|
|
 يا يا سر مبيوع ...... أجمع هنا سريعاً !!
|
المبدع ياسر مبيوع ..
الذي قضى بيننا أوقات جميلة .. فأمتعنا بفنه الراقي ...
وأمتعنا بصوته الدافئ
وبحضوره اللامتناهي ..
الذي يملأ المكان إحساساً فريداً بالدفئ والأمان ..
الراجل فنان ورقيق بمعنى الكلمة ..
ومعنى الكلمة دي زاتها أقصدها بمعنى الكلمة ...
ووفاءً لهذا الإنسان ..الإنسان دعونا نتفقده ...
ويا صحافة 30 أجمع برضو ..
ومعاك تسجيلاتك الخترية ..
|
|
 
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
كل من عاشر هذا الفنان من قريب يحس أنه أخوه الصغير .. أو إبن خاله الذي يحبه ..
وتحس أن بينك وبينه عمراًُ مديداً من الصداقة العميقة ...
الراجل صادق في فنه ..
في تعاطيه معاني الأخوه ..
هادئ دائماً.. إلا أنك تحسه يمتلئ قلقاً وألقاً..
صادق في التعبير عن المواقف العامة ...
بسيط التركيب سهل التعامل معه .. إلا أنه (غريييييييييييييييييييييق) الإحساس ..
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
كل من عاشر هذا الفنان من قريب يحس أنه أخوه الصغير .. أو إبن خاله الذي يحبه ..
وتحس أن بينك وبينه عمراًُ مديداً من الصداقة العميقة ...
الراجل صادق في فنه ..
في تعاطيه معاني الأخوه ..
هادئ دائماً.. إلا أنك تحسه يمتلئ قلقاً وألقاً..
صادق في التعبير عن المواقف العامة ...
بسيط التركيب سهل التعامل معه .. إلا أنه (غريييييييييييييييييييييق) الإحساس ..
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
عثمان دغيس
أهلآ ،، ووينك ، مختفي
سمعتو واللا جابو ليك ؟
لما دخلت هنا كنت فاكرك عامل دعوة للدكتور الفنان ياسر مبيوع
عشان يجي زيارة للدوحة حتى يعطر أمسياتها بالغناء الجميل
وكنت ح أتضامن معاك في هذه الدعوة
لكن بشروط ثلاث :
1- يبتعد من كمال سالم وشلته
2- مايسكن مع عمر سعد ولا يرد على تلفوناته
3- أن لايصطحب النوم معاه ،
هناك يكمل نومو
وهنا يسهر مع ربعو وكومو
إلا لقيتك عايز تجيبو بالتسجيلات ودعومات الولد حسام ص 30
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: أبو ساندرا)
|
والله يا ابو ساندرا حايم فى البيت ركن ركن
مشرك للنت يجى شويه ويروح
وعشان ماتقول بتاع ملح الايام دى مسافر وحايم كالعاده
وبعدين جاييكم بدون دعوه عشان ما تقولو لى الزياره انتهت
اها عمر وكمال مالك معاهم لا عيان لا داير ليك رخصه
واحد كفيلى والتانى كل ما يلاقينى بعزمنى باسطه
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
اخى وصديقى عثمان دغيس
تجدنى دائما حاضر كما وانت واحبائى
فى الدوحه دائما حاضرين فى تمام الصباح والمساء
والله انى اشتاقكم فردا.. فردا وكم يشدنى الحنين
للعوده على جناح طائر
فريبا جدا ياصديقى سيلتئم شملنا
وعلى الخير والجمال الذى انتم صانعوه اينما وليتم وجوهكم
لك منى اجمل التحاياواصدقها
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
عثمان دغيس
صباح الخير
تسجيل حضور ومتابعة
يااخوي ياسر مبيوع اليومين ديل مافاضي ليك ولي دوحتك دي.....تلجه مكسر بي هناااااااااااك ....في قناة زول ....التقول نحنا ماازوال.....
