|
|
 الربطاين في الانترنت !!!
|
يا حليل الرباطين بتاعين زمان ... ويا حليل زمن ناس حسن جوفط .. وعلي سلك ... ويا حليل ناس حسن اب عسلة ... ديل كانوا شغالين رباطيه بين فريق فنقر وخور العماية وخور الموردة ...والكلام ده بيعرفوه ناس عم شوقي بدري ...... وكانوا رباطيه وكان عندهم اخلاق ... ما كانوا بيقلعوا قروش الزول المسكين ... ولمن البحر يكون دميره ويخش الحلة كانوا بتحزموا ويساعدوا النساوين الما عندهم رجال عشان يبنوا المتاريس والموية ما تخش البيوت .
ديل الرباطين في السودان بتاع زمان .... الناس الثانيين يكونوا كيف ؟؟؟؟ لكن تعال وشوف الآن يا عوض دكام زي ما قال الشاعر فنانا طه سليمان .... والله يرحم عوض دكام ومعاهو السودان .. اليومين ديل في الانترنت الربط والقلع عديل ... ترسل ليك اي ميل لواحد في السودان يستلموا واحد في البرازيل ... تخش ليك موقع تلقي رسالة مكتوبه باسمك وانت عمرك ما دخلت الموقع ده !!!! ولمن تحتار ... تتصل بانسان او صديق يقول ليك شكرا رسالتك وصلتني .. ترد عليهو تقول ليهو يا تو رساله !!!!..
يذكر ليك كلام انت عمرك ما كتبتوا ولا قلتوا ولا فكرت فيهو !!!!! الله يرحمك يا حسن جوفط ..
وبرجع ثاني لخور العماية !!!!!!! وخور ابو عنجة وخور شارع الاربعين !!!!
|
|
 
|
|
|
|
|
|
|
|
Re: الربطاين في الانترنت !!! (Re: SAMIR IBRAHIM)
|
الأخ/ سامر تحية طيبة
تطوّر الربط والقلع وحدثت ليهو نقلة نوعية تمثلت فى إنو الواحد يجيك فى البوست ويستلمه كدا عديل ...
مرة بالإغراق .....
مرة بإنحرافه.....
المرجع( اللعب بالنار- هاشم نوريت إنموذجاً.
| |
|
|
|
|
|
|
|
|
|
Re: الربطاين في الانترنت !!! (Re: أبوبكر أبوالقاسم)
|
اخوي ابو بكر ...
تحياتي ...
المنابر صوره مصغره للشارع السوداني ... وغايتو استحملنا ويا هو ده حالنا نحن السودانيين لو ما انحرفنا بالمواضيع حا نفقد سودانيتنا ....
هاشم ده راجل راقي يا حبب .. وكدي اقرا بين سطور هاشم حا تلقي الكثير المفيد ...
ايام زمان يا ابو بكر ...
الربط كان ليهو اصول لكن الايامات دي الربط فقد الاصول والمنطق والهدف ... قول يا لطيف ...
| |
|
|
|
|
|
|
|
|
|
Re: الربطاين في الانترنت !!! (Re: SAMIR IBRAHIM)
|
يا سمير
سلامات
تصرفات زى دى وأنت ود أم درمان .. عارف نوعية من يقوم بها !!
الله يكرم السامعين.
لكن دى ما المشكله .. المشكله (المدسوسين) و(الناكرين) و(عابرى السبيل)!!
وانت عارف وانا عارف.
| |
|
|
|
|
|
|
|
|
|
Re: الربطاين في الانترنت !!! (Re: تاج السر حسن)
|
Quote: يا سمير
سلامات
تصرفات زى دى وأنت ود أم درمان .. عارف نوعية من يقوم بها !!
الله يكرم السامعين.
لكن دى ما المشكله .. المشكله (المدسوسين) و(الناكرين) و(عابرى السبيل)!!
وانت عارف وانا عارف. |
الحبيب والاديب والصحفي تاج السر ..
احوالك يا غالي .. ويا حليل ايام امدرمان والموردة والخيران ... وحي الصقور .. وفريق ريد ..
لعنة الله تحل وتعشعش علي المدسوسين والناكرين ... وديل طبعا ضايقين طعم (((المر))) خاصة ناس ((الامير))) ....
يا تاج من مده قريب لي بوست هنا في الاون لاين لاخت سودانية ولو ما الذاكره راحت الكاتبه اسمها دكتورة رجاء او دكتور ناهد ...وكانت بتتناول بسلاسه ودقه ظاهرة الهمبته والصعلقة ...
واتناولت الدكتورة انو الهمباته الصعاليق كانوا بيتعففوا لمن يقطعوا الطريق من ((الابل)) الهاملةوما كانوا بيقلعوا الا ((الابل المحروسة)) يعني حتي الهمباته في عصر الجاهلية كانوا ليهم اخلاق وكانوا عندهم ضمير وسار علي دربهم ((رباطية امدرمان ))) .. لكن الايامات دي الله يعزك الصعاليق الوافدين من رباطية الانترنت وهمباتة الخيران الالكترونية اصبحوا لا ضمير ولا هدف ولا شغل ولا مشغلة ... والواحد يقلع منك بريدك الالكتروني عشان يعرف اسرارك وبس ...
ويا حليل ايام السوداني كان بيقول ... ( ان سرقنا بنسرق جمل , وان عشقنا بنعشق قمر ! ) ... وما ليهم في الطيب نصيب ... و لا في البعير ولا في القمر !!!!!
| |
|
|
|
|
|
|
|
|
|
Re: الربطاين في الانترنت !!! (Re: أبوبكر أبوالقاسم)
|
ما فاهمين ..... نِّورنا يا سامر ....
اخو الفاضل ...
لوداير تعرف الحاصل شنو انا بديك امثلة بسيطه ...
واحد قريبي في هولندا بيني وبينو مراسلات .... وصلوا اي ميل مني مكتوب فيهو ((ارجوك الا تتصل بي بعد اليوم ولقد اكتشفت انك انسان غير صادق في كل ما تقوله لي في ايميلاتك السابقة)) ....
وعندما اتصلت به ... قال لي يا سمير هل انت بخير ؟؟؟ رديت ليهو مستغرب ... وقرأ لي الرسالة ... وكدت ان اشك في نفسي !!! وضحكنا مع بعض ودعونا ان لعنة الله تنزل علي رباطية الانترنت .
والموضوع الثاني .. رسالة في غاية البذاءه والعياذ بالله ... مرسله من الاخ الصحفي الاستاذ الكبير تاج السر ... وبالطبع لم اشك في الرجل ... فانا اعرفه واعرف اخلاقه الحميده واعرف انه انسان وفي وانسان كبير ومقامو كبير ... فلم اعر للامر انباه .... وحاجات كثيره من زي ده يا صديقي الفاضل ....
بالله في ربط يخوانا اقذر من كده ؟؟؟؟ والله يرحم رباطية امدر والله يرحم عوض دكام !!!
ويا حليلو زمان يا عوض دكام لمن كان الرباط انسان !!!
والهاكرز الإنسان رخيص شايل ليهو بنقدية وشريط بتاع رصاص في كتفو .. ومره كع ومره بع ومره روب مر ..ويلقط في اسامي بشتبهو ........ لكن مصيروا في يوم من الايام يقع والناس تزفوا زفه الكترونية كبيره ... وما ربك بظلام للعبيد ...
| |
|
|
|
|
|
|
| |
أبوبكر أبوالقاسم
فيس بوك
تويتر
انستقرام
يوتيوب
بنتيريست