|
|
 قام ... قعد .... يقول ... ساكت
|
هي مفردات لافعال نقولها في لحظة واحدة ، مع انها افعال متضادة
لان فعل القيام ( الوقوف ) لا يمكن ان تجري معه فعل اخر مناقض
وهو القعاد ( الجلوس ) ، والقول ( يقول ) لا يمكن ان يكون معه
فعل السكات ( الصمت ) واحيانا نقول ( دة نضم ساي ) ولا اعرف معنى
لكلمة (ساي )، هل بمعني (ساكت ) ام بمعنى السهو ، هي دعوة للمناقشة.
|
|
 
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
والدارجة السودانية تجد فيها من التوكيد اللفظي الكثير
مثلا احدنا يقول : قمت رقدت رقاد ، او جريت (ليك ) جري شديد
وهنا تجد ضمير (ليك ) وهي الاكثر في الكلام واي فعل ، ممكن
تقول اثناء الحديث : مشيت نمت (ليك ) نومة ، وكلمة (ليك )
اظنها ان حرفاً سقط وهي تعني كلمة (اليك ) والنومة لا تكون
للمخاطب ،يعني في اللغة العربية الفصحى لا يمكن ان تقول او
تكتب : ذهبت ونمت (اليك ) نومة ، ومثلها الكثير ...
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
اهلا عبد الماجد
القصة خطرت في البال وكنت ارصد التناقضات في لغتنا الدارجة
ونحن نقول انها عربية لكن في تقديري هي لغة هجين ، الدارجية
السودانية لا يمكن ان تجد مثلها اللغات الدارجة الاخرى
وقلنا نرفد البوست بفتح النقاش واكيد هناك من له التوسع
في اللغويات ودلالاتها ... شكراً على (القعاد )
| |
|
|
|
|
|
|
|
|
|
Re: قام ... قعد .... يقول ... ساكت (Re: عامر تيتاوى)
|
العزيز تيتاوي ، سلامات
(حاجةكده زى وافقين تحننوا وراكبين تجننوا )
ديل نحن الواقفين وللا انتو !
اللهجة العامية السودانية فيها من المفردات والتراكيب اللغوية
والجمل ما يحير ، ويستخدمها البروفسور والغفير والوزير في ان واحد
وطبعا لا يمكن ان نقول انها لغة عربية صرفة ، واهلنا من حلفا للنوبة
والفور والجنوب الذين لهم لغاتهم ادخلوا مفردات وتركيب الجمل التي
لديهم ، وتتم ترجمة فورية وتستخدم دلالات تلك اللغات السودانية
وتدخل مع اللغة العربية لتصنع هذه اللغة الهجين
في عربي جوبا مثلا اذا في واحد داير يمشي ، يقول ( انا فوتو)
او يقول اذا هو عائد ( انا بي جاا)
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
"واهلنا من حلفا للنوبة
والفور والجنوب الذين لهم لغاتهم ادخلوا مفردات وتركيب الجمل التي
لديهم ، وتتم ترجمة فورية وتستخدم دلالات تلك اللغات السودانية
وتدخل مع اللغة العربية لتصنع هذه اللغة الهجين
في عربي جوبا مثلا اذا في واحد داير يمشي ، يقول ( انا فوتو)
او يقول اذا هو عائد ( انا بي جاا)"
أستأذ مصطفى
سلأمأت
هذأ بوست رأئع و فى ألحقىقة دى ممكن يكون مشروع بحث ممتأذ. ألأمثلة ألتى أوردتهأ نأتجة عن محأولأت أهل ألجنوب و بذأت ألقبأئل ألنيلية, أى ألدينكأ و ألنوير و ألشلك تحديدأ to think in their languages while speaking Arabic. وسبب يرجع ألى أن لغأت هذه ألقبأئل متشأبهة تمأمأ و من خأصيأت هذه أللغأت إستخدأم آفعأل لتعنى شى و لتعنى شى مضأد لنفس شى, مثلأ: فى ألدينكأ يمكنك ألقول: "عن شى طروم عوج" و هذه تترجم: أنأ إشتريت سيأرة و لكن لو قلت: "عن شى طروم عأج وى": و هذه تترجم حرفيأ: أنأ إشتريت ألسيأرة إلى ألخأرج أو بألسودأنى ألجنوبي انأ بيعت عربية برى. و ألس بب إن ألفعل "عوج" يعنى بيع و شرآ فى أن وأحد و أآل examples كثيرة و سأحأول ألمسأهمة لو إستطعت ألحصول على ألمفيد.
