اريد منك أن تعرف هذه الحقيقة
    وهي أن معظم التسجيلات السودانية ولعشرات السنوات
    كانت ترفض خارج السودان ليس بسبب عدم جودة العمل الفني
    ولكن بسبب عدم جودة التسجيل والكوالتي (هندسيا)
    ويبدو أننا سنستمر هكذا الى أن يقضي الله أمرا كان مفعولا
    (الفنانين يتحملون جزء كبير من المسؤولية)
    ولا أستثنى نفسي وأعتبرني الملام الاول

    (عدل بواسطة Elmosley on 29-05-2007, 09:21 PM)

                   |Articles |News |مقالات |بيانات

29-05-2007, 09:32 PM

وليد محمد المبارك
<aوليد محمد المبارك
تاريخ التسجيل: 04-12-2004
مجموع المشاركات: 26313

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Elmosley)

    عليك نور يا استاذ


    مشكلتنا تقنية

    طيب ما تحلوها

    كان بي قسم متخصص
    ولا كلية متخصصة عديل كده
    في الصوت والاخراج

    يعني كلية بتاعة ملتميديا
                   |Articles |News |مقالات |بيانات

29-05-2007, 09:34 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: وليد محمد المبارك)

    أها نحن خلونا للغنا والمزيكه وانتو ياشباب ياغيور
    عليكم بالتقنية
    وكما نحن حقو ما نغلط تاني ولازم نتأكد من جودة تسجيلاتنا
                   |Articles |News |مقالات |بيانات

29-05-2007, 09:01 PM

الشفيع عوض شوشتا

تاريخ التسجيل: 24-10-2006
مجموع المشاركات: 1655

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: شهاب الفاتح عثمان)

    Quote: لذا أرجو أن لانتاجر بأي تسجيل سيئ لفنان سوداني
    وأنا الوم الذين بثوا هذا التسجيل في النت ليصبح مادة
    مستمرة للتهكم
    دون أن يعرف هؤلاء أن نوعية الاجهزة المسجل بها العمل ممكن تكون مصيبه
    ودن أن يراعوا أي ظروف
    ولا أدري ماالذي يستفيده هؤلاء من مثل هذا العمل
    لذا فأطلب منك سحب هذا العمل وأكون شاكرا


    نقطة مهمة جدا ...
    شخصيا استغربت عدم انتباههم لهذه النقطة ...
    وبنفس القدر تسجيل للاستاذ .. حمزة سليمان في نفس القناة اظن بالنادي السوداني / ابوظبي ..

    ..
    نقطة ...
    لا اخاف علي شروق من صوتها بقدر ما اخاف عليها من الاستهلاك الاعلامي المُضر..


    ...
    العافية
                   |Articles |News |مقالات |بيانات

29-05-2007, 09:10 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: الشفيع عوض شوشتا)

    أخي الشفيع
    اللوم أولا وأخيرا يقع على شروق نفسها
    في الفنانه وهي الموسيقية وهي المسؤولة أولا وأخيرا عن ذلك
    ولو كنا حريصين عليها فلن نستمر في بث العمل فقد كان لمناسبة وانتهت
                   |Articles |News |مقالات |بيانات

29-05-2007, 11:05 PM

ahmed khidir
<aahmed khidir
تاريخ التسجيل: 20-03-2003
مجموع المشاركات: 1004

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Elmosley)

    الاخ/ عمر الفاروق
    فى السنة الماضية كنت فى اجازة فى السودان , وكنت اسمع كثيرا عن الفنانه شروق ابو الناس بالاصح
    الضجه الاعلاميه ولم اتشرف بسماع صوته.
    وفى تلك الفترة ومن حسن الحظ , كان عندها جلسة استماع فى جريدة المشاهد ضمن برنامج دقيق ومنظم لعدة
    جلسات استماع وتسجيل لقناة النيل الازرق .
    وفى بداية جلسة الاستماع تحدث شعراء وملحنين عن امكانيات الفنانة شروق الفنيه.
    وحقيقة بعد جلسة الاستماع خرجت بى انطباع سئ جدا وكنت بسال نفسى ياربى الناس ديل صاااااااااااااح وانا غلطان
    وكان بجانبى اصدقاء فنانين وعازفين فسالتهم نفس السؤال يا جماعة انا غلطان وكان الجواب ما غلطان .
    والحمدلله انو اضانى لسع بى خير , افتكر الضجه الاعلاميه بشان الفنانه شروق هى السبب المباشر فى النقد الموجه اليها
    ودا الاعلام المضر .
    د. معز بخيت قال.

    Quote: كما أن الخلل الفني المتمثل في أن صوت الفرقة المصاحبة انتقل للكاميرا عبر الهواء من مايك شروق وليس من الساوند وصوت شروق انتقل للكاميرا مباشرة مما سبب خللا في الصوت وفرق بين صوتها والموسيقى المصاحبة جعل المستمع يحس بأن هناك نشاز بين صوت شروق والموسبقى

    الكلام ده غير سليم الصوت عادة بيكون مباشرة من الساوند ( الاوت) الى جهاز المونتاج فى حالة التصوير بى اكتر من كاميرا, واذا كان التصوير بى كاميرا واحده يتم توصيل الصوت مباشرة من الساوند (الاوت) الى الكاميرا.
    وفى كل الحالات كل مايكات الفرقه المصاحبه توصل فى الساوند (ان) بما فيها مايك المغنى .
    وكما قلت صوت شروق انتقل مباشرة الى الكاميرا دا معناه خلل فنى واضح مابقع فيهو هاوى تصوير .
    واخيرا تمنياتى للفنانه شروق بى كل النجاح والتقدم والبعد اذا امكن من هذا الاعلام المكثف والنتيجه ذى ما شفنا اضر اكتر من ما افاد.

    احمــد خضــر
                   |Articles |News |مقالات |بيانات

30-05-2007, 00:51 AM

Dr. Moiz Bakhiet
<aDr. Moiz Bakhiet
تاريخ التسجيل: 20-05-2004
مجموع المشاركات: 9001

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: ahmed khidir)


    ahmed khidir

    Quote: الكلام ده غير سليم الصوت عادة بيكون مباشرة من الساوند ( الاوت) الى جهاز المونتاج فى حالة التصوير بى اكتر من كاميرا, واذا كان التصوير بى كاميرا واحده يتم توصيل الصوت مباشرة من الساوند (الاوت) الى الكاميرا.

    الحبيب احمد خضر
    صدقني الكلام سليم 100%

    وماعرفو يوصلوا من الساوند وما كان في مهندس صوت من أساسو
                   |Articles |News |مقالات |بيانات

29-05-2007, 11:05 PM

Sudnawi


للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Elmosley)

    Terrible

    بغض النظر عن اي مبررات، السهره دي ماlive يعني بعد التسجيل كان ممكن العمل يتراجع و يتسحب زي ما اعمال حمزه إتسحبت( لسوء الصوت). موسيقي رديئه، اداء اقل من متواضع، و حضور بائس علي المسرح. عاصم آلطيب مره قال "في فرق بين الغناء و الضوضاء". من المؤكد انه دي كانت ضوضاء...
                   |Articles |News |مقالات |بيانات

30-05-2007, 00:52 AM

Dr. Moiz Bakhiet
<aDr. Moiz Bakhiet
تاريخ التسجيل: 20-05-2004
مجموع المشاركات: 9001

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Sudnawi)
                   |Articles |News |مقالات |بيانات

30-05-2007, 01:25 AM

Hisham Amin
<aHisham Amin
تاريخ التسجيل: 08-12-2003
مجموع المشاركات: 6067

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    000000000000
    فى بلادنا تلعب علاقات الصداقة و المجاملات الاجتماعية دورا كبيرا فى تقببم مواهب و امكانيات الاخرين

    يحصل هذا حتى فى امتحانات الدرجات العليا فى اكثر الكليات حساسية ناهيك عن اداء مغنواتية!


