|
|
 أنطوانيت.... الجزء الثاني و الأخير..
|
الوقت كان بين الرمادي المائل للسواد والزرقه التي تشع من أعين الماره فتكسب المكان كله لوناً يشبه كتب الأساطير.
تمددت أنطوانيت علي مقعدها .. ثم بدأت تداعب جيتارها بهدوء ودون مراعاه للوجود كأنما تكوّنت وحده هنا ..
وجهها يشع منه حزناً غريباً ولكنه يدلل علي إمتنان جميل أكسبها ملامح قطه تداعب صاحبتها وتصدر أصواتاً
غنجه!.
صوت جيتارها جعل المقهي هادئاً .. وجذب الماره وباعة الأزهار وعابرى السبيل والعمال الذين قضوا دوامهم وأنا كنت مسمّراً في مقعدي يغشاني أنينأً يتفتق من كل أطراف جسدي ويتجول في كل أرجاء المقهي.. ولا يعود لي توازني إلاّ عند إشعال سيجاره بأخري!!!
أطفأت أنطوانيت سبعة عشر سيجاره، قضتْ علي عشره أكواب من القهوه، عزفت ست مقطوعات موسيقيه،
وضاعفت بحضورها دخل المقهي سبع مرّات! وخفت ضجيج الشارع إلي الأبد.
وضعت الجيتار بين قدميها وعَدلت من وضع قبَعتها ونهضت واقفه،. وبلغة سريعه مهشمه بفعل التبغ والقهوه
قررت أن تغادر المكان. فتبعتها الأنظار حافيةً كطفل مبلل بماء البراءه والإشتهاء !!
وتبعتها أنا متسائلاَ: أين نذهب؟؟ قالت بدعًه إلي أي مكان تسوقني إليه قدماي فأنا الأن خفيفه كأنني إرتديت من علي شاطئ البحر حوريةً عاريه .. لا أعرف كيف قلت لك ما قلت..!
مشينا علي ضفاف نهر التيمس.. وكانت أشعة الشمس الذهبيه تكسب جسدها نزقاً يتتدفق إلي أعلي فيتطاول جسدها منسكباً علي النهر تمثالاً من القهوه الأنيقه فتعيد للنهر ذاكرته القديمه وللأزهار أوان قطفها. ويخر كلَ من راّها ساجدا...
جلسنا علي مقعد واحد، بقصد، وأنظارنا نحو النهر ..
نزعنا عنه قبعة الوقار..
ساعدنا النهر في مده وقليل من جزره..
تبارك بنا الطوفان..
ونمت من تحتنا أعشاب طريه..
ثم خلفنا طيناً ورماد ماء!!
وبعد زمن أظنه تمدد لأكثر من نصف يوم .. كحلنا أعيننا بغمام الوداع علي أن نلتقي في الصباح..
وتواصل ما تبقي من قصتها.. ويا لها من قصه.!
إعتليت القطار في صمت غير أبه بما حملي ومن حولي .. كنت أرتعد بفعل حمةّّ ما..
كحصان خرج من فجاج معركه مهتك القوى والجسد..
كان يغطيني عرقاً لزجاً فيكسبني إحساساً طحلبياً. لم أستطيع أن أنام في تلك الليله
حتي الصباح متهيباً ما سيحدث وما سيحمله لي اليوم التالي من أحداث..!
|
|
 
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
إلتقينا في الصباح الباكر .. أعيني متورمه من لا نوم البارحه..
وبعد قبله علي الخد سريعه .. سيجارتين.. كوبين من القهوه ..صمت متمدد عبر حجارة الطريق والماره ..
تدافع الدم الحار .. وخطوات سريعه نقلتنا إلي( أولا ) الاسباني.. وبدانا في الكلام .. الذي تجزّأ بصوت صاحب المقهي مرحباً بنا ومعلناً لنا أن القهوه مجاناً ثمناً للخدمه التي قدمتها انطوانيت اليوم السابق..!
بدات تحكي بكلمات متقطعه كنبي ّ ضاعت منه النبوءه فأصبح مشدوداً بين السماء والأرض المزدحمه بالشياطين!.
لم تعود إليها كلمات نبؤتها إلا عندما فاجأتها بسؤالي: ماذا حدث بعد موت كارلو؟؟
تنحنحت قليلاً كخيط لبن مجدول علي ثدي مكتمل بموسم الشهوه ومهرجان الغذاء..
