|
منتخب السودان في البلاي إستيشن 2 ..والعجب خارج التشكيلة!!
|
نزلت أسطوانة Play Station2 الإصدارة رقم 13 والتي تتضمن بطولة غانا 2008.. منتخب السودان ظهر في الأسطوانة زيّو زي مانشستر وتشيلسي والإنتر والبرازيل والمانيا وإيطاليا ودي برااااها محمدة من (محاميد) التأهل لغانا .. الناس الخبرة في البلاي إستيشن 2 بيعرفوا إنو أهم شي لمن تجي تختار لاعب بتقوم تشوف الخصائص بتاعتو ..أها ناس الباي إستشين عاملين لك هيثم مصطفى (هيثم كرار) خصائص ممتااااااازة من 80 وإنت طالع .. غايتو ما فضّل ليهم إلا يكتبوا سيدا بين قوسين .. تشكيلة المنتخب خلت من لاعب إسمو فيصل عجب لا أساسي ولا إحتياطي ويبدو إنو ناس البلاي إستشين ديل شالو التشكيلة من اللستة الكانت طلعت في الجرايد يوم أن سافر المنتخب لمعسكر أسبانيا ويومها كان إسم العجب قد سقط(سهواً).. اها يا جماعة بالله الحريف تاني يلعب لينا بي منتخب السودان عشان على الأقل نجيب أقوان في البلاي إستيشن بعد غلبنا نجيبا في غانا .. تخريمة : كرونقو سيم سيم روبرتو كارلوس في الشوت ..
|
|
|
|
|
|