لكن ياعمك بيجي الخريف ....واللواري بتقيف....ويكترن علينا التعاريف....طبعا التعاريف دي مافي زول هنا بعرفه غير صاحبي ابو نضارات ده ....!
مبيوع
ابقي واصل
هارون دياب
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
يا أبو مروووووووووووووووًة
يا ود القريش ..
يا صحافة
يا من له باع أو حتى شبر في التكنولوجيا
عكموا لي الصورة دي ..
حاولت أعمل فيها حريف وأنزل صورة في بروفايلي فإذا بها بقت زي المسرح الأكبر من ساحة الرقيص ....!!!!!
أسوي شنو يا خوانا دلوني ..
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: Alsa7afa_30)
|
تسلم يا صديقي وجاري صحافة 40 عشان خاطرك ...!!!
المقاس ده شكلو كده ح يكون ظابط تمام ..
وبعدين ياخي إنت مش واعدني قلت لي بمر عليك لإعطاء بعض التوجيهات في شنو كده ماعرف ؟؟؟ ( قلت لي يومها كلمة بالإنجليزي كده ...! )
راجيك وشاكر فضلك مقدماً .
شوف لينا حاجة كده لمبيوع ...
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
عثمان دغيس تحياتى ,,
وشكرا على تذكرك حبيبنا الرائع دكتور ياسر مبيوع والذى بحق وحقيقه افتقدناه
كثيرا , واشتقنا ( لعوده ) الرنان ( وصفارتو ) الطروبه , وصوته الشجى , وكما قال
انه عائد قريبا للدوحه اسأل الله ان يجمعنا به فى احلى الاوقات وياحبذا لو تم حضوره
فى هذه الايام الربيعيه , حيث جو الدوحه صار اكثر روعة بوجود الشاعر هاشم صديق ,
والكاتبه الشاعره الاديبه الطبيبه ... ناهد محمد الحسن ,,,
أبوساندرا
ــــــــــ
( كمال سالم وشلتو ) ياربى شلتو ديل ناس منو ؟ وبعدين ياسر لوجاء اليومين ديل
أنا ذاتى مافاضى ليهو ,, ممكن افكو ليك لحدى الطياره ماتقوم ,,
كسره يادغيس
ــــــــــــــ
يأخى ماتشوف لينا طريقه لصورتك المشاتره دى ؟ فى بوست فاتحو ود القريش لانزال الصور
بس قال للجكس فقط ,, لكن حاول معاهو يمكن يكون فى استثناءات للناس الوجيهين زيك ,,
بعدين ( دغيس ) ده اسم مامريح , بالمره عدلو مع الصوره ,,
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: kamal ali)
|
الحبيب كمال سالم
صورتي المشاترة صلحتها بمعاونة حسام صحافة
لكن إسمي ده ( دغيس ) بصراحة ما في طريقة لتغييره لسببين :
1/ إنه لقب أساسي للوالد ، إسم خلوة ..!!
2/ إسم فني وأنا عاجبني وقاشر بيهو عدييييييييييييييييل كده ..!!
أخير تولف عليهو سااااااكت ..........
تحياتي وتشكراتي .
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
الدغيس..حبابك
صحيح مصيرو الحي بيلاقي..
لمحتك في منزلة الفقيه ..(The jurist ) احمد عثمان..الذي استنطق سجيله .. صديق محمد عثمان.. في مناظرة فريدة في نوعها.. في محاولة فهم ما كان..و قلت نسلم عليك.. لكن ..!
تكالبت على جيوش الذكرى.. و استحضرت كل الوجوه.. ياخي لغاية فرح محمد احمد (فرح العريبي)..و مابين ذلك من اسامي جكس صارت طشاش طشاش..و لكنها تعرف كيف تكتب حضورها بوسائلها الخاصة جدا..انت الجكس النضيف بعد ما يتخرج بيمشي وين يا الدغيس؟
ياخي ..كان السودان بلد حدادي مدادي.. و بره وحيد فقط .. بر السودان يا عتمان.. سره باتع.. فهو شرقا..و نحن للصلاة نيمم شرقا..و للحج نيمم شرقا.. و للإغتراب نيمم شرقا و الدغيس من ضمن خلق الكريم.. ايضا .. كانت حضرته ان يا دغيس يمم شطر شوقك شرقا.. فسبحان الذي جعل لنا من بعضه منهل الحنين شرقا (دي مخصوصة عشان نسطح باستاذنا ابو ساندرا..و حرم ما نديه سر الصلاة الدغيسية دي الإ بعد أن يدفع بياضا)..
