|
|
|
 Re: رأفت ميلاد ،،، هدية خاصة لك (Re: Fadl Karrar)
|
فضل كرار يا جميل
لم تهدينى فقط أغنية للرائع عثمان حسين
ولا أغنية من روائع الفن السودانى
أهديتنى عمر ندى أخضر
شوارب طازجة المنبت
وشعر أسود داكن
أمشطه أمام المرآء بعدة طرق وأعيد تبديله
وأعيد تغير قمصانى
وتشييك بنطلونى
وإذا لم يرانى أحد أصلح حاجبىّ بأصبعى
وقد أسرق كلونيا 555 من دولاب أبى
فحبيبتى فى إنتظارى فى الناصية الأخرى من الحقل
تحت شجرة السنط الضخمة
متخفية بين فروع البان العملاقة
وعثمان حسين يدغدغ مشاعرى .. مع إشراقة الصباح
ما بصدقكم ده حبيبى الروح بالروح
شفت كيف يا كرار
لا نميرى .. لا بشير .. لا وجع فى القلب
شكرآ ليك كتير .. وشلتها برضو
| |
 
|
|
|
|
|
|
|
|
Re: رأفت ميلاد ،،، هدية خاصة لك (Re: رأفت ميلاد)
|
يا ميلاد
Quote: أهديتنى عمر ندى أخضر
شوارب طازجة المنبت
وشعر أسود داكن
أمشطه أمام المرآء بعدة طرق وأعيد تبديله
وأعيد تغير قمصانى
وتشييك بنطلونى
وإذا لم يرانى أحد أصلح حاجبىّ بأصبعى
وقد أسرق كلونيا 555 من دولاب أبى
فحبيبتى فى إنتظارى فى الناصية الأخرى من الحقل
تحت شجرة السنط الضخمة
متخفية بين فروع البان العملاقة |
ماتنسي تشيل معاك المنديل الأبيض المعطر
المزخرفة أطرافه بخيوط حمر
عليه نقش حرف الحبيب حلو الذكر
يا رأفت هسه البستحق الشكر منو؟؟ أنا ولا أنا
ياخ من جوه بشكرك شكرن كتيرن ( بالنون )
علي تصوير بديع بالحروف الندية
رجعنا لي زمن ندي
| |
|
|
|
|
|
|
|
|
|
Re: رأفت ميلاد ،،، هدية خاصة لك (Re: Fadl Karrar)
|
Quote: ماتنسي تشيل معاك المنديل الأبيض المعطر
المزخرفة أطرافه بخيوط حمر
عليه نقش حرف الحبيب حلو الذكر |
والمنديل يا فضل تكون هدية منها
والله قال بى قولك كان نسيتو يوم
ما تشوف لينا ياخى سيد خليفة .. لحدى الأرشفة
إنت الجابك لىّ حبيب وجميل .. يا منديل
بليت شوقنا ياخى
دى حكيتا كتير
كنا فى الدلنج فى إحفالات أعياد الميلاد
البنت تختار شريك الرقص برمى منديلها إليه
ويعيده إليها فى حلبة الرقص
أخوك كان مفرهد .. ما بطلع من الحلبة ولا يوجدفى يدى أقل من تلاتة مناديل
شفت الشاب ده كان كيف
محبتى الأكيدة
| |
|
|
|
|
|
|
|
|
|
Re: رأفت ميلاد ،،، هدية خاصة لك (Re: Fadl Karrar)
|
تصدق يا رأفت ...
أنا من قبيل يدي ماكلاني على الكيبورد .. لكن قلت ما ممكن أعمل مداخلة قبل ما سيد الهدية يستلمها .. وفضلت لابد ليك.
