|
|
 كيف تصبح اليوم فناناً في السودان؟
|
كنت أعتقد في سابق العصور والأزمان أنني لا أملك الإمكانيات الفنية
لكي أصبح فناناً مغنياً يطرب الناس لجمال صوته وحسن أدائه وما زلت
أعتقد أنني غير مؤهل لأن أغني ولو لنفسي.
لكن الشيطان بدأ يوسوس لي بأن أتوكل على الله وأقتحم هذا المجال لأنني
أدركت أخيراً أن الغناء في هذه الأيام لا يحتاج إلى إمكانيات ومؤهلات فنية
وصوتية بل أصبح من الأنشطة العادية التي يمكن للمرء أن يؤديها مثله
مثل رياضة الجري والمشي والقراءة ومشاهدة التلفزيون وغيرها من
الأفعال العادية، وكذلك من المهن الحرة التي يمكن أن يمتهنها الإنسان
في السودان مثل افتتاح أكشاك الجرائد ومحلات تركيب العطور وبيع
الملابس الجاهزة ومحلات الاتصالات والكافتيريات وغيرها من المهن
الحرة، ويتوقف كل ذلك على إرادتك وجرأتك وقناعتك الشخصية.
كل ما يحتاجه الإنسان في السودان لكي يكون فناناً يغني في الحفلات
الخاصة والمناسبات والتلفزيون هو أن يشتري أورغن ويتعلم العزف،
وحتى تعلم العزف ما في ليهو داعي، لأنو ممكن تجيب ليك عازف معاك.
وبعد كده تحفظ ليك اتنين كوبليه من كام أغنية حقيبة وبعض الأغاني بتاعة
الحماسة وتعمل ليك دعاية لنفسك عبر أصحابك والجكس المحيط بك، وتقنع
ليك في الأول من عداد كم حفلة صغيرة كده لزوم المجاملات ، زي حفلات الوداع
والتخرج والختان (بشقيه الفرعوني والما فرعوني)، لكن شوية شوية بتلقى
نفسك بتقبض عدادك كاملاً غير منقوص .
قد تجد صعوبة وحرج في البداية لأسبوع أو أسبوعين لعدم تعوّد الناس على
صوتك الأجش أو شتارتك، ولكن السودانيين بطبعهم بتقبلوا كل شيء سيء بمرور
الوقت لأنهم نسايين وعاطفيين ومجاملين.. يعني تغني ليهم النار ولعت بس
تاني يوم يكون اسمك على كل لسان. النبي يا فايزة ما شفتي عاطف ود علوية
ده غناي كيف؟ والله أمبارح حفلة تخريج ميادة بت نايلة طلعت حاجة ما تخلص.
تقوم فايزة تكلم جاراتها كلهن بهذه الحفلة والجارات يكلمن أزواجهن وبعولتهن
وأصدقاء بعولتهن، وبعد كده كل هذه العائلات وأخواتها من العائلات التانية
تكون منتظرة بفارغ الصبر مناسبة عشان ينادي عاطف ود علوية عشان يستمتعوا
بصوتو، والحكم على الحفلة التي سيحييها عاطف معلب وجاهز واعتمد أساساً على
انطباع المرأة الأولى الكلمت فايزة (رغم إنو فايزة حضرت الحفلة)، عشان كده
الانطباع الأولى بتاع كليمة فايزة من المستحيل أن يتغير، وحا يظل عاطف ود
علوية هو الفنان الذي لا يضاهى وهو العندليب الأسمر أو الأصفر والواعد الصاعد
وغيرها من المسميات الكثيرة، ويبقى الناس يطالبوا بيك في حفلاتهم والنسوان
يهددن أزواجهن وعرسانهن بأن تكون الحفلة بعاطف أو لا تكون، يعني مسألة
مصيرية، وبهذه الصورة قد تتسبب في حدوث طلاق أو فسخ خطوبة دون أن تدري.
