|
للشعراء فقط ..... بلاش حُب ... بلاش كلام فارغ....
|
الي قبائل الشعراء :
تنظمونَ الشِعرَ في نزقِ التَغَني
لا شيئَ غيرُ الشعرِ يُبقِينا سُكارى
فليسقُطِ الشعر الذي في خاطِري
مادامَ تشبيهاًً ... وإنشاءً .... وخبراً..... واستِعاره
من الفِ عامٍ معشر الشعراء تفترِشُونَ في سوقِ الِنخاسةِ
احرفاً.... زُغُباً ... صِغارا
ما رأيتُ حُروفَكُم فضت بِكاره
ما سمِعتُ خريِدةً قالت عِثارا
ما عرِفتُ قصيدةً أضحت مَزارا
ولا رأيِتُ عِبارةً هزّت إماره
فليسقُطِ الشِعرُ الذي نسِِي الهُوُيه
وليسقُطِ الشعرُ إحتضاراً سيدي
إن لم يكُن نحو القضِيةِ ...
يسقُطِ الشعرٌ إحتضارا.....
وصفته حين سمعت هذه الأبيات ... بالمتطرف ... رغم معرفتي الأكيده بكونه لا يعرف عن السياسه ...إلا
بمقدار معرفتي عن ثقافات الهنود الحمر ... (= 0 %)...
ولكنه كان يصر على ان المقاصل ... والحُب.... لا يجتمعان في مكان واحد ... فإلى حين ذهاب
الأولى ...يجب ان يكون الخطاب الشعري موجهاً ... او ..فلنصمت....
إنه .... نصر الله عطا عمر ... الشاعر الذي اشهد له بعدم رغبته ..في بيع قصائده... ولا
كرامته لشركات الإنتاج الفني .. التي اضحت تشتري ..كل شيئ...
|
|
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
استاذي ابوبكر اوقفني العنوان كثيراً و تأملت المقاطع
Quote: فليسقُطِ الشعر الذي في خاطِري
مادامَ تشبيهاًً ... وإنشاءً .... وخبراً..... واستِعاره
فليسقُطِ الشِعرُ الذي نسِِي الهُوُيه
وليسقُطِ الشعرُ إحتضاراً سيدي
إن لم يكُن نحو القضِيةِ . |
فليسقط الشعر ان لم يكن نحو قضية ( فالحب قضية ، و الهوية مصير ، و الشعر حياة)
أين اراضي استاذنا نصر الله
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
Quote: فليسقُطِ الشِعرُ الذي نسِِي الهُوُيه وليسقُطِ الشعرُ إحتضاراً سيدي إن لم يكُن نحو القضِيةِ ... |
هو ذاك يا أخانا محمد .. لكن .. أيّ القضايا ياترى ؟؟ و أيّ الهويات ؟؟ .. فهُمُ كُثرُ ! ولا تحدثني عن علكة ( القضية الوطنية ) .. أرجوك . تلك أضحت " ذمتها مطاط " كما يقول سادتي العوام " أصحاب الوجعة " .. و قُتِلَتْ نوشاً - أو بحثاً - من تالاها لتالاها .. - ما اتسع وطنٌ إلا ليضيق بمثار النقع , و تمددت ساحة الإعتراك فيه -
( وطن الإنسان ) : أيّما أرضٍ و أينما سماء .. و هو المنوط بتخليق الفراغ بينهما .. أو .. الإكتفاء به : فراغا .
.... الشعر أكذب الكلام .. و أصدق الحلم .
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: Emad Abdulla)
|
ابو بكر - الرطاني
طيب مش احسن تريحنا وتقول للمداح فقط
وأي جهاد غيرهن اريد لكل حديث عندعن بشاشة وكل قتيل عندهن شهيد
قال بلاش حب قال وبلاش كلام فارغ قال - والله كلامك ده ذكرتني بيضة ام كيكي بتاعة فضيلي جماع . اكان صادفتها في الخلاء خشمك اتسجم . اكان رفعتها امك بتموت واكان خليتها ابو بموت .
هييييييييييييع
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
ياصديقي عماد ... تحياتي
قطع شك ..نصر الله قاصد قضيه الموطن والمواطنه .. يعني قضية الحياه نفسها ...
