|
|
 طبيعي أنحاز للسماحة !!!
|
كنا جالسين انا وصديقي على نجيل إحدي حدائق الجامعة
حيث نحضر للماستر وإذا بفتاتين تظهر عليهما آثار العز والنغنة
(اللهم لا حسد) واحدة جمالها يحير والتانية شناتها تحير
المهم صحبي إحتار فقام سألني وقال لي " حسي لو خيروك وقالوا
ليك تعرس ، ياتي فيهم حتختار ؟!!!)
قلتا ليهو وبدووووون تردد ( السمحة ) ، إستعدل في قعدته صحبي
وقال (إنتا مجنون !! .. حسي كان الشينة طلعت أغنى ؟!! ... ليييه
إخترتا السمحة؟!!) .. قلتا ليهو ... طبيعي أنحاز للسماحة 
|
|
 
|
|
|
|
|
|
|
|
Re: طبيعي أنحاز للسماحة !!! (Re: نادر محمد الراضي)
|
اخى نادر
الجمال شى من ابداع الخالق يحسه اكثر الذى فيه ابداع ويعرف قيمة التفاصيل
يظل هذا الجمال وتلك(السماحه) جهاز هزاز يعمل كلما وقع بصرنا فيه فنهتز له من الداخل.. والذى لا يقدر الجمال ولا يعرفه عليه بالتدرب على معرفة الاشياء حينها تكتمل انسانيته وتتكامل عقلانيته .
واعوذ بالله من القبح اذ انه العدم.
واجمل ما فى تفاصيل الابداع الالهى انه كملنا بنقصنا... وهذه دعوه للتفكر فى هذه الجمله.
تحياتى الجميلات.
| |
|
|
|
|
|
|
|
|
|
Re: طبيعي أنحاز للسماحة !!! (Re: نادر محمد الراضي)
|
... عشان كده: أغنية { أنا في شخصك بحترم أشخاص } نموذج لنقلة نوعية
في { عالم غنانا الجميل } بعد أن وصف شعراء الحقيبة كل آيات الجمال الحسي
وما استبقوا إلا قليلا جدا!
ماشي كويس يا نادر، الإحساس بالجمال ده أول علامات الرشاشات، الخطوة
الجاية: كورس مكثف في كيفية مكافحة قوات مكافحة الشغب 
| |
|
|
|
|
|
|
|
|
|
Re: طبيعي أنحاز للسماحة !!! (Re: نادر محمد الراضي)
|
... أسي إنت وصاحبك ده لو كنتو هلالاب:
كان هو قال ليك: حاول يخفي نفسو
وإنت كنت قلت ليهو: وهل يخفى القمر في سماهو؟
وكنتو -بعد داك- قلتو بصوت واحد: أبدأ لأ، شفناهو شفناهو
وبعد ده كلو كنتو غنيتوها بالليل في الover night بتاع صاحبكم مين كده ما عارف
___________________
القعدة الفي النجيلة دي، قبالة تلك الوجوه الفاتنة، لو كنا قاعدنها أنا ومحمد البشرى،
أو عمر الفاروق؛ كان عملنا ليكم طفرة فنية
| |
|
|
|
|
|
|
|
|
|
Re: طبيعي أنحاز للسماحة !!! (Re: نادر محمد الراضي)
|
..
يانادر
خليك راضي بقسمتك
وكل زول بشوف السماحة من منظوره ..
ما شفت الشينات في الشارع معرسات كمان والدات بمزاج
طيب !!
بيني وبينك البتزوج بشوف زوجته أجمل بنات الناس ؟؟
إنت إنحاز للسمحة أم عجن ..
والتانية بتلقا ليها زول (( ضهبان )) .
(( عندي زول صاحبي .. شابكني عايز لي واحدة سمحة
يفتش ليه مية سنة .. آخر حاجة نقلوه بورتسودا مامورية
سنتين .. جاب ليه (( تيس )) عديل..
لكن دا إختياره .. ))
شكرا للموضوع الظريف ..
سلم
..
| |
|
|
|
|
|
|
| |
نادر محمد الراضي
محمد البشرى الخضر
حسين يوسف احمد
صلاح شكوكو
فيس بوك
تويتر
انستقرام
يوتيوب
بنتيريست