قالت:
قضيت ثلاث أشهر في روما ثم في إحدي الصباحات جمعت حاجياتي ورائحة كارلو في حقيبه، وحملت إبني إسبريسو .. بعد أيام من السفر وجدتُ نفسي أتجول في شوارع برشلونه الأسبانيه..
عملت في بداية أيامي طاهيه في إحدي المنازل،أغني في المساء في المراقص الليليه، أجلس في أيام الأحد موديلاً
لبعض الرسامين الفقراء مقابل قليل من المال والتبغ.. وكثير من الغزل الذي لا يسفر إلا عن نوم متقلّب
ومزاج مزعج كالطفح الجلدي..
أنام في الليالي تحت تمثال السيده العذراء في إحدي الكنائس،، وكثيراً ما كنت أغفو قبل أن أردد صلوات
ما قبل النوم (قد تغمرني برحمتها!).. علي كلّ لم تغمرني برحمتها رغم حبي الشديد لها ..
أو ربما أنني كنت أكثر فجوراً لتغفر لي !
لم أهتم كثيراً فأنا وُلدتُ هكذا.. نشيداً من الماء.. لا يهم ......أنا من يغفر لنفسه مستطعت...!
شقّني تعبيرها الأخير هذا كسيف برق أطاح بنفسي المنتصب كعود ذره.. غيّب ضوء الشمس من وجهي
أرجعتني لعوامل تكويني الأولي.. لم أتماسك إلا عندما سحبت نفسا بطول عام من الدهشه ورشفت كلما
تبقي من قهوتي.. وهرولت نحو الحمام منقذاً مثانتي التي نفد صبرها ..
عندما عدت الي مقعدي شعرت أن أعين صاحب المقهي ملتصقه بي .. وفيها ضحكه صامته.. قلت في سري ملعونه أنتي يا أنطوانيت... لك من الجنون ما يجعل نصف العالم مخبولاً والنصف الأخر راكعاً أمام تمثال المسيح طالباً للمغفره إن وُجدتْ.!!
لم نتتبه كثيراً لما حدث لي من إنفجار... وواصلت..قائله:
أثناء تواجدي ببرشلونه .. كبر إسبريسو.. وأصبح قادراً علي المشي والتجوال وبدأت عليه علامات قبيلتنا الأفريقيه..فقد كان يتجول في الحي منذ الصباح.. مٌحدثاً ضجيجاً وفرحاً يتبعه في كل مكان وكان يجيد الغناء.. فأحبه كل من رأه.
اما أنا فقد تعُرفت علي رسام أخر إسمه بيدرو ملامحه مذعوره كمن رأي شبحاً.. وفي حالة حراك دائم كأنما به مس من الجن.
فاجأني بيدرو اللعين يوماً وأنا نائمه في فناء الكنيسه ومغطاه بظل العذراء..
ففتحت له سجلات الماء المبهوربميعاد الدم المتفجر أعشاباً .. فشقّ في سهولي الظمئه جداول زرعه الأول
ليمتلئ مني الثدي المسجيّ ماءً رقراقاً
وترتعش في جسدي حمي السجال وطبول الأعراس الخضراء..
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
بعد تسع أشهر وثلاث أيام .. فاجأني المخاض وأنا شبه نائمه تحت تمثال العذراء فلم أستطيع ..
إلا أن ألد!! وحدي اتيت بإبنتي (ماريا) .. ولكن الألم لم يخف وبطني مازالت متكوره...
وكان صراخي يصلصل في أرجاء الكنيسه.. حتي إرتجفت الأجراس وصحي من نومه من صحي..
وتجمعت حولي كل مخلوقات الشوارع، والمشرديدن الذين أعرفهم.. ولا أعرفهم..
قساوسه وقسيسات.. عمال الليل..فئران.. قطط.. حشرات صغيره.. هوام الارض..
كلهم إلتفوا حولي كأنني مدينه لهم بشئّ من أنفاسي الذابله..
كان الوجع يسّطر خطوطه القاسيه، و يرجّع أظافره الحادّه عليّ فلا أستطيع التنفس..
أو الحديث إلاّ بكلماتًّ مبهمات كأنما بي مس من الجن!!
ثمّ أُغمي علي.. بقيت هكذا لزمن تقارب الأسبوع لا أعي شيئا!!.
عندما أفقت من نومي ذلك.. أوغيبوبتي تلك.. وجدتٌ طفلاً اّخراً ينام بجانبي؟ طفل بلون غامق يقترب من لون الأرض .. قضت الممرضه يوماً كاملاً في إقناعي بأنه طفلي.