ذهبوا في زحمة السنين العتية..و تبقت منهم وجوههم الخواطر.. غتاتة خالد بله.. اسكت ساكت خليها.. ياخي عمك عثمان حسين بيغني في البزنس اسكول.. و خالد يزحف..و يزحف.. لغاية ما لقى ليهو فرقة سلم على الأسطين العملاق..و قالو.. غني لي غنية بعينها.. اطرق الأسطين..و نزلة منو دمعة (على غرار تلك التي لم يمنعها حضور الأمة مجتمعة)..و امتشقى صالة المسرح..و و لملم خالد بله حنينه..و يمم شطر البركس..فكانت سماء السودان .. رغم كثافة الغبار.. تجود بهالات القمر .. البهية.. فيضحك خالد بله بكية..و نحاول نحن أن نستعدل الحال بالتصبير على نائبات الحنين..
محمد هاشم.. ياخي ناس الحاج يوسف ديل غايتو عندهم جنس محن.. نقول ليهم البحر درويش.. يقولوا ليك (الوليد)..و في معمعمة غلاطنا ذاك.. تسرقنا السنين ..و يسخر المولي (بسبب البحر درويش حسب قولنا..و الوليد بحسب قول محمد هاشم) لعبد العظيم أن يفك كفة بنطلونه التي قصرها سنة..ثم يبذل كفه مصافحة بعد أن كاد يصيبها الصدأ ..و صمت السنين..وقتها اعلن حامد الطيب (الجعلي) انه اتهزم (على غرار مرسي الزناتي)..وخرج مغلوب اربعة صفر.. فصابته ام هلا هلا..فاختار بر السودان.. و هو يحرم (كجعلي قح)..البيخلي الدغيس يشرق.. اشمعنا ما يشرق بي.. ها ناس الله هو .. دي مراكب الحنين حكمت.. شنو قولكم معاها؟..
و محمد هاشم محنو محن ياخي..يومو الحفظ ليهو حديث نبوي شريف.. حفظ حديث الكراع..و جا يقشر بيهو.. وفي منو؟.. في ناس واحدين كده.. فيهم غنة و لجنة .. تودي العالم كلو التوج..و لأن اخوك سيد هذا الحديث .. بدوي و زول الله ساكت.. كان له حس تجاه الخطر المحدق.. فنظر.. و رأي ..يا لهول ما رأي ..قدم لامع مجهبذ.. يتنصل عن الحذا ء اب كعبا مسمار..و سحبه اخوك.. و قال ليهو قدامي يا محمد هاشم.. ياخي ربك ستر..و كان وشه ح يتشوه..و نبقى في غاغة مخطط يساري..و ما شابه..
و في حضرة التياب البهية نقيف.. كما خلق الله..اجملها توب الدويمات..و توب مدني السني..و اخر من دنقلا..و توب دنقلا يا الدغيس.. اذكر له في قاعة بابكر عبد الحفيظ.. أن صابته زهجة تجاه أنس الكافر.. فلم يمنعه الوقار من أن يقول لأنس (انعل دينك يا انس)..ياخي دي أجمل سبة دين على وجه الأرض .. حتى الآن.. لم يكسرها رقم جديد.. و انا ارى فيها جمال السوداني العادي..و تلقائيته التي لا تمنعه أن يعبر عن ذاته.. حتى لو كان ..محكوما بالحجاب مظهرا..و بالتوب جوهرا..و بنون النسوة قهرا..و بالكوزنة نهجا.. عالم جميلة بشكل..ياخي..
