|
|
 ليه كده يا ابو اللمين...فنحن نحبك..!!!
|
الفنان محمد الامين يكفي بانه غني للثوريين في هذا المليون ميل مربع (الملحمة)
لحن ملي بالثورية ومقارعة الظلمة والقتلة
وصار خالدا عميقا في وجدان كل سوداني يكره القمع والظلم والديكتاتورية الهولاكية..
دماء القرشي واصحابه لم تجف حتي لحقت بها دماء الكثيرين
سليم
بشير
التاية
والان طالب جامعة الجزيرة والكثيرين من الذين نكلت بهم ايادي الدقن التحت الكاب
والافك رباط البوت.... والشهداء العظام (علي فضل وصحبه)
والعديد من الشهداء الذي اريقت دمائهم في دارفور والجنوب وشرق السودان
............
كل الحسرة والواحد يطالع ضوئيات الصورة التي حملتها ايادي صبية الانقاذ المرتجفة فرحة وتعتقد بان
بتلك الصورة قد نزعوا جذوة الغضب والثورية والهام الملحمة التي ابدع فيها الاسطوري هاشم صديق..
كل الحسرة يا استاذي محمد الامين
والابداع والقضية مساران يتقاطعان في مجمل مسارهم...
..غني وتكرم ما شئت يا فنانا الجميل ولكن تاكد بان سطوة تلكم الكلمات الخالدة صارت ملك لهذا الشعب
ولن تستطيع كل الايادي المرتجفة ان تنزعها من قلوب محبي الحرية والثورية...
http://www.sudani.ws/music/mohamedelamin/01-almalhama.html
|
|
 
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: عبدالكريم الامين احمد)
|
كيكي ...
سلاااام يازول ...
حزنت كثيرا لهذا العملاق و هو
تتقاذفه ايدي المرجغيين ...
كيكي ....
للانقاذ سياسة ..اخنصارا تسمى (هذا أم ألطوفان)
فلنجد لمبدعنا العذر فهو قد اختار اخف الطرق ضررا
الى نفسه ومن يحب ... اذ ان الطريق الاخر الذي كانت
ستسلكه الانقاذ هو طريق القبح فاذا رفض التكريم كان
سيحارب في لقمة عيشه ومستقبل اسرته .........
فأختار هذا تفاديا للطوفان
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: Ahmed Abdallah)
|
| Quote: فأختار هذا تفاديا للطوفان |
هلا يا احمد
ونتفق بان الانقاذ تمارس سياسات الابتزاز ولوي عنق الحقيقة والتنكيل
وابو اللمين له مطلق الحرية في ان يفعل ما بدا له
ولكن فليتذكر بانه غني للثورة
واكتوبر وقمع الطغاة
وان لحنه هذا وكلماته العميقة ستهرب ودون استشارته في ذلك الحفل الشوائي
فالملحمة القوية الكلمات دخلت القلوب ومسام القلب ونهض بها جيل كامل...
ستهرب الملحمة يااحمد وستقف شوكة حوت ضد كل طاغية رعديد
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: kamalabas)
|
| Quote: ولتهنأ الانقاذ بأمثال أسحق فضل الله والمرحوم فراج الطيب والقيقم وشنان!!!! |
مرحب والف سلام يا كمال
ونعم فلتكرم الانقاذ مثل شنان وصحبة فهم وقودها الذي بكلماتهم كانت ولاتزال تسير به...
ولكن محمد الامين ومثله من المبدعين الكبار كانوا وقود للثورة ورفض الظلم وعهود الظلم التي شبت
حواجز وموانع... وبتونات الحانهم خرجت مئات الارواح من وهج النيل وعانقت السماء تحت سياط الجلادين
...
مهما يكن من امر يظل ابو اللمين خالدا في دواخلنا وموسيقار عزف علي كل اوتار الوجدان السوداني
بموهبة عالية وعكس احلامه ذات يوم بصدق ...لذا نحن حبه
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: عبدالكريم الامين احمد)
|
الاستاذ عبد الكريم
التحية لك وانت تدوما مصادم
بتعرية الانقاذ ربماان يكون جانبك الصواب ولكن افتكر أن
المبادى لا تموت واتمنى ان يكون الاستاذ محمد الامين
لدية ما دفعة للقبول التحية لك ولكل شرفاء بلادى
Quote: أعتقد أن المطلوب المزيد من التواصل مع تلك العناصر وتنبيهها لأجندة
النظام....وعدم مسح تاريخ هولاء ومواقفهم السابقة- بجرة قلم مع تثبيت
حقنا في الاختلاف مع المواقف الاخيرة لهولاء.......
