|
|
 مابين آمنة وود الموج ودكين وجماعة0000000
|
عفواَ لقد حددت موضوع خاطئ ولا علاقه بالمزكورين اعلاه بالبوست الرجاء مراجعة الادارة
صراحة انا عضو جديد لنج كرت كرتونة
فقلت في عقل بالي ما في طريقه الفت نظركم لي غير بوست يكون سخن
ارجو قبولي بينكم اساتذتي واخواني
ودمتم
فرفره
متمني اشوف صوره دكين الحقيقيه
|
|
 
|
|
|
|
|
|
|
 Re: مابين آمنة وود الموج ودكين وجماعة0000000 (Re: بشير حسـن بشـير)
|
شنو ياود خالتي أبوجومانه
هسي الجاب الجنزير شنو مع الورد دي مربوطة ولا باص
أهلين الزول الجديد ممدوح أبارو مرحبتين حبابك .
واليوم السعيد الليلة جابك بس بتنا دي عندها حكومه يجب أن تأخذ
التصريح أولا وناااس ود الموج ودكين ديل أقامتهم مؤقته غير قابله لتجديد إلا بواسطة
،،،،أبوقصى،،،،
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: ممدوح أبارو)
|
يعنى الواحد ما يغمد عينو؟؟؟؟؟؟؟؟؟؟؟؟؟؟؟؟؟
يعنى الواحد كان رمش ساى القاكم تووووووووووووش و معاها خلفة كراع كمان؟
و كمان انت وود خالتك و جماعتو اتوزعتو الهدايا و التهانى .. و الله خمج
....ادونا خبر كلمونا
آآآ و لاّ ماك داير عيزومة
يا مرحب بيك باشمهندس ابارو
و خير مقال فى هذا المقام كلمات الاستاذ فضيلى جماع و التى كانت استهلالة الترحيب بى
عند قدومى الصامت(يعنى ما كان عندى عدة كركبه زيك) قال لى خير القول:
(هذا مقام يطيب به الجلوس ...ان تخيرت موائد الكلام و مع من تتجاذب اطراف الحديث)
و انا هنا لا املك الا ان اهديك اياها
يا هلا و مرحبا
_________________________________
ارى الدهر **
كالبحر يغطس حيٌّ وتطفو جيفه
او كما الميزان يخفض الثقل
ويرفع كل زِنةٍ خفيفه
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: ممدوح أبارو)
|
| Quote: مابين آمنة وود الموج ودكين وجماعة0000000 |
ممدوح ابارو...تحياتى
اصالة عن امنة ونيابة عن نفسى (دكين ما معانا)يسرنى ان ارحب بك
ترحيبا حارا....
ومنتظرين مساهماتك والتى بلا شك هى ثرة...
حاشية:
حمزاوى طبعا خرف فكلامو ده ما يزعلك..معليش راجل قدر اماتنا
وبنحترموا،،،
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: ممدوح أبارو)
|
ممدوح ,, كيفنك , ومليون مرحب بيك ,,
لكن ماتقولى مابرلوم خطير ,,
ماكان فى داعى للهيلماته دى كلها , اسم أمنه براه كان كفايه ,,
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: كمال سالم)
|
ماكان فى داعى للهيلماته دى كلها , اسم أمنه براه كان كفايه ,,
اخي كمال سالم القدوه في الاستقامه والمواضيع الهادفه لك تقديري
بس اسم امنه براه كان بجيب الهوا
اسامه ابارو كيفك ياراجل وينك ووين جديدك؟؟ وقصايدك الجميله؟؟
والله عاجز عن التعبير
شكرا للجميع علي الحفاوه
كواليس
الشكر للاخت امنة والاخ دكين والحبيب ود الموج
فلولاهم لما كان لي متسع بينكم
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: ممدوح أبارو)
|
Quote: ممدوح ,, كيفنك , ومليون مرحب بيك ,,
لكن ماتقولى مابرلوم خطير ,,
ماكان فى داعى للهيلماته دى كلها , اسم أمنه براه كان كفايه ,, |
شفت نوع المتسلبط ده ياود ابارو اختاهو
البشوفو بقول امنه ورافع الكلفه تقول بت خالتو والا دفعتوا!!!
امنه حافه يا حاقد؟؟
امنه العسل..امنه المنقه..امنه الحديقه وكدا..
تانى ما تجيب اسم البت دى فى قدومك الكريه ده،،،
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: صديق الموج)
|
هووووووووووي..ودي لأي زول دخل في البوست ده..
ما تتسلبطوا ساكت..آمنه دي بتي أنا وبس..
والدليل
لحظه من فضلك..3
Quote: ممكن اقول ليك ماما مني
ولا منوية اختاري البريحك وانا ما عندي مانع |
وكمان حنست الموج يبقي ابوها
Quote: يا موج انا عندي حل للموضوع
ممكن تواصل حبك لي ماما مني
واعتبر نفسي الثمرة المستقبلية للحب ده
وبي كده
تكون محافظ علينا الاتنين
وانا كمان يكون بقي عندي ماما وبابا في المنبر
عليك الله توافق |
واسه ممدوح ده برضه ولدي...
ازيك يا ممدوح..
