|
اين انتى يا حلـــــــــــــــــيوة ؟
|
اكتسى الظلام هذا المساء شارع فرعى من المك نمر فى مكان شمال معهد جوته العائد لمســـاءآت الخرطوم وجريددة قووون
لغياب حليوة (آبييى) حيث للغروب لونا وللشاى مذاق ابيض ناضر واخضر يهيم ولقيمات كما الذهب وحضور حليوة كماالحياة تسأأل واحيانا تجيب ام لشاى الصباح عصرا
اتى شوقها بمطر قادم من المطارومن دارفور اليها والحنين واتاها وديدى فى الاعياد والعطلات ويوم الخميس
لها قلب دائما يرف عن الغائبين هم اولادها هم امجادها
لها ايمان وايمان وعمر وعمرو
واصدقاء السنين وضحكة الصباح وشوق المسافرين
فاصلة واغنية
ودعتنى مسافرة قبل دهر واتت بكرة ونديه يبللها شوق وعفر وحزن ونظرات العابرين
شغفا بطولها وجنها وهبة السنين الن يفتر جمالك منك او قد تتعثرين
وهل من عودة هل
حليوة افيقى وعودى فعلى الباب انتى والمنتظرين
هو ضرس اوجعك ام هم المسافرين
اظننى غدا سألقاكى واعرف لماذا بت حزين
........
عدت بعد غيبة لغياب حليوة وهى ملكة البوح والروح والحنين
نداء اخير ويا اصدقاء حليوة اتحدوا
|
|
|
|
|
|
|
|
Re: اين انتى يا حلـــــــــــــــــيوة ؟ (Re: Adil Osman)
|
عصااااااااام عبد الحفيظ سالت منك اباذر عبد الباقي تاني جاتني شكوك انك مشيت ابشي (لاساغة ) صديقنا تاني سالت منك ... لقيتك اسع هنا ... شوق شديد ما شفتك في عرس وليد حامد
اها مافي (ااوت ) قريب وللا شنو ونهدي الاغنية الى حليوة وناس الحلة
| |
|
|
|
|
|
|
Re: اين انتى يا حلـــــــــــــــــيوة ؟ (Re: عصام عبد الحفيظ)
|
وضيوفنا يا عصااام كل ما يجينا زول من برة لازم نوديهو لي حليوة
وخاصة قهوتها بعد نجي من قندهار !!
منى خوجلي
احمد عبد الله
عوض حمزة
بهاء بكري
تماضر الخنساء
لكني زمن ما مشيت بي هناك .. صدقني قلقت عليها شديد ...
وبقول معاك اين انتي يا حليوة
حمد لله على السلامة ..
| |
|
|
|
|
|
|
Re: اين انتى يا حلـــــــــــــــــيوة ؟ (Re: محمد عكاشة)
|
حينما كنت في اجازتي السنوية ضرب معي طلال عفيفي موعدا وقال لي تعال لينا في ابييي وقلت ليهو بركب من السوق الشعبي ولا المطار لالا ده ركن للشاي شاي حليوة ولمن وصلت لقيت الإمه والعالمين من بورداب وفنانيين ومثقفين ركن متواضع بنابر عادية حنب ركن الجريدة لكن كل الناس مرسومة على وشوشه ضحكة كل الناس فرحانة المكان فيهو جو من التسامح وولف حنين مكان فيهو بعد روحي للطيش مرتادي حليوة أحبكم
| |
|
|
|
|
|
|
Re: اين انتى يا حلـــــــــــــــــيوة ؟ (Re: عصام عبد الحفيظ)
|
وجلسنا في ضيافتها نفرح بالقهوه ونحتفل بتجمعنا.. مددنا الأقدام في ارتياح..وبسمة حليوه وصوتها الهاديء يزيد الفرح.. حليوه زيدي الليقيمات.. حليوه البخور وينو.. حليةه ممكن جبنه تاني لسته أنفار؟؟ لالالا انا عايز شاي بلبن.. حبيت حليوه.. طيبه لطيفة الأخلاق زيبنات الجيران في الريف.. وزي بنات اهلنا في القري لما يفرحوا بجيتك ويخدموك بالعيون.. وحشتنا حليوه.. عندها قابلت فيصل ربنا يرحمه ورجعت لي ذكريات سنين طولت ما اتعادت.. وعندها اتجمعنت المشاريع وضحكات الأصحاب.. ابراهيم ونور وميرغني واحمد عبدالله.. ومعانا كانت أميمه..جميله بدون حدود.. ومجموعة الخرطوم..