| |
|
|
|
|
|
|
|
|
|
Re: قام ... قعد .... يقول ... ساكت (Re: Zakaria Joseph)
|
اهلا زكريا جوزيف ، شكراً على المرور الانيق
تعرف اللغات وعملها اذا الواحد ما غير من سكته للمهنة الان التي امتهنها كنت تشعبت في اللغويات
وهي دراسة عميقة والان هناك كثير من البحوث الجديدة التي رفدت في علم اللغة ، ما نتكلم به في السودان لغة هجين وترجمة للغات الى العربية والتي اصبحت بفعل تلك الترجمة الى لغة عامية لان
السودانيين في غالبهم لا يتحدثون العربية كلغة اولى لهم الى ان تعلموا شيئا منها ولكن ظلت تلك
التراكيب النحوية يعتورها شئ من التناقض ..
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
تعرف يأ مصطفى فى ألسودأن نملك ثروة ثقأفية نجهلهأ آو بنقوم بتدميرهأ عن قصد, و ألمحزن حقا أنه غيرنأ بيحترموهأ و بيوثقوأهأ لإستهلأكهم ألخأص. أنأ أتأبع بوست آيمن حول توثيق ألجأمعة ألأهلية و لفت نظرى مدأخلة لأستأذنأ و ألشأعر ألكبير فضيلى جمأع و بذأت شرحه لمنهج تدريسه للأدب ألأنجليزى, أنأ مكثت خمس سنوأت دأرس علوم ألألستة و آدأب ألرومأنية ولغأتهأ فى جأمعة هأفأنأ و فى كورسأت ألأدأب ألإفريقية إتصدمت بسوأل من برفسر ألمأدة حيث سألتنى إذإ كنت قرأءت موسم ألهجرة ألى شمأل, حأولت ألكذب and coud not فأجبت بلأ, عرس ألذين, قلت لأ, سألتنى إن كنت أجيد ألعربية, فقلت نعم, ألمهم, شرحت لهأ إن كتب ألطيب صألح غير مقررة فى منأهج ألتعليم ألعأم فى ألسودأن. دكتورة سنيأ, و دأ إسمهأ, و لهأ ألدكتورة فى أللغة ألعربية و أدأبهأ من جأمعة دمشق, مسحت بى ألأرض فى ألكورس مسحة, شوفت ألأشيأء ألبتحتأج footnote فى ترجمة,ذى عأدأت آهلنأ ألنوبين, دخأن و كحل, هى she knew it all كلهأ و كوبين ألفضولين بيسألوأ فى وأجد دينكأوى, شفت محن بتأعنأ كيف, بيقروأ كتب ألطيب فى ثأنويأت فى كوبأ بأعتبأر آدبه إنتأج آفريقى و ذو علأقة بألشخصية ألسودأنية و نحن بنقرأ فى معلقأت مأ قبل ألإسلأم و نحفظ فى شعر وأحد عنصرى إسمه متنبى.