وشوية شوية يسمعوا بيك ناس الحارات والأحياء المتاخمة والقريبة وتقوم
تعمل ليك علاقات فنية مع بعض العاطلين عن الموهبة من شعراء وملحنين
وتبقى عندك أعمالك الخاصة البايخة، وتمتد علاقاتك بفضل هؤلاء وتفتح
ليك أجهزة الإعلام أبوابها وأحضانها وتقول ليك (هيتَ لك)، فيتم فرضك على
المستمعين والمشاهدين المساكين وتبقى فنان غصباً عن كل الناس.
وبالطبع لن يتوقف الأمر عند هذا الحد، بل ستجد بعض الصحفيين المرتشين
الذين يمكن أن يصنعوا منك فنان قنبلة وموهبة فطرية تتفوق على الكاشف ووردي.
وبعد ذلك تجد من الأولاد الشباب من يقلد صوتك الأجش ويشتق له اسماً من اسمك
فيسمى عاطف ود علوية الكلاكلة أو عاطف ود علوية الامتداد.
وبهذه الطريقة البسيطة تلقى نفسك الناس عملوا منك فنان وإنسان مشهور وإنت
رصيدك وحظك من الإبداع صفر كبير..
قاماتنا الفنية التي نعتز بها حفر الواحد منهم الصخر لكي يجد الفرصة مع الكبار،
وصبروا وجاهدوا لكي يصنعوا لهم أسماء في خارطة الغناء السوداني ولم يصلوا
إلى الجمهور إلا بعد رحلة عناء طويلة، لكن المعايير اختلفت الآن، لو عاوز تبقى
فنان من السهولة جداً أن تبقى، بس تنوي وتقرر في الأول وبعد كده تلقى نفسك
بقيت فنان معروف لكنه عاطل عن الموهبة وما زال يردد في أغاني غيره من
المراحيم والذين أقعدهم المرض من الفنانين الذين لا يجدون ما يعينهم على مرضهم،
رغم أنهم كانوا ملء السمع والبصر في يومٍ من الأيام ونالوا ما نالوا من احترام
وتقدير وإعجاب الجماهير بهم.
للأسف الشديد كل شيء عندنا أصبح مزور ومقلد بفضل المعايير الكاذبة والمصالح
الخاصة والنظرة الضيقة، وصدق الفيتوري حين قال:
أدنى ما فينا قد يعلونا يا ياقوت
فكنْ الأدنى تكنِ الأعلى فينا...
|
|
 
|
|
|
|
|
|
|
|
Re: كيف تصبح اليوم فناناً في السودان؟ (Re: Nasruddin Al Basheer)
|
العزيز نصرالدين
تحية طيبة
فعلاً التجني على الفن اصبح ظاهرة مقلقة بالذات على
اغاني الحقيبة والمدائح النبوية غايتو استايلات غريبة وعجيبة
نسأل الله ان يرد الابداع الى أهله وكفى تشويهاً.
Quote: كل ما يحتاجه الإنسان في السودان لكي يكون فناناً يغني في الحفلات
الخاصة والمناسبات والتلفزيون هو أن يشتري أورغن ويتعلم العزف،
وحتى تعلم العزف ما في ليهو داعي، لأنو ممكن تجيب ليك عازف معاك.
وبعد كده تحفظ ليك اتنين كوبليه من كام أغنية حقيبة وبعض الأغاني بتاعة
الحماسة وتعمل ليك دعاية لنفسك عبر أصحابك والجكس المحيط بك، |
بلاضافة الى قَصات الشعر وتي شيرتات لزوم الوجاهة 
تحياتي يا حبيب
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: بهاء الدين سليمان)
|
Quote: ما معنى أن نشهد موات الأغنيات
ما معنى هذا الصمت الذى لا ينتهى وبرغم حوجتنا الصراخ....
|
فناننا الجميل بهاء الدين سليمان
مرحباُ بك يا رجل ولكم افتقدتك الشارقة ولياليها..
أعرف أنك أكثر غيظاً مني تجاه هذه الجريمة
لذلك عبرت عنها بهذه الأبيات الصادقة..
| Quote: رحمك الله مصطفى سيد أحمد ... ورحمك الله ليلى المغربى |
نسأل الله لهما الرحمة والمغفرة بقدر إبداعهما..
