|
إســتـقـلال ألألـبـان .... عقبال الأجبان ... والمشتقات الأخرى
|
لي يومين بهضرب وشايل هم شاي المغرب
ما عارف تاني اشربو كيف
من ما سمعت عن استقلال الالبان خاصة وان الداعم الرئيسي لهذا الاستقلال هي امريكا
بقيت ما عارف لو عملت لي شاي بي لبن مقنن ممكن اكون تاني يوم في غوانتينامو ما انا كده بكون ضد سياسة امريكا
وبعدين الزول الاسمو هاشم ده الاعلن الاستقلال من اسمه كده هو مننا لحما وشحما ودينا
طيب مالهم مخربين علينا اللبن
يعني تاني الواحد يشرب الالبان ساطت بدون ما يلخبطها مع اي حاجة
يا حليل الكستر والمهلبية والرز والايس كريم يا حليل ملاح الروب والجبنة المضفرة وجبنة الدويم
خايف بكرة مصانع الجبنة تحصل مصنع الشفا
ونخش في دائرة الضرب من تاني
يا ناس انا مع استقلال الالبان بس بي شروط
اي حاجة ممكن تقيف الا شاي المغرب
لو جاني بوش ذاتو انا ما بوقف خلط اللبن بالشاي لو ودوني لاهاي ذاتا
مبروك استقلال الالبان
عقبال الاجبان
والمشتقات الاخرى
|
|
|
|
|
|