    واضف عليها وفى بلاد الغربة ايضا ياعزيزى

    استمعت لغناء شروق فى اليوتوب واستمعت اليها هنا وبصراحة وفى المرتين لم ارى او اسمع اى فن

    شرق امامها الكثير جدا جدا لتصبح فنانة 0

    000000000000000000000000000

    ( ماكل زول\ة حلو\ة ولا شكلة يسر الناظرين يبقوا غنايين والفضائيات امامكم)


    اتمنى لها التوفيق بصراحة فى مجال اخر


    تحياتى


    هشام امين
                   |Articles |News |مقالات |بيانات

30-05-2007, 02:38 AM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Hisham Amin)

    00000000000
    في بلادنا نظام سياسي هالك ومتهالك
    هو الذي غير ثقافة السماع
    وقلب الفنانين الي مداح
    وراجت تجارة الاجترار الفني

    oooooooooooooooo

    هاجر الموسيقى صناعها الحقيقيون
    ومازال الابداع ينتظر رصاصة الرحمة
    0000000000000
                   |Articles |News |مقالات |بيانات

30-05-2007, 02:15 AM

Moawia Mohammed
<aMoawia Mohammed
تاريخ التسجيل: 24-10-2006
مجموع المشاركات: 3675

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    قال أستاذنا الموصلي في ثلاثه مداخلات مختلفة

    Quote: ووالله أنا عندي تسجيلات لي ولي عمالققة في حفلات في غاية السؤ
    لكن نقول شنو هل يجب أن ننشر ماينفر منا الناس ام مايحبب
    وحتى تلك القناة التي بثت ذلك العمل عليها يقع اللوم الاول


    Quote: (الفنانين يتحملون جزء كبير من المسؤولية)
    ولا أستثنى نفسي وأعتبرني الملام الاول


    Quote: اللوم أولا وأخيرا يقع على شروق نفسها
    في الفنانه وهي الموسيقية وهي المسؤولة أولا وأخيرا عن ذلك
    ولو كنا حريصين عليها فلن نستمر في بث العمل فقد كان لمناسبة وانتهت


    هسه نخت اللوم أولا علي منو يا أستاذ؟
                   |Articles |News |مقالات |بيانات

30-05-2007, 02:33 AM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Moawia Mohammed)

    بعد شروق آخت اللوم
    علي التسجيل
    وآخيرا آخت علي نفسي
    آها سمعت الاغنيه دي
                   |Articles |News |مقالات |بيانات

30-05-2007, 03:09 PM

Moawia Mohammed
<aMoawia Mohammed
تاريخ التسجيل: 24-10-2006
مجموع المشاركات: 3675

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Elmosley)

    أستاذنا الموصلي
    السلام يغشاك

    Quote: آها سمعت الاغنيه دي

    دا كلامك يا أستاذ
    رائعة الجابري
    أخت اللوم علي نفسي
    وكان ما أخاف الكضب شاعرها زميلك بمدينة مونتيري
    الدكتور عبد الرحيم عبد الحليم
    شكرا علي سعة صدرك وسماحتك
    معاويه
    الصحافه مربع 24
                   |Articles |News |مقالات |بيانات

30-05-2007, 02:27 AM

Dr. Moiz Bakhiet
<aDr. Moiz Bakhiet
تاريخ التسجيل: 20-05-2004
مجموع المشاركات: 9001

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)





                   |Articles |News |مقالات |بيانات

30-05-2007, 06:14 AM

الخير محمد عوض
<aالخير محمد عوض
تاريخ التسجيل: 25-10-2005
مجموع المشاركات: 3547

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Dr. Moiz Bakhiet)

    الاخ عمـر

    تحـياتي

    لـم يطربني يومـا صـوت شـروق رغم محـاولاتي المتكـررة لاقناع
    نفسـي بغير ذلك وما كانت محـاولاتي هـذه الا لثقتي في مقدرات
    الاسـتاذ الموصـلي التقيمية والحس الادبي المتميز للبروف معـز.

    كامل احترامي لك ولضيوفك الكرام.
                   |Articles |News |مقالات |بيانات

30-05-2007, 06:39 AM

إسماعيل وراق
<aإسماعيل وراق
تاريخ التسجيل: 04-05-2003
مجموع المشاركات: 9386

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: الخير محمد عوض)

    الإعلام .. الإعلام.. هو مشكلة شروق أبو الناس .. والجرعات الإعلامية الزائدة عن حدها لم تتحملها أذن المستمع (عامل الصدمة) خاصة لفنانة مبتدئة تتلمس مشوارها في وسط ليس بالساهل..
    ما يحيرني.. هل شروق فنانة أم مؤدية؟؟
    البروف معز صاحب حرف مموسق
    الموسيقار موصلي مدرسة متفردة.. عليهما تقديم النصح لشروق دون عاطفة خاصة البروف معز..
    مودتي.،
                   |Articles |News |مقالات |بيانات

30-05-2007, 06:43 AM

ترهاقا

تاريخ التسجيل: 04-07-2003
مجموع المشاركات: 5006

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: الخير محمد عوض)

    عزيزى عمر

    ما تتخيل انا متكيف من طريقة نقدك كيف ، لكن اقول ليك الفنانة اللى غنت الاغنية اللى بسمعها حسع دى
    أثبتت إنها ليها قدرة فائقة فى الاداء لانو تنفيذ نوع الغنا ده صعب لى حد بعيد فيا جماعة ادوها صنه
    ولو جات مشكلة حيكون بعدها من الموسيقيين والاغنية الاخيرة دى اثبتت إمكانياتها العالية فى الاداء

    يمكن الاغنية صعبة حتى على بعض الدارسات للصوت والصولفيج ، فاسمعوها فى اعمالها الخاصة لانو يبدو لى هى
    ما قادرة تختار تقلد لى منو ، وهذا يدل على عدم إقتناعها بالغنا الموجود فى الساحة وبتحاول تعتمد على أغنياتها
    الخاصة وهذه محمدة ما بعدها محمدة، وبس اعمل مقارنة بسيطة بالغنية الاخيرة دى وأغانى ناس هاجر كباشى وندى القلعة وهلمجر
    فرق السما وا يا عمر ، وزى ما سمعت ليها فى الحلقة اللى ما عجبتك دى حقو تسمع ليها الاغنية الاخيرة بتمعن حتلقى الموضوع
    فعلا فيه شيء جديد والذى يصعب استساغته من الوهلة الاولى - وأرقد عافية زى ما بيقول صديقى ابو جهينة