ياخ الزول ده بيحبك حب ما عادي .. دي هدية والا صاقعة؟
حولاااااا
تحياتي الأخ فضل
| |
|
|
|
|
|
|
|
|
|
Re: رأفت ميلاد ،،، هدية خاصة لك (Re: محمد أبوالعزائم أبوالريش)
|
| Quote: لكن قلت ما ممكن أعمل مداخلة قبل ما سيد الهدية يستلمها .. وفضلت لابد ليك. |
أبو الريش ،،، قمة الذوق
والله المحبة ليكم كلكم بس شقي الحال بقع في القيد
يا ساكني أكناف طيبة كلكم إلي القلب
من أجل الحبيب حبيب
أبو الريش تتذكر زمااان كان في حجوة
تقول ليك : حاجة كل ما يشيلو منها بتكبر؟؟؟؟
دي شنو؟؟؟
قالوا الحفرة
وحسب الجهل صدقنا لكن لما كبرنا وكبرت أيامنا
لقينا حل تاني
المحبة يا عزيزي
كلما توزع منها هي بتكتر
وإنت ما ملزمني حدي ،، بس تشيل مني وتودي
| |
|
|
|
|
|
|
|
|
|
Re: رأفت ميلاد ،،، هدية خاصة لك (Re: Fadl Karrar)
|
يا فضل ما انتهيت من الراجل عديييل
قالوك رأفت لي هسي
ارفص في السامبا مع الأغنية لمن نفسوا انقطع
شوية عليهو دي اغاني مابقدر عليها
تاريكم انتو من زمن السامبا والرمبا
تسلموا لي الأتنين
يا احلى صحبة
دام صفانا
| |
|
|
|
|
|
|
|
|
|
Re: رأفت ميلاد ،،، هدية خاصة لك (Re: محمد سنى دفع الله)
|
السنى يا دفعة Quote: قالوك رأفت لي هسي
ارفص في السامبا مع الأغنية لمن نفسوا انقطع
شوية عليهو دي اغاني مابقدر عليها
تاريكم انتو من زمن السامبا والرمبا |
وين ياخوى .. القدرة كملت فى كعكاتى
قبال تصل تربيزتك .. غشوات يمين و شمال .. تكون رقصت السمبا
ويادوب تصل المسرح والناس بتلملم 
تتذكر حفلة وداللمين ووردى فى مدنى وهم طالعين من السجن
أو مرة وردى يغنى "قلت أرحل" وود اللمين بداها بجيناكم يا حبايبنا
أكيد كت هناك عطرك معانا هو صفانا
| |
|
|
|
|
|
|
|
|
|
Re: رأفت ميلاد ،،، هدية خاصة لك (Re: محمد سنى دفع الله)
|
الأستاذ محمد السني
تشرفنا لحد العشرقة بزيارتك الكريمة لبوستنا دا
| Quote: تاريكم انتو من زمن السامبا والرمبا |
ومن زمن الود الصافي وعطر المحبة
ومن زمن جميل بتذكر فيهو - بزيارتك الكريمة - ممثل سوداني جسور بحق وحقيقة
مثل مسرحية كاملة لي وحده
من إكتمال الروعة
وحاتك ما كنت عارف إنو دي مدرسة جديدة إسمها ( مسرح الرجل الواحد )
كنت متخيل إنو لأنو مافي ممثلين بيضاهوا الممثل الوحيد في المسرحية
عشان كدا كان براهو
أو إنو ممثلنا الوحيد قادر لوحده علي إكمال كل أركان الأداء المسرحي للشخوص فى المسرحية
الله يدي أخينا ( السقا) العافية
ويديك بقدر نصاعة قلبك وكميات الإنسانية والإبداع جواك
| |
|
|
|
|
|
|
|
|
|
Re: رأفت ميلاد ،،، هدية خاصة لك (Re: رأفت ميلاد)
|
أخي ميلاد
Quote: بت السودان أصيل .. والفلير دمور
وكان غافلت الحجة .. ودخلت صباعك فى خمرة الضفرة ومسحت شنبك
يومك هنا |
في ذلك الزمان النضير
حيث النساء نساء والرجال رجال
والصاح صاح والغلط غلط
كانت كل الأشياء واضحة
وأصلية
