|
|
 من يتحمل نتيجة حجب سودانيزاونلاين في السعودية
|
يا اخوانا ما تجيبوا لينا هواء موضوع ذي موضوع ثروث سوار الذهب
ممكن يتسبب في حجب الموقع من كل الناس الموجودين في السعودية
يلا يا ثروت بالله لو سمحت قدم تنازل واسحب بوستك عشان اخوانا ما يتحرموا
|
|
 
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: قرشـــو)
|
....إلى الوهابيين فى هذا البوست//////الساكت عن الحق شيطان اخرس
....وإلى المستنيرين فى هذا البوست/////ماتبقوا رقراق أبقوا ياضل ياشموس
....إلى الجميع بدون إستثناء(مشروع بيان هام)...
إن كان البعض من بورداب السعودية يخاف على إمتيازاته المادية والادبية التى توفرها له
دولة الوهابيين وأكبر مضخات تفريخ الارهابيين,فهذا خيارهم وهذه لحظات إنكسارهم ولهم متسع الحرية إما لقول كلمة الحق أو التمترس خلف المواقف الرمادية تحت زريعة لاتلعبوا بالنار..وكان تفكيك دوائر الظلام يوازى اللعب بالنار.و لوكان فضح ممارسات الوهابيين يساوى اللعب بالنار..فنحن نهوى ونقدس اللعب بالنار.إن هم يجيدون المواقف الرمادية وأنصاف الحلول فهذه ميزة لانجيدها...وإن هم موهبون فى مسك العصا من منتصفها فهذه حرفة لانمتلك أدواتها...وإن هم يحبذون التطبيل لأمراء الظلام...فهذه مربعات لانمتلك خارطة السير فيها...ولو كنا نجييد صنعة السكوت لكسرنا أقلامنا..وبحثنا عن صنعة اخرى...ولو كنا نهادن فى فضح سدنة الظلام وأئمة الارهاب لتوالينا مع الانقاذ...إذا إن كنا نعارك الانقاذ الحافر بالحافر ونفضح مواقفهم الظلامية ونحن نعيش فى فضاء جغرافى واحد معها...فضاء يعج بكل أصناف القمع والارهاب المعنوى والجسدى...فلن نجبن عن إنتقاد دولة أمراء الارهاب وبيننا وبينها مساحات ومساحات....إذا أقول وبعالى الصوت المملكة العربية السعودية بتفريخها اللارهابيين وبدعمها غير المحدود للسلفيين باتت تشكل نفس الخطورة التى شكلتها الفاشستية فى ثلاثينات القرن المنصرم...وعليه يجب الضغط عليها لتكف عن دعم هؤلاء الارهابيين ويجب الضغط عليها لتهيكل المناهج الدراسية التى تفرخ الغلاةوالارهابيين...ويجب الضغط عليها لتكف عن تنفيذ الاحكام الحدية التى تجاوزتها الدول المتحضرة والمجتمعات الانسانية الراقية...ويجب فضح ممارساتها الظلامية التى تمارس ضد النساء...ويجب الضغط عليها لتكف عن مطاردة التيار الليبرالى داخل المملكة العربية السعودية...ويجب الضغط عليها لتجاوز مرحلة الحكم العضوض...ويجب الضغط عليها
لتوسع مساحت الحرية لمواطنيها....ولكم خالص الود
| |
|
|
|
|
|
|
|
|
 Re: من يتحمل نتيجة حجب سودانيزاونلاين في السعودية (Re: خالد خليل محمد بحر)
|
Quote: ....إلى الوهابيين فى هذا البوست//////الساكت عن الحق شيطان اخرس
....وإلى المستنيرين فى هذا البوست/////ماتبقوا رقراق أبقوا ياضل ياشموس
....إلى الجميع بدون إستثناء(مشروع بيان هام)...
