|
كتب الكاتب الفاتح جبرا المتوفرة بمعرض الدوحة
|
|
 Re: بخاف..... فيرجينيا 2008 (Re: Gazaloat)
|
سلام للجميع
في الصوره الاولى
يسألني الله هممت ان امد طرف كمي لامسح عرق الجباه الشم ياعركي ، كما لمن كنت بسمع في مسرح الجامعه الاهليه ساوا ليكم بأدينا شاي... اتشابى (خفيف ولفيف من يومي)
صور بديعه ونضم جميل ماقصرتو يديكم العافيه يا اهل الفن
| |
 
|
|
|
|
|
|
|
|
Re: بخاف..... فيرجينيا 2008 (Re: محمد أحمد محمود)
|
الأعزاء ...دون ترتيب مقصود
دانيا المكى...ازدهت بك الصالة
سماح...خرافى الوجع السببو عركى
مبارك كنه..نحييكم و حنجيكم فى فيلى.
الثنى دفع الله..حسادتك دوافعها معلومة.
عثمان موسى...اشرق بك الحفل
محمد احمد محمود...لساك لفيف..و شكرا لك على الحضور الروحى فهو صنو الحضور المادى...و ابلغ.
| |
|
|
|
|
|
|
|
|
|
Re: بخاف..... فيرجينيا 2008 (Re: Tagelsir Elmelik)
|
الفنان المبدع
تاج الملك
لكم التحية
باخراجك الرائع لهذه الصور اجلستني في المقاعد الامامية لهذا الحفل البهيج
احسستها تتحرك وجآءني صوت عركي هذا المشتعل ثورة وحماسا طوقني من كل الجهات
فلك ولعركي ولكل القائمين على هذا الحفل عاطر مودتي
| |
|
|
|
|
|
|
|
|
|
Re: بخاف..... فيرجينيا 2008 (Re: Tagelsir Elmelik)
|
يا تاج السر حرام عليكم مش كفاية صاحبك عزب إضنينة وحنانة بالغنا إنت كمان جاي تعزب عينينة
الرحمة حلوة وقول للخردة صحبك بتاع الورد يرجع ساعتي الراهنة مع بياعة الورد القاعدة قدام مدخل الصالة .... ها ها ها
| |
|
|
|
|
|
|
|
|
|
Re: بخاف..... فيرجينيا 2008 (Re: Tagelsir Elmelik)
|
ود حلتنا المبدع تاج السر شكرا للابداع والجمال
لكن يا تاج السر دبس ما بقى ود ناس و يشبه ممثلين السينما ما شاء الله ...... لكن هو اسمه بتكتب كيف دبس ولا دبذ و لا دبز
كداب ما بتعرف تلعب كورة تلقاك عاملها كلها خرخرة
| |
|
|
|
|
|
|
|
|
|
Re: بخاف..... فيرجينيا 2008 (Re: Ashraf el-Halabi)
|
كان الصراع داخل حلقة الجيل السابق لنا، محسوما بالفرز شبه الطبقى.
اولاد المدارس والافندية، وجهوا قناعاتهم العاطفية مع تجليات عثمان حسين. وناس السوق تراصوا خلف احمد المصفى. وراح كل يغنى على ليلاه. وكان الكاشف بالطبع يخيم على الجميع.
فى اول السبعينات انقسم اولااد جيلى الى قسمين آخرين.
نصفٌ بارى زيدان، و الآخر انحاز الى عركى. وكنت ولا ازال ارى ان المنتفشين عاطفيا والخائضين فى بحار الغرام جهارا ولايخشون فيه لومة لائم، غالبهم تابع زيدان. اما ناس " الريدة الدقاقة" والكاتمين الحب بالمعروف...ناس نحنا.. فلقد لجأنا الى عركى يعصمنا من مياه الهوى والتى وصلت مناسيبها الى تخوم افئدتنا الصغيرة.
اكفينا شر البوح..ياسيدنا نوح.....
هم كانوا ناس ( وسط الزهور متصور.. وجهو الصبوح ومنور...) عديل كدة!!!!
اما نحن فكنا ناس ( مرسال الشوق ...يالكلك زوق...)
استغفرتك يامالك روحى!!!