    وجاييك راجع تانى - ودمت
                   |Articles |News |مقالات |بيانات

30-05-2007, 07:08 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    قبل ما أرد على المتداخلين عايز أنبه البروف لي نقطة صغيرونة كده ..
    من كلامك وتبريرك لشروق فهمنا إنو شروق جاءت للحفل في ظروف نفسية صعبة جداً أنت أعلم بها وانا أقول يا بروف المظهر الذي ظهرت به شروق على المسرح لا يوحي بأي ظروف نفسية صعبة فشخص يلبس بهذه الأناقة ويصبر أطول فترة ممكنة لوضع المساحيق وإختيار أفضل التسريحات للظهور بالمظهر الشكلي الحسن لا أعتقد بأنه يمر بظروف نفسية صعبة ..
    ولو ظهرت لنا شروق بائسة الوجه منكوشة الشعر حينها فقط كنت وجدت لها العذر في الظروف النفسية ..
    على الفنان في المقام الأول أن يهتم بالصوت ومظهر الصوت وفي المقام الثاني المظهر الشكلي فهو بكل تأكيد مكمل ..
    وطالما أن شروق لم تجازف بشكلها وبذلت له كل وقتها فكان من الأجدى أن لا تجازف بصوتها

    تحياتي..
                   |Articles |News |مقالات |بيانات

30-05-2007, 08:14 AM

shammashi
<ashammashi
تاريخ التسجيل: 10-03-2002
مجموع المشاركات: 2278

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    Quote: ويصبر أطول فترة ممكنة لوضع المساحيق وإختيار أفضل التسريحات للظهور بالمظهر الشكلي الحسن لا أعتقد بأنه يمر بظروف نفسية صعبة ..
    ولو ظهرت لنا شروق بائسة الوجه منكوشة الشعر حينها فقط كنت وجدت لها العذر في الظروف النفسية ..


    يا موصلي ومعز

    علي الطلاق عمر الخازوق دا لو ماوريتوهو اسم الكوافير القاعدة تتمكيج فيهو شروق دي. أصلو ما حيتفك من رقبتكم.
    وعشان تعرفو كلامي صاح وللا غلط واحد فيكم اليرسل لبهو اسم الكوافير بالماسنجر.
    تاني كان جاب خبركم وللا خبرا أقطع ضراعي وأحلق شنبي بي جنبة.

    إنتو ملحوسين وللا شنو؟؟؟
    شفتوا ليكم كوز بيعرف غناء وللا عندو أحاسيس غناء؟؟؟
    بعدين واحد فيكم ما سأل نفسوا السؤال دا.
    ماهي خلفيتو الفنية عشان ينتقد نقد سالب أو موجب.
    دا زول بتاع ناس حواء جردل وحمادة بت.
    والله شروق دي (مع إني لا اسي ما سمعتها) تغني زي ناس راجل المرا حلو
    وناس شل شل كب لي جالون
    يمين الله زولكم دا يطلعا ليكم أم كلثوم عديل.
    ياناس كان عندكم شغلة أمشوا شوفوها
    .
                   |Articles |News |مقالات |بيانات

30-05-2007, 08:50 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    حبيبنا سمو:
    Quote: هناك شيئ مفقود فيها .. شئ ينقصها ..ولا ادري ماهو ..

    الموهبة هي الشئ المفقود يا سمو ..
    وزي ما قرينا زمان في كتاب الاناشيد:
    يصنع الصانعون ورداً ولكن وردة الروض لا تضارع شكلا
    ولا شنو كده ما عارف..

    الأخ الفاتح خليل :
    والله انا الصدفة واحدة خلتني الحق الحلقة واستوقفني فجأة شكل مألوف في التلفزيون وهو وجه الأخ الحبيب عاطف واستهوتني كلماته فواصلت في البرنامج ورب< صدفة لم تلده أمك :D ظهرت شروق..
    تحياتي..

    ابقوتة القنبلة الإتفجرت:
    Quote: بجد كدا اول مرة اسمعها واول مرة اشوف زول يغنى بالطريقة دى

    طيب رايك شنو في الزول اللي دي المرة الخامسة ليهو يسمعها والحال في حالو بل أسوأ بكل أسف..

    الأخ عوض:
    Quote: فى بلادنا تلعب علاقات الصداقة و المجاملات الاجتماعية دورا كبيرا فى تقببم مواهب و امكانيات الاخرين

    يكفي أنهم أهملوا البت حرم في نجوم الغد..

    نجوان:
    Quote: شروق وبروق.. كلّه زوبعة في فنجان..

    ياخ الجملة دي أوحت لي بي قصيدة أتمنى من البروف معز يواصل فيها
    شروق وبروق زوبعة فنجان..
    ضجة ما بتروق حدّها الإدمان..
    شلّت الطايوق زادت الغثيان..
                   |Articles |News |مقالات |بيانات

30-05-2007, 09:27 AM

عوض محمد احمد

تاريخ التسجيل: 12-12-2005
مجموع المشاركات: 5489

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    الاخت نجوان
    Quote: بس الفنون جديرة بالإحترام... وهي أيضا علوم يا دكتور



    تحياتى
    ملاحظتك صحيحة تماما و لا ادرى لم انزلق قلمى لوصف فنان مهما كان رائ فى ادائه بهذه الكلمة


    يجب ايلاء بعض الاهتمام لتوضيحات الموصلى و البروف بخصوص ملابسات الحلقة

    لكن ما هو رائ من استمعوا للكاسيت الذى يبدو انه موجود حاليا السوق؟
                   |Articles |News |مقالات |بيانات

30-05-2007, 12:32 PM

samo
<asamo
تاريخ التسجيل: 04-09-2002
مجموع المشاركات: 862

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    Quote: ولك المجد والشموخ يا مطربة الزمن الجميل



    لا يااااااااااااااخ ....
                   |Articles |News |مقالات |بيانات

30-05-2007, 01:10 PM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 11151

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    Quote: بعدين يا استاذنا الفنان الجد جد بغني بالكبريته

    ولا كيف

    إنت صاح يا وليد
    روى ذاكرة الفن المرحوم الفريق إبراهيم أحمد عبد الكريم في إحدى سهراته أن الفنان الكبير المرحوم عبد العزيز محمد داوود قد ذهب يوماً لأحد البنوك لصرف شيك مصرفي باسمه وعندما طلب منه المحاسب تقديم المستند الثبوتي المتعارف عليه ( بطاقة ، رخصة، جواز .... ) أجاب الفنان الكبير أنه لا يحمل أى من هذه المستندات . فرد عليه المحاسب في هذه الحالة لن أستطيع صرف الشيك لك ( وأنا أعرف كيف إنك إنت عبد العزيز محمد داود ؟؟ ) هنا تبسم الفنان الكبير وأجاب ( بسيطة هسع بوريك ) واستعدل وقفته على الكاونتر الحاجز بينهما وبدأ ( ينقرش ) عليه ويشدو بصوته المميز ذاك
    رشقتني عيونو سحرتني عيونو
    وبقيت مجنونو من أول نظرة
    هي أول نظرة ولم آخذ حذره

    وفي دقائق ترك كل مراجعي البنك صفوفهم وكل الموظفين أماكنهم وجاؤوا لحيث كان الأستاذ الكبير ( يبشرون ) ويصفقون . أحضرت هذه الضجة والضوضاء مدير الفرع مستفسراً
    فأجابه أبو داود بروحه الجميلة
    - أبداً يا أستاذ مافي حاجة أصلي كنت ( بورِي ) الأخ دا ( بطاقتي الشخصية ) .