| |
|
|
|
|
|
|
|
|
|
Re: قام ... قعد .... يقول ... ساكت (Re: Zakaria Joseph)
|
العزيز زكريا ، سعيد لهذا الحوار
انا درست في الجامعة الاهلية كلية الاداب قسم اللغة الانجليزية ، درسنا في مادة الادب الافريقي
اولى كان عن عرس الزين والسنة الثانية موسم الهجرة الى الشمال ، واذكر ايام الانفاضة كان اتحاد
الكتاب السودانيين قد استضاف بروفسور اسمها كونستاين على ما اذكر وهي عملت دراسات عن الطيب صالح
لكن ليس ذلك هو نهاية الامر التقيت في العام 2005 مع صديقي ديرك الفريد وزميلنا في البورد عزالدين
عثمان المحامي الذي لديه براعة كبيرة في الترجمة وله نصوص كثيرة قام بترجمتها ونشرها في الصحف
التقينا احد كتبانا الافذاذ بروفسور من كاجوكاجي عمل في اوغندا انا احاول تذكر الاسم وساتي به
المهم اجرينا معه لقاءا صحافياً نشرته صحيفة (الايام) ادهشني الرجل في ان لديه العديد من الكتب لم
تترجم ، كما ان هناك احد الكتاب واسمه جوناثان يعمل في الخارجية موظف وايضا ذهبت اليه مع عزالدين
واستلمنا منه عدد من القصص القصيرة لنترجمها ، وهناك في شرق السودان مبدعون لكن حاجز اللغة يقف
امام نشر ابداعهم وعدم التفات المترجمين ، واظن ان تمت ترجمت مثل هذه الاعمال سترفد وتغني لغتنا
وتلفتنا الى ابداع اخر ، الان في الخرطوم ما يقدم في الدراما السودانية لغة الوسط ( ايا زول كيفنك
ايا زول كدي قنب ) يمكن ان يفهمها من هم في الوسط والشمال حتى كريمة لكن في دنقلا والمحس وحلفا
الغالبية لاتفهم ، ما بالك في الجنوب والنيل الازرق وشرق السودان ، المسالة تحتاج الى منهج جديد
وحتى ان تم اقرار ذلك في البرلمان لكن هذا ليس وحده كافياً ، نواصل معا
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
سري يا عزيز..
سلامات وتحايا..
أغرب تعبير: الليلة الصباح
طبعا ما وقفت لحظة افكر فيها إلا بعد ما بقوا أصحابي (الجدد) في الأردن يضحكوا على التعبير..
طبعا اليوم إحنا قاعدين نقول عليه الليلة..
أها كيف تستقيم الليلة والصباح كمان؟
وطبعا دايما قاعدة أخرخر بالكلام المصري واقول ليهم ما المصريين قاعدين يقولو : النهار ده بالليل 
ودي
| |
|
|
|
|
|
|
|
|
|
Re: قام ... قعد .... يقول ... ساكت (Re: Raja)
|
العزيزة رجاء
قلت لي التعبير الختري دة (أغرب تعبير: الليلة الصباح)
طبعا في تعابير اخرى منها ( الدنيا عيد ) يعني كل الدنيا
عيد او الدنيا حر ، مع ان هناك دول اخرى تقع في فصل الشتاء
ومن التعابير النهار جاري ....