وكان قد شاع بين الناس جواز الجمع بين اكثر من فنان فى سلال الاعجاب. وفى تلكم الايام لمعت نجوم فى سماء الغناء، بعضهم تقدم من الصفوف الخلفية بعد ان تزود ببعض العلم الذى كان يبذله معهد الموسيقى والمسرح والفنون الشعبية ( هكذا كان اسمه!!) مثل ناس "محمد ميرغنى" و"خليل اسمعيل". وبعضٌ نبل هكذا فجأة مثل الشهاب فى سماوات الخرطوم...خاصة المدرسين الذين انتدبتهم وزارة التربية لتلقى العلم فيه... ناس "عبد القادر سالم" ..
كنت تلميذا فى مدرسة محمد حسين الثانوية. وكنا بصدد انشاء جمعية النهضة الادبية ( والتى كان لها شأن فى توجيهنا ادبيا وسياسيا ) وقد كان لى موقع تنظيمى فيها قادنى الى حضور اجتماع فى منزل احد الاصدقاء بحى الهاشماب ذات يوم. ووقفت اطرق الباب متوجسا.
وفتح الباب عركى!!
شوف. فى مسائل الحب هذه، انا رقم فردى لا أقبل القسمة على اثنين الا بالكسور والبواقى!! لهذا كان وقع المفاجأة على كفيلا ( لولا لطف الله ) لاذاعة اسمى فى نشرة الساعة ثمانية مع تحديد موعد الدفن ومكان العزاء!! وقد اصابنى شلل من هول المفاجأة عقد لسانى فصرت واقفا.. مذهولا.. مخبولا..مسطولا.. سمها كما تشاء. فها أنذا ولاول مرة اقف وجها لوجه امام الرجل بشحمه ولحمه!!
تلك المصادفة غيرت كثيرا جدا فى مسار حياتى فيما بعد. وقد جلسنا حول اكواب الشاى نتحادث، فذكرت له جانبا من النشاط الذى كنا موغلين فيه، وحدثته عن مسرحية "مسافر ليل" للشاعر المصرى "صلاح عبد الصبور" والتى كنا قد قدمناها على خشبة مسرح المدرسة،(مأمون الرشيد نايل ويحى عثمان عيسى وشخصى) فوجهنى بالذهاب لمقابلة المخرج "محمود يس" لاداء امتحان التمثيل الذى تجريه الاذاعة دوريا بغرض اجازة ممثلين جدد. ومن يومها وانا عالق فى شباك هذا الشئ المسمى بالفن!! ولا ازال متعلقا بأستار عركى ....لأجد نفسى فيما بعد اسيرا داخل جدران معهد الموسيقى والمسرح ... مع الرجل ... وفى عقر داره... ومع "عفاف الصادق حمد النيل" وفى نفس الفصل!!!
وتلك قصة اخرى
منعم الجزولى
| |
|
|
|
|
|
|
|
|
|
Re: بخاف..... فيرجينيا 2008 (Re: منى على الحسن)
|
سلام للجميع
كان جدي لامي -رحمه الله- انصاري على السكين واليقين في اواخر ايامو اصابه مايشبه تداخل المعلومات في رأسه (لعلها ارحم درجات الخرف ولم يكن خرفا).... المهم كان بعد الصلاه يقرا الراتب بايقاع ولحن فخيم وانا اكون متفجن بالقرب من فروتو لانو بكون خاتي جردل الربع الطلس ، فيهو مويه يقرا ويتفتف من ريقو الحلو فيها (بعزم لي فيها ) وده يستمر من بعد صلاة الظهر حتى موعد الغدا ودي الكوته بتاعت المويه لاصغر احفاده واللهو العبد لله ، يختم هذا كله قبل ذهابنا للاكل بدعاء وتضرع طويل وثابت، للجغرافيا فيه نصيب مقدر، اها كان يقول في جزء من تضرعه هذا اللهم انصر كوريا الشماليه وكوريا الجنوبيه – اقاطعه- ياجدي ناس كوريا الشماليه وكوريا الجنوبيه ديل ما مسلمين ، يعالجني بنهره اسكت يا مطموس ات شن عرفك ؟؟ صحي شن عرفني...، اللهم ادخل اهل فرجينيا الجنه بجاه عركي...
