|
|
|
 Re: احتفالنا أنا وأزهري نور الهادي! (Re: انعام حيمورة)
|
نعومتي..
الليله 13 مارس..
يوم ميلادي وميلاد أزهري..
ومافي زول طعمه لينا ولا هببو..
قلنا نحتفل بيه سوا..
شوفتي كيف؟؟
من باب هات مصيبتك علي مصيبتي نفرح بيهم..
وانما المؤمنون اخوه!
ماما وصلت المطار...
غشتني قالت لي جايه مخصوص في التاريخ ده علشان احتفل بيه معاك..
ومن شدة احتياجي وحالتي المدهوله..قررت اصدقها واتغشي بمزاجي..
كل سنه وانت طيب يا ازهري..
وكل سنه وانتي طيبه يا مني
وبرانا بنعرف نفرح نفسنا!
| |
 
|
|
|
|
|
|
|
|
Re: احتفالنا أنا وأزهري نور الهادي! (Re: Muna Khugali)
|
كان ذلك في 1985..
سمعت باسبوع العود العربي والذي يستضيف فيه منظميه مجموعه من الفنانين السودانيين
مع آخرين...
كان مهرجان سنوي تم في مدينة مارسيليا ..
سكني في ذلك الوقت كان في مدينة ايكس اون بوفانس في الجنوب ايضا..والتي تبعد مسافة عشرون
دقيقه بالكاوتش عن مارسيليا الميناء..
أخبرت صديقتي وزميلتي من الجامعه بالمهرجان وقررنا الذهاب..
شارك في المهرجان..أجمل فنانين السودان..
الاستاذ محمد الأمين..الأستاذ الكابلي..
الاساتذه عبد القادر سالم..عثمان مصطفي...
منو تاني يا أزهري؟؟
تعال أحكي يا أزهري..
خلينا نحتفل بيوم ميلادنا بشكل مختلف!
| |
|
|
|
|
|
|
|
|
 Re: احتفالنا أنا وأزهري نور الهادي! (Re: Muna Khugali)
|
منى وأزهري
كل يوم وأنتما بخير وسعد وهناء..
* يا منى حضرتا الفستان وحاتك . وقلت في المناسبة حاقرصك في ركبتك تجي تقولي لي عيد ميلاد ؟
يا شباب أنا عيد ميلادي يوم 31 يوليو. المولود في نفس اليوم ده يقول لينا عشان نغش ناس منى ديل اليوم داك
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Raja)
|
يا ستى ما براكم نحنا زاتنا محتفلين معاكم
ايامك سعيده و طيبه،
و لكى ما تشتهى من امنيات ...
و كذا الاخ ازهـــرى..
............................................
زمان كان رسلتا ليك ايميل هترشه ان شاء ما يكون ازعجك
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: abubakr salih)
|
Quote: يا ستى ما براكم نحنا زاتنا محتفلين معاكم
ايامك سعيده و طيبه،
و لكى ما تشتهى من امنيات ...
و كذا الاخ ازهـــرى..
............................................
زمان كان رسلتا ليك ايميل هترشه ان شاء ما يكون ازعجك |
يا سلام يا ابو بكر..
رفعت لينا المعنويات..ياخ ماممكن لكن نشحتكم التهنئه؟؟
بعدين ياتو اميل؟
الني فيك رسله من تاني انا اصلو الزهايمر ده تعبني شديد..
وذاتو فرصه أهترش معاك..
رسله في شكل صنوق بفيونكه بمناسبة العيد ميلاد يعني..
انا مافي حاجه بتضايقني يا ابو بكر..بالعكس بفرح..
ومن شدة مابفرح شحت ناس محمد البشري يرسلوا لي مسنجرات
واسه انا والكاشف اخوي قاعدين نشحتكم تشاركونا الأحتفال..
ميرسي خالص
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Fadl Karrar)
|
Quote: مبروك وألف مبروك يا مني
قلت بدل ما أجيب تورتة أو حلوي
أحسن أقدم ليك مني الهدية دي عشان تسمعيها للبجي يهنيك
وإنشاء الله تعجبك |
ياسلام عليك كده يافضل..كيفن يعني ماتعجبني؟؟
انا والكاشف اخوي كنا في عرض تهنئه.زبقت فيها حفله كمان!