و نصر الله.. تبهره العوالي حينما تشمخ بمقدماتها.. فيصير يتغبى فينا العرفة.. حينما نشاركه الرؤية.. نقول ليهو يا نصر الله خلى بالك من الضحكة الرنانة..و جرسها الصهيل.. يقول ليك شن عرفكم.. البحب العالي .. الله بيعلي مقامو..و صار يحلم بالعلو.. حتى صابته حسرة..و بقينا نحن في موقف الشامتين.. نكتب تأريخ الضحكة الرنانة..
عبد الباقي الجزولي.. ياخي ده زول جميل بشكل..في البركس شيخ الساخرين الجميلين..و في الكلية مسكين مسكنة السنين.. عندو ليك تجليات شديدة بشكل.. يا عبد الباقي شن لاماك في الأسامي..؟ يقول ليك الأسامي خلوها.. اسمعوا اللجنات..ياخي انا لمن مرقت من الجامعة.. كنت عارف عشرومية لجنة بسبب عبد الباقي..
اها .. غراموا بالأسامي مرة دخلو ليك في حيص بيص..لأنو القائمة فيها ملوك..و يشيل و يغني لينا في غنية الكابلي يا بت ملوك النيل...وواحدة تانية لخضر بشير..و لمن شاف الشغلانة.. ياخي زولك كفر بالقوائم ..و الأسامي كلها.. ووكتها كان ابكر ادم يباصر قصيدته صوت الوتر السادس..و يقول ليك لا تثق بالجامعة..و اللافتات اللامعة..
عبد الباقي يهرب لنا في غابة البركس..و كانت دار درك وكتها يا الدغيس..قصايد ازهري شرشاب..اها نحن قامين واقعين (احتاج امرأة مبدأ.. تبقى بالداخل لا تصدأ) لمن مرقنا في ام طرقا عراض..
صحيح الحي مصيرو بيلاقي..
و اقول لإبراهيم الشيوعي..و احمد ضي النور.. كيتا فيكم.. سبحان الذي اسكن الموج سر البراءة..و منحه ثوبا منقى من لمعة الفرح الطفولي العجيب.. فضاع نصف الأمة..و صار نصفها الأخر مشتتا في فلوات الكون يكتب معلقة الأشواق الحادية عشر..
ا..زول.. جنس كلام كتير في الراس..من زمن قبيل .. لغاية زمن سرقة ياني للدليب..
يا زول الكلام كتر..
حبابك..و مبروك الزواج ..و الخلفة كمان..
و سلام لعلي سند..عتمان الجعلي..جمال على التوم..عبد الباقي الجزولي.. و غالب..و خالد بله..و انس ..محمد هاشم..وحامد الطيب..و كل الأصدقاء و الصديقات هناك..
و سلام لأحمد عتمان عمر..و الأستاذة منال..و قول لأحمد .. كعهدك انت الوحيد من الموحدين الشديدين..
نقرئك السلام يا الدغيس..
و نعتذر لصديقنا ياسر و زوار البوست على البهلة..
كبر
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: Kabar)
|
يااااااااااااااااااااااااااااه يا كبر
ما زلت تحمل الألق والقلم الرقيق المبدع
...
هيجت فينا رياح ذكرى عاتية .. الرياح والذكرى كلاهما عاتي ..
يا حليلك وحليل تلك الأيام الغريبة الحنينة ..
كان كل شيئ فيها صادق وطاعم ..
لم نكن نعلم أن ما يخبيه لنا القدر من فرقة وشتات يفوق حد ما آل إليه ..
خالد بله
محمد هاشم
حامد شطة
ونصر الله البضرع ..
وجريدتكم ديك ( حاجة فيك ..!!)
و ....و...و...
أبو ذر الحنكوش...!
وبناتنا الإمتثالات
وكل شلة .... كما كانوا يسمونها
وبناتنا التانيات الطيبات البريئات وغير البريئات ..!
