|
|
 ألف مبروك ياسيكو
|
أخي العزيز د. ياسين
بفرح غامر يسرني أن أتقدم لك بأحر التهاني
بمناسبة ترقيتك إلى أستاذ مساعد ، وهي ترقية صادفت أهلها
مزيدا من التقدم وعقبال الأستاذية وأستاذية الكرسي
|
|
 
|
|
|
|
|
|
|
 Re: ألف مبروك ياسيكو (Re: ديامي)
|
| Quote: بمناسبة ترقيتك إلى أستاذ مساعد |
مبروووك مبروووك أخي ياسين وليك نتمنى الفلاح كل السنين ودايم دايم متين !!
شفت الكلام ده موزون كيف بس عشان فرحنا بأخبارك يا فرده
تحياتي خالصة لأم العيال ومزيد من الإنتصارات .
صلاح واسبه
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
مبرووووووووووووووووووووووك ياسين
وأنت بحق تشرف أي منصب وتستحقه بكل جداره واقتدار
الف مبروك ومزيدا" من الترقي والتقدم
تحياتي
| |
|
|
|
|
|
|
|
|
|
Re: ألف مبروك ياسيكو (Re: ملكة سبأ)
|
الأخ الصديق الدكتور ياسين
ألف ... ألف مبروك، فأنت أهل لذلك ... عل الترقية تعود عليك بالخير والبركات ... إن كان المسافة مو بعيدي كان نحضر معاكم في كلفورنيا... إن شاء الله الجايت أكثر من الرايحات ... تحياتي للأسرة ... أقبلو منا هذه الرطبات إلى نحضر لتقديم الموجب
أبوشوك
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
Quote: التهنئة القلبية الحارة:
بمناسبة ترقيتك إلى أستاذ مساعد ، وهي ترقية صادفت أهلها
مزيدا من التقدم وعقبال الأستاذية وأستاذية الكرسي |
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
زينوبة كل ما افتح كتاب
القاك في اول سطر
القى الجداول والصحاب
القى الجناين والتمر
في الحصة عقلى انا قام سدر
يمه المدرس لو فكركان يلقى قاعد فوق ككر
في الدونكا لسع ما فطر
يسمع كليمة يا عشاى
واغلى الحكم عند الضجر
انا قلبي كلو على جناي
وقلب جنايا على حجر
والله مش لو كان نهر
لو كالني بسيطان بقر
ما دام عقيل الجن سدر
ما اظنو من عندك حضر
بذاتو ابوى تلقاهو قا
فاتح كتابو مع الفجر
يقرأ ويرتل في كل
ما بفهمو الناس الكفر
زينوبة كر من حالى كر
قاعد لى فوق كيمان جمر
غربة وكمان حالاً فقر
عذبني قبل اصل القبر
الشوق متل شوك الكتر
طعن الجسم لمن خدر
والله لو ما بنقبل
ما كان بفارقك بي شبر
زينوبة دنيا الاغتراب
خلتني زي ورق الشدر
انحت من عدم الشراب
عم الاراضى وانتشر
الغربة اصلوا طعيمة مر
لكني بعقد بالجبر
لمن سنين الهم تمر
يا ربي الهمني الصبر
ألف مبروك . وتستاهل كل خير
تحايانا وتهانينا للجميع
| |
|
|
|
|
|
|
|
|
|
Re: ألف مبروك ياسيكو (Re: ماجدة عوض خوجلى)
|
الاخ العزيز ديامى... خالص التحايا والود لك.... الف مليون مبروك للحبوب اخو الاخوان.. الصديق دكتور يسن على هذا النجاح الذى شرفنا به.... حيث نال درجة استاذ مشارك... لزم التنويه ....
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
د. ياسيكو ود. يس وكل الدكترة ليك
ألف مبروك الترقية وأنت أهل لها وزيادة
شرفتنا وعليت راسنا وغرقت ساسنا
الشرف لينا ولي أهلنا الفوق والتحت
الفي الصعيد والفي السافل
شرفت عيال شايق قبل عيال سودان
وعاد الكاروشه ما مسكت ناسا!!!!
