|
وكان البيني وبينك
|
وكان البيني وبينك سر حزن القصائد ووجع الم جوف حروفها مولع في حشاها نار كمائن لامن تأن وتمشي عليك من غير ارادة وتتاوه ريد وكنتي جائة من رحم الغيب بشارة امل وكان البيني وبينك بحر شوق واسع ممتد مهيج فيض مشاعرو رياح الشوف مقومة ودار امواجو مد فائت الحد ملاحق السحاب وسادي الافق شاقيهو عليك بي مركب عشق وانشدخيال طيفك وطن في موال غنى المركبية ساعة قلبي ليك يحن ويسرح في سواحل حروفك ويموت في الشوف شوق ويذيد في الشوق جن ويرسم عيونك في خاطرو مدن حب ومراسي ريد ويشتهي قيف رموشك حضن منابع جوف الحقيقة لي فرح الوصول فيهو ترتاح مقاديف وجدانو من تعب السفر وقساوة الزمن الصعب البيني وبينك سوهاد الليل ولحظة صدق في صباح راسم صورتك شبق طالة فيهو ملامح قصائدك ضؤ شمس مفرهد زهرة حب ومالي المكان حنين ضؤ احساسك ورد وكان البيني وبينك توارد خواطر في روحين جسد نواح غنى الطير في الغربة وطن فرح ضحك لعب اطفال تحت المطر وكان البيني وبينك ما بين الغيم وشهقة ارض هم غبش واكثر من حلم
يوليو /2007 وعدلت يوم19/1/2008
|
|
|
|
|
|
|
|
Re: وكان البيني وبينك (Re: مدثر محمد ادم)
|
ويوم تطلع عليك شمس الصباح تحجيك في الريد وتقول ليك اختك يجئ المغيب تغيب وتقول ليك وحاتك من ما بدءيت اطلع حبيتك وتخليك تغرق في بحر حزن صمتك وتوه مابين الشروق والغروب وتكتم جواك وجعك وتتنفس الم حروفك سكات وحتى الشمس بتراوق في الصباح بالضؤ محن وتصبح علي الورود اشتعال وحريق
| |
|
|
|
|
|
|
Re: وكان البيني وبينك (Re: مدثر محمد ادم)
|
وحين احترق تالم بصمت الرماد ولكن النار اخذت تصرخ وتستغيس اشتعالأ من الحريق وذادته حريق ورماد واذدادت الم واشتعال فتسال في سره قبس هذاء ام حريق ؟ فتذكر حكمة الحريق (النار حين تشتعل تاكل نفسها اولأ وتصرخ باللهيب ) عجبي ....
| |
|
|
|
|
|
|
Re: وكان البيني وبينك (Re: مدثر محمد ادم)
|
ولما شفت كيف الحقيقة اتزيفت قصائد بكيت من الضحك سكات وصالحت من الحزن نفسي صمت وشفت كيف بكون العشق مزيف للناس نفاق واتمنيت في عزلتي ما القاك عشان ما انكوي بجمر الندم الحراق عجبي
| |
|
|
|
|
|
|
|