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: عبده عبدا لحميد جاد الله)
|
Quote: فعلاً التجني على الفن اصبح ظاهرة مقلقة بالذات على
اغاني الحقيبة والمدائح النبوية غايتو استايلات غريبة وعجيبة
نسأل الله ان يرد الابداع الى أهله وكفى تشويهاً.
|
الحبيب عبده
لك التحايا العطرة والسلام
للأسف التجني على الفن يتم بصورة منظمة وعبر أفراد وجهات
متعددة تتكسب وتنتفع من وراء هؤلاء المشوّهين العاطلين عن
الإبداع أعداء الفن الحقيقيين.
في خلال هذا الأسبوع يا عبدة استمعت عبر التلفزيون لأصوات
لا يمكن أن تكون لها صلة بفن الغناء لكنها استطاعت أن تصل
إلى المشاهد بكل سهولة، وإذا سألت لماذا وكيف لن تحصل
على إجابة شافية..
كان الله في عوننا من هذا الخطر القادم..
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: Nasruddin Al Basheer)
|
أخي الفاضل ،،،
سبقتني بخطوة ونص في إنزال هذا الموضوع وبنفس الفكرة ...
عموما قناة زول في إنتظارك...
والمخرجين بدأوا الكبكبة ...
والمذيعة قميص عامر
هنايا ديك ...
حتتمايل طربا
جهز فنلتك البرتقالية ...
ولا بد من المعينات (جمع شكل رياضي يدعى المعين) علي صدرها...
لأن الجو حار والبدلة مافي داعي ليها ...
إلا إذا كانت حمراء ..
وأستعمل قطرة من الثلج المخلوط بالكمون وتنشق القطرات بأنفك
حتى تلتهب الأغشية المخاطية...
لكي تعيق مسار الهواء وبالتالي تكون مؤهلا لإجادة
الصرير والنخنخة والباقي بتموا الساون سستم
وتعال غني لينا ...
وانسى ايام الضياع
خليني احيا على امل ولقياك لوكان بالخداع
غصبا عني يا املي وحياتي ولقيت خطاك سايقاني ليك
غصبا عني يا املي وحياتي و قولي لخطاك طال سايلاهو ليه ...
مش غصبوك عشان تكون فنان ....
لتنسى أيام الضياع ...
ولا يهمك ناس ميادة وعلوية وفتحية وست النفر وبعلها أبو حراز وكل البعول جاهزين لاطلاق الشمارات في صالحك..
عليك الله لو عايز ليك عازف بنقز/دربكه/طبل/درم اشتر ما تقصر مع أخوك أصلي مليت انا من الغربة
وفقك الله ...
نتوقع رؤيتك قريبا على قناة زول ...
يا أخي قناة زول دي ما يسموها هارموني و وهارموني يدوها لزول ...
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: othman mohmmadien)
|
Quote: ولا يهمك ناس ميادة وعلوية وفتحية وست النفر وبعلها أبو حراز وكل البعول جاهزين لاطلاق الشمارات في صالحك..
عليك الله لو عايز ليك عازف بنقز/دربكه/طبل/درم اشتر ما تقصر مع أخوك أصلي مليت انا من الغربة
وفقك الله ...
نتوقع رؤيتك قريبا على قناة زول ...
يا أخي قناة زول دي ما يسموها هارموني و وهارموني يدوها لزول ... |
أخونا المدهش عثمان محمدين
والله موضوعك خلاني أضحك لدرجة البكاء،
يا اخي إنت كنت ممكون وصابر بالمغسة، وإن شاء الله تكون اتفشيت شوية..
لو عارفك حاتكتب عن الموضوع ده كنت إتأخرت شوية عشان نستمتع بموضوعك
لأنو يظهر عليك قاعد ترصد في هذا العبث الذي يحدث باسم الفن من مدة طويلة..
وللاسف هذا الجرم يحدث في قنواتنا الفضائية المختلفة والتي لا تختلف عن بعضها
في الإسفاف والتجني على المشاهدين..
أنا ما مابيك يا عثمان كعازف معاي لكنك إنسان مؤهل تغني لوحدك وتكسب عدادك
دون أي مزاحمة من إنسان، وتاني أنا ما أحسن منك في شيء من ناحية المؤهلات..