وود الزين
ومرتضى الصادق الذي لم اجد من يشفي غليل سؤالي الدائم عنه وعن (صحته )
ورفيق الدرب علي سند وعزائي الوحيد أنه معي أينما حللت بل وناسبته ..!!
وفريق القانون
وكورال القانون
وقدورة
وجميلة بت الجمعية
و و و و و و و و و ووو ,,,
والله أنا هسي في حالة ما بيعلم بيها إلا الله ..
ربنا يجمعنا وكل ناس الزمن الحنين الشقي في زمن أجمل ..
تسلم يا محمد النور
وتحياتي لك ولمن معك ...
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
دغيس ومبيوع وضيوفكم
مساء الخير
| Quote: الجديد 6 اغانى جديده وشديده |
منتظرنها بفارق الصبر
Quote: وماشى على ناس ضياء ميرغنى ومليجى
ويعدين على ناس سمندلاوى وعبد الله وداعه |
اخلص منهم بسرعة
| Quote: وبعدين دوغرى عليكم |
وفي انتظارك.....وفي انتظار الجديد .....ماتطول الغيبة....
التحايا
هارون دياب
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عاصم الطيب قرشى)
|
عاااااااااااااااااااااااااااصم الطيب
الراجل الصوفي الغريق في بحر غوييييييييييييييييط من الإبداع ..
وييييييييييييينك يا راجل ومالك ما بترد على تلفوناتنا ؟؟!!
سمعتو واللا جابوه ليك ..
ومبروووووووووك كل النجاحات اللي حققتها والتي أنت أنت ولا أحد غيرك أهل لها ؟؟!!
آخر أخبارك شنو ووليداتك و و و و و
وما قلت بتجينا يا حليل مجيك ..
والله مشتاقين ليك كتير ومحتاجيييين للقائك ..
ربنا يجمعنا في ساعة خير
وأتمنى أن تكون في ( زريبة ) الطاهر قورو في مدني !!
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
العزيز عثمان
| Quote: مالك ما بترد على تلفوناتنا ؟؟!! |
أولا يا عثمان نمرة التليفونات الضاربة لأستراليا غالبا
ما تظهر تحت private No. ثانيا ربما ضربت فى أوقات متأخرة
من الليل عندنا, مع إعتبار أن فرق الزمن بيننا والدوحة من سبعة إلى
ثمانية ساعات.
ُم ياخى نحن لاقينك وين
Quote: آخر أخبارك شنو ووليداتك و و و و و
وما قلت بتجينا يا حليل مجيك ..
|
الحمدلله أنا والاولاد وما زالت الموسيقى توقع خطانا
Quote: ربنا يجمعنا في ساعة خير
وأتمنى أن تكون في ( زريبة ) الطاهر قورو في مدني !! |
ألحى بيلاقى ومع شوقى الشديد للطاهر قورو وزريبته لكن إنشاءالله
ربنا يجمعنا كلنا فى زريبة المكاشفى ولا البرعى.
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: مبيوع)
|
يسوري
زمان الناس هداوة بال
وإنت زمانك الترحال
وليلهم عمرو ما سآل
وليلك لي صباحو سؤال
قسمتك يا رقيق الحال
مكتوب ليك تعيش رحال
تسامر في الغيوم أشكال
روائع تذهل المثًال
أما آن الأوان أن تضع عصى الترحال ...!
ويا ليت ذلك يكون بين ظهرانينا ..
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
Quote: يسوري
زمان الناس هداوة بال
وإنت زمانك الترحال
وليلهم عمرو ما سآل
وليلك لي صباحو سؤال
قسمتك يا رقيق الحال
مكتوب ليك تعيش رحال
تسامر في الغيوم أشكال
روائع تذهل المثًال
أما آن الأوان أن تضع عصى الترحال ...!