إن كان البعض من بورداب السعودية يخاف على إمتيازاته المادية والادبية التى توفرها له
دولة الوهابيين |
Quote: ...ويجب الضغط عليها لتكف عن مطاردة التيار الليبرالى داخل المملكة العربية السعودية...ويجب الضغط عليها لتجاوز مرحلة الحكم العضوض...ويجب الضغط عليها
لتوسع مساحت الحرية لمواطنيها....ولكم خالص الود |
الحكم العضوض شنو يا خالد الجايينا بيهو دا .. وإنت كان ( ضغاط ) للدرجة دي .. ما تضغط بي شدك ومنعك على القاعدين ليك في رقبتك ديل .. خلاص يعني كملت ضغاطاتك كلها ..؟
بعدين القال ليك منو مواطنيها محتاجين الضغاطات بتاعتك دي ..؟
ضغاطاتك دي كم حصان بلاي ..؟
والله لما قريت الكلام دا راسي عمل ( زننننن ) .. وشفته اسود وبعض ( النجيمات ) أنا قلت جاني ( ضغط ) واللا شنــو ..؟
تضغط شنـو يا خالد .. ياابوي انا ..؟
إنت عارف شارع التحلية دا براهو فيهو كم لمبه مولعات اليوم كلو ليل نهـار ..؟
ياخي امشي اضغط حكومتك دي خليها تجيب ليك تلاتة اقلام رصاص وبرايتين يوزعوها لي شفع الابتدائي حتين تجي تضغطنا كدا ..
والله ضغطتنا عديل كدا .. يا خالد
إنتو يا جماعة دا .. ( دور ) الساعة تلاتة واللا شنــو ..؟
يا بحــر ..
نحن غير من الله ما قاعد يخوفنــا زول .. اظنك الحركة دي ما سمعت بيها ..
كان في أخوانك الصباح مثقفاتيه كدا جو درشو لينا كلام كبار كبار وجابو صور ولنكات واتكلمو كلام زي كلامك دا عن الحريات وعن خيول مجنحة ..
لكن انت بالغت عديل كدا .. يعني من يوم الطبلة والجنزير بتاعاتك ديلاك تغيب وتجي طالع علشان تحكي لينا عن امتيازاتنا المادية والأدبية ..؟
عندك وهابين .. وعندك شيطان اخرس .. وعندك رقاريق .. وشمش .. يعني حسع نلملم رقاريقك دي وشواطينك ديل ونمشي لي السعوديين ديل نقول ليهم والله الشيطان الأخرس دا نفكو ليكم هنا ونجيبو يا كمان ترجعو لينا قروشنــا ..؟
يا هداك الله امتيازات شنـو القاعد تتكلم عنها ومنزل قباله مشروع قصيدة بي ( ضلفتين ) ..؟
إنتو الفالنتاين بيجي عندكم متأخر واللا شنــو ..؟
قاتل الله ورود بكري ابوبكر الممحوقة ///// كل ما كان هناك من ورود قمت باستهلاكها..
ضاعت سدا في سبيل وعـد لم تتفتح ازهــاره //// وأنا انتظر على رصيف الذكريات في انتظارها
الله يسامحك يا أمونة ضيعتي كل ازهاري في عتبات بابك ..
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: tmbis)
|
الظريف///////تمبس
| Quote: ضغاطاتك دي كم حصان بلاي ..؟ |
...لكن ياالكاشف ظررررررررررررريف شديد....
| Quote: .. يعني من يوم الطبلة والجنزير بتاعاتك ديلاك تغيب وتجي |
القال ليك انا غايب منو ياغمرااااااان...موجود بكثرة
...اما بعد طبعا المدعوا تمبس بحاول يغلف عدم موضوعيتو بزيادة نسبة الظرافة فى
كتاباته...والمسكيين لو يدرى انه لايضحك الناس فى ما يكتب ولكن يضحك الناس عليهو...
....عموا خليك طوالى متغمس دور الشاب الظرررررريف...لنو ده مساحات البتقدر تتحرك فيها كويس
...ونحن طبعا مابنقدر نعاتبك لانو دى إمكانياتك....لكن نصيحة حاول طور مقدراتك دى....
