|
|
 ضمور عاطفي
|
طالعت قبل اعوام في مجلة انجليزيه موضوع عن الضمور العاطفي وعن شعيريات في المخ لها علاقة بذلك حيث ان الجزء الخاص بالعواطف في المخ يسمى Amygdalaوالدكاترة يصوبوني ان اخطأت في ذلك حيث ان منطقة العواطف في الخ مالم يتم اثارتها تضمر وتتعطل وضمور الجزء العاطفي يعني وجود فئة ذات عداء اجتماعي وما اكثرهم الحرمان من الحنان في فترة النمو وانعدام الاحساس جعلهم يلعبون دوراعصريا فهم كثير من المدراء والرؤساء والسياسيين
اترك الموضوع للنقاش
|
|
 
|
|
|
|
|
|
|
|
Re: ضمور عاطفي (Re: sumah)
|
ابوالسباع كيفك والاسرة شكرا للطلة والموضوع داير ليهو علماء نفس واجتماع يعني اي زول تسول له نفسه بالانتخاب او البندقية والاضراب يجب ان يفلفل ويحلل قبل يتجعص في كرسي الحكم لاي ادارة
| |
|
|
|
|
|
|
|
|
|
Re: ضمور عاطفي (Re: الفاتح يسن)
|
يا توحة
حبينا
هسى ناس امريكا البحبو وعمرهم وصل المية سنة ديل كيف مع الضمور القلت عليهو دا ؟
شوف عينى واحدة عمرها تسعين سنه ومجكسة يا فردة
احمر جضوم واحمر شلاليف معليش فى دى الكلمة
واخر روقة
وتنتظر الحبيب كانها بت تسعتاشر سنه
وشنطة اليد ما تديك الدرب والمكوجة زى ما بتقول حبوبة زينب الحويرص
ودا كلو وتقول لى الضمور العاطفى ؟
اها النحدسك ووكتين الحبيب يجى بالله التقول فتحو فيها نافورة فرح
حلوة نافورة فرح دى ؟
ويقول ليك حبيبتى (هيييييييييع )
اها برضو تقول لى ضمور وملاح شنو كده ؟
الضمور دا بجى عندنا نحنا لاننا ما بنعيش حياتنا صاح
الواحدة فينا ولا الواحد من السنين اتقدمت خلى الحياة وبقى يقول ليك او تقول ليك
ناكل زمنا وزمن غيرنا ؟
الزوجة تنسى انها متزوجة والزوج ينسى شريكة عمره
عشان كده بحصل الضمور العاطفى
| |
|
|
|
|
|
|
|
|
|
Re: ضمور عاطفي (Re: سلمى الشيخ سلامة)
|
يا تحتح سلام
هل تصدق بكلامك دا تأكد لى انه عندى دبل ضمور
فى الحته بتاعت العاطفه دى .
زى ما قالت سلمى ناس البلاد دى حيرونا
لقيت لى واحدعمك خواجه قديم فى الدنيا (85) سنه
ومعاهو المدام (80) سنه , اتونسته معاهو وسألته
كم سنه انتو مع بعض وهل حصلت بيناتكم مشاكل طيلة
هذه الفتره وقبال أتم كلامى قال لى دى ما ادتنى فرصة
علشان اعمل معاها مشكله دى مكنكشه فى يدى دى من ماكان
عمره 23 سنه لغاية اليوم وفى اللحظه دى الحاجه أدتو ليك عين حاره
فقام أداها ليك بوسه فى الخد علشان يرضيها . وقال لى بدل ما كل واحد
يشيل عصايه للمشى احسن نكنكش فى بعض علشان نشيل بعض ..
غايته الواحد يفكر فى موضوع الضمور العاطفى الحاصل دا يمكن يلقى ليه
عصايه زى بتاعت عمك الخواجه لكى يتوكأ عليها .
سلامى للاسره الكريمة....
| |
|
|
|
|
|
|
|
|
|
Re: ضمور عاطفي (Re: سلمى الشيخ سلامة)
|
العزيزه سلمى تسلمي من الضمور ودايما في فرح وسرور وعملية الجكسنة المبستكة الطويلة الامد نادرة في مجتمعاتنا لعوامل عدة في راي هو عدم الارتقاء بالعلاقة وفقا للمتغيرات الزمانية والمكانية والاقتصادية والمناخية وكلها يمكن التصالح معها لوختينا الكورة واطا ولكن الطرف الاخر من الموضوع داير دكاترة وعلماء
| |
|
|
|
|
|
|
|
|
|
Re: ضمور عاطفي (Re: الفاتح يسن)
|
الاخ الفاتح
مسكاقمي
والله يا الفاتح الرؤساء ديل اصلا ما بيدو فرصة لعمل اي حاجة قبل اعتلائهم لكرسي السلطة
لانهم فجأة بيكونوا على راس الحكم ومنه تبدأ عروض الخلل النفسي
وعموما لكرسي السلطة دوره في تغيير تركيبة اي انسان
| |
|
|
|
|
|
|
|
|
|
Re: ضمور عاطفي (Re: maia)
|
مايا الووو هدوو جاقفيو انا اقترح للامم المتحدة اصدار لائحة جديدة تتضمن عدم قبول اي مندوب من دولة قبل ان يتم عرض اي رئيس دولة للجنة مختصة مكونة من علماء نفس واجتماع تابعة لها وبعد ان يجتاز يكلف بتشكيل لجنة مماثلة في وطنه عشان الوزراء والمسؤولين على منوال لجنة البرادعي وتسلمي
| |
|
|
|
|
|
|
| |
الفاتح يسن
sumah
سلمى الشيخ سلامة
Muna Khugali
فيس بوك
تويتر
انستقرام
يوتيوب
بنتيريست