    الفاروق عمر
    قريباً أو بعيداً عن شروق وموهبتها . أصدقك القول إنني في مرات كثيرة أتمنى لو ( أكونك ) من حيث الصدق مع النفس ،وطرح ما تؤمن به دون مواربة ودون إهتمام لردود الفعل المتوقعة ( ومعظمها ذات زوابع ) . فكثير مما تطرحه يجول في خواطر وأفئدة الكثيرين وقريباً من ( كيبورداتهم ) يحول بينهم وبين طرحه ( حسابات ) شتى .

    سعيد حقاً أنا بمعرفتك وبصداقتك.
                   |Articles |News |مقالات |بيانات

30-05-2007, 02:00 PM

احمد معتصم الطيب
<aاحمد معتصم الطيب
تاريخ التسجيل: 27-04-2005
مجموع المشاركات: 2103

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عاطف عمر)

    الأخ عمر الفاروق

    تسلم يا زوول يا صريييييييح ودغرى..
    الزولة دى لابتعرف تغني ولايحزنون ولو
    حنبكو الملمعون المصرين على فنها
    وبنقول ليهم معليش يا شباب... ليس كل
    ما يلمع ذهب.
    والحقيقة موجعة بعض الشئ وقد قالها
    د. سجيمان الــفنـانـة الطلعت زيتنا
    وزيتكم.. و زيت الغناء زاتـــو...
    وقـد فعلت
                   |Articles |News |مقالات |بيانات

30-05-2007, 04:06 PM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: احمد معتصم الطيب)

    غايتو أنا رأيي أنو الزولة دي ما بتعرف تغني .. لو الفرص اللقتها و التلميع الإتعمل ليها دا كان لقت ربعو البت المسكينة ( حرم ) بتاعت نجوم الغد ديك هسع كان كسبنا لينا فنانة صحي صحي .. مش فنانة غصباً عن عين أبو أهلنا ذاتو ..

    (عدل بواسطة عصام دهب on 30-05-2007, 04:10 PM)

                   |Articles |News |مقالات |بيانات

30-05-2007, 04:29 PM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عصام دهب)

    Quote: شروق صوتها حلو ....لكن مكياجها فظيع

    حقيقي مكياج بلدي جدا وازايائها ايضا

    فهي عامله خليجيه اكثر من الخليجين انفسهم

    يميل ذوقها للزركشه بشكل سوقي غير محبب اطلاقا.

    هذا زمن السهل الممتنع المظهر البسيط

    والمكياج المتقن يبين الانسانه وكأنها لا تضع مكياجا.

    من حقها طبعا لبس ملابس سهرات...ومن حقها طبعا الكثير من الفخامه

    لكن حقيقي قاعده تضبط الامور بشكل عجيب.

    مثال:

    لبستها الجاكت الاحمر وفستانها الاسود تحته!!

    يعني يستحيل ان تجد شخصا يلبس بهذه الطريقه

    فكونها لبست جاكت معنها تميل للرسميه,يبقى تحتها اللبس لازم يكون ساده بلا تطريز او زركشه.

    لكن نجدها لابسه فستان اسود مطرز بسكسك اسود او ما يعرف عربيا بالخرز!!

    بينما لو لبسته فستان اسود فقط وباكمام لو اصلها عايزه الاكمام ومطرز بخرزها

    هذا الذي يبدو بانها تحبه وتحرص عليه.

    او تلبس فستان احمر ومطرز برضوا...اما جاكت...وغناء...دي زاتها في عالم الغناء ماجايه


    تراجي في لحظة تجلي
                   |Articles |News |مقالات |بيانات

30-05-2007, 05:10 PM

Siham Elmugammar
<aSiham Elmugammar
تاريخ التسجيل: 18-06-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عصام دهب)

    Quote: مش فنانة غصباً عن عين أبو أهلنا ذاتو ..

    صدق انو فى واحده من مناسبات الزواج حقتنا شروق دى غنت غصبا عننا .. لدرجة انو جماعتنا اضطرو انو يسمعوهو ليها فى اضانها بعد ان استولت على المسرح و ابت تنزل عديل كده.. و نحن كان عندنا فنان (حكر) عديل كده و هو الجيلى الشيخ زمن كان بيجضم غنى وردى..
    قصدت اقول ان الغنا غصبا هو المشروع الاساسى لشروق وليس الفن.. لانو الحكايه دى حصلت 1999 و ماشايفه ليهو حتة نمو و احده.. الا رحمنا الله من المتسلبطين و المتسلبطات .. يعنى يا د.معز و الفنان موصللى مع احترامى لزوقكم.. اكان الجماعه الشامين شروق ديل كلهم قررو يدوهو فرصه انا ما بقدر لانو افتكر 8 سنين كفايه جدا بالنسبه لى.. يعنى يا موصللى يا اخوى انا مثلا عندى شريط للعملاق احمد المصطفى (بالمناسبه هو الفنان المفضل لابنى ذو الاربع سنوات..تصدق!!!) المهم فى حته كده واضح انو زمنو فرق.. منو مقبوله الراجل فنان فنان فنان.. اقول كسر الثانيه الفلت ده يمكن نطه عشان فى نمله قرصته اهااا شروق دي اتخيل لى قارصه فيل..
    عفوا لازلت احترم رأيكم..(لكننى سأطلب منكم كما طلبت منا من قبل)بل انى استجديكم وقفو نموها رحمكم الله

    (عدل بواسطة Siham Elmugammar on 30-05-2007, 05:14 PM)

                   |Articles |News |مقالات |بيانات

30-05-2007, 04:30 PM

Ahmed Alrayah

تاريخ التسجيل: 21-07-2002
مجموع المشاركات: 6684

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    عموما الآراء في صوت فنان تتباين، لكن في حالة شروق في آراء
    [متطرفة] إن جاز التعبير! في ناس بيقولوا إنو الزولة دى لا
    بتعرف تغني ولايحزنون، وفي ناس بيقولوا إنها مطربة الزمن الجميل
    -عديل كده-!

    حاجة من اتنين:

    إما يكون في ناس حاسدينها أو حاسدين الناس الوراها،
    أو يكون في ناس بيجاملوها أو بيجاملو الناس الوراها،

    موضوع الحسادة ده ما وارد، لكن المجاملة دي واردة جدا جدا.

    على أي حال: رأيي إنو الزولة دى لابتعرف تغني ولايحزنون.
    _____________________

    وعشان ما نظلم زول يمكن -فعلا- في ناس عاجبهم صوتها... وديل بقول
    ليهم بالغتو!
    رحم الله أبي داؤود ونتمنى لعافية كل العافية.
                   |Articles |News |مقالات |بيانات

30-05-2007, 04:36 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Ahmed Alrayah)

    Quote: على أي حال: رأيي إنو الزولة دى لابتعرف تغني ولايحزنون.B]

    بما انك زول مثقف يا أحمد الحكم على الفن مافيهو إطلاق
    هل تتفق معي؟؟؟
                   |Articles |News |مقالات |بيانات

30-05-2007, 04:48 PM

Ahmed Alrayah

تاريخ التسجيل: 21-07-2002
مجموع المشاركات: 6684

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    Quote: الحكم على الفن ما فيهو إطلاق

    بس يا أستاذ [تطرف] الآراء حول شروق بين المدح والقدح
    أمر لافت للنظر.

    أنا طبعا ما متخصص. لكن بقدر أميز صوت الفنان الجميل
    وهل الفنان ده عندو ملكات ولا ما عندو...

