Quote: أرجو من يمكنه إيجاد البوم(The Masterpiece.) لفرقة (The Temptations) نسخة 1973 أن يمدنى به عاجلاً..... ولكم الشكر....
حرام عليك يل عبدالحفيظ دى كان حاريها عند ود شيقوق وطاطتك اصبحت ... ده بتكلم عن الطلح والباسم والحفرة ومثل هذا الاقتباس
Quote: وحلاوة ناسنا لما الواحد يكون ونّيس يشيل ابريقو ويمشى مسافة قريبة من الراكوبة لعندي زريبة الشوك المغطاة بعرق الفقوس ويجي راجع ماسك تكتو باسنانو ويواصل لناسو في الحديث من بعيد مع اختفاء بعض الحروف من كلامو بسبب عضة تكتووووووووووووووووووو ومعاها حركات بريئة !!!!!!!!!!!
عليك الله ياعبدالحفيظ ده زول The Temptations قول لى اولاد حاج الماحى اولاد الطريفى لكن حاجتك دى الا عند سيد البوست محمد المرتضى
الحق يا ابوبكر شوف اخونا عبدالحفيظ احسن الظن بودشيقوق كيف..
02-22-2008, 12:16 PM
Ahmed al Qurashi Ahmed al Qurashi
تاريخ التسجيل: 08-28-2006
مجموع المشاركات: 4263
والله يا عبد الحفيظ بتبالغ ، ياخي إنت كنت وين الزمن دا كلو؟ ياخ رجعتني لأيام التيمبتيشنز ناسنا ناس جست ماي إماجنيشنز وماي قيرل ، زمن الثري ديقريز والرولنج ستونز وناس جيمي كليف وإنجلبرت همبردنج مخليني الزمن دا كلو أحاحي براي مع ناس الحقيبة لما نسينا ريتشارلز وسامكوك وتوم جونز، ياخ في غيابك ناس شيقوق حفّروا البوست كلو وملوهو لي طلح وشاف وما شاف.. غايتو نشوف. شوف يا عبدالحفيظ، حفاظا على الدايفيرستي في بوست ناسنا أنا حا أفتح ليك خط يمر بجاكسون فايف وأبا لكن التيمبتيشنز حايكونوا الباك بون بتاع البوست دا حسب طلبك لكن يا عبدالحفيظ لا أضمن لك أن يهاجم هذا البوست ناس (رقصة الصقرية) من أمثال شيقوق ومن لف لفه سيما وأن الدخاخين الأيام دي ضاربه المنبر والواحد لما يفتح البوست تقول رموا في وشو بمبان يا وقع في (حُفره). يا سلام عليك يا حفيظ .. ياخي ما عندك أغنية she's a lady للتوم ودجونز تنزلا لي هنا؟ تسلم يا حبيب.
02-22-2008, 12:48 PM
abubakr abubakr
تاريخ التسجيل: 04-22-2002
مجموع المشاركات: 16044
الأعزاء... أحمد القرشى.... محمد المرتضى.... أبو بكر........
لكم الود والتقدير...
حقيقة فى ذلك الزمن البديع...كنا نهوى كلما هو جميل وبديع.. فى أوائل عام 1974 كنا طلبة فى كلية(البوليس) الشرطةحالياً... وكنا نهوى الموسيقى عزفاً...واستماعاً....
وكنا لا نكل ولا نمل الإستماع إلى(ناس التمتيشن..البى جيز..تينا شارلس..مارفن قاى.. بوب مارلى...الرولنق استون...استيف وندر....إلخ...إلخ...
ولى عودة....
02-22-2008, 10:14 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
يا حفيظ، تينا تشارلز دي أغنيتها الأشهر dance little lady dance وكان مع سماحتا الهيلينية وطريقة الأداء المتفردة تجعلنا (نتسمر مبحلقين) أمام التلفزيون وكان الكبار يتابعون معنا بطرف خفي وربما نجدهم سبقونا إلى التلفزيون ومرات يطولوا لسانهم ويقولوا لينا أمشوا شوفو ليكم قرايه تنفعكم. بالله يا حفيظ ناس كلية البوليس الجعيص برضو كانوا معانا متابعين تينا الرتينه؟ غايتو تينا دي أنا نزلت ليها فيديو كليب الأغنية إياها مرتين وتاني حا أنزلا، أوكي؟ مسئول من الخير يا حفيظ، إنت ما جيتنا (هناك) ليه وعملت ليك فرع بيجاي لناسنا، ياخ انت ضابط شرطه وح تحرس لينا (ناسنا) بهناك وتامِّن لينا الموقع تمام التمام يعني أنا ح أنوم مطمئن إنو ناس شيقوق ديل ما حايولعوا نيران وراي.
02-22-2008, 10:27 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
تمام يا فندم..... البوست ده قفلناه.... وحسب التعليمات....معاكم هناك.... بس عايز الألبوم كامل بكل أغانيه من الماستر بيس....مرورا بهاى قيرل.... وبلاستك مان إلخ....
فى قوقل وجدت أن ألبوم التمبتيشن المذكور موجود ويمكن الحصول عليه بالشراء...والمطلوب Credit Card وطبعاً هذا ليس متوفراً لدينا فى السودان.. يا دوبك عندنا هنا ...كرت الصراف الآلى...
