هالنى واحزنى الاتهام الفظيع باننى اسعى لان تشيع الفاحشة وايضا تبشيرى بعذاب عظيم فى الدنيا والاخرة! ولهذا احببت ان اوضح التالى فى فن الحقيبة السودانى وصف لمفاتن المراة وخاصةالارداف وصف لفظى يرقى الى درجة الرسم بالكلمات ولم افعل شيئا غير تجسيد هذه الصورة انا لم اخدش حياءا او غيره فلمن وجه الى اللوم اذا اردت ان توجه نقدا فلمن اتوا بصورة فاضحة واطلب منهم حذف مداخلاتهم او تعديلها دون تحميلى مسئولية مداخلاتهم النى انا قطعا ليس مسئول عنها! الامر الثانى انا اوردت شعر يجسد هذه الصورة واوردت ملاسنة بين معاوية امير المؤمنين ودارمية وردها الغاضب على اهانة معاوية لها التى ردت على اتهامه له بكبر العجيزة وعظم الاثداء بانه كانت توصف به هند امه لا هى! انظر الى ابوبكر الصديق وهو يرد غاضبا على أحد مشركي قريش وهو يتحدث بصلف مع المسلمين قائلا له: (مص بظر أمك) النساء يعابثن و يتغامزن على من وهبها الله منهن هذه النعمة حسدا او غبطة! لقد قمت بنقل الموضوع من من موقع البى بى سي للطرافة وكسر روتين البورد ورفدته للترفيه والمعابثة البريئة! فلماذ هذه الهجمة الشرسة باشاعة الفاحشة والتساؤل هل يقبل احد ان ترى زوجته وبناته وشقيقاته رؤية مثل هذه الاشياء! اذن انتم لا تعرفون النساء انهن يعرفن اضعاف ما تعرفونه او بالكاد انتم تعرفون شيئا! هل تعتقدون ان هذا الكم الهائل الذى قام بفتح البوست هم ذكور فقط! انتم واهمون! النساء يخرجن الى الخلاء سويا و يتشاركن فى طقوس الدخان والحنة والدلكة سويا ويقمن بتوليد بعضهن البعض وكثير من الامور مثل ارضاعهن اطفالهن امام بعضهن البعض! وكانى بكم تطالبون بحذف بعض الايات من القرآن ! لماذا نقوم بتحفيط القران الكريم لاطفال فى السادسة وربما الخامسة وفيه خبر قوم لوط الذين ياتون الرجال فاحشة ولوط يعرض عليه بناته للزواج عوضا! للجميع العتبى حتى يرضى باقى مشغول وعندى حاجات كتيرة ارجو ان يتسع وقتى لها عدة سنوات وان احاول اكمال بمكالريوس فى ادارة الاعمال فى التسويق ولم استطع الايفاء بعض المتطلبات بسبب هذا المنبر! وكل معرض كتاب اشترى عددا مهولا من الكتب ولا اجد متسعا لقراءتها! اعتقد هذه فرصة ثمينة يتوجب على ان لا اهدرها! وكل عام السودان وانتم بالف خير
Quote: الصورة انا لم اخدش حياءا او غيره اذا اردت ان توجه نقدا فلمن اتوا بصورة فاضحة واطلب منهم حذف مداخلاتهم او تعديلها دون تحميلى مسئولية مداخلاتهم النى انا قطعا ليس مسئول عنها!
دا كلام صاح يا جني .. طيب حسع إنت مالك جايط كدا من الصباح ..؟ ياخ مفهوم انك تحاسب بي جريرة زول كتب ليهو حاجة في البوست بتاعك .. دا مفهوم انتهى زمان .. الوكت داك .. استيف دا كان بيجازف في دولارات بس .. ولسه حنك دارفور دا ما قبل عليهو .. وفي نفس الزمن دا اوباما لسه ما كان في الصورة الواقفه فيهو جمبو تراجي دي لذلك .. مسالة الحمبكة دي بتجينا مرات مرات .. ونحن طبعا شعب عندو دبل راس .. راس بيفكر بيهو وراس بيعاند بيهو نفسو بعدين تعال هنا ياجني .. إنت بقيت بتاع شعارات واللا شنــو .. اي نعم انت (جنريتر) واي حاجة لكن وضوحك مافي اجمل منـو .. ما قلت لي بتاع شعارات كيف .. طيب اقول ليك انا .. قبل كدا عملت زي المنظر بتاعك دا لانو زهجت وكان عندي موقف محدد .. من ضمن الناس القبلت التفاوض معاهم في الأمر دا كنت انت .. وسمعت كلامك فيما يتعلق بالمشي من هنا .. اها حسع الجديد شنـو يعني ..؟ عشان قالو ليك إنت كافر .. في بيت الله دا .؟ عادي جدا .. مع اني شفت البوست وما اكضب عليك في مداخلات ما نفعت معاي لكن البوست الما بيعجبني وبحس انو ما عندي معاهو شريعة .. ما بدخل فيهو ولا بنظر فيهو .. لكن في بوستات كدا وفي ناس كدا بفتش ليهم بالفتاشة . يعني مستعد ادفع دم قلبي عديل كدا .. بلاي يا جني ارخينا من حركاتك دي .. البورد دا والله لو لا بعض المواهيم .. وبعض المنظراتية .. وبعض رجالات العصابات .. وإنــــت .. لما كان للدنيا طعم..