    عشان كده صوت عبد الوهاب الصادق بدون [مساحيق]
    موسيقية صوت تسرب لوجداني وأنا أسمعه يغني "ست
    الريد" و"آن حـمامـي". أما شروق فقد بالغت عديل كده
    في التسجيل الفوق ده!!
                   |Articles |News |مقالات |بيانات

30-05-2007, 06:01 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Ahmed Alrayah)

    Quote: بس يا أستاذ [تطرف] الآراء حول شروق بين المدح والقدح
    أمر لافت للنظر]


    اذن انا منتظر تصنيفك لقولك انو شروق مابتعرف تغني

    ======
    أنا في نظري وبغير تطرف أن رأي عمر الفاروق أخف ميتين مره من رأيك
                   |Articles |News |مقالات |بيانات

30-05-2007, 05:37 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    الموسيقار الموصلي:
    غايتو أول مداخلة ليك دي أدتني إحساس إنك كنت بتكتب فيها وصارّي وشك وأخدت شهيق وزفير وقلت ده شنو الزول البقا عايز يعمل لينا من الحبة قبة وكل يوم ناطي لينا بي شروق شروق
    عن نفسي لا أجد أنني قسوت على شروق ولم أخرج عن الخط المألوف في نقدي لها وإصراري على ما أقول..
    وحتى نكون صريحين يا موصلي ففي الوقت الراهن يجب أن يمثل هذا الصراع حول شروق صراع تحدّي خصوصاً وهو عن فنان والمراهنة على الفنانين شئ وارد وكل من يراهن وهو واثق يقبل التحدي ..
    وانتم في بداية طريقكم إرتضيتم هذا التحدي وراهنتم عليه فكان يجب علينا تذكيركم بل دعني أقول وبكل صراحة ترصدكم (في هذه النقطة تحديدا) ..
    هي ليست معركة مكسب وخسارة بقدر ما هي معركة رأي وإقناع ..
    ولو قدمت شروق اعمال مقنعة لكان البروف معز كتب وكسبنا الرهان مثلاً ولكن لأن شروق تواصل في الإنحدار بسرعة تكاد تكون أكبر من السرعة التي حوال الإعلام أن يصعدها بها نحو القمة ..

    Quote: وانت ياعمر بتغني ومفروض تكون فاهم الحاجات دي

    يا استاذ ياخ انا ما فنان ولا حاجة وديك كانت زمان ايام الدورة المدرسية وكده ..
    وفارقنا الدرب لكن بندندن ساي (عشان لو يوم سمعتني بي الغلط في لمة بورداب ما تجي تشيل حسي ) ..
                   |Articles |News |مقالات |بيانات

30-05-2007, 05:58 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    Quote: يا استاذ ياخ انا ما فنان ولا حاجة وديك كانت زمان ايام الدورة المدرسية وكده ..
    وفارقنا الدرب لكن بندندن ساي (عشان لو يوم سمعتني بي الغلط في لمة بورداب ما تجي تشيل حسي ) ..

    والله في الحقيقه في الاول زعلت منك
    وكان لقيتك قدامي كان جضمتك
    لكن بعد سماعي للتسجيل زعلت من شروق وليها
    لاننا كلنا بنقع في مثل هذه الاخطاء وانت ذاتك نزلت لي
    تسجيل من حفله لا ادري من أعطي نفسه الحق بتسجيله
    ولا أدري ما الذي اعطاه الحق في أن يسمح لك ببثه
    تسجيل أنا ذاتي قرفت منو
    بس الزول الكان بيغني ولو دندنه بيعرف مرات ممكن صوتو يخستك
    مرات لظروف الناس ماعرفنها
    لكن كمان الناس عليها بالسامعاهو عشان كده مسؤولية الفنان أكبر ولازم
    يتأكد حتى من التسجيلات الفي الاستديو ماتطلع الا بموافقته
    لانه بعد الموافقة لاعذر
    لا لوم ولا تثريب عليك
    غير انك مركز شديد على فنان واحد
                   |Articles |News |مقالات |بيانات

30-05-2007, 06:18 PM

Ahmed Alrayah

تاريخ التسجيل: 21-07-2002
مجموع المشاركات: 6684

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    Quote: انا منتظر تصنيفك لقولك انو شروق مابتعرف تغني

    رأيي برضو متطرف يا أستاذ! وده تدعيم لي كلامي الفوق.
    وبالمناسبة الرأي ده copy-paste من تعليق أحد الزملاء
    في هذا المقال ولقيتو بيوافق قناعتي بعد سماع شروق كثيرا.

    الأخت سهام المجمر أضافت أن مشروع [صناعة] شروق بدأ منذ
    عام 1999! ودي معلومة جديدة "علي" ومهمة برضو لأنو بعد
    ده الكلام عن إنها مفروض تاخد فرصتها كلام مردود لحد كبير.

    أكرر: أنا ما متخصص لكن الأصوات الأفضل من صوت شروق كتيرة
    جدا. تصدق يا أستاذ: أي زول سمع معاي شروق قال إنو صوتها
    عادي جدا!
                   |Articles |News |مقالات |بيانات

30-05-2007, 06:53 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Ahmed Alrayah)

    أحمد الريح عادي جدا بتختلف من مابتعرف تغني
    مش كده لانو مابتعرف تغني دايره ليها مسببات علميه تتقال وماتتنزل ساكت كده
    أهو اتصلح شويه
    وانا كمان كتير سمعو معاي شروق ومبسوطين جدا منها
                   |Articles |News |مقالات |بيانات

30-05-2007, 07:04 PM

omergoda
<aomergoda
تاريخ التسجيل: 19-10-2002
مجموع المشاركات: 263

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    اخونا الاستاذالشامخ يوسف الموصلى لك التحيه والاشواق

    بتقول للاخوان شجعو الفن بكل اسف شديد مافى اى نوع فن فى شروق ولا صوت ولا اداء ولا انسجام مع الموسيقه مهجومه امام المكرفون هذا هو الفن الفن اداء صوت انت سيد العارفين ولكم امه من الفنانين تحت يدكم تقول شروق فنانه الحفل جميل ومرتب وراقى بس شروق واقسم بلله ماهى فنانه
                   |Articles |News |مقالات |بيانات

30-05-2007, 08:16 PM

محمد الامين احمد
<aمحمد الامين احمد
تاريخ التسجيل: 28-08-2004
مجموع المشاركات: 5113

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    تحية طيبة،

    الفنان يوسف الموصلى،

    يعز على ان ارفض الاستجابة لـ طلبك ، حيث ان الفيديو منقول من موقع منتديات

    عكس الريح ، الراعى الرسمى لـ شروق ابو الناس. و مصدر الفيديو هناك، و اذا هم

    حذفوه (اتومتيك) بيتحذف هنا، و لن ارفعه مره آخرى. اذا القرار فى ايديهم.