عندي صديقي زميل المنبر معاذ منصور ممكن يكتب لي عشرة قصائد يومياً
وممكن مع بعض نعمل ثنائي مميز.. لكن لو عاوز ممكن نغني ثنائي
والعداد فيفتي فيفتي، وهناك عدة مقترحات لنكون ثنائي شنو
ثنائي سودانيزاونلاين، ثنائي صنقعت ، ثنائي الدروشاب، ثنائي الردمية
ثنائي العباسية، ثنائي سوبا، ثنائي الحلفايا، ثنائي قلع النحل إلخ...
فكر في الموضوع يا عثمان وما تفوت الفرصة..
أنا قلت المارقة أحسن ليك..
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: Nasruddin Al Basheer)
|
الحلوة يا ست الدلال .... العيشة من بعدك حرام ....؟؟؟؟
طبعا قبل أيام طرحت موضوع مقارب لموضوعك هذا والرابط أعلاه
والآن شجعتني عشان أرفعوا ...
غايزني الوليدات البجدعوا في يدينهم ديل ...
غايتو يا حليلك يا خلف الله حمد .. الله يرحمك رحمة واسعة ... فهو الرحيم ...
يحكى إنو عريس زهجان من أهلوا ساكنين الرياض
وقرفان من حناكيش الرياض ...
آها يوم عرسوا جاب لهم "خلف الله حمد" ..
وخلف الله ذاتو كحل الجماعة وكجنهم ليك .... جنز ولبان ومستكة ومضغ وما تفرز الحنكو من الحنكوية ...
قام بدا ليك بي ....
الكان داكا سيري الأراكا
الكان داكا سيري الطاحونة
الكان داكا يا الشيخ ود بدر
الكان داكا سيد القدح البجر
أبووووووووووي وينووووو ... هووووي
ابوي وينو الايدو عطاااااااااية
ابوي وينو البحضن جنايا
طبعا حنكو فقد البوصلة لا عرف ينط لي فوق .... لا عرف يقعد .... يدردق ... ينوم ... يمشي يمين أم يسار ... دانس أسلولي .... ولا ريجي ... رقبة .... يعمل لاندنج ولا تيك أوف ....وغلبتوا الدوشكا ظاتا وكل رقصاته الزائفة ....
وناسنا أولاد علوية ديل والله أصبحوا فنانيين فقدو بوصلة الغنا ... ورحت في حالك نستني ...
وعوك
ابوي يا ابرنات
حصلت علي صدمات
بجافي ليك اهلي
بسكن معاك شمبات
شمبات ظلط و انا مالي
Quote: أنا ما مابيك يا عثمان كعازف معاي لكنك إنسان مؤهل تغني لوحدك وتكسب عدادك
دون أي مزاحمة من إنسان، وتاني أنا ما أحسن منك في شيء من ناحية المؤهلات..
عندي صديقي زميل المنبر معاذ منصور ممكن يكتب لي عشرة قصائد يومياً
وممكن مع بعض نعمل ثنائي مميز.. لكن لو عاوز ممكن نغني ثنائي
والعداد فيفتي فيفتي، |
شكرا لك أخي والجنتلمان أجريمنت ... فيفتي فيفتي ...."هو الجماعة ديل بغنوا بقروش" لا أصدق بس لو لقيت عشرة زيك ... ما بيابوني والبياباني الببو اليشرطوا ...
لأعتليت خشبة المسرح مغنيا ....
طيب خلى الإسم سياحي وبيتلائم مع هيك بشر ... عشان ما ينتحروا بينا ناس أم بده ... ما عايزين نغني في الرياض ... خليها ...
ثنائي "فاكتاف" إسم سياحي مش ...(Facktaff)
ف (في) .. أ (السودان) ...كـ (كيف) ... ت(تصبح) ... ا (اليوم) . . فـ (فنان) ....
المهم الله يعينك ....
بس أغاني .. زي بدخلو الصالون وبشربوا الليمون ... وبصافحوا بالقانون ما هيلتنا ...
أنا من عينة ...
كان الجروي نامن أنا ما بنوم
كان الكلوب نامن أنا ما بنوم
مع إلتفاتة للكورس ... وفم ملوي ...." قولوها حار" = يعني رددوها بوراي بصوت عال ... بنفع معاك ..