02-25-2008, 08:56 AM
تيسير عووضة
تيسير عووضة
تاريخ التسجيل: 12-20-2005
مجموع المشاركات: 7136
الفاحشة لا تشيع بمثل أمثالك الفاحشة تشيع بأمثال من يأخذون من القرآن ما يروق لهم ويتركون ما هو أحق وأولى أن يِؤخذ والذين يتحدثون عن الفاحشة فليراجعوا القليل من الكتب التي تعتبر من التراث العربي والإسلامي مثل كتب ألف ليلة وليلة والتي كتبت بأجواء العصر العباسي وليراجعوا أيضاً القليل من كتب مثل (تحفة العروس) و(الروض العاطر في نزهة الخاطر) وكلها كتب كتبت بعد الإسلام ومتداولة زيها وزي أي كتب تانية وما في زول فكر يحذفها من الوجود و عشان يعرفوا الفاحشة الجد جد !!
من الآخر كدا يا جني نحن عايزينك هنا بمرحك وقفشاتك الساخرة وتعليقاتك الذكية وروحك المُحبة للجميع ..
وعلي الطلاق تقعد وما تقول حاجة ..
02-25-2008, 10:43 AM
البشير دفع الله
البشير دفع الله
تاريخ التسجيل: 12-27-2007
مجموع المشاركات: 3014
الفاحشة لا تشيع بمثل أمثالك الفاحشة تشيع بأمثال من يأخذون من القرآن ما يروق لهم ويتركون ما هو أحق وأولى أن يِؤخذ
تيسير عووضة
سلام واحترام
ممكن تدينا مثال وتوضيح اكثر .
Quote: وليراجعوا أيضاً القليل من كتب مثل (تحفة العروس) و(الروض العاطر في نزهة الخاطر) وكلها كتب كتبت بعد الإسلام ومتداولة زيها وزي أي كتب تانية وما في زول فكر يحذفها من الوجود و عشان يعرفوا الفاحشة الجد جد !!
ان فهمت أن ما جاء بكتاب تحفة العروس فاحشة بالجد بالجد , فهذا أمر فيه نظر .
وان قارنت بين هذا الكتاب وبين بوست الزميل جني وساويت بينهما أو أنك رجحت أن
الدعوة للفاحشة أكثر بكتاب تحفة العروس , فعليك مراجعة الكتاب والبوست مرة أخرى
وقطعا سنصل لأهداف ومقاصد الكتاب , ونرى ان كان لبوست الزميل جني ومشاركوه أهداف
ومقاصد , وأيها نبيل ينطلق من منطلق علمي , وأيها غير ذلك .
وان أردت التبرير فقط ومواسأة الزميل جني فدونك وسائل أخرى بمطالبته أن يبقى وكفى
كما فعل بعض الأعضاء هنا .
Quote:
من الآخر كدا يا جني نحن عايزينك هنا بمرحك وقفشاتك الساخرة وتعليقاتك الذكية وروحك المُحبة للجميع ..
وعلي الطلاق تقعد وما تقول حاجة ..
ده كلام معقول ومقبول , وأنا أيضا أؤيد بقاء الزميل جني من أجل
ما تفضلت به أعلاه .
بس طلاق ما بحلف
احترامي وتقديري
02-25-2008, 09:17 AM
abubakr
abubakr
تاريخ التسجيل: 04-22-2002
مجموع المشاركات: 16044
تبادلت معك رسائل كثيرة في مداخلات عامة ولم الاحظ مطلقا انك كما اشير اليك كما ذكرت ..انت انسان واضخ كما تبينت.. اختلاف وجهات النظر واسلوب تناول امور ديننا ودنيانا فيها خلافات لا يجب ان تصل الي حد الحرابة اللقظية.. تناول امور الجنس لا يعني الفاحشة فلقد اوضحت انت امثلة كثيرة في ذلك ....ارجو ان يتسع صدر الجميع وعقولهم كذلك بحيث نتفادي نظرية الاقصاء او ان تبتعد انت فهذا لا يحل قضية ما ....