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: Nasir Ahmed Elmustafa)
|
الأخ خالد خليل
لك التحية
ياخوى نفسك حار كدى مالك مع الجماعة ديل ؟؟؟
اولا الناس ديل فى بلدهم وهم احرار يعملوا البيعملوه وما هبشونا ولا جونا فى السودان سببنا شنو عليهم عشان نفرض عليهم قناعاتنا ... طيب هم ما عاجباهم قناعاتنا دى من اصلو وشايفننا ناس ماشين على حل شعرنا كمان ...
بعدين الليبرالية البتقول عليها دى ممثلة عندهم فى مجلس الشورى بتاعهم انت حارق رزك فوق ام كم..
والله انا شايف انه ما عندك اى حق تناكف الناس ديل فى البسووا فيه فى بلدهم لانهم احرار ولاننا لا نرضى ان يتدخل اى كان من خارج السودان فى امورنا مهما كانت .....
روووووووووووق المنقة يا اخونا واهدأ واحلى ...
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: قرشـــو)
|
| Quote: من يتحمل نتيجة حجب سودانيزاونلاين في السعودية |
يا بورداب السعودية انا كنت معكم قبل سنوات قليلة واعلم واقعكم...
الدخول في نقاش في هذا الموضوع لن يجدي نفعا....
ارفعوا بوست فوق لبكري ابوبكر وطالبوه بايقاف الحديث ..أو لو هو يقدر يتحمل نتيجة حجب الموقع في السعودية فهذا شأن يخصه....
أكرر موقفي في بوست مشابه...اتركو الشأن السعودي لأجل عيون بورداب السعودية (والعملوه ما بتعد ولا بتحسب)
ومن أجل عين تكرم الف عين يا معارضي الشأن السعودي.
نعم الحرية لا تتجزأ....لكن الحرية تتجزأ وتتقسم حتة حتة كمان...لو ده مبدأ بمشوا بيه في اي مكان
وشكرا
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: GamarBoBa)
|
Quote: أكرر موقفي في بوست مشابه...اتركو الشأن السعودي لأجل عيون بورداب السعودية (والعملوه ما بتعد ولا بتحسب)
ومن أجل عين تكرم الف عين يا معارضي الشأن السعودي. |
يا قمر انا بختلف معاك في ما تحته خط ..
ما علشان عيون بورداب السعودية ..
مافي اي واحد من الشايفهم قدامك ديل بيكوركو ليهم كم يوم وتموها الليلة .. عندهم فضل علينا أو ممكن يتجودوا علينا بي مكرمة من عندهم ..
الشايفهم ديل كلهم بيكوركوا وعاملين بيهاجموا في السعودية علشان اتنين تلاتة انفار وقفوا ليهم في حلوقهم ولقو دا الدرب البيوصل ..
أو
علشان فلسفة محددة أو تنظير محدد الواحد فيهم وهم نفسو أنو مقدده والواحد فيهم لقى ليهو كمبيوتر فاتح وجا طرش ليهو كلام هنا دا وعايز يعمل فيها جيفارا او جمو كنياتا أو ما نديلا ..
ياخي دقيقه ..
انا شخصيا كبوردابي من السعودية ارحب بكل الكتابات بتاعت القالو مستنيرين ديل ..
وما يسرني اني اتطلع للمزيد من هذا الوهم الذي انتابهم في العام 2008
ياخي دا الجهل بي عينو الواحد مع نفسو ما قادر يتلم .. يجي يقول ليك نحن نعمل كدا وكدا ..
بلاي عشان الفايده تعم .. تاني المثقفاتية ديل ... يكونا واقعيين شوية .. انا ح اعمل لي تربيزة هنا جمب الايقونة بتاعت تسجيل الدخول ..
ح اجيب لي علبه بتاعت حلاوة ماكنتوش .. اي واحد من المستنيرين ديل .. لما يجي شايل البيرق بتاعو دا .. يدفع لي بدل اي حاجة .. اصلو الموسم دا .. الواحد كان ما شطب العمارة بتاعتو دي بي من عرق المستنيرين ديل .. والله لي يوم الدين ما يغنى ..