وريداً رويداً بدأت أفهم انني و أثناء غيبوبتي قد ولدت توأماً لإبنتي ..... ذكراً.. لم أصدق في البدء حتي إجتمع حولي كل قساوسه الكنيسه.. ونثروا عليّ شيئاً من الماء المعطّر وقرأوا بعضاً من الكتاب المقدس.. ولكن حالي كما هو، حتي عرف أحدهم كيف يتصل بأمي ويخبرها بما حدث.. وعندها قرأت لي أمي عبر أسلاك التلفون بعض التعاويز الأفريقيه.. بلغه مبهمه ..تشبه وشوشة الحيوانات في الغابه.. رحت في نوم عميق وعندما افقت عرفت أنني أم لتوائم.. ولد وبنت .. أسميت الولد 'موخا' وتعني القهوه بطعم الكاكاو؟؟
قضيت بضع سنين في اسبانيا حتي بلغ إبني الأكبر الثالثة عشر ... ثم وجدتُ نفسي في البحر متجهه نحو هذه البلاد. بعد عام من قدومي للندن تزوجت ،لأول مره، من إنجليزي وكان حظي معه ثلاث أطفال...
أنا الاّن ام لسته أطفال بعشره جنسيات موزعون في كل أوروبا...
إسبريسو.. يعمل في إحدي المسارح الأيطاليه.. ماريا .. عشقت الكنيسه فوهّبت نفسها لها..موخا يدرس الرسم بكلية ثاوث لندن..
أما أطفالي من الإنجليزي فقد ذهبوا مع والدهم بعد أن فقد الأمل في ترويضي..؟؟ أظنهم في أسكتلنده لا أدري ولكننا نلتقي مره كل عام في أعياد الميلاد .. جميعنا.. بألواننا المختلفه، ثم نتفرق إلي لقاء اّخر.. هكذا الحياه؟؟
مكثنا في مكاننا ذلك أكثر من ساعتين ندخن التبغ والقهوه.. أيضاً أصبحت دخاناً ..... إنقشع الضباب ليعطينا شمساً باهته ، مستحيه كأنها تغمض عينيها بأعين أنطوانيت وأسطورتها أو كأنها تحتويها قلاده..للإنفلات؟
قبل أن نفترق علي قبله دسست بين أصابعها ورقه صغيره كتبت عليها...
Take me away,
Take me with you,
In side you,
I may come out one day as a flower,
Let us kiss the face of the sun to gather,
We may emanate as one song,
We may grow in the same field,
And give the sky its colour.
ثم إفترقنا......
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
رجعت إلي الشوارع التي أنجبتني.. والتي ألتقتني بأنطوانيت..
هائما علي وجهي الممتلئ زبداً ورغبةً وذهولاً .. لا يلامسني شئ إلاَ بعض النسيم والمدينه التي تلبس ثوباً خجولاً وبعض أحجيه...
ركبت القطار المتجه شرقاُ و الذي تبدو عليه الوسامه علي غير عادته؟؟ ممتلئ بفتيات مقاطعة إسيكس ذوات الشعر الأشقر والضحكات العاليه..بعد مساء صاخب ووجوهنّ البيضاء مدونه عليها طبقه من الغباء وخدوش الجنس
الماجنه...
لم ألتقي بأنطوانيت منذ ذلك اليوم ولكن ذاكرتي مشبعه بها حتي الجنون .. كلما ألتقي بوجه ملون أتذكرها.
مانفكت من ذاكرتي ولم تنفك ذاكرتي منها....
وكثيراً ما تأتي في أحلامي في شكل حوريه فترهقني بمياه.. ذات مزاج يصعب غسله..
........
بعد عام أو أكثر وفي يوم نزل فيه الجليد بشده.. سمعت صوتاً مشدوداً نحو السماء.. متعباً بالقهوه .. والإشتهاء والدخان..
يغني:
Take me away,
Take me in side you
...?????
إلتفت في رهبه مرتعشاً......
وجدت أنطوانيت جالسه تحت ملصق ضخم.. دعايه لمشروب الفودكا الروسيه.. وهي تغني كلمات أعرفها جيداً..
وحولها مجموعه من الرجال والنساء يدفئون أجسامهم برحيق الفودكا اللامع.. والدخان؟؟
أومأت لي برأسها أن أجلس .. ففعلت..