قضية الحب في زمن الأمن والإستقرار... ولا زول قبضوا .. ولا ضباط كتلوهم .. ولا يحزنون ... يفرحون بس
وقاصد انو الشعر يتحول لمعاول ... تهد كل صروح الشموليات... واركان الإستعباد...
انا طبعاً زول مغنا سااااكت .. ولا سياسه ولا يحللون ...
اقعد عافية... وبجيك راجع..
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
ابو بكر
سعيد بطلتك
يا خوى الشعر بلا قضية هو المشكلة دحين الأوطان دى بدون حب .. وزول يتحبّ ..شن فيها التراب ؟؟؟ يا زول التراب دا عشان الناس البمشو فيهو .. يمشوا بأمان
طيب ليه الشعراء
لأنو عييونهم بتدمع مداد على الورق أى زول بضيف حرف للابداع (بقصد) هو مبدع بلاش جفاف خلو الناس تحب و تكتب عن الحب و تعلم الباقين الحي .. فكرك لو العساكر/الكيزان ديل اتعلموا الحب( الحقيقي) بعملوا عمايلهم دى !!!!
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
وجه اول : الغالي ود شيقوق :
سعيد تماماً بمرورك ... وقطع شك دخول الزيك بدي البوست نكهته .. ورونقه
تسلم يا غالي ..
وجه تاني : يا ابوبكر اخوي شوف العرريب يتاعك ... خلي بالك الداره بي هناك سخنت عليهو بي
غادي قال يجي يفشها فيني .... انا المسيكين دا...
ولمعلوميتك يا عرريب سيدنا وشيخنا الرطاني :
اولاً بالتبادي انا ما رطاني انا شااااااايقي ... يعني ياني ود اعم الرطاني ... وانا وإبن عمي
على (العريريب ..... والعناقريب .... وهلم جرا )
وتانياً(بالتبادي برضو ) :
Quote: وأي جهاد غيرهن اريد لكل حديث عندعن بشاشة وكل قتيل عندهن شهيد |
اياها خدمه العرريب ... وما خاتي عليك ..سيدك الرطاني وكتين ( حته القرض فوق راسك ).. وقال ليك ...بِلُّو
قال بله قال .....
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
Quote: احرفاً.... زُغُباً ... صِغارا
ما رأيتُ حُروفَكُم فضت بِكاره
ما سمِعتُ خريِدةً قالت عِثارا
ما عرِفتُ قصيدةً أضحت مَزارا
ولا رأيِتُ عِبارةً هزّت إماره
فليسقُطِ الشِعرُ الذي نسِِي الهُوُيه
|
عطاء نصرالله هنا لايقتصر علي الشعراء فالقضية لبااااس يوسع ويضيق حسب مضمون المعروض فالحيثيات لود شيقوق وللخال الرطاني أن يلجأ للقضاء إن وجد فللوجدان كذا متعلق بالقضية وأن رفعها الشعر يجب أن يتدارسه المتدارسون فالقانون لا يحمي أحيانا كذا قضية وكم من يشعر كما الشعراء بماتحوية الملابسااات وأن أفصَح القضاه بالحكم وتناساؤه الأستئناف وأيده الناااس أوليس للقضية حجم و وزن ولا معِيه الشكر لك ياعرض حالنجي فيما دونت لنا شهدا صَائغا طعامه ونشرب منه نقيَا .
،،،،أبوقصى،،،،
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
الأستاذ معتصم الطاهر ..
نورتنا... وأمتعتنا
Quote: يا خوى الشعر بلا قضية هو المشكلة دحين الأوطان دى بدون حب .. وزول يتحبّ ..شن فيها التراب ؟؟؟ يا زول التراب دا عشان الناس البمشو فيهو .. يمشوا بأمان
طيب ليه الشعراء
لأنو عييونهم بتدمع مداد على الورق أى زول بضيف حرف للابداع (بقصد) هو مبدع بلاش جفاف خلو الناس تحب و تكتب عن الحب و تعلم الباقين الحي .. فكرك لو العساكر/الكيزان ديل اتعلموا الحب( الحقيقي) بعملوا عمايلهم دى !!!!
|
كلام زي الدهب
لكن وكتين تنشر المقاصل في المفاصل ... بكون مافي امان
إذاً البمشي فوق التراب ...منو؟؟؟
(محاوله للإثراء )
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
أخي الكريم وصديقي في الرطننه الحصَيف أبابكر
تنتقل بنا كمانسمه هادئ علي هدب دغش الجفون رؤي
وتقديرنا يركب علي سفوح الكلمة لأحمد يلتقط عزيز مطره المنهمر بردا علينا
Quote: لعنت كل شاعرٍ
ينامُ فوقَ الجُملِ الندِيةِ الوثيره ...