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: ممدوح أبارو)
|
Quote: ود الموج آمنة دي امسك فيها بي ايدك وكراعك وسنونك
دي قضيتك بقت ولازم تحارب من اجلها
بالمناسبه وين الزوله دي؟؟
كنت مستني طلتا البهيه
|
ازيك يا ممدوح
شايفاك لقيت ليك باب كويس خشيت بيهو علي الجماعة
ومشيت لي ماما مني طوالي وناس الموج ودكين وباقي الجماعة
لكن لقيتك مفتح
علي العموم
مرحب بيك ونتلاقي في لحظة بي غادي دايراك ضروري
مرحب بيك تاني
اختك
امنة..
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: ممدوح أبارو)
|
Quote: شنبي ده يقوم في دينا خالد..
|
شفتو الزول دا بيهضرررررب بى كيف ؟؟؟؟؟؟؟؟؟؟؟
خليكم شاهدييين !! هسه بجى يغالط
ــــــــــــــــــــــــــــ
عالم مكابره !!! وشنباتهم محييله وماعارفه محل تقوم ..
ممدوح اهلا بيك .... انت شغال فى السوق وكدا ؟؟؟
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: haroon diyab)
|
والله يا ممدوح لكن لقيتك خطرررري ، نحنا كلنا جداد لكن جنس مدخلك دا ما فكرنا فيهو ،بس مدافرة بجاي و جاي قدرنا ختينا رجلنا ، مرحب بيك معانا في الحوش الكبير و شرفت والله ، عندي رغبة شديدة نكون اصحاب لكن يا ربي بلقي لي فرقة مع ناس الجدة الانيقة مني و ست بنات الحوش امونة و كل المرحبين ديل العايز يتبناك و العايزة تبقي اختك !! هو الحاصل شنو بالضبط فهموني ، انت عملت شنو للناس ديل كلهم سحرتهم كدا ( وش مستغرب شديد )
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: ممدوح أبارو)
|
| Quote: ام واب وخال وحبوبه زاتو رضينا |
يا صديق الموج انت لازم توري الناس انك ابن سبيل
مقطوع من شجرة
انت ودكين واحد ... حلة وغطاء الحلة
طبعاً دكين بالليل بيتسلبط في اي واحد بيعرفوا عشان يمشي يبيت معاهـ وطوالي فرشاة اسنانه في جيبه يصحى الصباح يقول ليك اديني معجون اخوي قال ليه ما تكلف نفسك ممكن نوفر ليك حتى الفرشاة كمان .
مرة دكين الظاهر كان مزود العبار شوية ( مصطلح دينق ) قضى ليله في كنبة في موقف البصات
يا دكين لقيت الشقة
ما مشكلة اذا ما لقيت ( واصلك ما حتلقى ) ممكن تسكن في السطوح عندنا اهو نعطيك لحاف ترفشها والعروسة تجيب معاها قصرية لزوم الكاكا
ابنتي دينا خالد
شايف يا صديق انا قاعد اقول ليها ابنتي
انا عارف قلبك رهيف
يا دينا يا بتي دكين ما عندو شنب صدقني لمن تعاين لوشو تقول منضفاه بحلاوة والشاهد على ذلك اخوي خالد ماسا
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: ممدوح أبارو)
|
الأخت الفاضل ممدوح
يسعدك صباحك بكل خير ، ، ،
مليون أهلاً وسهلاً بك في دارك ، نزلت أهلاً وحللت سهلاً .
نصيحة :
يا أخوي صديق الموج وجماعته ديل أبعد منهم ، بيودوك البحر وبجيبوك عطشان ، المنبر ده ما فيهو إلا خال واحد اسمه ( حمزاوي ) وأمونة دي بتنا وهسه نحن ح نرفع شكوى كبيييييرة ضد الاسمه موج ده الموج الياخده إنشاء الله ، خاتي صورة بتنا في بورفايله من غير إذن إذنه بالتقطعة إنشاء الله . 
أها أرقد عافية وخلي النصيحة دي حلقة في أضانك ...
مودتي
عماد
| |
|
|
|
|
|
|
|
|
|
Re: مابين آمنة وود الموج ودكين وجماعة0000000 (Re: عماد محمود علي)
|
أخونا ممدوح ،
تحياتي ،
وألف مرحب بيك في حوش بكري الماهل ،
وفعلاً حوشنا نَّور بوجودك ، ومؤكد
حضورك هنا هو إضافة حقيقية لهذا
المنبر الذي يضم توليفة رائعة من
أمثال من ذكرتهم في عنوانك المثير
للزوابع والهنهنات (دي بعرفا ود الموج) .
مليون مراحب بيك ، وشايفك جيت
مسلح ، وجاهز للمعافرة ، بس
برضو اعمل حسابك من الهبباي !
و
محبتي ،
( ليمو )
| |
|
|
|
|
|
|
| |
ممدوح أبارو
طارق جبريل
عبدالله كع
بشير حسـن بشـير
مجدي عبدالرحيم فضل
ismeil abbas
صديق الموج
العوض المسلمي
كمال سالم
محمد عبد الماجد الصايم
طارق عبد اللطيف نقد
Muna Khugali
على محمد على بشير
دينا خالد
معتصم دفع الله
بابكر التوم
sumah
haroon diyab
heba Elmahi
abdulhalim altilib
فيس بوك
تويتر
انستقرام
يوتيوب
بنتيريست