|
|
 صـــور .. ما يسمي بمشروع المكابراب الزراعي...!
|
ديه صور مشروع المكابراب الزراعي العامله بيه ادراة السد خوته للشعب السوداني ومحتكره بيه التلفزيون صباح مساء.
الصور ديه ما صورناها نحن ( عشان ما اي شخص يقول انه قصدناها) الصور مصورها خبير الماني اسمه ( حبرالله) مؤجراه ادارة السد ( يعني زولهم.. وديه الموقع المنشوره فيه الصور...
http://www2.hu-berlin.de/daralmanasir/
بس عشان الناس تعرف انه موارد السودان بتهدر في الصحاري... وبدل ما الناس يوطنوها علي النيل ويساعدوها تستقر.. يهجروها الي الصحراء ويستمروا يغالطوا في الواقع... ويستمر الكذب بانه الدوله اقامت مشروعات تنمويه للمواطنيين.. في حين انه الدوله بتتخلص من مواطنيها وتقذفهم في الصحاري... السؤال البسيط .. هي الارض العلي النيل الناس زرعوها عشان يهجروا الي الصحراء...؟
خطة الاحلال طويلة الاجل التي تتبناها الدوله لاخراج مجموعات كثيره في الشمال وتهجيرها الي الصحاري تحت مبررات الخزانات واعادة التوطين بدات خيوطها تتكشف رويدا رويدا... هذه الخطه فشلت مسبقا في امري والمناصير وفي كجبار وستفشل في الشريك ودال وغيرهم... ونقول فشلت في امري والمناصير لانه برغم الضجيج الهائل الذي تقوم به ادارة السد مايزال حتي اليوم اكثر من 80% من المتاثرين في مناطقهم الاصليه وفشلت ادارة السد رغم القتل والاعتقال والارهاب في اخراجهم من ارضهم...
|
|
 
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: ود الباوقة)
|
يا ود الباوقه
سلامات
شكرا لاضافة الصوره
| Quote: الصورة دي ما صورا خبير الماني ولا شيء دا صورناها نحن برنا .. |
هو بالله انت معاهم انا ما كنت فاهم كده.. .! برضه عرفنا حاجه!
طبعا بتكون صورتوها براكم لانها امكانات الشعب السوداني كلها عندكم... يا اخي ده انتو عندكم مطار قدر الدنيا... معقول تكون كمره ما عندكم...! نحن طبعا فقرانيين ومكسرين وكمره ما عندنا لكن ربنا بسلط لينا الخواجات البتجيبوهم وتدفعوا ليهم من مال الشعب السوداني... وويقوموا يصورا ويفضحوكم... نحن ولا قاعدين نتعب ... قاعدين ....هم براهم بصوروا ويجيبوا لينا الصحاري بتاعتكم ديه...!
لكن ما ما قلت لي ولا وريتنا انه الترعه ديه طولها وامتدادها في الصحراء كم كيلومير...!
وبرضه اشرح للناس ليه عايزين تغيروا للري بالدرب بعد ما اهدرتوا الاموال في حفر الترع!
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: Asskouri)
|
يا ود الباوقه
يا اخي انا ما قلت ليك ما عندنا كمره....
اها .. اكان عندك ترع قدر التحت ديه بنمشي معاك...! قال ترعه قال...!
يا اخي في زول بخلي النيل يمشي ليه لي ترعه...!
هسي عوم اولادنا في النيل ده مش ترعتك.... والله الدنيا كلها ما تساويه...! قال ترعه وبيوت في الصحراء..! بالله...! مبروكات عليك... نحن مبسوطين في الحجاره بتاعتنا ... انت المضايقك شنو...
بعدبن مدارس بتاعت شنو.. انتو لقيتونا اميين...! ياسيد نحن ولا فخر ... اعلي منطقه فيها نسبة تعليم اولاد وبنات... امش راجع سجلات الولايه..!
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: Asskouri)
|
يا ود الباوقه
انت عايز تشيلنا من الترعه الكبيره بتاعت ربنا تودينا لترعه صغيـــــــــــــره عاملها ادارة السد...ليه..!