Take me away,
Take me in side you
رددت هذا المقطع أكثر من مره حتي أصبحت الكلمات منحوته في ذاكرتي.. ثم وقفت .. وتقدمت نحوي وفاجأتني بقبله.. أطاحت بالبرد من جسدي..
ثم قالت لرفاقها.. هذ صديقي الذي لا أعرف أذكر إسمه.. كاتب هذه الأغنيه..
ثم أردفت.. أنا ذاهبه هذا المساء إلي أنجولا؟؟؟
ربما أجد بعضاً مني؟؟ثم إختفت بين خلايا جسدي... إلي الأبد.
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
Quote: ولكننا نلتقي مره كل عام في أعياد الميلاد .. جميعنا.. بألواننا المختلفه، ثم نتفرق إلي لقاء اّخر.. هكذا الحياه؟؟
|
| Quote: وكثيراً ما تأتي في أحلامي في شكل حوريه فترهقني بمياه.. ذات مزاج يصعب غسله.. |
Quote: بعد عام أو أكثر وفي يوم نزل فيه الجليد بشده.. سمعت صوتاً مشدوداً نحو السماء.. متعباً بالقهوه .. والإشتهاء والدخان..
يغني:
Take me away,
Take me in side you
|
| Quote: ربما أجد بعضاً مني؟؟ثم إختفت بين خلايا جسدي... إلي الأبد. |
ثم لن اقول.. سادع صديقتى- صديقة السود- {الملونين} تقول... May Ayim
من ام المانية واب غانى
ولدت فى نفس العام الذى ولدت فيه
وانتحرت وهى فى ال36 عاما فى التاسع من اغسطس من العام 1996- ثم....
لن اقول... هى التى تقول... وعليك ان تحس لغتها
(ich hatte einen geliebten
ich liebteliebe ihn noch
er liebteliebt mich noch
favoriterrorisiert
nanntnennen wir uns trost
--------
gern waeren wir wuerden wir
fort in der ferne-
voneinander entfernt sein
auf und davon und
gemeinsam gehend gegangen)
May Ayim-blues in Schwarz weiss
-----------------------
ثم انطوانيتنا تشبه الكثيرات... تشبه حكاياتهن.... تشبه روحى
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: Ishraga Mustafa)
|
العزيزه إشراقه .. مساء الخير..
الكلمات لا تاتي صدفه
الاغاني لا تاتي ايضا صدفه..
كنت دائما اتخيل ان السماء مقدوده.. اي والله مقدوده..
وان المطر لا ياتي الا من ذلك الثقب..
وعندما يفيض علي السماء .. وتئن منها..
تنبهل وتنفتح حتي النهايه..
..........
هكذا كان الزمن معنا .. يتقطر... حبه .. حبه..
وفجاءة تنبهل للطيش!!...
انطوانيت.. كذلك...
كصديقتك صاحبة الصوره
may
لم تكن صدفه ولكنها نتيجة تلك الجينات التائهه ..
كأنما الجينات تبحث عن اوعيه تحتويها..!!
نحن تلك الاوعيه..
ولكن منطق الاشياء يقول ان الظرف المكاني والاني هو الذي بحدد مسارات تلك الجينات وهو الاغلب!!
وبالتالي ظرفنا ومكاننا وارواحنا هي التي تشترك (بخبث)احيانا لتشكل لنا ما هو يساعد علي عجننا وتشكيلنا وجعلتنا تلك الكائنات
التي تروي مساحة الظل الذي نغطيه..
وبدون فلسفه كده...
نحن في الهوا سوي .. يعني ظروفنا هي هكذا..
نكتب ..
هكذا نتالم..
هكذا نشق وجه الضوء بصبرنا واناتنا .. وننضج..
انطوانيت .. بعض من تلك الظروف...
تحياتي للاسره الكريمه...
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
 
 
يا كوجان ..
كيف لمن يسيل عذوبة و جنونا .. و أنطوانيتاً ..
كيف له أن يعمل ميكانيكياً في الكاربوريترات البشرية ؟؟
....
صعقت حين علمت يا صاحبي بعمايلك في القلب البشري ..
ثم ان تكون من أميز جراحي القلب و أمهرهم في الشق و الفصد و الرتق ..
ثم أن تكتب و ترسم بهذا الدفق و تلك السلاسة الرقيقة .
يا زول إنت ماك نصيح ؟
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: دينا خالد)
|
دينا ... المجنونه كشوال مملوء بالقطط....
انا ابراهيم كوجان وبس .. واي حاجه تانيه أسالي منها عماد كوجان.. اقصد عماد عبدالله,, سالتقيك يوما من...الايام المزهره!!!!