مودتي
02-25-2008, 09:18 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
العزيز جنى لك التحايا والود حتى لانلقى الحديث على عواهنه ارجو ان تحيل قراءك الى كتاب رصين وجميل هو ( سيدات بيت النبوة )للدكتورة عائشة عبد الرحمن "بنت الشاطئ " وكتاب آخر لكاتبنا العبقرى الدكتور ( منصور خالد ) هو "الفجر الكاذب : ما ذنبك إذا كان الناس لا تقرا تاريخ الإسلام ! هناك الكثير من الإيتذال فى هذا الموقع ، كثيرا ما فكرت ان انسحب مثلك ولكن تارة أرى كتابا على درجة من الرصانة والإحترام يكتبون ، فاصرف النظر عن الإنسحاب . على كل حال انا شخصيا افتكر ان المنبر تغلب عليه الهيافة والتسلية وعدم الموضوعية ! لاتستغرب إذا وجدتنى منسحبا ، فلن تفيدك نصيحتى على كل حال .
02-25-2008, 10:06 AM
ahmed haneen
ahmed haneen
تاريخ التسجيل: 11-20-2003
مجموع المشاركات: 7982
أن ينتقدك أحد وفق قناعته هذا حقه .. أن تكتب وتدافع عن قناعاتك هذا حقك .. أن نقرأ لكما او لا نقرأ هذا حقنا كقراء .. فلا تدع الغضب يحملك لتعتدي علي حقوق قرائك . .. طب خاطرا.
02-25-2008, 10:15 AM
Zakaria Joseph
Zakaria Joseph
تاريخ التسجيل: 11-27-2007
مجموع المشاركات: 9005
يا زول أمشي.. ودعناك الله والرسول [هسع يجوا الجماعة الما بنجيب إسمهم يقولوا ليك الرسول دا لزومو شنو هنا، قول الله ما تبقى مشرك!! مع أن الجاهل هو من لا يعرف السر في قرن إسم النبي بإسم الله في "لا إله إلا الله محمد رسول الله"].. يعني ودعناك "لا إله إلا الله محمد رسول الله".. شوفتا كيف؟؟
كان عندك دراسة دراسة داير تعملها أحسن تمشي تعملها.. وعلى الأقل ناس هاشم نوريت [؟؟!!] البتحججوا بوجود جني حتى لا يتم حجب البوست عن الأراضي المقدسة إذا ذكرت المملكة أو كهنتها بسوء.. يا زول أمشي..
باختصار كنت أشك أن المنبر موبوء بهكر خطر لكن اتضح أن الإدارة تتاول المقص وتحذف بعض البوستات الهامة في تقديري، مثل بوست كتبته صباح حسين عن "إعلان الإرهابيين للجهاد".. كتبت مداخلة في البوست صباح أمس الأحد وجيت في نهاية اليوم في المساء فلم أجد البوست.. حذف.. مع أن أحد شيوخ السلفيين في المنبر قد وضع وصلته في بوسته وبالأمارة هنا: Re: حيّ على الجهاد "وَاقْتُلُوهُمْ حَيْثُ ثَقِفْتُ...ُمْ مِنْ حَيْثُ أَخْ
ووضعت بعض شرائح الفيديو التوضيحية واعتذرت عن بعض محتوياتها لما فيها من نزول عن القيم الأخلاقية التي أرعاها.. مثل هذه الشريحة
فأنا ضد الإساءة ولكن مع ذكر الحقائق وإبراز التناقضات والتجاوز عن ماضي الملك فهد، نسأل الله له الرحمة والغفران، ولكن لا بد من معرفة التناقضات وطريقة المخرج منها.. وأنا أعرف أنك من المعجبين بالدكتور منصور خالد، فهو دائما يذكَّر الناس بالتناقضات..
في البداية قلت ليك أمشي.. لكن ذهابك لا يسعدني.. سوف نفتقد ما تحضره للمنبر من نوع هذا البوست:
جني..يا رائع.. أنت المهم والناس جميع ما تهمني..انت العزيز أفرد شراعك ضمني..وخايف تفوت والسكة بيك ما تلمني... ما مهم رأي أي زول المهم رأيك في نفسك.. كل المحبة
02-25-2008, 11:13 AM
المسافر
المسافر
تاريخ التسجيل: 06-10-2002
مجموع المشاركات: 5061
Quote: أن ينتقدك أحد وفق قناعته هذا حقه .. أن تكتب وتدافع عن قناعاتك هذا حقك .. أن نقرأ لكما او لا نقرأ هذا حقنا كقراء .. فلا تدع الغضب يحملك لتعتدي علي حقوق قرائك .