لمان هي ترعه لترعه مش احسن لينا نقعد جم ترعة ربنا... اقلاها بتاعت ربنا طلمبتها ما قاعده تبوظ ولا عايزه ليها اسبيرات... لكن بتاعت السد هسي يمكن تكون طلمبتها باظت... ولا رايك شنو...!
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: Tragie Mustafa)
|
الاخ عسكورى
صباح الخير
لفت انتباهى عنوان البوست وبما ان اهتماماتى
دوما تلف حول الاقتصاد اود ان اكتب فى هذا الحيز
رؤيه شاهدتها بنفسى واحلف بالله اننى اقول كلمة حق
عن مشروع المكابراب.
اولا الصور التى انزلتها لا يختلف عليها اثنان وهى حال
المشروع الان وفى استفسار تقدمت به فى الولاية عن عدم
قيام المشروع وزراعته كانت الاجابه الماثله هى ان المستثمرين
من السودان او خارجه يواجهون مشاكل مع المواطنين وكلما نبتت
زرعه قاموا باستأصالها بدعوى الملكيه والافيد فى هذه الحالة
مراجعة السجلات وانهاء الاشكاليه لصالح الجميع .
ثانيا الصور التى انزلها الاخ ود الباوقه ايضا حقيقة لكل من
ركب خط الخرطوم عطبره وبالعكس لانه يمر فوق كبرى الترعه المتجه
شرقا لمشاريع اخرى ، ايضا لا تخزل الانسان عينه وهى تقع على لوحه
كتب عليها المكابراب ومن على البعد ترى نفس الصوره للمنازل الجديده
وترى السكان المتحركون والاطفال يلعبون .
هذا للحقيقه ودون مجامله لاحدكم .
السؤال متى يخضر المشروع لصالح الجميع؟
نلقاكم على خير
تحياتـــــــى
ســــــــــيد
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: سيد محمد احمد سيدنا)
|
الاخ سيد
سلامات
تقول
Quote: وفى استفسار تقدمت به فى الولاية عن عدم
قيام المشروع وزراعته كانت الاجابه الماثله هى ان المستثمرين
من السودان او خارجه يواجهون مشاكل مع المواطنين وكلما نبتت
زرعه قاموا باستأصالها بدعوى الملكيه والافيد فى هذه الحالة
مراجعة السجلات وانهاء الاشكاليه لصالح الجميع |
طبعا بالنسبه للمناصير مشروع المكابراب انتهي وفشل تماما... فواقع الحال يقول إنه من جملة 6 الف اسره كانت ادارة السد تزمع تهجيرهم الي المشروع ( شيدت ادارة السد 6000 منزل في الصحراء) لم تعثر إلا علي حوالي 150 اسره فقط ... وحتي هذه ال 150 اسره اغلبها جاء من مواطنيين يعيشون خارج منطقة المناصير... بالحساب كده يعني نسبة نجاح المشروع تساوي ( 150 مقسومه علي 6000 في 100 في ال 100) وستحصل علي 2.5% بمعني اخر ان المشروع فاشل بنسبة 97.5 %.... عشان كده الناس بشوفوا الدعايه المكثفه في التلفزيون... كلها محاوله مستميته لتغطية الفشل غير المسبوق....
اشكرك علي شهادتك وقولة الحق اعلاه... ونحن منذ البدايه اعلنها صراحة ان الاراضي التي يقام عليها هذا المشروع اراضي لها ملاك وفي هذه الحاله (الجعليين العمراب والشعديناب)... وان نزع الدوله لهذه الاراضي دون الوصول لتسويه مقبوله مع ملاك الاراضي من شانه ان يكون سبب لفتنه بين المجموعات المتعايشه بسلام... وقلنا ان ادارة السد وبهذه الطريقه قصدت الايقاع بين اهلنا وبين ملاك الارض من الجعليين العمراب وغيرهم... بل ذهبنا اكثر من ذلك وطالبنا ان يمنح ملاك الارض حواشات ومنازل في المشروع مثلهم ومثل من يرغب في الهجره للمشروع ... كل هذا دراء للفتنه... ولكن كما تعلم ان ادارة السد تعتقد ان بامكانها فعل كل شيء بالقوه... المحصله النهائيه لكل ذلك هي حدوث التوترات بالمنطقه والاحتكاكات بين المواطنيين والسلطات... ومن ثم فشل المشروع.. لان النزاع حول ملكية الاراضي فيه اصبح معروفا.. الان لا الدوله تستطيع صرف مزيد من الاموال فيه ولا القطاع الخاص يمكن ان يغامر بالاستثمار في منطقه بها اشكال حول ملكية الارض...