الشاهد انو جدي علي ودابوعبده كان يقول هو بسمع ابوداوود وعشه الفلاتيه ومن الاولاد الجداد ديل بسمع ابوعركي ويدعم هذا بقوله غناهم بنفرز ونمهم سمح
| |
|
|
|
|
|
|
|
|
|
Re: بخاف..... فيرجينيا 2008 (Re: Osman Musa)
|
ياسلام ياتاج السر
حفلة جميلة والله
وابو عركى قامة
واكثر ما شدنى العلاقة الجميلة بين ابوعركى وابنه محمد فى الغنا
والشكر موصول لمن اهدانا هذه الاحتفالية
شفت التوب الما لاقاني اجمل منه
بس التوب..
سيد التوب يكون كيفنه!
| |
|
|
|
|
|
|
|
|
|
Re: بخاف..... فيرجينيا 2008 (Re: Gazaloat)
|
لقد ذيع سر الريدة .. للشابه الخضرة وزيتونة.. و القمر البضوي
في سنونة.. بعد أن تاب القلب من تعب السفر و من شراب موية المطر
لكنه قال بخاف إسأل عليك الناس و سر الريدة بينا يذيع و قال موعدك
يا ذاتي يا أجمل حقيقة ,, و شفت التوب و مالاقاني أجمل منه..
و شفت هادية و عماد الجزولى و تاج السر المليك ووو كثير من أولئك
الذين أشتاق إليهم هنا ولا أجدهم و لكني أقول كما قال محمد الواثق:
أريزونا أمطرتني نكدآ لا جادك المطر,,,
| |
|
|
|
|
|
|
|
|
 Re: بخاف..... فيرجينيا 2008 (Re: Tagelsir Elmelik)
|
التحية لعركى
وتحية خاصة لعركى
دائما ولوقت قريب كنت اعتقد بان تاج السر الملك..دا
فنان تشكيلى ساى بتاع تصاوير..
لكن كل مرة ..بيجى زول اسمو منعم الجزولى ويفضحو
بانو قصاص كبييير ..
ونباش للوجدان..
ولقيمة المقام
التحية تانى لعركى
وتحية أخرى لعركى..
و.
| |
|
|
|
|
|
|
|
|
|
Re: بخاف..... فيرجينيا 2008 (Re: Tagelsir Elmelik)
|
أما أنا
.
.
.
فقد أبكاني هذا الشيب الذي حل ضيفاً غير محتشم برأس أستاذي عركي
كم أحبك يا أستاذ جيلنا ونحتاجك
"كل الأفلاك
كانت يا ملاك
تنظر لعلاك
مشتاقة إليك"
وكنت تتصبب ألقاً
"يا المغري وفاتن إبداعك
رحت وما زال عندي شعاعك"
راقبت من يجلس تحت أورغ ماهر
كان المكان شاغراإلا من شوقي
سأظل أترقبك يوماً ما حين تغسل آذاننا بغناك المعطار
مودتي
| |
|
|
|
|
|
|
|
|
|
Re: بخاف..... فيرجينيا 2008 (Re: Samer Osman)
|
شكرا ليك يا (منى) يا خلاسية انتى
نادر...يا ود يا Groovy
بكرى ود حلتنا..و عركى ود حلتنا
الحلبى الجهجهة حاصلة و ماشة على فيلادلفيا
دبيب...شفنا التوب و سيد التوب الا سيد الوجعه ما عارفين حكاياتو
على عمر على...يخرج من صمته ..نبش الوجدان لحقو
سامر عثمان الشيب ده snow ساكت
ملامح سر الريدة بعد ما ذاع..عرسنا و جبنا وليدات
محمد محمود..لقد اختصرت كل الموضوع فى حكاية جدك اللطيفة.