انطوانيت تقرا لك السلام بثلاث لغات....
امسكي الخشب
امسكيهو قوي...
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: دينا خالد)
|
دينا المشوطنة ..
مساك سعيد .
رأيت الصور أعلاه لعملية قلب قام بها هذا الزنديق ..
دماء و مشارط و قفازات و كاربوريترات و أقنعة و جلافيط ..
أعرف انه طبيب و جراح ..
لكن أن يقوم بكل هذه البلاوي ؟؟؟ عادي ؟؟
لن آكل معه بعد اليوم ..
هذا الرجل بوتشر بمزاج ..
يتفنن في تقطيع اللحم البشري الحي ..
و تركيب الإسبيرات و تغيير الدواليب و الماقنيتة ..!!
بنشرجي دموي صاحبنا .
ثم يجيء كاتبا و راسما و موسيقيا و شاعر ؟؟!
من المجنون هنا ؟؟
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: Emad Abdulla)
|
صباح الخير يا عماد ..
هسع جايب سيرة المشارط ..الجلافيط والدم والجراحه.. لدينا مالك..؟؟؟
تقوم البت اللذيذه دي تقرف وما تخش هنا تاني ..
ياخي .. انت عايز الزوله دي تطفش طفشه واحده وما نلم فيها تاني ..
انت قلت صور .. هي الصور دي بفتحوها كيف..؟؟
انا ما شايف اي صوره.. والحمدلله ما اتفتحت كان انا زاتي اقول الجزار الواقف دا منو!!؟؟
ابقي عشره علي العقاب؟؟
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: سلمى الشيخ سلامة)
|
سلمي صباحاتك بخير.........
الحاجه انطوانيت .. تقوم تجي يوم تقول ماشه الحج....
والسبب الاطراء بتاعك ده!!
والله يا سلمي ما عارف كل شئ جائز في الدنيا دي .. ربنا يتوب عليها..
لكن حكاية الاقتراح بتاعك ده سوف يؤخذ في الاعتبار..
شكرا ليك كتير ... وتسلمي بالجد...
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: خضر حسين خليل)
|
خضر.....
هل تعرف بان للاشواق لعنه.. تسمي ....
فعليك لعنتها...
عامل كيف وكل الاشياء لها رياح شماليه و... مناخ البحر الابيض الملاصق ... شمال أفريقيا ...انت فاهم..؟؟
وعشان كده فاتح لي .. المهم بكره بتصل بيك.....
من الخضراء!!؟؟
ياخ انا ما شديتك.. انا بجرب في الكتابه كان مشت كويس .. اتوكل واواصل .. عشان كده.. حاواصل..
لانو .. شايف الناس متكيفين من حكاية الوصف دي؟؟
غايتو يشيلو شيلتم معاى .. وتاني كان جات واحده زي انطوانيت.. يا هو الواح مدبسه فيهم..
ارقد عافيه يا ما نصيح.. وحاسدك عديل كده .. علي الرياح الشماليه الغربيه.. ومناخ الجن الانته فيهو ده!!!!!!!!!!!!!!!!!!!!!
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
Quote: رأيت الصور أعلاه لعملية قلب قام بها هذا الزنديق ..
دماء و مشارط و قفازات و كاربوريترات و أقنعة و جلافيط ..
أعرف انه طبيب و جراح ..
لكن أن يقوم بكل هذه البلاوي ؟؟؟ عادي ؟؟ |
عماد !! وينها الصورة ؟؟!! ...
جيبها ياخ يمكن صدمة الدم والذي منو تشيل طعم الدهشة العالق من انطوانيت ...
كوجان ... متعة خالصة ...
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: sanaa gaffer)
|
يا سناء جعفر...
السلام الكتير والشوق المدفق..
انتي جايبه سيرة الدم والمشارط ليه...
ما اخير ليك تمسكي في انطوانيت دي احسن..
لانو حكاية الدم والمشارط دي انا زاتي زايغ منها بالكتابه والكجننه..
يعني نوع من الهروب لعوالم تانيه عشان ارتاح..
غايتو لو عماد نزل الصور انا زاتي حاهرب وما اتلقي تاني...
تسلمي يا جميله...وخليك مع انطوانيت دي ..
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
Quote: يا سناء جعفر...
السلام الكتير والشوق المدفق..
انتي جايبه سيرة الدم والمشارط ليه...