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
رجاء ازيك
طبعا اكتر حاجة عقدتني مع أهلك الاردنيين ديل هي كلمة بلشت (بتشديد اللام وتسكين الشين) وتعني بدأت ..العكس تماما للاستخدام السوداني
كدي اتخيلي المديرة بتاعتي اردنية تقول بعد التعيين في الوظيفة الجديدة يا شمس انت حتبلش يوم واحد ابريل .. طبعا استغربت جدا كيف يرفدوني قبل ما أبدأ الشغل
مع تحياتي لمصطفي سري علي هذا البوست
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
ســـري
كيفنك
ياخ عندك استخدام مفردة (ياخ) بطريقة عجيبة خلاص
تنادي الولد
يا ولد ياخ ما تجي تجيب موية
البت لو عاملة دوشه جنبك
ياخ ما تعقدي ساي
بعدين تدبيل المفردة للتأكيد
خشمو ملح ملح
شايفو رهاب رهاب
ومنها جات
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
الأعزاء مصطفى وضيوفه
دائما بنعلق على (يتكلم ساكت) وساكت أظن أصلها ساى يعنى بدون هدف
وبرضو قام قعد
شوية كتير
وعلى قول رجاء الليلة الصباح,, بقية العرب بفرزو day and night بالنهار ده والليلة
بتلقى برضو pretty ugly وتسمى بالمتناقضات
وصراحة ظريفة لما تتأملها
| |
|
|
|
|
|
|
|
|
|
Re: قام ... قعد .... يقول ... ساكت (Re: sama7)
|
الاخ الصايم ، شكراً على المرور الانيق
(ياخ عندك استخدام مفردة (ياخ) بطريقة عجيبة خلاص )
التفاتة حقيقية ، استخدام كلمة ياخ للبنت والولد الكبير والصغير من الجنسين ومعها كلمة (اخ يا ابوي) تلم الاخ والاب في حتة واحدة ، وهنا تعني الوجع عندما تصطدم شئ حاد او ضربة شديدة في الاصبع
الصغير - شفتها بتوجع كيف لمن تجمع الاخ والاب - وكذلك تعني (اخ يا ابوي ) التذكير عندما تنسي شئ
تضرب جبهة الراس وتنطقها ...
والتكرار كما ذكرت في كلماتنا للتؤكيد ، دقيتو ليك جنس دق ...
وغايتو جنس غايتو ... التي اصبحت ماركة الصايم ...
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
| Quote: قمت رقدت رقاد ، او جريت (ليك ) جري شديد |
معني( رقدت ليك جنس رقاد او جريت ليك جري شديد ) في لغتنا العامية هو تاكيد لفعل الشي الذي حصل
وبرضو عندكم ياقريبي في العامية النوبية لم حجة عائيشة تقول( مصطفي ولدي جات ) هنا الكلام
بكون اختلف ,,, اصبح مصطفي مؤنث ,,,,,,,, وساي هنا معناها اي كلام ,, يعني نضميه ده لا بهش لا بنش
| |
|
|
|
|
|
|
|
|
|
Re: قام ... قعد .... يقول ... ساكت (Re: بدرالدين يعقوب)
|
الاخ شمس الدين السنوسي ، تشكر على التجاوب اللذيذ ..
اها كان دخلنا في تداخل اللغة التي جاءتنا من دول اخرى الكلام يادوبو يحلو ، يعني
في تداخل من التركية والمصرية والمغاربية مع لغاتنا المحلية والعربي الفصيح عند اهلنا
البقارة وتمشي لغادي مع عربي جوبا ، تطلع لغة من تراكيب عجيبة وتجد ان الفعل والفاعل
وغيرها من ضروب النحو اللغوي اذا حاولنا التحكم اليها وهو ما ليس مطلوب طبعا ...يعني
كلمة (برشة) التونسية عجيبة ...
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
الاستاذ محمد ابوالعزائم ، سلامات
حقيقة البوست الذي اتيت برابطه متميز مع انني قرات فقط المداخلة الاولى التي تعطي ملخصاً بشكل افضل
المهم سوف اعود للمداخلات التي في البوست الذي قمت به - لانو الوقت داك انا كنت صغير منبرياً ما اشتركت في سودانيز اون لاين - وتشكر على المرور ...
| |
|
|
|
|
|
|
|
|
|
Re: قام ... قعد .... يقول ... ساكت (Re: azhary awad elkareem)
|
الاستاذ الحاج ،ازهري الطريفي ، سلامات ومشتاقين ليك ومنتظرنك في الصيف دون اذن من لندن
وانا ماشي عليهم الخميس الجاي عندك وصية نوصلها انشاء الله لمريم ...
