|
Re: هجــــين الأســئله .....؟ (Re: عبدالله داش)
|
لا ... ببقــاكِ يوم القاكِ أمنيةً ولا بقدر أتوب ما أصلو سويتك حُجا ونسـّـتَ بيك سهري العجيب صديت سهامِك ... من غرامِك جانى مسَّـك فى الوعى جاريت لحونِك لما دوزنتى النِـدا ناديت عليك ... يبقالَّى أحسلَّك تجــى وخلَّينى فى الغيب أحتمي بسُكر الحواس
وخلينا نغرق معاك بسكر الحروف ياداش .. تسلم مشاعرك ..
| |
|
|
|
|
|
|
Re: هجــــين الأســئله .....؟ (Re: هند محمد)
|
شاهدتْ فى الأحلام نِعاس كان البحر غرقان يفتش لليباس لما النجوم مرقتْ على مركب نجاه ولبّست جلاليب الصلاه ندهتْ عليك
من وين وكيف مدخل .. هجين الأسئله
هند العزيزه
تشكرك كل الحواس
| |
|
|
|
|
|
|
Re: هجــــين الأســئله .....؟ (Re: عبدالله داش)
|
Quote: ونسـّـتَ بيك سهري العجيب صديت سهامِك ... من غرامِك جانى مسَّـك فى الوعى جاريت لحونِك لما دوزنتى النِـدا ناديت عليك ... يبقالَّى أحسلَّك تجــى |
دااش..
الق بطعم الليل..
شكرا للاحرف الملونة..
يديك العاافية...
| |
|
|
|
|
|
|
Re: هجــــين الأســئله .....؟ (Re: محمد عثمان)
|
للقصيدة مخلب نسر يصطادك فتضحى فريسة للنهم تطارد الحروف مزج اخر بين الدارجة والفصصحى لكنه غير مخل له نفس انسياب اللغة فى كليهما الفصحى والدارجة يسوقانك الى حيث يجرى نيل ما وتشتم عطر الانثى فواحا
لكن ثمة اخطاء مطبعية عليك تداركها يا حبيب الكلمة لها مذاق اخر حين تكون واقعة تحت بند الخطا غير المقصود
لك وافر مودتى ابدا
| |
|
|
|
|
|
|
Re: هجــــين الأســئله .....؟ (Re: سلمى الشيخ سلامة)
|
دائماً أكون هائماً بى من العجاله ما يكفى وسطورى أعلاه ولدت فى منتصف نعاس وكان الشوف بين بين وكان ما كان وفى يوم ما .. ح روح فى خبر كان بسسب البرد البيخلى الزول يهبش الألف ( أ ) فى الكي بورد يجليها عادي ويا دار ما دخلك شر
وبعدين تنتبه إنو العالم دا مليان ناس بس ناس يايتو ناس ...! ناس سمحين زى سماحتك دى يورّوك الغلط من الصاح ولأنك دايما صاح أنا صححت القدرت عليهو والما انشاف بى العين شكيتو ليك .. أصلو قالو الليل بغطّى الجبال ولا ما كدي ..؟
وبعدين يا بت الشيخ هسااا أقول شنو !!
ولا أدعو ليك بالحاجات السمحه كيف ..؟ دى زاتاااا ما أسئله ... وإنتى بعيده هناك وقريبه هِناااا
الله يوديك الجنه فى الفوج الأولانى
قولى آمين بس ...
