كتب الكاتب الفاتح جبرا المتوفرة بمعرض الدوحة
|
Re: يا اخوانا بيني وبينكم استاذ علي عثمان محمد طه عاجبني عديل كدة (Re: khaleel)
|
خليل سلام عليك
لكن ما تنخلع أنا بقول ليك الله يخيبك أناقايل القبة تحتها فكي
لكن فشلتني
ياخي ببساطة جداً
أديني أنا الجربان دا قروش كتيره وحرص يحرصني وسلاح وبيت سمح مأمن ووسائل إعلام تحت تصرفي وطيارات تحت تصرفي وأمن عام وأمن دولة ودبابيين ودفاع شعبي
أتحداك كان ما أكون هادئ - وذكي - ولبق - وأرتجل ليك كلام يحيرك
وأعجبك
أها المشكلة في شنو
تحياتي
نورالدين
| |
|
|
|
|
|
|
Re: يا اخوانا بيني وبينكم استاذ علي عثمان محمد طه عاجبني عديل كدة (Re: khaleel)
|
يا خليل سلامات
صحيح علي عثمان شخصية ذكية وقيادية مدربـة ,
مقارنة مع قياديين سودانيين معينين للتوازنات أو للصدف أو للوراثـة , تجدهـم يرتجفون كلما اقتربوا من مكبرات الصـوت ,
شخصية منفتحـة وعقلية كبيرة تستطيع أن تأخذ وتعطي معـه , اختلفتم أو اتفقتـم ,
للاسـف , ينـدر وجود مثل شخصية علي عثمان في أوساط الجبهة الحاكمـة من القمة وحتى أصغر جندي دفاع شعبي , عنجهيـة واستكبار وصـلـف وتفلت على أبناء الشـعـب ...
هـذا مع التحفـظ على الخط السياسـي...
لك التحيـة
أحمـد الشايقي
| |
|
|
|
|
|
|
Re: يا اخوانا بيني وبينكم استاذ علي عثمان محمد طه عاجبني عديل كدة (Re: عبدالكريم الامين احمد)
|
Quote: نيفاشا وما بعدها عكست بعض مواهب تمكنه ولكن يا خلي الاشياء لا تتجزاء وانسان يوخذ في تجربته ككل والتاريخ لا يرحم وارواح الذين ماتوا في بيوت الاشباح والذين شردوا وعذبوا لا يغفر ابدا ابدا... |
كريم ما تعرض برة النقارة زي غيرك
انا لا اتكلم عن تجربة الانقاذ
انا بتكلم عن زول شاطر زي محجوب عبيد وحامد بريمة بتكلم عن موهبة هذا الرجل
اما تجربة الانقاذ فالسياسييون يتكلمون
نحن بتاعين ناس ماكردة وتمبك ساكت
| |
|
|
|
|
|
|
Re: يا اخوانا بيني وبينكم استاذ علي عثمان محمد طه عاجبني عديل كدة (Re: khaleel)
|
Quote: نحن بتاعين ناس ماكردة وتمبك ساكت |
هلا يا خلي وبعد ان ثبتنا حق ناس ماكردة وتمبك فووق.. نجي لموهبة زولك (ابو علي ده) والناس ديل يا خليل مصايبهم وموهبتهم الشايفة دي بتكون بدت معاهم من زمن الثانويات وجات مجانية التعليم في ردهات البركس والنشاط تم ليهم الناقصة... لان الصراع بكون الزمن داك صراع داير مقدرات عشان تستقطب اكبر قدر من الناس في التنافس الحاد مع الشيوعييين والاحزاب الثانية فلازم الكادر يكون ناقش وتفتيحة وشايل للاركان تفاتيحها
| |
|
|
|
|
|
|
Re: يا اخوانا بيني وبينكم استاذ علي عثمان محمد طه عاجبني عديل كدة (Re: khaleel)
|
أخي خليل فالنتفق معكم في صفات علي عثمان مما يتمتع به من ذكاء وحنكة ألخ .. بس يا أخي عشرون عاما وهو يتحدث ماذا قدم للشعب السوداني الذي ملء وسئم الاستماع والوعود والتكرار والحلف باليمين والطلاقات ؟ تخريمة: أنا معجب بواحد حضرت له مقابلة في برنامج الخط الساخن الاسبوع الفات .. اسمه سلاف الدين من حملة الشهادات العليا .. محور الحديث عن آلية جمع الأسلحة وهو المفوض الأعلى رئيس لجنة جمع الأسلحة .. المذيع يكرر السؤال عن تلك الآليات والخطط لجمع السلاح وهو يتحدث عن إعداد القوة لليوم الأسود والرماية وركوب الخيل ويفتخر بأن الدفاع الشعبي لديه (ثلاث ملايين) جاهزين ولن يطالهم برنامج المفوضية لجمع الاسلحة ومعهم كثير من مناطق العمليات الملتهبة حسب وصفة في الغرب وأبيي .. برضو سأرشحه وله صوتي.. خالص الود والشكر الشفيع إبراهيم
| |
|
|
|
|
|
|
Re: يا اخوانا بيني وبينكم استاذ علي عثمان محمد طه عاجبني عديل كدة (Re: mahmed alhassan)
|
أخي الحبيب،
إذا دخلت في تفاصيل أي صورة شخصية لأي دكتاتور عبر التاريخ دون أن تتأمل في الإطار فستجد نفسك في ورطة كبيرة بين ال"لا" التي يعبر عنها الإطار وال"نعم" التي تستدرجك نحو الإعجاب بالتفاصيل.
الإطار الكبير هنا يقول كيف فات على شخصي مثل علي عثمان محمد طه أبجدية أن تعليم الشعب إحترام وممارسة الديمقراطية أهم بكثير من قطع المراحل نحو الرفاهية (إن وجدت) على أكتاف القيم والمباديء..
بمعنى آخر.. أرحم لنا كسودانيين أن نكون في الفقر مع العدل والديمقراطية مئة عام.. من أن نحقق الرفاهية في عشرين عاماً ونحن نفتقد أخلاقنا، قيمنا وإنسانيتنا.
لأنني لا أعرف حينها ماذا تركنا لمكيافيللي؟
| |
|
|
|
|
|
|
Re: يا اخوانا بيني وبينكم استاذ علي عثمان محمد طه عاجبني عديل كدة (Re: khaleel)
|
تحايا ياخلى,
لقد كان هتلر موهوبآ فذآ, وستالين وكذلك الحجاج وفرعون, إنها مواهب حقيقية فى التقتيل والإقصاء.. مواهب لاتستطيع التنفس فى تواجد الآخر لأنها فاقدة للمكون الإنسانى والديمقراطى, وبالتالى قادرة على إزاحة أرواح الآخرين عن الوجود بكل مهارة حال توفرها على السلطة..
صديقنا خلى يحدثنا عن موهبة , وأنا أسأل فيما برعت تلك الموهبة..??
إن موهبة تبذل ثمانية عشر عامآ من عمرها لتتعلم كيف تنطق لاتسمى موهبة..!!
| |
|
|
|
|
|
|
|