ملحوظة ..
توجد خصومات خاصة ( للضغاطين ) ..
يعني يا بحــر كان ما جيت لي وشك .. رسل لينا ( ميزان الضغط ) حقك ..
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: tmbis)
|
Quote: يا قمر انا بختلف معاك في ما تحته خط ..
ما علشان عيون بورداب السعودية ..
مافي اي واحد من الشايفهم قدامك ديل بيكوركو ليهم كم يوم وتموها الليلة .. عندهم فضل علينا أو ممكن يتجودوا علينا بي مكرمة من عندهم ..
الشايفهم ديل كلهم بيكوركوا وعاملين بيهاجموا في السعودية علشان اتنين تلاتة انفار وقفوا ليهم في حلوقهم ولقو دا الدرب البيوصل ..
أو
علشان فلسفة محددة أو تنظير محدد الواحد فيهم وهم نفسو أنو مقدده والواحد فيهم لقى ليهو كمبيوتر فاتح وجا طرش ليهو كلام هنا دا وعايز يعمل فيها جيفارا او جمو كنياتا أو ما نديلا ..
|
اناما قاصد انو يتجودوا عليكم بمكرمة...ولو انت فهمتها كدة اعتبرني اول زول بعترض فكرة ايقاف الكتابة في الشأن السعودي بمكرمة او بهبة ....(وتحكوها مع بعض لامن يجيب الزيت)وانا لايهمني حديثهم في السعودية ..وحقيقي في تقييمي الخاص ان الحديث في هذا الامر مجرد مكاواة ولنا العبرة بالنتائج ...واتصور نفسي لو كنت معكم كنت سأقاتل اولا في عدم حجب الموقع ...لأن الهدف الاول هو توافر الموقع في السعودية...اما الحديث عن الشأن السعودي من اساسو كما قلت في مكان آخر آراه مجرد مضيعة للوقت لانو المنبر ده ما بقراه سعودي ....
ولك الود
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: GamarBoBa)
|
Quote: اناما قاصد انو يتجودوا عليكم بمكرمة...ولو انت فهمتها كدة اعتبرني اول زول بعترض فكرة ايقاف الكتابة في الشأن السعودي بمكرمة او بهبة ....(وتحكوها مع بعض لامن يجيب الزيت)وانا لايهمني حديثهم في السعودية ..وحقيقي في تقييمي الخاص ان الحديث في هذا الامر مجرد مكاواة ولنا العبرة بالنتائج ...واتصور نفسي لو كنت معكم كنت سأقاتل اولا في عدم حجب الموقع ...لأن الهدف الاول هو توافر الموقع في السعودية...اما الحديث عن الشأن السعودي من اساسو كما قلت في مكان آخر آراه مجرد مضيعة للوقت لانو المنبر ده ما بقراه سعودي ....
ولك الود |
العزيز قمر بوبــا
معليش امس كنت ( مضغوط ) شويتين عشان كدا ما رديت عليك ..
واحي موقفك ووجهة نظرك الواضحة فيما يجري الآن من بعض الأقلام التي تعمل على ضرر الموقع بما تطرح من طرح لا يعنينا بشئ ولا اعتقد ان فيه من الفائدة خلاف انه اصبح زي ما قلت ضربا من المكاواة وحركات الصبية الصغار وإللا فما الفائدة ان ياتي احدهم ويكتب كلام ويتحدث عن تفاصيل هي بعيدة عن اي واقع تدعو كل من يقراها إلى الرثاء على حالة هذا المتشنج هذا بعد الضحك المتواصل في ما يحمل مثل هذا من افكار اقل ما توصف به انها افكار عقلية صغيرة جدا ناتجة عن عقل صغير لابعد الحدود ..
وفي كل الاحوال مسالة الحك دي واجبه طالما الأمر اصبح يعنينا والسهام موجهه لنا دونما مراعاة لوحدة ما نعانيه من غربة وبعد عن وطن .. ومسؤليات جاسمه على صدورنا .. إذن لنا مثل ما لهم من طاقة سالبه وموجبه يمكن ان نفرغها هنا وفي اي مكان آخــر بالكتابة الموضوعية .. وبغير الموضوعية وكلو في مكانو ..