| |
|
|
|
|
|
|
Re: هجــــين الأســئله .....؟ (Re: أبوذر بابكر)
|
عبد الله
سلام مهجن بكل اللغات
Quote: مرقـتْ تبشّـر إبتسام يا ... الله أمنحني الثبات ملأتني رغباتى إلى عنق الزجاجةَ فاستفاضت فى المدى الأهلىُّ |
هذه الأسئلة الهجين .. لها إجابة آحادية الجينات :
حكي يملأ الوجدان حتى غرغرة الحنجرة و كتْم الأنفاس
| |
|
|
|
|
|
|
Re: هجــــين الأســئله .....؟ (Re: ابو جهينة)
|
ابو جهينه العزيز
سلام بالرطابه
وتحت تحت بأى لهجه وأسئله
وجينات مهجّنه من خطاوى البال وصول ولون الطواقي الحمرا فى الإيد اليمين مرفوعه ليك بالكَسَرا خالفت العدول لو تملا جواى باليقين
لك وافر التقدير ياريس
والمعزّه التى تعرف
| |
|
|
|
|
|
|
Re: هجــــين الأســئله .....؟ (Re: عبدالله داش)
|
داش يا جميل
هجن لي سؤالي دا
تروقني حروفك وحسك قبلها
تمسح على موضع الآلم وكأنك
تحمل عصا موسى ..
تسكرنابخيال يحلق بنا في أودية
تغاث بماء عذب هطل عن سحيبات حبلى
لترويء ظماء مساماتها ..
ولكن تظل ظماء وتقول هل من مذيد
لماذا؟
ابقى كما أنت بدهشتك ..
| |
|
|
|
|
|
|
Re: هجــــين الأســئله .....؟ (Re: خالدة البدوي)
|
خــالده
إنتى صحبتيها معاي ( خالس خالس )
كيف ...؟
دى واحده من المصاعب الهجين نوصى بحفظ الملف فى ذاكره نشطه
Quote: هنا فى كلام ماطر وتريان يخلي الزول يمشي حفيان عشان ما يعّفص الندى فى صفق الخدار
|
لشئ فى نفس يعقوب
سعدت بيك بالجد وحسيت بالدفا
أبقى كما يجب
| |
|
|
|
|
|
|
Re: هجــــين الأســئله .....؟ (Re: ismeil abbas)
|
الحبيب ...
ودعباس
أقول ليك حاجه ...
اها أنا مستنى الخروف دا ...
ونشويهو زى ما الأشواق شوتّنا
ونجيب شربوت زى بتاع العيد داك
ونقيف نأشر للمحطات الغلط
فى عينها جوااا هناك ...
وبعد داك اليبقا يبقى
لا أخفيك كل ما دلفت إلى الحنين
يخيفنى بأسئله متفرعه تنتهى بأسئله ملونه
ومنها كانت حكايتنا
ليك الموده كله ياوريف
| |
|
|
|
|
|
|
Re: هجــــين الأســئله .....؟ (Re: عبدالله داش)
|
Quote: شاهدتْ فى الأحلام نِعاس
كان البحر غرقان
يفتش لليباس
لما النجوم مرقتْ
على مركب نجاه
ولبّست جلاليب الصلاه
ندهتْ عليك |
ندهت ليك
وما كت براي
كان معاي كل التفاصيل الجواي
وطربانة بي خيط الغنا
الباشا هوي لافي العنابر
دكتورنا هوي ...
وشيتن كتر
نزلني للاوعي
لي حتة بين العقل والحلم السراب
وضهري متكول للهوى
وسرحانة فيك
ومشدوه في الحرف الزلال
كايسة الروى
داش دايما تعزف على العصب الداخل
ليك الله
| |
|
|
|
|
|
|
Re: هجــــين الأســئله .....؟ (Re: منى على الحسن)
|
منى الحسن العزيزه
ما شفتَ منِك أو خيول عصبك نشاز لا تبتِ منِك بالصريح لاقِدرت أعفيك من سماى
وما الهوى ... والسجال الذى فى بداياته كالرماح الخناجر مثل وميض عجيب اما نحن ... ندور ولا نتهى بإنتهاء ولا واحده ... كلها مثل أمس الخطئة ترفل فى وحل السيئه فى التيه فى المنحنى أيها الغارقون .. لا ذنب للبحر من فعلكم أيها العارفون إذا ألتئم الجرح من ناره وإنطفأ أيها المنتبه .. ما إجابة هذا النزيف .. قل لى : أينما وجدت إجابات السؤال
| |
|
|
|
|
|
|
Re: هجــــين الأســئله .....؟ (Re: عبدالله داش)
|
Quote: من ذا الذى بيديه يعترك المآثر كلها يثني علي الفرح المسائىُّ الخميل
|
داش ..