.....التحية لمن سطروا- بمواقفهم و أقلامهم وقصائدهم الملتهبة-سطروا
معاني البطولة والجسارة: التحية لمحجوب شريف وهاشم صديق والحردلو
ومحمد المكي أبراهيم.... المرحوم علي عبد القيوم
اعتقد بان هذا المنطق الذى يجب ان نثق بة
وبعدين ما ممكن نقارن امثال ابو اللمين بقيقم وناسف ان يوضع اسمة مع كوكبة
هذة القامات. وانت ذكرت بعنوان البوست بنحبك يا ابو المين اتمنى
تجد الاعزار امن نحب
لك مودتى واحترامى
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: بابكر التوم)
|
Quote: بتعرية الانقاذ ربماان يكون جانبك الصواب ولكن افتكر أن
المبادى لا تموت واتمنى ان يكون الاستاذ محمد الامين
لدية ما دفعة للقبول التحية لك ولكل شرفاء بلادى |
هلا بابكر ومرحب
واكيد يا بابكر ابو اللمين لن يجلس مع قيقم وشنان ومثلهم من فناني السلطان
وانصاف المواهب
لذا يا ابوبكر جات حسرتنا
لو كان واحد من ناسهم ديلك اليكرموهو زي ما عاوزين
ولكن ابواللمين ده زول براااهو ونكن له حب خاص وتقدير عالي واعجاب
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: عبدالكريم الامين احمد)
|
يا كرام..ده حق من حقوق الفنان ود اللمين .. وهذا الرجل له حقوق كثيرة عليناأن نؤديها له وكذلك علي الدولة.. ويكفي أنه ألهب أكفنا وقلوبنا منذ أكتوبر وحتى أبريل.. فلماذا نضن له بمكرمة حتى ولو أتت من جهاز لا نرضاه.. التحية لود الأمين وكل مبدعي السودان .. والذين لم تلن عودهم سنين الانقاذ وحيفها نحو الفن والابداع..
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: صلاح الفكي)
|
اخ صلاح
سلام وتحية..
لست ضد تكريم ابو اللمين ولا ينبغي لي ان اكون كذلك...ولكن...!!!!
ولكن الم يغني محمد الامين للنضال سكة الحياة مهما درب السكة طول..
الم يغني محمد الامين للشهيد الرمز القرشي الذي قتله العسكر
فجاء بشير
ثم سليم
ثم التاية
ابو اللمين من حقه ان ينال كل اوسمة التكريم وانواط الابداع في بلاده
ولكن من ايادي متجانسة ومتسقة من روح وفلسفة ملحمتة وليس من ايادي تغتال
المواطن السوداني وتعذبه تعذيب وحشي وملتخة بالدماء...
الامر ليس غناء وتكريم والسلام ..
ان كان لابد من تكريم جهاز الامن لمحمد الامين فليكن الخيار
1- يتحرر هذا الجهاز من افعاله القهرية ويسلخ جلده الملتخ بارواح الشهداء
2- او ليتحرر ابو اللمين ويبصق علي كل اناشيده التي ترفض القهر والظلم واولها الملحمة....