الاخوان
فيصل هليل ... طبعا انت الايام دي خليك تتابع كوسوفو مع خالد محجوب ، لكن نحن في العربي المكسر
زي ما ذكر الاخ بدرالدين يعقوب اعلاه ليس في التانيث والتذكير وشقلبتهم (عكس المذكر للمؤنث )
انما تخيل اللغة ومعانيها او ما يعرف بعلم الدلالات تجدنا نحن اصحاب اللغات غير العربية نقع في فخ
غريب في اللغة العربية عامية كانت او فصحى ، بمعنى نحن نعبر بلغة نقوم بترجمتها الى العامية
من النوبية وذات الشئ لقبائل اخرى في الجنوب والشرق وجبال النوبة والنيل الازرق تترجم اللغة في
داخل دماغ المتكلم ترجمة حسب سياقه هو ليس المتلقي ...
| |
|
|
|
|
|
|
|
|
|
Re: قام ... قعد .... يقول ... ساكت (Re: خالد علي محجوب المنسي)
|
شكرا سماخ على المرور ، كدي قومي اقعدي قولينا كلمة انشاء الله ساكت ، شفتي التعقيدات دي
عبدالله كع ... اهلا بيك وتشكر على الاضافة والمرور القصة انو اللغة العامية في السودان كاي لغة
لا تحكمها قواعد ونحو لانها خليط لكن هناك من يتنطع ويقول انها عربية وكمان فصحى ...
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
الأستاذ مصطفى سري ..
Quote: الاستاذ محمد ابوالعزائم ، سلامات
حقيقة البوست الذي اتيت برابطه متميز مع انني قرات فقط المداخلة الاولى التي تعطي ملخصاً بشكل افضل
المهم سوف اعود للمداخلات التي في البوست الذي قمت به - لانو الوقت داك انا كنت صغير منبرياً ما اشتركت في سودانيز اون لاين - وتشكر على المرور ... |
عجبني شديد ماتحته خط .. وبتخلي الواحد يشعر إنو (سينير) .... عموماً إعتبر البوست القديم حقك .. خاصة وإنو كان عندي إحساس إنو لسة ناقص ومحتاج نقاش بعض المفردات (المتفرّدة).
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
العزيز مصطفي تحياتي
في طالب قال للمحاضر يااستاذ ( كدي براحة عيد لينا سريع الكلام ده )
ويا حبيبنا عامر تيتاوي واقفين تحننوا راكبين تجننو اتقلب و بقت راكبين تحننو واقفين تجننو بعدما الحافلات بقت من كترتها مالاقين ركاب و باليركب بتكون قروشه ماتامة حق المشوار ( عشان كده بيكون مكسور الخاطر و يحنن ) و العندهم حق المشوار مشوا اخدوا سيارات بالتقسيط و ماقادرين يسددوا عشان كده راكبين( عربات ) لكن بحننو,,, والله تعبتني ياعامر لو خليتني اقولها ليك بالرطانة كان ريحتني ( و يامصطفي ريختني دي ذاتها تستعمل للعطور و للراحة )
تحياتي لك مرة اخري العزيز مصطفي سري
| |
|
|
|
|
|
|
|
|
|
Re: قام ... قعد .... يقول ... ساكت (Re: abdulgafar mohd saeed)
|
عبدالغفار سعيد ، والله مشتاقين للايام الجميلة ،لكن فرقتنا الايام - حسن عطية-
تعرف انت قلت الرطانة وانا عندي هي لغة لها قواعدها والان تكتب وتدرس وهي
اصلا كانت مكتوبة ، الان النوبة في الشمال والجبال انتفضوا للغتهم والدنيكا
والشلك كل اللغات السودانية سترى في الفترة القادمة هذه الانتفاضة اللغوية
مثلهم مثل الامازيغية في الجزائر ، وطبعا التواصل سيتواصل مع بني قحطان
وبني قريش بالعربية ، وسنرفد العامية السودانية بكلمات جديدة مثل ما تفعل
اللغات الحية ... شكرا ونسعى لسماع صوتك
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
الاخ العوض المسلمي ، تحياتي
(يا اخوي العطاله اخير من قعاد ساكت
يعني العاطل افضل من القاعد بدون عمل
والليله الصباح ماكنت في البيت ولكني امس بالليل كنت قاعد واقف علي حيلي منتظرك )
الصوفيون لديهم ما يعرف بالتراجم ، لغة لا يفهمها الا الصوفية وحقيقة حضرت كم مذة ذكر تسمع كلام
غير مفهوم ، اود ان اربط ذلك بان اللغة العامية السودانية ساهمت الصوفية في رفدها باعتبار ان
الاسلام دخل عن طريق المتوصفة واحتكوا بلغات اهل البلد الاصليين من الذين لديهم لغات غير عربية
لان العربية كانت محدودة جدا ، وعملوا تويلفة بين هذه اللغات والعربية ... وتشكر على المرور.