Quote: طولّتَ مِنِّك بالتمام من موسِـم المطر الهمِي وكان يا سـلام ...
|
هذا ما أسميه شعر كامل الدسم لك الود يا صديقي
| |
|
|
|
|
|
|
Re: هجــــين الأســئله .....؟ (Re: عبدالله داش)
|
انت يا عبدالله قايل المجننا شنو .. ما ياهو زي جنس أسئلتك دي الما عارفين ليها باب .. أو من وين ندخله .. كان مرقت من الغيب .. أو دخلت بطن الواطـة .. وجاتنا دعاااااش ..
داش .. لك كل المحبة .. وعطر الأماني البتشتهيك ..
| |
|
|
|
|
|
|
Re: هجــــين الأســئله .....؟ (Re: معتصم دفع الله)
|
مرقت ولم تعد حتى الآن أوصافها مثل يوم أمس دافئه ترتدى قفاطين من عصور البهجه تنتعل الماء وترسمه على خدها حناء بكل تفاصيلها على من يتعرف عليها إخطارنا لأنها تخصنا وحدنا
التوقيع ...
المجانين
Quote: انت يا عبدالله قايل المجننا شنو ..
|
أهايا معتصم شـنو ..؟؟
| |
|
|
|
|
|
|
Re: هجــــين الأســئله .....؟ (Re: عبدالله داش)
|
انتا مجنناك الأسئلة ولا انك ما لاقي أجوبة للأسئلة؟؟ ما هو يا تعرس يا تشوف ليك شماعة تانية غير قصائد الناس ترمي عليها سبب جنك
يا داش القصيدة جميلة وحتبقى أجمل لما نخلص من موضوعنا بتاع أصل الشوايقة منتظركم خميس وجمعة بجايي بس المجنون دا ما تجيبو معاك
| |
|
|
|
|
|
|
Re: هجــــين الأســئله .....؟ (Re: Badri)
|
Quote: لا ... ببقــاكِ يوم القاكِ أمنيةً ولا بقدر أتوب ما أصلو سويتك حُجا ونسـّـتَ بيك سهري العجيب صديت سهامِك ... من غرامِك جانى مسَّـك فى الوعى
|
عبدالله .. شر المس ما كان في الوعي أي في القلب، لكنها الحياة يا أخي نسعد بزلازلنا.. واصل حتى تأتي إليك حاملة اليقين ولن تطمئن.
| |
|
|
|
|
|
|
Re: هجــــين الأســئله .....؟ (Re: Mohamed Abdelgaleel)
|
أغلب الإحتمالات ُتبشْــر بإتيانها
بكامل زينتها
تزهو كطواويس ترقص رقصة التزاوج
تفرد ريشها ألواناً من الإدهاش لإمتاع البصر
أزعم أن الشمس عجّلت الغروب
فما أن طوت الأصيل لتستريح
حسبتُ يوماً من العمر يمضى سريعاً
وهى فى غيابها المستديم
وأنا فى وحدتى التى تعرف
العزيز الغالى
محمد عبد الجليل
لك معزتى وإحترامى ...
| |
|
|
|
|
|
|
Re: هجــــين الأســئله .....؟ (Re: Badri)
|
سارق من الزمن المحن خشيت وعوره مسفلته وسارق من اللحظه الزمن ما ... قلت ليك زمنك غلط
يا بدرى كيف ..