يا زول ماشى وين؟؟؟ يادوب لقينا فرصة للمنبر ده تقوم تقول متخارج!!!
ده كلام ده يا جنريتر (على قول أخوى تمبس)
راجينك
شول اشوانق
02-25-2008, 11:14 AM
عبدالله كع
عبدالله كع
تاريخ التسجيل: 02-12-2008
مجموع المشاركات: 4841
تفارق كيف تخلينا لشوقنا وزكرى ماضينا وكيف بعدك يكون الحال وكيف تصبح ليالينا ياجنى خت الرحمن فى قلبك المنبر كيف حالو بدونك نحن بنريدك ونشتهيك بصدق ارجو ان لايغيب توقيعك0
ود الفحل
02-25-2008, 11:30 AM
amir jabir
amir jabir
تاريخ التسجيل: 01-12-2006
مجموع المشاركات: 5550
الأخ الحبيب جني أحزنني جدا ما نالك من اتهام باطل لا داعي له مطلقا. وفي هذا المنبر يجد المرء الكثير من الإحباط والقرف أحيانا ، كما أنه بالمقابل هنالك قلة من من يثرون المنبر بالمفيد من المعارف والبهجة وأنت أحدهم ..أضم صوتي للإخوة الذين بناشدونك البقاء فلا تخيب الرجاء.
تحياتي ومودتي وفائق احترامي.
02-25-2008, 11:38 AM
abuguta
abuguta
تاريخ التسجيل: 04-20-2003
مجموع المشاركات: 8276
ياصديقى بوستك بتاع الارداف قد نقله الاخوة فى العمل الى موقع الاصداف انا دخلت عليه وشفت جميع فنيات الرقص من غير ان ارى هنالك عيب وفروته الى 150 موظف فى الشركة على بريد العمل ولا احد علق على واحيط علما بانا لنا مطاوعة يسيحون المايونيز ويقلبون الكتشب اخضر وصدقنى بوست مناشدة الحذف قد شفته تكرارا ومرارا ولم ازوره ليس عدم زمن منى ولكن عرفت مضمونه قبل ان ادخله لذا ياصديقى انا بدونك لا استطيع ان اجمع المليون وبخروجك من ساحة الحلبة سوف نفتقد لشخص كان يغمر بالود والنصائح القيمة لذا امكث معانا فقد لبنت وقربت ان تاتى اكلهاكيف تتركها للطير
ودى لك
02-25-2008, 11:33 AM
عبدالله كع
عبدالله كع
تاريخ التسجيل: 02-12-2008
مجموع المشاركات: 4841
Quote: الصورة انا لم اخدش حياءا او غيره اذا اردت ان توجه نقدا فلمن اتوا بصورة فاضحة واطلب منهم حذف مداخلاتهم او تعديلها دون تحميلى مسئولية مداخلاتهم النى انا قطعا ليس مسئول عنها!
جنى اولا لا يوجد بكل البوست صورة خادشة للحياء.... وبعدين تمشى وين ؟عندك ردود ناقصة ..وانا شخصيا المقعدنى هنا انت وامنه وكم زول كده..بلاش حركات معاك يا بايسون كلك حركات...اذن لا للذهاب ..ابقى معنا،،،
02-25-2008, 12:01 PM
عمار عبدالله عبدالرحمن
عمار عبدالله عبدالرحمن
تاريخ التسجيل: 02-26-2005
مجموع المشاركات: 9162
الاخ الكريم جنى ، تفارق لا ، وان تسمع نصيحة اخوانك فهذا امر طيب ، بصراحة مهما بررت لهذا البوست ، فانه انحرف عن المسار الصحيح ، و اصبح امرا مسئيا . لا نعرف لك اشاعة للفاحشة ، ولو اى زول نصحوه زملاؤه زعل وترك المنبر كان المكان فضى .
02-25-2008, 02:04 PM
ABDALLAH ABDALLAH
ABDALLAH ABDALLAH
تاريخ التسجيل: 08-26-2007
مجموع المشاركات: 7628
في البدء أود أن يراعي الزملاء هنا بأن جميع عضوية المنبر هنا يملكون من أمرهم رشداً، وبالتالي ليس لأحد هناالحق في أن يحدد للآخر/ين ما يقرأه وما لا يقرأه، وما يكتبه وما لا يكتبه، ما لم يتعدى المكتوب لوائح البورد المعتمدة لدى إدراة البورد ممثلة في شخص بكري... يا جماعة معقولة يجي زول الليلة يقول انه يستطيع أن يشيع الفاحشة بيننا....طيب شن فايدة وجودنا هنا، وادعاءنا بأننا نتحاور، وديمقراطية وكلمات كبيرة، اذا كان مجرد عرض صور لبنات برقصن يبقى سيشيع الفاحشة....
