|
في عيد الحب....
|
حـزن الفـؤاد لفقـده فبكـا ** لـو كـان طربـا مـا تدفـق ادمـعـا
نحرت ورود الحب فيه فأجدبـا ** مـن ذا يقـول بـأن ورده مورقـا؟
لله درُ السلـو مـن نعمائـه ** لـولاه مـا سكن الفـؤاد الأضلـعـا
ويهيجُ بي شوقٌ تؤجـج نـاره ** مـا اشرقـت شمـسٌ ولا نجـمٌ خبـا
ما كان يُرضي الروح بعدا إنما ** عجزت يمين الحب عن وصلِ السمـا
حن الشهابُ لعجزها إذ اُسقطت ** واحتـار فـي أمـر الهـوى فهـوى
مـا كـان يعلـمُ أي ارضٍ أرضـه ** لكنهـا الاقـدار تُبعـد مـا دنـا
ولشدُ ما يُعجب لـه أن تأتنـا ** مـن بعـد طوبـى بالحنيـن مواسمـا
أمشيرُ كم وجهاً لديك لترتـدي ** برقـاً ورعـداً ثـم تصفـو حالمـا؟!
ما ضار روحاً بالأماسي أُبدلت ** عـزفَ الجمـالُ بكـل وتـرٍ سُلُمـا
مرج الفراتُ العذبُ والملح الأجاج ** هل يَعجز الاِبصار الا من بعينيه عما؟
وعما القلوب اشد عجزاً إنما ** خُبِر النُضار بأصله بعد الحما
كـلُ الـورود بهـا جمـالٌ إنمـا ** لا يعبـقُ الأجـواء إلا مـا سمـا
حقو بكري بعد كدة يغير لي النيك نيم دة للسليكة بنت السلكة
|
|
|
|
|
|
|
|
Re: في عيد الحب.... (Re: Rasha Hatim)
|
حمد الله على السلامة يا اخية
Quote: كـلُ الـورود بهـا جمـالٌ إنمـا ** لا يعبـقُ الأجـواء إلا مـا سمـا |
غايتو البيت دا .. ابدعتي فيهو عدييييل ..
اسمعي .. القصيدة دي بنحتاج نقوقلها ولا نتوكل على الله ونقراها بي ضمان..
التوقيع: اخت سليكة بنت السلكة البطحانية ..
| |
|
|
|
|
|
|
Re: في عيد الحب.... (Re: Randa Hatim)
|
Quote: غايتو البيت دا .. ابدعتي فيهو عدييييل ..
اسمعي .. القصيدة دي بنحتاج نقوقلها ولا نتوكل على الله ونقراها بي ضمان.. |
يا بت اقري سااااااي علي ضمانتي
قلت ليك انا من رحم البتاع يتولد البتاع
الجاياكم تختاكم الايامات دي بس
| |
|
|
|
|
|
|
Re: في عيد الحب.... (Re: Randa Hatim)
|
رشا ازيك... عجبني شديد الكلام ده...
Quote: مـا كـان يعلـمُ أي ارضٍ أرضـه ** لكنهـا الاقـدار تُبعـد مـا دنـا
|
رندا....
كدة انتي مرفودة بهناك
| |
|
|
|
|
|
|
Re: في عيد الحب.... (Re: Rasha Hatim)
|
يا اخواني انتو دي شنو الحركات الجديدة البقى يعمل لينا فيها بكري دي؟؟
ايه اللي منتديات السكري والفوركس والحركات البتشوش علي المستمعين دي
| |
|
|
|
|
|
|
Re: في عيد الحب.... (Re: GamarBoBa)
|
يعني انت يا قمر بوبا ليه بتعمل لي كدا .؟؟؟ يزرزروك بي هناك تجي تتفش فيني انا ... عاد ما حيطتك القصيرة ..
وبعدين انا بآزر في "اخيتي" هسي انت في ذمتك ما عندك "اخيات" تآزرهم ...
جنس لبدي غايتو ... عالم شايله قلوبياتها وحايمة ...
| |
|
|
|
|
|
|
Re: في عيد الحب.... (Re: Rasha Hatim)
|
اها يا اخوانا نواصل ليكم في موضوع الحب دة
ونفتح ملف الحب
كم كنت استغرب التعبير عن الحب بلفظ "وقع في الحب" لانني لم احس بأي الم ساعة الوقوع فيه... كل الامي تبدأ ساعة الفراق...
