|
|
 شكراً ربي للمولود ... شكراً بكري للباسوورد
|
قبال يومين كدة ، وأن بقلب (يعني بفتش) في البريد بتاعي (و بتاع الكمبيوتر كمان ) لمحت لي رسالتين كدة خترات شديد .. من لونن الأحمر عرفت ختورتن ، والغريبة الاتنين جايات من بكريين ( يعني اتنين بكري ) ...
فتحت الأولى بسرعة ... وقريت فيها كلمتين بس
المرة أتحلت ...
في البداية الخلعة خلتني أفكر .. المرة دي مني ، والكان رابطها شنو ؟؟
شويتين الذاكرة رجعت ...و حمدتك يا مالك روحي ... دي مرتي وجابت ولدي ..
التوقيع بكري...
بكري دا بالله طلع أخوي شقيقي .
....
من فرحتي برسالة بكري أخوي فتحت رسالة بكري التانية وباعجل ما تيسر ...
ياربي مرتي التانية اتحلت برضو ...
اتذكرت انو انا زول موحد ... ومبدئ نمرة تلطاشر (13) شعب واحد جيش واحد مرة واحدة ...
العجلة شنو ... كدة نفتح الرسالة ...
لقيت فيها شكراً ... لقد تم تسجيلك
اسم المستخدم : عمر التاج
كلمة المرور : ****** (الراجل اليقراها)
أتاريهو دا بكري سيد الحوش ذاتو
أخوتي وزملائي وأساتذتي الأجلاء ... أسرة سودانيز أون لاين
شكراً لكم على حرف تجمل بين أناملكم عبر هذا السفر الافتراضي
قبل أن يخرج إلى الوجود كائن من الجمال البهيج .
فقد قرأت لكم كثيرا ... واستمتعت بإبداعكم أكثر ..
وهاأنذا أقف مشدوهاً لا أعرف ..
أأشكر رفقاء الكيبورد .
أم أفرح بالمولود .
أم أحتفي بالباسوورد .
شكراً باشمهندس :بكري أبو بكر
وفي انتظار تبريكات رفقاء دربه وكفاحه
و توجيهات قدامى محاربي بيته الأثيري .
ولكم مني وافر الحب والاحترام .. في عيد الحب والاحترام
|
|
 
|
|
|
|
|
|
|
 Re: شكراً ربي للمولود ... شكراً بكري للباسوورد (Re: عمر التاج)
|
يا عــــــ م ــــــــك
والله ختري لكن .. تسعتك طويييييله
مبروك المولود
ومبروك الباسوورد
وحـــــبــــ 1000 ــــابك
Quote: أأشكر رفقاء الكيبورد .
أم أفرح بالمولود .
أم أحتفي بالباسوورد . |
3 * 1 .. برت بلاس
أسي عليك الله المناسبات دي كلها وجايينا إيدك فاضية
ما عندك حلاوة بقر ..
بالعدم بلونات .. هنابيك
أي حاجه كده
ولا شنو
| |
|
|
|
|
|
|
|
|
|
Re: شكراً ربي للمولود ... شكراً بكري للباسوورد ...شكراً رفقاء الكيبورد (Re: عمر التاج)
|
Quote: أأشكر رفقاء الكيبورد .
أم أفرح بالمولود .
أم أحتفي بالباسوورد .
شكراً باشمهندس :بكري أبو بكر
وفي انتظار تبريكات رفقاء دربه وكفاحه
و توجيهات قدامى محاربي بيته الأثيري .
ولكم مني وافر الحب والاحترام .. في عيد الحب والاحترام |
عمر الفارووق
ياخ والله ولد وشه سمح وأنا لو منك أسميه بكري ظاطوووو
طبعا ما ممكن تسميه بكريين عشان كده سميه بكري ونحن والأهل الداير
يختار يختار زي ما هو عايز .
ألف مبروك يا عمر وإنشاء الله الفرح ما يفارقك .
وأهلا بيك زميل ورفيق أسفيري كيبوردي سوبر ستار
ودي وإحترامي
صلاح واسبه
قلت ليك :
محظوظ والله باسويردك ساااهل !!
| |
|
|
|
|
|
|
|
|
|
Re: شكراً ربي للمولود ... شكراً بكري للباسوورد (Re: عمر التاج)
|
عشرات حبابك وسعيد اليوم الجابك قلم مسنون بهم الناس والناس فرحان بيك
زي ما قال حميد
فرح النار بلوح الزان
امد الايد واسالمك ويا ريت قعده علي برزخ النيلين
نتناول الهم العام والخاص والغنا السمح ورحيق الاصحاب والصاحبات
اهلا رقم جيد في مسيرة الكتابة والمواقف والاخلاق
| |
|
|
|
|
|
|
|
|
|
Re: شكراً ربي للمولود ... شكراً بكري للباسوورد (Re: عمر التاج)
|
الأستاذ : طارق جبريل :
Quote: بس لا تنسانا في السمايي
|
دحين الدكاترة قاعدين يجو الولادة والسماية ...
غايتو كان جيت بخت الفريق ... وكان ماجيت الخروف جاييك بالايميل ...
بس ما تنسى تكمل لينا باقي قصة صاحبك البناي .. (اشحتفنا) عديل كدة ..
تسلم يا حبيب.
| |
|
|
|
|
|
|
|
|
|
Re: شكراً ربي للمولود ... شكراً بكري للباسوورد (Re: عمر التاج)
|
الأستاذ : صبري الشريف :
| Quote: أهلا رقم جيد في مسيرة الكتابة والمواقف والأخلاق |
للأسف المواقف عند البعض تتبدل كل فترة ( موقف أبو جنزير مثال) ...
أما نحن : فسنكتب مبادئنا بدمائنا ،
أما أخلاقنا فستبقى وضيئة ما شاء الله وما بقيت الروح أو مضت ،،،
لك التحية أطيبها ..
| |
|
|
|
|
|
|
|
|
|
Re: شكراً ربي للمولود ... شكراً بكري للباسوورد (Re: عمر التاج)
|
ألأخ/عمر التاج..
..................
أأشكر رفقاء الكيبورد .
أم أفرح بالمولود .
أم أحتفي بالباسوورد .
شكراً باشمهندس :بكري أبو بكر
وفي انتظار تبريكات رفقاء دربه وكفاحه
و توجيهات قدامى محاربي بيته الأثيري .
ولكم مني وافر الحب والاحترام .. في عيد الحب والاحترام
--------------------------------------------------------------------------------
الحكمة ضالة المؤمن أنى وجدها فهو أحق الناس بها
................................................................................
مبروك المولود ومبروك لنا إنضمامك للحوش الكبير...فرحين بك..
مودتى..إسماعيل محمد احمد عباس.......
| |
|
|
|
|
|
|
| |
عمر التاج
طلحة عبدالله
محمد عبد الماجد الصايم
Sahar Yousif
Salah Waspa
طارق جبريل
ناذر محمد الخليفة
بابكر التوم
Muna Khugali
حسين محي الدين
AnwarKing
Raja
بشير حسـن بشـير
ismeil abbas
Tragie Mustafa
mohanad haimoura
نادر الفضلى
فيس بوك
تويتر
انستقرام
يوتيوب
بنتيريست