يا جني يا أخوي تبقى بالجد ما احترمت عقولنا ولا خوتنا الامتدت من بداية المنبر دا لغاية الآن لو ممكن تصدق انو ممكن تشيع الفاحشة بمثل تلك الصور أو حتى المداخلات.......
والله يا جماعة انا كنت بالجد حسن الظن بالجميع، كنت فاكر أنه لو حول هذا المنبر لعرض برونو، فإن ذلك لن ولن يستطيع أن يشيع حرف الفاء من الفاحشة...
جني....هناك الأهم من الذاتي، وهو إسهامك في العام اختلفنا أو اتفقنا حوله، يجعلنا ننادي باستمراريتك هنا، ويلزمك بقبول مناداتنا ..
02-25-2008, 02:12 PM
AnwarKing
AnwarKing
تاريخ التسجيل: 02-05-2003
مجموع المشاركات: 11481
"الفاحشة"..؟ ما ممكن.. أتذكر إني دخلتا البوست وكان عندي تعليق على الموضوع وما يعنيه للآخرين عندما ينظرون لنا. وجاء ردك بكل تقدير وإحترام.. .. أتفق مع رأي العزيزة تيسير الفوق ده..
في إنتظارك..
02-25-2008, 02:54 PM
عبدالله كع
عبدالله كع
تاريخ التسجيل: 02-12-2008
مجموع المشاركات: 4841
سلامات جني وقت مستقطع البوح جهرا عارف ياجني انا من اول ما دخلت المنبر ده بديت اركز في مداخلاتك لانها كانت بتدهشني بسخريتك الجاده وانتقادك المفيد مره اقول الراجل ده همجي تاره اقول الراجل ده متخلعن اها شويه شويه بديت اعرف انو الهمجيه والخلعنه اهم الصفات اليجب توفرها هنا ومع مرور الزمن عرفت انها من اهم صفات الكاتب المتمكن
فزي ماقال اخوي نادوس الناس الهنا ديل ما عيال ولا جهله عشان يجي واحد يحدد ليهم منو البنشر الفاحشه ومنو الملاك الطاهر
وقناطير مقنطره من الود
02-25-2008, 03:49 PM
مصطفي سري
مصطفي سري
تاريخ التسجيل: 03-07-2007
مجموع المشاركات: 2339
اللاخ جني ، سلامات انت تعرف اننا اخلتفنا كثيراً الى درجة المواجهة واعتذرنا لبعضنا البعض ومع انني اختلف فكريا وسياسيا معك ، لكن ابادلك الاحترام والتقدير ، والبوست الذي اصبح في مخيلة التكفيرين فاحشة اطلعت عليه ولم اجد فيه ما يقولونه ، وليس هناك من يستطيع تكفير او الوصايا على احد وانت لديك افكارك تبذلها يختلف الناس او يتفقون حولها لكن ليس ان تغادر بمجرد ان هناك من لديه وجهة نظر مخالفة حتى ولو بعنف ، والساحة السياسية والفكرية مليئة بهذه الخلافات الى حد القتل - طبعا لا ادعوك للمواجهة الحربية - لكن لم يقم احدا ويترك سلاح ما يعتقده اي كان نوع السلاح وانت تتمتع باحترام ان لم يكن جميع اعضاء البورد فمعظمهم ... تجدني اقول لك ابقى لنواصل اختلافنا ولندافع معا عن حرية الراي لان هذه هي القضية ...