    ما لا افهمة اذا الفنان حمزة سليمان سحب اغنياتو لماذا لم تفعل شروق المثل؟

    سؤال الآخر يا استاذنا، فى الاغنية الاخيرة (الـ اووو وووو اوو) دى لزومها شنو ؟

    و من هذا المنبر و من هذا البوست ، فـ لتعيد شروق تسجيل هذة الأغنية بامكانيات

    احسن ، و تسمعنا ليها ، عشان ما تقول ظلمنها. أحسن من كده فى كلام ؟
                   |Articles |News |مقالات |بيانات

30-05-2007, 08:50 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: محمد الامين احمد)

    لا لوم عليك ياعزيزي وكن طيبا
    ورايك معتبر ومحترم ياعزيزي
                   |Articles |News |مقالات |بيانات

30-05-2007, 11:40 PM

Ahmed Alrayah

تاريخ التسجيل: 21-07-2002
مجموع المشاركات: 6684

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    Quote: أحمد الريح عادي جدا بتختلف من مابتعرف تغني
    مش كده لانو مابتعرف تغني دايره ليها مسببات علميه تتقال وماتتنزل ساكت كده
    أهو اتصلح شويه
    وانا كمان كتير سمعو معاي شروق ومبسوطين جدا منها

    بالنسبة لينا -نحن الهواة- ما بتفرق كتير [وأؤمن على دقة مقصدك
    لأنو ممكن الواحد يكون صوتو جميل لكن ما بيعرف يغني].

    يا أستاذ الحاجة البتخلينا -نحن الما عاجبنا صوت شروق- نعبر
    عن رأينا السلبي حولها إنو في جهد مبذول من شاعر وملحن
    معروفين لصناعة فنانة لا تملك القدرة على الأداء والتطريب
    بطريقة تجعل منها [مطربة الزمن الجميل]... مع إنو في أصوات
    شابة -وأصغر من شابة- نالت رضا المستمعين الذين تمنوا أن
    تتبنى هذه الأصوات أيادي خبيرة تخلق لها مناخا صالحا للإبداع
    بمدها بأشعار وألحان جيدة.

    وأخيرا: نحذر -نحن الهواة- من محاولات إرهابنا أكاديميا
                   |Articles |News |مقالات |بيانات

31-05-2007, 00:38 AM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Ahmed Alrayah)

    والله يا ابوحميد نحن اصلوا في سودانيس دي لم نستعمل عكاكيزنا الاكاديمية
    لان المنبر لعامة الناس
    وحرم كان مرقنا عكاكيزنا في ناس كان فكو البيرق زمااااااااااااااااان

    (عدل بواسطة Elmosley on 31-05-2007, 00:39 AM)

                   |Articles |News |مقالات |بيانات

31-05-2007, 06:29 PM

وضاحة
<aوضاحة
تاريخ التسجيل: 16-01-2005
مجموع المشاركات: 8916

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)



    غايتوا نظمتوها نظام

    عافية منكم

    المراة عاوزة تكسر رقيتها بالقوة تبقى فنانة

    ويا ربى الكشكوش الابسة دا نست نفسها قايلها نفسها هندية

    غايتوا محن والعيون بس الكديسة المارقة من تحت الساج

    ياخى الميك اب ما بعملوا كده لكن لما عوير


    السمح سمح لو قام من النوم
                   |Articles |News |مقالات |بيانات

01-06-2007, 10:39 AM

معتصم عيدروس
<aمعتصم عيدروس
تاريخ التسجيل: 06-12-2005
مجموع المشاركات: 514

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: وضاحة)

    لست ناقداً ولكنني مستمع عادي استمع الى غناء شروق في الحفلة المذكورة اعلاه ، وعنها كتب الاستاذ الموصلي ما يوضح فعلاً انها ليست من الفن بشئ فقد كتب
    شروق هي ضحية لدعاية ضخمة فيها روح التحدي من قبل البروف معز عمر بخيت ورد الفعل لهذه الدعاية الذي كان أعنف من الصورة التي عملت بهاالدعاية)
    والصحيح هنا ان شروق كانت صنيعة دعاية ضخمة .. وليست ضحية لها فلا صوتها ولا امكانياتها ولا تفاعلها مع ما تغنيه يوشي بانها فنانة .
    ثانياً كتب الاستاذ الموصلي:
    دعوا البروف يساعد آخرين وأخريات وهو يمتلك هذه النية السليمة بدلا عن أن نشغله في معارك انتهى زمانها
    وهنا لم تجئ الدعوة للبروف لمواصلة الوقوف بجانبها وانما الوقوف ومساعدة اخريات وهذا يدل على ان الاستاذ الموصلي ايضاً قد وصل الى نفس القناعة التي وصل اليها كثيرون وهي ان شروق ليست بالصوت الذي يمكن ان يستمر لانها لا تملك مقومات هذا الاستمرار .. واولها الموهبة
                   |Articles |News |مقالات |بيانات

01-06-2007, 10:39 AM

معتصم عيدروس
<aمعتصم عيدروس
تاريخ التسجيل: 06-12-2005
مجموع المشاركات: 514

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: وضاحة)
                   |Articles |News |مقالات |بيانات

01-06-2007, 12:06 PM

نوسة
<aنوسة
تاريخ التسجيل: 30-09-2002
مجموع المشاركات: 825

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: معتصم عيدروس)

    الأخ عمر الفاروق و الأخوة الفي بوست

    تحياتي

    نحن فعلاً لا نريد شن حملة على شروق من باب "الحسادة" و الحقد زى ما د/ معز بيكون فاكر ،،

    بس كونها إخترقت هذه الفضائيات ،، فعليها تحمل اللوم و النقد..

    الموضوع إنو شروق إتفرضت "علينا" بمن يقفون وراءها من صفوة الشعراء و الملحنين،، و أنا متأكدة مليون في المية إنهم فقط "يجاملون" د/ معز ،، و لكن الفن ليس بالمجاملات و التطنيب ،، الفن هو "القبول" من الجمهور "العادي" زينا نحن ديل ،، هو رسالة مهمة نحاول بها تواصل الأجيال ،،
    يمكن أن تنفع شروق في الأغاني المصرية و الخليجية ،، و لكنها في اللون السوداني أثبتت فشلها،، لأنو غنانا السوداني ليهو طابع خاص لا نريد تبديله و لا تغييره،، عاجبنا زي ما هو ،، لا نريد "مصرنته" و لا "تخليجه"

    و زى ما قال واحد من الأخوان

    Quote: سؤال الآخر يا استاذنا، فى الاغنية الاخيرة (الـ اووو وووو اوو) دى لزومها شنو ؟



    دة بالضبط الكنت عايزة أسالو ليها ؟؟؟

    و أنا في رأي إنو صوتها ما شين ،، بس الدعاية المعمولة ليها Way too big و دة بيضر بيها أكتر مما بيفيدها ...