| |
|
|
|
|
|
|
|
|
|
Re: بخاف..... فيرجينيا 2008 (Re: bent-elassied)
|
تاج السر
مساءالخير
او
صباح الخير
ياخي تلفون عركي
ما بجي معاي خالص
بحاولو هسي وبكلمك
عايز منك حاجة مهمة
شــــــديـــد
الزول القلتو اسمودبز ده
الجنبو الزول الضحكتو بتاعة ناس مدني العظمة
ما هو الفاتح عبد الرحيم الأمين ؟؟
لو هو قول ليهو اخوك محمد السني
يقريك السلام والمحبة والمودة
والأحـــتـــرام
ما لاقين لاماسنجر ولانجيبكم بي هناك
هناك وين ..؟ما عارف
| |
|
|
|
|
|
|
|
|
|
Re: بخاف..... فيرجينيا 2008 (Re: محمد سنى دفع الله)
|
يادبز ولادبذولادبس
اختار البتنفع معاك
بس كلو في النهاية
ده بس
المعاك على اليمين والشمال منو
اوع اطلع لينا هشام عبد المنعم
اكون طالع شبهه عمو الفاتح وعبد العظيم
وياتاج التلفون بتاع عركي كان ناقص رقم
وتميتو واتكلمت معاه مشكور
على تلفوتك وبكره نتكلم معاك
تقبل سلام حسان
مودتي ليك وكل دبز حايم نص الليل
في امريكا
لكن البودي قارد ما عندكم
ما تخليهم انوموا شغلهم 24 ساعة
| |
|
|
|
|
|
|
|
|
|
Re: بخاف..... فيرجينيا 2008 (Re: محمد سنى دفع الله)
|
السنى
السلام
عينك نجيضة ياهو الفاتح عمو ذاتو
و اليمين اخونا مصعب ( اولاد عبد المنعم ما قدر ده)
دبز من نوع البودى قارد البفك البيرق قبال ما تسخن
سلامن للجميع
و قوليهم القروش الداسنها فى المرتبة وصلت
| |
|
|
|
|
|
|
|
|
|
Re: بخاف..... فيرجينيا 2008 (Re: نادر السوداني)
|
نادر ياحبيب الروح
عارف انا بشوف في الصور والبكا نازل مطرة
ما عارف انتو استحملتوا كيف
لكن ما شاء الله العازفين فريق قومي
وانت مع البدلة السوداء والبوريه الأسود
والله لسه محافظ ولا اقوليك والي عديل عيني باردة
نادر سيد القيافة
بالله متعونا ونزلوا الصور طوالي بردو لينا قلبنا بي شوفتكم
ربنا افرحكم دايما وابدا
محبتي
| |
|
|
|
|
|
|
|
|
|
Re: بخاف..... فيرجينيا 2008 (Re: Osman Musa)
|
فى تلك الليلة..
كان ( نادر بهلوان) ، يمشى فكأنما ينزلق على وسادة من الهواء !!
يهمهم بهدوء و ثقة و هو يتحسس ربطة عنقه الحمراء ، مثل شخصية نجيب محفوظية ،
..حلفنا نعيش لحاضرنا.
*********************************************
بين الفواصل ظل ( عركى) يغنى لعركى ، سلاما ووردا و تحايا ، و مراسيل شوق..
صاح....ياربنا
قلنا...يا قادر
صدح..واحشنى...فذهب الخلق مناسك شتى!!
هتف...بخاف
ذهبنا من ساعتنا نسأل الناس ، دون خوف او استحياء ، عن كل النساء اللواتى تدثرنا بعشقهن، عدنا بزهو الحب على اذرعتنا و بيننا الأطفال ابهى ما نكون جمالا و اشد ما نكون سطوعا
قلنا..
مافى الحقائق اكثر عارا من العشق الذى لا يورث الوجل ، و لا الشدو الذى لا يورث الملل، انصتنا بكلياتنا الى ألأغنية ..خضراء ، ما ذبلت و لا آلت الى حريق تقلب فيه الوطن بين بزة عسكرية و اخرى ، و بصدرينا –يقول صلاح- آمالنا و رغائبناو احلامنا المشتهاة ، و حبائل سرية مع الذين ولدوا فى اكناف الصدق ، و الذين وشموا بسمات انفاسنا و ملامح افراحنا التى تأخرت عن وعدها ، صفاءا يسمو فوق هزيم رعد غربتنا الممتدة ، هفونا الى بعض حمأ الهوى الذى اكتوينا بناره و لهيبه ، حتى تهاوينا
قطعة قطعة
قطرة قطرة
زفرة زفرة
*********************************************************************
بين الفواصل ..
