|
حليل أمي
|
في ليل مسدول كاسيه سواد
في غربة حزينة وناسها بعاد
وفي ظل ممدود من غير أبعاد
إمكن ظل قمراً ليه ميعاد
ممدود بين شجر أغصانه سواد
لمحت شبح
أو إمكن ضل
سارح في الليل تائه مُهمل
قرّبت قريب إمكن أندلّ
عن صورة توضح لي أكمل
سمعت نحيب بي صوت مذلول
مخلوط بأنين ممزوج بالذُل
ولمحت دموع سايلة بتهطل
وقفت قصادها بديت أسأل عن سر مكتوم في جوف مُهملّ
رفعت للرأس بانت أجمل
لمحت عيونها
عيون أمي
وهي وين أمي !!
بعيدة هناك تسأل مني
كل طيراً جاي تسألوا عني
كيفن أمسيت في يوم مقضي
حسيت بدموع غصّت حلقي
ونار الشوق حرقت قلبي
دي ما أمي !!
وإمكن أمي ..
شن جاب أمي في ليل بعدي
أكيد بحلم بعيون أمي
أكيد بحلم أضمّ أمي
أكيد بحلم بي حضن أمي
صحيت من نومي مشيت أجري
كايس لو أسمع صوت أمي
بديت أضرب
تلفون بيرن وقليبي يئنّ
لو أمي ترد وعليّ تحن
وسمعت الصوت ودموعي جرن
حليل أمي ..
|
|
|
|
|
|
|
|
Re: حليل أمي (Re: هاشم أحمد خلف الله)
|
Quote: تعبير مؤثر يا مازن ربنا يخلي ليك أمك وكل الأمهات
|
صديقي المرهف هاشم
ربنا يخلي لينا جميع امهاتنا
ويديهم الصحة والعافية انشاالله
.................
شكرا لحضورك الأنيق
| |
|
|
|
|
|
|
Re: حليل أمي (Re: مازن الجمّال)
|
كل الأمهات ســـــلام كل الأمهات ليهم الجنة ليك المحبة اغطيك الرحمن وتسلم من كل غوائل الدروب واهوال الغربة دام صفانا ..
| |
|
|
|
|
|
|
Re: حليل أمي (Re: محمد سنى دفع الله)
|
ده شوقا ليها فات الحد
فضل مكبوت بدور يمرق
يسد فجوات حنين ممتد
وكل ما اقول وصلت خلاص
كفاية بعاد افج المد
بلاقي وراه هم مدود
نهايتو سراب صداو مرتد
......................
استاذي محمد السني
أي مشهد صورتو قبل كده محفور في ذاكرتي
هو اعجاب متواصل ....
شكرا عميقا لمرورك الأنيق .
| |
|
|
|
|
|
|
Re: حليل أمي (Re: مازن الجمّال)
|
مازن الجمّال،،
صباح الخير،، قدر ما نقول فيهن و نكتب عنهن،، و قدر ما نتخيل حُبهن،، برضو بنحس بي شي ناقص،، و ما بتلحق،،
| |
|
|
|
|
|
|
Re: حليل أمي (Re: Soumeta)
|
Quote: برضو بنحس بي شي ناقص،، و ما بتلحق،، |
بعد المسافة
والخوف من اننا تاني ممكن ما نلاقيهن
................
عميق مودتي
| |
|
|
|
|
|
|
Re: حليل أمي (Re: مازن الجمّال)
|
ــــــــــــــ الاخ مازن الجمال: شكرا ليك ولولا الجميلات امهاتنا لما كنا علي الوجود: واليك كلماتي في امي وكل المهات الله يحفظهن: أمي
ولدت في يوم اغتسلت الأرض من حيضها بماء السماء كانت لحظات المخاض عصية علي أمي جبال الألم توطدت.. علي أنفاسها ألهبت بركان صرخة.. بكبرياء انثي داعمة كي انزلق بسلام مددت يدي بريشة ولوحة عند الخروج من كوخ نور إلي الظلام أنها أمي غمزت وهمزت( للداية) بفن إني أحب واعشق أمي بجن رددت معها الأذان بلحن تبسمت بسن كأنها مضيء برق في ليل اجن أنها أمي دثرتني وزملتني.. دافئا حضنها يحتويني ويلمني سيف لبنها يقطع سلطان جوعي وهمي وحزني وفي نشوة تروي ظميء انام ..استيغظ .. ابكي .. اضحك..احلم تلثمني في فمي فخورا بها أنها أمي شددتني في شدقي بشد لشد حرف ولشدة الحرور في قدمي ألجمتني اعربد كالسكران في غمرة لا يكفهره وجهها مني أنها أمي
ومن قلبها تضمني وفي روحها تسكني لاتكلني إلي نفسي تحرك ظلها ليظلني تفتح أنفاسها لتقلني ما أجملها أنها أمي
| |
|
|
|
|
|
|
Re: حليل أمي (Re: emad altaib)
|
تساهر الليل تهدهني
تغني كلام بريحني
تحجيني وتفليني وتونسني
متين اوصل ابوس راسا .
______________________
صديقي الجميل عماد
كلماتك ادمعت عيني
لك مني خالص الود
| |
|
|
|
|
|
|
Re: حليل أمي (Re: مازن الجمّال)
|
Quote: [في ليل مسدول كاسيه سواد
في غربة حزينة وناسها بعاد
وفي ظل ممدود من غير أبعاد
إمكن ظل قمراً ليه ميعاد
ممدود بين شجر أغصانه سواد
لمحت شبح
أو إمكن ضل
سارح في الليل تائه مُهمل
قرّبت قريب إمكن أندلّ
عن صورة توضح لي أكمل
|
قمة التعبير هنا لك هميم الود
| |
|
|
|
|
|
|
Re: حليل أمي (Re: Elmosley)
|
استاذي المبدع الموصلي
ما لقيت حاجة اعبر بيها غير البكاوالكلام
عميق مودتي وقمة سعادتي بمرورك الجميل
| |
|
|
|
|
|
|
|