ما اخير ليك تمسكي في انطوانيت دي احسن..
لانو حكاية الدم والمشارط دي انا زاتي زايغ منها بالكتابه والكجننه..
يعني نوع من الهروب لعوالم تانيه عشان ارتاح.. |
في دي صدقت يا كوجان.. معظمنا بيهرب بالكتابة من عالمو .. انا شخصيا لمن ابدا اكتب .. بانسى كل شئ حواليني ..
بانغمس جووووووووة الناس والحاجات .. وبانفصل تماما عن الواقع ...
لكن يا اخوي الكتابة زاتها خشم بيوت ... انت حقتك بيقولوا عليها كتابة ... احنا حقتنا بتقول عليها نانسي عجرم شخبط شخابيط 
لكن مصرة على الصورة ...
ــــــــــــــــــــــــــــــــ
عماد عبد الله .. عليك الله الصورة ...
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: Ishraga Mustafa)
|
يا إشراقه....
لاحظت انو الكي بورد بتاعي عايز تصليح .. وشغال بمزاج مجنون يوم يعمل فيها مجنون وماعارف عربي ويوم الماني ..
والله يحير..
المهم عمي قوستاف دا اعمالو خرافيه.. جدا وزي الاحلام و يشبه حكاية الحوريات!!!..
دخلت في الويب سايت بتاعو.. لقيت ملايين دخلو.. قبلي .. حاجه عجيبه..
وانتي عندك حش عالي بالجد مع الزول دا ؟؟
ويدلل علي رؤيه فنيه ثاقبه.. زي حكاية ال.... لك قراة اخري يا صديقه من ابواب الكتب المقدسه؟؟..
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: منى على الحسن)
|
مني علي ..
التحايا
اولا شكرا علي المرور ...
ويعدين يا اختي ما في كتابه شخبطه وتانيه كويسه .. كلها كتابه وبس.. واهم من كده انو الزول يطلع الجواهو...
ويرتاح...
وهي ... يعني (كتابتي نوع من الوصف لما يحدث امامي ولاني احب السفر والتجوال المشاهد بتكون زي ما شفتي.. وصف في وصف..)
اما حكاية الصور دي عماد قام نزلها وانا برقع في قلب بني ادم زي وزيك..كده.. قلبو يكون وارم من الحب مثلا... وانا الزول الطويل الواقف شمال الصوره ويمين العيان..
بحاول انزل صوره تانيه فيها وجهي القبيح بس قولو يا ساتر.. و‘قرأو المعوزتين .. بعدها..
حكاية الرسم دي زي حكاية الكتابه.. موضوع تاني قايم بزاتو أحسن زول كبير فيها يتكلم .. عماد مثلا ...
لو عجبتك صورة انطوانيت ولا( الشخبطه)الجابها عماد....قولي امين.. ونواصل
لك محبتي الخالصه..!
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
Quote: مني علي ..
التحايا
اولا شكرا علي المرور ...
ويعدين يا اختي ما في كتابه شخبطه وتانيه كويسه .. كلها كتابه وبس.. واهم من كده انو الزول يطلع الجواهو... |
كوجان .. اولا اعتذار شديد على خلط الاسماء ... منى صديقتي وزميلة السكن متعودة تطلع بدون ما تعمل خروج من المنبر ... ويا مؤمن يا مصدق انا اجيك داقسة وادخل واكتب المداخلات بدون ما اغير من اسمها لاسمي .. اها وتحصل اللخبطة ...
وبعدين بالتاكيد في كتابة شخبط شخابيط وكتابة دسمة بتشبع الروح .. زيك وزي صاحبنا عماد عبد الله دة... انا باقراكم واقول آمنت بالله
Quote: لو عجبتك صورة انطوانيت ولا( الشخبطه)الجابها عماد....قولي امين.. ونواصل
لك محبتي الخالصه..! |
صورة انطوانيت كملت الخيال وكفى ... وكلام شيخنا عماد قطع دابر الحكاوي .. وكفى ...
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: Emad Abdulla)
|
Quote: سناء يا صاحبتنا ..
منى .. مساء الخير .
و الله لم " أتبلى " على صاحبنا ..
لو ان أنطوانيت علمت بما يقوم به و هو برداءه الأخضر لهجرت صاحبكم من ساعتها .. |
شيخنا عماد ...
اها شرحنا سالفة منى ولخبطة الاسم فوق ... باحاول تاني ما ادقس ...
يا عماد .. سمعت اغنية " طبيب جراح " لجورج وسوف ؟؟!! ...