حليوه..وينك يا حليوه؟؟
ازيك يا عصام ومشتاقين..
| |
|
|
|
|
|
|
Re: اين انتى يا حلـــــــــــــــــيوة ؟ (Re: Muna Khugali)
|
Quote: ..وجلسنا في ضيافتها نفرح بالقهوه ونحتفل بتجمعنا.. مددنا الأقدام في ارتياح..وبسمة حليوه وصوتها الهاديء يزيد الفرح.. حليوه زيدي الليقيمات.. حليوه البخور وينو.. حليةه ممكن جبنه تاني لسته أنفار؟؟ لالالا انا عايز شاي بلبن.. حبيت حليوه..
|
وكلنا نحب حليوة
ومع نسمة شتاء هامسة عادت حليوة بالامس وعاد الالق والحنين لذاك المكان
ــــــــــــــــــــــــــــ لنا قصص مع حليوة ... قادمة بل شك
| |
|
|
|
|
|
|
Re: اين انتى يا حلـــــــــــــــــيوة ؟ (Re: asmhan hashim)
|
يا حليوه
يوم دقيت بأرضك فأس خضيب
وهى أبيي ، كم يسمسها عصام.. ويعنى ما يقول
صارت مركزاً للدائرة
غيرت من مفهوم ست الشاى... تجمع الكل حولها
وهى ليست منتدى.. بل حياة كاملة
تقارب بين الحضور دونما معرفة.. او إشتراك فى نقطة حديث
وبين جنبات مقهاها البسيط...
إستضافت معرضا فتوغرافيا امسيات رمضان الناضى جمع اعمال ايمن حسين وعصام عبد الحفيظ ( أسقف مستعارة)
تجربة فريدة.. تشارك مبدعينا الهموم
وكان لها النصيب الأكبر من النجاح
لها منى ألف تحية
******* حمد لله على كتابتك يا عصام
| |
|
|
|
|
|
|
Re: اين انتى يا حلـــــــــــــــــيوة ؟ (Re: عصام عبد الحفيظ)
|
ليس لنا في الحظ نصيب
نفس الطائرة التي وصلت بها الي ارض الجنوب اقلتني الي منطقة اخري بالجنوب
نفس الاستراحة التي كنت بها نزلت بها انت واصدقائك
لكم كنت اتمني ان نتلاقي في واو ولو لبضع ساعات
كنت اعرف ان اناس من الخرطوم قادميين بالطائرة ولكن لم اكن اعرف انكم بها وخاصة انني اعرف الاثنين الي معك معرفة حد العمل المشترك
نتمني ان نتلاقي في ايام جايا
شكرا لك عصام عبدالحفيظ
----------------------------------------------------------- اتخيل انك استمتعته بسوق حجر وسوق الجو وشلته صور لكبري الجور
| |
|
|
|
|
|
|
Re: اين انتى يا حلـــــــــــــــــيوة ؟ (Re: الملك)
|
تخيلت ان احدي الطائرات ستحملني يوما الي السودان .. وقبل ان احمل الشارع متوجها الي ( المكان الذي اسميه منزلنا) ستسقطتني الطائره قصدا في بنبر بجانب حليوه ... وابدأ نشيد قدومي للبلد الذي نحب ولا نحب...
تخيلت (ومن بعض اقوالهم.. ) ان المكان قد تم ازالته وان حليوه لا توجد وكل القهوه قد تم تسجيلها ضد مجهول؟؟
لم يطل خيالي المجنون ..كثيرا؟؟؟
فقد تحدثت مع وديدي وعصام.. ولم يبقي من خيالي الا الشوق
وبعض ضحكات.. واصابع مرتجفه باللقيا والحنين ... وبعض حواجب بالدهشه تهتز,,,
وعصارة .. اه لو .. أغمض عيناي و... واجد قليل من الشاي والقهوه والتبغ و....كل الاصحاب .. كل الاصحاب ,,,,,,
سأغمض عيناي حتي اراك.. يا حليوه...
حتي التقيك.... كان اسمك يشبه....الموسيقي عندما (عزمتني ......... لكباية شاي .. وقليل من الكلام .... وبعض تساؤلات..
ساغمض عيناي..
التقيك قريبا...
تحياتي للجميع ...
| |
|
|
|
|
|
|
Re: اين انتى يا حلـــــــــــــــــيوة ؟ (Re: عمرو كمال ابراهيم)
|
تعرف ياعصام قبل ايام قال احد الاصدقاء عندما دعوناه الي هناك حليوه دي من الحلاوين فقلت له اسال عمر الحاج لانه من الحلاوين. لكني اكدت له ان حليوه هي صاحبة المكان المضمون الذي يقدم لنا زلابية بالكمون وخالية من بروميد البوتاسيوم.وكنا قبلك ياحليوه في دروب مافيها الفة
| |
|
|
|
|
|
|
|