|
كرامة تمبـــــــــس .. يوم الجمعة القادم ( عقب الصلاة ) .. دعوة لبورداب الرياض ..
|
عموم فلول ( بورداب الرياض ) وما جاورها .. ( الاقاليم المحايدة والحلل الصغار صغار ) .. نتنادى خفافا وثقالا ( ثقالا ديل ناس خالد سعيد ) .. ( وخفافا ناس معتصم دفع الله ) .. الي مخرج ( 18 ) .. في إحدى ( الاستراحات ) التي ( حنشوفها بعدين ) يعني لسع ما حجزنا .. وكل زول يجيب لينا معاهو ( عمود الغدا ) بتاعه .. .. .. وما دايرين ( تنسيق ) ولا بتاع .. هذه ( الكرامة ) تحت شعار ( شيل عمودك واركب تعال ) .. .. .. يوجد ( وست ) بعد الغدا ..!
|
|
|
|
|
|
|
|
Re: كرامة تمبـــــــــس .. يوم الجمعة القادم ( عقب الصلاة ) .. دعوة لبورداب الرياض .. (Re: حمزاوي)
|
الاخ العزيز حميدة لك التحية و التقدير انت دائما صاحب مبادرات . عزيزنا تمبس سلامتك و اشلاق البوليس بالقضارف كرامتك ----- بمشيئته تعالى نكون من الحاضرين لهذه ( اللمة ) . يا حميده كل ما اسمع كلمة ( عمود اكل ) طوالى بتذكر الشجرة الكبيرة البتكون فى المستشفيات و المراقفين ملمومين حول الاعمده و مجموعة و تشكيله مختلفه من ملاح البامية الفرك و الخدره و ام رقيقه الفيها (وش ) زيت ---- وطبعا المريض مسكين بكون لابس جلابية ظهرية و ريحتو ( ملاريا ) ووشو شاحب و نفس ماعندو فى الاكل ---- اكيد حا تكون سرحت مع المنظر دا . موعدنا فى الاستراحة لكم مودتى معاوية التوم
| |
|
|
|
|
|
|
|