ومره اخري اشكرك لقول الحقيقه التي يحاولون طمسها...
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: Asskouri)
|
يا سيد
مثلا عاين للصوره بتاعت المدرسه ديه.. فيها 12 طالبه فقط... يعني تفتكر لو الفصل ده مليان والمحله فيها طلبه ناس السد ماكان صوروها... لك ان تتذكر انه ناس السد ديل ناس ( الهاهم التكاثر).... في الحاله بتاعت الصوره ديه .. اما ان يكون المصور بتاعهم زول جاهل وطيره ساكت.. او ما في طلبه في الفصل اكثر من ال 12 الصورهم ديل... وغالبا ديه بكون العدد الكلي... واعتقد انه بكون الزول البصور قام نظم الكنب والادارج في صف واحد عشان الصوره تعطي انطباع مغاير للحاصل... ( يعني الشخص الي يشاهد الصوره يفتكر انه في صف تاني فيه 12 من الطلبه)... لكن واقع الممارسه مع ادارة السد بيقول انه ده العدد الكلي للفصل ( 12 طالب) فقط يعني مدرسه ومدرسين وقيامه قايمه واهدار موارد عشان 12 طالب... في اهدار للموارد اكتر من كده... في بلد يقول مسؤولوا التربيه والتعليم ان نسبة الاستيعاب في تدني... ( لا اذكر الرقم بالضبط) ولكن اعتقد انني قراءت رقما مخيفا عن تدني الاستيعاب بين الاطفال..
رغم شح الموارد الذي تعاني منه الدوله تفتح ادارة السد مدرسه ل 12 تلميذ فقط... ولا احد يسال....!
برضه يمكنك ان تلاحظ نوعية الخشب المصنوعه منه الادارج.... ولا حظ بؤس تصمصم الادارج نفسها... وشبابيك الحديد والصاج... وما بخجلوا ناشرنها للعالم علي اساس انها حاجه كويسه... يعني كل يوم في كم طفل راجع بيتهم بي ( سريحه) في يده...
حتي الاساسيات ما بلتزموا بيها...
الغريبه هم فرحانيين باهدار الموارد بهذه الصوره .. طبعا في دوله لا تسال عن فيماذا اهدرت اموال الناس وفيماذا صرفت....!
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: Asskouri)
|
في صورة البيوت ديه لا حظ الجبل في نهاية الصوره... دليل اخر علي انه البيوت مشيده في صحراء قاحله..
ايضا لالاحظ السقوف من الزنك في منطقة متوسط درجة الحراره فيها حوالي 40 درجه مئؤيه... ولاحظ انعدام اي نوع من الظل ما عدا الغرف المسقوفه بالزنك... يعني المساكين ديل بالنهار ينسخلوا تحت حر الزنك لانه ما في ضل تاني ممكن يقيلوا فيه...
الحاجه التالته هنا انكشفت في موسم الخريف الماضي عندما هدم السيل اكثر من خمسمائة منزل من هذه المنازل... و عندما تسال الناس اتضح انه هذه البيوت مبنيه علي اساس جدار ( نص طوبه) وبعد ده مقشوره من الداخل... يعني اوهي من بيوت العنكبوت...
لا حظ ايضا لابواب الحديد البائسه ولاحظ بؤس التشطيب ( الحفير لتثبيت والشبابيك والابواب ظاهر) مما يعني انه الشغل كشي مشي ساكت... لا في مراجعه ولا في شخص مسؤول من الاستلام... والشركات شغاله علي كيفها...
طبعا ما جاب لينا صوره عن قرب لهذه المنازل عشان الواحد يقدر يعرفها كويس...