كنت لفترة اعتقد, بل ولدي قناعة, ان الحب احد انواع التعود... اما الان فلدي قناعة اضافية جديدة,, وهي تعريف روبرت هيلين للحب في كتابه "غريب في ارض غريبة"... حيث قال:
"ان الحب هو هذه الحالة التي تصبح فيها سعادة شخص اخر ضرورية ومهمة بالنسبة لك"
وكل عام وانتم الحب
| |
|
|
|
|
|
|
Re: في عيد الحب.... (Re: Rasha Hatim)
|
اها جبت ليكم احلى دراسة متعمقة عن الحب من الالف الى الياء وبالمناسبة في النهاية في اختبار حربي ونتيجتو ما تخرش المية
ما الذي يحفز الناس ليسعوا وراء الحب؟؟؟ (دة الكلام الكتل اشراقة زاااااتو )
الحافز الاساسي بالنسبة لنا ككائنات بشرية هو اثبات ذواتنا وتطويرها.. وزيادة قدرتنا وفعاليتها.. واحدى اهم الطرق التي نستطيع من خلالها تحقيق هذا الامر هي علاقاتنا مع الاخرين...
نحن نقع عموما في حب الشخص الذي نجده جذابا ولطيفا.. ولكننا بنفس القدر قد نحب بالمقابل من ينجذب الينا ويحبنا.... (الكلام دة بعتمد علي الحنك السنين بالمناسبة )
| |
|
|
|
|
|
|
Re: في عيد الحب.... (Re: Rasha Hatim)
|
ما هي افضل الظروف التي يمكن ان تتيح لنا الوقوع في الحب؟؟
عندما تلتقي بشخص في ظروف غير عادية, تظاهرة سياسية,, فوضى,, الخ,, فيجب ان تحترس لمشاعرك لانك تكون حينها في وضع اثارة وحماس واكثر عرضة للشعور بالانجذاب نحو الاخر بشكل قوي. لذا يجب الا نخلط بين الاثارة التي تولدها حالة معينة وبين الشخص الذي نقع في حبه ورغبتنا في توسيع ذاتنا.
وعلى خلاف ما يعتقده كثير من الناس, فإن اغلب الاشخاص يقعون في حب اناس تعرفوا اليهم منذ فترة من الزمن, وان نسبة الاشخاص الذين يقعون في الحب من اول نظرة لا تتعدى ال40% فقط!!
والان, على افتراض اننا وجدنا شريكنا الروحي....
كيف تصبح واحدا في علاقة تضم اثنين؟؟
يقول اريك فروم في كتابه "فن الحب" ان الحب الناضج هو " الاتحاد بين اثنين الذي يتوافر فيه ان يحتفظ كل منهما بتكامله, بهويته, بتفرده ".
تحتوي كل علاقة حب ناضجة على عنصرين اساسيين وهما الاهتمام والاحترام,, وبدونهما يصبح الانجذاب الى اي شخص حبا مزيفا, من الممكن ان نطلق عليه اي شيء الا كلمة حب.
بالنسبة للاحترام الذي يجب ان يكون في كل علاقة حب فإن فروم يعبر عنه بقوله:
" انا اريد لحبيبي ان ينمو وان يترعرع لمصلحته هو, وبطريقته هو, وليس من اجلي وبطريقتي ولا لغرض خدمتي"
احييييا الرز, شوف جنس الكلام دة ميتين سااااي احنا والله
| |
|
|
|
|
|
|
Re: في عيد الحب.... (Re: Rasha Hatim)
|
Quote: دة هسي نوزنو ليك بياتو ميزان بس؟ |
حاولي اتصرفي معاهو ياخ ... إنشاء الله ميزان العفش!! إنتي قايلة كل الناس بيعرفوا يقولوا جنس كلامك ده؟
| |
|
|
|
|
|
|
Re: في عيد الحب.... (Re: Rasha Hatim)
|
الفرق بين الحب والادمان:
اذا افتقدت علاقة الحب للاهتمام والاحترام فهي مثلها مثل ادمان الكحوليات او المخدرات. فحينها يصبح الحب في الحقيقة اعتيادا وليس ارتباطا عاطفيا حميما.