    أسي حاولت أقول كلام منمق يا دكتور معز عشان ما تقول بالله نوسة دى أتاريها "كدة" ؟؟؟؟

    أتمنى من شروق إنها تسمع الكثير من الغنا السوداني ،، تسمع موش "تحفظ" ،، عشان ما نيجي تاني و نسل ليها لساناتنا

    لكم الود و العتبى إن غلطنا في حقكم
                   |Articles |News |مقالات |بيانات

02-06-2007, 06:49 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    عفريتة أول الإسبوع عشان نجيكم بي رواقة كان ربنا هوّن ..
    كووووووووووووووبببببببببببببببببببببببح..
                   |Articles |News |مقالات |بيانات

02-06-2007, 09:16 AM

عوض محمد احمد

تاريخ التسجيل: 12-12-2005
مجموع المشاركات: 5489

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    هناك احتمال شروق دى تكون فنانة فنانيين زيها و زى عبد التواب عبد اللة و العاقب محمد حسن و ابو شلة

    و فى الحالة على ناس قريعتى راحت الامتناع عن التعليق!!!!!!
                   |Articles |News |مقالات |بيانات

02-06-2007, 12:08 PM

7abib_alkul
<a7abib_alkul
تاريخ التسجيل: 05-02-2002
مجموع المشاركات: 3757

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عوض محمد احمد)

    عزرا
    دا كان مجرد حلم لكن الظاهر فيه بعض الوقائع(( تتطابق وشخصيات حقيقة))
    عشان كدا

    (عدل بواسطة 7abib_alkul on 02-06-2007, 12:17 PM)
    (عدل بواسطة 7abib_alkul on 02-06-2007, 01:09 PM)
    (عدل بواسطة 7abib_alkul on 02-06-2007, 01:09 PM)

                   |Articles |News |مقالات |بيانات

02-06-2007, 12:48 PM

عمران حسن صالح
<aعمران حسن صالح
تاريخ التسجيل: 26-11-2004
مجموع المشاركات: 10123

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: 7abib_alkul)

    7abib_alkul
    بصراحة يا حبيب
    كلامك شين
    وعيب
    وما فيه أي حس نقد
    وما فيه غير ..
    الإفكـ ....
    بالمناسبة ...
    أنا ما بحب أسمع شروق ...
    لا خلاف هنا فأذني هكذا حالها ...
    هل أعطي نفسي الحق أن أسئ لها وأسرتها بهكذا إتهام ... ؟؟؟
    راجع ما كتبت وشاهده قبل رفعه لهذا الفضاء ...
    بحق الزمالة هــــا ...!!!
                   |Articles |News |مقالات |بيانات

02-06-2007, 12:57 PM

Dr. Moiz Bakhiet
<aDr. Moiz Bakhiet
تاريخ التسجيل: 20-05-2004
مجموع المشاركات: 9001

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمران حسن صالح)

    7abib_alkul
    Quote: ولكن علي ما يبدو ان لديها مؤهلات اخري تعجب الشاعر الدكتور

    أرجو من بكري أن يقدم لنا اسم هذا الشخص وعنوانه لاتخاذ اجراء قانوني عاجل ضده فالتشهير واساءة السمعة بالهمز واللمز أمر لا يردعه غير القانون الجنائي

    كما أرجو أن يطبق عليه الائحة فوراً

    لا حول ولا قوة الا بالله العلي العظيم

    اللهم لا نسألك رد القضاء

    ولكن نسألك اللطف فيه

    ..

    عاجبك كده يا عمر الفاروق.. (وجه جداً حزين)..

                   |Articles |News |مقالات |بيانات

02-06-2007, 01:01 PM

7abib_alkul
<a7abib_alkul
تاريخ التسجيل: 05-02-2002
مجموع المشاركات: 3757

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Dr. Moiz Bakhiet)

    كان هذا مجرد حلم

    المؤهلات= الجمال
    والله جميل يحب الجمال

    (عدل بواسطة 7abib_alkul on 02-06-2007, 01:11 PM)

                   |Articles |News |مقالات |بيانات

02-06-2007, 01:54 PM

نوسة
<aنوسة
تاريخ التسجيل: 30-09-2002
مجموع المشاركات: 825

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: 7abib_alkul)

    عذراً أخى معز

    لاحظت أن هناك كلام إتقال و إتمسح من الأخ حبيب الكل ،، و كويس إنو راجع نفسو و مسحو إذا كان فيه ما يسئ لإنسانة لا ذنب لها سوى إنها أرادت من الناس الإستماع إليها ، و سواء أعجبتهم أم لا فيجب أن يكون الحكم على صوتها و أدائها فقط لا غير ..

    إشانة السمعة ليست من سمات المؤمن ،، و هي زوجة و أم و ندعو لها بالتوفيق في حياتها الفنية و الإجتماعية ،، بعيداً عن التعصب و النقد...

    ودي لك يا د/ معز و الرجاء ألا تأخذ نقدي السابق بتعصب و لكن بتمعن لأننا نود لها أن تتطور فهي ما ذالت في بداياتها ،، و مشوارها الفني طويل إن شاء الله ...

    لكم إحتراماتي
                   |Articles |News |مقالات |بيانات

02-06-2007, 03:14 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Dr. Moiz Bakhiet)

    Quote: [7abib_alku


    يا للاسف ياحبيب الكل لم اتوقع منك آن تقع في هذا القاع
    فقد عاشرتك هنا لزمن طويل ولم اسمع منك ابدا اسفاف
    كن كما عرفناك
    اعتذر وبطريقة شديدة الوضوح
    ومتآكد بان آول المسامحين هي شروق النقية
    ثم البروف
    وخلي الباقي علي الله
                   |Articles |News |مقالات |بيانات

02-06-2007, 02:07 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    الفاضل د. معز

    أدين معك أستخدام أسلوب الطعن في شرف من نخالف..
    أن ننتقد بوعي شئ، وأن نقول كلام غير مسئول شئ آخر

    أرجو أن ينتبه (الخائضون في سمعة البشر) لما تسببه مشاركاتهم من جرائم يحاكم عليها القانون

    مع العلم أن الكلام قد حذف ولكنه بقى مدة كافية ليحدث الأثر

    فلنعمل من أجل خلاف شريف ونضيف
                   |Articles |News |مقالات |بيانات

02-06-2007, 03:24 PM

7abib_alkul
<a7abib_alkul
تاريخ التسجيل: 05-02-2002
مجموع المشاركات: 3757

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Raja)

    د/المعز
    اتقدم اليك باعتزاري عن ما جاء في معرض مداخلتي في هذاالبوست وعفوا ان اصابك
    رشاش الحروف
    واصدق القولك انني راجعت نفسي وعرفت انني اسئت لنفسي قبل ان اسئ اليك والي شروق و ليس من ديدني الكتابة والحوار بهذا الاسلوب
    لذا اتمني ان تقبل اعتزاري
    وعلي الرغم من اعتزاري الي انني ما زلت اصر علي ان هناك اهتمام منك بالفنان شروق لو وجدته اي فنانه اخري من برنامج نجوم الغد (( بتاع الشفع)) لكان لها شان اخر
    فشروق صنيعة اعلامية كنت انت المساهم الاكبر فيها
    وهذا الاهتمام شئ من حقك كشاعر ولكن نري ان هناك غيرها يستحق ذلك الاهتمام
                   |Articles |News |مقالات |بيانات

02-06-2007, 06:32 PM

Dr. Moiz Bakhiet
<aDr. Moiz Bakhiet
تاريخ التسجيل: 20-05-2004
مجموع المشاركات: 9001

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: 7abib_alkul)

    7abib_alkul
    Quote: د/المعز
    اتقدم اليك باعتزاري عن ما جاء في معرض مداخلتي في هذاالبوست وعفوا ان اصابك
    رشاش الحروف
    واصدق القولك انني راجعت نفسي وعرفت انني اسئت لنفسي قبل ان اسئ اليك والي شروق و ليس من ديدني الكتابة والحوار بهذا الاسلوب
    لذا اتمني ان تقبل اعتزاري

    الأخ حبيب الكل،
    شكراً لك على الإعتذار النبيل

    ..

    فمن عفا وأصلح فأجره على الله

    تحياتي لك
                   |Articles |News |مقالات |بيانات

02-06-2007, 03:41 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    Quote: عاجبك كده يا عمر الفاروق.. (وجه جداً حزين)..