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: ود الباوقة)
|
Quote: وسقاهم ربهم شرابا طهورا .. صدق الله العظيم ..
|
شوف يا ود الباوقة انت قايل اهلنا ديل عطشانيين لادارة السد
يااخى اما كان من الاولى بدلا من اهدار هذه الاموال فى صحراء التيه
هذه ان توجه الى من يستحقها فى قرى وارياف السودان الاخرى وادارة
سدكم تعرف ان المناصير لم يبرحوا مكانهم لا بالسلم ولا بالحرب .
يا ود الباوقة مشروع المكابراب احد اهم العلامات لفساد الدولة
السودانية فى عهد المشروع الحضارى ( الانقاذ ) فبدلا من ان تقوم ادارة السد
باستشارة المتاثرين حول المناطق التى يرغبون الذهاب اليها ضمن عملية التوطين
المراد القيام بها نجدها قامت باختيار منطقة المكابراب دون رغبة الاهالى
المتاثرين ودون ان تأخذ فى الاعتبار ان هذه الاراضى ملك لمواطنيين اخرين
وهى تعلم ذلك ولمن لانها تضمر غرضا بئيسا تسعى من خلاله احداث فتنة بين اصحاب
الارض الاصليين وبين من استخدمتهم واستغلتهم فى التسويق لمشروعها الفاشل
لكن يقظة اهلنا جعلتهم يتمسكون بارضهم المطلة على النيل على امتداد 176كيلو متر
فى الضفتين الشرقية والغربية .
اخر ما قامت به ادارة السد عبر (واحد منةالباوقة) اسمه محمد الخليفة عثمان
من التكاوين هو استجلاب مزارعين لمشروع المكابراب من الباوقة .
اذا داير الاسماء انا موجود .
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: أبو الحسين)
|
يا ود الباوقه
خلاص خليت الترعه والمكابراب ومشيت لمشروعات تانيه.... ديه طريقتك..
انت جايب ليك كم صوره بتاعت قمح... الناس ديل كانوا بنتجوا قرض... ماكانوا بنتجوا احسن من كده في محلاتهم الاصليه......
وبعدين صورك ديه واضح انها من محله واحده... من فوق الجدول.... بنجيب ليك كلام ناس امري عن المشروع ده...
القمح معرو انه بينتج في اربعه شهور.. في المكابراب ادارة السد قالت انهم زرعوا متاخرين في نصف نوفمبر.. متين قمحك ده شال سنابل وحصدوه وجابوا الحصادات.... يا اخي القمح الانزع في اكتوبر لسه ما حصدوه... معقول القمح بقي يحصدوه في شهرين ونص ... عشنا وشفنا...
انت عايز تضلل منو....
ابو الحسين
| Quote: الصلاة علي النبي وعيني باردي |
الله يقبل صلاتك
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: Asskouri)
|
اها يا ود الباوقه
نوريك الخضره المابتعرفه..
كده شوف الخدار والمويه دي ... جايب ليك صحراء كتاحتها قايمه
وهاك النيل ده
وهاك الخضره البارده دي
شوف البيوت علي صفة النيل وهواء البحر البارد.. الماء الطهور اهو ده... مش من بئرك المره
شوف الزراعه ديه من درجة رويانه لمن سوداء... مش قمحك العطشان نصه اسد فارغ ساكت
وهاك دي كمان عشان تعرف العز... النيل جدعة حجر من البيوت مش الكتاحه ببتاعتك
والشلاله وطيرة البقر هدية ليك عشان ما تزعل
ربنا يسالك ... الصور دي ما صلحت نفسياتك... ياايخ صحراء بتاعت شنو وقمح بتاع مين... في اجمل من النيل... جايب ليك جدول معفن كله مويه راكده عايزه تقارنه بالنيل.... ياراجل استحي...
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: خليل عيسى خليل)
|
يا خليل
سلامات
كلام عين الحقيقه..
تقول
| Quote: ما الذى يمنع وانتم ابناء المنطقه ان تقوموا بعمل شريط فيديو او تكلفوا جهات محايده بالقيام بتصوير المشروعين |
وين ده ياراجل...! مشروعاتهم ديه والله تدخل القصر الجمهوري ولا تدخلها...... ما نعيين الصحفيين تماما انهم يكتبوا عنها... إلا صحفي تابع ليهم... فيما عدا ذلك ممنوع....!