تاني كل ما اسمع الاغنية دي حاتذكر كوجان " الجزار " وهو بيداوي القلوب الورمانة من كل تبعات الحياة ...
ياخي ما قصرت في الصور ... كدة بس جيب لينا واحدة واضحة عشان نقدر نستوعب التناقض الغريب بين تقطيع الاجساد وترميم الارواح ...
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
كوجان والوان القزح- التلوين ده فى احساسى {الفنى وكدى} مابيختلف عن اللوحة التحت دى
حقوق تصويرها محفوظة فى البوستر ده نفسه- العيون عاد ياسناء ياختى بقن خلاااااس على آخر بقة جزولين الحالة لابسة نطارة، اصلى انا بت ام كوجان الكبيرة
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: Ishraga Mustafa)
|
شروق مساءاتك كلها خير..
التلوين النزلتيهو دا عاملو تحت اعمال ام تكتمل...
لكن المهم انا اهديهو لسناء جعفر ..
ومني ...
وريهان
ودينا...
وطبعا مرافئ الفنانه الكبيره انشاء الله
انا بخير لكن الكمبيوتر مزاجو... زي الزفت
عماد طبعا عندو المجموعه الكامله...
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
| Quote: التلوين النزلتيهو دا عاملو تحت اعمال ام تكتمل... |
عزرا ياكوجان، صاح والله لمن رسلتها لى مع مجموعة اخرى نبهتنى انها اعمال غير مكتملة
يعنى لسه عاوز تكوجنها لكن يا اخوى ماقلنا العتب على النظر والذاكرة كمان
الله يفك كربة كمبيوترك يا ود امى
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: sanaa gaffer)
|
شكرا يا سناء يا بت جعفر...
غايتو يوم تختي لي حواء الطقطاقه...
والله انا زول مسكين بحاول اكل عيش مع مخاليق الله.. وبس وبعدين لامن تشوفي الصوره الاصليه اوع تغيري رايك...
وتختي ندي القلعه مثلا... ها ها ها لك من السلام والمحبه ما يملا الكون...
تسلمي
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
سناء جعفر..
مني الحسن..
دينا خالد..
وكل المداخلين.. صباح الخير .. ومساء الخير ..وكل من يرغب في انطوانيت.. كامله !
ارسال ال e-mail to me
[email protected]
واعدكم بارسال الفايل attachement
وكل عمل اخر اقدمه من خلال هذا المنبر ....
التحايا
عماد حتاكل معاي لامن اجي السودان ولا كتر خيرك..
دينا المجنونه.. يا رسلي لي صورة محسن خالد الكانت في البروفايل.. عندي فيها شغل يمكن تحبيهو اكتر؟؟؟؟
خضر ليك قراءه خاصه يا رجل.. امسك الخشب!!
اشراقه... تحايا حاره ولك محاره مكتمله..؟؟
مع السلامه والله كلامي خلص تب!!
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: Emad Abdulla)
|
عماد الملعون بحد الدهشه...
امس جبنا السيره مع الملاعين.. خضر حسين,,
وضحكنا حتي الثماله.. من بعض الذكريات...
سوف اتامر معك ضد الاحرف والكلمات ..
ولن اضربك ... والعجله بتاعتك حتكون معاك..
رسلت ليك ايميل عن البرازيل.. وعليك ان تختار منه ما تشتهي من اطوانيتات ,,,اصلو الايميل مليان... بهن؟؟
الباقي اقولو ليك في اضان التلفون .. التعبير الاخير دا مسروق من احدي الصديقات لكن عاجبني والله..
يارخ رد علي التلفون .. اصلو رصيدك المعاي فيهو مليون دقيقه..
والله استعملها كلها مع خضر وبهاء بكري .. ياخ الله يرضي عليك ورد علي سجم الايمان بتاعك دا ولا حاغير صوتي .. واخليك تسيب البلد عديل
كده.. عليك لعنة الاعشاب الطبيه....... وحتاكل معاي.. انا قربت .. فتحززززززم؟؟؟
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: عادل عبدالرحمن)
|
ولذا وجبَ عليّ أن أشكرك ،
رغم أنّي أفتح لك نافذة الشجى هذي ثانية ً ، بعد أن أغلقتها على قلبك المكلوم ،
فلقد سريّت عنّي قليلا ، وأنت تنقل لي خبر أن جيناتها قد ظهرت بأرض "الهَملتيين" الإنقليز ،
و إلا لكنتُ قد متّ كمدا . [QUOT
عادل .. صباح الخير ...