يعني اسه انت عملت للعيد ميلاد ده هيصه جد زي ما بيقولوا..
البتغني دي قسمه.. صح؟؟
ده صوتها ودقتها..
قسمه دي زوله فنانه جدا وغنت في صبحياتنا كلنا..
عليي ما بوريك رقصت منو في العرسوهن
عاينو يا شباب..انا اسه ماشيه لماما جاره..وبجيكم بالليل القاكم كلكم بقيادة رجاء التي ترغب فعلا في قرص ركبه..قد اشعلتوا هذا البوست بالزغاريد والفرح والأمنيات الجميله..
يجيكم ازهري بعد ما يرجع من شغله يحكي اول لقاء في فرنسا كان كيف..
....
....
شكرا يا فضل يا سمح..
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Raja)
|
يا رجاء ..
اليوم دا فيهو تتويج فاروق الأول ملكاً على عرش مصر وذلك بعد وصوله لسن الرشد بالتاريخ الهجري ..
واحتمال كبير نمشي القصر نبارك للمكلة نازلي ..
اعذرينا عليك الله ..
..
..
مني و ازهري .. والله ( بتكجو ) بعض ..!!
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: humida)
|
حميدة إزيك..
أنا اقول ليك عايزين لينا جكس نقشر بيهو اليوم داك. تقول لي فاروق ونازلى
حرام عليك
غايتو لو غفرنا ليك عدم الجية ما حنعذرك في الهدية.
أنا طبعا كل سنة بعمل لستة بالحاجات البريدها من العطور والمكياجات ..
لو مشيت الأرشيف حتلاقي اللست الفاتت. لكن مقاس الجزمة لسة زي ما هو ..
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: humida)
|
..
..
| Quote: مني و ازهري .. والله ( بتكجو ) بعض ..!! |
والله كلامك صح..العدد 13 والشهر مارس شهر الكوارث!!
يا للمصيبه!
لكن الكويس في الموضوع شنو يا حميدو..انه أول لقاء كان قبل 8 سنين من اللقاء التاني..
وبعده طبعا كان في احتفالات لندن المختلفه للمنظمات..
أزهري وفرقة اكسفورد ناس جميله جدا ودعموا الكورال ونشاطات لندن المختلفه..
يجوا من اكسفورد محل اقامتهم ويقدموا الجمال للناس ويرجعوا..
وبما انه لندن بقي مافيها احتفالات ولا تجمعات..بقي معدل اللقاء مره كل 5 سنوات..
يا حليلك يا ازهري يا توأم يوم ميلادي..كانت ايام جميله ...موش؟؟
شكرا حميدو..وكل سنه وانت طيب عندما يأتي يوم مولدك الشقي
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Raja)
|
Quote: يا منى حضرتا الفستان وحاتك . وقلت في المناسبة حاقرصك في ركبتك تجي تقولي لي عيد ميلاد ؟
يا شباب أنا عيد ميلادي يوم 31 يوليو. المولود في نفس اليوم ده يقول لينا عشان نغش ناس منى ديل اليوم داك |
رجويه حبيبتي ...
سوري علي كده لكن نعمل شنو لابد من الاحتفال..
والحمدلله انه بقي كده لأنه ركبتي معوره والقريص بيكون صعب
وبالمناسبه يارجويه ..تذكيرك ده احسن تعمليه يوم 30 يوليو..
الناس دي دايشه ..لكن بيني وبينك في ناس غتيته
كل سنه وانتي طيبه وأزهري وانا..
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Muna Khugali)
|
منوية يا حبيبة..
كل سنة وإنتي طيبة دايما..
تعرفي عيد ميلادي ده مرات بيكون كعب لأنه في ناس ما بتكون قبضت الماهية بتاعتها.
عشان كده أنا حأكلم حبيبتنا إنعام حيمورة تبدا جمع مبلغ الهدايا من يوم 2 في الشهر ..
ومرة تانية كل سنة وأزهري نور الهدى بخير
حبي
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Muna Khugali)
|
كل سنة وانتي طيبة يمنوية يا حبيبتي
وازهري طيب يارب
وربنا يحقق ليكم الامنيات الحلوة ...
ويديكم العافية وطولة العمر يارب ..