فعندما يذهب شخص الى اخر بغرض ملء فراغ نفسه, تتحول العلاقة سريعا الى ان تصبح مركزا او محورا لحياته.. وتقدم هذه العلاقة العزاء او السلوى التي تتناقض بحدة مع ما يجده في اي مكان اخر.. ولذلك فهو يعود اليها كل حين ويرتبط بها اكثر فاكثر حتى تقتحم عليه حياته..
وعندما يصبح التعرض المستمر لشيء هو الضروري لكي تصبح الحياة محتملة, فإننا نتكلم عن الادمان مهما كانت رومانسية العلاقة.. ان الادمان وفقدان هذه العلاقة يؤدي بالشخص الى نفس الاعراض التي تظهر على المدمن حين تسحب منه المخدرات.
يقول العالمان بيل وبرودسكي اننا نستطيع ان نفرق بين الحب كعلاقة حقيقية فيها الاهتمام والاحترام, او الحب كاعتياد او ادمان من خلال الاسئلة التالية:
- هل تملك الثقة في قيمتك كحبيب؟
- هل تشعر بالتحسن والارتقاء من خلال علاقتك؟
- هل تحتفظ باهتماماتك وعلاقاتك خارج اطار العلاقة؟
-هل تعتبر علاقتك علاقة تكامل اكثر منها علاقة تعويض؟
- هل تهتم او تغير على نجاح الاخر وتميزه؟
- هل انتما صديقان بالاضافة لكونكما حبيبان ايضا؟
| |
|
|
|
|
|
|
Re: في عيد الحب.... (Re: Rasha Hatim)
|
يصنف الحب الى ثلاثة انواع:
اولا: علاقة الحب الامنة: وهي التي لا ينزعج فيها الطرفان من المستقبل فلا يفزعان من هجر او انفصال, ولا يقلقان ايضا من اقتراب شخص بصورة حميمية من احد اطراف هذه العلاقة.
ثانيا: علاقة التجنب: وهي التي ينكمش فيها الطرفان او احدهما ويصبح غير مستريح لاقتراب شخص اخر او للتخوف من عدم ملائمة الطرف الاخر, وهي علاقة مصابة بانيميا الثقة.
ثالثا: علاقة القلق: او ازدواج المشاعر وهي التي يكون فيها الطرفان غير امنين على العلاقة ويظلان في حالة انزعاج دائم وقلق مزمن وسؤال مستمر "ترى هل ما زال حبيبي على نفس درجة الحب القديمة؟",, "هل سيبقى معي حتى النهاية؟", وبالرغم من هذه الاسئلة التي تعكس الاهتمام بالعلاقة نفسها الا ان الطرفين يكونان مصابين بداء التعالي والغرور لدرجة التطفيش
بالله اي زول رصد نوع اخر يجي يفتو لينا هنا
| |
|
|
|
|
|
|
Re: في عيد الحب.... (Re: Rasha Hatim)
|
العزيزة رشا حاتم
لك التحية
مع هذا الابداع وكل هذا الجمال لا يسعنى الا ان اهديك هذه الباقة من الورد
ولان الشىء بالشىء يذكر فانا استغرب لاعداء الحب ولاعداء دعوات الحب لان النقيض لذلك هو الدعوة للكراهية ؟؟؟ ويبين ذلك برفض دعوة الحب كراهية فى قديس ما سمى فلنتاين ...
دعينا فى الحب عزيزتى ولنتمنى ان يسود الحب بين كل بنى البشر بمختلف سحناتهم والوانهم
وكل سنة وانتى محبة ومحبوبة ...
| |
|
|
|
|
|
|
Re: في عيد الحب.... (Re: قرشـــو)
|
Quote: ولان الشىء بالشىء يذكر فانا استغرب لاعداء الحب ولاعداء دعوات الحب لان النقيض لذلك هو الدعوة للكراهية ؟؟؟ ويبين ذلك برفض دعوة الحب كراهية فى قديس ما سمى فلنتاين ...