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: عبدالكريم الامين احمد)
|
الاخ عبدالكريم
لك التحية
مهما قام اهل الانقاذ من تكريم لمبدعينا فهم لن ينالوا منهم شيء او ينتقصوا من قدرهم ووضعهم في خانة المؤيدين لهم ولسياساتهم
احيانا في اعتقادي عندما يقبل المبدع والفنان بهذا النوع من التكريم فهو نصر له ، لانه اجبر هؤلاء على الانحناء لفنه وابداعه
فهذه البلد ليست ملك للكيزان ، ولا هذه الجوائز والتكريم هي اشياء يتعطفون بها على المبدعين
فهي قليل من دين وحق يوفون به لهم
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: maia)
|
الاستاذة مايا
(الاخ عبدالكريم
لك التحية
مهما قام اهل الانقاذ من تكريم لمبدعينا فهم لن ينالوا منهم شيء او ينتقصوا من قدرهم ووضعهم في خانة المؤيدين لهم ولسياساتهم
احيانا في اعتقادي عندما يقبل المبدع والفنان بهذا النوع من التكريم فهو نصر له ، لانه اجبر هؤلاء على الانحناء لفنه وابداعه
فهذه البلد ليست ملك للكيزان ، ولا هذه الجوائز والتكريم هي اشياء يتعطفون بها على المبدعين
فهي قليل من دين وحق يوفون به لهم )
هو ده الكلام المظبوط ، يعنى اتخيلى رأى محمد الامين في الانقاذ شنو؟ ووردى والقائمة تطول ، ولكنهم إتعاملوا معاهم
بادواتهم نفسها يعنى منو اللى ضحك على التانى ، الناس دييل عرفوا إنو تصرفات الانقاذ فرفرة مذبوح ،
وبدوا يتصرفوا تصرفات التعلق بقشة ،
المكرمين عارفين إنو الانقاذ عنده رأى فيهم ، وما هم إلا مجرد زناديق وكفرة ، ولكن خضوعهم يثبت ما ذكرتيه أعلاه
لكى ودى
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: ترهاقا)
|
| Quote: المكرمين عارفين إنو الانقاذ عنده رأى فيهم ، وما هم إلا مجرد زناديق وكفرة ، ولكن خضوعهم يثبت ما ذكرتيه أعلاه |
هلا يا تهراقا
وكانت ايضا ستكون صورة المبدع اكثر توهجا وضيا ان صفع السلطان الظالم
برفضه الوقوف في منصات تكريمه
وكل الود
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: maia)
|
Quote: مهما قام اهل الانقاذ من تكريم لمبدعينا فهم لن ينالوا منهم شيء او ينتقصوا من قدرهم ووضعهم في خانة المؤيدين لهم ولسياساتهم
احيانا في اعتقادي عندما يقبل المبدع والفنان بهذا النوع من التكريم فهو نصر له ، لانه اجبر هؤلاء على الانحناء لفنه وابداعه
فهذه البلد ليست ملك للكيزان ، ولا هذه الجوائز والتكريم هي اشياء يتعطفون بها على المبدعين
فهي قليل من دين وحق يوفون به لهم |
هلا والف تحية يا مايا
ونعم المبدع الحقيقي المنتمي الي قضايا شعبه لا تغره او تهزه هدايا او عطايا السلطان
والتي هي اساسا اتية من عرق وجبين هذا الشعب المسروق
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: عبدالكريم الامين احمد)
|
كيكى .... سلامات
انقل ليك راى كتبتو هنا
الجنرال لا يتحسس المسدس الموضوع على نافوخ البشر...مثال فنان شهيد/حى
Quote: و دعوة لتخفيف هذا "الحب القاسي" *
قالها محمود درويش لمحبيه و جمهوره هو و سميح القاسم
للمنتقدين اقول:
الانقاذ تمسك برقاب وارزاق الناس، والخذلان في كل الجهات، لا تجبروا الناس على بطولات ربما لم يخلقوا لها، لا تجبروهم على الارتماء كليا في حضن القبح، انتقدوهم بمحبة دون نصب المشانق، التمييز ضرورى بين من "وازن" لاسباب تخصه في موقف واحد (وافترض انا ان مثل وبعض اخر محمد الامين كذلك ) و بين امثال سيف الجامعة المهرول دون خجل في كل المسارح خالعا سروال المعارض ليلبس "تكة" الدرويش و خادم السلطان والتكة لا تستر عورة
الاصوات الناعقة الان: لا ليس الجميع سواء، هنيئا لكم بسيف الجامعة وامثاله ... و كل من رضي ان يدوس ابداعه بقدميه.. لكننا لن نترك لكم بسهولة امثال محمد الامين لن نترك لكم جزء من وجداننا .... سنقول له "شينة يا باشكاتب ... لكن انحنا فاهمين" ونقف لنتلقي احد ردوده اللاذعة .... نضحك معه و نتهكم على انحطاط "الامن" و صبيانه و نردد مع الباشكاتب:
اقيف وسط البلد
واهتف
بريدك يا صباح عمرى |
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: esam gabralla)
|
| Quote: الجنرال لا يتحسس المسدس الموضوع على نافوخ البشر...مثال فنان شهيد/حى |
عصام جبر الله تحياتي يا زو ل يا سمح
والله علي ما اقول شهيد قبل 8 ساعات دار حوار كالاتي
- الو
مرحب
- الليلة قريت كلام بكاني في سودانيز اون لاين
كلام شنو يا بت الناس
-كلام عصام جبر الله ياكيكي عن المبدعين
يا عصام لقد ابكي حديثك الجميل المرهفين منا
الماسكين علي جمر اشياء كالجمر....