حمد لله على سلامة ماما المرة دي قضينا معاها اوقات جميلة وبتقول لي انتي مجنونة ذي صاحبتك !!
وكل ما اتذكر كلامها داك اضحك براااي
تحياتي لها وعودا حميدا
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: انعام حيمورة)
|
Quote: كل سنة وانتي طيبة يمنوية يا حبيبتي
وازهري طيب يارب
وربنا يحقق ليكم الامنيات الحلوة ...
ويديكم العافية وطولة العمر يارب ..
حمد لله على سلامة ماما المرة دي قضينا معاها اوقات جميلة وبتقول لي انتي مجنونة ذي صاحبتك !!
وكل ما اتذكر كلامها داك اضحك براااي
تحياتي لها وعودا حميدا |
تسلمي نعومتي..
ماما جاره وصلت بالسلامه والحمدلله..
وبرضه قالت لي صاحبتك مجنونه..لكن قالت مجنونه زي منال ما زيي يا كضابه
.......
.......
شوفتي المأساه؟؟
ماما نست تقول لي كل سنه وانتي طيبه
وانا متغاظه جدا منها..ولولا "لا تقل لهم أف" كنت رسمت خطة انتقام..
لعيد الأم الأسبوع الجاي
غالبا أحرمها من الهديه!
لكن قلت ليها يصح منك كده؟؟
تجيبيني في الدنيا وتنسي؟؟
غلط منها صح؟؟
....
....
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Muna Khugali)
|
| Quote: يا شباب أنا عيد ميلادي يوم 31 يوليو. المولود في نفس اليوم ده يقول لينا عشان نغش ناس منى ديل اليوم داك |
رجاء هسه ده عيد ميلاد والا انقلاب هاشم العطا؟؟؟..
عموما انا وامنه عبد الكريم مولودين فى فبراير ينفع احتفل
معاك ونغش الجماعة ديل،،،
حاشية :
منى وازهرى كل سنه وانت هنا وهناء..تسلموا،،،
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: صديق الموج)
|
Quote: رجاء هسه ده عيد ميلاد والا انقلاب هاشم العطا؟؟؟..
عموما انا وامنه عبد الكريم مولودين فى فبراير ينفع احتفل
معاك ونغش الجماعة ديل،،،
حاشية :
منى وازهرى كل سنه وانت هنا وهناء..تسلموا،،، |
عيد ميلاد رجويه ده غريب خلاص..
قرب يبقي كارثه زي حقي وحق أزهري!
أولا في عز فصل الصيف البيزهج داك..
يعني لو زول وصلك الضهر والدنيا سخانه وقال ليك كل سنه وانت طيب..
تلقي نفسك رديت بزهج وعرق وقلت ليه..اتلهي!
وكمان آخر شهر!
رجويه اعملي تسنين..بس أوعك من 1-1
شكرا يا صديق..كل سنه وآمنه منوره ليك النفق المظلم الفي بروفايلك ده
انتو أزهري ده مشي وين؟؟
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: مازن الجمّال)
|
Quote: كل سنة وانتو طيبين
وسعيدين
ومبسوطين
وبوافر الصحة والعافية |
وانت طيب يا مازن..
شفت يا مازن القصد شنو؟
القصد انه احنا نقدر كتير نغير المود وكتير من الظروف لو حبينا..
يعني تاني لما تزهج ولا تزعل ولا تحزن..
تعال أفرح مع الناس الضايع ليها فرح دي ولا الباحثه باستمرار عنه
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: محمد عبد الماجد الصايم)
|
Quote: كل سنه وانت طيب يا ازهري..
وكل سنه وانتي طيبه يا مني
غايتو جنس (فرح) غايتو!!! |
والله فعلا جنس غايتوهات بتاعة فرح..
انت قايل شنو..
الزول ما بيحب يذكروه انه في سنه فاتت من عمره..
لكن برضه بيحاول يعمل اسقاط للحقيقه وخسارتها الفادحه
يقوم يعمل فيها فرحان ويخلق ليه برنامج..
كدي انت بس جرب والعهده علي الراوي!