دعينا فى الحب عزيزتى ولنتمنى ان يسود الحب بين كل بنى البشر بمختلف سحناتهم والوانهم
وكل سنة وانتى محبة ومحبوبة ... |
جعل الله كل ايامنا حبا ومودة ورحمة يا قرشو
وحقا لنحتفل بالحب في دواخلنا مع كل اطلالة صبح جديد
جعلنا الله واياكم من عباده المتحابين فيه والذين يظلهم بظله بإذن الله
| |
|
|
|
|
|
|
Re: في عيد الحب.... (Re: Rasha Hatim)
|
آل حاتم كل سنة وانتوا طيبين
Quote: التوقيع: اخت سليكة بنت السلكة البطحانية .. |
يا خي ما تقولو القصة كدا من الأول جهجهتوا باكاتنا ساي
يعني تاني الواحد يراجع الإسبلنق مرة مرتين قبل ما يرد
وكدا
بجي راجع لموضوع البوسـ(ط) بعدين شكلو يحلو فيه التنظير ( قبل عماد عبدالله يجي يستلمو )
| |
|
|
|
|
|
|
Re: في عيد الحب.... (Re: Randa Hatim)
|
Quote: "ان الحب هو هذه الحالة التي تصبح فيها سعادة شخص اخر ضرورية ومهمة بالنسبة لك" |
تعريف بسيط وجميل .. ولما تنقلب نفس الحالة .. عند الطرف التانى .. تبدأ الحياة ..
ممكن أسرح ليك فى دى أمسح ليك غاندى زاتو .. وإمكن يفتكرونى بدعى النبوة
رشا حاتم
كل سنة وأنت طيبة
| |
|
|
|
|
|
|
Re: في عيد الحب.... (Re: رأفت ميلاد)
|
Quote: تعريف بسيط وجميل .. ولما تنقلب نفس الحالة .. عند الطرف التانى .. تبدأ الحياة .. |
لكن كان ما انقلبت يكون سنبك كبير خلاس
وانت طيب يا رافت, امنياتي لك بقلبة تبدأ معها الحياة
| |
|
|
|
|
|
|
Re: في عيد الحب.... (Re: محمد البشرى الخضر)
|
Quote: يعني تاني الواحد يراجع الإسبلنق مرة مرتين قبل ما يرد
وكدا |
انت بس لو ركزت لي علي دندون البالجنبة دي ما بتجيك عوجة
Quote: بجي راجع لموضوع البوسـ(ط) بعدين شكلو يحلو فيه التنظير |
اااااااي التنظير اخير من الحملات برضو
| |
|
|
|
|
|
|
Re: في عيد الحب.... (Re: محمد البشرى الخضر)
|
امانة الليلة انا ما اتلومت مع تنظيرتك يا ود البشرى
سئيلي الله قبيل في المكتب ما كنت فاتحة الساوند
واااخجلتي الرديت علي يسرا ببلة الدق الرقم جلة
رااااااقي لكن طلعت والله..
فرحت قلبي واسعدت يومي يا ود البشرى
طالبني واحدة كدة وخت لي لنك الحفظ تكون طالبني اتنين
| |
|
|
|
|
|
|
Re: في عيد الحب.... (Re: Rasha Hatim)
|
Quote: واااخجلتي الرديت علي يسرا ببلة الدق الرقم جلة |
والله يا ام دينا انا زاتي ما فهمت الحاصل شنو لكن اعتبرتها شتارة معتادة ومشيتها على كدا لكن في حاجتين حيروني أولا إنتي ما سمعتيها طيب رديتي عليها على اي اساس واعتبرتيها ياتو غنية التانية ديQuote: رااااااقي لكن طلعت والله.. |
يا خ انا قايلك عارفة الحقيقة دي من زمن المطارحة
للحفظ وكداQuote: طالبني واحدة كدة وخت لي لنك الحفظ تكون طالبني اتنين |
ليه إتنين بس الحساب القديم سكو
| |
|
|
|
|
|
|
Re: في عيد الحب.... (Re: محمد البشرى الخضر)
|
Quote: والله يا ام دينا انا زاتي ما فهمت الحاصل شنو لكن اعتبرتها شتارة معتادة ومشيتها على كدا لكن في حاجتين حيروني أولا إنتي ما سمعتيها طيب رديتي عليها على اي اساس واعتبرتيها ياتو غنية التانية دي |
غايتو انتهيت من سنين خبرتي الاسفيرية
لكن وحاة الله انا لما سمعتها ذبت خجلا من سغرة وشي في تلك اللحظة
وبعدين ما تقيف كتير في سبب بلة دة لأنو في حاجات كتيرة مجلية الايامات دي
| |
|
|
|
|
|
|
Re: في عيد الحب.... (Re: محمد يوسف الزين)
|
إن شاء الله كل يومين تــلاتة يكون في عيد حــب في الدنيا دي وفي البورد دا بالذات .. عشان تجي يا رشــا حاتم ..