ما قلت ليك زمنك غلط شوف العيون لبست قزاز الدهشه بتلوُك فى الصبر طعم الهواء المغسول مطر يابس يفتش سكه تدينا السلام
Quote: منتظركم خميس وجمعة
|
ونحنا منتظرّنك فى جوانا وبس والله جايينك بس خليك مترقب
| |
|
|
|
|
|
|
Re: هجــــين الأســئله .....؟ (Re: عبدالله داش)
|
الأديبُ الصَّديقُ / عبد الله داش ..
نُصُوصُكَ دَوْمَاً بها صورٌ جميلةٌ
تَخْتَزِنُ فيها طاقاتٍ فكريَّةٍ عميقة ،
وتعْطِي القاريءَ إمكانيَّةَ
التَّأويلْ ،
شُكْرَاً لأنَّكَ
دائماً متفَرِّدٌ بكتاباتِكَ يا صديقي ..
ولقدْ صَدَقَ أحدُهُمْ
حينَ قالَ :
" إنَّ الأُسْلُوبَ هُوَ لِبَاسُ الفكرةِ
وجلدُ الكاتبِ " ..
لكَ احترامي مشْفُوعٌ بكثيرِ
عُفَاةٍ ووُدٍّ ..
أخوك / مُحمَّد زين ...
| |
|
|
|
|
|
|
Re: هجــــين الأســئله .....؟ (Re: عبدالله داش)
|
Quote: من ذا الذى بيديه يعترك المآثر كلها يثني علي الفرح المسائىُّ الخميل والباقى مِنَّك للوصول حولين ودهراً مستحيل |
حينما يجتمع الضدان تألتف الحروف وتتناغم الحواس لتروعي دوحة الابداع فتثمر ورود واشواكاً احياناً فيبتهج حاملي الورود ويحزن المفترشون اشواك ادراكهم .
صديقي الجميل نبتهج في زمن المآسي حينما يهطل علينا وابل الابداع من ساحبات عبقر .
مزيدا من الامتاع
| |
|
|
|
|
|
|
Re: هجــــين الأســئله .....؟ (Re: يوسف السماني يوسف)
|
وقتذاك كان السكون يلف الحواس
والرعشه فى أوجها
ثم ماذا ..؟
بعدما طغى النسيان على الذاكره
وتسربت أحزاننا دمعاً تكثّف كى يكون
غمائم السحب المطر
حينها بلغنا إنها العافيه
وبشرى حمامات السلام
بهيةً بيضاء
يا وريف ...
يا أجمل الأنبياء
شكراً ..
وشكرا جميلً
| |
|
|
|
|
|
|
Re: هجــــين الأســئله .....؟ (Re: عبدالله داش)
|
Quote: مـرقَـ..ـتْ من الغـيبْ حننْت ضَـهر الأصابِع بالطمي سِـكرت حواسـنا الفِينا إنبهــلت كلام .. طولّتَ مِنِّك بالتمام من موسِـم المطر الهمِي |
الله عليك يا ولد يا داش الله يحفظك من العين كلمات عميقة جداً ورؤيانة .
| |
|
|
|
|
|
|
Re: هجــــين الأســئله .....؟ (Re: هاشم أحمد خلف الله)
|
لو تعلمي معني الوله
الكامن فى جواي
بتْوسم فيكِ رحيق الريد
بتْسلف منِك فرح الكون
مسترسل لسه بونّس بيكِ الفكره
وتبقى تهانى العيد
يا متْجمهره فيني ضجيج
ومعفّره سكة وصلي
وماشيه لحّدت وين...؟
ما إنتِ السكه
ووجهة ريح اللُقيا مناي
ياهاشم ...