    يعني يا بروف دارت الدائرة وجات فوق راسي؟؟؟؟
    بغض النظر عما كتبه الأخ حبيب الكل وانا لا أدري ما أكتب ويبدو أنه كتب كلاماً غير لائقاً وها هو إعتذر لك ولشروق ولكن ما ذنبي انا يا دكتور في موضوع كتبته دون الخدش ولا المساس بأحد !!!!!
    هل أجني حصائد الأخرين أم أحجب رأيي خوفاً من الاخرين !!!!
    انا لي رأي واضح تجاه موضوع معين وراجعوا كل مداخلاتي تجاه هذا الموضوع ولو وجدتم شئ خارج عن الحدود الأخلاقية مع شروق فهذا موضوع ولكن أن تعاقبوني بمداخلات الغير فهذا ما أرفضه ..
    حا تقولوا لي يا عمر البوست ده زي بيتك ومفروض انت اللي تجي وتدير فيهو الحوار ..
    نعم ولكن لا يعني هذا انا أقف موقف الحكم والمراقب فأحجب هذا وأوقف هذا وأمنع هذا ..
    وها أنتم تحاسبوني على كلام كتب وحذف في فترة لا ادري كم هي ولا ادري ما كتب أصلاً ..
    عموماً انا لي موقف معين تجاه قضية معينة وعند رأيي فيها وهي اداء شروق ..
    وحتى أعيد الحوار لدفته الأولى فها انا ذا أقول شروق ما بتعرف تغني وفشلت في الفرص الكثيرة الأتيحت ليها لإثبات الكفاءة ..
    تحياتي للجميع والمرجو السير على هذا الخط النقدي تجاه اداء وصوت شروق ..
                   |Articles |News |مقالات |بيانات

02-06-2007, 04:05 PM

Elmosley
<aElmosley
تاريخ التسجيل: 14-03-2002
مجموع المشاركات: 34389

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: عمر الفاروق)

    Quote: نعم ولكن لا يعني هذا انا أقف موقف الحكم والمراقب فأحجب هذا وأوقف هذا وأمنع هذا ..


    سوري ياعمر انت غلطان هنا
    يجب آن تكون صاحب بيت وتطالب من يخرج عن خطك الذي نحترمه ولو اننا نختلف معه تماما ونري انك
    تعتمد فيه علي ذوقك الخاص
    ولك من يساندك فيه باحتزام ولك من قد اصابها بالشطط ولك من عارضك وثمنها
    تطالبه الا يشتط لانك رجل ولك اسرة هذا من حيث المبدآ
    والحمد لله ان مثلا حبيب الكل اعتذر وهكذا يكون الانسان ليس بمكابر
    =============
    وبرغم انه يحاول ان يبرر بان معز كان يجب ان يساعد غير شروق
    وهذا يحير
    هسع الرجل يساعد كثير من الفنانين فلم العجلة
    بعدين ياخي الناس علي كيفها
    هسع ياحبيب الكل تقدر تقول لي شركه ليه سجلتي لي فلان ولا علان ياخي
    هم علي كيفهم
    عموما ارجو ان تقبل شروق وزوجها الكريم ياسر ومعز اعتذار حبيب الكل
    فغلطة الشاطر بآلف
    وكما قال عمر لنذهب في الخط الفني

    (عدل بواسطة Elmosley on 02-06-2007, 04:09 PM)

                   |Articles |News |مقالات |بيانات

02-06-2007, 06:15 PM

نادر الفضلى
<aنادر الفضلى
تاريخ التسجيل: 19-09-2006
مجموع المشاركات: 5018

للتواصل معنا

FaceBook
تويتر Twitter
YouTube


Re: الموسيقار الموصلي..البروف معز ..شروق ابو الناس تواصل إحراجكم !!! (Re: Elmosley)

    أرى أن الأخ عمر الفاروق قد كان قاسياُ، فهو ليس بنقد من متخصص أو مستمع عادى يتناول أداء مطربه فى الحفل المشار إليه ولكن كان المنطلق التحدى القائم بينه و الأخ معز. أطلق فرمان الحكم بالإعدام على شروق كمطربه وجاراه بعض المشاركين فى تجاوز وتطرف لم يراع أحاسيس من ينتقدون. نعم فى مجالسنا الخاصه قد نتحدث دون حرج وعلى البلاطه عن أن فلان أو فلانه ليس بمطرب جيد وهو رأى شخصى قد يكون محل إختلاف، دعك من طرح رأى فى مجال أو منبر عام وتجاوز ذلك بتعليقات مسيئه وكأن شروق أتت جرماً شنيعاُ يبيح الإساءه والسخريه منها فى ملبسها و تجميلها وحليها!! أحمد للأخ "حبيب الكل" شجاعته الأدبيه وتصحيحه لمداخلته، وأرجو أن يحذو حذوه من خرج عن الموضوع بالإساءه لشروق فى شخصها.
    شخصياً لم أستمع من قبل لشروق ومن أدائها للأغنيه بهذا البوست، فصوتها جميل والأغنيه التى تؤديها باللغه العربيه الفصحى ويبدو أنها أغنيه خليجيه (سلم سباعى؟ أفتينا يا أستاذ الموصلى).
    Quote: ما تتخيل انا متكيف من طريقة نقدك كيف ، لكن اقول ليك الفنانة اللى غنت الاغنية اللى بسمعها حسع دى
    أثبتت إنها ليها قدرة فائقة فى الاداء لانو تنفيذ نوع الغنا ده صعب لى حد بعيد فيا جماعة ادوها صنه
    ولو جات مشكلة حيكون بعدها من الموسيقيين والاغنية الاخيرة دى اثبتت إمكانياتها العالية فى الاداء
    أتفق مع الأخ ترهاقا هى أغنيه صعبه الأداء، والغناء باللغه العربيه الفصحى يصعب على معظم الفنانين السودانيين وأداه القليل منهم و من أجاد منهم تكاد تعدهم على أصابع اليد الواحده العطبراوى، أبو داؤود، الكابلى، محمد الأمين وهاشم ميرغنى.

    غناء هذه المطربه لنوعيه هذا الشعر الجيد فى حد ذاته يحسب إيجاباُ لها، والتغنى بأغانى للإستماع ليست للرقص و(الربه) وليست مألوفه لأذن المستمع السودانى هو أمر يتجنبه المطربين هذه الأيام. فى رأى الشخصى شروق موهبه تحتاج للرعايا والتشجيع. والحس الأدبى الشعرى العالى للأخ المعز جعله يتلمس مبكراً موهبه شروق، والأستاذ الموصلى بالقطع عليم بموهبتها. نجاحها وقبولها الجماهيرى أمر متروك للزمن والأقدار، ولكن أتمنى نجاحها لنكسب فنانه تتغنى بلونيه شعريه راقيه. القدره التطريبيه يمكن تجويدها وبتوجيهات أساتذه كيوسف الموصلى وعلى السقيد مع الألحان المناسبه. قد يكون فى تجربه شروق نوعاً من القفز بالعمود كما فهمت من هذ البوست وفى إعتقادى أن أحسن طريق لتجويد التطريب بغناء أغانى ملوك التطريب (الإبراهميون): إبراهيم الكاشف، إبراهيم عوض، إبراهيم حسين، وزيدان إبراهيم.

    (عدل بواسطة نادر الفضلى on 02-06-2007, 08:37 PM)

                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de