ويا ليت ذلك يكون بين ظهرانينا .. |
عثمان
سلام يحمل كلام يحمل محبه
هل لى غير الترحال نصيب
وطريقى المرسوم كثير التعرجات
لكنه ينتهى حيث
من حملونى فى الاحداق
فنقشو رسمهم فى دواخلى
سيناريو النهايه يا شقيقى
سنكتبه كما نشتهى
وسالقى عصاى امام مضاربكم
حتما
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: مبيوع)
|
فاتحين ذراعاتنا
وأبواب بيوتنا
وأبواب قلوبنا
و و و و و
لإستقبالك
وأغنياتك السبعة الجديدة ...
أسي تجي تقول لي دي عاوز أديها عافية
ودي لي يسري
ودي لي فلان
ودي لي علان ...!!
والله حيرتنا معاك ...
المال السايب بيعلم السرقة ...
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
عثمان ياصديقى
من يسجن الابداع ليس بفنان
ومتى ما خرج فهو ملك لكل القلوب
والعيون والاذان
ومحبة الناس هى الكنز الحقيقى
فى كل الازمان
اعطيت جوهرة المعز لشروق
وساعطى بشتاق وكاتيتها هند محمد لعافيه
واغنيتين لنانسى
وسافعل ما لم يفعله الكبار
فقد تجنو على الفن بقدر ما اعطو
وعاملو الصغار بنديه غريبه
الا استثناءات قليله
دع الزهور تتفتح لتعود للفن عافيته
ولا تقلق فقد ادخرت لنفسى ما يكفى لملء
اريع البومات شحمانات
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: مبيوع)
|
الله يا ياسر ..
إنت ياكا الفنان فيمن عرفتهم ...
ولن تكن ياسراً لو لم تكن بهذه الأريحية والسخاء والروح الفنانة ...
تخريمة :
شوف لي أكورديون ألماني ولتميستر كونسونا 120 باس معاك وإنت في جولتك الماكوكية دي وأديني تلفون على 009745847490 ، الموضوع مهم جداً ..
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
مبيوع
مساء الخير
اخبار رحلت هولندا شنو .....؟
طبعا كنت جاييك في بوست هولندا ....لكن كيتن في طارق المكي ....والله البوست داك الا اكان اودي ليك الخور ....قبل الساعة 12 ....قال 60 مداخله لي يااخوي قال ليك انا .........؟
وكان حنيت علي مره
وكان حركت عجلاتك
التحايا
هارون دياب
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: haroon diyab)
|
Quote: مبيوع
مساء الخير
اخبار رحلت هولندا شنو .....؟
طبعا كنت جاييك في بوست هولندا ....لكن كيتن في طارق المكي ....والله البوست داك الا اكان اودي ليك الخور ....قبل الساعة 12 ....قال 60 مداخله لي يااخوي قال ليك انا .........؟ |
حبيبنا هرون
مساء الفل
للشتاء والمطر هناسحر خاص يعرفه الشعراء والعشاق
والجمال والذوق يمنح الدفء والعذوبه
وفيها اسرار يعرفها القليلون من عشاق الفن
بالله خلى بالك من طارق دا
ود فنان وفرده وتعال لى بهناك عشان اديك كم سر!!
| |
|
|
|
|
|
|
|
|
|
Re: يا يا سر مبيوع ...... أجمع هنا سريعاً !! (Re: عثمان دغيس)
|
فوق ...
فوق...
فوق...
إحتفاءً بمبيوع الذي ما فتئ يزودنا بكل ما هو جميع ومفيد للروح ..
والذي ما كف ( زي ما بتقول الدكتورة ناهد !!! ) أن يمدنا بما يعيننا على تقبل مرارات الزمن ..
بمزيد من الفن العميق الصادق ..والذي لم يتوانى لحظة من عطائه اللامحدود ... حتى ظننا أننا سنورثه ...!!
فوق..
فوق..
| |
|
|
|
|
|
|
| |
أبو ساندرا
مبيوع
haroon diyab
انعام حيمورة
Alsa7afa_30
kamal ali
Kabar
معتز جعفر الحسن
فيس بوك
تويتر
انستقرام
يوتيوب
بنتيريست