02-25-2008, 03:15 PM
البحيراوي
البحيراوي
تاريخ التسجيل: 08-17-2002
مجموع المشاركات: 5763
ويا زول إت ماشي وين . حرم كلامك برة وماك زول فاحشة ولا حاجة , عشان ناس الفاحشة عارفين رقبتهم وإت ما منهم ولا حاجة ,. يمين الله أكان الشمس دي بتطلع الساعة الثانية عشر ليلاً كان تشوف بلاوي
بحيراوي
02-25-2008, 03:54 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22972
العزيز جني لك التقدير قديما قيل: الفن هو أن تبهر انظارنا الحقيقة فليس هناك ضوء حقيقي غير الضوء الساقط على الوجه القبيح وهو عاقد العزم على أن يحترق به وتكمن موهبته دوماً في البحث عن فراغ مظلم عن مكان لم يعرف من قبل نختزن فيه بقوة أشعة الشمس ... ويقينى انك ياجنى احد الباحثين عن الفراغات المظلمة وهنا نحتاجك اكثر ابقى ياصديقى
Quote: أن ينتقدك أحد وفق قناعته هذا حقه .. أن تكتب وتدافع عن قناعاتك هذا حقك .. أن نقرأ لكما او لا نقرأ هذا حقنا كقراء .. فلا تدع الغضب يحملك لتعتدي علي حقوق قرائك
علي الطلاق 10 تجي راجع
02-25-2008, 03:51 PM
Elawad
Elawad
تاريخ التسجيل: 01-20-2003
مجموع المشاركات: 7226
الأخ جني أولا أرجو لك التوفيق في مشاريعك الدراسية. ثانيا أرجوك كما رجاك من قبلي ألا تغادر فأنت من الأقلام المسئولة بالمنبر و التي لها أسلوبها الخاص. و حتى في البوست المعني كان واضح جدا مقصدك و لا يمكن تفسيره بمحاولة إشاعة الفاحشة و أنت الأب المربي. مغادرتك خسارة كبيرة فأنت من القليلين الذين يمكن للواحد أن يختلف معهم باطمئنان لأنك شخص نبيل و نقي القلب و لا تحمل حقدا يدفعك للانتقام من مخالفيك و اغتيال شخصياتهم. و بعدين ياخي انت لو عارف الكلام الفوق كله تاني الزعلان ليها شنو؟ أرجوك ابق معنا و تحملنا و علمنا و تعلم منا.
جني العزيز في ناس بتحاول تصاحبهم من خلال أشياء كتيرة تراها وتعايشها وتتعايش معها من خلال تواجدهم الدايم أو حتى المتقطع معاك خلقت تكنولوجيا هذا الزمن أدوات جديدة لنا للتواصل ومعرفة الآخر ... منها هذا الحوش .. خلق لنا صداقات جديدة بمعايير جديدة .. واستمرت الصداقات بل وتمددت حتى فتحت بيوت ... الغريب في الأمر حتى حدود الإختلاف التي قد تحدث بالمعرفة المباشرة وتجعل حد علاقتك مع الآخر محدودة .. يكون الأمر هنا مختلفاً إذ تكون الخلافات عميقة جداً في الأفكار والتصرف إلا أن الود يبقى موجوداً وتستمر العلاقات بكل تناقضاتها .. أها ياجني إنت من الصنف التتشتهي تصادقوا أو تتلموا معاهو في جلساتو وونساتوا .. هذا شي ... ثانيا لا أعرف منطقاً يقول (من الأفضل لي أن أحتفظ بما أملك وأذهب إلى حال سبيلي )إلا إذا كان السبب عدم المقدرة أو الخوف ... الخ وأعرف من خلال ما تكتب أنك لست من هؤلاء .. بعيداً عن (كسير التلج) ذهابك مرفوض ...!!!!!!!!!
02-25-2008, 04:50 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: الفن هو أن تبهر انظارنا الحقيقة فليس هناك ضوء حقيقي غير الضوء الساقط على الوجه القبيح وهو عاقد العزم على أن يحترق به وتكمن موهبته دوماً في البحث عن فراغ مظلم عن مكان لم يعرف من قبل نختزن فيه بقوة أشعة الشمس ... ويقينى انك ياجنى احد الباحثين عن الفراغات المظلمة وهنا نحتاجك اكثر ابقى ياصديقى
كمال
02-25-2008, 05:22 PM
معتصم ود الجمام
معتصم ود الجمام
تاريخ التسجيل: 04-22-2003
مجموع المشاركات: 3261
أخى جنى لك الود والتحية ....يعنى النت والفضائيات خلت حاجه للناس لغاية يبقى الكلام فى رقصة يراها الجميع فى كل مباراة من مباريات الدورى الافريقى ...نسأل الله السلامه ... وفقك الله فى دراستك وهى الأهم ...أم محمد حتنبسط كتير من قرارك ده لهم جميعاً التحيه ...
يا جني يشهد الله إنك واحد من اشراقات الموقع ده بتذكر مرة واحدة (وأنا برلوم) اتداخلت معاك مداخلة واحدة (شترا) واعتذرت ليك وأخجلني ردك على اعتذاري ، وعرفت حينها من أي معدن من الرجال أنت .. أنا شخصياً بخرم ليك عدييييل ، بجي من الشارع أكابس النيت عشان أقرأ ليك حاجة وما ح أحنسك عشان تقعد ، طالما الموضوع فيهو قراية ممكن مرة مرة كده تتاوق ، وتعمل ليك حاجة سريعة كده وتتخارج لكن ناس مع السلامة ، وأبقو عافية ، ونوع الكلام ده ما بينفع ده حنك بيش يا ابن خالتي .. والناس الزعلوك ديل ، وغلطوا عليك ، أها أمسحها لي في وشي ده ..