يحمد السرى و السعى بين المقاعد المتراصة المتحفزة ، بينها و بين المساحة المحتقنة بفراغ شحيح ، و حتى ساعة اعتلاءه لفسحة ضيقة على المسرح، تمتد عبرها اسلاك و اشواق و الات موسيقية ووشم صينى على الحائط الخلفى و افواج الذين اتوا من اقاصى الأمكنة ليؤدوا فروض السمع و الطرب ، يقابلهم بأبتسامة مشعة ، مبتسرة متشربة بأرق و قلق و حزن و عاطفة و فطنة و شاعرية ، ثم لايلبث يبادلهم ، شوقا بشوق ، و اغنية بأغنية ..مسكون بصوقبة الأيقاع، قال ابنى يصف موسيقاه بأقصى ما تأتى له من مفردات خياله الغض
Damn..Thats groovy!!
فأستقام كتفا لكتف ، (آيك تيرنر) ( ستيفى ووندر) ، و ( موريس وايت) ، بيد ان شع فى خاطرى ، مداخلة ( الترومبيت) المحسوبة بمقدار فى أعماق ( نوبية) ، و تهويمات ( تشايكوفسكى) فى خضم سيل صداءات ( بستنشقك) الحالمة ، و تواتر نقاط التقابل فى اغنيات عذبة مثل ( فى عينيكى دنيا غريبة) ، و ( انتى نيل) ، و التأرجح الذى لا ينقطع عن نقاط ارتكازه فى ( التوب) ، و ( يوم رحيلك) ثم ( ياقلب).
ظل ( نادر بهلوان) سابحا فوق اثيره ، ووسائده الهوائية ، حتى ختام الأمسية ، عاد اصبى من صباه الذى تصرم خلال ثلاثين عاما قضاها ( فى شعب الصقيع) ، توهج و لازمته الأبتسامة و السماحة، فأقتصد فى جمع الحزن و كف يداه عن اللحاق به ، و بذل بسخاء فرحه على الذين من حوله ... (عركى) بلحمه و دمه يقف مغنيا على مبعدة ميل من شقته!! شقته التى امتلأت بتسجيلات عركى ، صور عركى ، و ازدانت بأستار الولاء لعركى
ما أسعد ( بهلوان) هذه الليلة!!!
تاج السر الملك
| |
|
|
|
|
|
|
|
|
|
Re: بخاف..... فيرجينيا 2008 (Re: Tagelsir Elmelik)
|
في تلك الليلة.كان (نادر بهلوان)............ ويالها من ليلة صوت ونغم وكلمة اقوي من اي طلقة رشاش ومدفع
وزوق فنان وتواضع لا استطيع وصفة هوة عركي وبس امد اللة في عمرة وحفظة لنا قامة
نتشرف بها وفكر نتعلم منة الكثير
...................
شكرا يالتاج ومنعم علي الصور
.......
السني الجميل كنت اتمني ان تكون معنا ويكتمل كل العقد الفريد يا فنان يا محترم
| |
|
|
|
|
|
|
|
|
|
Re: بخاف..... فيرجينيا 2008 (Re: Adil Osman)
|
كمالا ..
نعم هى .
بنت شيخ مشايخ الابطال .
نعم .
ليس بالحبر ياصاحبى يكتب التاريخ
هنا أستخدم البطل حروف من الدم الحار.
حروفا تقرأها فى النهار عصافير النيل
وفى المساء تشتعل مثل النجوم ..
يا ..
| |
|
|
|
|
|
|
|
|
|
Re: بخاف..... فيرجينيا 2008 (Re: Tagelsir Elmelik)
|
الجزولى
وين صورتى ياحبوب ؟
..
خلى التاج اليحكى ليك
حكاية الكشك ..والبوست القديم
..
جزولى ارجو أن تتابع
تلك الخواطر الجميلة
..
السيد نادر
صاحب التفانين الذى صنع من
الجيتار شربات .. شنو يازول ؟
..
لكم التحية
| |
|
|
|
|
|
|
| |
Tagelsir Elmelik
انعام عبد الحفيظ
أحمد الشايقي
Mubarak kunna
Gazaloat
Osman Musa
محمد سنى دفع الله
Dania Elmaki
sama7
خضر الطيب
نادر السوداني
دبس
بكرى ابوبكر
Ashraf el-Halabi
على عمر على
Samer Osman
محمد أبوعاقلة الطريفي
bent-elassied
Bakhaf
Adil Osman
فيس بوك
تويتر
انستقرام
يوتيوب
بنتيريست