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
Quote: رجاء ازيك
طبعا اكتر حاجة عقدتني مع أهلك الاردنيين ديل هي كلمة بلشت (بتشديد اللام وتسكين الشين) وتعني بدأت ..العكس تماما للاستخدام السوداني
كدي اتخيلي المديرة بتاعتي اردنية تقول بعد التعيين في الوظيفة الجديدة يا شمس انت حتبلش يوم واحد ابريل .. طبعا استغربت جدا كيف يرفدوني قبل ما أبدأ الشغل
مع تحياتي لمصطفي سري علي هذا البوست |
شمس الدين يا عزيز,,
سلامات ومحبة
آسغة للتأخير في الرد على تعليقك..
ما شفتا البوست إلا هسع.. شكلها النضارة عايزة تغيير ..
طبعا "بلشتا" دي لغاية هسع ما وقعت لي. وبتلخبط لخبطة لما يقولوها لي.
وطوالي سؤالي: هو إحنا بدينا متين لما نبلًش؟
بت جيراننا بتكابر وتدافع عن شقلبة كلامهم بإنه مافي مصدر لـ (بلًشت).
ودايما بنضحك ونحن بنحاكي عادل إمام: بلًش يبلًش تبليشا ..
تحياتي للبنوتة وامها..
| |
|
|
|
|
|
|
|
|
|
Re: قام ... قعد .... يقول ... ساكت (Re: Raja)
|
نقول ايضا في لغتنا العامية ( قمت مشبت قعدت ليك معاه ) ثلاث افعال في جملة واحدة متناقضة
تماماً ، واخرى ( قمت مشيت نمت ) احد الاصداقاء من خارج المنبر قال ان فعل قام لا يعني القيام
او الوقوف بل انه يعني الفعل ، لكن لم يحل لي مشيت نمت ، هناك فعل مشي ونوم مع بعضهما ...
وعلم المعاني في اللغويات يمكن ان يتعامل مع هكذا لغة ربما نحتاج الوالغون في اللغة ...
| |
|
|
|
|
|
|
|
|
|
Re: قام ... قعد .... يقول ... ساكت (Re: sama7)
|
التقول واقع من السماء هسي الواطه ما لحقه يازول روق وأحلي دي ما الجٌمل المفيده في الدارجه ولا ما كده يادرش
بالله أديها كوز كوزين من بحر العامية بس بتعرف تعوم ولا ماك وزه ولا وزينه كل الطيور ليها جناحين.
بعود ليك بعد شويه كده سمخ.
،،،،أبوقصى،،،،
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
مصطفي سري تحية ،،
بوست ظريف ومهم،،
==
الشتارة عند كثير من الشعوب :
- شوام : كتير قليل (إكتير إليل)
- مصاروة : الراقل دا مسئول مني (والمراد العكس أي المتحدث هو المسئول)
- سعوديون : الله حيا ، الله بالنور ،، (حياك الله ،، ومساك الله بالنور)
- كوايتة : الريال باط تشبدي (أتحداك تعرفها)،،
الريال عمال يبوقنا (أتحداك تعرفي دي كمان)
- يمانية : رجولي بقست (تجمدت قدماي)
عطني البنكس (ناولني المغلف أو الظرف)
أما جماعتنا :
- مصطفي سري (مصطفي نسيبي أو قريبي)
- رجاء قالت الليلة الصباح ودي زيها طبعا باكر بالليل
-وكت ماردتيو قلنا نسكت!!