بالنسبة لي موضوع العمارات ديل يا قمر ما شايفك حددت ياتو واحده بالضبط .. لانو في واحده اتشطبت والبقيات لسه .. ( عضم ) نترك ليك موضوع البوهية دا .. واللا نخليها بوهية مستنيرة وبها كواريك ..؟
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: Nasir Ahmed Elmustafa)
|
الكتابة هنا مسئؤلية وليس ارضاء لجهة من الجهات
السعودية بها فكر سلفي اظلم علي العباد واضر بالانسان ونقده ليس نقدا لال سعود لكن تدخل هذا الفكر المتخلف في حياتنا اليومية هو الذي يدعو لنقده
اما مسئؤلية تغيير هذا الكابوس هي مسئؤلية الشعب السعودي وحتما ستبقي
لكن ليس انا اعمل علي تغييره
الوهابية خطر علي البشرية
والله انا علي نفسي اتيت واعتقد ان لدي واجب مباشر هو نقد العقل السلفي اي كان
وهابية اخوان مسلمين وجماعات تكفيرية
حتي الشيعه في العراق ولبنان وايران ان تعدت علي حرية الفرد واصبحت تصدر قرارات وفتاوي تضر بالبشرية اوجه سهام نقدي تجاهها
لا اكتب لاستفزاز او اي غرض وزي ما بقولوا الغرض مرض
لا يمكن ان تتجاوز الوهابية لان لها ذراع لممارسة التخلف للشعوب وببلدي فرع لها
يجب الا تتدخل السعودية في حياة الدول المجاورة
| |
|
|
|
|
|
|
|
|
 Re: من يتحمل نتيجة حجب سودانيزاونلاين في السعودية (Re: Sabri Elshareef)
|
| Quote: الوهابية خطر علي البشرية |
إنت والمعاك .. والوهابية في سرج واحد ..
ونسيت كمان ان اقول ليك .. والمواقع البتنقل منها وشغال ماكينة طباعة نسخ ولذق ..
كلكم وجهان لعملة واحدة
تشدد = طره
جهــل = كتابة ..
حقو تلعبو ملوص مع بعض .. عشان كلكم تطلعو ملوص ..
يا لبؤسكم وحالتكم التي تدعي للرثــاء عليكم ..
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: Nasir Ahmed Elmustafa)
|
التحية والود اخوي ناصر احمد المصطفى
السلطات السعودية ما بفرق معاهم حجب موقع سوداني ولا أمريكي , طالما يتعارض مع سياستها العامة
ولا علاقة لنا بالشأن السعودي لا عن قريب ولا عن بعيد , ولسنا معنيين بسياساتهم .
فلماذا نزج بانفسنا في مثل هذه الترهات ؟
خلاص كملنا كل شئ وباقي لينا الوهابية السعودية ؟؟؟
احترامي وتقديري للجميع
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: ahmed saeed)
|
Quote: يا تمبس
قلتي لي خالد ده ضغاط ولا (ظر............. ساكت ) |
يا قرنفــل
بلاي شفت العرض دا كيف ..؟
عليك الله شفت الفلاسفة ديل ؟؟
بلاي دق لينا سدرك كدا .. وشوف ينا طريقة بتاعت اربعه خمسة فيز .. الباقي بتمو انا من عندي .. نقوم نجيب الشفوت ديل .. علماء النضال الاسفيري ديل .. ونفتح لينا معهد هنا علشان يدرسونا الفرق بين الوهابية .. وبين افكارهم ديل .. وفي نهاية الدورة نجيب خالد بحر دا علشان يضغطنا شوية كدا لحدي ما نكب زيت .. وبعداك يحدثنا عن امتيازتنا وكيف ما نخاف عليها ...