واحد صحفي بريطاني من الفاينانشيال تايمز سافر من القاهره للسودان وطلب منهم زيارة المشروعات... لطعوه ليك عشر يوم في الفندق.. الليله وبكره .. الليله وبكره .. وفي النهايه قالوا ليه ما في طريقه يزور السد او المشروعات... لمان كتب موضوعه وانه ادارة السد منعته يزور المشروعات قالوا الصحافه الغربيه تهاجمنا.. دي طريقتهم...
لمان عملوا افتتاح الكبري قبل اسبوعين... جابوا ناس السد ومعاهم بعض الناس ( بتاعينهم) يتكلموا عن مشروعات اعادة التوطين... ولم يتيحوا الفرصه لاي من قيادات المتاثرينن للتحدث....
افتكر انك متابع وعارف الحاصل شنو......
المزارعين في مشروع امري اغلبهم فات وشغالين عمال اجره مع ناس الدبه.... فشل اصله ما بعده فشل....
هم براهم معترفين انه المشروعات ديه دفنتهاا لرمله واصبح علي المزارعين تنظيف الرمال من ( الحواشات)....
وزي ما عارف انه ناس السد ديل والله لو عندهم حاجه كويسه يجيبوا ليها الناس من استراليا... لكن لانه في فشل تام.... اهو بستغلوا زي ناس ود الباوقه ده للدعايه الفارغه....
هم لو فعلا عملوا مشروعات ناجحه وبفتخروا بيها اليفتحوها للصحافه كلها ( الصحفيين بمختلف مشاربهم) والله اذا طلع كلامنا البنقول فيه غلط.. والله ابوس راسهم قدام السودان كله...
اليقبلوا بس يفتحوا المشروعات ديه للصحافه كلها مش للصحفيين بتاعنهم...
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: ود الباوقة)
|
يا ود الباوقه
تقول
| Quote: عسكروي .. الموضوع حتى الان يدور حول مشروع المكابراب والصور دي كلها تحكي عنه وعـــــن الانجاز العظيم ال>ي تم فيه |
يا خوي كلامك ده راجعه... قبل ما نقولك كلمه كده ولا كده تقوم تزعل.... اضرب تلفون لاصحابك واتاكد وبعدين تعال راجع لي.... ابدا انا ما حريص علي ..... قدام الناس... واضح جدا انك ما متابع وناطي في الموضوع ساكت.... اخسر لك كم ريال اتاكد وارجع لي...
اها كان اصريت علي كلامك بكون عندنا كلام تاني... فقط اتاكد مما تنشر.... هم ما نوروك كويس ليه...!
برضه اقراء كلام صاحبك نصر الدين اللفوق ده... وقول بسم الله...
تقول
| Quote: اما بالنسبة لصور الخبير الالماني على حسب قولك خليهو صورو دي يبلها ويشرب مويتها |
اولا انا ما قلت ابدا يبلها ويشرب مويتها مطلقاا....
بعدين إنتوا الزول ما اجرتوه ودفعتوا ليه فلوس بالدولار.... انا لا اجرته لا بعرفه لا عندي بيه علاقه.. ده زولكم وانتو البتعرفوه وتدفعوا ليه وكذا.... عشان تعرف انكم بتاجروا ناس وتدفعوا ليهم قروش وبعدين تقولوا ليهم شغلكم ده اشربوا مويته... طيب مؤجرنهم ودافعين ليهم قروش لي شنو يعني... هسي ده منطق....
| |
|
|
|
|
|
|
|
|
|
Re: صـــور .. ما يسمي بمشروع المكابراب الزراعي...! (Re: Asskouri)
|
يا ود الباوقـــه
سلام
انتظرناك يومين رفضت تصحح ما قلته... وهو:
| Quote: عسكروي .. الموضوع حتى الان يدور حول مشروع المكابراب والصور دي كلها تحكي عنه وعـــــن الانجاز العظيم ال>ي تم فيه . |
طيب النفضح ( كضبك) لناس المنبر...
اولا: يقول مدير المشروع ان هذا المسوم الشتوي هو اول موسم بمشروع المكابراب :
راجع كلمة ( الموسم الاول في الخبر ده من صحيفة الاحداث) وضعنا تحتها خط...