( من غشنا ليس منا) مطبقة بي حذافيرها
وكذلك كانت الريدة
تصدق يا ميلاد
بنعرف واحد مات كمد بي حب جارتهم
وإتقدم ليها لكن أهلها رفضوه
عرسها واحد تاني
وهو مسخت عليهو الدنيا ورفض الزواج بعدها
المحبوبة أنجبت بت والبت كبرت
تخيل زولنا عرس بت المحبوبة
ريدة زمان زي ما قال الكحلاوي
تقول لي شنو وتقولي منو؟؟
| |
|
|
|
|
|
|
|
|
|
Re: رأفت ميلاد ،،، هدية خاصة لك (Re: Haitham El Galal)
|
| Quote: يجيك الخير فانت تستحق الاكثر |
مشتاقين يا فردة
نطتك المرة مرة .. تشرح القلب | Quote: لكن ياعمك لاحول اللللللللللله من زمن ال 555 |
و777 جات بعدها كمان .. الشبط الوسيم .. والفنلة الشبكة فوقا القميص النايلون .. وفى الجيب خمسة جنيه ظااااهرة .. فى الجنة يا ولد Quote: تخريمه
بعدين تعال قصدك شجر النيم يا ديامى |
لا سنط .. ما ده قبال ما ناكل نيم
كيفك هيثم الجلال
| |
|
|
|
|
|
|
|
|
|
Re: رأفت ميلاد ،،، هدية خاصة لك (Re: Fadl Karrar)
|
| Quote: يعنى حتة زى محل القرين فلدج ما كان عندك فيها (الوكر المهجور) |
عارف يا رأفت الحتة دي بالذات كان فيها غابة صغيرة أهل بري بيسموها (غابة ود النور) ... وجزء من أطلال بري القديمة .. الحتة دي كان فيها ما فيها ..... وبلاش فضايح معاك 
| |
|
|
|
|
|
|
|
|
|
Re: رأفت ميلاد ،،، هدية خاصة لك (Re: محمد أبوالعزائم أبوالريش)
|
| Quote: ارف يا رأفت الحتة دي بالذات كان فيها غابة صغيرة أهل بري بيسموها (غابة ود النور) ... وجزء من أطلال بري القديمة .. الحتة دي كان فيها ما فيها ..... وبلاش فضايح معاك |
طبعآ أنا ما شفتها إلا فندق .. لكن إتخيلتها لأنى فى الجزيرة فى طغولتى عشت فى مناطق نائية .. وتعلمت الحوامة فى الحتت الهادئة المافيها مخلوق ..
فندق القرين فيلدج عديت فيه شهر العسل لما كان فى زهوته الأولى .. وتجولت فيه بمزاج .. مؤخرآ بقى وكر وديسكو مشبوه .. وكمان كشات ..
فى بلادى لا يفضل الجميل جميل
وين ماضى ياخ
| |
|
|
|
|
|
|
|
|
|
Re: رأفت ميلاد ،،، هدية خاصة لك (Re: هاشم أحمد خلف الله)
|
الأخ هاشم
Quote: التحية ليك يا كرار يا راجل يا شفيف
والله الأخ رأفت ميلاد يستاهل كل خير |
مشكووووور
وبعدين الشفافية تروح منك تمش وين يا هشام
ياخ دا إنت الشفافية ذاتك وكفاية شعارك وأشعارك
بالمناسبة يا هاشم
في قصيدة رايحة لي من زمان وعندها حوجة ملحة اليومين ديل
محتاج لي بشكل منقطع النظير
أنا متذكر منها شوية كدا فإذا ممكن تتذكر لينا الباقي أو تتمها نجر
أنا متذكر منها:
كيف تفوت وتسيب هوانا
وتبقي بعد الريدة جافي
أفني في لحظة غيابك
وابقي بين الناس ومافي
يلا يا هشام ويلا يا الحاضرين أصلي مغروض شديد ولا أراك الله غيبة عزيز لديكم
| |
|
|
|
|
|
|
| |
Fadl Karrar
رأفت ميلاد
محمد أبوالعزائم أبوالريش
طارق جبريل
محمد سنى دفع الله
هاشم أحمد خلف الله
فيس بوك
تويتر
انستقرام
يوتيوب
بنتيريست