بلاي في سوق الشعلة قالو في ضغاطات مونوليكس .. وانت جاي جيب لي معاك واحده اقوم اطقطق ليك بيها الزميل المعاي دا ..
ومن هنا دربو عديل يمشي كمان يضغط ناس بيتهم .. وهكذا دواليك ..
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: ahmed saeed)
|
الطفبوعة/احمد
Quote: يا تمبس
قلتي لي خالد ده ضغاط ولا (ظر............. ساكت )
|
بالمناسبة ممكن الواحد لو داير يجاريك يسمعك كلام من جااااارح شديد
وده يتخيل لى ماداير حاجة...خلاص ولو داير تفتح باب للصعلقة والتفاهات والانحطاط
وداير تحول البوس لخمارة برضوا ممكن ياصاح....حدد خياراتك وانا جاهز....وبخصوص سؤالك
للظريف تمبس...لو حريص على الاجابة رسل لى الايميل بتاعك عشان أديك الاجابة الشافية
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: Tragie Mustafa)
|
| Quote: يا تمبس شويه شويه على روحك...العمليه لو فكت آل سعود ما بيفيدوك |
منو القال ليك ما بفيدوك ..؟
طيب كان ما افادوني هم شن فائدة قعادي هنا ..؟ يعني ح يفيدوني ناس صبري الشريف وياسر الشريف وهلمجرا وناس الفلسفة السياسية .. واللا ناس خالد بحــر بتاع الطبلة ( والضغط )..؟
لمعلوميتك:
حسب وضعي الوظيفي والحمد لله . العملية بتاعتي دي عملتها في المستشفى المعتمد لدى السفارة الأمريكية فيما يتعلق بي اي مرجعية طبية .. يعني بي صورة أوضح.. جماعتك العاملين فرحانين بي امريكا ديل لما كانو قاعدين هنا الواحد فيهم بيدوهو ورقة يقولو ليهو امشي أفحص لينا بولك ودمك التقيل دا في مستشفى عبيد وتعال حالق صلعة نضيفة .. واضيف لمعلومة سعادتكم انو انا القدامك دا مشيت برضو عملت نفس الفحص الطبي بتاع مشروع الهجرة إلى امركيا .. لكن لما شفت بي عيني ما حاق ببعض الأخوان هنا .. وحيات ابتسامتك طبقته ورقي وعملت مجنون .. وبالمناسبة دي بلاي العاملين فيها شفاته ديل ومنظراتيه سياسة ناس استيف وباقي الوهم ديل .. اديهم خبر ولميهم لي في بكانه واحد قولي ليهم في خبير جاي يعمل ليكم فرش متاع .. وقولي ليهم توجد ( كبسة ) بعد العرض .. دا طبعا بالنسبة لي المنظراتية الواحشاهم الكبسة وريحته .. وبعض من الأيام الخوالي ..
اهـــا
اضيفي إلى ذلك العملية العملتها ( ملح ) حسب التأمين المشمول بيهو والوفرو لي وضعي العملي .. ووفرتو لي حكومة ناس آل سعود ديل ومجانا من طقطق لي السلام عليكم .. مرات مرات كدا فنجرية مني ساكت بقوم اديهم طلطاشر جنيه اقول ليهم مشو بيها حالكم وامسحو بيها شنبكم شفتي كيف ..؟ مع امكانية اختيار اجعص مستشفي في المملكة برضو عشان اعمل فيها العايز اعملو..
( وخالد بحر يقول ليك اضغط )
أمـــا
ما يتعلق بالفتاق .. وفرضية انو يفك آخــرو من خلال ما يدور هنا .. فابشرك .. أنو الحاجات المضحكة القاعدين يتحفونا بيها الفلاسفة ديل .. هي من اسباب استمراريتنا في هذه البسيطة .. ولما نجي نعمل لينا فرش متاع لي اي واحد من الفلاسفة البره الزمن ديل .. الواحد زي البيعمل ليهو في تمارين ( بطن ) وارنب نط .. تراني بنط .. وبعض من نط الحبــل ..
