|
Re: الـســـــــــودان يـسـتـورد الـنـــــبــــــــق!!!! ماذا بقي لنا أن نستورد ( هل العشر ؟؟) (Re: حسن طه محمد)
|
بي جدك يا ابوعلي فول من إثيوبيا فول وين فول السليم الحبة منو تفلق طفل وترمي على وشو
استوردو فول وطماطم يا حليل الحديقة الخلفية الباك يارد لو قلت كلامي ده مافي واحد اضحك مني كنا في مدني ونحن ضغار في بيوت الري الجنب السكة حديد جوار مدرسة السكة حديد الشرقية كان عندنا حديقة خلفيةوكان فيها كل شئ طماطموخدرة وجرجير وعجور وخيار كنا من خيار ناس الحي واتذكر في مرة جو نا الصحة وقلعوا لينا البامية وعرفنا فيما بعد لانو كان البامية فيها حشرة بتأثر على القطن حتى العيش كان عندنا فرنفي البيت يعني السوق الا يوم الجمعة الكلام ده في مدني مدني الجمال فول من إثيوبيا
| |
|
|
|
|
|
|
Re: الـســـــــــودان يـسـتـورد الـنـــــبــــــــق!!!! ماذا بقي لنا أن نستورد ( هل العشر ؟؟) (Re: محمد سنى دفع الله)
|
ود السني أخوي
دا سودانا بلد العجائب
تعش رجبا تري عجبا
عندما سمعت باستيراد النبق الايراني اندهشت وتساءلت : وين نبقنا اللذيذ داك راح ؟
لم أصدق فحاولت التحري و جاءني التأكيد بأن الاعلانات مالية السيوبرماركات بالبنط العريض:
نــــــــــــــــــــــــبــــــــــق ايـــــــــــــــــــــــــــــــــرانـــــــــي
وزادوا علي ذلك بعض السلع التي تستورد ومن بينها الفول الاثيوبي.
تصور يا السني
فول من اثيوبيا حاجة تجنن
وفول السليم اخدو الدودو
منذ الاغتراب كنت أجلب معي فول دنقلا ومنه تلاتة حبات تكفيك فطور .
الآن لي زمن بطلت وبنشتري الفول الانجليزي والتركي والصيني وهلم جرا.
واصل ونواصل.
ودام الصفا يا الحبيب .
| |
|
|
|
|
|
|
Re: الـســـــــــودان يـسـتـورد الـنـــــبــــــــق!!!! ماذا بقي لنا أن نستورد ( هل العشر ؟؟) (Re: حسن طه محمد)
|
Quote: بي جدك يا ابوعلي فول من إثيوبيا فول وين فول السليم الحبة منو تفلق طفل وترمي على وشو
استوردو فول وطماطم |
العزيز حسن طه محمد ... نسيت ان تذكر انهم في السودان ووفق شهادة كثير ممن حضروا لقاء الفريق عبدالرحيم محمد حسين قال وبالفم المليان في اجابة على احد الاخوان أننا سنستجلب فلاحين ومواطنين لتحسين نسلكم وكان يخاطب نوبي وكل من يدافع اليوم عن لم حضور ولم يجرؤ أحد بنبس في حضرة السلطة ... بمعني آخر وددت القول للأخ السني ... أضف لقائمة المستوردات سكان جدد من دول مجاورة نحن في زمن المشروع الحضاري يافنان ... مصداقا لما تقول والله شاهدت النبق الفارسي بأم عيني يباع في بحري ومكتوب عليه نبق فارسي ... هذا زمان الهوان ياصاحبي...سأعود فبوستكم شيق . ............................................................................................حجر.
| |
|
|
|
|
|
|
Re: الـســـــــــودان يـسـتـورد الـنـــــبــــــــق!!!! ماذا بقي لنا أن نستورد ( هل العشر ؟؟) (Re: محمد المرتضى حامد)
|
إزيك يا مرتضى إنشاء مبسوط, أيام عيد الضحية مشينا السلخانة عشان نجيب خروف الضحيةمن بوشر،شفتا خروف أسترالي سمين زي منتصر الخليفة و ليهو ضنب كمان، فسألتا البنغالي: الخروف ده جنسو شنو ؟ فقال لي: بابا أسترالي و ماما سوداني، فضحكحتا قايل البنغالي بيهظر، بعدها بيومين حكيت لدكتور عمر الشايقي الشغال مع عاطف كروم في دار الدواء فقال لي الراجل كلامو صحي لأنه الأستراليين لما الخروف السواكني ضايقم في الأسواق الخليجية إستوردو نعاج سودانية و هجنوها مع ذكور أسترالية!! الخوف تبقي علينا بعد ما بقت علي بهايمنا!!! و لك ودي أستاذي محمد الجمري
| |
|
|
|
|
|
|
Re: الـســـــــــودان يـسـتـورد الـنـــــبــــــــق!!!! ماذا بقي لنا أن نستورد ( هل العشر ؟؟) (Re: Hassan Makkawi)
|
الأخ الأستاذ حسن طه
كيف الأحوال.. أزيدك من الشعر بيت ، قبل فترة كنت في شركة شحن بجدة و كان هناك حاوية تحمل للسودان ، وجدت من ضمن الحاجات البشحنو فيها للسودان ملح..ملح يا أبو علي! مستغرب مالك؟ملح عديييل ... سألت الأخ المسئول ملح للسودان؟ ابتسم (طبعا ما ابتسامة الرضا) و رد علي : انت شفت حاجة الحاوية الفاتت كانت فيها دكوة (طبعا مكتوب عليها زبدة فول..يعني يا أبو علي ح يكتبوا دكوة)..تعيش في السودان تشوف العجب (هسع الرشاشات يجوا ناطين يقولوا ليك هيثم مالو؟)
| |
|
|
|
|
|
|
Re: الـســـــــــودان يـسـتـورد الـنـــــبــــــــق!!!! ماذا بقي لنا أن نستورد ( هل العشر ؟؟) (Re: حسن طه محمد)
|
قالوا عن النبق:
" منقول " النبق بسكون الباء وتشديد النون وتخفيف القاف وهو ثمر السدر الواحدة نبقة ونبق ونبقات مثل كلمة وكلم وكلمات , والنبق بارد يابس وبرده أقل من برد الرطب وفيه تجفيف وتلطيف وهو قابض يقوي المعدة , وخاصة إذا قلي ودق مع نواه , وقيل : النبق رطب , وقيل : رطبه رطب ودفع مضرته بالشهد وغذاء الناس من النبق يسير والنبق يسكن الصفراء ويشهي الطعام ويولد بلغما وهو بطيء الهضم , وورقه وهو السدر معتدل مجفف قابض لطيف يقوي الشعر , ويمنع من انتشاره وينضج الأورام وفيه تحليل والطري منه مع الخل ينفع من تقشير الجلد وطريه أيضا يلصق الجراحات ويقوي العظام الواهنة الواهية إذا ضمدت به أو نطلت بالماء المطبوخ فيه .
| |
|
|
|
|
|
|
|