وشعبه ينام في المقابر ..
اليس هذا إتغاق مطلق .... بين خادميَّ الحرف |
ياصديقي الحبيب ماكل مرئ محسوس ولا كل محسوس مرئ
وهذة القاعدة ينطلق منها البناء الضوئي للقصيدة عند المرئيين
وعكسها تمااام عند الحسيين وما لم يلمسوا جسم الحقيقة لا تفصح كلماتهم
وأن كان لغويا سليمه وعجبني جدا الحروف النيااام علي بناء الجٌمل التي تنضح
إشراق رغم ظلمات مغابرها الحسية وقد يتنافروا خادميها ونجد التضاد لتقوية والبلاغة والتبيان
هذا العاالم المترامي بحور غوُره يصحب السبح فية عكس التيار فبحر البارد مثلا يجف فية المنبع تملا وتجمدا
وفجر تيار الساخن مؤججت القلوب ولا تحمل قدحأ للزناد حتي تشتعل فتيل العشق وتخلف رمادا وأثراء
فلهم التحية معالجي الحرف نثرا وقصة والملتزمه نري قوافيهم وبيارق ركبهم الهادر لؤاء ومنار حتي المتشائمة
في تشاؤمهم رحيقا وعبيرا جئنا لكي نرتشف كأسا مزاجها زنجبيلا ولا نكفر بالكافور وكلاهما ينضح عطرا فعديدةٌ
الفؤوس التي تنكأ جراحاتنا صبقا ولونا كن حيث القضايا تخرج بنصوصا ومراءيا تعكس بها وجه الشعر وقصيره
من الشَعراء وسلسبيله ينزل من عالياؤك لنا عمودا مقفًا .
،،،،أبوقصى،،،،
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
Quote: لكن وكتين تنشر المقاصل في المفاصل ... بكون مافي امان
إذاً البمشي فوق التراب ...منو؟؟؟ |
أها جيتني فى جرحي النزيف .. وختيت يدك فى المواجع ..
دحين البعملوا فيهو الشعراء الهتيفة دا .. بلا الحماس الوكتي شنو ؟ طيب دايرين شنو ؟ دايرين بيتين فى الجرح وبيت فى القلب .. يعني نحيي العقول و القلوب سواء .. عشان الناس تحس بأنوا هي بتحمي البتحبهم .. مش عشان قطية و كرنك ومزرعة وبث ..
الناس بطبيعتها بتبدا ( سلم الحاجات) من الغريزة .. بعدين الأمن ..وباقى السلم . أها الغريزة دي فيها الحب .. ممكن -فى بعض الاحيان- نبدأ بالأمن .. لكن برضو أمنك وأمن البتريدو " يعني تاني رجعنا للحب"..
ممكن تقول لي " دحين حميد دا لو ما شعروا المتفرد المتمرد كان عرفناهو!! ما كان بقول فى كلام سمح من زمنو الفى الوسطي .. الناس عرفت ود كرم الله وما سمعنا زول سأل من الشاعر القلبو محكر فى ككر"
وأقول ليك "وبرضو أزهرى محمد على عرفناهو لما غنّا أحلام البنات والولاد للعرس والشيلة ( وضاحة) مع انو أجمل من غنى للوطن .. وأول واحد اعتقل فى قصيدة ضد الانقاذ ( حال عليك الحول) .."
أها يا زول ما داير تضرب مثل بالملحمة ..وهاشم صديق .. لكن كل السودان غنى .. الشعب حبيبى .. والقلب مساكن شعبية غير المثقفاتية منو العارفو دا محجوب ..مع انو اي طالب و عتالي كانو برددوها ..
أها .. عزة دى مش كانت وطن ؟ دحين هنا دخلت اللخبطة و دى مرحلة اثراء آخر ..