لكم انطوانيتكم ولي انطوانيت...؟؟
ياخ طيب ماتجي نتبادل الجينات؟؟
والله فرحت انك تمتلك هذه الذاكره الخرافيه ومن الان فصاعا سنكون ....
فرنساوي دي اددتني حكايه غريبه احكيها ليك بمزاج... بس.. تعال ؟؟
رسل الايميل بتاعك.. انا بتاعي في البوست دا؟؟ مشكور يا اخو البنات اقصد الجينات؟؟11
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: ibrahim kojan)
|
يا عماد ؟؟ خلاص قررت تطبق فينى النظريات اياها ؟؟؟؟
Quote: و أنا ؟؟!!
داير إيميل و رقم تلفون .. |
لا ياخوى نايس تراى ،، نحن كان مامتنا شقييينا المقابر !!
ونعلم سلفا ودون ان تعرض للتجربة انو مصيرنا هو مصير الاوليــــــــن والاخريــــــــن !!
Quote: بعد صورة الإيميل التي أرفقتها .. قمت بمراجعتي للـ BULK MAIL و وجدت رسالة .... التي أوردتها ..
أعتذر ، عن عدم انتباهي لبريده , |
اها نبقى فى جنس دا ؟؟؟؟ BULK MAIL ؟؟؟؟ يعنى عامل ليك خور كبييير فى ميلك ؟
ولا قايلنى ما سامعة الكواريك دى ؟
| Quote: يارخ رد علي التلفون |
| Quote: ياخ الله يرضي عليك رد علي سجم الايمان بتاعك دا ولا حاغير صوتي |
| Quote: عليك لعنة الاعشاب الطبيه |
اها انا بلعن حاجات تانية !!
ــــــــــــــــــــــ
ياعمدة ،، ياااا صاح ، ًَُُسمعت تلفونك وايميلك دا ضاااااااااربة مالية البلد
واضانا ما سديناها ،،،، وبصراحة ،، انا صغيرة وحلوة ،، وكرامتى بتوجعنى 
ما بستحمل المرمطة دى ......... وبرضو شكرا على عزومة المراكبية دى 
ما يجاملوك فى كعب ........
| |
|
|
|
|
|
|
|
|
|
Re: أنطوانيت.... الجزء الثاني و الأخير.. (Re: دينا خالد)
|
Quote: يا عماد ؟؟ خلاص قررت تطبق فينى النظريات اياها ؟؟؟؟
Quote: و أنا ؟؟!!
داير إيميل و رقم تلفون ..
لا ياخوى نايس تراى ،، نحن كان مامتنا شقييينا المقابر !!
ونعلم سلفا ودون ان تعرض للتجربة انو مصيرنا هو مصير الاوليــــــــن والاخريــــــــن !!
Quote: بعد صورة الإيميل التي أرفقتها .. قمت بمراجعتي للـ BULK MAIL و وجدت رسالة .... التي أوردتها ..
أعتذر ، عن عدم انتباهي لبريده ,
اها نبقى فى جنس دا ؟؟؟؟ BULK MAIL ؟؟؟؟ يعنى عامل ليك خور كبييير فى ميلك ؟
ولا قايلنى ما سامعة الكواريك دى ؟
Quote: يارخ رد علي التلفون
Quote: ياخ الله يرضي عليك رد علي سجم الايمان بتاعك دا ولا حاغير صوتي
Quote: عليك لعنة الاعشاب الطبيه
اها انا بلعن حاجات تانية !!
ــــــــــــــــــــــ
ياعمدة ،، ياااا صاح ، ًَُُسمعت تلفونك وايميلك دا ضاااااااااربة مالية البلد
واضانا ما سديناها ،،،، وبصراحة ،، انا صغيرة وحلوة ،، وكرامتى بتوجعنى
ما بستحمل المرمطة دى ......... وبرضو شكرا على عزومة المراكبية دى
ما يجاملوك فى كعب ........ |
والله ما فاهم حاجه... انا غلطان ولا حاجه..
قولو لينا في شنو؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
| |
ibrahim kojan
خضر حسين خليل
Ishraga Mustafa
طلال عفيفي
Emad Abdulla
دينا خالد
سلمى الشيخ سلامة
ريهان الريح الشاذلي
إيمان أحمد
عادل عبدالرحمن
فيس بوك
تويتر
انستقرام
يوتيوب
بنتيريست