|
|
 المسلسل المصرى فى السودان.. قدر كيف شكل فينا؟! وحدثونا عن مشاهد فى الذاكره.
|
كلنا تابعنا المسلسلات المصريه وشكلت فى وقت من الاوقات نموزج امثل للترفيه والتثقيف وغيره.. وثبت وقت المسلسل حتى بات ضمن عقارب الساعه.. نتلاقى بعد المسلسل.
ومصر نفسها شكلت حب كبير لدينا كسودانيين، والبعض يوقن ان الثقافه اتتنا منهم. او عبر بوابة الشمال.
فى كل الاحوال..
سبب القصيدة هذه.. ايام الكوره وفوز مصر بالقمه.. شهدت حقد على الجاره الجميله مصر.
وجلست اتفكر.. ووجدت ان المسلسل المصرى وحده.. ما قصر!!
وبديت اتذكر فى ايام المسلسلات المصريه والجرى لو كانت الكهربه قاطعه وجات قريب لى وكت المسلسل.
المسلسل المصرى فى السودان.. قدر كيف شكل فينا؟! وحدثونا عن مشاهد فى الذاكره.
تحياتى.
|
|
 
|
|
|
|
|
|
|
|
Re: المسلسل المصرى فى السودان.. قدر كيف شكل فينا؟! وحدثونا عن مشاهد فى الذاكره. (Re: سميح جمال)
|
Quote: ومصر نفسها شكلت حب كبير لدينا كسودانيين، والبعض يوقن ان الثقافه اتتنا منهم. او عبر بوابة الشمال.
فى كل الاحوال.. |
والله يا أخ سميح يمكن الكلام ده صاح لحد ما عند البعض من الأجيال السابقة كان عندهم "وهمة" المصريين دي يمكن بسبب التوجه العام والسياسة الرسمية للدولة الكانت فارضة التوجه ده على الناس قسراً.. يعني مافي غير المسلسلات والمواد الإعلامية المصرية ... الناس حا تشوف شنو يعني ؟
والحاجة الملاحظا غايتو إنو ( جيلنا ) واللي بعدو واللي بعدو ويمكن كل الأجيال الجاية بتكره المصريين ديل وتكجنهم لله في لله كده .. وما المصريين بس .. العرب عموماً.. لكن بالأخص منهم جيرانا المصريين .. والثقافة الجايانا من بوابة الشمال دي "لو فرضنا صحة الكلام ده" فياهو ده طرفنا منها.
ده رأي غايتو ... وأظن لو مشيت في أي شارع من شوارع الخرطوم حا تسمع نفس الشيء!
| |
|
|
|
|
|
|
|
|
|
Re: المسلسل المصرى فى السودان.. قدر كيف شكل فينا؟! وحدثونا عن مشاهد فى الذاكره. (Re: Elhadi)
|
Quote:
والحاجة الملاحظا غايتو إنو ( جيلنا ) واللي بعدو واللي بعدو ويمكن كل الأجيال الجاية بتكره المصريين ديل وتكجنهم لله في لله كده .. وما المصريين بس .. العرب عموماً.. لكن بالأخص منهم جيرانا المصريين .. والثقافة الجايانا من بوابة الشمال دي "لو فرضنا صحة الكلام ده" فياهو ده طرفنا منها. |
افتراض ما فى محلو..
Quote:
يعني مافي غير المسلسلات والمواد الإعلامية المصرية ... الناس حا تشوف شنو يعني ؟
|
ده صاح. بس برضو استمتعنا بالمسلسلات.. ولا شنو؟
| |
|
|
|
|
|
|
|
|
|
Re: المسلسل المصرى فى السودان.. قدر كيف شكل فينا؟! وحدثونا عن مشاهد فى الذاكره. (Re: سميح جمال)
|
| Quote: ده صاح. بس برضو استمتعنا بالمسلسلات.. ولا شنو؟ |
أنا ما قصدت أنو ما في غيرا في السوق ..
بس الحكومة ولا هو التلفزيون ما كانوا بيشتروا غير المواد الإعلامية المصرية في الغالب ... فالناس في الغالب ما كان عندها خيار تاني لتزجية أوقات الفراغ !
أسي في زول لسة قاعد يتابع المسلسلات المصرية ؟؟
أظن حتى الشفع خلوها ..
والمصريين بضاعتهم بارت مع المنافسة الحالية والسوق المفتوح حدادي مدادي ده!
ويللا بعد ده حقو يقوموا يشوفوا ليهم صناعة تانية يأكلوا منها عيش !
ولا شنو ؟؟
| |
|
|
|
|
|
|
| |
Elhadi
فيس بوك
تويتر
انستقرام
يوتيوب
بنتيريست