براك شايل الزمن بابين

Quote: براك شايل الزمن بابين وما عارف الدخول من وين تدق ايد الصبر بي ايد وما عارف الصبر لي متين خلاص اقدر علي همك وقت رضيان تشيل همين وما بغلب البشيل واحد يشيل جواهو غلب اتنين براك شايل الزمن مشوار وما عارف الدرب دربين وعمر السكة مهما تطول ضياع اطول وحرقة بين كفاية عليك ضياع قلبك وما تهون ضياع قلبين ولو عرف الضياع قلبك منو الغيرك بيبقى حنين؟!! منو الوراك تطارد الموج تباري النجمة لي الاخر تشيل الليل سهر ودموع ودار ماليهو فيك اخر وراك بابين وقدامك قدر جواك و هم ساخر تفاخر بيهو ريح الموج وما عارف البحر فاخر براك شايل الزمن جواك وما عارف الزمن اصلك تدق باب الدخول بالخوف بضيع جواك شبه اصلك وما ضاع الشبه في الناس ولا درب البدور اصلك براك باريت مدارك الهم خلاص اقدر علي البصلك

Quote: جميل يا عبد الله

Quote: يا سلام يا عبد الله وداعه قصيده جميله جدا ومؤثرة

Quote: ياشاعر مدينة الضباب ... انشاء الله ما تشيل هم وسكتك كلها تبقي بهجة وحب مودتي -------------------------------------------------------------------------------- ابوبكر سيداحمد

Quote: ماكان مُخيّر أجيك أفارق سكة الناسيين لا شلت وحدي الهم شان يبقالي فيك همين لكن خُطاي وِدرت بارت خُطاك,,حنين قُت ليها سيبي الزول,,, حواليهو كم,,عاشقين لا انتي قدر الظن,, لا مدسوس هوى العينين,, حتشيلي همك,,,خوف مقسوم على القلبين لو قلت أدس الشوق ألقاهو فيك ظاهر ويوم بديت أنساك,, لقيت هواك,,آخِر,, وريني كيف الحل,, ماتبقى ليّ جاير,, كفاية شلنا الريد,, في بحر القسا الدائر,, لو موجة مالت بيو,, شطّك إقيف حاير,, لا يقدر يعَدْلَ الحال,, لا يجيب هواك دافِر,, شلتك براك أهل,, هل كنت من أهلك؟؟ ماكُت قايل الريد وراهو ناس تهلك حليلو حب الناس,, المنو كان,,نهلك,, ليه بس هواك صعيب,, وهوانا كان,,سهلك,, وشلتك برضي ليّ حنين,, كأني الليلة ماشلتك,, بتجرح في قليب الزول,, عشان بيعيش ,,إزيد,,دلّك,, خلاس أنساهو لو تقدر,, ياناسي هواك من أصلك,,

Quote: بجيك يا زول يا زين

Quote: براك شايل الزمن بابين وما عارف الدخول من وين

Quote: منو الوراك تطارد الموج تباري النجمة لي الاخر تشيل الليل سهر ودموع ودار ماليهو فيك اخر

Quote: كفاية عليك ضياع قلبك وما تهون ضياع قلبين ولو عرف الضياع قلبك منو الغيرك بيبقى حنين؟!!