Quote: مشروع المكابراب لـ"الاحداث" :تجاوزنا المساحات المخططة للموسم الشتوي وزرعنا (3200) فدان قمح
حوار:القسم الاقتصادي
فى مساحة (6) آلاف فدان يمتد مشروع المكابراب الزراعي جنوب الدامر بولاية نهر النيل، حيث انشأته وحدة تنفيذ السدود خصيصاً لتوطين المتأثرين من قيام سد مروي
، ومع بداية وصول المتأثرين منذ مطلع اكتوبر الماضي دخل المشروع موسمه الإنتاجي لاول مرة بالعروة الشتوية الحالية.. "الاحداث" جلست الى مدير مشروع المكابراب المهندس عوض العبيد ليوضح لنا بعض المفيد حول المشروع.
* كم تبلغ مساحة المزروع ضمن الموسم الشتوي؟
ــ المساحة المقترحة والمخطط لها اولاً كانت فى حدود (2500) فدان الآن جدية المزارعين وجهود وحدة السدود في توفير سبل الاستقرار السريع وتوفير المدخلات الزراعة وتحضير الاراضي مكنت من زيادة المساحة المزروعة الى (700) فدان اضافية فوق المخطط ليصل اجمالي المساحة المزروعة الى (3200) فدان متجاوزاً كل التقديرات، وكان يفترض ان تقوم ادارة المشروع بزراعة (6) آلاف فدان.. ولكن المساحة تقلصت الى (2700) فدان لظروف ضيق الوقت وظروف أخرى متعلقة بالعمالة.
* هل تم إلحاق كل المتأثرين الذين وصلوا بالموسم الاول علماً بأن عمليات التوطين قد بدأت على مقربة من بداية الموسم؟
ــ بالفعل تم إلحاق جميع المتأثرين الذين وصلوا المكابراب بالموسم الشتوي الاول بالمشروع
http://www.alahdathonline.com/Ar/ViewContent/tabid/76/C...ID/6178/Default.aspx
. |
طيب اذا كان الموسم الاول بداء حسب صحيفة اللصحافه ( ادناه) في نهاية اكتوبر الماضي ( يعني ليه تلاته شهور).. كيف يكون القمح حصدوه بالحصادات واتعرف انه الانتاج وفير... القمح البنتج في تلاته شهور ده لسه ما سمعنا بيه...
بس اعترف للناس هنا انك كذبت لمان وضعت صور ما عندها علاقه بالمشروع وقصدت تظلل بيها الناس...
ده الخبر من الصحافه... عاين لتاريخ الخبر
Quote: زراعة 10 آلاف فدان قمحاً بمشروع المكابراب
الصحافه 31 اكتوبر 2007
الخرطوم : الصحافة
اعلنت ادارة مشروع المكابراب الزراعى، عن انطلاقة العروة الشتوية باستهداف زراعة 10 آلاف فدان من محصول القمح.
واكد المهندس عوض العبيد، مدير المشروع، الاستعداد الكامل للموسم بتوفير الرى والتقاوى والاسمدة وكافة الحزم التقنية بالتنسيق مع محطة اكثارالبذوروالشركة العربية للبذور، وبشر الدكتور احمد محمد صادق الكارورى، مفوض الشؤون الاجتماعية والبيئية بوحدة تنفيذ السدود خلال الزيارة التفقدية للمشروع، بجودة التربة التى تبلغ 96 % من الدرجة الثانية الصالحة للزراعة ،موضحاً ان مساحة المشروع تبلغ حوالى 60 الف فدان كأكبر مشروع زراعى فى ولايتى نهر النيل والشمالية . |
ما عندنا معاك مشكله بس اعترف انه الصور بتاعتك دي قصدت تضلل بيها الناس...!
لو كان صلحتك خطأك ما كنا وصلنا معاك لكده.. لكنك اصريت علي الخطاء... برغم اننا نبهناك ليه..
| |
|
|
|
|
|
|
| |
Asskouri
Tragie Mustafa
سيد محمد احمد سيدنا
عبد الواحد أبراهيم
أبو الحسين
Nasir Ahmed Elmustafa
محمد الامين احمد
فيس بوك
تويتر
انستقرام
يوتيوب
بنتيريست