لو تعلم كمّ الفرح الفيني
ح تقبل عذر الشوق
| |
|
|
|
|
|
|
Re: هجــــين الأســئله .....؟ (Re: محمد بابكر)
|
أخي الحبيب عبدالله
سلام على روحك الطيبة
من حق الحب عليك أن تعترف بوجود معاناة تسكبها قريضاً تى تنعش ذاكرتنا وأرواحنا وهذا ما فعلته بنا حروفك وسطورك كعشاق كتاب وكلمة ليس علينا إلآ أن نسلم بانبهار لهذا الجمال الذي كان بمثابة جمال الفراشات التي تطير في بستانٍ ضوعه حروفك الياسمين لترتشف الرحيق.. تحياتي
| |
|
|
|
|
|
|
Re: هجــــين الأســئله .....؟ (Re: ابوبكر يوسف إبراهيم)
|
ابوبكر العزيز
نِشفت دواية الروح خلاص
وكل المدى الممشوق وِقف
عشمي الفضل ...
أن يبلل الربيع ثغر الورد بالندى
يتنفس عبقاً يُسكر لإحساسى الرابع
يفسِــح مجالاً لها أن تحتفل معى
بعوده المطر والنوارس
شكراً لحضورك المضئ
| |
|
|
|
|
|
|
Re: هجــــين الأســئله .....؟ (Re: مازن الجمّال)
|
ما زن الجمّال
الجميل
ما تقول نسيتك إلا بس خليها فى سِرك الايام السهر قناطير قناطير فرحانين بــ/ د/ عفاف الصادق حمد النيل وما نحن إلا سرب فراش نطارد الزهر من حقلٍ إلى حقل اولاً خلينى أقولّك مرحب بيك معاى ثم إنى كائنٌ ليلى لذلك كان الليل يخص الإبتهاج بتلك الماجده
لك المودات البتشبه موسم المطر
| |
|
|
|
|
|
|
Re: هجــــين الأســئله .....؟ (Re: عبدالله داش)
|
Quote: البرقُ غافلنى تراعد ماطراً فغسلت أدعيتي على كف العُجالةِ لما جاني الليل وفرهدت الغصون مرقـتْ تبشّـر إبتسام يا ... الله أمنحني الثبات
|
لماذا تحملنا وزر الاصغاء لهجين اسئلة الكلام ياداش ؟؟
يبقالي احسلك تجي
| |
|
|
|
|
|
|
Re: هجــــين الأســئله .....؟ (Re: عبدالله داش)
|
الحبيب عبدالله داش
Quote: وحلفتْ ليك ... بي الله لا ... بنْســاكِ لا ... ببقــاكِ يوم القاكِ أمنيةً ولا بقدر أتوب ما أصلو سويتك حُجا ونسـّـتَ بيك سهري العجيب صديت سهامِك ... من غرامِك جانى مسَّـك فى الوعى جاريت لحونِك لما دوزنتى النِـدا ناديت عليك ... يبقالَّى أحسلَّك تجــى وخلَّينى فى الغيب أحتمي بسُكر الحواس |
أى تعليق من قبلى سيكون نشاذا لهذا (العجين ) من الإبداع ، سلمت .
| |
|
|
|
|
|
|
Re: هجــــين الأســئله .....؟ (Re: عبدالله داش)
|
الهوداهوس .. داش المتوَّج في إمبراطورية الهيدراهوداهو .. وليد الأسئلة الهجين! (مرقت من ضهر الغيب .. حننت ضهر الأصابع بالطمي ..... من ذا الذي يعترك المآثر كلها .. يثني على الفرح المسائي الخميل .... والباقي منك للوصول؟ ...؟ .. الأسئلة هي الحرب المعلنة على طلاسم الوجـود .. الأجوبة هي النصف الآخر للحلم المفقـود .. والحرب كما تعلم تمرين عقلي لاستدراج النفس إلى صلح مع القلق والصراع والخوف .. أليس هذا ما يقوله صديقك المشاغب سليم بركات في محاولته لإعادة الواقع لخياله وإتيانه في مظانه ومآتيه واحتماله ..؟؟ والشعر يا صديقي .. الشعر غزال جميل في غابة متوحشة عقـور .. .. (ثمْ المسافةَ جلّها عبرتْ نخاشيش المسام لأنها غيب الغياهب سـرّ غايتها السكون ......) إنه صراع الأزل .. بل اليأس على عتبات الوصول .. هكذا يقولها بركات "سأرحل بعائلتي عن هذه الأرض .. سأفني في قلبي حنين المكان" .. والحلم النصف يبحث عن النصف في رحلة البحث عن "التطابق النبيل" .. يقيناً في عالم النواقص أن الحلم الكامل مستحيل ..