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: عبدالكريم الامين احمد)
|
العزيز كيكي،
سلامات،
قبل فترة محمد وردي أجريت له عملية زراعة كلى..
والعام الماضي محمد الأمين أجرى عملية جراحية في القلب..
والجمهور الكريم الذي ظل يستمع الى أناشيدهم وأغانيهم
بالمجان هل وقف معهم وساعدهم بالتبرعات من أجل علاجهم؟
المواقف لا تقاس بالكلام وإنما بالبيان بالعمل..
وعلى هذا الأساس الجماعة ديل قاسوا نبض الجمهور
وما وجدوا أي تجاوب مادي..
لذلك يجب أن لا نظلم أهل الفن.. لأننا لا نعلم بظروفهم..
والمضطر بيركب الصعب..
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: عزيز عيسى)
|
عارف يا كيكي ..
الجماعة ديل ما أذكيا .. لكن مراهنين على سأمنا و القهر الدخلوهو فينا ..
و شكلهم ح يكسبو الرهان ده ..
في شنو ما هبشوه و لوثوه و كرهوا الناس فيهو ؟؟
و أهو بوستينك ده دليل .
الإبداع هو آخر الحصون الفضلت واقفة بعد تساقط الساقطون يمين يسار , و إنبراشتهم الشينة و ضنبهم الدخلوهو بين رجليهم .
الإنقاذيون بيتذاكوا بحرفنة و خبث , و نحنا بنبلع الطعم عميانين ..
زعزعوا إيماناتنا بكل شي و فرقونا أيدي سبأ و عرفوا كيف يخترقونا نحن الأمة صاحبة التجارب الكبيرة ..
تجاربنا الأدخلوها في عبهم من خلال سجم تنظيماتنا , و إنقهرت الناس و بقت بلا سند و لا ثقة في أي شي , و أهو بايتين القوا و على طوى أحلامنا .
السرطان ده يا صاحب كنكش في كل شي بخبث مخطط ليهو , مش زي ما قال عصام جبرالله إنو دي حركة عبيطة و ما من اختصاص الجهاز الأمني ده و إنو اختصاص الوزارات و الجهات المختصة ( و كأنو أصلاً في مختص في الخرابة دي ) , أها بالتحديد عشان حكاية ما اختصاصو دي و عشان سمعتو دي و عشان كراهية الناس ليهو , و عشان و عشان و عشان .. يبقى هو الأنسب عشان يوصلوا إحباطنا مداهو في آخر شي بيلمنا : الفنون و الآداب .
خلينا كمان نتبرا من إنتاجنا الإبداعي ده و مبدعينا , و نسلمو ليهم و نزح بعيد .. يكونوا هم نجحوا في غرز خنجر تاني في جسمنا المشلول أصلاً .. و في النهاية ح نقيف قدامهم طرزانات و ميطي من كل إيماناتنا الكانت صخرة لينا و سندنا .. عُزّل تماما من أي يقين يسندنا .
يا زول الباشكاتب ح يفضل ياهو الباشكاتب .. و كذلك وردي و غيرو و غيرو .
و الأنظمة تروح و تجي .
قول يا لطيف يا كيكي .
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: Emad Abdulla)
|
Quote: يا زول الباشكاتب ح يفضل ياهو الباشكاتب .. و كذلك وردي و غيرو و غيرو .
و الأنظمة تروح و تجي |
تحياتي يا عمدة يا اصلي
ونعم يا عماد كلامك ده هو الشي الوحيد الباقي في دواخلنا نتسربل به ونحلم بغدا جميل فيه تترجم
كل كلمات واغاني وردي وود الامين...