اللهم أرحم متوفانا - الغنا الصداح الجميل زمن الجمال ...
غرامي بيك يا فاتن مصدرو الانصاف.
انصفت حسنك حب.. وانصفت حبي عفاف.
دوبت روحي معاني دقيقة في الأوصاف.
هومت نفسي خيال في معبدك طوَّاف
يا روحي أنصفني
والله بجد ممغوص وفتك بعافية ...
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: ناذر محمد الخليفة)
|
Quote: يمكنك مراجعة هذا الرابط لما له من علاقة مباشرة بخيطك هذا ..
|
الحبيب ناذر
مشكور على إرفاق بوستك الساخر الظريف
أنا كنت في السودان في نهاية رمضان
ولم تسمح لي الظروف بحضور أية حفلة
لكنني لما طالعت البوست المرفق وجدت
المسألة بقت جريمة بحق وحقيقة وبتجد
تجاوب من الاسر والأفراد..
كنا بنضحك على غناء شعبان عبد الرحيم
بس اتضح إنو شعبلا يعتبر فنان كبير مقارنة بهؤلاء..
لك فائق الشكر..
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: Nasruddin Al Basheer)
|
| Quote: جهز فنلتك البرتقالية ... |
والله بزعل منك لو لبستا فنيلة من اللون البرتقالي
أو من مشتقات الأحمر
الفنلة زرقاء بالأبيض
أو بيضاء بالأزرق
ود الجار عودو يمكن أن يصلح كعازف عود مصاحب في هذا الزمن الأشتر
خاصة و العود جاهز ومجرور بالكسرة الفي آآخر الأغنية
و النبق النبق النبق
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: ALGARADABI)
|
Quote: ود الجار عودو يمكن أن يصلح كعازف عود مصاحب في هذا الزمن الأشتر
خاصة و العود جاهز ومجرور بالكسرة الفي آآخر الأغنية
و النبق النبق النبق |
اليومين ديل يا قردابي ود الجار عودو قال مشغول
في وضع بعض الألحان لشاب قال عنو حايكون قنبلة الساحة.
والشيء الطريف إنو ود الجار عودو رغم الإدعاء بأنو ملحن،
لكنو بفرتق أي حفلة قاعد يحضرها..
تحياتك حاتوصل لود الجار عودو..
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: Nasruddin Al Basheer)
|
عجبيييييييييييييييي !!!!!!!!!!!!!
والله كلام يا عوض دكام
ودي زااااااااااته أغنية قالوا...
والله الواحد فينا ( قدامى المحاربين ) بقى لمن يدخل بيت حفلة يكون مسطططططططططططططح عدييل كدة !!
والعجب كان جيت مراكز الشباب تلقاك تنضاير وتندسدس لأنك من الرعيل القديم المتخلف .!...!!!
شفتو المغسة دي .. ( دي زااااته تلقاها أغنية ونحن ما جايبين خبر !!!! )
قسس!!!!
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: عثمان دغيس)
|
نصر الدين البشير .. سلام وتحيه ...
موضوع له من الأهميه بمكان ، وهذه قضية الساعة فى دنيا الفن ...
وقد عجز تماما إتحاد الفنانين فى وقف هذا التدهور والمسخ الغنائى
بالسودان حتى أصابه هو الآخر الوهن عندما بدات المحسوبيه والتدخلات
من قبل مؤسسات الدوله والنافذين فى التأثير على إنتخابات إتحاد
الفنانين وخرج منها من خرج وأصاب ذلك الساحة الفنيه الغنائية بالوهن
والتردى حتى أصبح ( الفن الشبابى ) كما يسمونه بفن الحداثة !!!!
والحداثة والتحديث منهم براء ، لذلك أصبح غنائهم أشبه بفرقعات سرعان
ماتنجلى وتتوارى وظل أعمدة الفن كما هم .. ياسماء ما طاولتها سماء
لك التحية والشكر ...
محمد مختار جعفر
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: محمد مختار جعفر)
|
Quote: موضوع له من الأهميه بمكان ، وهذه قضية الساعة فى دنيا الفن ...