بالمناسبة:
شايفك ما منظرة لينا في بوست منفصل عن السعودية وما ادراك ما سعودية زي اصحابك ورهطك .. الفرحانين ديل .. مالك سحروك واللا ادوك عين ..؟ واللا انت مسؤولة من منطقة القرن الأفريقي ..؟
بالمناسبة دي .. صاحبك ادريس دبي بقدر يرسل لينا ماكينات ضغط ..؟ حسب كلام خالد بحر الفوقاني دا عايز اسمع كلامو وافتح لي ورشة .. ضغط .. اصلو بعيد عنك الطابق التالت دا عامل لي مشكلة واسعار السيخ والاسمنت ( قريبكم ) ساره عيسي ما خدمني فيها .. اها نضغط بي هنا ونودي السيخ بي هناك ..
اوعه اكــون في ( معرب ) ردي ( ضغطته ) عليك بس ..؟!
عليك الله كان شعرتي بي اي ضغط ارفعي لي يدك ..
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: تاج السر حسن)
|
Quote: يا اخوانا ما تجيبوا لينا هواء موضوع ذي موضوع ثروث سوار الذهب
ممكن يتسبب في حجب الموقع من كل الناس الموجودين في السعودية
يلا يا ثروت بالله لو سمحت قدم تنازل واسحب بوستك عشان اخوانا ما يتحرموا |
يا ناصر:
حسب الصلاحيات المخوله لي من طرفكم اسمح لي اقتبس من كلامك الافتتاحي دا . لانو ما شايفك أن هناك ما يدعو للرد .. من بعض الاقلام التي تغرد خارج السرب .. قدرما حاولت ارد على اي منها لقيت انو ضرب من الخيال انك ترد ليك على فكرة اساسا بنيت على مبدا الكيد .. والافتراض الخاطئ .. وبعض قلة الادب والجهل
وكما تعلم فإن الجهل مصيبة كبيرة جدا ..
المهم
انا شخصيا كتمبس العواليق القدامك دا .. ما عايز اي تنازل بقدرما يبهمني اعرف نفسيات البعض .. واتحسر في بعض الذين كنا نفترض فيهم بعض من الاخوانيات .. ورجاحة العقل .. فنجدهم .. انجرفوا مع سيل التكتل والانقياد من خلف القطيع الذي اعيته الحيلة .. مما يدعنا نضع الكثير من الخطوط تحت التنظيمات التي ينتمون إليها والاحزاب السياسية .. والتي تجعلنا ايضا نفكر في الكيفية التي تم بها قبول مثل هذه الافكار ..
هذا طبعا مع مراعاة ساقاطنا للبعض منهم نتيجة ما يحملون من افكار اكل الدهر عليها وشرب .. بل تدرج في مصاف الديناصورية .. ويتمها بعضهم شتيمة .. وطول لسان، ووقاحة متناهية .. ويتحدثون عن السياسة ويفتون في الدين .. وبعض الفلسفة .. ولا ينسون التدخل في شؤون البلدان الأخرى ويدعون تغييرها في تشنج .. بعد ان تعدت احلامهم كما ( الترابي ) في مطلع التسعينيات بعد ان نجح في ما نحن فيه الآن .. اخذ بجمع كل مطاريد العالم واوهم نفسه بأنه قادر على خلق ثورات منهم تغير انظمتهم وتخضع فعليا لفكرته .. التي تشبه نفس فكرة هؤلاء الذين يدعون المعرفة الآن في منبر سودانيز اونلاين دوت كوم ..
فما اشبه الليلة بالبارحة ..
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: Yasir Elsharif)
|
ياسر الشريف ..
سياسة الركض باللنكات بتاعت المواضيع البتنزله .. وتحويلنا لمنبر الفكرة الجمهورية واقطع واللصق .. صدقني انا القدامك دا ما بتقنعني .. بل بالعكس بترجعني لي الذكرى السنوية البتوريني انو شخصك .. وجمهوري آخــر كيف يقتحمو بوستات الآخرين بتسويق بضاعتهم والتي هي مفترض انو مجرد عرضها على صفحات المنتدى .. بتكون تحت تناول العضوية ..