كل سنه وانت طيب يا محمد
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Muna Khugali)
|
يا منى
عيد ميلاد سعيد لك ولازهرى
تذكرت ما قاله لى دبلوماسى هندى فى اواخر سبعينات القرن الماضى:
The smart diplomat is the one who remembers his wife's birth day and month but doesn't remember the year
وعشان كدة خلينا نحتفل باعياد الميلاد بتاعتنا منعا للشمشرة ... والكنكشة فى سنة واحدة لمدة عشرة سنوات
ونحتفل معكما بدون تردد فلن يسألنا احد عن اعمارنا وانتو طبعا جاهزين للتصدى لامثال هؤلاء من الحشرجية..
ونقول لبنت استاذى عبد الحميد العباسى: الشيئ الوحيد الذى لا يتغير هو: مقاس الجزمة... اما الفساتين والاحزمة و
المهم هو ان تحتفلوا ولا تبالوا بمرور الزمن..
نورالدين منان
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Mannan)
|
صادف إنه الزول الوحيد الأنا عارف تاريخ ميلاده زي تاريخ ميلادي في الدنيا دي يطلع منى عوض خوجلي (حكمة و الله و حكاية....أدهشتني من البداية)
ومناسبة معرفة الشئ ده كانت بتأريخه..... بمدينة مارسيليا الميناء الجنوبي لفرنسا ..و نحن نغني بإسم السودان في مهرجان بعنوان: ليالي الموسيقى العربية (أغنية المدينة الفنية) بدعوة من وزارة الثقافة الفرنسية أعد لها و نظمها خبير الموسيقى الإثنية الفرنسي فرانسوا بوشيه..
تكون وفد السودان من:
العميد أحمد المصطفى..... رئيسا
وعضوية الأساتذة:
عبدالكريم الكابلي
عثمان مصطفى
عبدالقادر سالم
علي اليمني
عبدالله عربي
بشير عباس
عمر ميشيل
الزبير محمد الحسن
أزهري عبدالقادر
الوفد تحت إدارة وتوجيه خبير الموسيقى الأفريقية البروفسور:
الماحي إسماعيل.
كنا نبدأ الحفلات (بفالص) السودان العظيم:
لي غرام و أماني في سموك و مجدك عشت ياسوداني....وفي مارسيليا بالتحديد و عند غناءنا لهذه الأغنية إنطلقت زغرودة ألهبت المشاعر حتي أدمعت لها عينا العميد العظيم....و بكى عبدالله عربي و لم يستطع مواصلة العزف.....و عند نهاية الوصلة أصر الجميع على مقابلة صاحبة الزغرودة.... فطلعت طالبة سودانية تدرس في جامعة بالجنوب الفرنسي إسمها:
منى عوض خوجلي.....
و الظاهر إنه عيال الخليفة عوض خوجلي كلهم فطموا على حب السودان و هذه حادثة قديمة تثبت ذلك.....
ونواصل.......
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Azhari Nurelhuda)
|
Quote: صادف إنه الزول الوحيد الأنا عارف تاريخ ميلاده زي تاريخ ميلادي في الدنيا دي يطلع منى عوض خوجلي (حكمة و الله و حكاية....أدهشتني من البداية)
ومناسبة معرفة الشئ ده كانت بتأريخه..... بمدينة مارسيليا الميناء الجنوبي لفرنسا ..و نحن نغني بإسم السودان في مهرجان بعنوان: ليالي الموسيقى العربية (أغنية المدينة الفنية) بدعوة من وزارة الثقافة الفرنسية أعد لها و نظمها خبير الموسيقى الإثنية الفرنسي فرانسوا بوشيه..
تكون وفد السودان من:
العميد أحمد المصطفى..... رئيسا
وعضوية الأساتذة:
عبدالكريم الكابلي
عثمان مصطفى
عبدالقادر سالم
علي اليمني
عبدالله عربي
بشير عباس
عمر ميشيل
الزبير محمد الحسن
أزهري عبدالقادر
الوفد تحت إدارة وتوجيه خبير الموسيقى الأفريقية البروفسور:
الماحي إسماعيل.
كنا نبدأ الحفلات (بفالص) السودان العظيم:
لي غرام و أماني في سموك و مجدك عشت ياسوداني....وفي مارسيليا بالتحديد و عند غناءنا لهذه الأغنية إنطلقت زغرودة ألهبت المشاعر حتي أدمعت لها عينا العميد العظيم....و بكى عبدالله عربي و لم يستطع مواصلة العزف.....و عند نهاية الوصلة أصر الجميع على مقابلة صاحبة الزغرودة.... فطلعت طالبة سودانية تدرس في جامعة بالجنوب الفرنسي إسمها:
منى عوض خوجلي.....