والانقاذ بشعة يا عماد
بشعة حتي وهي تحتفي بالمبدعين وكما شوهت اشياء كثيرة في ذلك الوطن الكبير
هي الان تمارس تشويه بعض نوافذ الوجدان وتمارس فينا الشواءء القسري...
...
لن يكن هنالك احباط يا عمدة والحان قوية مثل الملحمة التي غناها الباشكاتب يرن صداها في الوطن
والف تحية وشكر
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: عزيز عيسى)
|
Quote: قبل فترة محمد وردي أجريت له عملية زراعة كلى..
والعام الماضي محمد الأمين أجرى عملية جراحية في القلب..
والجمهور الكريم الذي ظل يستمع الى أناشيدهم وأغانيهم
بالمجان هل وقف معهم وساعدهم بالتبرعات من أجل علاجهم؟
المواقف لا تقاس بالكلام وإنما بالبيان بالعمل..
وعلى هذا الأساس الجماعة ديل قاسوا نبض الجمهور
وما وجدوا أي تجاوب مادي..
لذلك يجب أن لا نظلم أهل الفن.. لأننا لا نعلم بظروفهم..
والمضطر بيركب الصعب.. |
مرحب يا عزيز
والف تحية وشكرا علي حضورك يا عزيز
واعتقد باننا قد نتفق بان محمد الامين بالذات قد مر بازمة
لكن ياعزيز ايضا قد لا نختلف بان الجمهور يبادل هذا الفنان كل الحب العميق
وكان يمكن بكل سهولة ويسر ان يترجم هذا الحب الي دعم مالي خرافي
واتفق ايضا بانها ازمتنا ازمة الذين يجب عليهم ايجاد هذه الية في وقتها ومكانها الصحيح
من احزاب تنادي بالديمقراطية وجهات مجتمع مدني وافراد يهمهم امر المبدعين
لذا اشعر انا ايضا يا عزيز بالحسرة وتانيب النفس والضمير والقصور..
ولكن اشعر ايضا بالاسي والحزن عندما اري ابواللمين يعاقب من جهاز الامن القاتل
وفي الدول التي تحترم مبدعيها قد لا نحتاج لمثل هذا الحديث فهنالك موسسات تعني وتهتم بكل شوؤن المبدعين ويعاملون كثروة قومية..
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: عبدالكريم الامين احمد)
|
غياب و انعدام أدنى الصيغ لدعم المبدعين إبان محنهم
و الإكتفاء بالرهان النظري و الإنتظار
أعطى الإنقاذيين فرص الصيد في مياه الصمت و العجز و الكسل و التمني و "النوستالجيا"
فالتفوا حول رقاب مبدعي الشعب كما تلتف الحية حول فريستها , و بذلوا من ما ليس لهم كي يوقعوهم في الشراك ,
فهل نعاتب أبو اللمين و العيب فينا ?!!
90 % من جيل أكتوبر و أبريل " هجر البلد بعد السنين المرة" يا حبوب
تقول لي شنو و تقول لي منو !
تحياتي,
| |
|
|
|
|
|
|
|
|
|
Re: ليه كده يا ابو اللمين...فنحن نحبك..!!! (Re: Elmuez)
|
| Quote: أعطى الإنقاذيين فرص الصيد في مياه الصمت و العجز و الكسل و التمني و "النوستالجيا" |
مرحب يا المعز
وطولنا ما شفناك يا زول في المنبر اتمني ان تكون بخير
ويا المعز يبدو اننا شعب لا يتعلم من التجارب ولا تسعي قواه الناشدة للتغيير في ان تكون خلاقة وتحمي
اشيائها الثمينة
ففي وطن شهد علي مدار حركته السياسية ومنذ الاستقلال اطول فترات حكم الفرد
كان لابد من نظرة ثاقبة توازي النضال المسلح مع النضال السياسي مع رعاية المبدعين
وخلق اليات موازية تحمي الكثيرين من جور الزمان...
فالاحزاب التي تعلع بضرورة التغيير السياسي عليها ادوار في عمق المجتمع ويجب ان تكون قريبة
من كل مكوناته في كل اللحظات,,,
| |
|
|
|
|
|
|
|
| |
عبدالكريم الامين احمد
Ahmed Abdallah
kamalabas
بابكر التوم
ترهاقا
عزيز عيسى
Emad Abdulla
فيس بوك
تويتر
انستقرام
يوتيوب
بنتيريست