كتب الكاتب الفاتح جبرا المتوفرة بمعرض الدوحة
|
|
 هضربته بيــك لما (البنج) فكـــه .. ( توجد صورة )
|
ملحـوظة:
- توجد صورة دي عاجباني شديد .. هو في الحقيقة لا في صورة لا بتاع ..
- البوست دا بوست تصفية حسابات .. وشرح لحال كون البني آدم ( لسان ســاكت )  ..
- تجربــة بتاعت ( نقــد ذاتي ) ( وتصالح مع النفس ) بمعنى آخــر:
الواحد في البوست دا ح يتصالح مع نفسـو .. يبقى متصالح مع نفسو زيو وزي عمر الفــاروق واحد
- عنوان البوست (موزون) والواحد لو ( اتعمق ) شوية ممكن (يلحنـو)..
المهــم..
كما جاء في الاثر .. ممنوع القعاد الكتير، لي اي سبب من الأسباب ..
لكــن ..
هناك حقائق يجب تمليكهــا (لعزيزي القاري) خاصة وإنو فترة الغياب طالت ..
وطول الغياب .. بيعمل زهـول ..
عليــه:
إذا غبت بي شكل ملحوظ عن البوستات دي فمعناه يا إما راقد .. يا إما الاتصال مفصول مني 
خلاف كــدا ..
وكالعــادة .. الفورة الف
|
|
 
|
|
|
|
|
|
|
 Re: هضربته بيــك لما (البنج) فكـــه .. ( توجد صورة ) (Re: tmbis)
|
تامبا الجميل
عيني باردة عليك قايتو بعد العملية
تقول عرست نااااااااااااااير ما شاءالله
لذلك قررت أعمل عمليه وكمان فتاك عشان
ما اتمقلب
تقول كلامك وتجر واطي قايلني ما سمعت
هضربتك بيها بعد فكه البنج عندي شاهد
( معتصم )
هجمني عنوان بوستيك قلت كمان جبت صورتها
دائماً معافى وما تشوف شر يارب
| |
|
|
|
|
|
|
|
|
 Re: هضربته بيــك لما (البنج) فكـــه .. ( توجد صورة ) (Re: Alsa7afa_30)
|
ملحــوظة مهمة:
- بالنسبـة لي أميرة الشيخ بالانقليزي ..
تعرفي:
انــا كان ( شربت ) جــردل كامل بتاع ( بنــج ) ما بهضرب ..
شفتي جردل عديل .. كدا يشربوني ليهو بعدما يمسكو لي ( حنكي ) زي الشفع الصغار ويغرغروهو لي ..
أقول ليك حاجة..؟:
جردل شنــو ؟؟.. برميل عديل كدا .. خليك من الممحوق البدوهـو بالوريد دا ..
ياخي عديل كدا ما ( بمســك ) .. ولا بيمشي فيني ..
لــذلك ..:
جماعتك الزرعتيهم لي في ما مضى من أيام .. والله إلا يمشو يأجرو ليهم واحد عامل ليهو عملية (زايدة) ياقالع ليهو ضــرس ..يا عملية بتاعت اي حاجة تانية
أنا بنج ما بيمشي فيني
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: تيسير عووضة)
|
حمد الله على السلامه,,,,,,,,,,,,,
الهضربة سمعناه على الهواء مباشرة ,,, رغم الخلاف الداير عن نوع العملية
وهناي داك عندو تسجيل صورة وصوت ,,,
| |
|
|
|
|
|
|
|
|
 Re: هضربته بيــك لما (البنج) فكـــه .. ( توجد صورة ) (Re: tmbis)
|
سلامات يا تمبس,
ياخ سلامات والله و(السيلنسر موضوعو بسيط وبرجع يشتغل مية مية),,
تلفونك شكلو كده لحق أمات طه البقولوهم فى البورد ده وأضعف
الإيمان أصابو الطرش! ! !
عذرا يا حبيب على التأخير لكن والله جابو لينا واخوك معصور عصرة
كلب فى (توتوماتا) وكان سألتنى دى وين بغير رأيي فيك ياولدنا!
البورد ده تغيب منّو إسبوع واحد تانى ما بتلحق واخوك غاب كتير
وبقينا فرّاجة سااااااااااااى!!!