وقد عجز تماما إتحاد الفنانين فى وقف هذا التدهور والمسخ الغنائى
بالسودان حتى أصابه هو الآخر الوهن عندما بدات المحسوبيه والتدخلات
من قبل مؤسسات الدوله والنافذين فى التأثير على إنتخابات إتحاد
الفنانين وخرج منها من خرج وأصاب ذلك الساحة الفنيه الغنائية بالوهن
والتردى حتى أصبح ( الفن الشبابى ) كما يسمونه بفن الحداثة !!!!
والحداثة والتحديث منهم براء ، لذلك أصبح غنائهم أشبه بفرقعات سرعان
ماتنجلى وتتوارى وظل أعمدة الفن كما هم .. ياسماء ما طاولتها سماء
لك التحية والشكر ...
|
أستاذنا الكبير الفنان محمد مختار جعفر
فشل اتحاد الفنانين وكذلك هيئة المصنفات الأدبية في الحد
من ظاهرة تفشي هذا النوع من الغناء، لأنه بالإضافة لنشاط
الحفلات والكاسيت، أطل مهدد آخر هو أشرطة الدي في دي.
بالإضافة إلى أن بعض المهتمين بفن الغناء يشجعون مثل هذا
السطو والغناء المبتذل جرياً وراء كسب مادي..
لم أفهم على الإطلاق أن يقوم شاعر كتيجاني حاج موسى بنزع
أغنية اشتهر بها فنان كبير مثل محمد ميرغني (حلو العيون)
ليعطيها لجمال فرفور. كما أن هناك بعض الشعراء يكتبون الشعر
منذ سنين طويلة ما زالوا يواصلون كتابة الشعر معتمدين
على أسمائهم وتاريخهم رغم أن ما يكتبونه تشعر بأنه مصطنع
وغير صادق لذلك جاء إنتاجهم بلا طعم أو رائحة..
سئل أديبنا الكبير أبو آمنة حامد بعد تقاعده لماذا توقفت
عن كتابة الشعر، فأجاب: كيف أكتب شعر وأنا ما لاقي حق
قفة الملاح.. إنه الصدق مع النفس..
كان بإمكانه أن يستغل اسمه وتاريخه ويكتب كما يكتب البعض
الآن، لكن لأنه رجل عظيم وأديب صادق رفض أن يكتب الشعر عندما
أحس بأن شعره لن يكون صادقاً..
| |
|
|
|
|
|
|
|
|
|
Re: كيف تصبح اليوم فناناً في السودان؟ (Re: عثمان دغيس)
|
Quote: والله كلام يا عوض دكام
ودي زااااااااااته أغنية قالوا...
والله الواحد فينا ( قدامى المحاربين ) بقى لمن يدخل بيت حفلة يكون مسطططططططططططططح عدييل كدة !!
والعجب كان جيت مراكز الشباب تلقاك تنضاير وتندسدس لأنك من الرعيل القديم المتخلف .!...!!!
شفتو المغسة دي .. ( دي زااااته تلقاها أغنية ونحن ما جايبين خبر !!!! )
|
الأخ عثمان دغيس
تحية طيبة وبعد،،
أنت كفنان، حاتجد نفسك بعد فترة غير مواكب للساحة الفنية
والأغنيات الجميلة التي تؤديها في الحفلة غير مرغوب فيها
الناس عاوزة أغاني الجبجبة والنبق النبق، ولو دخلت بوست
ناذر المرفق حاتشوف العجائب..
المشكلة يا أبو عفان إنو الوضع ينتقل للتلفزيون والإذاعة
لأن ما يقدم الآن من أغاني تفتقد للشعر الجميل واللحن والأداء
وهو غناء مسيخ ولا طعم له، لكن للأسف يقف خلف هذه الاعمال
بعض الذين يسمون أنفسهم مهتمين بالفن..
يعني التجارة والكسب الرخيص طالت حتى الفن والأغنية السودانية..
| |
|
|
|
|
|
|
| |
Nasruddin Al Basheer
بهاء الدين سليمان
othman mohmmadien
ناذر محمد الخليفة
ALGARADABI
محمد مختار جعفر
فيس بوك
تويتر
انستقرام
يوتيوب
بنتيريست