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: معتصم الطاهر)
|
Quote: وجه تاني : يا ابوبكر اخوي شوف العرريب يتاعك ... خلي بالك الداره بي هناك سخنت عليهو بي
غادي قال يجي يفشها فيني .... انا المسيكين دا... |
ذكرتنى سالفة مجنون بلدنا الكان مربوط في مسيد شيخنا
الحاصل يا السنجك في قريتنا في الدندر في اسرة واحدة من الشوايقة والباقي كلهم عرب سااااااااى والعرب عندهم اى واحد ليس من قبيلتهم عب عدييييييييل كده واهلك ديل ساكنين ومساكين وسطنا المهم في النهاية انصهروا فينا بالزواج . من شوايقتنا ديل في واحد منضمة وبتندر دائما نحن ونحن ونحن الخ . وكمان في قريتنا عندنا جدنا العجب راجل وجيه وليه سطوتو وجبروتو . اها الشيخ قال خلاص المجنون بقى نصيح الحمد لله واتعافي احسن نفك منو الجنازير لكن قبل فك الجنازير نجيب واحد يمتحن المجنون عشان يشوفوا اتعالج ام لا وقد كان وشاءت الاقدار ان يكون حاضر المشهد زولكم المنضمة (الشايقي) فقام شايقيكم على شلاقتو سال المجنون قال ليهو ( عرفتني يا جبارة) المجنون قال ليهو افو افو انت بتغباني انت مش ود محمود عب جدى العجب . زولكم زعل زعل زعل وطوالي قبل على الشيخ قال ليهو مبروك سيدى الشيخ زولك بقى نصيح طاااااااااااااب يلا اضبحوا ليهو الكرامة .
Quote: على (العريريب ..... والعناقريب .... وهلم جرا ) |
وتانياً(بالتبادي برضو ) :
Quote: وأي جهاد غيرهن اريد لكل حديث عندعن بشاشة وكل قتيل عندهن شهيد
اياها خدمه العرريب ... وما خاتي عليك ..سيدك الرطاني وكتين ( حته القرض فوق راسك ).. وقال ليك ...بِلُّو
دى يا السنجك تهمة لا انكرها وشرف لا ادعيه
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
عزيزى ابى بكر
Quote: وليسقُطِ الشعرُ إحتضاراً سيدي
إن لم يكُن نحو القضِيةِ ... |
طيب كيف بلاش حب بلاش كلام فارغ؟
كل قضية ان لم تكن مدعومة بالحب لا تصبح قضية
بس بتختلف المحبوبة
كل الاحتمالات جوة الجك هاهاها
الوطن الحبيبة السلطة (ديل شعراء المحلسة) الجاه
وكل فى حد ذاته قضية
تسلم
ابو قصى
دائما تمتعنا بأحرفك
ملهوزةيا فنان
عجبنى ردك على العناقريب
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
يا عزيزي معتصم الطاهر :
في رايي (ودا رأي يؤخذ منه ويرد اليه )
البدايه دايماً بالأمن ... لأنو في ظل عدم وجودو بتكون كل المعطيات الحسيه ملغية (بإستثناء
الخوف)
الزول ببدأ بي نفسوا في الاول ... بعد داك حبيبو .....
وبعدين :
Quote: ممكن تقول لي " دحين حميد دا لو ما شعروا المتفرد المتمرد كان عرفناهو!! |
اهي دي الفكرة ...
(على فكرة ..مافي إختلاف إلا في الترتيب الحسي ... الأول شنو .. والبعدو شنو....)
تسلم
| |
|
|
|
|
|
|
Re: للشعراء فقط ..... بلاش حُب ... بلاش كلام فارغ.... (Re: أبي بكر سيد احمد)
|
يا شيقا :
Quote: شايقيكم على شلاقتو سال المجنون قال ليهو ( عرفتني يا جبارة) المجنون قال ليهو افو افو انت بتغباني انت مش ود محمود عب جدى العجب . زولكم زعل زعل زعل وطوالي قبل على الشيخ قال ليهو مبروك سيدى الشيخ زولك بقى نصيح طاااااااااااااب يلا اضبحوا ليهو الكرامة .
|
إت يا عرريب فقدت المنطق ولا شنو؟؟؟ ....
وبقى عليك كلام القُدام (البراميل الفارغه لا تصدر إلا اصواتاً مزعجه )
يمين هسع نحرش عليك سمانا السابعه تهبدك لامن تقلب جلدك ... (دا أكن في جِلد من أساسو )
جِنس بِدع...
| |
|
|
|
|
|
|
|