قتلى برميل بنج ما بشتغل ياخ دى بالغت فيها!!!يكون بنجكم بتاع
السعودية ده ترس خفيف وبتاع ركشات ساااااااااى!!!
يا زول سلامتك والجاتك بهناك سامحتك وأعمل ليك إسبير بتاع(فيسبا)
وخليهو دايما قريب كان القعاد طوّل,,,,
ألف سلامة ودير بالك عليها الله يغتى عليك,,,,
أخوك الزمان داك,,,,,
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: نيازي مصطفى)
|
الاخ تمبا
صدقنى اتصلت على جوالك القديم وجدتو عند حرمة,قلت ياربى تميس تزوج من وراى
ياخى حمد لله على السلامة,,,,رايكم شنو تجونى يوم الخميس انت فردتك معتصم
انا عازمكم عشاء,,فى مطعم الريم لانى عذابى
ياخى خليم مهضرب
ولخصومك.. مكهرب
سوال سياسى,,,انت ثوار تشاد ديل مش مظاليم وثورتهم على دكتاتورى
ليه مناضلين البورد واقفين ضددهم
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: tmbis)
|
بابا(الفاتيكان):
هضربته بيــك لما (البنج) فكـــه ..
وحياة عيونك لمّا الطبيب شكّ..
أصل الحكاية بدت في الكرشة حكّة..
الكمونية طلعت قفلت عليّ السكّة ..
قررت الرياضة وبديت بي جريّة وجكّة ..
غلبني يا الحلوة وبقيت براي اتشكى..
وفي مستشفى العبيد هناك بدت العكّة ..
حبسوني في "إويضة" بقيت براي أتبكّى..
وصّيت الشباب يا البقيع يا مكّة ..
فاصل ونواصل ..
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: tmbis)
|
تامبا .. حمد الله على السلامة:
| Quote: عنوان البوست (موزون) والواحد لو ( اتعمق ) شوية ممكن (يلحنـو).. |
لا تتعمق ولا تسطّح .... ركب عليهو لحن (إشتقت ليك) بتاعة محمد ميرغني .. والأمور حتتظبك. بعدين الفرق ما كبير بين الشوق والهضربة (ما تقول لي دي موزونة على "الشوق والريد").
أرقد عافية
| |
|
|
|
|
|
|
|
|
 Re: هضربته بيــك لما (البنج) فكـــه .. ( توجد صورة ) (Re: tmbis)
|
Quote: تعرفي:
انــا كان ( شربت ) جــردل كامل بتاع ( بنــج ) ما بهضرب ..
شفتي جردل عديل .. كدا يشربوني ليهو بعدما يمسكو لي ( حنكي ) زي الشفع الصغار ويغرغروهو لي ..
أقول ليك حاجة..؟:
جردل شنــو ؟؟.. برميل عديل كدا .. خليك من الممحوق البدوهـو بالوريد دا ..
ياخي عديل كدا ما ( بمســك ) .. ولا بيمشي فيني .. |
غايتو أنا اليومين ديل عايز أبيع زمتي وأبطل الشفافية دي ..
عشان أفت الحاجات الحصلت بعد ما البنج فك وإنت حالك لف ..
عشان كده بديك مهله لغاية بعدين المغرب وإلا بعد داك الفورة مليون ..
الكلام دا محول لأميرة الشيخ ومحمد البشرى ..
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: عمر الفاروق)
|
يا عمر
أنا فوق قلت القافية محجوزة .. يعني عامل نفسك ما قريت مداخلتي
بابا(الفاتيكان):
هضربته بيــك لما (البنج) فكـــه ..
وحياة عيونك لمّا الطبيب شكّ..
أصل الحكاية بدت في الكرشة حكّة..
الكمونية طلعت قفلت عليّ السكّة ..
قررت الرياضة وبديت بي جريّة وجكّة ..
غلبني يا الحلوة وبقيت براي اتشكى..
وفي مستشفى العبيد هناك بدت العكّة ..
حبسوني في "إويضة" بقيت براي أتبكّى..
وصّيت الشباب يا البقيع يا مكّة ..
تصدق الخالق الناطق كلماتي ال كانت واقفة لي في حلقي
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: tmbis)
|
تنبيه لكل الراغبات الإرتباط بتمبس :
قبل العملية وزن الطبيب تمبس وكان الوزن 98 كيلو ..