و الظاهر إنه عيال الخليفة عوض خوجلي كلهم فطموا على حب السودان و هذه حادثة قديمة تثبت ذلك.....
ونواصل....... |
غايتو يا أزهري اليوم داك كان سمح سماحه!
والله العظيم لغاية اسه حاسه بيه..
اولا غربه جرسه..
تانيا في بلاد ماتشوف فيها سوداني الا تسافر مدينه تانيه..
ثالثا أكبر فنانين في البلد ومع بعض وكمام غنوا مع بعض!
اصله الزول داير ينهب؟
حلا ذاتها اكتر من كده بتقتل
وبعدين سودانا ده يا ازهري كان غنينا ليه كل ساعه برضو بنزغرد ليه..
لكن بيني وبينك الناس ماعارفين الزغروده السودانيه النجيضه كيف..
ان كان كانوا عرفوها كان نهروني وكان انتو قلتوا لي معاهم حق
ورحم الله عميد الفن الأستاذ أحمدالمصطفي الرجل الفنان القيافه في اي حاجه..
فنه وتهذيبه وشكله ولبسه..
اسه شوف ياسيكو جاب لينا أغنيته بصوت عبدالعظيم الفنان الماهو هين!
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Mannan)
|
Quote: يا منى
عيد ميلاد سعيد لك ولازهرى
تذكرت ما قاله لى دبلوماسى هندى فى اواخر سبعينات القرن الماضى:
The smart diplomat is the one who remembers his wife's birth day and month but doesn't remember the year
وعشان كدة خلينا نحتفل باعياد الميلاد بتاعتنا منعا للشمشرة ... والكنكشة فى سنة واحدة لمدة عشرة سنوات
ونحتفل معكما بدون تردد فلن يسألنا احد عن اعمارنا وانتو طبعا جاهزين للتصدى لامثال هؤلاء من الحشرجية..
ونقول لبنت استاذى عبد الحميد العباسى: الشيئ الوحيد الذى لا يتغير هو: مقاس الجزمة... اما الفساتين والاحزمة و
المهم هو ان تحتفلوا ولا تبالوا بمرور الزمن..
نورالدين منان |
اصله قالوا يا منان..الأعمار بيدالله..والنقه في عمر المرأه بالذات بتجيب الفقر وتمنع السعاده من التعبير عن نفسها..وبالتالي يموت الرجل..
علي كل رجل أن يخاف علي عمره ولا يسأل اي امرأه عن عمرها..الا من تطوعن منهن
وبعدين في فلاسفه كمان قالوا انما العمر عمر الروح وكفايه انه بيروح
اسه انا مش مشكلتي اني اكنكش في سنه واحده..انا مشكلتي اني بعد كل سنتين من الكنكشه بكون عايزه انقص زياده!
والحمدلله دلوقتي لي سنين آآآآآآآآآآد كده..ععمري 19 ونص
واؤكد لك ان كل المقاسات عندي قد تغيرت بما فيها الحذاء..ولم يتغير مقاس عمري من 19 ونص!
يا سلام عليك وانت من ناس الأحتفالات..خلاص انت لازم دايما تكون في قلبها..
كل سنه وانت كمان طيب..
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: تماضر الخنساء حمزه)
|
Quote: كل سنة وانتو طيبين
رجاء جيتي مع المرتب |
تمرا كيفك..
ايه رأيك في العيد ميلاد بتاعنا ده؟؟
مش لذيذ عليك الله..
ازهري اسمع انت واصحابي ناس فرقة اكسفورد تعال نعمل حفله في الهايبارك وننقلها لناس سودانيزاونلاين..لكن تمرا تجي من هولندا تحضرها معانا...
كل سنه وانتي طيبه يا تمرا..
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: الطيب شيقوق)
|
انت يالأبيض ضميرك..
صافي زي قلب الرضيع..
في كلامك وفي ابتسامك..
أحلي من زهر الربيع..
........
........
يا سلام يا ود شيقوق هديه جميله شديد..
شكرا..