- غايتو !!!
- غايتو جنس غايتو (دي غايتو ماسمعنا بيها قبل كدا)
-ووب على امك ووبين علي!!
-ضي النور وضو النور،،
| |
|
|
|
|
|
|
|
|
|
Re: قام ... قعد .... يقول ... ساكت (Re: عبد اللطيف بكري أحمد)
|
الاستاذ عبداللطيف ، تحياتي ، وتشكر على الاضافات القيمة
طبعا الكلمات اللي اوردتها من الكويت ، انا من غير الناطقين بالعربية ، يادوب بفك كلمات
السودان توديني للكوايتة ، طبعا الاختلاف بين الدول العربية امر محير ليست هناك لغة عامية واحدة
وذلك بفعل الاستعمار ، والتداخلات العرقية والثقافية والمؤثرات على مر العصور اولدت هذه اللغة
الهجين في كل المنظقة العربية ، خاصة ما خلفته التركية على الثقافة العربية ، يعني كلمات
اجزخانة ، ادبخانة ، شفخانة ، كلخانة ، سلخانة ... الخ وفي السودان الشمالي هناك كلمات نوبية
لمناطق مثل : منصوركوتي ، وكل ادوات الساقية ، الى جانب كلمة يستخدمها المصريون وهي (هلبت ) بمعني
ربما ، يمكن ، قد يكون ...
الاخ زكريا ، ما ذكرته لم يخرج بعيدا عن ما نعنيه في البوست والسمنيطقية والمورفولوجي - علم المعني
والدلالات يدرس في اقسام اللغويات وهو تخصص مهم ، وهناك تنظير عن ان اللغة هي احساس اكثر عن كونها
قواعد نحوية ، ولذلك تجد تنامي الدارجة في كل اللعات لانها لغة المواطنيين المتعلم منهم والامي
او تعرف بلغة السوق التجاري في التعاملات التجارية والتعاملات الانسانية الاخرى .. تشكر
الاخ مجدي ابو قصي .... تعال راجع ومعاك كع برضو .
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
العزيز مصطفى سرى
شكراَ على هذا البوست الجيد ..
و لكن ما قمت بإيرادها من تراكيب فى العامية السودانية قطعاَ هى من تأثير اللغة النوبية عليها و هناك دراسة علمية اعدت فى هذا الخصوص و هى تتحدث عن ( الجمل و التراكيب النوبية فى العامية السودانية ) و بالطبع هنالك الكثير من المفردات النوبية فى العامية السودانية و قد قام البروفيسور عون الشريف بإيرادها فى ( قاموس اللهجات السودانية)
و اذكر ان صديقنا عضو المنبر ( عاكف مختار ) تقدم بخطة بحث لنيل درجة الماجستير بعنوان ( تأثير اللغة النوبية على العامية السودانية ) و لكن فى اغرب سابقة لإنتهاك حق الانسان فى البحث العلمى رفض الدكتور المشرف على رسالته(بجامعة ام درمان الاسلامية) و طلب منه تغيير العنوان الى ( تأثير العامية السودانية على اللغة النوبية ) فرفض صديقنا عاكف ذلك و صرف النظر عن البحث
سأقوم بإيراد البحث الذى نشر فى مجلة الدراسات السودانية حتى تعم الفائدة.
لك الود
| |
|
|
|
|
|
|
|
|
|
Re: قام ... قعد .... يقول ... ساكت (Re: رأفت حسن عباس)
|
ياسرى
بوست لذيذ
خلى الكلام تقول شنو لما نكون بنتونس مع بعض وعند الرد بايجاب
ماتتكلم وتقول جق جق . (اهه ....اهة)
وكلمى (اى) الكرهونا بيها الخليجيين الشتر ديل وبهذا الخصوص
لديهم فكرة باننا اشهر كسولى العالم
رافت حسن عباس
ازيك
(قدرة)
| |
|
|
|
|
|
|
|
|
|
Re: قام ... قعد .... يقول ... ساكت (Re: بابكر التوم)
|
قدرة ورأفت متفقين علي وللا شنو ، طبعا يوم داك كنا سوا وبعدها تركنا البلد
وما فيها لرأفت عله يعمرها ، ولكن ....