بعد العملية إشترينا ميزان لتمبس وإكتشفنا إنو وزنو بقا 63 كيلو !!
عليه نتوقع إنو تمبس حالياً ماشي بي كلوة واحدة و سبعة مصارين وتمن كيلو مرارة ومن غير كبدة وحجاب حاجز إضافة للأوورطي !!!
الا هل بلّغت اللهم فأشهد..
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: tmbis)
|
الفاضل تمبس
1/ الحمد لله على نعمة الصحة والعافية
2/ حكاية الهضربة دي ما تخليها احسن لان معتصم اليومين ديل
شابفه بقول الشفافية الشفافية وطبعا هو الشاهد الملك
رغم ده العنوان عجبني لانه فخ سيجذب الكثيرين
وحسب مجريات المنتدى من بوست الرائعة دينا خالد (الن ديلون)
الي بوست اميرة الشيخ (بالانجليزي) (نادي العزابة الاسفيري)
من ديك والمنبر بقى كله هضربة
3/ فياجماعة تعالوا هضربوا مع تمبس
اخر سطر
اعجبني عمر الفاروق الجديد
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: tmbis)
|
برانا بنعرف مستوانا يا ناس
لا حول ولا قوة حبيبي الليلة في الكوة
| Quote: ياخي عديل كدا ما ( بمســك ) .. ولا بيمشي فيني .. |
سـجـمي
أها يا صديق الموج اخوي المسك كيف
دكين الوغد اها بيمشي فيك ولا لا
النوايا الطيبة والصلات الطيبة
حسع يجوك ناس نون النسوة مش كدا يا
واسأل العنبة الراميه فوف بيتكم
حبيبي تعال تعال نتلم ما دام الريدة .....
ما بقدر اقول ما بقدر اصرح
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: kamal ali)
|
هضْربْت بيك لما .....البنج فكه
وإتحسست ملامحك ..
قبل ما إطمن علي الفتكــه ..
لقيتك ياملاك الروح ..
مخيته في شراييني ..
ومثبته فينــي بي لصقــه ..
وهضربت بيك لما .. البنج فكـه..
لقيتك إنتي زي ما إنتي ..
لا إتغيرتي ولا جهجة مشاعرك الفتكــه ..
حمداً لله على سلامتك تامبا ياحبيب
الشاعر / الأرباب
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: tmbis)
|
يا عمر الفاروق:
| Quote: وصّيت الشباب يا البقيع يا مكّة .. |
قوييييييييييييييييييييييييييييية..!!
غايتو يا تمبس.. زنقت روحك براك.. هسه لو كنت لميت فتاقك وخياتك عليك، واتكاملت الصقيعة لمن الله يديك العافية ما كان أحسن ليك بدل شمشرة الشباب فيك.. لا، وشعر كمان!!
أهه، خم وصر:
ضربته بيــك لما (البنج) فكـــه
اتاوق للتمرجي حاري لي (شكه)
تفك العلي وتمنعني من الـ(حكة)
هضربت بيك قالوا الشباب دركسونو (انفكه)
وطلقوا اللسنات واتخاتتوا (الفكه)
إن (مرق) ياها للحفلة و(الدكة)
وإن (غِرق) حجزولي في (البقيع أو مكة)
** حقوق الاقتباس والنحل محفوظة لعمر الفاروق
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: هجو الأقرع)
|
حلمت بيك يا حلوة
في لحظة دخول الابرة
بالبنج البنوم سيدو
قلت النوم يطير
هضربت جد
لما البنج
غلّب اجاويدو
ونتل مني النعاس
شالو الغمام
شوف عيني في ايدو
في اللحظة ديك لي اللحظة دي
شايفك خيال صورة ملاك
ويجيني مرات ارتباك
والعب براي بس قون وباك
وأقول تراجي دي مستواك؟
شايفك غمام في رواندا حام
بس وين جناحك يا حمام؟
ما هضربة شايفك عديل
كان قلت ليك الدنيا ليل
عايزة الدليل؟
الضلمة والنجم الطلع
القمرة والنور الشلع
ديل كلهن ما هن دليل
الفورة 1000
والغورة مليون صف وصف
مالو كان الحال وقف
ودارفورنا كان ريشها اتنتف
العمايل والفعايل ما صدف
ناسا تلمها بالعرق
وناسا تكوسلها دس وسف
أها اقيفو صف
الفورة 1000
مرات اهشك بالوعي
وتبقي لي زي سيستر حنين
شايلة المفارش والبنج بين
بين وبين
واتمنظرك بلحيل وزين
واتخيلك بي جرتقك
وقبال اتمك في الخيال
يجيني صوت دينق الرزين
كفارة يا تمبس
اجر..و
سكرنا كملان من سنين
(والله كان عندي وقت اتمها والفورة ألف) علا اهضرب ليك بالمنبر دا كلو
وارجع بيك الموردة تاني)
اجر وعافية
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: tmbis)
|
ياخى مشتاقين
كنا قايلنك فارة موردة ساكت لكن طلعت عندك قيمة للاسف الشديد...