ربنا يطول في عمره الطيب عبدالله..
عزينا فيه قبال يومه!
انا كل ما اسمع اغانيه بصوته الهاديء الجميل بفكر في نعمات وبنتهم وولدهم..ربنا يطول في
عمرهم جميعا..
عارف زوجته الأولي الأستاذه الفنانه نعمات حماد..
كانت في أوج نشاطها في الجاليه السودانيه في لندن في بدايتها..وفي باقي نشاطات لندن..
زوله جميله جدا..
بتذكر انها قدمت مشروع هادف جدا للجاليه السودانيه عن خفاض الأناث..تم تمويله من المجلس..
بس لينا سنين طويله ماشايفنهم..يارب بيكون في زول بيعرفهم ويوريهم اننا مشتاقين ليهم كتير..
......
.....
شكرا ود شيقوق وكل سنه وانت طيب..
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Yasier Elsayed)
|
منى !! سنة حلوة ياجميلة
ازهرى (ال ما بنعرفوا) ،، برضو سنة حلوة ياجميل !
وميلاد ،، ميلاد !! برضو مبروك ، مش قالو (اول الغيث قطرة ) !!
يعنى انتى مدكنا ليك حاجات من 1985 ؟؟ حولالالالالالالالالا ياخى دى مااااا عتت؟ ولا نقول عتقت ؟
ياستى كل سنة وانتى ابهى واجمل واحلى واكبر
والهدية دى سجلى علينا فى الدفتر !!!
رجويه !!!!!!!!!
والله ضحكت عليك ضحك من الصباح دا مع انها قافلة معاى !
وكنت عايز اقول ليك دا عيد ميلاد ولا انقلاب لقيت و الموج سبقنى عليها .. تتصورى ؟؟
شالها من خشمى واللللللهى ...
ياستى يوليو قرب وح نعمل لينا بوست مشترك
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: دينا خالد)
|
Quote: منى !! سنة حلوة ياجميلة
ازهرى (ال ما بنعرفوا) ،، برضو سنة حلوة ياجميل !
وميلاد ،، ميلاد !! برضو مبروك ، مش قالو (اول الغيث قطرة ) !!
يعنى انتى مدكنا ليك حاجات من 1985 ؟؟ حولالالالالالالالالا ياخى دى مااااا عتت؟ ولا نقول عتقت ؟
ياستى كل سنة وانتى ابهى واجمل واحلى واكبر
والهدية دى سجلى علينا فى الدفتر !!! |
كل سنه وانتي طيبه يا دينا..
الحاجات معتقه يا ظريفه ومش معتته..
اسه عليك الله ذكريات فيها فرنسا جنة الله علي الأرض..
وفيها اجمل فنانين السودان ممكن تعتت؟؟
سمح التمر في مخزن حبوبتي أم الحسن والدقيق حقها المخزن ..يحصل ليهم شنو؟
ديل ياهم البيعتتو!
وجودك هنا براه هديه يا دينا.......
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Yasier Elsayed)
|
ياسر...عاين بكري عامل اعلان فوق قال اي زول ممكن يعلن..
تعال نعمل اعلان هناك لحفله عيد ميلادك وعيدميلاد ولدك الحلو ده..ماشاء الله..
انت عارف من اول يوم نزلت فيه اغاني عبد العظيم بيكون البوست حقك أول مكان أدخله اسمع فيه..
واعمل ميني مايز للصفحه ..وافتح واحده تانيه وأحاول أقرا وانا بسمع..
الرسول فيك تبلغه سلامي واعجابي كمان..
أمس ماما جاره وصلت من السودان ومعاها شرايط عرس ولد ولد عمتي..حلاتو كان لما يناديني عمتي!
المهم يا عبدالعظيم البنات الصغار ديل رقصوا علي الطنبور رقيص مبالغه..اتذكرتك واتذكرت البوست..
شكرا علي الهديه الجميله ..أغنيه عظيمه..
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: الفاتح يسن)
|
| Quote: منى وازهري عيد ميلاد سعيد ويلا نمشي حدائق البان جديد |
ارح يللا يالفاتح..
أنا متاكده بيكون وقت جميل جدا..
نغني فيه لأخوانا الشايفننا من السما..
ونحب السودان بالتذكر المستمر..