ــــــ بين ليلة .. ومطـــر يسكن قلب شرختـه العشيقات بالهروب الطويل وأوصدت بابه أمراة التقيتها صدفة في الأسافير (نصار الحاج)
| |
|
|
|
|
|
|
Re: في عيد الحب.... (Re: tmbis)
|
علي اليمن دي قوية عديل....
شفت هدف مرادونا من السنتر بس ياهو غنيتك دي...
شكلي بديت احس يا ود البشري
ولا كلمة يا رندة
| |
|
|
|
|
|
|
Re: في عيد الحب.... (Re: GamarBoBa)
|
Quote: علي اليمن دي قوية عديل....
شفت هدف مرادونا من السنتر بس ياهو غنيتك دي...
شكلي بديت احس يا ود البشري
ولا كلمة يا رندة |
بالمناسبة مافي شي غتس حجر امريكا الا سياسة الحرب الباردة دي
| |
|
|
|
|
|
|
Re: في عيد الحب.... (Re: محمد يوسف الزين)
|
Quote: كدي رحبو بينا بالاول بعدين نشوف الفالانتاين. شعر جميل يا رشا..
remember me |
هو انت تتنسي؟
ياااااااااااااا حليلك
الشوق بحر والريدة كتاااااااااااااااااحة
غايتو لكن يا فلان ماااااا بسألك
| |
|
|
|
|
|
|
Re: في عيد الحب.... (Re: Rasha Hatim)
|
عزيزتي رشا كل عام وا نتي الحب ،، كل عام و انتي تنثري عطاباك علينا ياريت كل ايامنا اعياد عشان ناخذ منك هدايا ا اعجبني كثيرا Quote: ويهيجُ بي شوقٌ تؤجـج نـاره ** مـا اشرقـت شمـسٌ ولا نجـمٌ خبـا
ما كان يُرضي الروح بعدا إنما ** عجزت يمين الحب عن وصلِ السمـا |
زيدنا ... زيدنا
| |
|
|
|
|
|
|
Re: في عيد الحب.... (Re: Sahar Yousif)
|
Quote: كل عام وا نتي الحب ،، كل عام و انتي تنثري عطاباك علينا ياريت كل ايامنا اعياد عشان ناخذ منك هدايا |
دايرة تفلسي بي موش؟؟
يا ستي ولا يهمك
ساهديك في كل صبح بعض نور من سنا اشراقكِ
| |
|
|
|
|
|
|
Re: في عيد الحب.... (Re: Rasha Hatim)
|
Quote: ] يفرح قلوب كل الحزانى |
ده تصريح خطير ... فى زول قال ليك ولا شنو !!! ولكن آآآآآآآآآآآآآآمين يا رب, شفتى آآآآمين دى طويلا كيف !
Qasi
| |
|
|
|
|
|
|
Re: في عيد الحب.... (Re: Rasha Hatim)
|
يارشوية..
اجمل عيد حب الجابك!!
فالنتين انستر معانا وجاب لينا اجمل الورود واعتقها
كل يوم وانت محبة ومحبوبة
Quote: التوقيع: اخت سليكة بنت السلكة البطحانية .. |
بنت السلكة اخت السليكة.... دى ما انا ذاتها!!
| |
|
|
|
|
|
|
Re: في عيد الحب.... (Re: Ishraga Mustafa)
|
Quote: يارشوية..
اجمل عيد حب الجابك!!