وخليك قريب
02-25-2008, 08:44 PM
إيمان أحمد
إيمان أحمد
تاريخ التسجيل: 10-08-2003
مجموع المشاركات: 3468
Quote: يا جني يشهد الله إنك واحد من اشراقات الموقع ده بتذكر مرة واحدة (وأنا برلوم) اتداخلت معاك مداخلة واحدة (شترا) واعتذرت ليك وأخجلني ردك على اعتذاري ، وعرفت حينها من أي معدن من الرجال أنت ..
مصداقا لكلامك يا صلاح أصلا ما أنسى كلام جني عن محمد حامد جمعة:
Quote: لم يجد محمد حامد جمعة فى هذا المنبر لسانا احد من لسانى الا من بعض القلة فقد افردت له بوستات باعتباره ممثلا لآل انقاذ وطاردت الرجل فى بوستاته وأشبعته تهكما وغمزا ولمزا ومعابثة واشهد الله ان الرجل كان كعود الصندل معطرا لفاس قاطعه فلم يقتص لنفسه وهو قادر عملا بماثور القول من استغضب ولم يغضب فهو حمار وهو حق يكفله له المنبر! محمد حامد وان اختلفت معه فى الرؤية والمنهج فهو رجل خلوق مهذب وطيب وتصنيفه وتنميطه كما يتم فى هذا المنبر ظلم وتجنى وافتئات مابعده افتئات فالرجل سودانى ويمكنه ادعاء انه محب للسودان ومخلص له اكثر منا فهذا حق لكل سودانى يجب ان تؤكده الشواهد وليس الادعاء ليس كما يفعل الكثيرين! دفعتنى نفسى اللوامة للاتصال به تيلفونيا بعد استقالته لأوكد له انه يجب ان يبقى فى المنبر لان المنبر اسمه سودانيزاونلاينز ويمثل كل الوان الطيف واننا نحبه برغم اختلافنا معه وان اختلاف الراى لايفسد للود قضية واننا ضد سياسة الاقصاء وضد ان لا يمثل االمنبر كل ابناء السودان! لم اعرفه بنفسى فى بداية المحادثة وعتدما سالنى منو معاى اجبته بانى الساير عطية! احدى الشخصيات التى كتب عنها وظلل اتحدث وهويصغى ويجيب ويعلق والشهادة لله ان لهجة الرجل لم تتغير حتى عندما قلت له معاك جنى بل زاد عذوبة ورقة وادبا وترحيبا! محمد حامد من نبرات صوته ولهجته ومفرداته تحس انك تتحدث مع رجل طيب القلب وبسيط فيه ادب وتواضع ودماثة! ومن الظلم والتجنى عليه ان تتعامل باستعلاء وازدراء معه فى حين نتحترم الاخرين لمجرد انهم يختلفون مع اهل الحكم فى السودان الذين نختلف معهم برغم عن كسب بعضهم الغث فى هذا المنبر ومن وراءهم هتيفتهم! اكرر احترامى للأخ محمد جمعة الذى لم يغلظ لى القول كما فعلت نفسى الأمارة بالسوء! وهاهو المقال يؤكد معدن محمد جمعة وكنت قد هاجمته لتزامن استقالته مع الهجمة على المنبر عملا بنظرية المؤامرة! شكرا لتور بقر الجواميس ورحم الله امرءا اهدى الى عيوبى نفسى فالرجل قد اعطانى درسا ثمينا عسى ان يفيدنى فى قادم ايامى وليسامحنى الله عن غابر ايامى! جنى
لا تذهب يا جني قلم مسنون من الصدق لابد ان تستمر لان هذه النافذة خلفها اناس كثر يحبونك ويحبون تعليقك كن هنا وواصل حتي الذي تضايق منه نفر لان رسالتك اكبر من هذا
02-26-2008, 04:18 AM
هاشم نوريت
هاشم نوريت
تاريخ التسجيل: 03-23-2004
مجموع المشاركات: 13622
Quote: وحتى لانفتح باب التأويل... هذا إحتجاج بدوره.
تأويل يا بتاع اللوز ..؟ والله يا جني عايز نصيحتي .. خالد كودي دا (الفخخك) وجاي هنا قال ليك تأويل .. تأويل شنـو يا دافنشي ياخ الله يهديك ..؟ إنت ما صدقت البوست وقع ليك في (عبــك) .. وهاك يا (تجريد) مكشوف وهاك يا (وجودية) .. وهاك يا (سريالية) دون غطــاء ..