ونفرح من جديد بسودانيه ماعايزنها تضيع مننا..
شكرا علي الدعوه اللطيفه..وكل سنه وانت وأسرتك بألف خير..
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Kamal Karrar)
|
منى العزيزة .. ألف مبروك
Quote: الله يجعل أيامكم كلها إحتفالات.. وسمايات (جمع سماية بكسر السين)..وحمدا لله على سلامة الوالدة (جارة)..
والقابلة محتفلين والحفيد يحبو وسطكم |
شوفت يا كمال من 2005 مافرحنا زي بداية 2008
الحمدلله حمدا كثيرا..
الله يسلمك..ماما جاره صحت قبل شويعه وبتسلم عليكم..
وبرضه ما اتذكرت..شوفت أمي دي مش بتزعل؟؟
البركه في الكرت الرسلته لنفسي..
وفي حسن الأتصل بي..
وفي آيه القعدت سهرانه يوم 12 مارس علشان الساعه تفوت نص الليل وتقول لي كل سنه
وانتي طيبه..
والبركه الكبيره في جيتكم كلكم..ربنا يخليكم وماتحتاجوا نذكركم في مارس 2009
ربنا يحفظك وأسرتك..
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: عاطف عمر)
|
Quote: مارس ( منى وأزهري )
31 يوليو ( رجاء و مستر إكس - مبدئياً صديق الموج - )
مفارقات ومقاربات
- 13 معكوس 31
- يوليو بدء العام الدراسي للمدارس في السودان
- مارس إنتهاء العام الدراسي
- صديق الموج هزمت روحه الشابة سنوات العمر
- أزهرى يمتلئ جمالاً وفناً
- منى ورجاء حبي ليهم ما اعتيادي
غايتو بالجملة كدا
إن شاء الله تتهنوا ، وتجدوا ما تتمنوا |
شوفت يا عاطف أنا قلت أعطي نفسي قدر من الوقت لاظهار النبوغ هنا
يعني مثلا من حيث الحسابات وكده..
ان اضفت الرقم 13 للرقم 31 يصير العدد 44 ..
ولكني احترت كثيرا جدا من نفس منطلق النبوغ..
اي 4 فيهما يجب كتابتها أولا؟؟
ما علينا!
خاصه أن الرقم اربعه وأربعين يطلق علي تلك العقرب أو الشبشه لا أدري
أما من ناحية الحب فأنا بالأصاله عن نفسي وبالنيابه عن زملائي المذكورين..
وبما انه مجال "خطبه" اعلمك بأنني أكن-نكن لك حباعظيما..
لأنك علي خلق رفيع..
ربنا يعدك وسعديه والأبناء
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: هند محمد)
|
Quote: كل عام وانتو بالف خير وصحة وسعادة ازهرى ومنى ,,
ربنا يحقق جميع امنياتكم .. |
ازيك يا هندويه..
عندي صاحبتي هند من المدرسه برضه كانت مولوده معاي في نفس التاريخ..
ياحليل ايام زمان..كنا اصلنا ما بنفترق..
انتي ياهند..كدي النسألك
الدنيا دي مالها كده اتغيرت؟؟
زمان كان في فرح كتير خلاص..ومن شدة ماكتير كنا قايلين دي حاجه اعتياديه..
جنس مفاجآت غايته في الدنيا دي!!
المهم حبيبتي شكرا علي الأمنيه الجميله وكل سنه وانتي طيبه..
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Muna Khugali)
|
Quote: كنا نبدأ الحفلات (بفالص) السودان العظيم:
لي غرام و أماني في سموك و مجدك عشت ياسوداني....وفي مارسيليا بالتحديد و عند غناءنا لهذه الأغنية إنطلقت زغرودة ألهبت المشاعر حتي أدمعت لها عينا العميد العظيم....و بكى عبدالله عربي و لم يستطع مواصلة العزف.....و عند نهاية الوصلة أصر الجميع على مقابلة صاحبة الزغرودة.... فطلعت طالبة سودانية تدرس في جامعة بالجنوب الفرنسي إسمها:
منى عوض خوجلي..... |
وبس
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: نادية عثمان)
|
منى:
Quote: شارك في المهرجان..أجمل فنانين السودان..
الاستاذ محمد الأمين..الأستاذ الكابلي..