ناس نيو سجم الخرابي داك القاعد يقولوه
وعقبال المزيد من الترقي والرقي ده ما أصله زاتك
إلى الأمام يا خير سفير للوطن في الغربة
الشايقي
| |
|
|
|
|
|
|
|
|
|
Re: ألف مبروك ياسيكو (Re: Al-Shaygi)
|
ألف مبروك للصديق د. يس الترقية ومزيدا من التقدم والنجاح
وعقبالك يا ديامي
كسرة:
انت قاطع كهرباء واتصال ليك مدة... عل الداعي خير
تحياتي لك وللعيال وامهم
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
أخي وتؤام حياتي ديامي
لك الود والشكر ونبارك ليك التقدم وكل كل شيء جميل
وكما تعلم أن أحاسيسي بالأشياء عادة تأتي متأخرة ، فلم أشعر بهذه
الدرجة إلا بعد أن رأيتها في أوجه الأصحاب وأصوات البعدين منهم وها
أنت تنشرها على الملأ دون أن أحيطك بها علماً فتدخلني في دائرة ملامة الشاعر
السر عثمان الطيب عندما قال " وا لومي العتاب جابوهو كيفن اسوي كيف الشورى"
لك شكري وتقديري وبيني وبينك سلك
الأحباب والحبيبات
واسبا
ترهاقا
على محمد على
أبو عثمان
عمر الفاروق
ملكة سبا
أحمد أبو شوك
إنعام عبد الحفيظ
جعفر اسماعيل
سلمى الشيخ
إنعام حيمورة
كمال عباس
ود العجمي
العوض
سلمي صباحي
القرضابي
أحمد عبد الله
الجندرية
خالد على
محمد عبد الماجد
ماجدة خوجلي
سيف جبريل " لك الشكر على تصحيح المعلومة وهذا يدخلني في دائرة لوم أخرى
حيث ان الزمن سرقني فلم أخطر صديقي ديامي ، فله العتبى حتى يرضى"
عدوتي الودودة / تراجي
عبد المنعم الرزوقي
منصور المفتاح
الشايقي
عماد خليفة
رجاء
لقد كانت تهانيكم بمثابة المنبه لمن أسكره الزمان من فرط
تعب الغربة وداومتها ، فوجد الآخرين فرحين وهو غارق في الا شعور ، كم
أحبكم جميعاً وأسال الله أن يوفقكم جميعاً ويحقق أحلاكم " ويوريني فيكم
يوماً أقالدكم مهنئاً لكم بكل جميل"
لكم كل احترامي وتقديري
اسمحوا لي أن أهديكم هذه المقاطع لعلها تعبر عما عجز عنه لساني
| |
|
|
|
|
|
|
|
|
|
Re: ألف مبروك ياسيكو (Re: yasiko)
|
ألف ألف مبروك يابروف يسن، وفرحنا ليك والله بقدر حبك
للسودان والسودانيين، ومزيداً من النجاحات والتقدم،
ورفعة إسم السودان فى الخارج.
وتنويه للجميع: درجة مساعد أستاذ فى الولايات المتحدة
الأمريكية شيء ماساهل، وتعادل درجة البورفيسور كاملة
فى بقية الدول الأخرى، وألف مبروك الأستاذية يا يس، وأشكرك
على الأغنية الحنينة لصديق أحمد.
| |
|
|
|
|
|
|
|
|
|
Re: ألف مبروك ياسيكو (Re: النذير حجازي)
|
حاجي د. ياسيكو ( على الطريقة الماليزية )
يا حبيب نحنا كايسين اخبارك و متبعين خطواتك
( متبعين خطواتك دي عندها قصة بحكيها لينا كابتن كبلو
حكى انهم كانوا في بارا في ميز المدرسين وكان مغلبهم شحاد
يجيهم في اليوم اكثر من عشرين مرة ، قام أستاذ في مدرسة البنات زهج ليك منو
وطردو من الميز ، الشحاد قال ليهو طيب انا بمشي ، لكن انت قايل
نحنا ما متبعين خطواتك وعارفينك بتمشي مدرسة البنات ؟؟ اصبر لي لي بس
ألف مبروك ، منعني من الاتصال ، جهجه فرق الزمن بينا وبينكم
وأنا عارفك ما بتفرط في ساعات نومك وبتعطل كل خطوط الهاتف المؤدية إليك
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
الاخ يس لك السلام والي ديامي التحية
انت اهل لذلك وفقك الله في مشوار الحياة اليوماتي
وتبريكات من هنا لعندك ومعاها سبايط بلح من مساوي او الكنيسة او القرير
لك والي الجميع السلام ومن نجاح الي اخر
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
آلااااااااااااف مبروك صديقي الجميل د. ياسين هذه الدرجة العلمية التي تستحقها وبجدارة كمان...
تهانينا القلبية لك ولبت الفُقَراء ولكل الأهل والأحباب منننننن "أمريكا بوش" ليييي "أراك ود شيخنا"...