فالنتين انستر معانا وجاب لينا اجمل الورود واعتقها
كل يوم وانت محبة ومحبوبة |
اااااي يا اشراقة
وانتي الجمال بتسكري وجوة القلوب بتعسكري
وكل ثانية وانتي كل الحب
| |
|
|
|
|
|
|
Re: في عيد الحب.... (Re: Rasha Hatim)
|
Quote: مرج الفراتُ العذبُ والملح الأجاج ** هل يَعجز الاِبصار الا من بعينيه عما؟
وعما القلوب اشد عجزاً إنما ** خُبِر النُضار بأصله بعد الحما |
رشا لم اكن اعرف لماذا يقولون ان الحب اعمى ولكن بعد حين عرفت وامنت بذلك ......
فى عيد الحب شكرا لحضورك وشكرا لحلاوة شعرك وعودتك المبصرة و المستنيرة
| |
|
|
|
|
|
|
Re: في عيد الحب.... (Re: معاوية الطيب)
|
Quote: رشا لم اكن اعرف لماذا يقولون ان الحب اعمى ولكن بعد حين عرفت وامنت بذلك ......
فى عيد الحب شكرا لحضورك وشكرا لحلاوة شعرك وعودتك المبصرة و المستنيرة |
معاوية
انما الحب اعمى لأنه يعجزنا عن ادراك قيمته الا بعد فقده
فنبكيه دما لا دموعا ونبقيه بالدواخل نضرا وان عز الوصال
Quote: ويهيجُ بي شوقٌ تؤجج نـاره ** مـا اشرقـت شمـسٌ ولا نجـمٌ خبـا ما كان يُرضي الروح بعدا إنما ** عجزت يمين الحب عن وصلِ السمـا |
كل الود
| |
|
|
|
|
|
|
Re: في عيد الحب.... (Re: Rasha Hatim)
|
رشا اخت رندا !! ولا هى رندا الاختك ؟؟ كل سنة وعيدكم حب ...
اتضح انو انا بس الهاملة فى البورد دا ؟؟
Quote: او ازدواج المشاعر وهي التي يكون فيها الطرفان غير امنين على العلاقة ويظلان في حالة انزعاج دائم وقلق مزمن وسؤال مستمر "ترى هل ما زال حبيبي على نفس درجة الحب القديمة؟",, "هل سيبقى معي حتى النهاية؟", وبالرغم من هذه الاسئلة التي تعكس الاهتمام بالعلاقة نفسها الا ان الطرفين يكونان مصابين بداء التعالي والغرور لدرجة التطفيش
|
غايتو يا رشروش دا نوع شايع جدا وهو قنبلة موقوتة من العلاقات لو لاقاك تزحى منو بعيد
بدل تكونى ما عارفة ميقات الانفجار وتترقبى !!! كل المطلوب تبطلى تتكسرى ى ى شديد
قلت لى الزولة البيمين دا اسمو منو ؟؟؟
| |
|
|
|
|
|
|
Re: في عيد الحب.... (Re: تيسير عووضة)
|
كلامك صاح يا بت عووضة اكتشفت بعد النقة الكتيرة الفوق دي إني ما رجعت لموضوع البوسـ(ط) الأساسي وقضيتها إنصرافية ساي راجع إن شاء الله
Quote: (وضربت بيدها على صدرها) |
اها إن شاء الله ما تكون الضربة وجعتها بس
| |
|
|
|
|
|
|
Re: في عيد الحب.... (Re: محمد البشرى الخضر)
|
اها وردية الليل جاتك يا ود البشرى
ماذا لو كان الكون بلا احزان؟؟
افراحٌ تحتضن الضحكات...
وجمالٌ تسكره البسمات...
اهات تطلقها الاشواق...
لحبيب من بين الاحضان...
ازمانٌ نمشيها هوينى...
ودروبٌ تختصر الاوطان...
ازهارٌ تشرق باسمة...
والنحل يقبلها بحنان...
قطراتٌ من طل تسقط...
لتغازل وارفة الاغصان...
انهارٌ ترحم رقتنا...
فيحن الموج على الشطان...
اااااااه يا قلبي لا تحزن...
احلامي مطايا للنسيان...
اسرجها ساعة احزاني...
كي لا انسى أني انسان...
| |
|
|
|
|
|
|
|