أنا دخت السبع دوخات عشان ألقى هذا الألبوم فى السودان...ولكن طبعاً اصبحout of date عشان كدة قمت كتبت هذا النداء...لناسنا المتواجدين بالخارج عشان يشوفوا لى حل للمشكلة دى!!!
كدى شوف الحل!!!
كل الود...
عبدالحفيظ.
02-24-2008, 09:56 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
تمام يا فندم..... البوست ده قفلناه.... وحسب التعليمات....معاكم هناك.... بس عايز الألبوم كامل بكل أغانيه من الماستر بيس....مرورا بهاى قيرل.... وبلاستك مان إلخ....
عبدالحفيظ.
يا عبدالحفيظ، كيفك يا عزيز، ياخ نحن ما صدقنا بالبوست وقلنا فتحنا لينا فرع ونجيب فيهو أغنيات ذلك الزمن الأخضر ويكون متخصص في التيمبتيشنز تقول لي البوست ده خلاص قفلناهو؟ إنت يا حفيظ ما شفت مداخلتي الأولى ولا شنو؟ بالعكس البوست بتاعك تخصصي بينما ناسنا عام ، خلاص إعتبر ناسنا ال ( headquarter ) ونواصل على كده . أرجو إرسال عنوانك البريدي على عنواني الإلكتروني الموجود في البروفايل والإلبوم حايصلك لمكتبك, تحايا لاتنتهي,
الشى الملاحظ إنو حقبة السبعينات دى شهدت ظهور انتفاضات فنية فى كل ضروب الفن فى كل أنحاء الأرض.......وظهر عمالقة حتى فى السودان.....وكانوا( ناسنا ) فى ذلك الزمن الجميل ...حقيقة(سميعة) لكل ما هو جميل وراقى من الفنون...... وظهرت فرق وفنانين عديدين....ناس البيتلز...والتمبتيشن..... وجاكسون فايف....والبونى إم ....والأبا...وحتى هنا فى السودان ظهرت فرق الجاز العديدة وعلى رأسها العملاق...صاحب المواهب المتعددة شرحبيل أحمد....وناس جاز العقارب وكمال كيلا ...و ويليام أندرية.... وفرق جاز البوليس....لا يكاد قسم من أقسام البوليس يخلو من فرقة جاز...
كنا- أنا وشقيقى عبدالقوى - وهو بالمناسبة كان العازف الأول على الجيتار فى فرقة الفنان عبدالرحمن عبدالله - كنا نملك مكتبة لا بأس بها من الأشرطة الموسيقية لعدد كبير من الفنانين والفرق الفنية العالمية والمحلية....
كنت عندما أود الإسترخاء وتهدئة الأعصاب والسرحان...استمع الى الموسيقى الهادئة الكلاسيكيكة للفنان Paul Mauriat.
وعلى العكس الموسيقى الصاخبة كنت استمع إليها من فرقة(الأوسيبيسى) الأفريقية ومن أشهر أغانيهم تلك التى عربت كلماتها ...أو بالأصح....سودنت من فرق الجاز السودانية ( عباسية موردة....عباسية هى...)
02-28-2008, 01:26 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
والله يا حفيظ جيت في محله غزيرة وشائكة بقدر جمالها وروعتها وعايز توحِّلني معاك وانا صاجاتي خفاف. شرحبيل دا زول براهو، الفنان المطبوع الشامل، أنا لما أقول شامل لا أعني الرسم والعزف والغناء والخط والأناقة فهذه لا تكفي وحدها لأن نقول عن شخص انو (فنان) لكن عندما تجتمع تلك الأشياء وتهذب وتشذب دواخل الإنسان أو تكون إنعكاسا لنفس مهذبة أصلا هنا يمكن أن نقول عن ذلك الشخص انو(فنان). شرحبيل فنان يا عبدالحفيظ.
أتفق معك بأن فترة السبعينيات شهدت زخما فنيا في العالم كله وفي السودان تحديدا كانت الفرق التي أشرت لها يضاف إليها فرقة البلوستارز بقيادة المرحوم عمر قيلي والشاب الرائع عاصم زين وآخرين، تعرف الناس ديل يا حفيظ كان تجيهم أسطوانة بوب مارلي أو مارفن قاي اليوم من لندن وباكر بيكونوا نجضوها وبالطبع لم تكن حفلات الكريسماس وراس السنه في صحارى والأكسليسيور والأنديه المجاوره للمطار تخلو من تلك الفرق وبشكل يومي، لكن الفرقة الأشهر وقتها كانت فرقة جاز المدرعات بقيادة عازف الساكسفون عبدالله دينق الذي كان يفعل بالساكس في أغنية (المانسونا) ما يريد، طبعا له مقطوعات شهيرة كانت تبث في تلفزيزن السودان في الإستراحه هي موسيقى ( من بف نفسك يا القطار) وأيضا موسيقى أغنية زنقار ( حبيبي غاب في موضع الزمان بلاقي). يا عبدالحفيظ هسه مالك علي في الغربه دي، بالله شوفت كمال كيلا دا كان حريف كيف في تقليده لجيمس براون؟ يا سلام يا وليم أندريه.. يا سلام ..هيييه. جاييك تالت وعاشر..
02-28-2008, 04:02 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ahmed al Qurashi
محمد المرتضى حامد
abubakr
Osman Musa
فيس بوك
تويتر
انستقرام
يوتيوب
بنتيريست