وأهديك إنقاية ورود إحتفالية...
مع قواسيب مودتي...
أبو الحُسين...
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
الأخوان والأخوات الأعزاء الأحباب
واسبا
ترهاقا
على محمد على
أبو عثمان
عمر الفاروق
ملكة سبا
أحمد أبو شوك
إنعام عبد الحفيظ
جعفر اسماعيل
سلمى الشيخ
إنعام حيمورة
كمال عباس
ود العجمي
العوض
سلمي صباحي
القرضابي
أحمد عبد الله
الجندرية
خالد على
محمد عبد الماجد
ماجدة خوجلي
سيف جبريل
تراجي
عبد المنعم الرزوقي
منصور المفتاح
الشايقي
عماد خليفة
رجاء
النذير حجازي
صبري الشريف
محمد خير
ياسر الشريف
عمر عبد الله
منى خوجلي
أبو الحسين
معتصم دفع الله
نبارك لكم كل مفرح
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
الأساتذة الكرام والأستاذات الكريمات
النذير حجازي
صبري الشريف
محمد خير
د. ياسر الشريف
عمر عبد الله
منى خوجلي
أبو الحسين
معتصم دفع الله
د. عبد الله جعفر
مامان
لكم القومة ونبارك لكم كل ما تصبون إليه من اشياء وآمال جميلة
أهديكم وردة من ورود أبي الحسين
| |
|
|
|
|
|
|
|
|
|
Re: ألف مبروك ياسيكو (Re: ABU QUSAI)
|
Quote: وتنويه للجميع: درجة مساعد أستاذ فى الولايات المتحدة
الأمريكية شيء ماساهل، وتعادل درجة البورفيسور كاملة
فى بقية الدول الأخرى، وألف مبروك الأستاذية يا يس، |
يسدها ويفضل
ألف مبروك الصديق الغالي بروفسور يسن
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
صديقي الجميل د. ياسين...
أنقل لك تهاني الإخوة هنا بالمملكة محمد العباس والأُسرة والحُسين العباس وأسرته...
فهي أمانة حملونيها لأبعثها لك من أرض الحرمين مع صادق دعواتهم لك بالتوفيق والصلاح في مستقبل حياتك...
لك ولهم قواسيب مودتي...
أبو الحُسين...
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
الأساتذة والأستاذات
أبو ساندرا
أبو قصي
موسى الحسين
ود محجوب
أبو الحسين (تحياتي لآل العباس لقد كاتبني محمد العباس)
دوما
مجاهد عبد الرحمن
لك عميق شكري وتقديري وأسال الله أن أستطيع من رد الجميل في أفراحكم
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
السلام عليكم
يس ولدنا
ولِيد مخلوق للقرايي *** خزين مدخور للجِسام
ياك خزينا
وياك دخرينا
.........
يقول مامان ....
Quote: أنا مابوصفك آ صباحي بخاف من العين
وإنت من عين الخلوق مودعاك جبرين |
ويكملها الزوول....
انت بالعافي التخصك في المصارين
تبقالك هدم يا يابا سروال ونعلين
...........
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: ألف مبروك ياسيكو (Re: ديامي)
|
أستاذي أسامة الخواض
لك الشكر والعاقبة عندك بإذن الله
الأستاذ الزول
لك شكري وعظيم تقديري
Quote: انت بالعافي التخصك في المصارين
تبقالك هدم يا يابا سروال ونعلين |
ولك مما قلت أضعافاً مضاعة
شكري بلا حدود
| |
|
|
|
|
|
|
| |
Salah Waspa
ترهاقا
على محمد على بشير
ابو عثمان
عمر الفاروق
ملكة سبأ
انعام عبد الحفيظ
Gaafar Ismail
سلمى الشيخ سلامة
انعام حيمورة
kamalabas
ود العجمى
Elawad
salma subhi
ALGARADABI
Ahmed Abdallah
الجندرية
خالد علي محجوب المنسي
محمد عبد الماجد الصايم
ماجدة عوض خوجلى
Saifeldin Gibreel
Tragie Mustafa
عبدالمنعم الرزوقي
munswor almophtah
Al-Shaygi
Imad Khalifa
Raja
yasiko
النذير حجازي
Yasir Elsharif
Omer Abdalla
Muna Khugali
أبو الحسين
معتصم دفع الله
maman
أبو ساندرا
ABU QUSAI
ود محجوب
doma
مجاهد عبد الرحمن
osama elkhawad
الزوول
فيس بوك
تويتر
انستقرام
يوتيوب
بنتيريست