يارأفت انا قلت ان النوبية هي التي طغت على اللغة العربية الوافدة الى السودان وان العامية
السودانية هي التي خرجت من معطف النوبية ومع ذلك العامية السودانية تعج بالمتناقضات ...
| |
|
|
|
|
|
|
|
|
|
Re: قام ... قعد .... يقول ... ساكت (Re: مصطفي سري)
|
قريبي مصطفي
مسكاقمي
الزول ده قاعد يقوم سااااي
بوست جميل وخفيف وفعلا بناقش قضية مهمة وهي المصطلحات والألفاظ السودانية ومعانيها ومصدرها
وهل نحن بنستعمل مصطلحات صحيحة واللا قعد نلقطها ساكت..
مودتي
| |
|
|
|
|
|
|
|
|
|
Re: قام ... قعد .... يقول ... ساكت (Re: نها محسن أبورأس)
|
يازول مشيت ليك جنس مشى
وطار فرررررررررر
وقعد كرب
ووقع تاخ
ومشى طبج طبج
وبلع ليك جمبلق
وعاين ليك دزززززززز
وقال كدى
خاف جنس خوفة
نام جنس نومة
قام فرترب
ضربو كع
والشكلة دورت اضربك اضربك ادفرك ادفرك
احكى ليك نكتة لكن ما تقول من تاليفى
عندنا زولة صحبتنا كانت فى جامعة جوبا
ايام احداث الجامعة (ديك) فى التمانينات
اها قام البوليس جاب ليك الكومر وخم ليك البنات (جت)
صاحبتنا د قالت العسكرى بتصرف فى الكلمات بالطريقة البتعجبو وهى عاجباها الفكرة
محل ما قبل يلقاها ليك بتعاين ليهو
القصة دى (غازتو ليك غيزة )
بس در ليك فيها وهى عيونا كبار وسمحات
قال ليها
ـ اتا بالذات ما تعاين لى لانه نظرة بتاعك دا فيهو نوع من نكران الذات
لقيتنى كيف؟
لك حبى وللصغيرونة قشيشة الاراك ولامها
| |
|
|
|
|
|
|
|
|
|
Re: قام ... قعد .... يقول ... ساكت (Re: سلمى الشيخ سلامة)
|
Quote: يازول مشيت ليك جنس مشى
وطار فرررررررررر
وقعد كرب
ووقع تاخ
ومشى طبج طبج
وبلع ليك جمبلق
وعاين ليك دزززززززز
وقال كدى
خاف جنس خوفة
نام جنس نومة
قام فرترب
ضربو كع
|
يا سلمي دي لغة و مؤثرات صوتية مصاحبة جميلة تمي الباقي
يا سري في عربي جويا في تعبيرات عندها علاقة بالعربي عديل
لكن يتم إستخدامها بطريقة مختلفة مثل
حاجة ده بيعفن حلو
او حاجة ده بيعفن بطال
يعني يعفن دي تستخدم لفعل حاسة الشم
| |
|
|
|
|
|
|
| |
مصطفي سري
محمد عبد الماجد الصايم
عامر تيتاوى
humida
Zakaria Joseph
Raja
Shams eldin Alsanosi
فيصل محمد خليل
محمد أبوالعزائم أبوالريش
sama7
عبدالله كع
العوض المسلمي
بدرالدين يعقوب
خالد علي محجوب المنسي
abdulgafar mohd saeed
مجدي عبدالرحيم فضل
رأفت حسن عباس
بابكر التوم
نها محسن أبورأس
سلمى الشيخ سلامة
Abdulbagi Mohammed
فيس بوك
تويتر
انستقرام
يوتيوب
بنتيريست