والله يا جني كنت قايلك اشفت من كدا .. بلاي يلغمك دافنشي ..؟ ويجي يأول ليك هنــا .. وإنت تقول لينا عايز اعمل الماستر .. غايتو يا دافنشي العملتها في جني دي .. (سيدنـاالمهدي) ما عمله في الترك..
يا جني بلاي شيل البوست دا بي صمتو وديهو لي بكري .. بعد شوية بجوك (البندقجيه) وبعض من طبقة النبلاء .. وصغار البرجوازية يقوموا ينظرو لينا .. شيل البوست دا وتعال راجع وخليك من الحركات القرعة دي .. سمعت تحت تحت انو بكري ح يرجع الماسينجر ..
02-26-2008, 07:48 AM
Khalid Kodi
Khalid Kodi
تاريخ التسجيل: 12-04-2004
مجموع المشاركات: 12477
Quote: تمبس: إزيك ياخ، وإنشاء كويس ياخ، والف ألف حمدا لله على السلامه ...,إنشاء البواسير مارجعت ليك تانى، آآآه... وأهأ .... كيف؟ ياسلاااام والله ماعجبنى ليك...لا بالله ... كيف؟
دافنشي .. اقول ليك حاجة: أنا عندي عمي لحدي ما مات كدا حتين عرفو عندو الحركة دي .. إنت قايلني وهم بفكها ليكم طايرة كدا.؟ شكلك كدا اقتنعت انك تعمل العملية .. بعد معافره معاك ومجابده .. المهم حاول تعمله في عطلة عيد الفصح .. انا اجازتي في الربيع ، رسل التذكرة يا كمان تعال اعمله عندنا هنـا .. المسالة دي قالو بقت ساهلة .. أخونــا دكين عمله قبل فترة ومافي زول غيري عارف .. قال لي بدل الخياطة المسالة بقت بي نظام ( الدبابيس ) يعني طق .. طق .. دبوستين افقيات وواحده رأسية برنامجك انتهى .. وكان على (القلبان) من جهة لي أخرى .. أخوك رقبتو سداده .. كلما الدبابيس تضغط وتكورك .. بديك ( قلبه) المهم كان ما قدرت اجيك .. ارسم الوضع لي جني .. وتعال صفر ليهو في البوست البي هناك .. لو مصر تموت بالمسالة دي .. كلم صاحبك عصام جبر الله .. خليهو يرسل ليك حبه من ( السفوفه ) الرسلتها ليهو المرة الفاتت وخليهو يوريك طريقة الاستعمال.. ما يقوم يغشك يقول ليك السفوفه دي بدوها فصين (توم) اصلو صاحبك دا بتاغ مغارز .. دي (لبخــه) بس يا دافنشي .. عبارة عن (لبخـه عادية)
02-26-2008, 07:46 AM
تبارك شيخ الدين جبريل
تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: باقى مشغول وعندى حاجات كتيرة ارجو ان يتسع وقتى لها عدة سنوات وان احاول اكمال بمكالريوس فى ادارة الاعمال فى التسويق ولم استطع الايفاء بعض المتطلبات بسبب هذا المنبر! وكل معرض كتاب اشترى عددا مهولا من الكتب ولا اجد متسعا لقراءتها!
العزيز جني تحية عطبرواية بالله تمشي تخلي البورد للرجرجة الذى اجتمعو ضرو واذا تفرقو لم يسمع بهم احد ليه
انصحك انك تعدل دراستك الحالية وتعمل ماجستير في نواقض الوضوء ودكتوراة في ما يخرج من السبيلين..عشان تبقى عالم جلل...مافي زول يتطاول عليك او تلم الجكس ذى عمرو خالد تدغدغ مشاعرهم الحسية دون ان يرجمك احد بحجر المسالة بقت بزنز
02-26-2008, 09:45 AM
sama7
sama7
تاريخ التسجيل: 02-05-2002
مجموع المشاركات: 1342
اذا انسحب شاب او شابة صغار السن نقول معليش قلة تجارب والعود لسه اخضر لكن انت ما لك عمرك ضيعتوا في العراك والمصادمة والنضال ودفعتك طارو راحة بعدين جيت الغربة عشان تلحق شيء لا للانسحاب والدليل البوست ده كان استفتاء لك وبعدين بنياتك ديل مايقولوا ابونا جرى من المنبر عشان هاجموه سادخل الشبكة في العصر القى ردك
03-05-2008, 10:51 AM
البشير دفع الله
البشير دفع الله
تاريخ التسجيل: 12-27-2007
مجموع المشاركات: 3014
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة