|
|
 قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟
|
قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟؟؟؟؟؟
الجملة دي اطلقتها احداهن بعد ان فاض بها الكيل من زوجها الكهل
تحكي الحكاية انه في احد الازمان توفيت زوجة الرجل السمن (70 عاما) وفكر اولاده بضرورة تزويجه من اخرى لترعاه وبعد البحث الم
سنفيض تم تزويجه من (ح) وهي امراة في الثلاثين من عمرها (تعتبر عانس في سياقها القروي) لذا تم اختيارها لتقوم برعاية الرجل المسن لحد هنا والقصة عادية وروتينية
لكن المراة ضاقت زرعا بطلبات الزواج وتنكيله لها في اي عمل تعمله اواتهامها باطلا بكثير من الاشياء
وفي نقاش احتد بينهما قالت
يا حاج انا ما بدورك
ما بدوريني كيفن
كدة بس انا بدور افوت اهلي
ما ممكن هو على كيفك
ليه ما على كيفي
انا ما دافع فيك قروش
وردت هي :
قروشك ديل كهمن ، والانقضى منهن كمهو ، والباقي بقضي قدر شنو؟؟؟؟
هذا يفتح لنا بابا على عدة مستويات منها ما هو شخصي ومنها ما هو عام فلنبعد قليلا عن شخصنة الاشياء ونبحث في عامها
جدالية العلاقة بين الرجل والمراة وموازين القوى بينهما ودور العامل الاقتصادي في ذلك؟
يا مجتمعنا الرجالي (الذكوري) قرشوكن ديل كمهن والانقضى كمهو والباقي بيقضي قدر شنو عشان نرجع نحن لحالة ال (Matriarchy) أو على الاقل نصل لنقطة وسط بين ال Matriarchy والPatriarchy
تجكي الحكاية في غابر الزمان الغابر اوي انه كانت توجد هناك مجتمعات أموية (Matriarchy) وحصل التطور التدريجي للمجتمعات الى ان تحولت المجتمعات إلى الذكورية (Patriarchy)حدث هذا التحول في فترة تاريخية محددة (هذه المعلومات مثيرون يؤيدونها وآخرون يروون انها كانت في افريقيا فقط وكثيرون ينفوها
دقيقة بجي راجعة للحكاية
ماشة اذاكر للاولاد
صفية
|
|
 
|
|
|
|
|
|
|
|
Re: قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟ (Re: Safia Mohamed)
|
صفيه تحياتي
نعم اختي فالعلاقه بين الرجل والمراه لاتحسب بمال
او تقدر بهذا المبلغ المدفوع
العقد الذي يربط بين الرجل والمراه عقد يقوم علي الاحترام والتقدير
والموده والرحمه فما بينهما ليس بيع وشراء وكم دفع وكم تبقي
كثير من الحالات الزوجيه قامت علي فلس الزوج وفقره وتحمل للمراه لهذه الظروف
وبعد ذلك فتح الله عليهم فاصبحوا احسن حالا
يعني دخول المال في الحياة الزوجيه لا معني له ابدا
وتحياتي
| |
|
|
|
|
|
|
|
|
|
Re: قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟ (Re: هاشم أحمد خلف الله)
|
صفية سلامات
عندي واحد من جدودي حصل ليهو نفس السيناريو بتاع زوجة اتوفت و اولاد عرسو ليهو
و بنفس السياق القروي القلتيهو
و عروس جدي الجديده كانت من التفائل بمكان ان ظنت انها عروس لشاب وسيم جميل
و اظنها حسبت جدي صاحب الستون عاما صبيا غض الإهاب و عريس تحسدها عليه النساء
العروس صحت من النوم يوم صباحيتها و بنظره خفيضه و صوت رقيق همست
صباح الخير يا حاج
تلفت جدي يمنه و يسره و تمتم بصوت عال
المرة دي جنت ولا شنو ؟ 
| |
|
|
|
|
|
|
|
|
|
Re: قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟ (Re: هاشم أحمد خلف الله)
|
استاذ هاشم
كيفك ياخي وحمد الله على سلامة العودة
Quote: صفية والله قصتك قصة , تعالي نحكي ليك القصة دي
قالوا في واحد مسطول ( قالوا ) لكن بيني وبينك ماكان مسطول
مسك عقد الزواج وبداء يقراء فيهو ولمدة طويلة ولمن زوجته
شافت المسألة طولت قالت ليهو يا راجل مالك ؟؟ بتعمل في شنو ؟؟
قال ليها ماعايز اشوف العقد ده بنتهي متين قديمة مش كده ؟ |
هن جنس قصص عاد يا ود امي
انا اتخيل لي باقي النكتة كالاتي المرة برضو قاعدة تقرا في القسيمة وتفتش لشروط الاخلال بالعقد وعينها على مؤخر الصداق يعني القصة قصة قروش تمكن الاكثر مالا من السيطرة ولا رايك شنو
خليك قريب
خارج النص
رسلت ليك ايميل جاني راجع غيرتو ولا شنو
صفية
| |
|
|
|
|
|
|
|
|
|
Re: قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟ (Re: العوض المسلمي)
|
استاذ عوض ازيك
والله ما ذكرته يعتبر مثالي والى حد ما المفروض تكون العلاقة انسانية بالدرجة الأولى لكن تقول شنو في النس المتجذرة عندهم نوعية العلاقة ومجسدة لديهم في صورة موازين قوى وتجكم هذه الموازين في الاسا الامكانات الاقتصادية يعني زي البجي اقول ليك اخدت لي مرة والله المرة دي كلفتني كدة وفي سايق آخر النساء يطلق عليهن اسم مكالف بمعنى انهن مكلفات او يحتاجن للكلف والكلف معروف انه تغذية الحيوان.