صديقي داش .. أيها الهوداهوس "الهادئ كظل في زاوية" .. مات الأمير ثيوني .. ترمَّلت انيكساميدا .. مات خانياس المهرِّج كالحشائش تحت صراع الأفيال .. وتاهت انستوميس العاشقة ترعى الإوز على ضفاف نهر سيتام .. الأصل يا صديقي هو الرحيل على "هذه البيداء التي تمر عليها الحياة مر الظلال" .. ولكن علينا أن لا نعيش المأساة ... قالها طاغور منذ فجرٍ قـــديم .. "الزهرة تذبل وتمــوت ... وعلى من يحمل الزهرة ألا يبكيها طويـــلا ..
تحياتي .. والود على نواصيك معقــود .. صلاح / شتات
| |
|
|
|
|
|
|
Re: هجــــين الأســئله .....؟ (Re: شتات)
|
Quote: الأسئلة هي الحرب المعلنة على طلاسم الوجـود .. |
أي والله .. هو أن تظل على الأصابع رعشة وعلى الشفاه المطبقات سؤال
أخاف أكثر ما أخاف من الأسئلة التي تفتح الطريق إلى الهاوية
قالت أظنك قد نسيت؟ فقلت لا .. ما كنت بالناس ولا المتناسي لكن جرحا كلما ضمدته غمر القنوط جوارحي وحواسي لو انه في القلب كنت ضمدته لكنه في القلب لا في الرأس
طلسموا الأشياء .. وموهو بالرؤى فـ (أجمل ما في الهوى التضمين)
إن الشجاعة أن تموت من الظمأ ليس البطولة أن تعب الماء
وأتقوا الأسئلة بالتغافل .. فشيخنا محمد أحمد محجوب يقول:
قالت وقد أمعنت في تقبيلها ماذا برك تنفع القبلات؟
فخطفت كالطير المغرد قبلة ضحكت لرنة وقعها النونات
والنونات في اللغة حفر صغيرة تعترى الخدود فتكسبها سحرا والله يا داش وشتات إنتو عايزين تدوشونا وتشتتونا فأوغلوا في جب الأسئلة برفق
| |
|
|
|
|
|
|
Re: هجــــين الأســئله .....؟ (Re: Mohamed Abdelgaleel)
|
يا أيها الجميل
لم أك مطبقاً للصمت حين يهزني شدوك
فإني فى مضارب وجهتي ألقاك ومضاً أو بشارةَ من دلالات المطر
وحين يحتدّ النشيد تفكُ أحزمة الحصار
فذاك عهدك والتواريخ التى منها تعلِمنا مزارات الحروف
من هنا للسابلين على رصيف الأمكنه
غنوا هتافاً يرسُــم الكلمات فى حِــجر الصدى ليكون
أو ليكون رمزاً للإجابة من مضامين السؤال الآن .
فما من لجةٌ سكنتْ براح الخوف إلا هادنتها المعركه
وما من صيف إلا بعده يأتي الخريف
يا سيدى قاموس معرفتى يضيق
ولم أزل فى البدء من خطوي
وحاصرني الزمان ....
ياسيدى الناموس ارفق ...
ثم ماذا بعد ..!
صديقى وأستاذى
م عبد الجليل
ــــــــــــــــــــــــــــــــــــــــــــ أنت تعلم ما مدى أهليتى فعلاً حين يغمرنى الشذىً
ً
| |
|
|
|
|
|
|
|