ولما نجي نقول ليكم ما تقومون به من طرح فكرتكم التي تروجون لها في هذا الموسم .. وما تطرحونه بالقوة ما هو إلا نوع من التشدد الذي يشبه تشدد الوهابية الذي تفرون منه وتدعون عبثا محاربتكم له..
تتذكر قبل كدا قلت ليك رحم الله من اهداني عيوبي ؟؟
اهـا
كدي حاول جرب انك تجي ترد ليك ردين على بعض كدا من غير ما تخت لينا رابط .. ومن غير ما تقطع وتلذق ..
بالمناسبة:
البوست البي هناك داك انا طلعت منو لي سبب محدد يعلمه شخص محدد .. وتم بناء على طلب من صديق حميم جدا .. لكن شايفك جبت عدتك وجيت المولد البي جاي دا..
| |
|
|
|
|
|
|
|
|
 Re: من يتحمل نتيجة حجب سودانيزاونلاين في السعودية (Re: tmbis)
|
تمبس،
سلامات
| Quote: سياسة الركض باللنكات بتاعت المواضيع البتنزله .. وتحويلنا لمنبر الفكرة الجمهورية واقطع واللصق .. صدقني انا القدامك دا ما بتقنعني .. |
لو كلفت نفسك بفتح الرابط ستجد أن موضوعه هو الموضوع هنا، وهو ليس في منبر الفكرة.. وقد كتبت في ثلاث بوستات مشابهة وتم حذفها.. عشان كدة وضعته في بوست منفصل ووضعت وصلته هنا البوست.. "قلت سفرا بالماوس ما بعيد".. وقلت "لا يلدغ المؤمن من جحر واحد مرتين".. وهذا البوست هنا لا أستبعد أن يتم حذفه لو سار بكري بنفس السياسة السابقة ولم ينتبه للنصيحة التي قلتها له في البوست المنفصل..
شكرا
ياسر
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: GamarBoBa)
|
...كالعادة حاول البعض تحويل البوست لمساحة لاستعراض
طاقاتهم من الظرافة...والموضوع واضح ولايحتاج لكل هذا اللف والدوران...السعودية بشكلها ده
خطر على المجتمع الانسانى ...وما يجى واحد يقول لى دى ماقضيانا..دى قضيانا...لانو ناس عبدالحى يوسف
ماجوا من القمر جونا من السعودية...وناس الباقر ماجو من المشترى جو من السعودية دى ذاتها...والناس البقولوا إن مشاركة المسيحيين فى أعيادهم ماجو من الدنمارك جو من ربوع نجد..وغيرها من مصانع الظلام...يبقى القضية قضيتنا...ياظريفيين....
| |
|
|
|
|
|
|
|
|
|
Re: من يتحمل نتيجة حجب سودانيزاونلاين في السعودية (Re: Nasir Ahmed Elmustafa)
|
انا مالي ومال السعودية عشان تجبر خاطر زول
هل هي جبرت بخاطر انسانها المعذب الذي ارهقه الفكر السلفي
وهسه ده كلام كتابة في النت توجع سعادة الامير او المدير
لذد غرب هذا الفكر التليد وان غدا لناظره غريب
الوهابية خطر علي الانسانية ومن يريد الدفاع عن السعودية هو او هي واقفين في المكان الغلط
المصادرة لن تجدي لان مليون ويب سايت مفتوح مشرع الا تقف ضد الانترنيت عموما وبرضو سوف توجد نفاجات للمعرفة والعلم
| |
|
|
|
|
|
|
| |
Nasir Ahmed Elmustafa
عز الدين بيلو
أبو عبيدة البصاص
قرشـــو
خالد خليل محمد بحر
tmbis
GamarBoBa
البشير دفع الله
kamalabas
Tragie Mustafa
عبداللطيف خليل محمد على
Yasir Elsharif
abcde
فيس بوك
تويتر
انستقرام
يوتيوب
بنتيريست