الاساتذه عبد القادر سالم..عثمان مصطفي...
|
أزهري:
Quote: تكون وفد السودان من:
العميد أحمد المصطفى..... رئيسا
وعضوية الأساتذة:
عبدالكريم الكابلي
عثمان مصطفى
عبدالقادر سالم
علي اليمني
عبدالله عربي
بشير عباس
عمر ميشيل
الزبير محمد الحسن
أزهري عبدالقادر
الوفد تحت إدارة وتوجيه خبير الموسيقى الأفريقية البروفسور:
الماحي إسماعيل.
|
شخصياً بدأت في تناول أقراص "moega oils 3, 6, and 9" وتجديها في (Boots) يا منى: ممتازة جداً للذاكرة!!
يوم ميلاد سعيد لكما
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Muna Khugali)
|
Quote: يا شباب أنا عيد ميلادي يوم 31 يوليو.
المولود في نفس اليوم ده يقول لينا عشان نغش ناس منى ديل اليوم داك
|
يا رجاء انا ح أغير تاريخ ميلادي وأعمل شهادة تسنين وأقدر عمري
بتاريخ 31/7 فقط لكي أحظى بشرف الإحتفال معاك
وانا زي رجاء كنت قايل الحكاية فيها عرس
ولا اكتمكم اصابتني الغيرة وقلت ياريت لو كنت انا أزهري
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Muna Khugali)
|
المولودين يوم 1/1 فى اى سنة ما معزومين...
دخول الحفل بشهادات ميلاد اصلية (موش فوتوكوبى)...
ودخول الحمام موش الطلوع منو...
خذو بنصيحة صاحبى:
عمل حفل عيد ميلاد وعمل سهم لبابين للدخول.. فعندما يأنى واحد او واحدة شايلة هدية يقول ليهم اتفضلوا ويشير ليهم لباب يودى لمكان الحفلة ولمان يجيهم واحد او واحدة مدلدلة يدينها يقول ليهم اتفضلوا على الباب داك ويشير ليهم للباب التانى... وبفرحة عارمة يسيران نحو ذلك الباب ويفتحانه ويجدان انفسهما فى الشــــــــــــــــــــارع... خذوا بهذه النصيحة يا منى ويا بوالزهور وما يغشوكم المستهبلين ...
شكرا لكما على الدعوة وارجو ان تدلونا على الباب الصاح لو جيناكم مدلدلين يدينا.... الظروف بتحكم... وفى السودان افتتحوا محلات سوها: قدر ظروفك...
نورالدين منان
| |
|
|
|
|
|
|
|
|
|
Re: احتفالنا أنا وأزهري نور الهادي! (Re: Muna Khugali)
|
أهرب من (الحساب)
وخاصة إن كان يتعلق بالعمر
لا أعلم
لكني أحس بأن أعمارنا تتدحرج
تحملنا
لذلك فإننا اتفقنا ومنذ لحظة الزواج
بأن أعمارنا واقفة عنده
أي
هي لا تزال في عمر 26
وأنا في 32
ولن تزيد
إن كنتما تحتفلان بتغلب الأعوام عليكما
فمن نهنئ
الأعوام
أم أنتما
وعموماً
لكم العمر
في بحر سعادة
وهناء
| |
|
|
|
|
|
|
| |
Muna Khugali
Azhari Nurelhuda
Hussein Mallasi
عمر التاج
انعام حيمورة
Raja
abubakr salih
Fadl Karrar
humida
صديق الموج
مازن الجمّال
محمد عبد الماجد الصايم
Mannan
طارق جبريل
Kamal Karrar
الفاتح يسن
Yasier Elsayed
الطيب شيقوق
دينا خالد
عاطف عمر
هند محمد
abubakr
خضر حسين خليل
محمد سنى دفع الله
حواء سليمان ابراهيم
saif basheer
أبو ساندرا
سلمى الشيخ سلامة
الملك
هاشم أحمد خلف الله
Ishraga Mustafa
عصام علي أحمد
نادر السوداني
رأفت ميلاد
بله محمد الفاضل
Elmosley
mohanad haimoura
osman righeem
خالد العبيد
Asma Abdel Halim
emad altaib
فيس بوك
تويتر
انستقرام
يوتيوب
بنتيريست