بجد كدة الموضوع يؤرقني ودايرة اعرف هل فعلا القصة هي موازنات قوى اقتصادية واذا تمكن النساء اقتصاديا ممكن ان يضعن حدا لمعاناتنه اللا محدودة ؟
شكرا ليك للتداخل
خليك معانا نفكر انه هو صحي القصة توازنات قوى اقتصادية ولا علاقات انسانية تحكمها قيم انسانية
صفية
| |
|
|
|
|
|
|
|
|
|
Re: قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟ (Re: Fadl Karrar)
|
| Quote: والفكر الإداري المتقدم ، فإن العنصر البشري يعتبر من أصول الشركة |
شكرا ليك مرة اخرى
اضف الى ذلك الابحاث والدراسات في العلوم الجندرية حول الجندر والاقتصاد دي بيشمل نواحي كتيرة منها Gender Budget and human Capital
وغيره من الجوانب لكن فعلا قصة الهيومان كابيتال دي بتصب في صلب الموضوع حول تقييم قيمة انتاج انسان موشح بقيم ومبادئ ومعرفة
بجيك راجعة للكتابة كثيرا حول الهيومان كابيتال لكن بجد توازنات القوى بحكم القوي من يمتلك مالا اكثر
شكرا ليك
صفية
| |
|
|
|
|
|
|
|
|
|
Re: قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟ (Re: Safia Mohamed)
|
الأخت صفية ،،
أتفق معك بأن القيمة المثلى هى العلائق الإنسانية بجميع صورها بين الزوج والزوجة ،،، ولكن دائماَ وأبداَ عند بدء العلاقة وإستمراريتها فإن المادة تمد عنقها إن شئت أم أبيت ،، وهى التى تحدد سمو هذه العلاقة أو هدمها فى مرحلة ما ،، وقد تؤثر أيضاَ بصورة كبيرة فى إعمال شرخ غائر فى علاقتهما مع البعض وقد تؤدى إلى نهايات محزنة،، الحب وحده والإنسجام لا يبنيان السعادة فى تصورى الشخصى .
خالص مودتى ،،،
ماهر
| |
|
|
|
|
|
|
|
|
|
Re: قروشك ديل كهمن ، والانقضى منهن كمهو ، والباقي بقضي قدر شنو؟؟؟؟؟؟؟؟؟؟؟ (Re: Safia Mohamed)
|
أستاذ ماهر
اهلا بيك
| Quote: أتفق معك بأن القيمة المثلى هى العلائق الإنسانية بجميع صورها بين الزوج والزوجة ،،، ولكن دائماَ وأبداَ عند بدء العلاقة وإستمراريتها فإن المادة تمد عنقها إن شئت أم أبيت ،، وهى التى تحدد سمو هذه العلاقة أو هدمها فى مرحلة ما ،، وقد تؤثر أيضاَ بصورة كبيرة فى إعمال شرخ غائر فى علاقتهما مع البعض وقد تؤدى إلى نهايات محزنة،، الحب وحده والإنسجام لا يبنيان السعادة فى تصورى الشخصى . |
شكرا ليك على الاضافة واامن على اعتقادك ان العامل الاقتصادي يلعب الدور الاكبر في ذلك وعشان النسوان (طبع ما كلهن لكن في الغالب هن الاقل مالا تلقى الرجل يهيمن عليهن
لي عودة
شكرا ليك مرة تانية
صفية
| |
|
|
|
|
|
|
| |
Safia Mohamed
العوض المسلمي
هاشم أحمد خلف الله
خدر
حيدر حسن ميرغني
Fadl Karrar
فيس بوك
تويتر
انستقرام
يوتيوب
بنتيريست