ما كنت عاوز افت الاسرار... لكن لما زعلت شديد من موضوع البتاع الما رسلتو داك طلعت فوق جبل عالى مدفون فيهو فكى سويسرى قاطع و دعيت عليك يجيك "...." ، لكن المقاسات ما ظبطت لفارق الوقت بين سويسرا والسعودية وتذبذبات الشعيرات الضوئية الاسفيرية الابستمولوجية...
عشان تعرف الدعوات ما بتستجاب بي قرب المسافة بس ...
يلا اتنفض بطل الخمالة والترطيب ... وراك هلل تسكو و عيال تربيهم ... وعرس كمان ... تقعد تت"..." كده لمن تقطع
سلام يا لذيذ
| |
|
|
|
|
|
|
|
|
|
Re: هضربته بيــك لما (البنج) فكـــه .. ( توجد صورة ) (Re: tmbis)
|
ألأخ/تمبس
الحمدلله على السلامة............
عايزيبن واحد يلحن كلمات عمر الفاروق...فنانين البورد...وودالباوقة الجميل الدلال لهذه الكلمات..
وهناك إشكالية لمن الكلمات..لجنة اللصوص((النصوص))يجتمعوا ويقروا بين الريس جهينة الوضع ألأصبع على البيت,,أم عمر الفاروق...
يا عمر قلت:
تنبيه لكل الراغبات الإرتباط بتمبس :
قبل العملية وزن الطبيب تمبس وكان الوزن 98 كيلو ..
بعد العملية إشترينا ميزان لتمبس وإكتشفنا إنو وزنو بقا 63 كيلو !!
عليه نتوقع إنو تمبس حالياً ماشي بي كلوة واحدة و سبعة مصارين وتمن كيلو مرارة ومن غير كبدة وحجاب حاجز إضافة للأوورطي !!!
الا هل بلّغت اللهم فأشهد..
والله ده كلو هين...وحسابات كده ما بيجيب الفرق أل35....فى حاجات تانية حاميانى...كنت بتكلم مع تمبس اليوم الصباح قال كل شىء تمام التمام والحمدلله..لكن قلت ليه ضحكك بقى من الطوق ولى فوق..
مودتى....
إسماعيل محمد احمد عباس...........
| |
|
|
|
|
|
|
| |
tmbis
حيدر حسن ميرغني
عبدالمنعم الرزوقي
معتصم محمد صالح
خالدة البدوي
ابو جهينة
Alsa7afa_30
Soumeta
bent-elassied
انور الطيب
تيسير عووضة
عمار عبدالله عبدالرحمن
محمد سنى دفع الله
ادهم عبد الرحمن نصر
emad altaib
أبو ساندرا
محمد الطيب حسن
معتصم ود الجمام
أيمن الطيب
محمد البشرى الخضر
نزار عثمان السمندل
يوسف السماني يوسف
إسماعيل حميم
انتصار محمد صالخ بشير
خدر
نيازي مصطفى
abuguta
عمر الفاروق
nadus2000
مجدي عبدالرحيم فضل
محمد أبوالعزائم أبوالريش
معتصم دفع الله
انعام عبد الحفيظ
محمد فرح
Sahar Yousif
اسعد الريفى
kamal ali
Khalid Saeed
عمران حسن صالح
هجو الأقرع
essam&amal
baha eassa
ismeil abbas
على محمد على بشير
Salah Waspa
فيس بوك
تويتر
انستقرام
يوتيوب
بنتيريست